Lei Pensaun Vitalisia Garante Dignidade Politika

DILI - Lei Pensaun Vitalisia (LPV) neebe oras nee buras iha ukun nain sira, laos garante dignidade povu maibe ida nee garante dignidade politiku nain sira.

Tuir Vise Prezidente PST, Akita Tama Laka dehan, situasaun agora nee moris iha sistema ida diskriminativu, tanba tuir PST nia haree no vizaun ba lei pensaun vitalisia ba eis titular nee halo diskriminasaun boot ba povu.

Tuir PST nia haree no vizaun ba lei pensaun vitalisia ba eis titular sira, nee diskrimina veteranus diskrimina povu tanba saida mak PST hatete hanesan nee, tanba ikus husi luta nee povu mak deside,” dehan Akita ba STL iha PN-Dili, Tersa (20/09/2016).

Akita dehan, politika neebe justu ba povu Timor Leste ho dalan uniku mak hamoos hotu lei pensaun vitalisia, se bele hamoos veteranus depois Governu halo foun fali tanba se lae veteranus deit barak liu tia funu, barak liu tia ema 24 anos iha ailaran.

Iha sorin seluk, Andre da Costa L4 dehan, Lei pensaun vitalisia mak oras nee ejiste iha Timor Leste nee laos dignidade estadu, tanba kria fali injustisa no diskriminasaun ba povu. Estadu mai husi povu se povu laiha estadu mos laiha. Informasaun kompletu iha STL Jornal no STL Web, edisaun Kuarta (21/9/2016).Raimundo S. Fraga

Suara Timor Lorosae