Censos Agricolas 2019 - Hau Nia Resposta, Hau Nia Futuru

Quintiliano Belo* | opiniaun

Censos Agricolas, nudar Censos dahuluk depois tiha Timor-Leste hetan nia Restaurasaun iha 20 de Maio 2002 liu ba.

Bazea ba Censos Agrikultura Mundial ho siklu kada Tinan 5 dala ida hateten katak Timor-Leste nia Tempo mak Tinan 2018/2019, no karik Timor-Leste la konsege realiza, Timor Leste nunka mais atu realiza, ou bele realiza depois de tinan 10 oin mai.

Tamba nee Governu sira nebe Liu ona esforzu-an hodi produz no aprova Rezulusaun Governu liu husi Conselho Ministro ho Nu 23/2017  hodi konfirma katak realizasaun Censos Agricolas prioridade no preriodades tebes atu bele sai nudar fundasaun hodi sukat no hatene tuir lolos estrutura realidade atual Agrikultura, pecuaria, floresta no Pescas iha Timor-Leste.

Ho Nunee VIII governu nebe Lidera husi Sua Ex-cia Premeiru Ministru Taur Matan Ruak mos konpremitidu hodi tau mos Censos Agricolas nudar programa prioritario iha seitor agrikuktura durante mandatu tinan 5 oin mai. Hodi Asegura katak planu politika ba dezenvolvimentu seitor agrikultura, pecuaria, florestas no pescas tenki bazea duni dadus kredibel, nufim dadus hirak nee sientifikamente rekuinesidu iha mundu internasional.

Kompremisu VIII governu nian nee, hatudu liu husi orsamentu nebe alokadu iha OGE 2019, katak VIII governu hamutuk ho tekniku sira prontu atu realiza Censos Agricolas iha tinan 2019. Nunee Timor Leste hetan dadus nebe sai provas forti no garantidu, hodi tulun politiku, seitor privadu nasional no internasional sira atu bele halo investimentu iha Seitor Agrikultura, pecuaria, florestas no pescas iha Timor-Leste.

VIII Governu Timor Leste, lakoi lakon oportunidade diak ida nee, basa dadus mak sai hanesan fontes prinsipal hodi hatene lolos katak too iha nebe no atu ba tan iha nebe. Aleinde ida nee VIII governu hatene katak, so dadus mak bele sai provas forti hodi justifika progresu sira tantu horizontal nomos vertikalmente.

Loos duni, Timor-Leste ladauk iha esperiensia sufisienti atu realiza Censos Agricola, Maibe ho tulun mai husi Peritus Internasional-nebe FAO mak suporta, Diresaun Geral Estatiska hamutuk ho Ministerio da Agrikultura no Pescas prontu atu infrenta desafius sira ho konsiensia tomak, hodi halo susesu Censos Agricola 2019.

Tamba nee, Diresaun Geral Estatiska nebe nudar badaen, Ministerio da Agrikultura no Pescas nebe nudar uma nain no FAO nebe nudar arkitektura esforzu maka’as durante tinan rua nia laran hodi halo preparasaun sira tuir padraun no metodolojia nebe internasionalmente rekuinesidu.

Nunee komisaun teknika disidi atu realiza Pilotu Censos Agricolas antes implementasaun Censos Atual 2019. Nunee pilotus Censos Agricolas iha Timor Leste komesa hahu iha loron 03-no termina iha 22 de Dezembru 2018 iha Munisipiu 8, suco 30 ho nia kompozisaun 65% suco Urbana no 35 suco Rural.

Munispiu sira nee mak hanesan Aileu, Baucau, Bobonaro, Covalima, Ermera, Manufahi, Viqueque no RAEOA ho total uma kain Agrikultor nebe sei hetan enumerasaun hamutuk 4500.

*Quintiliano Belo

Arj. Sec. Ezekutivu

Ukun Parlamentu no Direitus Umanus

Hosi Hercus Alexandre Lakadouk II

“Portanto, quem sabe como fazer o bem e não o faz, comete pecado” (Tiago, 4:17)

Uluk nana’in ha’u hakarak hahú artigu simples oan ida-ne’e lori saúda Parabéns ba aniversáriu RDTL ba dala 43. Hakru’uk ho respeitu boot ba heróis, mártir da libertação da pátria sira hotu. Ohin, Timor-Leste, presiza heróis foun ba libertação do povo hosi kualkér violasaun Direitus Umanus.

      Parlamentu, se ita haree liu de’it, maka órgaun soberania ida-ne’ebé kolejiál hala’o funsaun Polítika-Lejizlativa nu’udar reprezentasaun hosi povu. Ita hotu simu hanoin ida-ne’e bainhira ita haree lalais liu de’it kona-ba Parlamentu no dala barak iha komunidade nia leet ita rona liu maka Parlamentu maka reprezentante povu nian. Definisaun ne’e maka ema barak temi no ne’e loos. Maibé karik la kompletu. Tuir Profesora Lucia Amaral hateten katak, Parlamento é a assembleia ou união de assembleias, ou seja, a estrutura colegial organizada de acordo com o princípio igualitário e não hierárquico, à qual são essencialmente atribuídas funções Político-Legislativas que se sustentam no princípio da legitimidade expresso através da representação política”. Ha’u hakarak atu aumenta tan de’it definisaun hosi Profesora Lucia Amaral nian ne’e sai nune’e “Parlamento é a assembleia ou união de assembleias, ou seja, a estrutura colegial organizada de acordo com o princípio igualitário e não hierárquico, à qual são essencialmente atribuídas funções Político-Legislativas que se sustentam no princípio da legitimidade expresso através da representação política para o a defesa dos Direitos Humanos”. Sein defeza ba Direitus Umanus, Parlamentu sei lakon ninia esensia, ninia klamar, ninia ilas loloos hosi Istória Parlamentu nian iha-ne’ebé Parlamentu sempre sai nu’udar, lian maioria ou lian minoria, lori kontra arbietraridade hosi ukun na’in sira-ne’ebé kontra dignidade ema nian lori fó dalan (só depoizde segunda guerra mundial) lori hamosu instrumentu ba protesaun Direitus Umanus, liuhosi ONU, iha-ne’ebé Direitus Umanus sai ona asuntu importante iha tempu ohin loron nian iha komunidade internasionál.

I. Parlamentu iha Europa

Ita hotu hatene katak rota ka ukun Parlamentu iha forsa hahú kedas iha tempu uluk iha Polis, Sidade-Estadu, iha Atena. Iha sidade-estadu iha Atena iha demokrasia ne’ebé partisipativa no direta tanba sira iha konseitu ida katak ukun iha povu nia liman (konseitu ne’e maka ohin Estadu Direitu Demokrátiku hotu-hotu uza) ne’ebé lori hamosu buat ida hanesan asembleia (parlamentu) tanba iha asembleia maka sidadaun sira ho tinan liu 18 halibur hamutuk lori buka trata asuntu importante ba estadu-polis. Profesora Patrícia Jerónimo hakerek (iha ninia livru Os Direitos Humanos à escala das Civilizações. Almedina Editora, 2002.p.49) lori sita tuir Finley ninia hateten katak “A Assemblea, que detinha a palavra final na guerra e na paz, nos tratados, nas finanças, na legislação, nas obras públicas, em suma, na totalidade das atividades governamentais, era um comício ao ar livre, com tantos milhares de cidadãos com idade superior a 18 anos quantos quisessem comparecer naquele determinado dia”.  Profesora Patrícia moos dehan katak “…a votação na assembleia era normalmente precedida por discussões informais, que podiam decorrer na praça da cidade ou noutros lugares de convívio mais restritos e que inteiravam os cidadãos dos problemas a resolver, preparando-os para o debate definitivo e sequente votação” (Os Direitos Humanos à escala das Civilizações. Almedina Editora, 2002.p.52). Tanba ne’e maka Profesora Patrícia Jerónimo moos dehan katak, “O governo da polis ficava doravante confiado ao conjunto dos seus cidadãos. Pertencia ao povo a titularidade do poder” (Os Direitos Humanos à escala das Civilizações. Almedina Editora, 2002.p.49). Ita bele konkorda katak demokrasia iha Atena hanesan demokrasia direta ne’ebé bele funsiona di’ak tanba karik polis sidade-estadu ki’ik ne’ebé atu hanesan ho situasaun iha Timor iha tempu bei'ala sira nian iha-ne’ebé kada grupu (kada loro) ukun ninia ema rasik (tuir hanoin hosi Profesor Luiz Filipe Thomaz nu’udar expert iha Historia Oriental no Timor nian) iha-ne’ebé lori soi situasaun hanesan iha Atena hanesan Profesora Patrícia Jerónimo hateten “Sendo a polis uma unidade política e social que se pretende auto-suficiente, muita é a atenção concretamente dispensada à promoção e manutenção dos laços que solidarizam os cidadãos entre si e os mobilizam para o grande projecto comum. Para essa coesão concorrem, fundamentalmente, três projectos – a partilha de uma legado histórico, uma prática religiosa colectiva e a subordinação a um mesmo conjunto de normas”.  Ne’e atu korresponde maizumenus hanesan ba situasaun iha Timor relasiona ba kada loro ou ba kada uma iha kolaborasaun hosi parte hotu-hotu ne’ebé pertense ba kada loro ou ba kada uma adat ida nia laran. Hanesan moos iha Atena no moos iha Timor (no moos iha mundu seluk-seluk) moris komunidade nian hosi tempu ba tempu nakfilak sai kompleksu no ho kompleksidade ne’e maka hamosu podér delegadu hosi povu ba ukun na’in sira. Povu delega ninia podér ba ukun na’in sira.

Iha parte seluk iha tempu romanu sira nian ho dato ka patrísiu sira-nia influensia iha senadu romanu bele hili no troka liurai no lori hatuur vida polítika no espirituál iha romanu nia ukun. Mezmu estadu romanu nu’udar monarkia (Liurai maka ukun) maibé Liurai sa’e ba ukun la tuir eransa (la tuir jerasaun) maibé dato sira maka hili kualkér dato maluk seluk ida lori sa’e ba ukun nu’udar Liurai. Ho nune’e ukun fahe ba rua entre Dato ida-ne’ebé sai Liurai ho dato maluk seluk ne’ebé halo parte ba Senadu (Asembleia hanesan Parlamentu ne’ebé iha dato 300 lori fó-opiniaun kona-ba asuntu importante sira iha Estadu nia laran) no Liurai tenke rona dato sira-ne’e molok foti desizaun ruma. Dato sira seluk moos halo parte ba buat ida naran Komísiu Kuriál – Asembleia ka Parlamentu dato nian sira ne’ebé halo lei no hili dato sé maka sa’e ba Liurai bainhira Liurai ida mate. Dato sira seluk tan fali halo parte ba Komísiu Senturiál – Asembleia ka Parlamentu ba dato asuwa'in sira nian ne’ebé iha kompeténsia lori foti desizaun kona-ba funu no halo pás.  Iha moos iha reinu seluk-seluk dalaruma dato ida-ne’ebé sa’e ba ukun nu’udar Liurai sinte an iha leten ona, aas liu hotu-hotu, komesa foti desizaun tuir de’it ninia hakarak. Akontese iha Roma iha sékulu VI a.C Liurai lakohi rona dato seluk sira-nia hanoin entaun dato sira halo revolta, iha tinan 509, lori hatún Liurai no dato sira troka sistema monarkia ba Repúblika.  Sistema Repúblika hanesan sistema ne’ebé ema romanu sira maka kria iha mundu. Mezmu nune’e povu sira seidauk iha fatin iha Parlamentu. Dato sira de’it maka okupa fatin iha Parlamentu no halo lei ho liafuan ne’ebé maka dato sira ko’alia (la hakerek) serbí de'it ba dato sira-nia interese. Liutiha tinan barak maka povu sira halo revolta no ikus mai iha tinan 493 a. C povu sira hetan manan dahuluk atu sira bele iha reprezentasaun lori sai majistradu ho naran Tribuno da Plebe. Hahú hosi ne’e maka Tribuno de Plebe obriga atu halo lei ne’ebé maka hakerek, la'ós hatuur de’it ho liafuan, atu nune’e lori proteje direitu ema hotu-hotu nian.

Ita haree iha ierarkia tempu uluk nian iha rai Europa tuir Profesór António José Fernandes hakerek (iha ninia livru ho títulu Direitos Humanos e Cidadania Europeia, Almedina, 2004,p.17-24.) iha Antenas, iha Roma Antiga, iha tempu Feudal no Idade Média iha rai balu iha Europa ita bele haree katak iha estratifikasaun sosiál ne’e rasik iha mudansa. Hanesan iha Atenas ita haree katak iha estratifikasaun rua de'it maka sidadaun (ne’ebé iha direitu sivíl no polítiku) nu’udar klase sosiál dahuluk no klase sosiál iha okos maka ema sira hanesan ema estranjeiru, feto, meteku, no atan. Karik ha’u bele kompara lori partilla tuir hanoin hosi Profesór História Oriental (inkuli moos Timor-Leste) Filipe Thomaz dehan katak iha tempu uluk liu iha Timor iha klase sosiál aas liu maka Loro (karik seidauk iha dato ho liurai) ho podér sivíl no relijiozu. Se nune’e ita bele dehan katak klase sosiál daruak maka ema seluk-seluk (karik hotu-hotu mesak família de’it) ne’ebé halo parte ba uma Loro. Bainhira iha Esparta diferente fali sira-nia estratifikasaun sosiál fahe ba tolu maka Omoioi hanesan iha direitu sivíl no polítiku no sira iha tinan liu 30. Tuir fali maka Perieku ho deít direitu sivíl no depois maka Ilotas (la iha direitu sivíl no polítiku). Bainhira ita haree fali estratifikasaun iha Antiga Roma iha hetan katak estratifikasaun dahuluk maka patrísiu (hanesan iha Timor maka dato ou rato) iha direitu polítiku sivíl, judisiál, no relijiozu. Klase daruak maka Kliente nu’udar ema sira-ne’ebé halo to’os dato sira nian. Klase datoluk maka Plebeu (la iha direitu) no ikus liu maka atan (konsidera nu’udar sasan katak bele fa’an hosi dato ba dato seluk). Klase sosál iha Antiga Roma atu hanesan ona ho klase sosiál ne’ebé eziste iha Timor iha tempu uluk hanesan Konde Sarzedas ou Bento de França hakerek no haktuir moos hosi Don Ximenes Belo maka hanesan klase sosiál dahuluk maka Dato, tumugoen, xefe povuasaun boot no ki’ik. Klase daruak maka soldadu, klase datoluk maka la'o rai sira no klase dahaat iha okos liu maka atan. Iha tempu sistema feudal nian iha rai balu iha Europa estratifikasaun sosiál maka Liurai okupa klase sosiál dahuluk, tuir fali maka Na’i Feudal no kleru importante sira, depois maka kleru ki’ik sira ho dato sira, kamponez livre no atan. Iha tempu feudal maka foin haketak Liurai nakfilak sai nu’udar klase sosiál ketak no klase sosiál dahuluk. Maibé depois tama fali iha Idade Média estratifikasaun muda fali. Klase sosiál dahuluk maka kleru (Amu-Lulik Igreja Katólika) tuir fali maka dato sira (inklui moos liurai sira halo parte ba klase sosiál dato hanesan moos iha Timor) no depois maka povu. Tanba iha Idade Média maka Igreja Katólika iha papél importante la’ós de’it iha esfera espirituál maibé moos iha podér polítiku direitu ba reinu ou estadu ida nia laran ne’ebé maka sei iha influénsia to’o agora mezmu la direitu ona hanesan tempu uluk maibé Igreja Katólika dezde tempu imperadór Constantino nian sempre hatudu ilas ba  podér iha esfera espirituál (forsa morál katólika) maibé moos nu’udar ilas ba podér iha esfera polítika. Ita la bele haree Igreja Katólika (Vatikanu) hosi esfera espirituál de’it. Papél Igreja Katólika iha esfera polítika sei maka’as nafatin mezmu naksumik iha esfera espirituál nia laran. Igreja Katólika iha kapasidade boot tebes atu adapta an ho realidade ne’ebé nia hasoru. Ita presiza iha kolaborasaun di’ak ho Igreja katólika no ita moos espera, nu’udar sarani di’ak, ita buka atu kontribui harii relasaun di’ak ho Igreja Katólika no responsavel Igreja Katólika moos presiza iha sensibilidade lori defende tuir saída maka Igreja Katólika hanorin lahó diskriminasaun tuir de’it sasukat maka Jesus Cristo haruka.

Hosi deskrisaun Profesór António José Fernandes nian iha leten ita bele haree oinsá mudansa hosi ukun iha rai Europa ne’ebé ikus mai, hanesan rekuo, lori hamosu Monarkia absoluta hahú iha sékulu XV iha rai Europa (hanesan orijen mai hosi Impériu romanu no Monarkia Feudal) hanesan iha Inglaterra no Fransa no ikus mai kontribui lori hamosu hikas fali mekanizmu lubuk ida, lidera hosi dato sira, lori kontra Monarquia absoluta no arbitrariedade hosi Liurai absolutu ho ema riku na’in ho dato arrogante sira seluk hanesan iha Inglaterra ho Magna Carta (autogarda pelo Rei João Sem Terra ina tinan 1215) no moos Petition of Right ne’ebé maka Parlamentu inglés aprova no hatoó ba Liurai D. Carlos I iha tinan 1628 lori haforsa liután Magna Carta lori hatuur Estado de Direito lori kontra arbitrariedade hosi ukun-na’in hasoru ema nia direitu, liberdade no hatuur moos katak Liurai rasik moos la bele halo kobransa tributu ba sidadaun sira se Liurai la husu autorizasaun hosi Parlamentu. Katak tenke ho autorizasaun hosi Parlamentu maka Liurai bele halo kobransa tributu. Parlamentu la autoriza la bele. Iha tinan 1689 Parlamentu impoin ba Prínsipe Guilherme de Orange Bill of Right (Tanba Jaime II hali'is liu ba Igreja Katólika entaun dato sira hasai tiha nia hosi ukun nu’udar liurai no nia halai tiha ba Fransa entaun Parlamentu deklara katak tronu Inglaterra mamuk no dato sira bolu fali Mane-foun Jaime II nian maka Prínsipe Guilherme de Orange hosi Olanda ba ukun fali Fransa. Prínsipe Guilherme de Orange hosi Olanda hola Liurai Jaime II nia oan feto naran Maria no Prínsipe Guilherme lori nia feen Maria ba Olanda no tanba kaben ho ema Olanda, no sai ona sidadan olandeza ita bele hanaran nia Maria Olandeza (Maria Olandes se tuir ita-nia beiala sira uluk sira-nia pronúnsia tanba ladun hatene halo diferensa entre liafuan feminino ho masculino) maibé tanba dato sira iha Parlamentu deklara ona katak Tronu Inglaterra mamuk maka dato sira bolu fali Guiherme de Orange ba ukun Inglaterra tanba Guilherme de Orange hola Liurai Jaime II nia oan feto Maria ne’e) lori halakon direitu divinu Liurai ninian no hametin liután atu Liurai ukun tenke tuir de’it lei haruka no lori rekoñese katak sidadaun hotu-hotu iha liberdade naturál no direitu ne’ebé tenke hetan protesaun no la bele iha arbitrariedade. Hahú ho Bill of Right  maka hatuur ona moos Parlamentu nu’udar autoridade forte ida no Prínsipe Guilherme de Orange ukun tenke la’o tuir de’it dato sira iha Parlamentu ninia autorizasaun iha kazu importante ruma ba moris estadu Inglaterra nian. Liurai la bele ona foti desizaun mesak mas tenke konsulta sempre ho Parlamentu no Parlamentu autoriza maka bele.

Ho Magna Carta, Petition of Right, Habeas Corpus, Bill of Right halo mudansa boot tebes ba sosiedade nia moris iha Inglaterra ho ninia efeitu ba to’o iha EUA (lori hamosu no sunu espíritu ba ukun rasik an ba EUA hanesan Ana Maria Magalhães no Isabel Alçada hateten katak, “Naquele continente imenso, onde ainda estava muito por explorar e onde as pessoas se afirmavam pelas suas qualidades pessoais e não pela classe social a que pertenciam, era natural que surgisse o desejo de libertação do poder do Rei inglês e do Parlamento inglês”.) no moos iha Fransa ne’e tanba iha sékulu XVI mundu europeu iha momentu ne’ebá tama iha faze ida ema hanaran Liberalizmu lori hetan kontribuisaun ho hanoin sira hosi matenek-na’in sira hanesan John Locke ho nia livru Dois Ensaios sobre o Governo, Charles Montesquieu ho nia livru O Espírito das Leis (halo impaktu boot tebes iha rai Europa. Iha fulan 18 nia laran de’it, obra ne’e hetan edisaun 22), Voltaire ho nia livru Tratado sobre a Tolerância, Jean-Jaques Rousseau ho nia livru O Contrato Social no John Stuart Mill ho nia livru Ensaio sobre a Liberdade. Sira hotu hakerek kona-ba, de uma maneira resumida, oinsá harii sosiedade ida-ne’ebé respeitu ba direitu fundamentál ema nian lori kontra kualkér arbitrariedade hosu ukun na’in sira (hanesan dato, liurai no riku-na’in sira no Igreja Katólika) lori hamosu separasaun podér iha podér ezekutivu, lejizlativu, judisiál ketak-ketak (la bele iha ema ida ou órgaun ida de’it nia liman) no separasaun podér laiku ho podér espirituál.

Revolusaun franseza ne’e rasik akontese iha tempu governu bourbons. Antes revolusaun iha Estados Gerais atu hanesan Parlamentu ne’ebé iha reprezentasaun hosi kleru, dato no povu sira.  Iha Estados Gerais reprezentasaun povu sira iha influénsia hetok maka’as liután tanba hetan fatin hanesan moos ho reprezentasaun hosi kleru no dato sira no ikus mai sira hamosu terseira estadu lori harii Asembleia Nasionál ne’ebé ikus mai sai Asembleia Nasionál Konstituinte lori hamosu Declaração dos Direitos do Homem e do Cidadão hetan aprovasaun iha 26 de Agosto de 1789 no depois maka hamosu tan fali Konstituisaun ba estadu Fransa iha tinan 1791. Declaração dos Direitos do Homem e do Cidadão rasik hanesan instrumentu ida-ne’ebé hakotu ona ukun Monarquia absoluta. Hahú ho Declaração dos Direitos do Homem e do Cidadão hatur ona katak ema hotu-hotu hanesan iha lei, halakon estratifikasaun sosiál, halakon direitu no priviléjiu feudal, halakon kargu públiku ereditáriu. Ho revolusaun iha Fransa troka monarkia absolutu Fransa nian ba monarkia konstitusionál atu Liurai ukun la tuir de'it ninia hakarak (Liurai nia hakarak maka lei) maibé dato sira hatuur ona lei eskrita lori define no limita Liurai nia ukun no  Liurai la bele ona halo tuir de'it ninia hakarak maibé tenke ona halo tuir lei eskrita ninia haruka. Ita bele dehan katak ho revolusaun maka hatuur ona soberania nasionál ou populár, supremasia ba lei sira, bele iha ideolojia ou hanoin oioin iha demokrasia pluralista nia laran, iha reprezentasaun populár ka demokrasia reprezentativa, iha lejitimasaun ba ukun, iha kontrolu polítiku ba ukun sira-ne’e rasik no iha separasaun ba ukun iha ezekutivu, lejizlativu no tribunál. buat sira-ne’e hotu define tuir lei (Konstituisaun no lei oan sira hotu) haruka. Buat sira-ne’e moos la muda hosi kalan ba loron mas muda ho tempu ne’ebé naruk uitoan no nakonu ho intriga oioin. Mas ita hotu bele konkorda katak ho baze iha revolusaun franseza (hahú hosi revolusaun Glorioza iha Inglaterra) maka loke ona dalan ba estadu ne’ebé hatuur tuir lei haruka. Depois segunda metade sékulu XX maka transforma estadu legalidade ba Estadu konstitusionál katak buat hotu-hotu tenke tuir Konstituisaun nu’udar lei fundamentál estadu ida nian. Tanba antes sékulu XVIII la iha dokumentu eskrita ida, ho autór no data identifikadu, lori hatuur orden fundamentál estadu ou komunidade polítika ida nian. Ho nune’e estadu modernu maka estadu ne’ebé tenke tuir Konstituisaun haruka. Katak Konstituisaun maka tenke sai ona nu’udar fonte primária no aas liu iha Estadu ida nia laran. buat hotu (desizaun no asaun polítika hotu-hotu) la tuir Konstituisaun haruka laloos no la bele halo tuir. Ho modelu ida-ne’e maka ninia impaktu naklekar ba nasaun seluk-seluk lori halo tuir. Katak lei eskrita (Konstituisaun nu’udar lei fundamentál no lei oan sira) maka define buat hotu-hotu kona-ba vida estadu nian no em especial iha definisaun klaru ba separasaun podér entre órgaun soberania sira. La bele haksoit liu lei (Konstituisaun no lei oan sira) sira-ne’e. Maibé se ita hakarak introdús hanoin ruma ou interese ruma bele naran katak halo lei foun ou halo revizaun ba Konstituisaun. Iha parte seluk estadu modernu, karakteriza moos ho papél importante no ativu hosi parlamentu hanesan Profesór Pedro  Bacelar de Vasconcelos hateten, “O Parlamento delimita um espaço essencial do Estado moderno”. Tanba ita bele hanoin katak iha Parlamentu maka bele iha reprezentasaun hosi sidadaun ne’ebé hili tuir via demokrátika katak tuir eleisaun sufrájiu universál, direitu no sekretu atu lori halo knaar nu’udar reprezentante povu hotu-hotu nian lori halo kontrolu ba ukun (hahalok ukun na’in nian relasiona ho ninia knaar ho programa sira) tuir dalan ne’ebé maka lei hatuur ona no lori halo lei sira-ne’ebé maka bele serbí ba interese povu nian. Iha kazu estremu, hanesan ezemplu ne’ebé besik ita, akontesimentu reformasi iha Indonézia rasik hahuu ho forsa hosi universitáriu sira hamutuk ho Parlamentu (MPR-DPR).

Hosi Istória sira iha leten ne’e maka sai hanesan marku importante ba mundu osidentál (no rai seluk-seluk ne’ebé hetan ninia influénsia inklui Timor-Leste) iha protesaun ba Direitus Umanus ne’ebé hatuur liuhosi Parlamentu.

II. Parlamentu iha Timor Lorosa’e

Timor-Leste rasik hetan influénsia hosi papél Parlamentu nian nu’udar rain ida-ne’ebé hetan ukun hosi estadu europeu maka Portugál. Ho nune’e maka iha sosiedade nia laran ita moos rona iha rota Parlamentu (no moos iha suku Parlamentu hanesan iha Lospalos. Iha aldeia Parlamentu iha Baukau) tanba buat ida naran Parlamentu ne’e rasik mai hosi Portugál. Maibé Parlamentu rasik hahú moris nu’udar reuniaun ida-ne’ebé ema halibur lori halo debate ba buat ne’ebé interese sira-nia moris iha komunidade nia laran hanesan Stefano Sicardi hateten katak, “o Parlamento nasceu como órgão intermitente: inicialmente, o termo “parlamento” e seus sinónimos indicavam um facto objectivo (a reunião, quando não o lugar ou ocasião em que se debatia ou discutia) e não uma entidade – um corpo organizado, um órgão colegial e dotado de estabilidade e identidade institucional. Ne’e hanesan loloos ita-nia abo sira uluk tuur hamutuk, nahe biit boot, lori ko’alia hamutuk kona-ba lala’ok moris iha suku nia laran ou lori tesi lia naksalak ruma. Baibain abo sira-ne’e mesak ema importante ema dato sira de’it nu’udar reprezentante lejítimu (polítiku no espirituál) hosi sira-nia emar sira-ne’ebé maka pertense ba sira lori foti desizaun ruma pertinente ba vida populasaun sira nian. Ita bele dehan katak Timor-Leste dezde uluk kedas koñese tiha ona demokrasia reprezentativa (tanba dato sira foti desizaun hamutuk atu foti liurai ruma ou atu hatuur lei ou bandu ruma). Maibé ita moos tenke dehan moos katak Parlamentu iha Timor iha tempu uluk seidauk bele dehan reprezenta ema hotu-hotu hanesan akontese iha rai Europa –inklui Portugál (tanba apenas ba dato sira de’it, la iha reprezentasaun hosi entidade ou klase sosiál sira seluk) tanba iha tempu uluk dato sira maka iha papél ne’ebé forte tebes iha sosiedade Timor nia laran.

Iha Istória ne’ebé ita lee hosi matenek na’in sira (Dom Ximenes Belo, Enes Pascoal, SJ, Fréderic Durand, Luis Filipe Thomaz, Osório de Castro, John Taylor, Benjamim Cardoso, Conde de Sarzedas, Bento de França, Francisco Xavier Menezes, no seluk-seluk tan) hakerek hateten katak Timor iha sistema ne’ebé dato sira maka ukun nu’udar estratifikasaun sosiál aas liu iha Timor no hosi dato sira-ne’e mosu Liurai no Parlamentu no ukun-na’in seluk-seluk tan ne’ebé importante ba reinu ida. Luis Filipe Thomaz (hanesan moos Frédéric Durand ho Dom Ximenes Belo) hateten katak Timor sorin (ketak hosi Serviaun-Kupang) hetan ukun hosi aristokrasia militár (dato asuwa’in sira) iha papél importante tebes iha sosiedade Timor laran tomak bainhira nia ko’alia relasiona oinsá tetun naklekar ba fatin barak-barak  “…com a conquista da metade oriental da ilha por uma aristocracia militar que falava o tétum, os datos belos- tendo dato o significado de «nobre» e belo, como vimos, o de um povo falante do tétum.O predomínio desta nobreza foi provavelmente causa - ou talvez consequência - da hegemonia de dois reinos, em que o tétum era a lígua falada, sobre toda a parte oriental da ilha (chamada «Província dos Belos» nas fontes portuguesas): Luca, perto de Viqueque (situada na primeira zona atrás referida) e Bé-Háli (situada na segunda e actualmente em Timor Ocidental, mas é apelidado de «imperador» em textos portugueses, tal como o rei de Senobai que exerceu, de igual modo, a sua sucerania sobre a parte ocidental de Timor, chamada «Província do Servião».A divisão da ilha em duas confederações e as hegemonias de Béhali e Senobai (e talvez também a hegemonia de Luca sobre a região do extremo leste) estavam já estabelecidas aquando da chegada dos portugueses. “ Filipe Thomaz rasik moos dehan katak karik ukun-na’in uluk liu iha Timor (iha vida sivíl katak ukun “estadu ou reinu” nian no iha parte fiar nian) maka Loro bainhira nia hateten, “A fixação dos datos belos, feita através de uma conquista relativamente recente, parece provar-se pelo facto de permenecerem, ainda, em algumas regiões, vestígios da existência de uma aristocracia anterior, os loros (nome que significa «sol» em tétum), a qual, ao contrário da que lhe sucedeu, exercia simultaneamente o poder religioso e o civil.”

Ita moos rona katak jerasaun ukun-na’in sira barak iha Timor ninia orijen mai hosi Malaka – Malázia ne’ebé dato nu’udar títulu ukun-na’in nian. Atu lori konfirma de’it katak ne’e aserta ho buat ne’ebé maka Luis Filipe Thomaz hateten iha leten ne’e lori partilla hamutuk ho nia enkuantu nia hateten katak títulu ukun na’in uluk liu iha Timor maka Na’i Loro. Ha’u hanoin karik iha mundu tempu uluk nian papél loron importante tebes nu’udar roman ba ema nia moris ho nune’e iha kultura barak adora loron nu’udar Maromak ou ita baibain rona ema hanaran deus (ho letra d ki’ik) do sol ou dewa matahari hanesan kultura aziátika balu adora no karik ita Timor moos hetan influénsia hosi kultura ne’e lori fó importánsia ba loron no uma adat hotu-hotu iha Timor parte lulik sempre ema hanaran loro. Ne’e la’ós fenómenu foun ba kultura aziátiku de’it iha Istória Na’i Jesus Cristo nian iha amu-lulik balu esplika katak la iha ema ida maka hatene Na’i Jesus Cristo moris iha loron no data saída. Entaun Igreja Katólika hili loron 25 Dezembru nu’udar loron moris Na’i Jesus Cristo nian tanba iha Istória ida katak iha tempu uluk liu “pernah” loron lakon. Mundu sai nakukun. To’o loron 25 Dezembru maka loron matan iha fali no fó naroman ba mundu halo povu pagaun iha momentu ne’ebá ne’ebé adora loron nu’udar sira-nia maromak kontente tebes. Igreja Katólika foti loron 25 Dezembru nu’udar loron moris Na’i Jesus Cristo nian ho hanoin katak Loro loloos ne’e maka Na’i Jesus Cristo. Mundu nakonu ho nakukun sala nian no Na’i Jesus Cristo mai iha mundu hanesan Loro ne’ebé fó naroman ba ema sai husi nakukun sala nian ba naroman moris nian. Katak iha ligasaun ne’ebé ita bele haree katak iha mundu osidentál no mundu aziátiku inklui moos rai-Timor no fiar katóliku nian fó importánsia ba loro. Ho razaun ida-ne’e maka ha’u konkorda katak ukun-na’in dahuluk iha moris (temporál no espirituál) iha Timor maka Loro. Depois maka dato sira hosi Wehali la’o halekar iha Timor Lorosa’e laran tomak no sira moos mai nu’udar loro no moos nu’udar dato. Loro sira-ne’ebé orijen no abut iha Timor-Leste laran tomak atu kaer ukun nu’udar dato tenke ba hetan rekoñesimentu hosi Loro Wehali. Hosi loro ba dato no hosi dato maka mosu liurai no parlamentu (bainhira malae portugés ukun ona Timor) no ukun-na’in seluk-seluk tan. Karik hanesan Luis Filipe Thomaz dehan katak aristokrasia militár-Dato halekar ukun iha Timor Oriental. Ho nune’e maka karik dato nakfilak nu’udar ukun na’in importante liu lori tau hamutuk Loro sira balu sai moos nu’udar dato (Tanba loro balu la sai dato nein liurai. Sira apenas loro de’it) no hosi dato maka hamosu Liurai, Parlamentu no ukun-na’in sira seluk.

Rai Timor-Leste rasik moos bei'ala sira hanaran Lorosa’e ne’ebé malae português tradús O Sol Nascente. Tanba liafuan Na’i ho Loro liafuan ne’ebé iha nanis kedas ona duke liafuan dato ho liurai (ne’ebé mai hosi lurah) nu’udar orijen hosi lian malaiu. Ita la bele haluhan katak liafuan hanesan dato, lurah (iha Sumatra la’ós iha Java) raja ho sultan iha sentidu hanesan. Afonso de Castro dehan katak “Os reis são eleitos pelos datos, tumungões e oficiais, e confirmados pelo governador. Afonso de Castro moos dehan liutan katak “quando por morte do rei a sucessão em mulher e a eleição confirma a hereditariedade, elege-se um regente do reino, que pode ser escolhido entre os membros da família real ou entre os datos, e tem sucedido ser eleito um dato de outro reino. Tanto para reis como para regentes é necessário a confirmação do governador, e só depois de confirmados se lhes dava a patente de coronel.  Tuir Afonso de Castro, Armando Correia, bento de Fransa hateten katak “Após a morte do régulo, ou quando a família real se extinguia; ou quando um liurai era suspenso pelas autoridades coloniais, e no caso de existirem vários pretendentes, o governo da Colónia dava o seu assentimento a uma junta de 5 datos ou chefes, chamada Parlamento.

Ita hotu hatene katak liafuan Parlamentu liafuan portugés. Ne’e katak rota ka ukun Parlamentu nian iha Timor-Leste malae portugés sira maka introdús. Karik bainhira malae sira haree katak iha Timor-Leste liurai mai hosi dato no dato sira seluk kontrola dato ida-ne’ebé dato sira seluk hili sai liurai (primus inter pares) maka entre dato sira-ne’ebé kontrola dato ne’ebé sai liurai autoridade portugés entrega rota Parlamentu ba dato sira-ne’e. Hanesan moos iha Portugál rasik. Rei (Liurai) Portugál mai hosi Konde (Dato) Portukalense (Don Afonso Henriques konsidera nia an sempre nu’udar rei dos portugueses la’ós rei de Portugál. Liafuan Don ne’e rasik mai hosi liafuan portuges Dom no nia hun mai hosi latin (tanba liafuan portugés mai hosi lian latin) Dominus katak Na’i)  no depois dato sira seluk (hamutuk ho amu-lulik no povu) halibur an iha korte (ka kúria mezmu iha hanoin oioin kona-ba kúria iha matenek balu dehan katak kúria ne’e hanesan de’it órgaun konsellu ba liurai ho funsaun tipu administrativu no judisiál no ne’e katak iha de’it maka dato no kleru sira no balu fali dehan katak kúria nu’udar antesedente direitu ba korte ho funsaun iha ámbitu polítiku no administrativu) ka senadu lori trata asuntu reinu Portugál nian.  Modelu korte ne’e maka depois Portugál no España habelar ba rai sira-ne’ebé maka sira ukun hanesan Profesór Paulo Ferreira da Cunha, Joana Aguiar e Silva ho António Lemos Soares hateten (iha sira-nia livru ho títulu História de Direito, Almedina, 2005,p.407) katak “Arquétipo constitucinal presente ao longo dos séculos nos ordenamentos jurídicos dos povos de língua portuguesa e castelhana que, além de permitir a fiscalização dos diversos actos dos governantes, garantiu a participação política dos vários estamentos sociais constituintes dos reinos peninsulares, através da Corte. Modelos transporto para os territórios ultramarinos de Portugal e de Espanha e do qual, ainda nos nossos dias, será possível encontrar reminiscências. Papel korte importante tebes hanesan moos professores sira-ne’e sita liafuan hosi Teixeira de Pascoaes bainhira hateten katak, “ Temos ainda os forais e os princípios de direito público estabelecidos nas antigas cortes, revelando o espírito de independência que animou sempre a alma popular. Intervinha no governo do País, na sucessão do trono, em todos os actos de interesse geral que o Rei praticasse: a guerra e a paz, lançamento de impostos, etc. E exercia ainda uma esperta vigilância sobre os homens do Estado, alguns dos quais foram acusados e condenados! Iha Timor-Leste malae portugés sira la uza naran korte maibé sira uza naran Parlamentu. Iha Parlamentu ne’ebé funsiona iha Timor-Leste iha tempu dato sira nian maka haree ba asuntu hotu-hotu hanesan polítiku, administrativu, relijiozu no justisa.

III. Parlamentu iha Timor-Leste Independente

Iha Timor-Leste independente, Parlamentu iha papél importante tebes, iha parte ida lori halo lejizlasaun ne’ebé kompeténsia ne’e fahe uitoan moos ba Governu (lori halo dekretu-lei) no iha parte seluk sai nu’udar forsa ba kontrolu órgaun soberania sira seluk hanesan ezekutivu (governu) iha-ne’ebé Parlamentu iha kontrolu direita tanba hanesan konsekuénsia lójika hosi formasaun governu mai hosi forsa partidáriu (votos hosi partidu) sira-ne’ebé forma governu no ho nune’e governu iha obrigasaun atu “presta kontas” ba Parlamentu no Parlamentu rasik iha obrigasaun lori halo fiskalizasaun ba ukun governu nian la’o tuir programa ne’ebé governu hato’o ba Parlamentu no Parlamentu halo aprovasaun no moos atu lori asegura katak programa governu nian bele hala’o duni ho dalan loos (tuir lei). Katak iha ukun governu nian buat hotu tenke la’o tuir lei haruka. Hahú hosi Primeiru-Ministru to’o ba funsionáriu baibain sira hotu nu’udar “servidor do povo” tanba ne’e tenke serbí duni povu, la iha knaar seluk tan, no serbí ho di’ak tuir lei haruka.

Parlamentu moos iha knaar ne’ebé iha ligasaun ho Prezidente Repúblika maibé entre Parlamentu ho Prezidente Repúblika iha sistema semi-prezidensiál hanesan iha Timor-Leste idak-idak iha ninia forsa lejitimidade demokrátika no legál rasik ne’ebé povu sira hatuur liuhosi eleisaun lejizlativa (Parlamentu) no eleisaun prezidensiál (Prezidente Repúblika) tuir Konstituisaun no moos lei sira ba eleisaun lejizlativa no eleisaun prezidensiál.  Haree hosi ne’e maka Prezidente Repúblika la bele “presta kontas” ba Parlamentu maibé Prezidente Repúblika rasik, iha parte balu, tenke hakru'uk ba Parlamentu hanesan Prezidente Repúblika atu halo karik viagem de estado ba rai seluk tenke husu “lisensa” ba Parlamentu. Karik Parlamentu la fó “lisensa” ou la “mengizinkan” Prezidente Repúblika obrigatoriamente tenke hakru'uk ba Parlamentu ninia desizaun tanba ne’e lori halo tuir artigu 80 hosi ita-nia Konstituisaun hanesan temi iha númeru ida katak “ O Presidente da República não pode ausentar-se do território nacional sem prévia consentimento do Parlamento Nacional ou, não estando este reunido, dau sua Comissão Permanente”. Karik Prezidente Repúblika la halo tuir ne’e iha perigu boot ba Prezidente Repúblika tanba iha númeru rua hateten katak, “ O não cumprimento do disposto no nº1 do presente artigo determina a perda do cargo, nos termos do disposto no artigo anterior”. Maibé se Prezidente Repúblika hanesan kazu vizita Sua Santidade Papa Francisco, nu’udar kristaun, la’ós asuntu estadu nian, bele ba halo vizita ba Papa naran katak la bele liu loron 15 hanesan hakerek iha númeru 3 ne’ebé hateten katak, “As viagens privadas com uma duração inferior a quinze dias não carecem do censentimento do Parlamento Nacional, devendo, de todo o modo, o Presidente da República dar prévio conhecimento da sua realização ao Parlamento Nacional”.  Maibé se Prezidente Repúblika hakarak halo viajen estadu ba hasoru Papa entaun obrigatoriamente tenke hakru'uk ba desizaun Parlamentu Nasionál nian.

Bainhira ita haree kona-ba polémika entre Parlamentu ho prezidente iha moos aspetu pozitivu katak funsionamentu demokrasia tuir lei maka nune’e ona. Parlamentu hala’o tuir saída maka hakerek iha ita-nia Konstituisaun no Prezidente Repúblika rasik moos simu kanselamentu viajen estadu Prezidente Repúblika hosi Parlamentu. Haree hosi parte demokrasia no lei, ha’u, nu’udar sidadaun, apresia tebes ita-nia Prezidente Repúblika. Mezmu iha hakarak hosi Parlamentu atu anula fali sira-nia desizaun mas Prezidente Repúblika nu’udar ema ne’ebé iha prinsípiu no estadista ho klamar boot (Timor oan tomak no mundu moos tenke hasai xapeu lori fó onra ba Prezidente Repúblika) atu lori la simu ka rejeita saída maka Parlamentu ninia proposta ne’e. Hosi parte Parlamentu nian, ha’u ladún apresia saída maka Parlamentu halo. Parlamentu, hanesan atu “obriga” Prezidente Repúblika halo promulgasaun ba orsamentu ne’ebé mai hosi Oitavu Governu, la autoriza viajen estadu Prezidente Repúblika nian ba rai li'ur. Parlamentu ninia asaun hanesan uluk bainhira ita sei ki’ik ita-nia inan-aman la husik ita sai li'ur (sai hosi uma) atu halimar ho ita-nia belun sira se ita seidauk estuda. Aktu Parlamentu nian hanesan trata Prezidente Repúblika hanesan labarik ki'ikoan ida. Afinál Prezidente Repúblika ema funu-na’in, jurista, eis Prezidente Parlamentu, grande estadista, com certeza absoluta hatene katak nia iha limitasaun ba tempu loron 30 lori foti desizaun ruma lori halo tuir ita-nia konstituisaun artigu 88 no moos artigu 85 alinea c. Iha parte vizita estadu ba Vatikanu, ita haree katak membru Parlamentu hatudu imajen ida katak sira ladun iha responsabilidade ba sira-nia votu. Ita haree katak sira votu tuir sira-nia gostu. Sira la tetu impaktu saída hosi sira-nia votu. Ohin vota kontra depois, aban, sira muda an lalais lori husu atu vota a favor fali. Hosi esperiénsia ne’e, ita bele dehan katak kredibilidade hosi votu Parlamentu nian ba asuntu balu ita bele iha dúvida. Ho nune’e ita bele husu membru parlamentu sira vota ba interese estadu nian ou ba interese partidu nian? Kona-ba kandidatu membru balu ne’ebé seidauk hetan pose hosi Prezidente Repúblika, ha’u apresia partidu Khunto. Tanba sira, mezmu iha lian negativa balu, hatudu katak sira prontu buka atu halo kolaborasaun ba interese estadu nian. Ha’u haree sinál ida-ne’e bainhira kandidatu ba ministru hosi partidu Khunto nian ida agora hala’o knaar nu’udar membru Parlamentu. Mezmu intensaun ou estratéjia loloos hosi partidu Khunto ita la hatene maibé bele hatudu sinál ne’ebé ita bele haree katak iha fleksibilidade hosi partidu Khunto ba interese estadu nian (Ha'u tenke dehan klaru katak ha'u la'ós membru partidu Khunto no moos la'ós membru arte marsiál terlarang seluk atu nune'e la bele fó imajen ba arte marsiál terlarang seluk la gosta malu la bele inklui moos ha'u tanba ne’e ha'u hanoin karik di'ak tebes (atu ekilíbriu situasaun) se harii Partidu ida ho naran Partidu Sosialista Hadomi Timor (PSHT) no partidu ida seluk ho naran Ita-nia Kbiit Salva Timor-Leste ( IKS-TL) ho hanoin ida katak atu nune'e bele manan votus hetan kadeira no hetan osan lori kontribui ba dezenvolvimentu duke hamosu konflitu lori hamosu inimigu.

Haree fali hosi parte Parlamentu nian, Parlamentu sempre iha relasaun ho Prezidente Repúblika tanba funsaun Parlamentu nian por execelência maka funsaun lejizlativa (halo lei) no Prezidente Repúblika maka halo promulgasaun ba lei sira-ne’e.

Parlamentu moos iha relasaun ho Tribunál mas relasaun sira-ne’e relasaun indireta. Relasaun sira-ne’ebé hanesan lori halo lei ba funsionamentu Tribunál tuir Konstituisaun no atu haree ezekusaun orsamentu ne’ebé aloka ba Tribunál liuhosi Ministerio da Justiça. Parlamentu (no órgaun soberania sira seluk) la bele intervein ba prosesu legál hotu-hotu ne’ebé hala’o iha Tribunál tanba Tribunál rasik la bele hakru'uk ba kualkér órgaun soberania seluk-seluk no la bele hakru'uk ba kualkér forsa polítika, morál, relijiozu ou sosiál sira seluk. Tuir ita-nia Konstituisaun (iha kualkér estadu demokrátiku ida) Tribunál hakru'uk de’it ba Konstituisaun no lei sira.

Iha relasaun entre órgaun soberania sira-ne’e atu lori hala’o tuir prinsípiu separasaun podér hanesan Montesquie hanorin iha-ne’ebé hatuur moos iha ita-nia Konstituisaun iha artigu 69 ne’ebé hateten “ Os órgãos de soberania, nas suas relações recíprocas e no exercício das suas funções, observam o princípio da separação e interdependência dos poderes estabelecidos na Constituição. “.

Iha kontestu Estadu Direitu Demokrátiku lori haree ba situasaun ne’ebé maka Timor-Leste hasoru hela daudaun hanesan Parlamentu Nasionál la autoriza Prezidente Repúblika ba rai liur ho razaun katak tanba Prezidente Repúblika, seidauk fó pose ba kandidatu ba membru governu sira seluk no tanba Orsamentu ne’ebé Oitavu Governu hato’o ba Prezidente Repúblika no prezidente Repúblika seidauk promulga. Haree hosi pontudevista jurídika buat ne’ebé Parlamentu hala'o loos no tuir kompeténsia Parlamentu ninian ne’ebé hatuur iha Konstituisaun iha artigu 80 (hanesan temi iha leten). Maibé nu’udar akadémiku simples oan ida ha’u haree hosi pontudevista polítika iha aspetu negativu, ladún di’ak (la'ós katak ladún loos) tanba bele fó mensajen ba rai li'ur katak Timor-Leste ninia situasaun polítika la estavel. Iha krize konfiansa entre órgaun soberania sira iha Timor-Leste. Ne’e bele fó impaktu ba ema ruma hosi rai li'ur atu “kuidadu” bainhira sira iha karik hanoin ruma atu halo investimentu boot mai rai Timor-Leste. Situasaun polítika ne’ebé ladún di’ak entre órgaun soberania sira sempre sai nu’udar sasukat ba investimentu estranjeiru boot sira. Tanba hanesan ita hotu hatene katak buat ida negósiu ema sei kalkula liu maka buat ida  “manan ho lakon”. Se manan maka ema mai halo investimentu mas se iha karik “perigu” ruma ne’ebé bele sai hanesan “ameasa” ba sira-nia negósiu sira sei hanoin barak (balu lakohi ariska sei kansela sira-nia planu) atu halo investimentu iha Timor-Leste. Fatór polítika rai laran, entre buat seluk-seluk tan, sempre sai sasukat importante ba investidór sira. Iha situasaun agora ita-nia mehi boot maka atu dada kadoras mai Timor-Leste. Iha asuntu ida-ne’e ha’u, nu’udar sidadaun, apresia no hahi'i tebes ita-nia Maun-Boot X tanba buka atu hola saham ou asaun hosi Connoco Philips no foin daudaun hola tan saham Shell nian no tau hamutuk saham Conoco Philips ho Shell sai 56 %. Ne’e katak ita iha ona “poder de decisão” ne’ebé forte tebes. Ha’u apresia ho razaun simples ida katak buat ida negósiu buat ida hanesan ha’u temi iha leten buka manan no lakohi atu lakon. Se ita la hola saham ita ladún iha intervensaun iha prosesu “tetu” manan ho lakon ne’e tanba ne’e kestaun komersiál nian ona. Kestaun polítika no jurídika Estadu, inklui Timor-Leste, nian maka kestaun fronteira marítimu nu’udar ita ezije ita-nia direitu tuir lei internasionál no hatuur liuhosi mekanizmu internasionál no ita hein Parlamentu ratifika. Agora iha kestaun seluk maka kestaun komersiál no baibain kestaun komersiál ne’e la’ós ona kestaun estadu nian mas dalabarak kestaun kompañia nian. Hola saham hosi Conoco Philips  ho Shell halo Timor-Leste la’ós de’it sai na’in ba rikusoin iha tasi laran (ne’ebé halo parte ona ba Timor-Leste) maibé moos iha lian no proativu liután iha prosesu “tetu manan-lakon” entre kompañia sira tanba ita bele dehan estadu Timor-Leste moos hanesan kompañia ida moos (baibain estadu intervein liuhosi harii empreza públika ida) lori halo negósiu ba esplorasaun ba rikusoin iha tasi Timor ne’ebé halo parte ba Timor-Leste.  Ho porsentu 56 ne’e halo Timor-Leste ninia pozisaun sai forte. Maibé pozisaun forte hola saham porsentu 56 de’it la to’o. Fatór importante ida-ne’ebé atu ema halo investimentu no ema mai serbisu iha Timor-Leste maka seguransa. Ita ko’alia kona-ba seguransa iha aspetu polítiku (estabilidade polítika) no seguransa iha aspetu negósiu nian (katak ita moos tenke asegura katak kompañia sira seluk ne’ebé kaer saham sira-nia interesse garantidu) tanba iha lei investimentu estranjeiru ne’ebé maka di’ak (ba ita no ba sira) ho moos seguransa ba moris ema nian (inklui moos ema sira-ne’ebé atu mai serbisu iha Timor-Leste) ho plantasaun ho bangunan sira hotu relasiona ho esplorasaun mina no gás nian tenke iha seguransa di’ak. No la’ós de’it ita haree ba investimentu tasi Timor maibé ita haree moos ba posibilidade ba investimentu estranjeiru boot sira seluk. Se ita bele asegura seguransa polítika, negósiu, ema no bangunan sira (inklui moos seguransa iha tasi, kuidadu hosi ahi han, kuidadu atu mina ou gas la nakfera, nsst) ba iha esplorasaun tasi Timor ho di’ak sei hasa’e no hamorin tebes kredibildiade Timor-Leste nia naran iha mundu internasionál no sei kontribui maka’as tebes lori dada investmentu seluk-seluk tan mai Timor-Leste tanba investimentu boot sira seluk sei iha ona konfiansa atu halo investimentu iha ita-nia rain. Tanba ema (investidores boot sira) sei haree katak Timor-Leste fatin seguru atu halo investimentu. Ho nune’e, ha’u haree katak investimentu dada kadoras mai Timor-Leste hanesan vantajen di’ak ida, nu’udar teste ida, mezmu karik lukru ita manan uitoan (iha hanoin estremu karik ita la manan no la lakon), atu lori dada (atrai) investidor boot sira seluk sira-nia konfiansa atu halo investimentu boot iha Timor-Leste iha área sira seluk tan (hanesan marmer, osan-mean, simente no seluk-seluk tan) ho nune’e sei insentiva kresimentu ekonomia povu no estadu Timor-Leste nian, hanesan iha negósiu ki’ik, médiu ou boot timoroan oan nian rasik, bele dezenvolve liután. Tanba ne’e se iha ukun-na’in balu, tanba de’it interese polítika, kontra dada kadoras mai Timor-Leste ne’e ita tenke fó kuitadu ba nia -  narrow minded! Importante moos atu bainhira loke kualkér industria ruma tenke tau atensaun ba impaktu ambientál no dezenvolvimentu sustentável. Ita la bele evita maibé ita bele buka meiu atu redús no atu halo ekilíbriu saudavel.

Ha’u espera atu ukun-na’in sira, mezmu hanoin polítika la hanesan, atu tau asuntu dada kadoras mai Timor-Leste hanesan asuntu komún, hanesan luta hamutuk ita hotu nian iha libertação do povo hosi ki’ak. Tanba ne’e iha kestaun ida-ne’e maka Parlamentu kansela viajen estadu Prezidente Repúblika bele fó mensajen ladún di’ak ona, instabilidade polítika, entre órgaun soberania sira, ba rai li'ur no bele, iha probabilidade boot, afeta negativamente ba investimentu estranjeiru boot sira iha Timor-Leste ne’ebé depois bele fó impaktu negativu ba povu sira-nia moris. Baibain ema dehan karau boot sira sikut malu nehek ki’ik sira maka mate. Ulun boot polítiku na’in sira sikut malu ninia impaktu ba povu nia moris sai difísil liután, investimentu ki’ik (hanesan foin daudaun ne’e akontese impasse polítika timoroan lubuk lakon serbisu) no boot sira sei hetan ameasa atu taka no ema rai liur atu mai halo investimentu iha Timor-Leste sei hanoin barak-barak. Parlamentu tenke sai nu’udar fatin atu lori defende povu hotu-hotu nia moris di’ak. Parlamentu la bele sai fali hanesan fatin atu defende de’it interese grupu nian de’it. Kandidatu ba Parlamentu bainhira atu tama, katak iha tempu kampaña eleisaun lejizlativa, reprezenta partidu ou partikulár de’it, maibé tama ona Parlamentu laran (katak sai ona deputadu), nia la’ós de’it reprezenta ninia partidu ou ninia partikulár, la’ós de’it reprezenta sidadaun ne’ebé maka hili nia, maibé nia representante do povo katak ba povu hotu-hotu. Ne’e hanesan ideal no karik difisil tebes tanba sempre iha interdependénsia entre deputadu ho partidu. Tanba ne’e maka orientasaun partidu nian (hirak ne’ebé hetan asentu parlamentár) maka tenke tau interesse povu nian iha leten aas ba.

Situasaun agora daudaun moos sei iha polémika ho ezijénsia hosi manifestasaun Movimentu Universitáriu no Juventude Timor-Leste (MUJTL) kontra Parlamentu tanba de’it hola prado foun enkuantu Parlamentu rasik tuir loloos, haree ba ninia História da sua existência, buka sai nu’udar lian ba povu ne’ebé lian la iha, the voice of voiceless, lori defende Direitus Umanus, nakfilak sai fali oponente ba asaun MUJTL ne’ebé buka atu kontribui lori halo kontrolu ba gastu estadu nian ne’ebé deznesesáriu (Ha’u apresia tebes iha lider lubuk iha mundu buka halo diferensa lori la uza fasilidade estadu nian berlebihan atu buka lori kontribui halo estadu sai forte ekonomikamente) no membru sira hosi MUJTL hala'o asaun manifestasaun pasifika la’ós ba sira-nia interese partidu ou grupu muito menos ba interese pesoál mas ba interese estadu nian). Ha’u rasik moos konkorda ho saída maka Vice-Presidente Parlamentu Dra. Angelina Sarmento hateten katak tuir loloos MUJTL moos la bele haree de’it ba membru Parlamentu sira-nia prado tanba direitór sira iha instituisaun Estadu nian moos uza prado. Junta intensaun hosi MUJTL ho Dra. Angelina Sarmanto nian maka ha’u konkorda katak membru Parlamentu sira hamutuk ho diretór sira hotu hola karik karreta ruma atu lori hala’o funsaun estadu nian presiza tau iha atensaun ba moris povu nian ne’ebé maka sei iha ki’ak barak no dezempregu barak lori buka hola karreta ne’ebé maka baratu no ninia manutensaun moos baratu. Ita tenke husu uza karreta lori halo saída? Lori movimenta ba mai entaun hola karreta ne’ebé uza ba intensaun ne’e. Se ema privadu hola karreta dalaruma la’ós de’it lori movimenta ba mai mas balu atu hatudu sira-nia an nu’udar riku ou “orang berada” ba ema seluk lori hola karreta ne’ebé folin boot no manutensaun moos han osan lubuk ida moos. Se sasán privadu nian la iha ema maka bele kestiona. Maibé se sasán estadu nian no osan estadu nian (katak povu nian) entaun presiza uza osan no sasán sira-ne’e lori haree moos ba kondisaun reál moris povu nian. Iha parte ida, ita hotu sempre rona katak ukun na’in sira ukun lori serbí ba povu no iha parte seluk, iha ita-nia Konstituisaun hateten katak funsionáriu nu’udar servidor do povo. Ne’e katak hahú hosi ukun na’in sira hotu ba to’o funsionáriu baibain hotu-hotu nu’udar servidor do povo. Agora ita husu povu ida-ne’ebé maka sira serbí? MUJTL la’ós povu? MUJTL hato’o inspirasaun partikulár sira nian ou povu nian? Membru MUJTL halo asaun sira-ne’e lori manan osan ruma? Lae! Sira simplesmente iha hanoin di’ak, tenkesér nune’e duni tanba estadu ida la iha kontrolu ukun-na’in sira iha tendénsia lori sai arrogante no halo arbitrariedade tuir de’it sira-nia hakarak, lori halo kontrolu ba despeza estadu nian. Naran katak la’ós de’it ba membru Parlamentu tanba sira moos uitoan hela (na’in 65 de’it). Karik barak liu maka diretór sira hotu ne’ebé maka uza prado ne’e la nesesáriu iha tempu ida-ne’ebé sei iha moris povu nian sei difisil. Ho nune’e maka la iha dalan seluk atu Parlamentu tenke haree moos aspirasaun MUJTL nian ne’e tanba ne’e reflete ba aspirasaun povu maioria ne’ebé sei moris iha terus nia laran. Se ita halo karik referendu ida lori konfirma se povu sira vota afavor ba MUJTL ou ba Parlamentu, ha’u fiar katak Parlamentu, mezmu nu’udar reprezentante legál (tuir Konstituisaun define) povu nian sei lakon ho MUJTL. Ho nune’e se Parlamentu la iha sensibilidade ba interese komún povu nian, Parlamentu rasik sei lakon ninia kredibilidade nu’udar reprezentante povu nian. Órgaun  soberania ida-ne’ebé ladún kredivel estraga konfiansa povu nian no moos bele afeta ba investimentu estranjeiru nian.

Timor-Leste rasik moos hasoru situasaun triste ida iha-ne’ebé membru Polísia Nasionál Timor-Leste tiru mate timoroan inosente liman tanan balu iha festa laran. Ne’e hatudu saída? Iha indikasaun lubuk ne’ebé ita bele tetu lori haree. Iha posibilidade prosesu rekrutamentu ladún di’ak (katak karik ema ladún halo teste ba psicoteste ho di’ak no seluk-seluk tan relasiona ho ema nia mentalidade), formasaun iha sentru treinamentu ladún efetivu iha parte dixiplina no koñesimentu legál sira, ladún iha komandu ne’ebé forte, ladún iha kontrolu orden ierarkia ne’ebé di’ak no efetivu (kuran komunikasaun), lei (aplikasaun ba lei) PNTL nian seidauk forte (liu-liu membru PNTL la bele iha ligasaun direta ou hali'is, simpatia ba partidu polítiku, ba arte-marsiál, ba grupu ou partikulár sira seluk. Katak PNTL la bele serbí ba ninia interese partikulár ou grupu mas PNTL só serbí de’it ba orden no lei) lori evita diskriminasaun (katak bainhira membru ida halo sala la bele iha diskriminasaun iha tratamentu. Tenke rigór atu sai nu’udar ezemplu ba membru sira seluk atu “ta'uk” la bele kontra lei no orden) ou karik modelu PNTL nian lider sira formatu sala ou sei kuran buat ruma tanba ne’e atuasaun PNTL nian iha komunidade seidauk efetivu no haksoit liu hosi saída maka ita-nia estadu presiza. Karik moos presiza formasaun kontínua ba membru hotu-hotu. Katak formasaun durante fulan 6 iha Sentru Formasaun Polísia hatudu katak la to’o. Ita presiza atu iha formasaun kontínua. Iha prosesu formasaun kontínua ne’e instrutor sira (ho apoiu hosi Komando Jerál PNTL) ba fó formasaun nafatin ba membru PNTL sira iha sub-distritu. Iha formasaun ne’e, karik hanesan iha iha loron formasaun nian, presiza loke moos diálogu ho komunidade sira (ou líder komunitáriu). Iha vantajen tolu hosi modelu ne’e. Vantajen ida lori fó update no hasa’e koñesimentu membru PNTL sira nian atu sira tuir nafatin koridor legal lori resepitu Direitus Umanus iha sira-nia atuasaun sira hotu. Vantajen segunda tanba loke moos diálogu ho komunidade (ou líder komunitáriu de’it) atu nune’e PNTL hosi nasionál bele buka hatene komunidade sira-nia hanoin kona-ba PNTL sira-nia atuasaun iha sub-distritu ne’e la’o di’ak ka lae. Atu nune’e PNTL hosi nasional bele toma nota hela lori bele buka hadi’a liután PNTL iha área refere – in loco. Ho maneira hanesan ne’e PNTL nasional, indereitamente, hanesan ona uza komunidade sira nu’udar kontrolu ida ba atuasaun PNTL iha sub-distritu sira. Tuir lolos iha edifísiu PNTL nian tenke iha surat reklamasaun ba atuasaun PNTL nian ou tenke iha “jajak pendapat” survei iha kada sub-distritu hala’o fulan neen dala ida ou tinan ida dala ida atu buka hatene populasaun sira-nia hanoin kona-ba PNTL nia atuasaun ne’e oinsá. Ho nune’e maka bele mellora serbisu PNTL nian iha komunidade. Vantajen terseira maka instrutor sira bele haree ho matan saída maka PNTL sira iha sub-distritu hasoru iha realidade (PNTL iha sub-distritu sira moos bele aproveita lori hato’o moos saída maka sira presiza) lori bele relata hikas ba Komando Jerál PNTL. Tanba instrutor sira la bá mesak maibé bá moos ho membru balu hosi Komandu Jeral PNTL nian (ne’e maka sira-nia funsaun lori relata ba Komandu Jerál saída maka sira hasoru, haree, hetan no saída de’it maka sira rona hosi komunidade no rona hosi PNTL iha sub-distritu). Karik instrutor sira ladun to’o bele aumenta hosi Komandu Jeral PNTL nian ou hosi instituisaun relevante hanesan ba área Direitus Umanus nian maka PDHJ ou hosi akadémiku sira iha área sira-ne’ebé maka halo parte ba formasaun nian. Ita hotu buka atu fó-kontribuisaun ba malu, la’ós atu lori hamonu malu ou estraga malu, maibé nu’udar sidadaun ida responsável moos atu fó kontribuisaun, hanoin ruma, lori hadi’a instituisaun PNTL ho ilas ida ne’ebé bainhira sidadaun lokál ou mundu internasionál haree PNTL nu’udar PNTL ida-ne’ebé profisional no humanizmu. Nu’udar povu, ita hadomi PNTL no ita moos espera atu PNTL moos hadomi sira-nia povu. Ita moos tenke konkorda moos katak, iha Estadu Direitu Demokrátiku, akuzadu sira (membru PNTL sira iha kazu Kuluhun) iha direitu tuir prosesu legál hotu-hotu no la bele hasai uluk lai sira (la bele hakat uluk desizaun Tribunál nian), tenke hetan suspensaun preventiva atu sira submete ba prosesu legál sira hotu no ita hotu hein desizaun Tribunál nian. Bainhira Tribunál karik (ema ida seidauk sala no só Tribunál maka bele dehan kontráriu. Ne’e maka bolu prezunsaun inosénsia) deside ona sira sala maka sira kumpre sira-nia pena no PNTL automatikamente hasai ona (demite) sira hosi instituisaun PNTL.

Tanba ne’e maka ha’u hanoin presiza nafatin atu kria komisaun reforma ne’ebé presiza inklui akadémiku, instituisaun relijiozu sira, organização não governamental sira hanesan fundasaun Mahein no reprezentante povu nian iha Parlamentu atu lori harii PNTL ne’ebé maka serbí de’it ba lei no orden lori respeita ba Direitus Umanus. Tuir loloos atuasaun PNTL nian hotu-hotu tenke respeita ba valores Dirieitus Umanus tanba buat ida lei ho orden hatuur atu lori proteje ema nia direitu ba moris, liberdade, seguransa lori kria paz iha sosiedade nia laran. La’ós atu kria konfuzaun, problema, violasaun ba Direitus Umanus sidadaun sira nian. Tanba ne’e presiza iha kolaborasaun hosi parte hotu inklui moos Parlamentu nu’udar reprezentante povu nian tenke halo buat ruma lori hatuur no eleva profisionalizmu PNTL nian lori serbí loloos lei no orden. Ha’u sujere atu PNTL presiza nakloke lori harii komisaun reforma ida lori buka identifika problema sira hotu iha PNTL nia laran atu lori hadi’a no harii PNTL ida-ne'ebé atu serbisu de’it ba lei no orden ida-ne’ebé lori respeita Direitus Umanus sidadaun nian. Tanba se iha atuasaun PNTL nian la respeitu ona Direitus Umanus buat hotu-hotu sei la vale buat ida. Tanba PNTL ninia knaar sempre ligadu ho ema no ema tenke iha tratamentu ne’ebé maka dignu ba nia. PNTL tenke komesa ona aprende katak mezmu sira-nia knaar ne’e maka mantein lei no orden maibé iha manutensaun ba lei ho orden ne’ebé over actting, sai arbítriu, lori kontra hikas fali ema ninia dignidade la bele akontese. Iha kada membru PNTL sira-nia kakutak instruidu ho hanoin ida-ne’e maka sei la akontese tan problema grave hanesan iha Kuluhun. Durante ita ukun rasik an elementu PNTL nian balu iha sira-nia atuasaun lori mantein lei no orden ne’e groseiru tebes-tebes. Sidadaun ne’e la’ós inimigu PNTL nian. Mezmu ida halo sala, delito fragante moos tenke respeitu nafatin ninia dignidade nu’udar ema. Elementu PNTL la bele ba baku no sama ema to’o tasak di’ak-di’ak atu hanesan loloos saída maka militár Indonézia sira halo iha tempu okupasaun Indonézia.  Tanba ne’e maka ita presiza husu ba ita-nia polítika na’in sira hakarak harii PNTL hanesan ajente violador ba Direitus Umanus ou ajente defensór ba Direitus Umanus. Nu’udar sidadaun, ha’u defende no hakarak atu PNTL sai nu’udar ajente defensór Direitus Umanus. Tanba ne’e maka formasaun Direitus Umanus sai hanesan xave ba harii PNTL (no moos ba F-FDTL) ida-ne’ebé profisionál no modernu lori hetan respeitu hosi komunidade lokál no internasionál. Tanba só bainhira membru PNTL sira respeitu Direitus Umanus maka atuasaun groseira, arrogante, berlebihan sei la akontese. Tanba PNTL trata ema hanesan ema. PNTL la bele trata ema hanesan animál, kaer sama ba rai, tuku tebe tasak di’ak-di’ak. Membru PNTL la bele liman ho ain fasil tebes sa’e ba ema seluk sira-nia an. Ne’e só bele funsiona de’it iha tempu okupasaun estranjeiru. Tempu ukun rasik an buat sira hanesan ne’e la bele akontese. Sidadaun sira-ne’e PNTL ninia raan maluk la’ós inimigu. Dalaruma por circunstãncia da vida sidadaun balu monu ba sala mezmu nune’e ninia nu’udar sidadaun ne’ebé presiza iha respeitu nafatin ba ninia dignidade nu’udar ema. Kecuali sidadaun ne’e sai perigu ba ema seluk nia vida ou sai perigu ba ajente PNTL ida ninia vida tanba kaer kro'at ruma entaun membru PNTL bele halo atuasaun ne’ebé adekuadu. Se sidadaun ida iha indikasaun halo krime maibé nia liman tanan, no nia foti liman ona, nia moos hatudu ninia kolaborasaun di’ak, entaun la presiza tuku tebe, apenas kaer nia ho di’ak. Atuasaun PNTL nian maka tenke adekuadu ho grau de gravidade. Membru PNTL la bele berlebihan demais liu iha sira-nia atuasaun. Porezemplu hanesan kondutór mikrolete ruma tula pasajeiru tabele entaun presiza hapara lori haruka tama ba tuur iha mikrolete laran ou haruka pasajeiru ne’e tun sa’e fali mikrolete seluk no lori kondutór mikrolete ba denda. La presiza lori ai fai ba kondutór, baku karreta, ne’e berlebihan liu. Haruka kondutór halo push up karik bele, atu nia la bele tula tan pasajeiru tabele. Mas basa ou fai ai ba kondutór ne’e berlebihan liu ona. Ne’e katak presiza iha atuasaun adekuadu ba kada kazu. Ou porezemplu atuasaun PNTL nian ba MUJTL moos hanesan tenke adekuadu. MUJTL la’ós grupu kriminozu (Ita moos espera katak MUJTL hala’o manifestasaun tuir de’it lei atu nune’e membru MUJTL la bele sai fali vítima) ho nune’e la bele halo atuasaun groseira ba sira. MUJTL ne’e grupu estudante no universitáriu no membru PNTL sira-nia alin, maun no oan. Membru PNTL presiza buka hakbesik an ba sira lori ko’alia ho sira atu oriente manifestasaun ho di’ak. PNTL la bele trata MUJTL hanesan inimigu estadu nian.  Tenke trata hanesan maun-alin ne’ebé maka hakarak kontribui ba estadu nia di’ak. Kuandu iha estadu ida maka la iha kontrolu hosi akadémiku, organização não governamental, Igreja Katólika ou konfisaun relijiozu sira seluk entaun estadu ne’e neineik sei iha tendénsia monu ba bandidu sira maka sei ukun no PNTL no órgaun soberania sira hotu la bele haree sidadaun sira hanesan kriminozu ou perigu se sidadaun sira-ne’e apenas hakarak hato’o sira-nia hanoin liuhosi manifestasaun pasifika. Tuir loloos instituisaun estadu nian nu’udar servidor do povo tenke konvida sira ba halo diálogu no buka dalan posivel hotu-hotu lori serbí de’it ba interese estadu nian, la’ós partikulár ou grupu. Liu-liu Parlamentu nu’udar repzentante povu nian.

Ita moos hasoru hela kazu balu hanesan soe bebé dalabarak tebes. Ne’e hatudu fallansu estadu nian atu evita kazu soe bebé la akontese. Liu-liu Parlamentu nu’udar reprezentante povu nian tenke “aware” ba kestaun sira hanesan ne’e. bainhira governu (PNTL) falla atu evita kazu sira hanesan ne’e atu la bele akontese entaun Parlamentu tenke halo xamada atensaun ida ba PNTL lori haree asuntu ne’e ho di’ak atu kazu hanesan soe bebé la bele akontese tan. Karik PNTL presiza mákina halo teste DNA ou presizu sira seluk entaun Parlamentu tenke haree ba kestaun ne’e bainhira governu hato’o sira-nia programa ba Parlamentu lori aprova. Bainhira governu falla atu prevene kazu soe bebé la bele akontese tan Parlamentu tenke buka haree situasaun sira hanesan ne’e ho di’ak lori identifika kazu hosi soe bebé ne’e tanbasá atu depois buka solusaun hamutuk ho governu. Tanba dalaruma karik akontese kazu soe bebé tanba falta responsabilidade ho feto-mane ba aktu seksuál ne’ebé maka sira halo. Ho nune’e presiza karik halo kurríkulu lori sensitiva alunu sira kona-ba edukasaun seksuál. Presiza fó formasaun ne’ebé di’ak ba joven sira. Porezemplu joven sira tenke iha sira-nia hanoin (liuhosi edukasaun ne’ebé tenke fahe ba sira) katak buat ida seksu ne’e bele halo subar maibé ninia rezultadu subar la di’ak. Espermatozoide fertil ho óvulu fertil hasoru malu tenke kria oan. Atu prevee oan, ha’u konkorda Igreja Katólika ninia hanorin, abstinénsia maka dalan di’ak liu. Opsaun ida ne’e maka fó no hanorin uluk ba joven sira. Karik la bele ona, tanba hanesan karik nesesidade biolójika ida, mezmu haree hosi pontudevista morál no relijiaun seksu sein Sakramentu Matrimóniu ne’e hanesan pekadu ida maibé di’ak liu uza prezervativu atu nune’e la bele iha oan. Tanba se lae bele iha pekadu rua. Pekadu dahuluk maka halo seksu sein Sakramentu Matrimóniu. Pekadu daruak maka bainhira feto isin rua ona halo abortu tanba mane ho feto ne’e la preparadu.

Dalabarak ema monu ba sala tanba falta informasaun no formasaun (la iha edukasaun di'ak) no derrepente feto isin rua, sem querer (tanba sira hatene halo de’it no la hatene katak buat ne’e´be sira halo ne’e pasti hamosu ninia rezultadu isin rua nian se la prevene), ikus mai hanoin lato’o no hanoin badak de’it, jalan pintas, maka halo abortu. Edukasaun ne’e importante tebes atu joven sira bele hetan informasaun ne’ebé responsavel hosi edukadór sira (inan-aman ho profesór sira)  duké joven sira hetan informasaun hosi sira-nia kolega sira ou hosi internet ne’ebé bele sai perigu atu lori sira ba dalan la di’ak. Presiza hanorin moos ba joven mane sira atu respeita feto sira no presiza hanorin moos ba joven feto atu respeitu sira-nia an atu lori evita problema deznesesáriu. Porezemplu joven feto sira presiza hatene katak bainhira sira hatais roupa transparente ou roupa seksi pasti atrai mane (ne’e halo parte ba ita ema nia natureza) maibé se mane haree feto oan ida hatais roupa transparente ou seksi maka depois nia ba halo azneiras ba feto oan ne’e feto oan ne’e iha direitu atu fó basa ida ba mane ne’e. Ne’e mane malkriadu no mane ne’e tenke simu. Se mane ne’e basa hasoru entaun ne’e tenke konsidera nu’udar krime ho pena forte uitoan. Atu lori proteje feto tanba dalabarak feto sai hela de’it nu’udar vítima hosi mane balu ninia arbitrariedade. Mane atraidu (tertarik) ba feto ne’ebé hatais transparente ou seksi ne’e normál maibé mane ida la iha direitu atu malkriadu ba feto ida. Ne’e beikteen no presiza iha edukasaun. Maibé se feto oan ne’e husik ninia an ba mane ida uza leet de’it ne’e sala feto ho mane nian maibé, tuir ha’u-nia haree iha persentajen diferente. Sala feto nian persentajen 60 no mane nian persentajen 40 tanbasá? Ho hanoin lójika ida hanesan ne’e. Mane sempre atraídu ba feto bonita no tendénsia mane nian sempre halai ba seksu (halo parte ba natureza mane nian) maibé desizaun ikus atu akontese relasaun seksuál ne’e sempre iha feto nia liman. Feto di’ak ida atu halo seksu ho mane tenke hatene di’ak-di’ak mane ne’e sei responsabiliza ka lae. Antes halo seksu, feto tenke husu mane responsabiliza ka lae se akontese oan. Se mane ne’e ko’alia dada tun-sa’e la fó resposta klaru no konfiante di’ak liu feto la bele halo seksu ho mane hanesan ne’e. Mane hanesan ne’e perigu tebes ba feto no so kria de’it konfuzaun ba feto nia moris. Dalan di’ak liu la bele halo seksu bainhira mane ne’e seidauk preparadu lori responsabiliza. Mane bele tenta lohi tun-sa’e lalika. Keta fiar mane se nia la prontu atu responsabiliza. Se feto lakohi halo seksu ho mane com certeza absoluta seksu sei la akontese. Mane bele beikteen, bele lohiteen kelas kakap oin nu'usá moos desizaun ikus atu akontese seksu sempre iha feto nia liman. Se mane ida obriga feto ida halo seksu kontra feto nia hakarak ne’e tama ona ba violasaun seksuál. Ne’e krime no tenke prosesa.

Ha’u enkoraja feto atu la bele husik an sai nu’udar instrumentu ba mane ida ninia objetivu seksuál ou atu fó nia keturunan de’it. Feto tenke tau an iha valór aas. Feto la bele sai feto baratu, mane ida uza hotu tiha mane seluk uza fali, mane uza tun-sa’e de’it (hanesan loos manta ne’ebé lori hamanas mane ida ba mane seluk, pasa hosi mane ida ba mane seluk) maibé feto tenke sai feto Maromak. Responsabiliza ba an rasik. Keta husik mane hola ho osan tanba feto ninia valór aas liu osan iha mundu ne’e. Feto la bele sinte orgullu hetan osan barak, karreta, osan mean, korrente mean, rikusoin mundu nian ho dalan fa’an an (se iha krime iha termu ida bolu white colar crime entaun hahalok hanesan ne’e bele hanaran white colar prostituition tanba hanesan prostituisaun maibé akontese iha nivel kantor laran ou fatin serbisu nian depois lori malu subar-subar). Hakarak hola malu, ne’e direitu no liberdade, importante legaliza situasaun atu lori defende feto nia direitu lori antesipa evita abuzu ruma. Ne’e ba feto ninia di’ak tanba dalaruma feto maka sai vítima. Se feto kazada ida karik hakarak hola fali mane seluk entaun hakotu tiha lai relasaun ho la'en depois maka hola fali mane seluk. Se lae hola mane seluk (hosi pontudevista relijiaun nian ne’e adultériu no pekadu. Hosi pontudevista morál ne’e feto la di’ak, la iha morál, no hosi pontudevista direitu sivíl ilegál tanba lei Timor-Leste la permite poliandria ba feto iha la'en liuhosi ida, no la permite moos poligamia ba mane iha feen liuhosi ida) estadu sivíl la klaru ba la'en, tanba atu dehan la'en kazadu maibé feen la iha tanba abandona tiha ona no atu dehan la kazadu maibé Tribunál seidauk hakotu. No moos ba feen atu dehan kazada maibé la moris ho la'en. Atu dehan divorsiada maibé seidauk divorsia iha Tribunál no aat liu maka sei hamosu konfuzaun  no interpretasaun oioin ba la'en (se feen ba bosok tun-sa’e lori hamoe la'en ninia naran) no moos ba feen rasik (se ema hatene katak la'en ne’e la'en di'ak) ema sei dehan feen ne’e feto la di’ak. Tanba ne’e feto tenke iha kualidade ne’ebé di’ak no aas atu hatene rai an di’ak (tanba feto la bele bosok ninia la'en no feen moos la bele bosok mane ne’ebé maka nia selingkuh ba. Feto tenke hatene natureza mane nian selingkuh ho feto ne’e hanesan orgullu ida no sempre konta ba mane maluk seluk no pasti ikus mai sei hamosu moos hakarak iha mane seluk sira-ne’e atu lori koñese feto ne’e. Ha’u tenta esplika situasaun klaru hanesan ne’e atu feto sira hatene atu la bele fasil monu ba mane ninia bosok) tanba hosi feto sira maka sei mosu jerasaun di’ak ba moris estadu Timor-Leste sai di’ak no forte tanba se ita haree iha realidade moris edukasaun oan sira nian infelizmente barak liu iha inan sira-nia liman (parte ida-ne’e moos presiza muda atu feen ho la'en tenke hanesan iha edukasaun oan sira nian) tanba ne’e maka papél feto importante tebes.  Se lae moris mai jerasaun ne’ebé la di’ak sei hamosu de’it problema ba inan-aman rasik, ema seluk no ba estadu. Iha parte seluk ha’u moos hanoin Parlamentu presiza, se uluk iha tempu Jesus Cristo nian, iha rai Judeu nian, iha lei ida ba feto adultériu tuda to’o mate, iha tempu agora karik di’ak moos halo lei ida (ou governu halo dekretu lei ida) atu autoriza feto basa mane malkriadu sira ne’ebé maka la’ós doben nein la’en bainhira ho intensaun (sem querer la bele) kaer feto nia isin se kontra feto nia hakarak. Iha ne’e ha’u la pro no kontra se se de’it ha’u apenas buka identifika realidade feto-mane nian atu lori hatuur iha natureza idak-idak nian (tanba feto ho mane diferente) lori buka kontribui evita kazu abortu, respeitu ba liberdade feto ho mane nian hanesan, ho hanoin ida katak hakerek hanesan dalan ida lori fahe informasaun no konxiensializa sidadaun sai responsavel ba moris. Respeitu feto ninia direitu no liberdade. Ha’u rasik hasoru kazu feen Zelia do Rego dos Santos (ha’u tenke deklara lori afirma katak ami-nia kazamentu konsumadu. Bainhira ha’u temi kazamentu konsumadu infelizmente ema barak la hatene arti hosi kazamentu konsumadu no ha’u presiza esplika iha-ne kazamentu konsumadu nu’udar linguajen étika-morál no jurídica lori dehan katak feto ida ho mane ida isin ida klamar ida. Karik liafuan respeitozu timoroan nian ne’e maka ema barak sei hatene liu duke dehan kazamentu konsumadu) abandona hela ha’u to’o agora ha’u nafatin respeitu feen ninia direitu no liberdade ba moris ne’ebé tuir ninia hakarak (naran katak sei nia hakarak ona atu husik ha’u favór ba hakotu iha Tribunál. Divorcio mutua consentimento ha’u lakohi) no dalaruma ha’u hetan hela nia maibé ha’u husik nia la’o livre (hanesan hetan malu iha Dioseze Dili bainhira nia ba “entrevista” bispu ida ba ninia teze mestradu ha’u husu nia fila uma maibé nia lakohi ha’u respeita nafatin nia) no dalaruma ha’u hetan nia, uluk, 2016, ho karreta halai tun-sa’e hela iha Dili laran no ha'u moos prontu atu perdua feen atu salva ami-nia kazamentu. Nu'udar la'en ha'u iha responsabilidade morál ba feen. Hanoin ida-ne'e, liutiha tempu balu, koinside loos ho Bispu Baukau ninia liafuan dehan katak feen-la'en iha responsabilidade ba malu lori tama ba Lalehan tanba Maromak sei husu sira na'in rua hotu. Ha’u moos hakarak hatutan de’it Bispu nia lian lori dehan katak sei husu moos responsabilidade ba hirak ne’ebé kontribui lori estraga kazamentu ne’e) ou ha’u dalaruma haree (uluk no foin daudaun moos) nia sa'e motorizada ho hena taka oin tun-sa’e, ha’u la bele impede nia (mane seluk karik dalaruma halo tiha ona palang tun-sa’e ou serang malu tun-sa'e. Ha’u-nia liman nunka kona feen. Mezmu iha situasaun hirus boot tebes no haree feen ho mane seluk la’o tun-sa’e ho motorizada maibé há’u nunka serang tun-sa’e. Laran ne’e sempre iha perdaun ba feen. Mezmu karik mundu hamnasa ha’u maibe ha’u nafatin fiél ba feen. Tanba ha’u hanoin mane sivilizadu maka mane ne’ebé nunka liman kona-ba feen. Bele hirus boot oinsá moos liman la bele kona feen. Dudu malu de’it moos la bele. Hirus boot (tanba iha indikasaun ona ba selingkuh) ko’alia no ko’alia ou diskute malu halo parte ba ita ema nia natureza maibé liman la bele kona feto tanba feto ser ida-ne’ebé presiza atu proteje no atu hadomi. Hadomi feen buat ida-ne’ebé maka kmo’ok tebes iha ha’u-nia moris. Naran katak la bele selingkuh. Se hakarak karik mane seluk favór divorsia tiha ha’u lai ba maka selingkuh ba. Feen ninia moris hala’o ba. Ha’u la iha direitu atu impede bainhira divorsia ona ha’u iha Tribunál. Tanba ne'e responsavel Defensoria Publika Dili nian ida moos pernah apresia ha'u tanba buka ho dalan di'ak rezolve problema no pasiénsia maka barak tanba ha’u sempre iha no hatudu laran di’ak no domin boot ba feen lori perdua nia no salva kazamentu lori habadak problema. Ha’u buka taka feen isin rua atu família ha’u nian no ema seluk la bele hatene. Ha’u husu feen fila. Ita taka tiha kazu ne’e. Maibé feen lakohi. Ha’u lori Pai ho Mae ba rezolve problema no antes sai hosi ami-nia uma ha’u dehan ba Pai ho Mae katak feen dehan isin rua se ha’u nian ita kontente maibé karik la’ós ha’u nian ita taka tiha problema ne’e atu ema seluk la bele hatene. Bolu fila feen ita buka taka tiha problema ne’e. Ha’u-nia hakarak lori habadak problema no lori foti família rua ninia oin. Maibé to’o iha Santa Cruz ami seidauk ko’alia lori dehan ami nia hanoin ruma feen ho ninia inan (foin to’o hosi fatin seluk karik) to’o iha varanda oin ataka ami ho liafuan razadas de’it no feen tebe kadeira dehan cerai. Iha família ha’u sempre ajuda rezolve problema família nian kona-ba feen-la’en nian (no moos problema seluk-seluk). Ha’u sempre dehan feen-la’en hetan problema boot ruma feen-la’en tenke taka problema ne’e. Anin de’it la bele hatene. Moris feen-la’en hanesan ro-bero dalaruma hasoru moris hanesan laloran tasi baku tun baku sa’e agora feen-la’en maka tenke hatene ultrapassa laloran moris, problema, sira-ne’e. Feen-la’n maka tenke kompak hamutuk lori hakat liu problema sira-ne’e. Maibé karik feen-la’en maka la kompak, idak-idak hatudu ninia ego lori buka manan malu de’it maka laloran-problema sei baku monu ro-bero, familia, monu no rahun. Ida hean ba oin no ida hean ba kotuk, la kompak, pasti ro-bero, nakfila no monu hanesan família feen-la’en nian monu no rahun) Moris ne’e simples, la’o tuir de’it lei ho doutrina sarani nian (tuir ita sarani) no buat hotu la’o di’ak. Se ita halo sala, ita ema baibain, pekadór (Na’i Jesus Cristo dehan ba ema judeu sira entre imi hirak-ne’e ida-ne’ebé nunka halo sala foti uluk fatuk tuda feto ne’e (Maria Magdalena). La iha ema ida maka brani tuda tanba ema hotu-hotu sala boot ou sala ki’ik sempre maksalak. Ha’u sei nunka hahi’i ema ida bainhira nia dehan katak nia nunka halo sala tanba ne’e nia bosokten. Maibé ha’u sei hahi’i ema ida-ne’ebé halo sala maibé nia brani sai hosi sala, husik sala no fila ba dalan maka Na’i Jesus Cristo hanorin) maibé importante maka arrepende ba ita-nia sala atu la halo sala tan. Se ita haree moris santu boot barak sira-nian la’ós tanba sira nunka halo sala maibé tanba sira arrepende ba sira-nia sala lori muda sira-nia moris halo tuir hikas Na’i Jesus Cristo ninia hanorin hanesan ezemplu São Paulo, Santo Agostinho (moris ho feen la kaben,kumpul-kebo de’it, hetan oan naran Adeodatos maibé hadi’a an hikas no sai Bispu iha rai Hippo no sai santu boot), Santo Inacio de Loyola, santu no santa sira seluk tan. Iha problema feen-la’en nian importante maka arrepende lalais, ko’alia ba malu, buka solusaun di’ak ida (win-win solution) lori evita problema la bele sai boot liután. Ita husik hela ema ida sai vítima de’it (nia lakon buat hotu, susar barak mosu ba nia) sei hamosu ema ne’e ninia insatisfasaun sai boot liután no ema di’ak sempre pasiénsia nafatin lori buka rezolve problema ho di’ak nafatin. Ema ladún di’ak iha posibilidade boot atu nia bele halo asaun krime, ataka malu tun-sa’e. Ne’e depende fali ba ema idak-idak ninia konxiénsia no formasaun. Ha’u fiar família di’ak forma oan sai di’ak no família rungu-ranga forma oan sai rungu-ranga. Família di’ak forma oan atu forma uma kain dala ida iha moris lori kuidadu fiel ba malu nafatin. Família la di’ak (tanba sira moos toman tiha ona halo sala) husik hela oan divorsia moos di’ak hela. Uluk Pe. João Felgueiras, SJ sempre dehan mai ami katak labarik ki’koan tenke lori ba Igreja atu nia haree inan-aman komunga no reza lori hamosu labarik ninia fiar ba Maromak Jesus Cristo. Ne’e loos! Tanba labarik halo tuir saída maka nia haree no rona (hanesan moos teoria edukasaun nian balu hanorin) hosi inan-aman no família ne’ebé hale'u nia. Hanesan baibain ema hotu-hotu dehan aifuan monu la do’ok hosi ai-hun. Amu-lulik jesuita sira (bapak, malae no timoroan) moos sempre hanorin (no ha’u sempre rona) mai ami katak sai estudante tenke sai estudante di’ak, sai amu-lulik tenke sai amu-lulik di’ak, sai jardineiru tenke sai jardineiru di’ak, sai porteiru tenke sai porteiru di’ak (hanesan santu jesuíta nian ida) no sai kaben na’in tenke sai kaben na’in di’ak no ida-ne’e maka ha’u buka atu halo tuir. Ou liafuan São Jose Maria Escriva hateten katak ita bele hasa’e ita-nia moris loron-loron nian (saída maka ita halo nu’udar estudante ou traballador mezmu simples) nu’udar orasaun ba Maromak. Maibé buat sira-ne’e, nu’udar sarani, ita-nia referénsia maka Bíblia, no ita tenke lee loron-loron, hanesan Prezidente Portugál Marcelo Rebelo Sousa, ninia ezemplu sempre lee Bíblia loron-loron. Tanba ne’e bainhira ema ida sinte an loos no santu maibé nia kontra hela Maromak Jesus Cristo hanorin, ita bele dehan ema ne’e ou bulak, ou arrogante ou ignorante. Bulak tanba  nia la iha konxiénsia ba buat loos no sala tuir Jesus Cristo hanorin. Arrogante tanba nia hatene hela loos hosi Jesus Cristo hanorin maka ne’ebé no sala maka ne’ebé maibé nia hanesan karau fuik saruntu tun-sa’e de’it tanba ninia arrogánsia. Ignorante tanba memang nia la hatene doutrina loos hosi Jesus Cristo hanorin. Ema ne’ebé halo sala (pekadu) sempre iha hukuman iha rai ou iha mundu seluk. Hukuman paling boot liu iha mundu seluk maka infernu. Halo sala (pekadu) ne’e halo parte ba ita ema na natureza naran katak arrepende hadi’a sala no fila halo tuir hikas Maromak Na’i Jesus Cristo. La bele dehan fali kontra Maromak Na’i Jesus Cristo doutrina kona-ba kazamentu maka konxiénsia moos nafatin? Lae! Konxiénsia tumpul tiha ona.

Perdaun no domin maka solusaun di’ak liu lori salva kazamentu iha laran di’ak (ita tenke halo buat hotu-hotu ho intensaun di’ak. Ha’u dalaruma halo an seolah-olah la hatene buat ida sai beik atu lori hatene ema nia laran. Tanba ema di’ak bainhira haree katak ita hanesan la hatene buat ida ou beik nia sei ajuda ita ou karik nia la ajuda ita pelemenus nia hanoin ita, eh kuitadu: Maibé ema laran aat bainhira nia haree ita la hatene buat ida ou beik nia sei halo jogada bosok ita lori estraga ita) ba malu no ita ema hotu-hotu bele halo bainhira ita iha domin boot tanba domin boot maka halo ita bele perdua (lori halo tuir Na’i Jesus Cristo nia perdaun moos). Kazamentu la iha domin forte hosi parte rua hotu pasti rahun iha loron ida. Kestaun tempu de'it. Ha’u rasik pernah bá feen ninia serbisu fatin iha Ministério da Justiça maibé ha’u bá ho intensaun di’ak atu husu feen fila mai uma ou karik nia lakohi ona entaun ami bá hakotu iha Tribunál. Ha’u hetan belun seminarista ida uluk ( belun Aureliano) no nia dehan ha’u atu la bele halo problema. Ha’u moos hataan ba nia katak ha’u moos lakohi atu hamoe an halo problema. Ita iha problema nia laran di’ak liu la bele aumenta tan problema. Dalabarak, iha kazu feen-la’en seluk nian ne’ebé iha realidade, feen selingkuh mane ho baku malu ou la'en selingkuh feto ho feto lees malu ou feen selingkuh la’en baku feen ou la’en selingkuh feen lees la’en ou oho la’en no ikus mai sira responde kriminalmente kazu selingkuh tau tiha fali ba sorin. (Ne’e halo ha’u hanoin Profesora Joana Aguiar hateten katak iha Istoriadór boot ida hakerek Istória mundiál. Iha loron hosi janela nia haree iha ema na’in rua baku malu tanba sira-nia asu tata malu. Halo sidade-prasa laran sai konfuzaun hotu. Depois husu ba sira tanbasá maka sira baku malu hotu-hotu akuza malu nein ida maka hateten kazu nia hun maka asu tata malu. Istória ne’e Profesora sempre konta iha aula História de Direito no ha’u sempre gosta tebes rona no hamosu reflesaun lubuk iha ha’u-nia laran). Maibé tuir loloos iha problema feen-la’en nian importante liu uza ita-nia fuan ho kakutak lori rezolve problema hanesan Hillary Clinton dehan, “In making these decisions, I listened to both my heart and my head”. Ha’u rezolve problema ho di'ak no ha'u buka atu respeitu nafatin feen ninia hakarak atu divórsiu naran katak ba divórsiu iha Tribunál tuir pedidu ne'ebé ha'u hatama ba Defensoria Públika divorcio litigioso tanba feen abandona ha’u (ho No. PA:6695/Civil/DPDIL). Pedidu ne’e seidauk hatama hela de’it ba Tribunál, lebih dari satu tahun ona, to'o agora. Ha’u hakerek moos ha’u-nia kazu sivíl ne’e (pedido divorcio litigioso) lebih ona dari satu kali iha jornál sira.

Ha’u fó-hanoin de’it ba entidade estadu nian sira ne’ebé maka relevante katak iha Estadu Direitu Demokrátiku Timor-Leste iha kualkér kazu ida ba kualkér sidadaun ida bainhira sidadaun ne'e hetan indikasaun ba denegacao da justica (iha artigu 282 hosi ita-nia kódigu penál), iha indikasaun ba prevaricacao de advogado ou defensor publico iha artigu 288 hosi kódigu penál no bele karik iha indikasaun ba abuso do poder iha artigu 297 hosi kódigu penál ho nune'e maka Ministériu Públiku tenke investiga se sidadaun ida hato'o keixa. Se Ministériu Públiku rasik taka kazu sira hanesan ne'e sidadaun ida atu ba loos ne'ebé?  Ne’e moos atu haloos de’it buat ne’ebé maka Komandante Jerál PNTL dehan katak polísia sira moos tenke prosesa kazu ida banhira hetan keixa hosi sidadaun sira mezmu hasoru polisia sira tanba bele iha indikasaun ba denegação da justiça no ne’e krime tuir ita-nia kódigu penal.

Ha’u tenke dehan klaru iha-ne'e moos katak Defensór Titulár moos tenke lori kazu ne'ebé sidadaun ida hato'o ba nia, hanesan ha'u-nia pedido divorcio litigioso por abandono, tama ba Tribunál. Agora iha dalan tolu de'it ba defensór titulár. Dalan ida maka Defensór Titulár tenke lori ha’u-nia kazu tama ba tribunál se lae defensór titulár bele halo indikasaun ba krime sira hanesan temi iha pontu tolu iha leten hosi ita-nia kódigu penál hakerek iha artigu 282, iha 288 no 297. Defensór Titulár la iha dalan atu taka ha'u-nia kazu asesu tama ba Tribunál. Ho nune'e ha'u hakfodak tebes ha'u-nia feen, foin daudaun, dehan nia hataan hotu ona la iha faktu ba ha'u-nia akuzasaun sira hotu. Ha'u la hatene nia hataan iha Tribunál Estadu ida-ne'ebé nian? Serake Tribunál foti desizaun ida ba ha'u-nia pedido divorcio litigioso sein ha'u-nia prezensa? Absurdu tebes! Ha'u maka hatama pedido divorcio litigioso no ha'u maka tenke hetan xamada lori ba rezolve no ba hataan iha tribunál hamutuk ho ha'u-nia feen. Kazu kazamentu ha'u nian tanba ne'e ha'u maka tenke rezolve problema kazamentu nian ho feen iha Tribunál. La'ós ema seluk. La bele ema seluk tanba ema seluk la hatene saída maka ha'u ho ha'u-nia feen hasoru. La bele moos ha'u-nia feen mesak. Tanba ne'e ha'u-nia feen dehan nia hataan hotu ona la iha faktu ne'e ha'u binggung tebes. Akuzasaun parte ne'ebé nian maka nia hataan? Tribunál seidauk hakotu ami-nia kazamentu. Ha'u-nia bilhete de identidade sei hakerek iha estado civil casado. Nia tenke hanoin katak kona-ba divorcio ou problema ligadu ho kazamentu seidauk kotu tanba seidauk hakotu iha tribunál estadu nian. Dalan daruak maka ha’u-nia feen fila mai salva ami-nia kazamentu. Tanba ha’u moos hanoin tebes ema sira-ne’ebé kontribui lori impede justisa mai ha’u no hirak seluk ne’ebé kontribui hetok estraga ha’u-nia kazamentu sai aat liután maibé karik sira moos iha konxiénsia uitoan atu la bele moos kontra ha’u tanba ha’u la kontra sira, ha’u la iha problema ho sira. Ha’u apenas defende ha’u-nia kazamentu ou ha’u defende atu hakotu ha’u-nia kazamentu iha Tribunál. Tanba asesu ba Tribunál direitu fundamentál sidadaun nian (hakerek tiha ona iha Konstituisaun) no iha ha’u-nia fuan ha’u lakohi hamosu susar ba sira-nia moris no tuir loloos ha’u moos la hakerek iha-ne’e maibé ha’u-nia feen, foin daudaun, haruka sms mai ha'u lori dehan ha'u ho liafuan oioin loos. Depois ha’u dehan ba nia, ó kuandu dehan ha’u halo sala ó tenke dehan sala saída?... ó dehan ha’u taka an entaun ó dehan taka an ba saída? Ó  maka taka an lori sa'e motor la'o tun-sa'e. Ha’u brani dehan ó sala tanba o abandona ha’u. Ita rua nia kazamentu konsumadu. (No seluk-seluk tan). Maibé feen la hataan ha’u. Nia nonook. Dalan terseira maka loron ida ha’u sei hakerek klaru (ha’u prepara hela) iha jornál lori temi klaru asuntu sira relasiona ho kodigu penal lori hasoru ema balu no ema balu iha ligasaun ho instituisaun estadu nian ba justisa (tanba moos ha’u-nia feen dehan ha’u la iha faktus, naran dun ema tanba ne’e maka ha’u prepara hela hakerek ida tan atu lori publika iha tempu adekuadu) tanba buat hotu (ema jurista sira hatene, ema juíz sira hatene, ema defensor sira hatene, ema prokuradór sira hatene no ema ne’ebé serbisu iha parte lejizlasaun iha Ministério da Justica hanesan ha’u-nia feen moos tenke hatene) hakerek iha kódigu penál ba kazu penál no hakerek iha kódigu sivil ba kazu sivil. Ha’u espera moos media sira no organizasaun nao governamental sira ne’ebé ligadu ho defesa ba asesu justisa ba sidadaun sira ba Tribunál hanesan JSMP no Yayasan HAK no seluk-seluk tan moos hatene hela kazu ne’e no akompaña hela moos kazu ne’e. Hosi ha’u-nia haree presiza iha espesializasaun iha Defensoria Públika atu Defensór Titulár ba kazu penál de’it no ba kazu sivil de’it. No moos presiza iha moos espesializasaun ba Prokuradór. Tanba ema ida hasai kursu jerál de’it iha Direitu presiza aprofunda área espesializasaun iha direitu penal no iha direitu sivil atu lori atende kazu povu nian ho di’ak no profissional. Hanesan medisina karik bainhira medico geral atu kaer área espesializasaun ruma nia moos tenke aprende tan área ne’e. Médiku jerál ida la bele halo operasaun ba fuan. Labele sai pediatria. Nia bele tulun de uma maneira jerál maibé nia la bele halo liután tanba nia seidauk hasai espesializasaun ba área refere. Jurista (direitu jerál) kaer kazu sivil ou penal hanesan médiku jerál kaer kazu ou halo operasaun ba ema moras fuan nian. Atu hasa’e prestasaun serbisu ba povu maka Defensória Públika ho Ministériu Públiku presiza ona investe iha espesializasaun iha área relevante sira.

Ha’u fó-hanoin de’it ba ema hotu-hotu katak sidadaun ida la hetan asesu tama ba Tribunál ne’e krime tuir hakerek iha kódigu penál. Apalagi sidadaun ne’e rasik hatama tiha ona indikasaun ba krime sira iha Ministério Públiku relasiona ho denegação da justiça hasoru servidor do estado ne’ebé tuir loloos hatama ona kazu ne’ebé sidadaun ne’e husu lori hatama ba Tribunál.

Ha’u haree iha realidade moris feen-la’en seluk nian lori hanoin iha mane seluk maka rona dehan feen isin rua no feen halai dook hosi la’en tinan tolu nia laran karik problema sei sai oin seluk. Seidauk to’o tinan tolu karik, foin maka dehan isin rua dalaruma feen ou bá para iha Ospitál ou bá para Rate Santa Cruz.

Ha’u tenke dehan ho loloos no ho laran moos tomak katak ha’u-nia problema ho feen Zelia do Rego dos Santos no ha’u lakohi atu inklui moos ema seluk. Ha’u sempre hatudu laran di’ak ba ema seluk. Ha’u iha problema ho A katak ho A de’it. Ha’u lakohi dada to’o A ninia família, ninia kolega. Lae! Ha’u so iha problema de’it ho A. Maibé tanba A ninia família no kolega moos mete lori estraga. Tanba ema seluk moos mete lori kontra ha’u maka terpaksa ha’u defende an lori kontra sira. Tuir loloos ha’u lakohi atu kontra ema seluk. Maibé ha’u moos la bele nonook se ema seluk kria prejuizu mai ha’u tanba la lori ha’u-nia pedidu tama ba Tribunál hanesan defensór titulár se Estadu harii Defensoria Publika ho objetivu atu ajuda sidadaun simples sira defende sira-nia direitu legalmente protejidu iha Tribunál ou se iha funsionáriu estadu nian atu sai nu’udar servidor do povo estraga fali ema seluk nia direitu. La lori sidadaun ida nia kazu tama ba Tribunál ne’e kontra maka’as tebes prinsípiu Estadu Direitu Demokrátiku no Direitus Umanus ligadu ho diretu fundamentál sidadaun ida nian iha asesu ba Tribunál lori halo tuir moos ita-nia Konstituisaun haruka iha artigu 26 no kontra tebes kódigu penal hanesan indikasaun ba krime hasoru kódogu penal iha artigu sira 282, iha 288 no 297.

Tuir loloos bainhira defensór titulár la lori ona ha’u-nia pedidu divorcio litigioso ba Tribunál maka Defensor Publico Geral iha momentu ne'ebá tenke ona simu ha’u-nia pedidu ba nia lori halo substituisaun ba defensór titulár lori troka fali ba defensór sira seluk ida. Menus problema. Karik dalaruma ita ema presiza hanoin se problema la iha lalika kria problema ba an rasik. Ha’u dalaruma haruka email ba feen (iha semana kotuk, entre loron 21-22, 26 Novembru 2018, liutiha tinan tolu nia laran, maka ha’u-nia feen haruka sms mai ha’u-nia númeru 76094252 no moos email lori ko’alia buat oioin entaun ha’u moos hataan ba nia lori kontra saída maka nia sms ne’e ou email sira-ne’e. Ha’u hanoin nia haruka sms ou email mai ha’u lori hadi’a ami-nia kazamentu maibé infelizmente atu lori hatún ha’u de’it) no iha asuntu balu ha’u hato’o moos koñesimentu ba Sua Exelénsia Don Ximenes Belo nu’udar Premio Nobel da Paz tanba ha’u fiar katak buat ida naran Bispu ho Premio Nobel da Paz sei hatuur buat ne'ebé maka loos. Don Ximenes Belo rasik moos haruka email ida mai ha’u atu enkoraja ami salva ami-nia kazamentu no email ne’e rasik ha’u moos haruka ba Zelia.

Ha’u sempre dehan prontu simu se oan ne’e karik la'ós ha’u nian atu lori haree nia di’ak no ha’u rasik moos halo deklarasaun ida lori asegura labarik ne’e ninia direitu tomak nu’udar labarik no nu’udar ema. Atu garante ha’u-nia pozisaun ida-ne’e ha’u hakerek proposta hanesan ne’e hatama ba Defensoria Públika. Se oan ne’e ha’u nian ha’u kontente tebes tanba ne’e maka ha’u moos ezije ba Defensoria Publika lori konfirma moos se oan ne’e ha’u nian entaun ha’u prontu asume ha’u-nia responsabilidade paternal. Ha’u tenke asegura katak (ne’e maka ha’u-nia intensaun) bainhira labarik ne’e boot mai se nia ha’u nia oan pelumenus nia hatene katak ha’u halo buat hotu-hotu dentro do possivel lori asume ha’u-nia responsabilidade paternal maibé Zelia (ho ninia família) no Defensoria Publika maka taka dalan mai ha’u. Karik oan ne’e la'ós ha’u nian entaun labarik ne’e boot nia moos se agradese mai ha’u tanba ha’u asegura ninia direitu ba moris di’ak, mezmu nia la'ós ha’u nia oan, lori respeita nafatin nia nu’udar ser humano ida-ne'ebé iha direitu hotu-hotu ne'ebé maka tenke proteje hanesan ha’u-nia proposta ne’ebé ha’u hatama ba Defensoria Públika relasiona ho oan. Buat ne’ebé ha’u halo sempre ha’u dehan ba Zélia atu lori salva ami-nia kazamentu. Karik la bele ona salva kazamentu entaun divorcio litigioso (tanba abandona ha’u) tuir ha’u-nia pedidu divorcio litigioso tanba abandono hanesan ha’u hatama iha Defensoria Públika. Tanbasá ha’u lakohi divorcio mutua consentimento? tanba ne’e hamosu de’it konfuzaun ba ha’u-nia moris. Ema sei ko’alia aat ha’u no ha’u la iha dalan atu defende an. Ha’u hakarak divorcio litigioso tanba ha’u iha interese atu hatuur lia-loos lori defende ha'u-nia an no ha’u moos hakarak hatene no defende kestaun balu iha Tribunál laran. Ha’u hakarak husu se, por simples faktu ha’u-nia feen abandona ha’u no la hatene nia iha-ne'ebé, ha’u iha direitu atu husu divorcio litigioso ba feen iha Tribunál ka lae? Se ema hatene lei sei dehan katak klaru bele. Se ema barak-barak divorcia malu iha Tribunál tanbasá ha’u la bele? Tanba ha’u buka solusaun ho ha’u-nia feen atu ami rezolve mesak, feen lakohi hataan ha’u, nonook durante tinan 2 ou 3 nia laran, ha’u lori família ba ko’alia ho nia no ninia família, feen lakohi fila uma, depois ha’u lori família ba tan sira-nia uma maibé sira duni ami (feen tebe tan kadeira mai ami), maibé ami la rende, iha loron ida ami ba nafatin, sira taka odamatan mai ami to’o kalan liu tuku 7 ou 8 maka sira loke odamatan lori hakilar de’it ami. La fó tempu atu ami ko’alia. La iha solusaun iha dalan família nian entaun ha’u lori ba Defensoria Públika lori husu mediasaun. Defensoria Públika la halo mediasaun. Depois tanba la halo mediasaun entaun ha’u deside atu habadak problema maka ha’u husu divorcio litigioso (mezmu ha’u lakohi dovorcio terpaksa ha’u tenke halo tanba feen abandona ona ha’u di’akliu divorcio litigiso de’it ona). Depois ha’u moos tenta dalan Dioseze nian. La iha rezultadu. Hosi parte Dioseze moos nunka iha solusaun mai ha’u to’o agora no hosi Defensoria Públika moos nunka lori ha’u-nia pedido divorcio litigioso ba Tribunál. Sira hanesan taka nonook de’it ona ha’u-nia kazu kazamentu nian ne’e. Tanba ne’e maka dalan ikus (último recurso) ha’u hakerek. Bainhira dalan justisa nian taka mai ha’u entaun hakerek maka ha’u-nia kilat ikus nian ona atu lori defende ha’u-nia an, atu lori defende ha’u-nia direitu, atu lori defende no hatuur justisa, atu lori defende protesaun ba Direitus Umanus. Ho nune’e ha’u hakerek atu iha netik rejistu eskritu ida katak ha’u iha kazu kona-ba oan ho feen. Loron ida labarik ne’e rasik maka sei buka tuir nia ne’e se nia oan (tanba hosi ha’u-nia hakerek bele fó hela indikasaun data katak entre Marsu 2016 ba oin oan ida-ne’ebé moris liutiha fulan tolu ou antes fulan sai nia laran. Presiza iha konfirmasaun ba ninia aman maka sé) tanba ne’e maka terpaksa ha’u tenke hakerek. Se ha’u la hakerek ema bele taka metin no bosok tun-sa’e lori bosok labarik ne’e. Ha’u hakerek atu lori ajuda moos maluk seluk bele iha konxiénsia atu la bele halo violénsia bainhira hasoru kazu selingkuh. Fahe esperiénsia reál atu ajuda maluk sira seluk hatene rai an di’ak-di’ak mezmu hasoru laran moras, susar, konfuzaun, impedimentu oioin. Brani nafatin defende buat loos (nu’udar kaben-na’in sarani tuir de’it Na’i Jesus Cristo hanorin) no arrepende bainhira halo sala kontra juramentu iha kazamentu nian. Ha’u tenke dehan moos katak ha’u-nia kazamentu iha Igreja lori halo tuir de’it feen ho ninia família sira-nia hakarak. Tanba antes atu kaben ha’u dehan ba feen katak ita keta kaben lai. Konsentra ba peskiza. Tanba ha’u seidauk iha serbisu. Ha’u eskola hotu (remata halo teze Mestradu) depois ha’u buka serbisu lai maka depois ita rua kaben Igreja. Tanba ha’u hanoin nu’udar mane ha’u tenke iha lai serbisu maka kaben atu assume ha’u-nia responsabilidade ba feen ho família. Mezmu nune’e feen lakohi lori dehan mai ha’u ami rua tenke kaben kedas maka ami rua fila kontinua estudu Mestradu iha Portugál. Ha’u lori ha’u-nia família ba hasoru malu ho feen ho ninia família moos ha’u-nia família nia pozisaun nafatin lori dehan ba sira katak naran katak ita koñese malu lai no kaben depois bainhira sira-na’in rua remata estudu lai tanba ami nia oan seidauk iha serbisu. Maibé feen ninia família hataan katak ami fiar Hercus paun-fuan ida sei iha nia liman. To’o ikus mai Maun Jaimito dehan mane dalan luan no feto dalan kloot maka ami hotu nonook depois ha’u-nia família sira husu ha’u oinsá no ha’u hataan katak ha’u prontu kaben agora. Tanba liafuan Maun Jaimito nian todan mai ha’u tanba lori hanoin ha’u-nia feton ki’ik sira seluk. Ha’u tenke dehan loloos katak la’ós ha’u lakohi kaben ho Zélia do Rego dos Santos. Ha’u moos hakarak. Soke ha’u seidauk iha serbisu ne’e maka ha’u seidauk prontu atu kaben iha momentu ne’ebá (14 de Fevereiro de 2015) tanba ha’u rasik konxiente ba responsabilidade la’en lori iha lai serbisu maka kaben. Feen ho ninia família ezije maka’as tebes lori hamosu diskusaun (idak-idak mantein ninia pozisaun) ikus mai ami rende ho liafuan Maun Jaimito nian iha leten ne’e. Ne’ebé ha’u-nia feen foti desizaun kaben ho ha’u mezmu ha’u dezempregadu nia foti desizaun ho laran, neon no konxiénsia tomak kona-ba responsabilidade hotu-hotu iha uma laran (ami nia família ki’ik ami rua foin harii) hanesan responsabilidade alimentar nia (ha’u-nia feen) maka asume. Nia la’ós labarik ki’ik. Nia boot (dewasa, adultu) no serbisu iha Ministério da Justica (parte Diresaun Nasionál Asesoria Jurídika no Lejizlasaun) pasti hatene kona-ba lei sira kona-ba kazamentu nian no feen-la’en nian di'ak liu duke ha’u. Agora maka foin hakfodak lori dehan ha’u laiha serbisu. Ne’e loos ha’u la iha serbisu no agora moos ha’u buka hela. Uluk bainhira atu kaben maka dehan ha’u la iha serbisu maka lakohi ha’u karik di’ak. Uluk kedas mezmu ha’u dehan ba feen ho ninia família katak ha’u la iha serbisu moos sira dehan la iha buat ida no obriga maka’as tebes ha’u kaben (tanba antes ami rua rasik haksesuk malu manas tebes to’o ha’u ho nervozu dehan la bele kaben lai, ha’u buka lai serbisu maka kaben). Ha’u-nia feen (ho ninia família uma laran sira hotu) dehan la iha buat ida ita tenke kaben kedas maka fila kontinua estudu Mestradu. Ne’e tanba feen ho ninia família garante hela feen ninia serbisu no ha’u rasik ikus mai simu kaben (lori asume ha’u-nia responsabilidade moris hamutuk ho feen bainhira sei namora hela) no ha’u moos iha garante hela ba feen ninia serbisu tanba nia hatene ha’u la iha serbisu no ha’u rasik moos dehan ba nia maibé se nia kontinua obriga ha’u kaben tanba nia rasik, konxientemente, simu katak ha’u moris ho ninia serbisu to’o momentu ha’u remata estudu mestradu atu ha’u depois buka serbisu (infelizmente feen husik ha’u ema ko’alia aat ha’u estraga ha’u-nia konsentrasaun ho stress ha’u-nia teze mestradu rahun, ha’u-nia konsentrasaun ba serbisu laiha). Agora maka feen garganta barak-barak lori hamoe ha’u tanba ha’u serbisu la iha. Ha’u sempre buka kolabora ho nia lori halo tuir ninia hakarak. Atu proteje ninia dignidade ho ninia família nia oin maka ha’u prontu husik nia uza veo iha momentu ami kaben-igreja. Tuir loloos la bele tanba ami moris hanesan feen-la’en tiha ona hahú kedas hosi Portugál antes kaben. Tanba hadomi feen maka ha’u simu feen bosok Igreja no ha’u moos monu, lori simu monu, ba feen ninia bosok ba Igreja lori ha’u moos husik atu bosok ida-ne’e akontese maka ha’u moos halo sala (pekadu) tanba la iha kbiit lori kontra feen ninia hakarak uza veo. Foti feen ho ninia família nia ilas hamutuk moos ho ha’u maka ha’u moos halo parte ba sala bosok Igreja ne’e.

Iha Timor-Leste, fenómenu traisaun entre feen-la'en ho namora la responsavel sai ona “trend” iha ita-nia sosiedade nia laran. Iha namora, mane ida hadau mane seluk nia doben, ba ha’u, mane ne’e terbaik. Mane ida hola fali mane seluk nia feen, koitadu ba mane ne’e. Nia hatudu katak nia lalaku, la folin, ema nia feen moos jadi. Koitadu moos ba mane ne’e ninia família moe la iha. Sira-nia família ida hola ema nia feen moos sira bangga? Koitadu! Mundu ne’e presiza uza konxiénsia lori moris. Halo sala hakribi. Halo loos defende. Halo sala sinte sala. La bele halo sala sinte loos. Sala ho loos tenke tuir, nu’udar sarani, Na’i Jesus Cristo ninia ukun fuan, la bele tuir arrogánsia. Kualkér ema ida halo sala sinte loos no sinte an konxiénsia moos nafatin entaun nia ou tanba nia bulak (moras mentál) ou tanba nia baibain tiha ona ho sala ne’e to’o nia halo sala moos nia sinte loos nafatin. Ninia konxiénsia la funsiona tiha ona. Nia lakon tiha ona konxiénsia atu lori halo diferensa entre loos ho sala. Kuitadu! Formasaun família nian zero! Nu’udar sarani konxiénsia moos ba de’it ema la halo sala kontra Na’i Jesus Cristo hanorin. Ema ida halo sala momoos hela lori kontra Na’i Jesus Cristo hanorin ne'ebé ita hotu hatene hela maka depois nia sinte an loos no konxiénsia moos? Kuitadu! Ne’e so bulak, lakon kontaktu ho realidade. Ita haree ema bulak balu iha mate ema tanis nia maka ida hamnasa senyum tun-sa’e. Nia la iha konxiénsia la hatene diferensa entre triste ho kontente. Ema ida halo sala ne'ebé nu’udar sarani ema hotu-hotu hatene katak sala, pekadu no nia sinte an nafatin loos no nia hanoin ou sinte iha konxiénsia moos nafatin ne’e tanba nia “moras mentál”. Ninia mentál maka moras (ho nune’e bolu ema moras mentál) tanba nia la hatene halo diferensa sala ho loos ou pekadu ho la pekadu. Baibain, ita haree di’ak-di’ak tanba ema ne’e toman tiha ona halo sala ou pekadu ne’e maka halo nia lakon kontaktu ho realidade loos kona-ba loos ho sala no pekadu ho la pekadu tanba ne’e maka ita bele dehan katak ema hanesan ne’e maka ema moras mentál loloos tanba nia lakon realidade loos nian. Ita hotu, nu’udar sidadaun responsavel, tenke husu ita hakarak harii sosiedade oin nusa nian? Sosiedade ida-ne'ebé respeitu ba loos kontra sala lori respeita lei, morál, doutrina relijiaun idak-idak nian lori valoriza ita ema nu’udar ema iha protesaun ba Direitus Umanus? Ou sosiedade ida-ne'ebé sala tau ba loos no loos tau ba sala lori kontribui halakon autoridade lei nian no halakon valores sira-ne'ebé ita nia sosiedade iha lori hamosu situasaun kaótika ne'ebé bele iha tendénsia hamosu fali hukum rimba se maka forte nia manan no se maka fraku nia lakon? Kuidadu! Se lae ita maka harii estadu no ita fali maka harahun estadu. Nu’udar estadu sei nunka lakon iha mundu ida-ne’e maibé estadu ida-ne'ebé sei nakonu ho rungu-ranga de’it. Buat ida sala, haree hosi aspetu relijiaun nian, halo parte ba ita ema nu’udar ema maksalak. Maibé pelumenus hakribi sala! Tanba ne’e maka Na’i Jesus Cristo dehan vale liu maksalak ida arrepende ba ninia sala no anju sira iha lalehan sei haksolok duke ema 99 sinte an loos. Ita ema sinte an loos ho ita-nia sala ne’e grave tebes haree hosi aspetu lei, morál  ho valór ita ema nian nu’udar ser rasionál ne'ebé moos iha konxiénsia lori halo diferensa ba loos ho sala nu’udar ema ou nu’udar sarani. Karik ema ida simpatia ba ema seluk ne’e normál. Ita bele simu. Tanba ema ida iha direitu no liberdade tomak atu fó simpatia ba ema seluk tuir ninia hakarak. Karik ema ida la gosta ema seluk ne’e moos normál tanba buat ida la gosta ne’e moos halo parte ba ita nu’udar ema. Ita simpatia ou gosta ba ema ida no ita la simpatia ou la gosta ema ida ne’e ita iha direitu no liberdade tomak. Maibé ita ko’alia halai ona ba justisa, lei no morál entaun ita tenke uza ona rasio. Defende loos no kontra sala. Ita la bele dehan ema ida sala no ema ida loos bainhira Tribunál seidauk foti desizaun. Ne’e kestaun prezunsaun inosénsia.  Kecuali ba kargu polítiku ne’e bele iha posibilidade atu bele rezigna an mezmu Tribunál seidauk hatuur desizaun finál ruma hanesan akontese iha nasaun modernu no demokrátiku sira iha mundu osidentál.  Iha kestaun doutrina sarani nian ita bele haree kedas ona, hosi moris loron-loron nian, se maka halo tuir Na’i Jesus Cristo hanorin no se maka kontra. Nu’udar feen-la’en ita bele haree momoos se maka halo tuir Na’i Jesus Cristo hanorin kona-ba kazamentu no se maka lae. Se maka halo tuir ninia juramentu iha kazamentu no se maka lae. Feen di’ak halo tuir Jesus Cristo hanorin no juramentu iha Sakramentu Matrimóniu no la’en di’ak moos hanesan halo tuir Jesus Cristo hanorin no juramentu iha Sakramentu Matrimoniu. Timor-Leste presiza ema estraordináriu lori halo mudansa estraordináriu. Hanesan superiór jerál jezuita nian ida hateten ba Pe. Jose Alves Martins, SJ katak iha situasaun estraordinária iha moos desizaun estraordinária. Se ita la halo mudansa estraordinária ita sei kontribui de’it lori hamosu situasaun kaótika iha sosiedade Timor-Leste nia laran. Ema hotu-hotu sei halo tuir de’it ninia hakarak rasik. Ne’e tanbasá? Tanba lei ho morál la funsiona. Se ita-nia morál funsiona ita la presiza lei. Moris ne’e simples ita nian katak ita nian no ema seluk nian katak ema seluk nian (lori halo tuir Ulpiano ninia hanoin ne’ebé nia dehan, “a perpétua e constante vontade de atribuir a cada um o que é seu. Fó ba ema ne’e saída maka pertense ba nia. Ema nia feen fo fila ba ema nia feen. Se feen seidauk iha buka feto solteira seluk lori kaben. Se kaben fali ho ema nia feen, ah Maromak ita hatudu ita-nia an la folin. Ita la’o tun-sa’e orgullu ema haree tula ema nia feen. Kuitadu! Ou oin sensibilidade ba moe la iha tiha ona ou sensibilidade ba konxiénsia maka la funsiona tiha ona. Tanbasá la’en di’ak fiél no feen di’ak fiel? Além tanba domin maibé moos tanba juramentu iha Sakramentu Matrimóniu hatuur iha fiar metin. Se la fiar metin moos lae. Feto selingkuh ohin, aban mane moos buka seluk ona. Ou la’en selingkuh ohin, aban feen buka seluk ona. Fiar ho domin maka hametin Sakramentu Matrimóniu). Maibé se ita-nia morál la funsiona ona, kazu namora la responsável no feen-la'en (kazamentu) selingkuh, maka Parlamentu (hanesan reprezentate povu nian) tenke halo lei ida espesífiku (lex espesialis) lori trata asuntu namora no kazamentu atu evita konflitu no problema sosiál sira seluk ne’ebé la respeita ba ema nia dignidade no Direitus Umanus hanesan kazu soe bebe, moras oioin, baku-malu, degradasaun morál. Tanba se ita-nia morál la funsiona ona entaun ita presiza iha lei di’ak lori hatuur ita-nia morál funsiona fali, ou no mínimu karik ita-nia morál la funsiona ona (mate tiha ona), hatuur autoridade lei (direitu-hukum) atu ita la estraga ema seluk nia direitu (hak), se lae moris sosiedade sai kaótika, nakonu ho konfuzaun de’it. Tanba tuir loloos direitu ne’e rasik moos naksumik hela moos valór étiku no morál sosiedade nian. Katak direitu (lei) bele hatuur hikas direitu (hak), valór étiku no morál ne'ebé hetan estragu atu sai di’ak hikas fali ou pelumenus iha reparasaun adekuada. Tanba moris iha sosiedade presiza valór étiku no morál lori hala’o moris tuir dalan no la kontra ema seluk nia direitu-hak. Lei (hukum) bele restaura hikas fali ema nia direitu(hak). Mezmu iha kazu omisídiu la bele iha reparasaun (haree hosi dignidade ema nian la bele iha valór) maibé aplika pena ba kriminozu atu evita nia ou ema seluk la bele komete tan. Tanba ne’e moris ne’ebé di’ak maka moris tuir valór étiku no morál ita ema nian iha sosiedade ida nia laran. Tanba ne’e maka ha’u partilla hanoin hosi ha’u-nia Professora Maria Clara Calheiros hanorin (lori halo tuir moos hanoin Miguel Real nian kona-ba teoria tridimensionál direitu. Tanba tuir Miguel Real, direitu la bele haree de’it nu’udar norma hanesan Kelsen ninia hanoin maibé nu’udar  faktu, norma no valór) katak:

1.O direito é vivido por cada cidadão como um fenómeno social. Dimensão fáctica. Tem determinações com consequências.

2. Direito como mais abstracto, mais teórico. Procurar conhecer o direito. Sentimos o direito como normatividade. O direito é visto como um conjunto de normas que regulam a nossa vivência em sociedade.

3. Todas as sociedades nunca deixaram de olhar para o direito do ponto de vista axiológico; corporiza em cada sociedade determinados padrões axiológicos que aí estão presentes - “Consciência ético-jurídica da sociedade” (Castanheira Neves). O direito vai em cada época incorporando determinados valores; são veiculados através do direito. Presença constante da dimensão axiológica do direito. O direito não pode ser alheio a estes padrões que estão presentes numa sociedade.

Ita konxiente ka lae Timor-Leste hasoru problema sosiál oioin no presiza tebes atu ukun na’in sira responsavel (bottom-up la’ós top-down no iha espíritu nu’udar servidor do povo iha sira-nia mindset no tuir moos hanorin Jesus Cristo nian atu serbí) lori trata povu nia moris sai di’ak. Tanba ne’e maka Timor-Leste presiza tebes atu iha lei ne’ebé di’ak lori kontribui moris di’ak ba povu (sentru ba ukun ne’e maka ba povu nia moris di’ak no ho hanoin ida-ne’e maka atividade hotu-hotu ne’ebé ukun na’in sira halo tenke lori kontribui fasilita ba povu nia moris di’ak ho nune’e depois sei kontribui ba harii estadu ida-ne’ebé forte) nian lori halo estadu forte. Lei forte, estadu forte no povu forte. Lei ne’ebé la di’ak sei la kontribui ba povu nia moris di’ak, sei la hamenus no la evita problema iha sosiedade nia leet, sei estraga de’it povu nia moris, no sei halo estadu sai fraku ho nune’e bele iha perigu krime oioin mosu iha nivel instituisaun estadu nian no moris loron-loron povu nian.  Mezmu iha matenek na’in balu hateten katak «A realização da justiça não está, assim na lei mas na sua aplicação» maibé ita hotu moos presiza iha hanoin ida moos katak aplikasaun ba justiça tenke la’o tuir lei no lei ne’ebé la justu la’ós lei hanesan moos matenek-na’in seluk dehan. Tanba ne’e, atu konjuga hanoin rua iha leten ne’e maka ha’u hanoin lei tenke halo ho justu no tenke aplika ho di’ak. Maibé ita hotu, iha Estadu Direitu, tenke simu moos katak dura lex sed lex, ita tenke halo tuir lei ne’ebé maka iha. Ita atu gosta lei ne’e ou la gosta pasiénsia ita tenke halo tuir. La halo tuir lei, bainhira sidadaun la hakru'uk ba lei ne’ebé maka iha, sei halo fraku Estadu Direitu no sei hamosu situasaun kaótika.

Parlamentu, tanba hetan votos direitu hosu povu, nu’udar órgão por execelência lori halo lei, tenke sensivel lori halo lei lori regula moris povu no estadu nian sai di’ak. Halo lei ne’ebé maka justu posivel (sebisa mungkin adil) atu bainhira lei ne’ebé maka justu ne’e tama iha vigór tenke aplika atu bele fó implikasaun di’ak ba povu nia moris di’ak no estadu sai forte. Tanba ne'e se ita iha dever atu kontribui ba estadu nia di'ak no ita la halo ita sala. Hanesan hakerek iha Bíblia katak “Jadi jika seorang tahu bagaimana ia harus berbuat baik, tetapi ia tidak melakukannya, ia berdosa” (Yakobus, 4:7)

Ikus mai atu fó-hanoin de’it ba Parlamentu atu sai lian ba povu kbiit laek sira (hanesan reprezenta aspirasaun hosi MUJTL) lori halo lei ne’ebé di’ak lori defende povu beran laek sira tanba ita hotu hatene katak Parlamentu ninia Istória atu sai nu’udar defensór ba povu ki’ik sira lori kontra arbitrariedade hosi ukun na’in sira lori halo protesaun ba Direitus Umanus ba povu hotu-hotu nia moris di’ak, bem comum, katak buka o bem comum lori respeitu ba Direitus Umanus. Ho nune’e Ita haree katak iha Estadu ida nia laran, tuir Profesór Pedro Bacelar de Vasconcelos hateten katak, “ O parlamento continuaria, portanto, a ser um lugar da «sociedade», o espaço onde os «privados» acedem às definições do «bem comum», numa quase analogia com a acepção clássica de «legislação» enquanto a revelação da razão setecentista, em cujo nome irá,justamente, fazer leis, a título exclusivo, em determinadas matérias, segundo a hierarquia constitucional, fiscalizar o governo, a administração entregue ao seu comando, o conjunto da máquina do Estado.

Atu hakotu ha’u hakarak fó-hanoin de’it katak Parlamentu tenke sai nu’udar defensór ba povu no ba protesaun ba Direitus Umanus iha Estadu Direitu Demokrátiku ida nia laran tanba iha Istória Parlamentu nian Parlamentu maka instituisaun estadu, órgaun soberania, ida-ne’ebé maka sai pioneiru lori hatuur mekanizmu protesaun ba Direitus Umanus lori proteje ukun na’in sira-ne’ebé maka arbitru. Tanba bainhira Parlamentu la defende Direitus Umanus entaun Parlamentu lakon ninia klamar rasik, abut no esénsia hosi ninia ezisténsia no ne’e bele sai perigu ba Estadu Direitu Demokrátiku ida.

∙    Hercus Pereira dos Santos nu’udar antigu alunu Direitus Umanus iha Escola de Direito da Universidade do Minho no halo parte ba uma lulik ho naran Maria Olandés-Luhan Wehali Inan ho Aman-Funar, Laklubar. Ha’u-nia abo António Ferreira nu’udar segundu delegadu Fretilin iha Funar. Primeiru delegadu Fretilin maka xefe Aldeia Fahilihun (agora la hatene família Fahilihun nafatin halo parte ba Fretilin ou lae ha’u la hatene. Semoga nafatin). Ha’u-nia família nafatin halo parte ba Fretilin hahú hosi tinan 1975 (Mezmu iha krize iha liderensa másimu Fretilin nian iha tempu uluk lori halo Fretilin nakfera. Maibé ne’e krize ema boot sira nian família pai sira nu’udar povu ki’ik la halo problema no moos la iha problema) to’o agora (mezmu iha família balu tanba demokrasia tama ba CNRT ou ba partidu seluk) mezmu nune’e agora daudaun Pai nia alin maka delegadu Fretilin iha ami-nia aldeia Bamatak.  Lakadouk naran kode-funu ha’u-nia Pai nian. Ha’u hakarak uza lori hamorin hikas naran ne’e tanba Pai ema ida laran di’ak tebes no ajuda ema barak tebes no nu’udar aman di’ak ba ami no la’en di’ak ba Mae. Ha’u hakarak tuir ninia dalan lori uza naran ne’e. Ha’u moos iha edukasaun jezuíta nian no iha inspirasaun boot tebes ba Santo Inacio de Loyola tanba ne’e fidelidade importante tebes ba ha’u-nia moris nu’udar la’en ou nu’udar família no moos iha instituisaun ruma ne’ebé ha’u tama karik ha’u tenke hakruuk tuir de’it superior ninia planu no hakarak. Ha’u bele iha hanoin ruma atu hato’o nu’udar de’it sujestaun maibé desizaun ikus sempre iha superóir nia liman no ha’u-nia funsaun atu hakruuk ba superior ninia desizaun no kolabora halo susesu. Tanba natureza superior nian maka sempre hakarak ita (ninia elementu sira) atu hakru’uk ba ninia desizaun no kolabora halo susesu ninia planu sira. Tanba kualkér superior ida hakarak hanesan ne’e. Imajina ita salah satu elementu ida aban bainrua asume knaar ruma fali ne’ebé permite ita iha elementu entaun ita moos hakarak atui ta-nia elementu tuir ita-nia desizaun (bainhira iha asuntu ruma karik desizaun ikus maka iha ita-nia liman karik) lori kolabora halo susesu. Importante maka la bele halai de’it ba indikasaun krime. Ne’e la bele. Ita idak-idak maka tenke kuidadu ita-nia an atu la bele monu ba krime. Moris ne’e dala ida no ita buka konstrui ba mundu ne’ebé di’ak liu. Ho nune’e, ha’u moos hakarak iha laran di’ak (hospitaleiro, que recebe ou acolhe bem, ramah-tamah) tulun ema seluk hanesan São João de Deus ninia moris.