PN LaTauk Petisaun Husi MULT

DILI - Parlamentu Nasional (PN) latauk ho petisaun nebe mak hato husi Movimentu Universitariu Timor Leste (MULT), tamba petisaun nee la aas liu orgaun soberanu ida.

Membru PN husi bankada Frente Mudansa Jorge da Conceicao Teme hatete, MULT nia inisiativa nudar estudante, maibee sira la reprezenta organizasaun ida, Parlamentu nee eleitu husi povu nebe Parlamentu nia servisu nee laos bazea ba presaun husi grupu kikuan ida, tan nunee mak Parlamentu simu sira nia petisaun no latauk hasoru sira,tamba petisaun nee nia as no forte liu soberanu Parlamentu ninian.

Ami fo valour ba petisaun nee, maibee laos dehan tauk, tamba petisaun nee nia la sas no forte liu Soberanu Parlamentu ninian, nebe hau hanoin estudante sira nia espresaun nee normal nudar sidadun,” dehan deputadu Jorge ba STL,iha sala bankada Frente Mudansa, Sesta (02-10-2015).

Nia hatete, Parlamentu povu mak eleje kada tinan 5, nee labele dedika grupu kiik ida ou ema ida ka 2, tamba sira nee hetan eleitu husi povu atu mai tur iha uma fukun ida nee servisu nebe kolijiadu, kolektivu.

Iha fatin hanesan membru PN husi bankada CNRT, Domingos Carvalho de Araujo hatete, sira latauk, tamba orgaun maximu iha nasaun ida hanesan primeiru maka Presidente Republika, tuir kedan Parlamentu oinsa mak tauk fali oan sira, sira mos la satisfas ho liafuan sira nebe mak hatoo iha manifestasaun hatete, hatun ida nee hatun ida neba.

Alende nee Presidente bankada FRETILIN, Aniceto Guterres hatete, konaba pensaun vitalisia, deputadu hotu durante nee konkorda, iha Parlamentu nee kuaze konsensu ona atu halo alterasaun. Informasaun kompletu iha STL Jornal no STL Web, edisaun Sabado, (3/10/2015). Carme Ximenes

Suara Timor Lorosae