Dili,
(ANTIL) – Feto nia partisipasaun ba dezenvolvimentu nasionál mós
importante, atu bele halo mudansa signifikativu iha baze to’o nasionál,
Diretora Fundasaun CAUCUS, Paula de Cortereal Araujo ba ANTIL iha
Salaun Osana Bebora, Dili, Kuarta (21/9).
‘’Fundasaun
CAUCUS hanesan rede feto, nia papél importante atu kapasita feto sira, antes
realizasaun eleisaun suku no eleisaun jerál. Nune’e bele partisipa iha
dezenvolvimentu setorál sira’’ Diretora informa.
Tuir
Diretora, atu hasa’e kapasidade feto nian iha kontestu dezenvolvimentu,
dadaun ne’e iha konsellu suku atuál feto rua ne’ebe sei kontinua hela sira nia
mandatu, sira hala’o monitorizasaun ba implementasaun governu nia
programa iha nivél suku, ne’ebé implementa hosi kompaña sira.
Iha
lei agora garante tebes, atu feto sira partisipa iha prosesu kandidatura.
Signifika, feto iha ona oportunidade hosi aldeia ida no ba suku ida-idak atu ba
kandidata an iha pozisaun xefe suku no xefe aldeia.
Tuir
nia obervasaun, feto nia partisipasaun iha dezenvolvimentu, hahú kedan
hosi nivél baze. Ne’e mós hatudu katak, iha ona balansu jeneru ou lae,
iha kualidade projetu ne’e ba iha sira nia suku ou lae.
Lei
anteriór, fo dalan hanesan ba feto nain 11 iha sefe suku. Signifika,
partisipasaun feto mós hanesan partisipasaun mane iha dezenvolvimentu
suku no nasionál.
Entretantu,
Fundasaun CAUCUS presiza prepara feto sira atu reforsa sira-nia koñesimentu,
antes eleisaun suku no eleisaun jerál iha kontestu partisipasaun feto iha
polítika.
Preparasaun
feto sira importante, tanba hatene oinsa atu sai xefe suku no sai reprezentante
iha parlamentu nasionál, bele aprezenta mós orsamentu siensivél ba
jéneru.
Partisipasaun
feto iha vida polítika iha asembleia parlamentár ho 38%, as liu iha Azia
Pasifiku no sai númeru 6 iha mundu. (Jornalista : Zezito Silva/Editór:
Otelio Ote)
Foto:
Paula de Cortereal Araujo, Diretora Fundasaun CAUCUS
Sem comentários:
Enviar um comentário