PR TAUR SEI HATO’O MENSAJEN IHA ÚLTIMU MANDATU PN

Prezidente Repúblika (PR), Taur Matan Ruak, iha loron Kinta (15/09/2016), sei hato’o mensajen ba últimu terseiru lejislatura ninian iha Parlamentu Nasional (PN).

Lia hirak ne’e hato’o husi Prezidente Parlamentu Nasional (PPN), Aderito Hugo da Costa liu husi plenaria iha PN, kuarta (31/08/2016).

“Ha’u hakarak hatete iha plenaria ida ne’e, Prezidente Republika, Taur Matan Ruak rasik disponivel atu mai halo mensagem ba ultimu sesaun terseira legislatura nian iha loron ne’ebé termina tiha ona, liu husi reuniaun lideres bankadas sira aseita,” hateten Prezidente Aderito Hugo.

Tantu plenaria komisaun permanente nian sei termina iha loron Kuarta (14/09/2016).

Iha fatin hanesan, Sekretaria Estado Asuntu Parlamentar, Maria Terezinha Viegas husu ba parlamentu li-liu konselhu administrasaun atu bele hare ona proposta prevativo PN ninian.

“Husu konselhu administrasaun PN nian atu bele hare ona proposta prevativo, atu nune’e bele konfere ona iha Orsamentu jeral Estado, tanba hela semana rua mai tan ultimu ona ba Terceira sesaun legislative no mos husi parte Governu nian atu prepara submisaun ba proposta de lei ba tinan 2017 nian,” dehan SEAP, Maria Terezinha iha PN.

PN resesu durate fulan rua, hahu iha fulan Julho iha fulan Setembro hahu tama hikas hodi hala’o serbisu hanesan bain-bain, durante resesu iha komisaun permenente ida hodi trata asuntu ho karater urjentimente. mia

Jornal Nacional