PR Taur Mak Lideransa Onestidade

DILI – Relasiona deklarasaun Prezidente Republika Taur Matan Ruak katak, Governu gosta orsamentu arbiru deit iha administrasaun publika, Vigariu Episkopal Pastoral Diocese Dili, Padre Juvito Do Rego konsidera deklarasaun nee los.

Tuir Vigariu Episkopal Pastoral Diocese Dili, Pe. Juvito do Rego katak, konaba deklarasaun Prezidente Republika, Taur Matan Ruak Governu gasta osan estadu arbiru iha administrasaun publika nee los, nia laos deklarasaun asbun deit, nia koalia tanba iha dadus ka bukti.

Hau hanoin nia koalia tanba nia ema onestu i nia koalia hanesan ema neebe iha dignidade hakarak koalia iha no hakarak hateten hau naoin ita presiza. Ita agradese katak ita iha prezidente neebe mak iha korajen atu koalia neebe ita lalika halerik ba buat neebe mak los,” dehan Vigariu Episkopal Pastoral Diocese Dili ba jornalista iha MNEK-Dili, Kuarta (21/09/2016).

Pe. Vigariu Episkopal Pastoral Diocese Dili haktuir, nia (Taur) akuza hanesan nee tanba iha. Lalika kestiona se buat ruma sala Prezidente koalia lori ba tribunal, tanba tribunal nee tesi lia ba ema hotu-hotu latesi lia ba se deit, laiha ema ida injentu husi lei nee funsiona.

Iha sorin seluk, Observador Politika, Victor Soares dehan, hanesan observador nia haree konaba deklarasaun Prezidente Republika Taur Matan Ruak nian katak Governu gasta osan arbiru iha Administrasaun Publika nee razaun tanba Prezidente hanesan Timor oan neebe hetan eleitu husi populasaun. Informasaun kompletu iha STL Jornal no STL Web, edisaun Kinta (22/9/2016). Raimundo S. Fraga

Suara Timor Lorosae