MANATUTU
- Komunidade hosi Suku Sau, Postu Administrativu Manatutu, Munisípiu Manatutu,
José da Costa, hatete, durante ukun an, povu barak maka sai baruk ten hodi
lakohi halai natar no halo toos tanba governu eduka uluk povu ho osan
(subsidiu-red).
“Ita
Timor agora natar ho toos la halo ona tanba simu ona osan idozu no veteranus
nian halo ema baruk la servisu ona,”nia hato’o preukupasaun ne’e liu hosi
diálogu komunitáriu ho Prezidente Repúblika (PR), Taur Matan Ruak iha Suku Sau
ho Suku Ailili, Sesta (16/9).
Hatan
ba preukupasaun ne’e, Xefe Estadu hatete, atu hetan moris di’ak, povu labele
sai baruk ten, tenke badinas servisu.
Tuir,
Xefe Estadu, osan ne’ebé governu fó la’ós atu halo ema baruk ten maibé suporta
para povu ne’e bele hetan moris di’ak.
“Ita
tenke badinas la’ós baruk ten ho saida maka ita hetan ona atu moris di’ak tenke
badinas servisu no servisu lapara,”Xefe Estadu fó hanoin.
Nune’e,
Xefe Estadu husu ba komunidade hotu atu servisu maka’as nafatin kuda buat
ne’ebé nakfilak ba osan halo barak hodi bele suporta ekonomia uma laran nian,
labele dependénsia de’it ba osan ne’ebé governu fó. (way)
Timor
Post
Sem comentários:
Enviar um comentário