DILI,
(ANTIL) – Prezidente Parlamentu Nasionál (PN), Aderito Hugo da Costa
hateten, Timor-Leste (TL) halo koresaun ba movimentu diplomátiku Austrália,
tanba koko deklara ba mundu defende direitus umanu, justisa maibé iha prátika
viola hela TL nia direitu.
”Austrália
koko deklara ba mundu katak sai mestre ba sasan ne’ebé loos. Maibé iha prátika,
viola hela TL nia direitu fundamentál ba teritóriu nasionál, tuir konvensaun
internasionál”, Hugo da Costa hateten ba estudante sira iha Kampus Universidade
Nasionál Timor Lorosa’e iha Dili, Segunda, (29/8).
Violasaun
ne’e, tuir Hugo, relasiona ho disputa delimitasaun fronteira marítima ne’ebé
governu TL ho Austrália buka atu solusiona. Mmaibé, Austrália diskorda hodi
rezulta TL lori nasaun ne’e ba rezolve tuir konvensaun internasionál iha
tribunál permanente arbitrajen, Den-Hage, Olanda.
Tanba
ne’e, iha nível diplomátika Austrália ohin loron enfrenta TL, hanesan Indonézia
enfrenta TL durante tinan 24.
TL
tau hela raihenek iha Austrália nia sapatu laran, durante nasaun Kanguru
ne’e halo movimentu iha nível rejionál nomós internasionál.
”
Australia la sente livre. Ita hanorin, iha prinsípiu serve ho dignu ita-nia
povu no estadu. Ita koko iha tinan 14 atu sai ezemplu iha mundu”, Aderito
dehan.
Nia
aprezenta kestaun ne’e, relasiona akresentasaun sosiedade sivil Association
of South East Asean Nation (ASEAN), atu TL adere lalais ba
organizasaun áziatika ne’e atu ajuda korizi prínsipiu fundamentál direitu umanu
no seluk tan.
Atu
konklui, Aderito hatutan, bainhira TL ko’alia kona-ba direitus umanus,
justisa no seluk tan, la’os teória no iha palku polítiku de’it, maibé tau
iha prátika. (Jornalista: Rafy Belo; Editora: Rita Almeida)
Foto:
Prezidenti Parlamentu Nasional, Aderito Hugo da Costa.
Sem comentários:
Enviar um comentário