quinta-feira, 22 de setembro de 2016

PN Aprova Unanimidade Alterasaun LPV Iha Jeneralidade


DILI, (ANTIL) - Parlamentu Nasionál (PN) liuhosi plenaria extraordinario, Kinta (22/9) aprova projeito lei No. 5/III (2a) “Primeira Alteração a Lei nr 1/2007, de janeiro kona-ba rejime pensaun mensal vitalisia ba deputadu ho regalia  no estatutu titular orgaun soberañu, hodi baixa kedan ba komisaun eventual atu halo diskusaun espesialidade iha komisaun.

Antes halo votasaun ba projeitu lei, plenaria halo uluk votasaun ba textu subtituisaun hosi proposta uniku ne’ebé rezulta hosi kolaborasaun proposta bankada Partidu Demokratico (PD) ho bankada FRETILIN ho rezultadu avabor 51, kontra 0, abstain 0.

Nune’e, pasa kedan ba votasaun jeneralidade projeitu lei nr 5/III ho rezultadu votasaun pasa unanimidade hop51 avabor, kontra 0, abstain 0 husi total deputadu 51.

Hafoin aprovasaun Prezidenti Parlamentu Nasionál, Aderito Hugo da Costa, husu atu komisaun eventual konsentra halo diskusaun kle’an iha jeneralidade, atu tempu besik lori hikas ba plenaria hodi diskuti no halo aprovasaun final global.

Membru deputadu iha komisaun eventual hamutuk na’in 12. Deputadu Antonino Biaco, membru  komisaun eventual promote halo esforsu diskuite didi’ak lei ne’e iha Komisaun Eventual.

Antes Parlamentu Nasionál halo aprovasaun iha sesaun dader, asuntu ilimina ho reduz lei pensaun vitalisa, sai diskusaun manas, ho razaun la bele ignora públiku nia preokupasaun.

Maibé ikus mai, deputadu sira hatudu nafatin sira-nia sensibilidade hodi konsege aprova alterasaun ba lei pensaun mensal vitalisia ho unanimidade, hodi fó konsiderasaun ba iha preokupasaun hirak durante. (Jornalista: Manuel Pinto / Editór: Otelio Ote)

Foto: Votasaun ba Alterasaun Lei Pensaun Vitalisia.

Sem comentários: