Hasai Imunidade Vicente, Depende Juiz Prosesu

DILI - Atu hasai Imunidade Eis prezidente Parlamentu Nasional (PN) atual deputadu Bankada CNRT Vicente Guterres, depende Juiz prosesu husi tribunal Distrital Dili (TDD).

Tuir Prezidente PN Aderito Hugo hatete prosesu atu hasai Imunidade Deputadu Vencente, depende tribunal liu-liu juis sira neebe mak kaer kazu nee.

Situasaun Deputadu Vicente nian lahanesan ho uluk neebe kaer kargu titular orgaun soberanu nian, agora depende ba Juis neebe kaer kazu nee atu halo adamentu maibe nee asuntu internal iha tribunal,” dehan Aderito ba Jornalista Kuarta (21/09/2016) iha Salaun Delta Nova, hafoin partisipa seminariu Nasional neebe oraniza husi Grupu Feto Parlamentar Timor Leste.

Nia hatete situasaun aktual agora ninian tribunal tan nee kuandu iha ajenda juiz neebe mak kaer kazu nee aprezenta karta notifikasaun partidu foti deputadu nia imunidade neebe ba ajenda neebe mak tribunal ajenda tiha ona. Iha fatin ketak tuir Prezidente Asosiasaun Maestradu Juridisariu Timor Leste (AMJTAL) Antoninho Gonsalves hatete tribunal laos budu lei maibe haruka karta atu PN desidi, tamba  Vicente Guterres nia estatutu nudar deputadu.

Juiz nee hatete Vicente prontu atu tuir julgamentu iha tribunal, tan nee Parlamentu tenki diside no toma desizaun neebe liu husi votasaun sekreta parlamentu.

Nune mos observador politika Carlos da Costa hatete deputadu sira neebe mak iha parlamentu nasional kuandu atu tuir julgamentu iha tribunal tenki hasai imunidade. Informasaun kompletu iha STL Jornal no STL Web, edisaun Kinta (22/9/2016). Timotio Gusmao/Domingos Piedade

Suara Timor Lorosae