DILI,
(ANTIL) - Primeiru Ministru, Dr. Rui Maria de Araújo informadu kona-ba pedidu
superior FALINTIL-Forsa Defeza Timor-Leste (F-FDTL) atu halo análiza SWOT
(Strength, Weaknesses, Opportunities, Threats) ba sira ne’ebe involve Polísia
Nasionál Timor-Leste (PNTL) no fors militar, inklui kazu tiru membru F-FDTL iha
Munisípiu Ainaro, foin lalais ne´e.
”Ne’e importante, atu hatene nia forsa saida, nia frakeza, oportunidade no nia
ameasa. Governu abertu ba ida-ne’e no presiza diskusaun
detalladu,” Rui hato´o kestaun ne´e ba jornalista sira iha Palásiu
Prezidénsia Repúblika, Bairu-Pité, Dili, Kinta (01/9), hafoin ramata inkontru
Prezidente Repúblika, Taur Matan Ruak.
Iha
kestaun dixiplinár, Primeiru Ministru hatutan, presiza rezolve dadauk ona
tuir regulamentu disiplinár ne’ebé instituisaun rua ne’e iha. Estadu liuhusi
Governu, agora finaliza hela konseitu estratéjiku Defeza no Seguransa.
“Iha
konseitu ninia laran maka ita defini papel importante seguransa no defeza iha
área determinantes. Entaun, bainhira ida-ne’e aprova, ita halo análiza hotu ba
buat ne’ebé ita presiza halo. Atu nune, dezenvolvimentu halo mos ho reforsu ba
instituisaun rua ne’e ba tinan lima ou sanulu mai ne’e, ” nia esklarese. (Jornalista:
Xisto Freitas/editor: Otelio Ote)
Foto:
PM Rui Maria de Araújo
Sem comentários:
Enviar um comentário