quinta-feira, 22 de setembro de 2016

Kazu Asidenti Metiaut, Arguidu Patrick Ameasa Pena Prizaun Tinan 3 Suspende Ba Tinan 5


DILI – Familia arguidu entrega ona osan ho montante dolar rihun 20, ba familia vitima Romero Lobato no Imanuel da Cunha. Ministeriu Publiku nafatin akuza arguidu Patrick Simoes da Costa ho pena prizaun tinan 3 suspende ba tinan 5.

Iha sala audensia antes atu tama ba alegasaun Ministeriu Publiku (MP) hatoo pedidu husu deklarasaun konaba osan neebe mak familia vitima simu husi familia arguidu. Manuel dos Reis aman husi vitima Romero Lobato hatete, familia arguidu nian hakbesik ba familia vitima hodi husu konaba oinsa atu bele rezolve kazu ida nee, ho nunee familia husi vitima sira deside atu rezolve tuir kultura katak familia arguidu tenke ajuda familia vitima hahu husi seremonia funeravel too koremetan, ho nunee familia arguidu nian mos konkorda ho desizaun familia vitima nian.

Osan neebe mak arguidu ho nia familia fo mai ami, kada vitima dolar rihun 10, ho nunee vitima nain 2 nee hamutuk dolar rihun 20. Maibe montante osan nee, laos ami familia vitima mak husu hanesan nee, ami so husu deit atu sira mos bele ajuda ami atu bele hakman ami nia susar ida nee” dehan Manuel iha sala audensia, Mandarin, Kuarta (21/09).

Ministeriu Publiku deklara akontesimentu bazeia ba deklarasaun husi arguidu Patrick hatete, iha loron 17 fulan Setembru 2016 tuku 01.30 madrugada momentu neeba akontesimentu nee lalais loos. Arguidu Patrick mak lori kareta hamutuk ho nia kolega sira hanesan Rui Araujo Soares (PM Rui Maria de Araujo nia oan), Jordao Sousa Maria (Ministru Gastao Sousa nia oan) no Francisco de Assis, fila husi festa, bainhira too iha kurva molok nia atu trava hakfodak fali rona tarutu iha kareta okos, depois mak nia foin sente katak nia soke motor nee hodi rezulta vitima nain 2 nee mos mate kedas iha fatin.

Depois akontesimentu nee, tanba tauk arguidu hamutuk ho nia kolega sira halai mai para iha Metiaut, mais ou menus kilometru 1 husi fatin akontesimentu nee. Informasaun kompletu iha STL Jornal no STL Web, edisaun Kinta (22/9/2016). Gracilda Oliveira

Suara Timor Lorosae

Sem comentários: