Parlamentu
Nasionál “iha tempu badak” sei aprova inisiativa lejislativa “determinante”
nian sira, inklui ba iha setór rai no propriedade, seguransa sosiál,
antikorupsaun ho pensaun vitalísia, tuir prezidente asembleia dehan, ohin.
“Iha
ona ami liman inisiativa lejislativa determinante ba futuru nasaun nian no ami
sei tenke debate no aprova to’o finál lejislatura ne’e”, tenik Adérito Hugo da
Costa, iha sesaun solene hosi abertura sesaun lejislativa dalima (5.ª) hosi
lejislatura datolu, ne’ebé sei termina iha 30-jullu-2017.
"Ha’u fi’ar katak Parlamentu sei debate no aprova inisiativa hirak ne’e ho lalais. Sira hotu iha importánsia desiziva ba nasaun ne’e", nia hatutan.
Pakote lejislativa rua, seguransa sosiál ho pensaun vitalísia, hahú debate ona iha plenária semana ne’e. Kona-ba pensaun vitalísia ba polítiku sira, debate parlamentár hahú hafoin tinan barak paradu.
Nia konsidera katak, lei seguransa sosiál ne’e, “dalaruma hanesan inisiativa Governu nian ida ne’ebé forte liu”, haree ba “kompromisu polítiku no slidáriu Estadu nian” hodi kria “sosiedade justu no partillada” no buka atu halakon dezigualidade.
Kona-ba revizaun hosi lei pensaun vitalísia, ne’ebé sai polémika, Hugo da Costa konsidera di’ak liu maka haree hikas no hamenus benefísiu ba klase polítika sira hotu.
“Rekoñese ba importánsia hosi ezisténsia no manutensaun hosi klase polítika ida, maka importante hodi halo adekuasaun hosi prestasaun ne’e, ba iha realidade atuál, tanba lahanesan bainhira lei aprova ona”, nia dehan.
"Tanba ne’e maka ami sei hala’o debate ne’e no ami hakarak atu aprova iha tempu badak, hodi hamenus pensaun refere, inklui direitu hirak ne’ebé asosia ba pensaun hirak ne’e, tanba iha realidade atuál, lahanesan”, nia esplika.
Tuir maka “pakote lejislativa denominadu ba lei rai, ne’ebé maka importante ba dezenvolvimentu nasaun” no “hanesan reforma ida ne’ebé timor-oan no investidór sira hein”.
"Sei kria jurídika nesesária ba rejime hosi propriedade imóvel atu nune’e bele garante investimentu no dezenvolvimentu integradu no sustentadu iha rai-laran”, nia hatutan.
Kona-ba lei antikorupsaun, hodi kombate “moras ida ne’ebé mos bot iha mundu”, Hugo da Costa dehan katak diploma ne’e sei atu debate iha Parlamentu Nasionál, inklui medida prevensaun, kombate no penalizasaun, maibé mos “prosedimentu klaru, transparente nomós bele halo akompañamentu no fiskalizasaun”.
"Polítika transparénsia ne’ebé ami sei atu promove no hanesan ha’u dehan ona katak, atu halakon mos korupsaun. No ida ne’e hanesan mos inisiativa ida ne’ebé ami hakarak atu debate no aprova to’o lejislatura finál", nia dehan.
SAPO TL ho Lusa
"Ha’u fi’ar katak Parlamentu sei debate no aprova inisiativa hirak ne’e ho lalais. Sira hotu iha importánsia desiziva ba nasaun ne’e", nia hatutan.
Pakote lejislativa rua, seguransa sosiál ho pensaun vitalísia, hahú debate ona iha plenária semana ne’e. Kona-ba pensaun vitalísia ba polítiku sira, debate parlamentár hahú hafoin tinan barak paradu.
Nia konsidera katak, lei seguransa sosiál ne’e, “dalaruma hanesan inisiativa Governu nian ida ne’ebé forte liu”, haree ba “kompromisu polítiku no slidáriu Estadu nian” hodi kria “sosiedade justu no partillada” no buka atu halakon dezigualidade.
Kona-ba revizaun hosi lei pensaun vitalísia, ne’ebé sai polémika, Hugo da Costa konsidera di’ak liu maka haree hikas no hamenus benefísiu ba klase polítika sira hotu.
“Rekoñese ba importánsia hosi ezisténsia no manutensaun hosi klase polítika ida, maka importante hodi halo adekuasaun hosi prestasaun ne’e, ba iha realidade atuál, tanba lahanesan bainhira lei aprova ona”, nia dehan.
"Tanba ne’e maka ami sei hala’o debate ne’e no ami hakarak atu aprova iha tempu badak, hodi hamenus pensaun refere, inklui direitu hirak ne’ebé asosia ba pensaun hirak ne’e, tanba iha realidade atuál, lahanesan”, nia esplika.
Tuir maka “pakote lejislativa denominadu ba lei rai, ne’ebé maka importante ba dezenvolvimentu nasaun” no “hanesan reforma ida ne’ebé timor-oan no investidór sira hein”.
"Sei kria jurídika nesesária ba rejime hosi propriedade imóvel atu nune’e bele garante investimentu no dezenvolvimentu integradu no sustentadu iha rai-laran”, nia hatutan.
Kona-ba lei antikorupsaun, hodi kombate “moras ida ne’ebé mos bot iha mundu”, Hugo da Costa dehan katak diploma ne’e sei atu debate iha Parlamentu Nasionál, inklui medida prevensaun, kombate no penalizasaun, maibé mos “prosedimentu klaru, transparente nomós bele halo akompañamentu no fiskalizasaun”.
"Polítika transparénsia ne’ebé ami sei atu promove no hanesan ha’u dehan ona katak, atu halakon mos korupsaun. No ida ne’e hanesan mos inisiativa ida ne’ebé ami hakarak atu debate no aprova to’o lejislatura finál", nia dehan.
SAPO TL ho Lusa
Sem comentários:
Enviar um comentário