THAILANDIA FANU TIMOR-LESTE HUSI MEHI

Rezultadu 2-1 iha segunda parte lori Thailandia ba Final AFF U-19 Championship 2016

SALVIO ONLINE – Selesaun Timor-Leste nia mehi atu hakat ba final AFF U-19 Championship 2016, nebe halao iha Vietnam, la konsegue realiza tamba lakon ho Thailandia ho skor 2-1.

Durante minutu 45 husi primeira parte, nem Thailandia nem Timor-Leste, konsegue marka golu. Nunee, rezultadu 0-0, la muda too tempu primeira parte remata.

Iha segunda parte, Thailandia konsegue marka golu 2, enkuantu Timor-Leste so bele hatama deit golu 1.

Ho rezultadu ida nee, Thailandia nudar selesaun dahuluk nebe marka prezensa iha Final AFF U-19 Championship 2016. Iha parte sorin, rezultadu ida nee fanu selesaun lafaek husi mehi atu hakat ba final.

Iha Final, Thailandia se hasoru manan nain entre uma nain Vietnam no Australia.

Salvio online – Lee liu

PARSERIA HO SALVIO ONLINE