Konsellu Ministru Aprova Dekretu Governu 4

Radio Liberdade Online - Dekretu Governu 4 (haat) ne’ebe aprejenta husi Vise Ministru Administrasaun Estatal Aprovadu Iha Reuniaun Konsellu Ministrus iha sesaun dader, informa Secretário de Estado do Conselho de Ministros, Avelino Maria Coelho da Silva, iha loron 29/3/2016, iha sala Midia, Palasiu Governu.

“Ida kona ba prosedementu espesial selesaun Presidenti Autoridade Munisipais e Administradores Munisipais aprovadu, depois rejimi avaliasaun desempenhu Presidenti Munisipais e Administradores Munisipais mos aprovadu, Remodelasaun ho estatutu protokolar Presidenti Munisipais e Administrador Munisipais ne mos aprovadu, Remodelasaun membrus du Governo apoiu tekniku Presidenti Autoridades Munisipais e Administradores Munisipais, dekretu Governu hat ne’e mak foin aprovadu iha sesaun dader nian.”

Avelino esplika liutan kona ba saida mak dekretu lei ne’e hatete, “momentu aprova tiha dekretu lei kona ba estabelesementu autoridades munisipais ho nia orgaun diresaun, dekretu lei numeru 2 no 3, estabelese ona purejemplu iha Munisipiu haat, Baucau, Dili, Ermera no Bobonaro, ne’e prejididu husi Presidenti Autoridade Munisipais, Munisipiu 8 ne’e bolu Administrasaun Munisipal, dekretu lei rua ne’e estabelese ona estatutu sira ne’e maka dekretu lei ohin Vise Ministru Estatal aprejenta ne’e koalia ona kona ba selesaun, atu hili se mak ba Presidenti Autoridades Munisipal no Adminidtradores Munisipal, Konsellu Ministru aprova ona para depos prosede ona selesaun.”

Iha fatin hanesan, Secretário de Estado da Comunicação Social, Nélio Isaac Sarmento, informa mos ba Jornalista sira katak iha Kinta Feira semana ne’e sei realija Permeiru Asembleia Jeral Konsellu de Imprensa, “agradese ba organizasaun sira hotu, delega sira nia reprezentante mai iha konsellu imprensa.”

Rádio Liberdade Dili

Fundu hosi Xina apresia ho kandidatura 20 ba iha investimentu luzófona

Banku Dezenvolvimentu Xina apresia ho kandidatura 20 ba fundu dolár rihun milloens ne’ebé kria tinan tolu ona hodi finansia projetu investimentu iha nasaun luzófona, no to’o oras ne’e foin maka “aprova” rua. 

Informasaun hirak ne’e fó sai hosi sekretáriu jerál Fórum ba Koperasaun Ekonómika no Komersiál entre Xina ho Nasaun Lian Portugés (koñesidu hanesan Fórum Makau) Chang Hexi, horisehik ba jornalista sira, hafoin hala’o tiha 11.ª reuniaun hosi sekretariadu permanente hosi organizasaun refere.

Ekipa ne’ebé jere fundu ne’e “esplika” ba sekretariadu Fórum Makau no tuir Chang Hexi, demora iha aprovasaun ba kandidatura seluk tanba mosu fallansu iha aprezentasaun dokumentu, liu-liu iha parte “báziku”.

Chang Hexi garante katak iha “tempu badak” sei aprova projetu “hat to’o lima” no ekipa fundu nian mos sei halo “estudu” finansiamentu ba projetu 20 seluk. Hatutan tan katak iha kandidatura ba finansiamentu projetu ba Brazil, Kaboverde ka Timor-Leste.

Projetu agríkola ida iha Mosambike, hosi empreza xineza Wanbao, maka hetan selu hosi fundu refere, ne’ebé kria ofisialmente iha juñu-2013, hafoin hetan insiativa hamutuk hosi Banku Dezenvolvimentu Xina ho Fundu Dezenvolvimentu Industriál no Komersializasaun Makau.

Asinatura ba finansiamentu hosi projetu ne’e hala’o iha Makau, fulan novembru-2013. Projetu iha rejiaun Limpopo kraik, besik ho sidade Xai-Xai hetan ona resposta “pozitiva” hosi fundu ne’ebé besik to’o dolár milloens 200, no ne’ebé kontribui ona ho milloens sanulu, tuir informasaun ne’ebé fó sai horisehik.

Projetu seluk ne’ebé hetan ona aprovasaun no ezekuta ona maka hosi Angola, projetu ba fornesimentu ekipamentu ba distribuisaun eletrisidade no bee.

Fundu Koperasaun ba Dezenvolvimentu entre Xina ho Nasaun Lian Portugés, ho dolár milloens 1.000 (euros rihun milloens 800) fó ho objetivu atu apoia empreza hothotu iha nasaun Xina no Makau, hodi halo investimentu ba iha nasaun lian portugés sira no dada mos nasaun luzófona hirak ne’e bá iha Xina.

Durante reuniaun horisehik, sekretariadu permanente hosi Fórum Makau aprova mos planu atividade ba tinan 2016, no nune’e maka Chang Hexi dehan katak prioridade maka organizasaun hosi 5.ª konferénsia ministeriál nian ne’ebé sei hala’o iha finál fulan outubru ka prinsipiu fulan novembru.

Xina tau ona Rejiaun Administrativa Espesiál Makau hanesan ninia plataforma hodi hametin koperasaun ekonómika no komersiál ho nasaun lian portugés hothotu desde 2013, tinan ne’ebé harii Fórum Makau no ne’ebé sei halibur nivel ministeriál kada tinan tolu-tolu.

Iha Fórum Makau halo parte hosi Xina, Portugal, Brazil, Angola, Mosambike, Timor-Leste, Guiné-Bissau ho Kaboverde. São Tomé e Príncipe latama tanba kontinua halo relasaun diplomátika ho Taiwan duke ho Pekin.

SAPO TL ho Lusa – Foto: EPA@ Carmo Correira

Kamponés Giné-Bisau agora bele sosa ekipamentu agríkola

Agrikultór  kiik sira  Giné-Bisau nian sei hetan materiál  agríkola  iha 40% ne’ebé  oferese  hosi  Governu, hatete ohin ministru Agrikultura, Aníbal Pereira.

Responsável hosi agrikultura gineense nian anúnsiu iha  aktu asinatura protokolu ho Ministériu Ekonomia no Finansa, ne’ebé  jere hosi Ajénsia Nasionál ba Kréditu, instituisaun ne’ebé halo kontrolu ba ekipamentu agríkola Governu nian.

To’o ohin loron  ekipamentu ne’ebé fó ba agrikultór sira ka aluga hosi komunidade sira liuhosi folin simbóliku, maibé, regra jerál, materiál ne’ebé uza ladura ho tempu naruk tamba  falta manutensaun ka  kuidadu essensiál sira seluk.

Hahú agora agrikultór ne’ebé hakarak sosa  motobomba ida, deskaskadora ida, moiñu ida ka motokultivadora ida, tenki selu 40% hosi valór ekipamentu h  prazu máximu tinan haat.

"Objetivu atu lori kamponés, organizasaun kamponés, hodi kontribuí ba sira nia atividade rasik. Hanesan forma ida responsabilidade kamponés nian tuir valór materiál ne’ebé  nia sei simu ", defende ministru gineense ne’e.

Ideia ne’e, hatutan Aníbal Pereira katak, hanesan substituisaun deit ba  ekipamentu sira  no bele iha interese hodi tama  ba  banka komersiál hosi prosesu ezekusaun ba fundu ne’ebé sei utiliza fila fali iha  agrikultura, liliu, iha nível atividade familia nian.

Agrikultura sai hanesan baze ekonomia Giné-Bisau nian, maibé iha uzu ba mákina sei oituan liu, maski, iha tinan sira ikus ne’e, Governu introduz ona ekipamentu balun, maka oferese hosi India.

SAPO TL ho Lusa

República Checa solicitou estatuto de observador associado da CPLP

Lisboa, 30 mar (Lusa) -- A República Checa oficializou em 10 de março o pedido para o estatuto de observador associado junto do Secretariado Executivo da CPLP, justificado pelo "interesse que o mundo lusófono" desperta no país.

"O pedido de atribuição do estatuto de observador vem confirmar o interesse pelo mundo lusófono manifestado pela República Checa na prossecução das atividades desenvolvidas nos tempos da Checoslováquia", refere uma nota do Governo de Praga enviada à Lusa através da sua representação diplomática em Lisboa.

A iniciativa do Executivo checo também é justificada pela presença da língua portuguesa em diversas instituições de ensino neste país da Europa Central.

"O português é ensinado em cursos de licenciatura e mestrado em três universidades checas e estamos muito satisfeitos pela presença de centenas de estudantes portugueses na República Checa e pela posição cada vez mais ativa dos nossos empresários no Brasil ou nos PALOP (Países Africanos de Língua Oficial Portuguesa). É para nós uma honra estar ao lado do mundo lusófono e temos a consciência da sua crescente importância", conclui a nota.

O Secretariado Executivo da Comunidade dos Países de Língua Portuguesa (CPLP) deverá entretanto remeter o pedido para apreciação do Comité de Concertação Permanente, encaminhando-o de seguida para o Conselho de Ministros, que recomendará a decisão final a ser tomada pela próxima cimeira de chefes de Estado e de governo da organização, prevista para julho em Brasília.

De acordo com os estatutos da organização, os observadores associados beneficiarão dessa qualidade "a título permanente e poderão participar, sem direito a voto, nas cimeiras de chefes de Estado e de governo, bem como no Conselho de Ministros, sendo-lhes facultado o acesso à correspondente documentação não confidencial, podendo ainda apresentar comunicações desde que devidamente autorizados".

A CPLP inclui nove Estados-membros (Angola, Brasil, Cabo Verde, Guiné-Bissau, Guiné Equatorial, Moçambique, Portugal, São Tomé e Príncipe e Timor-Leste) e diversos observadores associados, onde se incluem o Senegal, Ilha Maurícia, Geórgia, Namíbia, Turquia e Japão.

A Comunidade integra ainda diversos observadores consultivos, provenientes de diversos setores da sociedade civil.

PCR // EL

Suu Kyi presta juramento como ministra do novo governo da Birmânia

A líder do movimento democrático da Birmânia, Aung San Suu Kyi, prestou hoje juramento como ministra do novo governo do país, pouco depois de Htin Kyaw, um homem da sua confiança, ter sido empossado como Presidente.

Suu Kyi vai liderar quatro de 21 ministérios: o dos Negócios Estrangeiros, o do Gabinete da Presidência, o da Educação e o da Electricidade e Energia.

A Nobel da Paz prestou juramento com mais 17 membros do novo Executivo, numa breve cerimónia em Naypyidaw, transmitida pelo canal de televisão do parlamento.

Prémio Nobel da Paz em 1991, Suu Kyi, que a junta militar que governou a Birmânia manteve sob detenção durante mais de 15 anos, está impedida de se candidatar à Presidência do país devido ao artigo da Constituição que retira essa possibilidade a pessoas casadas ou com filhos estrangeiros.

Uma disposição que se considera feita para visar directamente Suu Kyi, viúva de um britânico e com filhos de nacionalidade britânica.

O partido de Aung San Suu Kyi, de 70 anos, conquistou a maioria no parlamento birmanês em Novembro do ano passado, naquelas que foram as primeiras eleições livres em mais de 25 anos.

A última junta militar cedeu em 2011 o poder a um governo encabeçado pelo general Thein Sein, que iniciou uma série de reformas políticas e económicas premiadas com o levantamento de sanções por parte da União Europeia e dos Estados Unidos.

SAPO TL com Lusa – Foto: EPA@ Nyein Chan Naing

Empossado primeiro presidente democraticamente eleito em mais de 50 anos na Birmânia

Naypyidaw, 30 mar (Lusa) - O novo presidente de Myanmar (ex-Birmânia) tomou hoje posse, perante o parlamento em Naypyidaw, marcando o início de uma nova era para o país, que esteve durante décadas sob domínio militar.

"Prometo ser fiel ao povo da República birmanesa", declarou Htin Kyaw, que chegou ao parlamento ao lado da prémio Nobel da Paz e ativista pró-democracia Aung San Suu Kyi, envergando os dois 'longyis', a tradicional saia birmanesa.

"Tenho a obrigação de trabalhar para uma Constituição de padrão democrático e adequada ao país", disse o primeiro Presidente eleito democraticamente em mais de 50 anos.

"Compreendo que temos de trabalhar pacientemente para concretizar as ambições políticas que o nosso povo sonhou durante muitos anos", sublinhou Htin Kyaw, de 69 anos, no discurso de posse, de menos de três minutos, de acordo com o jornal birmanês The Irrawaddy.

Impossibilitada de ser Presidente devido a um artigo da Constituição herdada da junta militar, que proíbe o acesso ao cargo para quem tenha filhos de nacionalidade estrangeira - como Aung San Suu Kyi, que tem dois filhos britânicos - a "Dama de Rangum", figura dominante da oposição ao regime dos generais, vai liderar um novo "superministério", que inclui os Negócios Estrangeiros.

Suu Kyi tomou posse, tal como os restantes membros do governo, depois de Htin Kyaw. A prémio Nobel da Paz, de 70 anos, é a única mulher no executivo sexagenário.

Esta passagem de poder, 15 dias após a eleição de Htin Kyaw pelo parlamento, é o último ato de uma muito longa transição política, que começou depois das legislativas de 08 de novembro passado, o primeiro escrutínio livre em cerca de 25 anos e no qual os birmaneses participaram em massa.

A vitória esmagadora da Liga Nacional para a Democracia (NDL, sigla em inglês), o partido de Aung San Suu Kyi, nas eleições foi também um voto contra o governo de transição de ex-generais, responsáveis por importantes reformas em cinco anos de transição pós-junta militar, liderado pelo chefe de Estado cessante Thein Sein.

Ao mesmo tempo que saudou esta passagem como "uma nova etapa" para a democracia em Myanmar, a União Europeia lembrou, através da chefe da diplomacia dos 28, Federica Mogherini, "os numerosos desafios" ainda por enfrentar.

Este governo civil é investido quando um terço da população birmanesa vive sob o limiar da pobreza.

A NLD prometeu dar prioridade à educação e à saúde, áreas em que Myanmar é um dos piores alunos mundiais, em termos de orçamento.

"O país está pronto e ávido de mudança", considerou o analista político Khin Zaw Win, antigo preso político e atual diretor do centro de análise política Tampadipa.

O novo governo estará sobre forte pressão, nos próximos cinco anos, para empreender reformas rápidas e visíveis e será tentado a "não partir do zero", acrescentou.

Uma outra grande questão que espera a equipa de Aung San Suu Kyi é a dos conflitos étnicos. Em várias regiões fronteiriças, grupos rebeldes exigem mais autonomia e confrontam-se com as forças governamentais.

No oeste do país, milhares de muçulmanos 'rohingyas' continuam a viver deslocados em campos.

O novo governo terá também que manobrar para gerir as relações com o exército birmanês, que se mantém politicamente muito poderoso, com um quarto dos lugares no parlamento a pertencer a militares não-eleitos.

No executivo, os militares ocupam as pastas do Interior, Defesa e Fronteiras. O poderoso chefe das forças armadas, o general Min Aung Hlaing, deslocou-se ao parlamento para assistir à cerimónia de posse de Htin Kyaw.

EJ // EL

AUSTRALIA SEIDAUK PRONTU KOALIA FRONTEIRA MARITIMA

Prezidenti Repúblika (PR) Taur Matan Ruak informa katak, maske povu Timor Leste (TL) halo demonstrasaun dalabarak ona kontra Australia hodi defende sira nia soberania, maibé to’o agora Australia seida’uk fó ulun atu rezolve lalais fronteira marítima ho Timor Leste (TL).

“Ho Australia ita iha problema, tanba to’o agora, Primeiru Ministru Australia hateten katak, Australia seidauk prontu diskuti fronteira marítima,” informa Xefi Estadu Taur Matan Ruak, bainhira diálogu ho komunidade Suku Vato Boro, Postu Administrativu Maubara, Munisípiu Liquiça, Tersa (29/03).

Taur Matan Ruak esklarese, Estadu TL halo esforsu para regulariza disputa fronteira rai ho tasi entre TL ho Indonesia i Australia.

Xefi Estadu ne’e dehan, problema fronteira problema ne’ebe la fasil atu rezolve lalais iha mundu, hanesan Indonesia ho Malaysia no Papua Nova Guine.

Maibé Taur Matan Ruak dehan, fronteira rai maran entre TL ho Indonesia agora dada’uk hela pursentu rua de’it, tanba esforsu ida ne’e hahú kedas husi primeiru Governu.

“Foin dada’uk Prezidenti Repúblika Indonesia, Joko Widodo mai vizita ita nia rai, iha enkontru ita levanta kestaun ida ne’e. Saida mak ami nia intesaun, halo esforsu para hakotu tiha pursentu rua ne’e, hodi avansa fali ba fronteira marítima,” katak Taur Matan Ruak.

Taur Matan Ruak afirma, Australia seida’uk fó ulun atu rezolve fronteira marítima entre sira ho TL,  tanba antes TL ukun-an, Australia iha tiha ona akordu ho Indonesia kona-ba TL nia mina iha tasi laran.

“To’o ita ukun-an ita halo fali akordu ida, ita asina ho Australia akordu ida atu halo esplorasaun ba mina no gas,” katak Taur Matan Ruak.

Maibé Taur Matan Ruak esplika, iha akordu ne’e hateten katak, atu deskuti fronteira ne’e, to’o tinan 50 mak foin bele diskuti.

Taur Matan Ruak dehan, foin dada’uk TL lori Australia ba Tribunal internasional kona-ba asuntu ida ne’e, maibé Australia hatete nafatin katak, sira seidauk prontu deskuti fronteira ida ne’e.

“Kestaun mak ida ne’e, bainhira mak Australia prontu atu diskuti asuntu ida ne’e,” Taur Matan Ruak dehan.

Xefi Estadu ne’e esklarese lia hirak ne’e atu responde kona-ba preokupasaun komunidade Suku refere nian kona-ba soberania TL nian ne’ebé to’o agora Australia la fó ulun atu rezolve.

Komunidade Prizanto Oliveira, husu ba PR, Taur Matan Ruak atu esplika kona-ba fronteira tasi entre TL ho Australia ne’ebé to’o agora sei iha problema.

“Tanbasa mak ita nia soberania ne’e, Australia hakarak mai hada’u fali,” lamenta Prizanto Oliveira.cos

Jornal Nacional

KAZU FM, PN BELE HASAI REZOLUSAUN – LAIHA IMPAKTU BA RELASAUN TL-AUSTRALIA

Membru Parlamentu Nasional (PN) bele hasai rezolusaun ida hodi apoia manifestasdaun kontra Governu Australia kona-ba linha fronteira maritima (FM).

Membru PN husi Bankada CNRT, Arão Noe de Jesus, konfrima katak, reprezentante povu konkorda halo rezolusaun apoiu ba manifestasaun mesmu Parlamentu halo ona rezolusaun ida iha 2014 para kria komisaun ba negosiasaun mas lasala halo tan rezolusaun ida para fo forsa liu tan ba Governu apoiu 100% ba movimentasaun hotu-hotu.

“Asaun hotu hotu nebe halo mais pasiku tantu liu husi manifestasaun, negosiasaun ou diplomatikuita fo apoiu tomak ho objektivu ita nian para atu hetan justisa ba delimitasaun fronteira tasi Timor entre Australia ho Timor Leste,” hateten Deputadu Arão Noe iha PN, Kuarta (30/03/2016).

Antes ne’e Prezidenti Bankada FRETILIN, Aniceto Guteres, hateten, asaun ida nebe foin dau-dauk iha semana ida liu ba halo ne’e reprezenta Estadu, Timor oan tomak ninian, povu tomak ninia interese, nia sentimentu, nia preokupasaun kona-ba asuntu ida ne’e.

“Parlamentu ida ne’e ha’u hanoin labele husik hela asaun ida ne’e hanesan asaun tiha depois la halo buat ida iha ne’e. hau propoin ba Parlamentu ida ne’e halo rejolusaun ida atu fo apoiu ba asaun sira ne’e, mos fo apoiu atu reforsa tan Governu ninia esforsu tomak atu halo negosiasaun ba nune Timor Leste nudar Estadu soberanu bele hetan justisa tuir direitu internasional ninian,” hateten Aniceto Guterres.

La fo impaktu ba relasaun TL-Australia

Xefi Unidade misaun TIA-GT dezenvolvimentu ekonomia sub-regional Timor Leste, Indonesia e Australia, João Mendes Gonçalves, Kuarta (30/03/2016), halo enkontro trilateral entre Timor Leste, Indonesia ho Australia, maske oras ne’e dadaun Timor Leste ho Australia infretna hela problema fronteira maritima, maibe sei la fo impaktu ba koperasaun nasaun rua ne’e.

‘’Kestaun fronteira maritima ne’e kestaun politika sira nian, tan ne’e sira mak bele koalia no rezolve, ami iha ne’e koalia kestaun ekonomia no kestaun komersial ne’ebe mak fo benifisiu ba povu rai tolu ne’e, tan ne’e la iha impaktu ba ami atu kontinua halo koperasaun,’’ dehan João Mendes Gonçalves ba jornalista sira hafoin ratisipa enkntro trilateral, Kuarta (30/03/2016) iha salaun Nobre MNEC.

 João esplika katak,  ekontru trilateral ne’e hanesna enkontro normal ne’ebe mak akontese iha nasaun tolu, enkontro trilateral ne’e  iha ona planu asaun ne’ebe mak aprova ona husi rai tolu ne’e i hetan konkordansia husi nasaun tolu ne’e nia Governu.

‘’Ohin ne’e ami komesa debata kestaun balun ne’ebe mak liga ho konetividade, dala barak ami rona kona ba difikuldade movimentu ema transporte ho produtu ita nia fronteira ho Indonesia no mos difikuldade area martima ho aero nian,’’ koalia João.

Iha enkontro trilateral ne’e konvida ema sira ne’ebe mak involve iha kestaun sira ne’e hanesan, komapnia navigasaun aero, kompania transporte inklui mos autoridade sira, tanba sira mak halo kontrolo, nune’e iha oportunidade ne’e sira hotu bele koalia.

‘’Ami bele mos hare ona no identifika obstaklu no difikuldade ne’ebe mak ita nia sosiadade hetan, ita agora buka solusaun hodi ultrapasa difikuldade sira ne’e, depois kada nasaun lori ba nia Governu atu remove husi enkuadramentu legla ka buka dalan seluk,’’ tenik joao.

Iha enkontro trilateral ne’e deside area turismu sai prioridade bot ba sira, nune’e bele sai area ne’ebe mak dada turista sira mai i mos Timor Leste labele depende deit ba fundu mina rai komesa diversifika ona ekonomia rai laran.

Alende setor turismu, setor agrikultura, pescas, pecuario no infrastrutura mos sai setor ne’ebe mak importante atu investe, maibe sira hahu uluk ho setor turismu.

Iha fatin hanesan Ministru Estadu Kordenador Asuntu Ekonomia (MCAE) Estanislau Aleixo da Silva hatete, inisiativa Governu Timor Leste estabelese unidade ne’e hodi kria koperasaun trilateral ne’e hetan apoiu husi Governu Timor Leste rasik inklui mos Indonesia nian ho Australia, tanba nia objetivu atu dinamiza area ekonomia komersial entre pais tolu ne’e.

‘’Hanesan nasaun vizinhu ita iha kopersaun ekonomia diak tebes nune’e bele halo investimentu no mos atrai turista sira inklui mos fo oportunidade ba emprejario nasional sira atu hamutuk ho emprejario rai liur Indonesia ho Australia reforsa malu halo investimentu hamutuk,’’ esklarese Estanislau.

Nia informa, koperasaun rai tolu iha unidade ne’e agora  koalia liu ligasaun entre transporte tasi, aeros no terestre, maibe iha areos Timor Leste sei fraku tebes aeros farku tebes, tuir ministru ne’e avisaun ne’ebe mak oras ne’e dadaun semo iha Timor ituan tebes, tan ne’e seidauk iha kompetisaun, tan ne’e unidade ne’e hamutuk ho unidade iha Australia ho Indonesia koalia hela no buka solusaun nafatin ba problema sira ne’e. nes/nia

Jornal Nacional

HASAI IMUNIDADE VICENTE IHA PROSESU

Prosesu hasai imunidade Prezidenti Parlamentu Nasional (PN), Vicente Guterres, lao hela. Tanba ne’e, la duvidas, iha tempu balun Vicente Guterres, sei ba hatan kazu abuzu poder no partisipasaun ekonomia iha Trebunal.

Membru PN husi Bankada CNRT, Arão Noe de Jesus, hateten, prosesu ba hasai imunidade Prezidenti PN Vicente Guterres, kontinua lao, mas depende mos ba PN, katak se karta tribunal nian ne’e lori mai plenaria maka maioria afavor, automatikamente Vicente tenke ba Tribunal, mas mioria kontra, maka hein lai to’o mandatu Vicente nian remata maka bele kontinua nia prosesu justisa.

Informasaun husi tribunal katak iha ona pedidu badala tolu, se dala tolu ona Tribunal husu iha ne’e mai, persiza tau buat ne’e iha andamentu, pasa ba komisaun, komisaun halo pareser sira ne’e mai Parlamentu depois Parlamentu vota.

 “Hau hanoin diak liu aktu ne’e lao tia, se mai iha plenaria Deputadu sira vota maka barak liu kontra la autoriza husik depois de mandatu hotu maka ba responde i se autoriza foti imunidade ba responde, ida ne’e hau hanoin aktu normal ida para labele iha publika polemika ne’e lao hela deit to’o agora,” informa Deputadu Arão Noe iha PN, Kurta (30/03/2016).

Kuandu hasai ona imunidade ba Vicente oinsa ho nia kargu,  Arão klarifika katak, ne’e opsaun politika hotu, bele i bele mos lae, hanesan uluk membru Governu balun foti tiha imunidade mantein funsaun, depende ba rezolusaun nebe aprova ne’e ho modelu oinsa nian, modelu suspende periode ka, temporairu ba mumentu submete ba justisa ou foti imunidade suspende total depois kasu hotu maka fila fali ba mandatu, ida ne’e mos bele akontese depende ba konteudu de liberasaun nebe halo.

Nia hatutan, se suspende konsertesa vise maka sei troka, vise ida bele sae ba fali Presidente nia fatin, ida ne’e buat prosesu normal. nes

Jornal Nacional

ASINA TRATADU TASI TIMOR BA TINAN 50, ANGELA FREITAS FO SALA BA MARI, HORTA NO XANANA

Prezidente Partidu TRABALHISTA, Angela Freitas,  sai mos sasin ba asina akordu entre lideres Timor Leste halo ho Australia iha Palasiu Governu Dili 20 Maio 2002, afirma katak, Mari Alkatiri, José  Ramos Horta no Kay  Rala  Xanana Gusmão, la iha direitu atu asina akordu tratadu tasi Timor ho Governu Australia, tanba momentu ne’e Governu tranzisaun hela.

“Primeiru ha’u hato’o ba Alexander Downer nudar Ministru Negosiu Estranjeiru Australia,  hanesan deputadu  membru Parlamentu   tranzitoriu, ha’u  hato’o ha’u nia preokupasaun katak, Mari, Horta nomos Xanana la  iha direitu atu asina akordu ne’e, tanba  iha tempu ami nian ne’e, tempu tranzisaun, seidauk  iha Governu difinitivu ida,”preokupasaun  ne’e hato’o hosi Angela Freitas ba JN-Diário iha Bairo dos Grilhos Kuarta (30/03).

Tuir Angela Freitas, ukun nain hirak ne’e hanesan asina nakdedar deit. Tanba atu asina akordu ne’e  tenki  iha Governu definitivu  ne’ebe eleita hosi povu.

“Segundu rezolusaun  Nasoens Unidas ninian   iha Timor  Leste la’os para atu  halo negosiasaun   kualker  rikusoin  ne’ebe maka  ita  iha Timor Leste, sira  viola  tiha  ona,”dehan Angela Freitas.

Nia dehan, antes  ne’e nia simu dokumentus  ida no  nia rasik estuda dokumentus  ne’e katak, iha artigu barak ne’ebe koalia momos la fo vantajen ba Timor Leste.

“Ha’u koalia   mos ho Sergio Viera de Melo katak,  sira  viola  tiha rezolusaun  Nasoens Unidas nian  ba sira nia  prezensa  iha Timor Leste,”dehan Angela Freitas.

Nasoens Unidas laiha señor halo negosisaun  asina akordu  kona-ba tratadu rikusoin kualker nasaun. Maibe  pelo contrario iha situasaun  ne’ebe maka emerjensia ema ida rua ninia  desizaun  politika, ninia estratejika politika, asina tiha akordu ida ne’ebe maka to’o ikus ninia  konsekuensia bo’ot tebes  ba povu no nasaun ida ne’e.

“Dala barak ha’u aprezenta preokupasaun ba Nasoens Unidas, Sergio de Melo no Peter Galbraith  ne’ebe iha Timor Sea, ha’u hateten,   ita  bo’ot la iha señor  negosisaun kona-ba rikusoin Timor ninian,  ita nia prezensa Nasoens Unidas ne’e atu  estabelese  fo seguransa ba rai ida ne’e nomos ajuda tranzisaun ne’e atu  instala makina  Estadu nian,”Angela Freitas kontinua dehan.

Angela haktuir,  tanba sa ida maka  Nasoens Unidas  iha  ne’e   hola parte fali ba negosiasaun akordu rikusoin ne’ebe maka Timor ninia rain, ida ne’e sala bo’ot. Tanba  ne’e kulpa  ne’e atu fo lolos ba ukun  nain  sira ne’eb’e asina akordu ne’e.

“kulpa ne’e fo ba sira, liu-liu señor Mari Alkatiri,  ne’ebe que  iha momentu ne’e  kaer pasta nudar Primeiru Ministru, kaer  pasta nudar Ministru Ekonomia,  ne’ebe la iha lejitimasaun hosi povu nia ba ne’e asina dokumentu ida ne’ebe que kona-ba riku soin Timor nian,  ne’ebe la partensia ema ida rua nian, riku soin nasaun ne’e partensia ba Timor tomak,”dehan Angela Freitas.

Ne’e duni Angela Freitas lakohi sira hirak asina akordu tratadu ne’e sai fali Anju hodi lohi fali povu.

“Labele mai lohi fali povu no komunidade Timor Leste hasoru fali komunidade Australia, ida kan ita estraga relasaun diplomatika, la’os deit parte Governu, maibe komunidade em jeral. Hanesan politika ita buka oinsa  meius oinsa atu bele hametin tan  relasaun ita nia diplomatiku, oinsa maka  ita  bele konkista  nasaun  sira avansadu hanesan ne’e atu  nune’e sira bele mai aseita akordu ida ne’ebe maka ita fo sira atu nune’e sira mos haree direitu ne’e tuir lei tasi ninian,”hateten tan Angela Freitas.

Angela Freitas subliña katak, durante ne’e sira hirak agora kaer ukun ne’e taka informasaun barak ba publiku atu publiku labele hatene sira nia bosok ne’e. Nune’e to’o ikus sira ne’ebe hola parte iha asina akordu ne’e fase liman tiha povu maka lori todan.

“Tanba ita  haree  katak, kuandu sira halo negosisaun komesa kedas  iha  tinan 2000, ne’e koalia kona-ba  Joint Petroleum  Development Area (JPDA), tuir fali sira koalia iha tinan 2001 kona-ba Memorandum Greater Sunrise, iha asina primeiru momentu kedas iha 20 Maio 2002,”tenik Angela Freitas.

Akordu  ne’e, nia dehan, kobre ba area hot-hotu  ne’ebe ema bolu JPDA. Ne’ebe  TL kontinua nafatin  ho tratadu ida ne’ebe sira asina ho Indonesia, sira  hatene katak, tratadu ne’ebe maka akordu  ho Indonesia, tenki kansela total, tanba   TL  independensia ona.

“Tanba sa maka  ita kontinua  nafatin ho akordu tratadu  ne’ebe Australia asina ho Indonesia, iha momentu kuandu asina  iha tinan 2002, ida ne’e  sem (laiha) fronteira maritima, ne’ebe nia akordu ne’e 30 anos,  ha’u halo intervensaun  iha momentu ne’eba porque Partidu TRABALHISTA la konkorda ho akordu  ne’ebe kona-ba tasi Timor sem delimitasaun fronteira maritima, ita labele asina akordu sem limitasaun fronteira maritima,”dehan Angela Freitas.

Tuir Angela, maske Timor-Leste momentu ne’e iha situasaun emerjensia hanesan presiza finanseiru atu finansia Estadu, maibe labele fan Timor-Leste ba Australia ho asina akordu arbiru hodi la tetu nia konsekuensia ne’ebé bo’ot no agora dadauk nasaun ne’e hasoru todan tebes.

“Ita  labele fan  ita nia rai, tanba deit osan. Ita la  iha rajun ba ida ne’e, ita iha opsaun barak ne’ebe mundu ne’e oferese, liu hosi Banko Mundial, ho komunidade nasaun sira seluk, ne’ebe sira fo sira nia finanseiro depende ba nasaun rua ne’e,”hateten Angela Freitas.

Angela Freitas haktuir, razaun Mari Alkatiri sira asina akordu ne’e, tanba dehan, presiza osan. “Tanba  deit presiza osan  ita fan  tiha ita nia rai, ida ne’e la’os razaun, ida ne’e zero toleransia, ida ne’e krime hasoru nasaun, krime hasoru povu,”haklaken Angela Freitas.

Nune’e mos ho akordu  ne’ebe maka asina ona entre lideransa Timor oan sira ne’e ho Australia, nia dehan, laiha ona dalan. Tanba nia dehan, lideransa TL ne’ebe asina akordu ne’e maka fo tiha ona frakeza no laiha kapasidade atu estuda vantajen ho desvantajen husi akordu ne’ebe Australia sira fo ba TL.

“Ha’u hanoin la iha ona dalan ba negosisaun ona, tanba     iha  tratadu  ne’e esplika momos katak, durante 50 anos parte rua ne’e labele koalia ba fronteira maritima,”Angela Freitas hateten.

Nia relembra katak,  tuir Partidu TRABALHISTA ninia haree, iha momentu kuandu ukun nain Timor-Leste sira asina akordu iha tinan 2002 ne’e ba deit 30 anos. Halo nusa maka sira brani tan asina iha tinan 2007, aumenta tan ba 20 anos, sai tiha ba 50 anos ona sem fronteira maritima.

 “Inves ita hadia akordu  iha tinan 2002, maibe  ita aumenta tan ba 50 anos, agora ita atu fo sala ba se Australia? ou  ita fo sala ba Governu Timor Leste, ema sira involve iha akordu  ne’e,”dehan Angela Freitas.

Nia hatutan, kuandu koalia kona-ba  asuntu mina rai  ne’e problema bo’ot, nasaun ne’e nian soberania  ne’e duni labele halimar.

“Bainhira ema koalia tratadu mina rai tenke ema iha koñesimentu maka koalia iha Televisaun ne’ebe estraga hotu prosesu  prepara ba negosisaun ne’e. Ne’e duni Partidu TRABALHISTA fo hanoin katak,  importante  liu  ita hadia  ita nia uma laran, importante liu ita tenke  forma konselhu permanente ba  tratadu mina rai ne’e, ne’ebe kompostu hosi jurista, kompostu ho ekonomista, kompostu hosi politiku sira ne’ebe iha koñesimentu desde inisiu komesa kedas iha akordu  Australia asina ho Indonesia nian,”tenik Angela Freitas.

To’o notisia ne’e hatún seidauk hetan konfirmasaun husi autor sira ne’ebé uluk asina akordu konba tratadu tasi Timor.

Manuel Tilman: “Akordu CMATS provizoriu deit”

Nune’e mos, Jurista no ekonomista Timoroan, Manuel Tilman hatete, akordu Certain Maritime Arrangements in the Timor Sea (CMATS) ne’e provizoria deit, se Timor Leste define ona ninia fronteira maritima liu husi dalan median line, maka automatikamente akordu ne’e invalidu.

“Tratadu tasi timor ho CMATS ne’e provizoriu, wainhira seidauk difini lolos ita nia fronteira maritima liu husi median line,” dehan Dr. Manuel Tilman ba JN-Diario foin lalais ne’e iha nia kna’ar fatin Beach Garden, Praia dos Coqueiros.

Nia esplika, tasi Timor ne’e iha prinsipiu rua, fronteira maritima soberania katak, define ita nia baliza husi tasi, rai maran no lalehan ba to’o iha ne’ebe. Ida ne’e mak ita seidauk resolve. Nune’e mos ho akordu Tasi Timor no CMATS.

Mesmu nune’e, Timor Leste kontinua hakas an atu bele tur hamutuk ho Indonesia ho Australia iha meza negosiasoens hodi deside ninia direitu soberanu.

Nia kontinua esplika, iha tinan 1972 Governu Portugal ho Governu Australia atu hahu diskuti fronteira maritima, maibe Portugal dehan labele tanba Timor kolonia ida.

Maibe iha tinan 1989, Australia rekuñese katak, Timor integra ona ba Indonesia, entaun sira nain rua halo tiha tratadu ida.

Tratadu ne’e fahe tiha tasi ne’e ba grupu tolu, A, B no C. Ida A ne’e ba Australia, B ne’e mak sentru no C ne’e ba Indonesia. Timor Leste nudar provinsia ida husi Indonesia entaun nia hamutuk hela iha linha ne’e.

Agora, nia kontinua tan, Tasi Timor ne’e tama iha segunda opsaun, primeira opsaun mak fronteira maritima soberania. Tanba deit persiza finanseiru hodi sustenta nasaun maka ita pending tiha negosiasaun fronteira maritima soberanu, ita tama liu ba diskuti tratadu Tasi Timor.

Tratadu Tasi Timor ne’e mos ita halo bazeia ba artigu 83 husi United Nations Convention on the Law of the Sea (UNCLOS), artigu ne’e dehan, wainhira seidauk hetan rezolusaun difinitiva konaba fronteira maritima uza continental shelf (plataforma continental) ka median line.   Enkuantu lato’o akordu final ba ida ne’eba, nasaun ne’ebe que iha problema bele hetan dalan ida ne’ebe provizoriu.

Ida ne’e mak Timor Leste halo iha Tasi Timor dehan katak, maske Timor Leste nia fronteira maritima seidauk diskuti, maibe adopta dadaun temporariamente akordu ida iha tinan 1989 hodi simu dehan katak, A ne’e ba Australia C ne’e mai Timor no B ne’e mak bolu Joint Petroleu Development Area (JPDA).

“Agora JPDA ne’e mak prejudika ita, liu-liu iha futuru wainhira ita tama ba dezenvolvimentu greater sunrise, tanba tuir akordu 1989 nian ne’e, ita hetan greater sunrise ne’e 18% deit.

18% ne’e mai husi, 22,10% tama iha JPDA 78,90% tama ba Australia, ne’e ita labok.ida 22,10% ne’e Australia sei mai foti tan 10% tanba zona dezenvolvimentu konjuntu, entaun final ita so hetan deit 18%, ne’e ita lakon,” esklarese nia.

Tanba ne’e mak, la sala kuandu estudante sosiadade no povu tomak tun ba estrada hakilar hodi ejize ba Australia atu rezolve fronteira maritima liu husi dalan median line, tanba ne’e direitu soberanu TL.

“Lei konvensaun internasional konaba tasi uza mak median line, se ita uza linha klaran mak greater sunrise 100% ita nian,” afirma nia.

Nia mos tenta atu esplika akordu Tasi Timor ho CMATS katak, CMATS ne’e rezultadu husi akordu Tasi Timor atu bele rezolve buat balun iha Tasi Timor, maibe akordu ne’e rezolve buat diak no buat aat mos.

Iha tratadu Tasi Timor dehan katak, tinan 30 mak ita foin deskuti fronteira maritima soberania, agora ita buka osan finanseia estadu. Maibe iha 2005 ba 2006 mosu fali CMATS ne’ebe sae tiha ba tinan 50 mak foin deskuti fronteira maritima. Bele diskuti antes, maibe minarai maran tiha ona iha rai okos.

Akordu CMATS ne’e mos fo kompesasaun oituan mai Timor katak, labuat ida rendimentu final ne’e 50:50 liu-liu konaba Greater Sunrise.

Australia dehan, maske Timor lahetan 50%, maibe rendimentu final ne’e Australia ho laran luak fo Timor 50%, tantu se ita iha deit 18% sira fo tan 32% ita simu hamutuk 50%.

“Akordu Esplorasaun no dezenvolvimentu mina no gas ida ne’e mak Dr. Mari Alkatiri ho Dr. José Ramos Horta mak asina, ida ne’e mak lori ita ba tratadu tasi Timor ho CMATS ne’e,” tenik nia.

Jurista Timoroan ne’e reafirma, TL bele diskuti fonteira maritima soberanu no dezenvolvimentu no esplorasaun mina no gas temporaria ne’e hamutuk, maibe depende mos ba Governu nia jestaun finanseira, tanba desizaun ida bele implika ita nia vida nasional.

Basa media line ne’e la rezolve aban, maske ita obriga Australia mai tur iha meza negosiasoens, ne’e ita sei lori tempu naruk.

Tuir nia, Timor Leste tama uluk lai ho fronteira maritima soberanu, maibe tenki fiksa tiha lai nia prazu, iha tinan lima mai ita resolve buat ne’e kalae?

Entaun ita haluha dezenvolvimentu ho esplorasaun mina no gas ne’e, tanba ita sei iha osan fundu minarai US$16 biloens no ita bele sustenta nasaun wainhira ita halo manajementu diak.

Bainhira Governu halo jestaun diak ba fundu minarai $16 biloens ne’e, ita nia maun bo’ot Xanana Gusmão bele hakat ona ba meza negosiasoens buka dalan hodi hetan media line atu hetan Timor Leste nia soberania fronteira maritima.

“Ita bele halo buat rua ne’e hotu, maibe perioridade mak fronteira soberania, sei ida ne’e mak ita nia perioridade ita hotu tun ba estrada hatudu ba mundu tomak katak, ami iha direitu atu difini fronteira maritima aumesmu tempu ita bele buka fali dalan nasoens unidas no lori kazu ne’e ba tribunal do mar no tribunal de justisa,” hatete ekonomista ne’e.avi/nty

Jornal Nacional

PARABENS PNTL…!!!

Jornal Nacional, editorial

Polisia Nasional Timor Leste (PNTL) Domingo 27 Marsu liu ba kompleta tinan  XVI  (27 Marsu 2000 – 27 Marsu 2016)  nascimento instituisaun seguransa nasaun ida nee hodi asumi responsabilidade garante seguransa sidadaun nian, mantein  lei no ordem publiku iha país nee.

Instituisaun polisia nee harii hosi governu transisaun Nasoens Unidas, simu formasaun mai husi ema nasaun oi-oin, kultura oi-oin no sistema oi-oin no mos membru polisia nebe foun nee tau insituisaun nee iha frajilidade.

Ho frajilidade instituisaun nee fasil tebes monu ba tentasaun, manobra politika nebe instoituisaun nee dala wain tebes monu iha krize institusional nebe ameasa tebes vida instituisaun nee.

Instituisaun nee mos hakiak grupo oi-oin, grupo arte marsiais, membru polisia balun defende sira nia artemarsiais nebe sira pretense ba, iha grupo polisia nasionalista no otonomista no membru polisia veteranos no membru polisia  eis POLRI.

Ho grupo de pertense nee barak teb-tebes  nee halo instituisaun nee infrenta ondas boot 4 Setembro 2004, problema entre Polisia ho F-FDTL no insituisaun nee mos lori todan krize 2006 nebe lakon membru barak iha akontesimentu nebe akontese iha frente Ministeriu Justisa nian.

Maske inistuisaun nee up and down, falta rekursu material no menus pessoal polisia, atendementu ka atuasaun polisia nian dala wain la satisfaz  publiku tomak maibe nee mak kapasidade nebe ita nia polisia sira iha.

Selebrasaun aniversariu nee nudar momentu importante hodi halo reflesaun ba esistensia insituisaun nian hodi melhora antedementu ba publiku ho profesionalismo no rigor nunee bele manan konfiansa publiku.

Los duni, publiku, inklui membru Parlamentu sira kestiona atuasaun polisia nian iha terreno nebe dala balu viola direitus humanos, atuasaun brutalismo, uza atributu nasaun nian ba intrese privado no atuasaun ba situasaun ho emosaun, odiu no viganza.

Maske nunee orgulho ba timor, instituisaun nee ho berani simu responsabilidade seguransa husi UNPOL iha 2011, hodi kontrola situasaun seguransa tomak pais nian. Polisia mos Asumi responsabilidade hodi halo operasaun konjunta iha krize no operasaun konjunta buka  Mauk Moruk.

“Ita presiza  rekoñese katak, PNTL konsege ultrapasa ona husi  frajilidade lobun   ida no konsege  aperfeisoa nia a’an, hodi mos konsege halo diak  liu tan ba planeamentu  no adminsitrasaun  ba rekursus umanus, iha mosaun oi-oin  ho objetivu  atu servi  ba ita nia populasaun  no  nia patria,” Rui Maria de Araújo.

Los duni senhor Primeiru Ministru, tinan XVI nee seidauk tama kategora idade joven maibe konsidera instituisaun nee ultrapasa ona tempo frajilidade no atuasaun balu komprova insituisaun nee iha ona maturidade de pensamento.

Tan nee, nudar sidadaun nebe diak, agradese ba esforsu tomak, ofisiais no kudro lideransa superior sira no ajentes tomak ba dedikasaun tomak hodi garante seguransa, paz no estabilidade. Povu moris hakmatek, moris ho seguru, mantein lei no ordem  nudar esperansa ita tomak nian.  parabens, parabens eh paranbes ba Polisia Nasional Timor Leste.*

MEMBRU PNTL 500 HETAN PROMOSAUN DEVIZA

Komemorasaun  aniversariu Polisia Nasional Timor Leste (PNTL) ba dala XVI Domingo (27/03/2016) ne’e membrus PNTL hamutuk 500 maka s hetan promosaun deviza husi postu ajenti ba ajenti principal ba ajenti xefi no sarjentu ba primeiru sarjentu.

“Ohin ne’e reprezenta deit nain rua, total ne’e 500 resin ne’ebe tatikamente intrega ba komandante distritu no unidade hodi fo promosaun deviza ne’e ba sira, membrus unidade no mos iha distritu sira servisu ba,”Segundu komandante Jeral PNTL, Komisariu Faustino da Costa ba Jornalista sira iha akademia polisia, Comoro-Dili, Segunda (28/03/2016) hafoin partisipa seremonia isar bandeira nasional RDTL.

Esplika Faustino katak, husi numeru refere inklui membru polisia munisipiu sira, tanba ne’e sei hala’o promosaun ba sira iha munisipiu ne’ebe sira halao haknar ba. E promosaun deviza ne’e jeral ba unidade hotu ne’ebe maka iha korador PNTL nian.

Segundu komandante jeral PNTL ne’e esplika husi membrus sira ne’ebe maka hetan promosaun deviza tuir krietriu ne’ebe ejisti ona iha komando PNTL nian, husi kriteria maka hanesan postu ajenti tenke to’o tinan 6.

Maibe, fila fali ba ema ida-idak la taka dalan mos katak sei membru ida komete krimi pendenti hela membru ne’e labele hetan promosaun deviza.

Nia hatutan haree husi kondisaun jeral maske membru refere nia kumpri ona to’o tinan 6 ou liu maibe nia komete krimi no pendenti hela labele hetan promosaun deviza.

“Rejimi promosaun iha rua, ida koalia konaba kondisaun jeral katak fizikamente, mentalmente ema ne’e diak, no hetan avaliasaun diak husi nia komandante emidiatu, agora kondisaun espesial iha lei rejimi promosaun ne’e hatete nia bele servisu tinan 6, tinan 9 maibe nia komete kazu krimi pendente tantu nia labele hetan promosaun,”  esplika nia.

Nia afirma, tuir lolos promosaun diviza ba ema 650, maibe 500 deit tanba membru balun hetan demisaun, balun sai rasik, no balun iha kazu.  Eus 

Jornal Nacional

Kestaun Fronteira Maritima, Taur: Lafasil Rejolve ho Australia

MAUBARA - Presidente Republika Taur Matan Ruak afirma, kestaun fronteira maritima neebe maka sai problema entre Timor Leste ho Australia lafasil atu rejolve iha tempu badak.

Xefe Estadu hatete, nasaun barak maka tinan barak seidauk rejolve, hanesan Indoneia ho Malaysia nee seidauk rejolve ho Timor Leste lais liu fali rejolva kestaun batas.

Rejolbe kestaun batas tasi ho Autralia, ida nee komplikadu oituan, tamba ita nia rai deit, baliza ho baliza familia ho familia, suku ho suku ita sei problema hela, oinsa nasaun ho nasaun nee lagampang, I sei lori tempu naruk para ita atu bele rejolve,” dehan PR Taur, bainhira halo dialogu ho komunidade sira iha suku Vaviquinia, Postu Administrativa Maubara, Municipiu Liquisa, Tersa (29/03/2016).

 Timor Leste tuir PR Taur hakarak rejolve, maibee Australia too oras nee sei kontinua ulun toos lakoi atu resolve. Foin lalais  diskursu iha Parlamentu Nasional (PN) Xefe Estadu hatete, uluk Timor Leste maka asina tiha, tamba saida maka agora lakoi fali.

Iha fatin hanesan Jacinto Nunes hanesan komunidade Vaviquinia hatete, ukun aan tiha  ona, maibee seidauk koalia konaba soberania tasi Timor nian, tamba nee husu ba Presidente Republika atu hare kestaun ida nee. Informasaun kompletu iha STL Jornal no STL Web, edisaun Kinta (31/3/2016). Carme Ximenes

Suara Timor Lorosae

Halo Violensia Ba Ferik Oan, Tribunal Suspende Zuvinal Tinan 1

DILI - Tribunal Distrital Dili aplika pena prizaun fulan rua no suspende tinan ida ba arguidu Zuvinal de Jesus Soares, tanba provadu praktika krime violensia domestika hasoru nia kaben lezada Martina Mardou.

Liu husi audensia julgamentu tribunal lee sai leitura sentensa katak, ministeriu publiku akuza arguidu Zuvinal de Jesus  praktika krime violensia domestika hasoru nia kaben lezada Martina Mardou. Iha julgamentu arguidu la konfesa faktus, maibe lezada deklara arguidu baku no tuku nia dala barak.

Tanba nee tribunal konsidera faktus iha akuzasaun provadu hotu. Arguidu akresenta katak momentu nee nia ho kondisaun lanu. Maske ho kondisaun lanu laos dehan laiha ona hanoin bainhira atu halo buat ida. Ho ida nee tribunal aplika pena prizaun fulan rua no suspende ba tinan ida. No arguidu mos selu kustu judisiariu $10 ba tribunal.

Tuir akuzasaun husi ministeriu publiku katak iha loron (5/08/2015) tuku 16:00 loraik iha Liquisa arguidu hemu tua sabu no tua mutin botil rua too lanu. Ho kondisaun ida nee arguidu basa iha lezada nia hasan parte los no karuk dala barak no tuku dala ida iha hirus matan. Husi arguidu nia hahalok nee halo lezada senti moras iha nia isin lolon. Ho Ida nee ministeriu publiku akuza arguidu ho krime violensia domestika neebe previstu iha artigu 145 kodigu penal TL.

Audensia nee prezide husi juiz singular Ivan Antoninho, reprezenta ministeriu publiku prokurador Ozorio de Deus no arguidu hetan assistensia legal husi defensor publiku Estaque Guteres. Informasaun kompletu iha STL Jornal no STL Web, edisaun Kinta (31/3/2016). Domingas Gomes

Suara Timor Lorosae

La Depende Fundu Minarai, Governu Tenki Dezenvolve Agrikultura

DILI - Produsaun Mina no Gas neebe kontinua menus, governu la bele depende demais fundu minaria, tan nee tenki dezemvolve Seitor Agrikultura, Turismu, no peskas.

Tuir Prezidente Konseilu Konsultivu Fundu Petroliferu Mericio Akara hafoin halo audensia ho Primeiru Ministru Rui Maria de Araujo katak fundu mina rai mak sai rendimentu prinsipal Timor nian, tan nee governu, Parlamentu no sosiedade hotu-hotu tenki asegura fundu mina rai.

Ami fo hanoin ba governu atu ba oin governu la bele depedensia ba fundu minarai maibe presiza dezemvolve seitor peskas, turismu, agrikultura no seluk tan,” dehan Mericio ba Jornalista, Kuarta (30/03/2016) iha Palasiu Governu.

Nia hatete governu iha ona komitmentu atu halo reforma fiskal ho objetivu rendementu estadu kontinua iha nafatin, maske fundu minarai iha prosesu ameasa nia laran no folin mina mundial kontinua tun.

Iha fatin ketak Deputadu Bankada CNRT Agustinho Lay hatete folin mina neebe mak tun iha impaktu ba orsamentu estadu, tan nee tenki halo diversifikasaun hodi dezemvolve seitor seluk. Informasaun kompletu iha STL Jornal no STL Web, edisaun Kinta (31/3/2016). Timotio Gusmao

Suara Tmor Lorosae

XEFI SUCO TAPO/MEMO, POSTO ADMINISTRATIVU MALIANA, MUNISIPIU BOBONARO, GASPAR DE JESUS DA CONCEIÇÃO HUSU BA GOVERNO PRESIZA KONTINUA TAU ATENSAUN BA IRIGASAUN MALIANA II

Roportagen: João Mau Leto

MALIANA: Xefi Suco Tapo/Memo, Posto Administrativu Maliana, Munisipiu Bobonaro, Gaspar de Jesus da Conceição Husu Ba Governo Presiza Kontinua tau atensaun ba Irigasaun Maliana II. Irigasaun ne’e potensia tebes atu fornese bee ba area natar produktivu 3.400 hektares (ha).

Kestaun refere, Gaspar de Jesus da Conceição hato’o direita ona ba Presidente da República Taur Matan Ruak bainhira vizita Suco Tapo/Memo semana hirak liubá. Irigasaun Maliana II konstrui iha tinan 1982, tempoIndonesia. Bee hatama hosi mota Malibaka. Tama ba faze ukun aan, iha tinan 2012. Kompania Hugo Amor rehabilita fali hodi fornese bee ba natar maibé seidauk too tinan 2, kondisaun irigasaun ne’e aat fali. Hori uluk kedas, komunidade Tapo/Memo maioria depende ba produsaun natar no toos. Uza bee husi irigasaun Maliana II. Kuandu irigasaun ne’e aat, ou la funsiona, maka sira nia natar 3.400 hektares bele abandona. Komunidade suco refere tenki leba terus.

Uluk, tempo okupasaun Indonesia nian, komunidade Suco Tapo/Memo koiñesidu nudar suku armagen Hare nian (Desa Lumbung Padi). Ne’e duni, kuandu kondisaun irigasaun Maliana II aat, maka sira nia produsaun hare mos tun kedas. Desde ukun aan, tamba kondisaun irigasaun aat, sira nia produsaun hare kada tinan tuun makaas los. Produsaun hare la hanesan ho tempo Indonesia nian.

Iha sorin seluk, Xefi Grupo Patrata Tapo/Memo, Veronica Casimira kontinua kestiona sobre programa Governo, Povu Kuda Governo Sosa. Iha fatin hotu-hotu, tau kuadru avizu: “Povu Kuda Governo Sosa”. Ne’e bosok deit komunidade. Kada tinan komunidade Tapo/Memo produs hare no aihan bar-barak hosi toos maibé Governo nunka tun ba sira nia suco, sosa sira nia produtu, “afinal Governo bosok deit ami,” nia reforsa.

Iha parte seluk, responde preokupasaun refere, Administrador Munisipiu Bobonaro, Zeferino Soares dos Santos hatete, tekniku sira hala’o ona estudu segundu fase ba Irigasaun Maliana II. Iha tinan hira ba oin, Governo sei implementa projetu ba irigasaun Maliana II. Importante mak komunidade Tapo/Memo tenke garante kompañia ne’ebé atu hala’o projetu refere to’o remata. Alende ne’e, Departementu Agrikultura Munisipiu Bobonaro iha ona programa feitu ona, atu halo konstruksaun ba Irigasaun Maliana II iha tinan hira ba oin. “Tekniku sira hala’o hela estuda ba segundu fase atu hala’o konstruksaun ba Irigasaun Maliana II. Ita bo’ot sira labele duvidas tan. Tinan hira ba oin, Ministeriu Agrikultura, Diresaun Irigasaun sei hala’o konstruksaun,”promesa Administrador Munisipiu Bobonaro Zeferino Soares dos Santos.

Jornál Suara Timor Lorosae, Loron Tersa, 29 Marsu 2016 - Foto: Gaspar de Jesus da Conceição