quinta-feira, 1 de setembro de 2016

PNTL TIRU F-FDTL, KOMANDO TENKI RESPONSABILIZA


Prezidente komisaun B-Parlamentu Nasional (PN) ne’ebe trata ba asuntu seguransa, defesa no negosiu estranjeirus, Deputadu David Dias Ximenes husu ba Komando atu responsabiliza ba problema ne’ebe akontese iha Munisipiu Ainaro Sesta (28/08).

“Problema ne’e responsabilidade Komandante PNTL husi Munisipiu Ainaro no Komandante Jeral PNTL nian, tanba saida maka polisia la servisu lori kilat sa tan ho kondisaun lanu, ne’e laos deit polisia ne’e, maibe bo’ot sira ne’ebe kaer PNTL ne’e tenki responsabiliza,” dehan Deputadu Mandati iha PN, segunda (29/08/2016).

Nia hatutan, lolos ne’e dader tama servisu foti kilat ba, lorokraik atu sai kilat tenki rai ona, laos lori tun sae hanesan fali cowboi.

“Permeiru kedas hau dehan husi lei organika Polisia Nasional Timor Leste (PNTL) ninian, PNTL sira kuandu la servisu, dader atu sevisu foti kilat ba, lorokraik atu sai servisu kilat tenki rai ona, mais agora kilat lori arbiru deit nia problema maka agora dadaun ne’e, nia rezultadu maka ne’e, uluk kedas hau dehan kuandu la servisu kilat tama ba rekadasaun labele lori tun, lori sae hanesan cowboi,” dehan Mandati.

Tuir nia, lolos Ministru tenki kontrola, Permeiru Ministru tenki iha responsabilidade, dehan bebeik ona maibe nunka mais tau iha konseiderasaun, husi Komando to’o Premeiru Ministru tenki responsabiliza buat ne’e.

“Komandante PNTL laiha responsabilidae, laiha kontrola ba membru sira, arbiru deit, ita hatene F-FDTL mos hirus tanba bebeik ona ate orizina mortu, se demais, ita hatene hirus ema mos hatene hirus tanba sira mos ema, ema ne’e iha nia diak iha nia at, ida ne’e maka ema, se diak deit ita hotu-hotu anju tia ona, tanba ne’e ita tenki tenta ekilibra,” tenik nia. Nes

Jornal Nacional

Sem comentários: