DILI,
(ANTIL) - Komandante Jerál Polísia Nasionál Timor-Leste (PNTL), Komisáriu Júlio
da Costa Hornay haktuir, Prezidente Repúblika (PR), Taur Matan Ruak agradese ba
PNTL tanba halo serbisu ho susesu.
“Prezidente
Repúblika apresia PNTL nia susesu, liu-liu ba Ofisiál Polísia Suku (OPS),
ne’ebé serbisu susesu kaptura suspeitu rama ambon no lubuk ida tama tiha ona
prizaun, inklui naukten sira durante ne’e na’ok estranjeiru sira-nia sasán iha
Dili ,” Hornay dehan ba jornalista sira iha Palásiu Prezidénsia Repúblika,
Bairu-Pité, Dili, Kinta (22/9), hafoin ramata informa situasaun seguransa iha
rai laran ba Prezidente Repúblika.
Kona-ba
asidente tráfiku iha rai laran, nia tenik, PNTL rekuñese akontese asidente
tráfiku barak tanba kauza hosi falta kontrola án no hemu tua lanu lori kareta.
“Liu-liu joven sira, tenki hadomi ita nia moris, duké ita halo tuir ita-nia
hakarak de´it,” nia hateten.
Iha
tempu badak, nia dehan, Polisia sei halo operasaun ba ema sira ne’ebé hemu tua
iha luron ninin no halo operasaun mós ba ema sira ne’ebé fa’an tua arbiru iha
fatin ne’ebé la’ós atu fa’an tua.
“Ami
túr hamutuk ona atu haree to’ok problema ida-ne’e nia kauza saída? Hafoin ne’e,
maka ita halo planu operasaun,” Komisáriu Hornay tenik.
Kona-ba
joven ida hadau ajente polísia ida nia pistola iha Timor Plaza, Kuarta
horsehik, nia hatán, polísia kaptura tiha ona no iha hela investigasaun, inklui
investiga ajente polísia.
“Prosesu
la’o hela, para ita hatene motivu saída maka joven ne’e mai hadau polísia nia
pistola,” nia esklarese. (Jornalista: Xisto Freitas/Editór: Otelio Ote)
Foto:
Komisáriu Júlio da Costa Hornay
Sem comentários:
Enviar um comentário