Governu Remata Identifika Okupante Aitarak Laran – Kampu Alor

DILI - Ministériu Justisa liu hosi Sekretáriu Estadu Terras no Propriedades (SETP),   remata ona hala’o prosesu identifikasaun ba okupante sira hela iha área Aitarak Laran, ho Kampu Alor.

“Rezultadu identifikasaun, maioria rai okupante Aitarak Laran ho Kampung Alor (Kampu Alor) estrada sorin okupa, rai estadu. Depois identifikasaun governu hein, aban bairua orden  fó orden atu muda okupante sira sai, hein ezekuta,” informa Xefi Departementu  SETP, Francisco Mouzinho ba jornalista sira iha servisu fatin,  Bebora, Kinta, (15/09).

Durante ne’e, governu iha planu atu muda okupante sira hela iha área Aitarak Laran ho Kampu Alor,  nune’e hodi fó espesu, tanba edifísiu Ministériu Finansas harii iha ne’ebá.

“Ho remata identifkasaun ne’e, fó hanoin ona ba sira, bainhira estadu presiza rai refere, sei kumpri, tan área refere maioria rai estadu,  tan ne’e hakarak ou lakohi sira tenke kumpri,” tenik nia.

Maibé ba uma ne’ebé Xina sira harii iha Palásiu Prezidente nia sorin, maka governu fó ona notifikasaun antes hodi la hatán sira halo uma, maibé ita sidadaun sira mós ulun to’os.

“Ita nia komunidade sira hela iha área rua ne’e, hatene ona, ami fó hatene sira antes ona, tan ne’e ami husu sira nia pasiénsia no kolaborasaun ho governu, karik iha prosesu muda, sira sai,”Nia fó hanoin .(max)

Timor Post