Padre
italianu na’in rua ne’ebé hela illa Ataúro Timor-Leste tinan 12 ikus ne’e, iha
largo Díli nian, inisia ona projetu ne’ebé benefisia ema atus resin,
hetan rekoñesimentu ho Prémiu Direitus Umanus Sérgio Vieira de Mello.
Fonte
Prezidénsia Repúblika timoroan nian konfirma ba Lusa katak
padre Chico (Francesco Moser), tinan 79, no padre Luiz (Pierluigi
Fonastier), tinan 76, hetan rekoñesimentu ho prémiu edisaun
2016, ho kategoria Direitus Sosiál, Ekonómiku no Kulturál.
Besik ona sékulu balun hala’o servisu no apoiu ba populasaun kiak no vulnerável sira iha Brazil no Ataúro, Francesco Moser no Pierluigi Fonastier sai hanesan padre diosezanu dahuluk ne’ebé estabelese permane iha Ataúro.
Iha kategoria hanesan fó moos rekoñesimentu iha tinan ida ne’e Orfanato Mate La Mohu, Fundasaun An-Nur no timoroan Marciana da Graça.
Inisiativu hosi Prezidénsia Repúblika no ninia edisaun dasia, prémiu sira, ho valór kada ida dólar rihun 10, sei entrega hosi Prezidente Repúblika, Taur Matan Ruak, iha serimónia 10 dezembru, Loron Internasionál ba Direitus Umanus.
Prémiu Sérgio Vieira de Mello ho objetivu atu fó rekoñesimentu ba timoroan, estranjeiru no organizasaun governamentál no laós-governamentál sira ne’ebé dedika-an ba promosaun, defeza no divulgasaun ba direitus umanus iha Timor-Leste.
Iha entrevista ba Lusa fulan ne’e, padre Luiz informa servisu balun ne’ebé dezenvolve ho ninia kolega no amigu durante tinan 12 ikus ne’e, inklui implementasaun ba sistema ida ne’ebé kanaliza bee ba família hotu hamutuk 340 iha fatin ne’ebá no ikus mai harii tan haris-fatin 340 ho kualidade, iha komunidade ne’ebé maka laiha ida.
Padre rua ne’e moos sai responsável ba projetu ida emblemátiku iha illa maka “Bonecas de Ataúro”, kooperativa ida ne’ebé ho sede iha Vila Maumeta, maka besik dékada ida ona hala’o operasaun sai ona hanesan fonte prinsipál ida hosi rekursu ba illa kiik ne’e, hetan apoiu diretamente hosi ema 500 no família 50.
Francesco Moser no Pierluigi Fonastier apoia moos kriasaun ba restaurante rua, ida hanesan modelu kooperativa, projetu Biojoia, ba iha fabriku no faan sasan tara nian no itens dekorativu sira seluk, foin lalais ne’e, Tilapia Alimentação e Comércio, envolve moos iha kriasaun ba ikan no atividade turístika balun.
Iha faze konsolidasaun nian – tamba kauza hosi problema saúde padre Chico nian –hala’o deit projetu Varanda Verde, ba ijiene no saúde ne’ebé envolve moos fabriku ba produtu ijiene no ai-moruk tradisionál sira.
Prémiu Sérgio Vieira de Mello harii iha 18 marsu 2009 hosi antigu xefe Estadu timoroan José Ramos-Horta ho objetivu atu kada tinan bele komemora Loron Direitus Umanus.
Inisiativu ne’e moos ho objetivu atu rekoñese servisu ne’ebé hala’o hosi brazileiru Sérgio Vieira de Mello bainhira sai hanesan xefe Misaun ONU ba Administrasaun Tranzitória Timor-Leste, entre novembru 1999 to’o maiu 2002.
Diplomata brazileiru ne’e mate iha 19 agostu 2003 vítima hosi atentadu ida iha Irake.
SAPO TL ho Lusa - Foto@ António Sampaio / Agência Lusa
Besik ona sékulu balun hala’o servisu no apoiu ba populasaun kiak no vulnerável sira iha Brazil no Ataúro, Francesco Moser no Pierluigi Fonastier sai hanesan padre diosezanu dahuluk ne’ebé estabelese permane iha Ataúro.
Iha kategoria hanesan fó moos rekoñesimentu iha tinan ida ne’e Orfanato Mate La Mohu, Fundasaun An-Nur no timoroan Marciana da Graça.
Inisiativu hosi Prezidénsia Repúblika no ninia edisaun dasia, prémiu sira, ho valór kada ida dólar rihun 10, sei entrega hosi Prezidente Repúblika, Taur Matan Ruak, iha serimónia 10 dezembru, Loron Internasionál ba Direitus Umanus.
Prémiu Sérgio Vieira de Mello ho objetivu atu fó rekoñesimentu ba timoroan, estranjeiru no organizasaun governamentál no laós-governamentál sira ne’ebé dedika-an ba promosaun, defeza no divulgasaun ba direitus umanus iha Timor-Leste.
Iha entrevista ba Lusa fulan ne’e, padre Luiz informa servisu balun ne’ebé dezenvolve ho ninia kolega no amigu durante tinan 12 ikus ne’e, inklui implementasaun ba sistema ida ne’ebé kanaliza bee ba família hotu hamutuk 340 iha fatin ne’ebá no ikus mai harii tan haris-fatin 340 ho kualidade, iha komunidade ne’ebé maka laiha ida.
Padre rua ne’e moos sai responsável ba projetu ida emblemátiku iha illa maka “Bonecas de Ataúro”, kooperativa ida ne’ebé ho sede iha Vila Maumeta, maka besik dékada ida ona hala’o operasaun sai ona hanesan fonte prinsipál ida hosi rekursu ba illa kiik ne’e, hetan apoiu diretamente hosi ema 500 no família 50.
Francesco Moser no Pierluigi Fonastier apoia moos kriasaun ba restaurante rua, ida hanesan modelu kooperativa, projetu Biojoia, ba iha fabriku no faan sasan tara nian no itens dekorativu sira seluk, foin lalais ne’e, Tilapia Alimentação e Comércio, envolve moos iha kriasaun ba ikan no atividade turístika balun.
Iha faze konsolidasaun nian – tamba kauza hosi problema saúde padre Chico nian –hala’o deit projetu Varanda Verde, ba ijiene no saúde ne’ebé envolve moos fabriku ba produtu ijiene no ai-moruk tradisionál sira.
Prémiu Sérgio Vieira de Mello harii iha 18 marsu 2009 hosi antigu xefe Estadu timoroan José Ramos-Horta ho objetivu atu kada tinan bele komemora Loron Direitus Umanus.
Inisiativu ne’e moos ho objetivu atu rekoñese servisu ne’ebé hala’o hosi brazileiru Sérgio Vieira de Mello bainhira sai hanesan xefe Misaun ONU ba Administrasaun Tranzitória Timor-Leste, entre novembru 1999 to’o maiu 2002.
Diplomata brazileiru ne’e mate iha 19 agostu 2003 vítima hosi atentadu ida iha Irake.
SAPO TL ho Lusa - Foto@ António Sampaio / Agência Lusa
Sem comentários:
Enviar um comentário