KRPO TERMINA DISKUSAUN, APROVA U$ 468,323,560

Komite Revizaun Polítika Orsamentu (KRPO), Kuarta (31/08), termina sira ninia diskusaun nune’e aprova ona proposta U$ 468,323,560, ne’ebé maka aprezenta husi liña Ministeriais no instituisaun Estadu sira.

Kestaun ne’e hato’o husi Vise Ministru Finansas, Helder Lopes, ba jornalista, iha edifisiu Finansas, hafoin diskusaun KRPO.

Helder Lopes, haktuir, Komite ne’e hahú ninia servisu komesa husi 15 Agostu  horisehik 31 Agostu tinan 2016 konsege hala’o ona diskusaun  proposta orsamentu ne’ebé Ministeriu no instituisaun Estadu sira hato, ida   ne’ebé maka seidauk halo diskusaun maka Ministeriu Finansas, Ministeriu Solidariedade Sosial  nomos orsamentu  ne’ebé maka  dotasaun kada Governu.

Alen de ne’e osan  ne’ebé maka   tau  ba iha kategoria kapital  dezenvolvimentu, tantu  fundu iha infraestrutura, kapital dezenvolvimentu husi liña Ministeriu PID no PDIM, Komisaun ne’e halo diskusaun iha parte ohin (horisehik) lorokraik nomos osan tau iha fundu dezenvolvimentu kapital humanu.

“Hahú husi dia 15 Agostu to’o 31 Agostu tinan 2016,  ha’u bele dehan to’o proposta orsamentu   ne’ebé maka submete husi   liña Ministeriu no institusian Estadu  ne’ebé konsidera ona, liu-liu  ba sira ninai despeza rekorente salariu vensimentu  kapital minor,  transferensia publika no bens servisu hamutuk maka U$ 468, 323560,”dehan Helder Lopes.

Helder Lopes lembra hikas katak,  uluk  iha jornada orsamentais, Governu desidi atu ba ho U$1.2  bilioens 2017 ninian ne’e.  Tanba  ne’e maka ezersisiu  ne’ebé KRPO halo  ne’e mos  asegura katak,  labele pasa liu U$1.2 bilioens.  orsamentu   lubuk ne’ebé maka  KRPO halo debate, bo’ot  liu-liu hanesan  MSS osan barak maka iha dotasaun todo Governo  inklui Zona Ekonomia Espesial  Sosial Merkadu (ZEESM) nian.

 Wainhira  husu kona-ba orsamentu ba Zona Ekonomia Espesial  Sosial Merkadu (ZEESM), ninian ne’e ba tinan 2017?  Helder Lopes  hatan, husi proposta ZEESM ninian  ne’ebé maka  hatama ona  ba  iha Governu , liu husi Primeiru Minitru, depois pasa ona mai iha MF atu halo diskusaun  konsiderasaun tau iha dotasaun todo Governu maka U$ 172,110,   Ida  ne’e menus kompara ho orsamentu  ne’ebé tau  iha tinan 2016.

“Ne’ebé atu hateten deit, tantu ZEESM no liña Ministeriu ka instituisaun Estadu sira hotu-hotu kumpri ba redusaun tetu orsamentu ne’ebé maka  ita  halo,  bainhira ami halo redusaun ami fo envelope ba sira, sira hotu kumpri pakote ida ne’e,    balun mai husu proposta adisional maibe  ida ne’e KRPO la aprova, komite rejista deit, depois maka sei halo diskusaun iha forum ne’ebé maka ketak,”dehan Helder Lopes.avi

Jornal Nacional