Sekretariu
Jeral Partidu FRETILIN, Mari Alkatiri, husu ba Juventude Timor oan ne’ebé moris
iha tinan 1999 vota ba partidu FRETILIN, tanba FRETILIN deit mak haku’ak povu
no hasai povu husi ki’ak no mukit.
“Kontente
tebes iha kampanha FRETILIN nian nakonu ho Joven, joven balu moris iha tinan
1999 agora foin atu bele vota, joven 1999 nian foin vota primeira vez iha
eleisaun tinan 2017, ne’ebé vota ba FRETILIN,” dehan Mari Alkatiri iha kampanha
eleisaun lideransa FRETILIN nian iha Tasi-tolu, Dili, Tersa (30/08/2016).
Mari
dehan, Francisco Guterres Lu Olo, atual prezidente FRETILIN, kuadru lider ida
mai husi kraik, labuka hasoit, la’o neneik to’o agora nafatin prezidente
FRETILIN.
“Ne’e
hatudu exemplu diak ida ba joventude hot-hotu, serbisu maka’as aban bainrua imi
mak atu ukun rai ida ne’e. Avo Mari Besi tua maibe besi asu nafatin,” dehan
Mari.
Joven
ne’ebé moris iha tinan 1999, tuir Alkatiri ne’e hanesan produto independensia
ninian.
“Bolu
imi nia maluk joven sira hotu, halo tuir imi nia aman, avo sira uluk iha tinan
1974-1975 fo an ba mate tanba deit atu hetan independensia. Ita hare ona, ukun
atu la’o ba oin bainhira FRETILIN mak ukun,” afirma Alkatiri. Mia
Jornal
Nacional
Sem comentários:
Enviar um comentário