DILI,
(ANTIL) - Kazu oknum Polísia Nasionál Timor-Leste (PNTL) tiru kanek membru
FALINTIL-Forsa Defeza Timor-Leste (F-FDTL) iha Munisípiu Ainaro rezolvidu no
situasaun automátikamente normál.
“Ita
apresia teb-tebes komandu hosi forsa rua ne’e nia serbisu,”
dehan Prezidente Parlamentu Nasionál, Adérito da Costa Hugo ba jornalista
sira iha Palásiu Prezidénsia Repúblika, Bairu-Pité, Dili, (31/8/2016).
Nia
haktuir tinan-tinan instituisaun rua (F-FDTL no PNTL) ne’e hasa’e sira nia
kapasidade profisionalizmu para depois rezolve problema sira ne’e di’ak
teb-tebes.
“Ne’e
aktu indisiplinár ne’ebé la reprezenta instituisaun ou koletiva. Komandu rua
iha regras atu hola medidas ba aktu indisiplinár ne’e,” Hugo Informa.
Eis
jornalista ne’e husu atu labele jeneraliza katak ne’e aktu organizadu. Nia
informa mídia iha responsabilidade atu fó sai informasaun klaru ba públiku.
Kazu
Ainaro, akontese iha expozisaun ne’ebe membru F-FDTL Lasaro Jose da Costa hetan
tiru iha nia isin lolon hosi membru PNTL hafoin deskuti malu. Maski hetan tiru,
kondisaun Lasaro Jose da Costa la hetan ameasa perigu ba nia vida no iha ona
kondisaun estabil hafoin mediku HNGV halo operasaun hasai amunisoen hosi nia
isin.
Ba
membru PNTL ne’ebe tiru nia, komando foti ona asaun hodi submete membru refere
tuir dalan lei ninian hodi responsabiliza ba nia hahalok. (Jornalista: Xisto
Freitas / Editor: Gantry Meilana)
Foto:
Adérito da Costa Hugo
Sem comentários:
Enviar um comentário