PRESIDENTE FOUN CNE…!!!

Jornal Nacional, editorial

Parlamentu Nacional tersa feira nee konvoka plenaria extraordinari hodi halo eleisaun Presidente Comissão Nasional das Eleições (CNE) foun atu bele lidera orgaun eleitoral nee ba periodu tinan nen (2016-2022).

Kandidatu ba Presidente Comissão Nasional das Eleições iha nain lima, komisario Alcino de Araujo Barris, Bernardo M. N. Cardoso, José A. da C. Belo, komisaria feto na’in rua, Odete M. Belo no Maria Virna E. Soares.

Husi prosesu votasaun nee ikus mai Komisariu Alcino Barris mak eleitu ho votus 45, antigu Presidente CNE, Komisariu Jose A. Belo ho votus 9 no Bernado Cardoso hetan votus 2, enkuatu kandidatu feto nain rua la hetan votus.

Presidente CNE eleitu, Alcino de Araújo Barris  hanesan eis Ministru Interior iha Governasaun FRETILIN nian ne’e, reprezenta husi Parlamentu Nasional no nomeia husi bankada parlamentar FRETILIN.

Ho resultadu votus nebe iha maioria deputado FRETILIN no CNRT vota ba kandidatu FRETILIN nian nee hodi lidera orgaun eleitoral nebe komunga prinsipiu nudar orgaun independente no imparsial.

CNE nudar orgaun eleitoral ho knar konstitusional atu halao supervizaun ba eleisaun hotu-hotu hodi garante Sufrajiu Universal, direktu, livre no periodiku iha Nasaun Republika Demokratika Timor Leste.

Agora duvida mak oinsa komisariu ida halao ninia knar suprevizaun ho independente no imparsial, garante sufrajiu universal, direktu no livre  se komisariu rasik iha tusan politiku ho partido politiku ka uza kamisa partido politiku ida nian?, lahatene los.

 CNE ohin loron nee lahanesan ho CNE anterior. CNE uluk iha komisariu 14 hodi halo supervizaun ba aktu eleitroal hotu hotu maibe revizaun lei eleitoral foun nee komisariu iha deit ema nain 7 tan nee sei difikulta CNE atu halo superevisaun ba eleisaun iha tinan oin mai.

Nunee mos komisariu CNE antigu sira halo supervisaun ida nebe regiroso, kritika partido politiku sira nebe viola lei eleitoral no mos kritika Partido politiku sira iha Parlamentu Nasional nebe hetan subvensaun publiku maibe laiha relatoriu no laiha sede iha munisipiu sira.

Agora Prezidente Comissão Nasional das Eleições (CNE) foun nee bele banati tuir regirocidade nebe komisariu anterior halao ona durante nee ka lae? publiku hein servisu CNE nian.

Tamba CNE nia knar no misaun ne’e nudar lejitimasaun ba Orgaun Estadu hotu-hotu iha Timor Leste atu ukun, ho nune’e hametin liu tan kultura demokrasia Timor Leste nian, hodi hatudu nafatin ezemplu diak ba Mundu internasional.

Nunee mos ironia oituan iha PN, durante nee Feto Parlamentar tane as iguladiade jeneru, defende direitu feto nian no mos defende emansipasaun feto maibe kandidatu feto ba Presidente CNE laiha feto ida iha Parlamentu Nasional mak fo votus kandidatuhusi feto nian.

Ne’ebe distintu deputada sira lalika obriga ema seluk atu defende direitu feto nian se deputada sira rasik ka represetante feto iha Parlamentu nasional rasik la defende ninia feto maluk sira hodi ukun.

Maske imparsialidade no independensia CNE kestionadu maibe hakarak ka lakohi deputado sira mak ita nia representante hodi hili ona lideransa CNE nee. Nee mak lalaok demokrasia representantiva. Ne’ebe parabens ba presidente CNE eleitu, Alcino de Araújo Barris e votus susceso ba ita boot. *

PR TAUR HAKFODAK IHA POLISIA TIRU MATE KOMUNIDADE

Prezidenti Repúblika (PR), Taur Matan Ruak, hakfodak bainhira rona keixa husi povu iha Suku Fatumean kona-ba, foin lalais polisia Unidade Patrolamentu Fronteira (UPF), tiru mate komunidade ida iha Suku refere.

“Ha’u nia aman mate iha loron  hira liu ba, hetan tiru husi polisia UPF, tanba ne’e ami husu ba Estadu atu tau matan ba ami oan kiak,” informa Mariano Moniz ba PR Taur Matan Ruak, bainhira Xefi Estadu ne’e dialogu ho povu ina Suku refere, Segunda (15/08).

Alende ne’e, Mariano nia inan, mós informa katak, Estadu tenki tau matan ba nia oan sira, tanba nia laen polisia tiru mate tiha ona.

“Ha’u nia laen mak ema tiru mate ona, tanba ne’e, ami husu ba Estadu atu haree ha’u nia oan sira atu eskola,” dehan Maria.

Purtanto, komunidade Adelino Tilman mós dehan,  bolsa familia ne’e di’ak,  maibé suporta de’it labarik sira ne’ebé tinan 17 mai karaik.

“Tanba ne’e, ami husu sei bele Estadu ajuda povu kbi’it laek nia oan to’o universidade,” katak nia.

Hatan ba preokupasaun ne’e, Prezidenti Repúblika (PR), Taur Matan Ruak, lori Estadu nia naran husu deskulpa ba familia matebian nian.

“Ida ne’e problema uitoan, ha’u foin primeiraves ha’u rona ita nia kazu ida ne’e, mas ha’u sei husu Komandante Polisia Munisipiu, no ha’u mós sei fó hanoin ba Governu atu haree problema ida ne’e,” katak Taur Matan Ruak.

Kona-ba bolsa da maen ne’e, PR Taur Matan Ruak dehan, lei mak  hatete hanesan ne’e duni, kuandu liu ona tinan 17 labele ona, nia tenki ba tuir fali kompetesaun iha bolsa estudu.cos

Jornal Nacional

Governu no Parseiru Dezenvolvimentu Diskuti PENE

DILI (ANTIL) - Governu liu-hosi Sekretaria Estadu Polítika Formasaun Profisionál no Empregu (SEPFOPE) deskuti Planu Estratéjiku Nasionál Empregu (PENE) iha edifísiu Trade Invest, Kolmera, Kuarta (17/8).

“Ita hotu hatene katak dezempregu iha rai laran ne’e sei boot teb-tebes, tamba ne’e, ita buka oinsá maka elabora planu estratéjiku ida nu’udar giaun atu hamenus dezempregu iha rai laran,” Diretór Jerál SEPFOPE, Jacinto Barros Gusmão ba ANTIL iha fatin reuniaun.

Atu hamenus dezempregu iha rai laran, nia esplika, iha pontu importante tolu; ida maka apoia setór privadu hodi loke kampu serbisu barak ba juventude. Daruak, oinsá maka investór públiku ou projetu governu nian bele oferese kampu serbisu ba joven sira. Datoluk, buka maneira oinsá koopera ho nasaun amigu (bilaterál) hodi haruka trabalhadór sira ba iha rai liur.

“Ida ne’e atu haree fali koordenasaun liña ministerial atu projetu governu nian hotu bainhira ema ruma manán karik tenki kria serbisu ba timoroan sira nune’e bele hamenus dezempregu no mós doadór sira iha TL hanesan ILO no UNDP tenki koordena ho SEPFOPE hodi uza trabalhadór timoroan sira ne´ebé maka iha kualidade,” Barros haktuir.

Nia hateten reuniaun ida ne’e foin preliminár no sei hala’o semináriu nasionál nebe sei konvida espesialista hosi rai liur no timoroan rasik hodi fahe sira nia matenek. (Jornalista: Xisto Freitas)

Foto: Sorumutu entre governu no parseiru dezenvolvimentu kona-ba Planu Estratéjiku Nasionál Empregu iha edifísiu Trade Invest, Kolmera, Kuarta (17/8).

KRPO Aprova Instituisaun 7 nia Proposta Orsamentu Estadu 2017

DILI (ANTIL) – Komité Revizaun Proposta Orsamentu (KRPO), durante diskusaun proposta Orsamentu Jerál Estadu (OJE) 2017, 15 Agostu 2016 iha Ministériu Finansas, aprova orsamentu ho totál  $ 27,720,000 (Millaun ruanulu-resin-hitu no rihun atus hitu ruanulu) ba Órgaun Governu hitu.

Tuir Vice-ministru Finansas, Helder Lopes ne’ebé ANTIL hetan asesu, Kuarta (17/8) informa katak, órgaun estadu hitu ne’ebé halo ona aprezentasaun no diskusaun ba proposta orsamentu ne’e mak Ministériu Planeamentu no Investimentu Estratéjiku  (MPIE), Konsellu Delimitasaun Fronteira Marítima (KDFM), Ministériu Estadu Prezidénsia Konsellu Ministru (MEPKM), Sekretáriu Estadu Konsellu Ministru (SEKM), Sekretáriu Estadu Asuntu Parlamentár (SEAP), Sekretáriu Estadu Komunikasaun Sosiál (SEKOMS) no Ministériu Petróleu no Rekursu Minarais (MPRM).

Iha rezultadu diskusaun ne’e, MPIE ho proposta Tetu $ 7,198,000, submisaun $ 7,296,000, redús $ 700,000 no nia totál $ 6,596,000. KDFM ho proposta orsamentu Tetu $ 500,000, submisaun $ 500,000, aumentu $ 700,000 no totál $ 1,200,000.

Proposta orsamentu MEPKM ho tetu $ 3,091,532, submisaun $ 3,200,000 no $ totál 3,200,000. SEKM ho proposta orsamentu tetu $ 851,200, submisaun $ 876,000 no totál $ 876,000. SEAP ho proposta orsamentu tetu $145,146, submisaun $146,000 no totál $146,000. SEKOMS ho proposta orsamentu tetu $ 3,362,000, submisaun $ 3,404,000 ho totál $ 3,404,000 no MPRM ho osan tetu $ 12,281,111, submisaun $ 12,298,000 no totál $12,298,000.

Vise-Ministru Finansas, Helder Lopes informa ba ANTIL, Kuarta (17/8) iha Ministériu Finansas, jornada orsamentál ne’ebé halo iha fulan-maiu Governu deside tetu orsamentu ne’ebé uza ba 2017 mak billaun 1,2 ne’ebé aseita ona iha konsellu ministru. (Jornalista: Maria Freitas/Editór; Otelio Ote)

Foto: Helder Lopes Vice-ministro das Financas

ALCINO BARRIS ELEITU BA PREZIDENTE CNE • SUJERE ADIA ELEISAUN SUKU BA 2018

“Redusaun numeru komisario nian, ho ita ninia kondisoens geografika sei hetan problema iha prosesu ba supervizaun aktu eleitoral ne’ebe sei la’o,” dehan nia.

Maibe tuir deputado ne’e katak, politikus sira mak konsiente no ida ne’e mos iha razaun balu.

“Hau dezafia imi nia serbisu iha integridade, profesionalismu, imparsialidade, tanba iha prosesu iha aktu eleitoral ninia risku fo konsikuensia ba distruibo social no politiku, buat sira ne’e lori konsikuensia boot ba estabilidade nasional. Ho ida ne’e hau kongratula atu ejerese kna’ar ho responsabilidade,” dehan nia.

Entretantu, seremonia eleisaun ba prezidnete CNE no estrutura ne’e taka ho komprementa malu entre membru CNE no membru PN.

Sujere adia eleisaun suku ba 2018

Nune’e mos, Prezidente Comissão Nasional das Eleições (CNE) eleitu, Komisariu Alcino de Araújo Barris, sujere ba Parlamentu Nasional (PN) atu muda eleisaun suku ba iha tinan 2018.

“Hau sujere elisaun xefi suku adia hikas ba 2018 tamba tempu ne’ebe Ministeriu Estatal estabelese bele konsidi ho preprasaun eleisaun jeral 2017, CNE  iha tereno tantu autoridade lokal, lider komunitariu sira ladauk iha koñesementu ba elisaun xefi suku,” dehan Komisariu Alcino de Araújo Barris iha PN, Tersa (16/8/16).

Tantu lei ne’e mos presiza tempu atu dezimina ba autoridade lokal, hodi prepara no implementa tamba kompleksu tebes.

Relasiona ho sujestaun Prezidente CNE, membru komisaun A-PN ne’ebe trata asuntu konstituisaun, justisa, poder lokal no anti korupsaun, Deputadu Natalino dos Santos hatete, ida ne’e prezidente eleitu sujere deit laos foti desizaun.

“Ida ne’e nia sujere deit implementasaun politika ne’e Governu, previsaun ne’e ba tia ona, ba elisaun, nia so sujere laos foti desisaun, laiha problema, ida ne’e demokrasia tenki koalia mais hanesan instituisaun nia husu atu hadia,” dehan Deputadu Natalino.

Nia hatutan, eleisaun suku hakarak ou lakohi tenki implementa tamba lei invigor, CNE hanesan orgaun supervisaun, teknika ne’e STAE, se preparadu bele hala’o ona, laiha problema no laiha impaktu.Mia/Nes

Jornal Nacional

NINJA HALO ESTUDANTES TAUK BA ESKOLA – PR TAUR FÓ ORDEN PNTL HALO KAPTURASAUN

Estudantes Ensinu Báziku Filial Fohorem, Postu Administrativu Fohorem, Munisípiu Covalima, ta’uk ba eskola, tanba tauk isu ninja ne’ebé durante ne’e espalla iha komunidade nia let katak, ninja oho no estraga ona ema.

“Labarik sira tauk atu ba eskola, tanba situasaun, ami rona katak, mosu ninja iha ita nia rai, tanba ne’e ami husu esplikasaun,” informa Delfin Amaral ba Prezidenti Repúblik (PR), Taur Matan Ruak, liu husi diálogu komunitária ho povu iha Suku refere, Segunda (15/08).

Professor EBF Fohorem, Delfin Amaral, informa katak, tanba saida mak agora Timor Leste (TL) ukun-an tiha ona mós, povu seida’uk moris hakmatek.

Nia hatutan katak, agora dada’uk ne’e mós sira rona katak, mosu ona grupu ilegal balun, no halo ona movimentu iha fat-fatin atu halo povu moris la hakmatek.

“Ami rona katak, iha grupu ilegal balun mosu iha ita nia rai ne’e, atu hatauk povu, tanba ne’e ami husu, ho bahasa karik dehan, hapus lah dia,” dehan nia.

Hatan ba preokupasaun ne’e, PR Taur Matan Ruak husu ba povu atu labele ta’uk, tanba ida ne’e rumoris de’it.

“ha’u husu imi labele  labele hakfodak ho isu ida ne’e, tanba ida ne’e bosok. Ha’u orienta ona PNTL sira atu kaer hotu, atu veteranus fali ka, se fali ka, kaer hotu tiha, labele hanesan ne’e,” informa PR Taur Matan Ruak.

Xefi Estadu ne’e dehan, kuandu hetan tan grupu illegal ne’e, tenki kaer sira hodi sira  labele  la’o ba mai atu habisok povu, tanba ida ne’e kontra lei.

“Normalmente ninja ne’e akontese iha tempu kafe, tanba sira atu naok, sei imi tauk halai, entaun sira naok hotu imi nia sasan,”katak Taur Matan Ruak.cos

Jornal Nacional

POVU KONSIDERA, GOVERNU DISKRIMINA POVU NIA OAN BA BOLSA ESTUDU

Povu konsidera bolsa estudu ne’ebé mak durante ne’e Governu implementa hodi haruka Timor-oan sir aba estuda iha rai liur ne’e, Governu halo disrkiminasaun ba povu nian oan, tanba bolsa estudu ne’e, bo’ot nia oan sira mak sempre hetan.

Estudante Bonifasio do Carmo Amaral, husi Suku Ogues, Postu Administrativu Maukatar, Munisipiu Covalima, lamenta katak, povu kbi’it laek nia oan mós, matenek hanesan bo’ot sira nia oan.

“Ha’u nia perguntas liga ba edukasaun katak, edukasaun sai hanesan matadalan ida ba ema, entaun tuir ha’u nia observasaun, durante ne’e ami covalima oan, nunka hetan bolsa estudu, bo’ot nia oan sira de’it mak sempre hetan,” relata Bonifasio do Carmo ba PR Taur Matan Ruak, liu husi dialogu komunitária ho povu iha Suku refere, Segunda (15/08).

Alende ne’e, komunidade Cecilia Gusmão mós informa katak, klínika ida iha Aldeia Delor, la uza tinan ida resin ona, bainhira komunidade atu halo tramtamentu sira tenki halai to’o iha Suku Ogues.

Alende ne’e, Elsa Amaral mós kestiona katak,   tanba saida mak veteranus sira balu hetan ona sira nia direitu no balu seidauk.

Purtanto, Marselino Soares Pinto, fó hanoin ba SEPFOPE katak, nia hatene halo kadeira rotan, tanba ne’e tanba ne’e nia husu atu Governu apoia ekipamentus ba nia hodi  nia bele fahe nia matenek ne’e ba maluk joven sira iha Suku refere.

Alende ne’e, Julio do Carmo informa katak, iha Munisipiu Covalima ne’e,  maioria feto-mane kaben ho Indonesia oan, maibe desde uluk sira tuir teste laliu atu sai sidadaun.

“Tanba ne’e, ami husu ba Prezidenti Repúblika  atu iha ita bo’ot nia mandatu tinan ida ho balu ne’e, bele rezolve netik problema ne’e, atu nune’e sira bele tuir eleisaun 2017,” informa nia.

Hatan ba preokupasaun sira ne’e, Prezidenti Repúblika (PR), Taur Matan Ruak esplika, Atu hetan bolsa estudu ne’e, imi tenki halo esforsu atu apply.

“Ita nia oan sira iha Timor laran tomak mak hadau malu ida ne’e, Ha’u uluk hatete ba ita nia maun Xanana katak, bele ka lae ita uza sistema hanesan uluk ita haruka ita nia oan sira ba Cuba,” dehan PR Taur Matan Ruak.

Problema seluk mak dalaruma maske ema balu nilai ladiak mas sira fasilita malu de’it mak ba, to’o ikus ema haruka sira mai fali.

Kona-ba estrada, PR Taur Matan Ruak dehan, iha fatin balu Governu komesa loke ona estrada.

“Estrada imi nian a’at duni, maibé imi nian kareta se bele la’o iha fatin seluk, estrasa laiha,” katak Taur Matan Ruak.

Kona-ba eskola, Xefi Estadu ne’e afirma, kondisaun eskola EBF iha Suku refere  kondisaun diak uit oan, iha fatin balu, kondisaun aat liu, tanba professor sira sulan hamutuk estudantes 100 ida de’it iha sala ida.

Xefi Estadu ne’e hatutan, problema ne’e sai problema bo’ot iha Timor Leste, tanba Iha fatin fatin ne’ebé nia vizita ona, ema sempre levanta problema edukasaun nian.

Maibé, Taur Matan Ruak dehan,  agora dada’uk Governu komesa halo esforsu atu hadia buat sira ne’e hotu.

Kona-ba atu sai sidadaun Timor Leste ne’e, PR Taur Matan Ruak dehan, atu sai sidadaun Timor Leste ne’e, iha nia kriteriu ne’ebé mak tenki tuir, tenki hatene lian tetun, no kultura Timor Leste.

Xefi Estadu ne’e dehan,  ida ne’e la’os dehan katak, sira  labele sai sidada’un Timor Leste, persija tempu.

“Prezidenti labele ajuda, tanba ida ne’e tuir lei, tanba ne’e, imi tenki hakbesik an ba Ministériu sira ne’ebé toma konta ba ida ne’e, hodi buka informasaun lolos atu la’o tuir,” katak Taur Matan Ruak.

Kona-ba problema saúde, PR Taur  rekuñese katak, Governu abansa maka’as iha área saúde nian.

“Ita abansa maka’as iha saúde,  tanba maske doutor sira uma laiha, hela de’it iha sede Suku no komunidade, maibé Governu konsege tau ona pesoal saúde iha Suku hotu,” relata Taur Matan Ruak.cos

Jornal Nacional

Asosiasaun espeleolojia portugeza sei mai Timor-Leste iha setembru

Asosiasaun espeleolojia portugeza haat sei mai Timor-Leste iha setembru, ho objetivu atu "inventa, halo mapa no estuda patrimóniu naturál úniku ba gruta timoroan sira". 

Tuir informasaun ne’ebé iha pájina projetu Timor Subterráneu (Fatuk-Kuak hosi Timor Lorosa'e) rasik, ekipa multidisiplinár, komposta hosi espeleólogu neen, sei mai distritu timoroan sira iha Baukau, Lautém no Vikeke iha loron 04 setembru.

Ho durasaun loron 29, inisiativa -- hosi asosiasaun Núcleo de Espeleologia da Universidade de Aveiro, Centro de Estudos no Atividades Especiais da Liga para a Proteção da Natureza, Centro de Investigação no Exploração Subterrânea no Grupo Proteção Sicó -- hakarak "promove no dezenvolve espeleolojia", siénsia ne’ebé estuda gruta ka kuak sira, iha Timor-Leste no mós fó formasaun ba espeleólogu timoroan sira.

"Haree ba potensiál boot no posibilidade servisu barak ba espeleolójiku sira atu dezenvolve iha Timor-Leste, projetu (...) perspetiva katak, iha tempu badak, grupu no asosiasaun sira ne’ebé dedika ba espeleolojia bele sai realidade iha Timor-Leste", lee iha pájina ofisiál projetu nian.

SAPO TL ho Lusa

F-FDTL Tenke Sai Instituisaun Ezemplár

DILI, (ANTIL) – Atu garante independénsia nasionál, integridade teritorial no seguransa externa Instituisaun Forsa Armada Libertasaun Nasionál Timor-Leste-Forsa Defesa Timor-Leste (FALINTIL-FDTL) tenke sai ezemplár no marka diferénsia entre instituisaun sira seluk.

“Diferente ne’ebé ha’u sei hatudu mak kór Timor, labele lalin buat hotu hosi tasi li’ur, tanba Timor iha abut”, Xefi Estadu-Maior F-FDTL, Koronél Domingos Raul Falur Rate Laek ba jornalista sira iha konferénsia imprensa ne’ebé realiza iha sala konferénsia ministériu defesa Fatuhada, Segunda, (15/8).

Tanba direfénsia, Falur promete, hafoin hetan hikas fiar hodi ajuda superior F-FDTL hodi hala’o servisu sei kumpri kualker desizaun hosi jenerál Lere Anan Timur inklui fó motivasaun atu Jenerál halo dezisaun tuir lei ne’ebé mak vigor.

“Ha’u sei halo buat ne’ebé mak ha’u nia jenerál haruka, ha’u iha ne’e atu motiva nia desizaun no kumpri nia desizaun”, Falur esplika.

Hodi hatutan, buka hanorin F-FDTL forma forsa ida atu la’o iha komunidade nia le’et ne’e ema hotu hadomi, la’os povu ta’uk fali forsa.

Hirak neé hotu jerasaun foun sira iha F-FDTL tenke matenek no sai ezemplár ba ema hotu hodi hatudu instituisaun F-FDTL nu’udar instituisaun ida ne’ebé diferente ho instituisaun sira seluk.(jornalista: Manuel Pinto; editora: Rita Almeida)

Foto: Falur Rate Laek ko’alia ba jornalista sira iha edifisiu Ministériu Defesa Fatuhada, Segunda, (15/8). Foto ANTIL/Manuel Pinto

SEPFOPE Observa Kondisaun Servisu Kompañia Heineken

DILI (ANTIL)—Sekretáriu Estadu Polítika Formasaun Profisionál no Empregu (SEPFOPE), Ilídio da Costa Ximenes vizita konstrusaun fatin bebidas ne’ebé hala’o hosi Kompañia Heineken iha Hera, Dili, Tersa (16/8).

Objetivu hosi vizita ida ne’e, atu haree besik liu-tan kompañia Heineken fó serbisu ba timoroan na´in hira no objetivu seluk maka atu haree timoroan sira ne’ebé maka serbisu iha kompañia ne’e hetan ona formasaun ruma ka lae.

“Realidade hatudu Kompañia Heineken halo polítika ne’ebé liga ho polítika SEPFOPE nian. Antes halo konstrusaun ne’e, timoroan hamutuk 60 maka sira haruka ba tuir formasaun iha Indonézia iha área instalasaun no eletrifikasaun,” Ilídio dehan ba jornalista sira iha Hera, Tersa (16/8).

Nia hatutan traballadór sira ne’ebé maka serbisu iha Kompañia Heineken purvolta 200 no iha mós espesialista hosi rai liur.

”Nee signifika iha buat rua maka sira aprende ba malu. Primeiru, timoroan ne’ebé maka sira haruka ba tuir formasaun iha Rai liur no segundu espesialista mai hosi rai liur (on the job training). Ida ne’e maka dehan indústria halo konstrusaun no indústria mós prepara ema,’ nia hatutan.

Tuir Ilídio katak ida ne’e ezemplu di’ak ida ne’ebé Heineken halo no husu atu Kompañia sira seluk banati tuir ezemplu refere.

Nia sujere ba Kompañia Heineken atu envolve mós formandu sira hosi sentru formasaun hanesan SENAE Becora no Don Bosco Comoro ba área konstrusaun hanesan harii moru no edifísiu tambanudar meiu ida atu prepara juventude sai empreza juvenil no sai badaen ne’ebé profisionál,” Ilídio esplika. (Jornalista: Xisto Freitas/Editor: Alberto Alves)

Foto: Sekretáriu Estadu Polítika Formasaun Profisionál no Empregu, Ilídio Ximenes (imajen iha oin) ho nia komitiva no mós responsável Kompañia Heineken hakat atu ba vizita konstrusaun fatin bebidas no traballadór timoroan sira. Foto ANTIL/Xisto Freitas

FC Porto Optimista Dudu Sees AS Ponta Leste

DILI (ANTIL)—Treinadór FC Porto Taibessi, Pedro Baiasa hateten sira buka meiu hodi bele manán AS Ponta Leste iha faze dahuluk Kopa 12 ne’ebé sei hala’o iha Estádiu Municipál Dili, Kinta (18/08).

“Ami lakohi atu lakon beibeik. Ami iha esperansa atu manán,” Baiasa koalia liafuan nee relasiona ho FC Porto lakon dala rua ho Ponta Leste iha Liga Primeira Divizaun foin lalais ne’.

Hasoru Ponta Leste, Baiasa informa katak, sira sei uza tatika formasaun 4-2-3-1, neduni nia dehan sira laiha dúvida ho lina ida ne’e.

Nia rekonese katak sira lakon ho Ponta Leste iha LFA tanba sira nia jogadór balun halo falhansu, maibé nia fiar katak sira aprende ho falansu ne’e atu bele manán fali Ponta Leste.

Baiasa haktuir sira la enfrenta difikuldade ruma iha preparasaun ba Kopa 12 tanba sira hetan subsídiu hosi governu, manán prémiu nu’udar terseiru lugar iha Liga Futeból Amadora (LFA).

“Ami laiha difikuldade tanba ami manán prémiu terseiru lugar hosi LFA, subsídiu governu no osan billete. Hosi osan sira ne’e ami konsege rezolve sasán ne’ebé falta hanesan bola, farda no nesesidade sira seluk,” nia dehan ba ANTIL iha Taibessi, Segunda (15/8).

Oras ne’e, Baiasa esplika, sira halao preparasaun maka’as iha parte tékniku no rezisténsia.(Jornalista: Xisto Freitas/Editor: ALberto Alves)

Foto: Jogadór FC Porto Taibessi halo try out interna iha Kampu Taibessi, Segunda (15/8), hodi koko sira nia forsa molok kontra AS Ponta Leste iha Kinta (18/8). Foto ANTIL/Xisto Freitas

Atake iha ospitál iha Iémen provoka na’in neen mate, hatete rebelde sira

Atake aéreu hosi koligasaun árabe aliada podér atinje ohin ospitál ida iha ne’ebé iha Médicos Sem Fronteiras (MSF), iha Iémen, provoka ema na’in neen mate, oras 48 hafoin atake sira seluk ne’ebé hamate labarik na’in 10.

Atake iha sábadu no ohin nian ne’ebé akontese iha norte nasaun nian no foti zona ne’ebé sira ne’ebé rebelde 'huthis' kontrola sai hanesan alvu, tenta hadook prezidente Abd Rabbo Mansour Hadi hosi podér horikedas 2014.

Organizasaun umanitária MSF, iha ekipa ida ne’ebé halo servisu horikedas 2015 iha ospitál públiku sidade Abs, iha norte nasaun nian, anunsia iha rede sosiál Twitter katak "ospitál sai alvu ba atake" iha inísiu loraik.

"Seidauk hatene kona-ba númeru ema mate no kanek sira", hatutan organizasaun.

Maibé, Ayman Mazkour, responsável departamentu saúde nian iha provínsia Hajja, afirma katak ema na’in neen mate no 20 hetan kanek.

Abitante Abs sira mós konfirma atake ba ospitál ne’e, no hatutan katak iha loron hirak ikus ne’e koligasaun ataka beibeik pozisaun rebelde iha rejiaun.

Amnistia Internasionál kondena ona akontesimentu ne’e. "Ataka instalasaun médika ho intensaun ne’e viola maka’as  direitu umanitáriu ne’ebé konstitui krime funu", nia aviza no husu inkéritu ida.

Funu iha Iémen iha 2015 hamate ona ema 6.400 resin no kanek rihun 30, inklui sivíl barak.

SAPO TL ho Lusa

Estadus Unidus transfere dadur 15 hosi Guantanamo ba Emiradus Árabes Unidus

Dadur sanulu resin lima hosi komarka Guantanamo transfere fali ba Emiradus Árabes Unidus, no ida ne’e hanesan grupu bot ne’ebé hetan liberta iha tinan ikus ne’e, tuir informasaun hosi Pentágono ohin. 

"Estadus Unidus hato’o agradesimentu ba governu Emiradus Árabes Unidus relasiona ho ninia hahalok umanitária nomós vontade hodi apoia esforsu Estadus Unidus nian hodi taka prizaun Guantanamo", dehan Pentágono, iha komunikadu.

Ho transferénsia ne’e, maka dadur iha komarka Guantanamo tuun ona ba 61.

Transferénsia ba dadur sira ne’e fó sai ona hosi Amnistia Internasionál, maibé to’o oras ne’e Pentágono lakohi fó komentáriu kona-ba ne’e.

Komarka ne’e harii bainhira George W. Bush sei hanesan prezidente Estadus Unidus nian, atu hodi lafó sai dadur sira durante "funu hasoru terorismu", hafoin 11-setembru-2001.

Prezidente, Barack Obama, promete ona atu taka prizaun refere iha 2009, maibé larealiza to’o oras ne’e, maski halo ona libertasaun ba dadur hosi ne’ebé beibeik ona.

SAPO TL ho Lusa 

Associações de espeleologia portuguesas partem para Timor-Leste em setembro

Lisboa, 16 ago (Lusa) -- Quatro associações de espeleologia portuguesas vão partir, em setembro, para Timor-Leste, com o objetivo de "inventariar, mapear e estudar o património natural único das grutas timorenses".

Segundo informação que consta da própria página do projeto Timor Subterrâneo (Fatuk-Kuak hosi Timor Lorosa'e), a equipa multidisciplinar, composta por seis espeleólogos, partirá para os distritos timorenses de Baucau, Lautém e Viqueque no dia 04 de setembro.

Com uma duração de 29 dias, a iniciativa -- das associações Núcleo de Espeleologia da Universidade de Aveiro, Centro de Estudos e Atividades Especiais da Liga para a Proteção da Natureza, Centro de Investigação e Exploração Subterrânea e Grupo Proteção Sicó -- pretende "promover e desenvolver a espeleologia", ciência que estuda grutas ou cavernas, em Timor-Leste e também dar formação a espeleólogos timorenses.

"Dado o enorme potencial e as inúmeras possibilidades de trabalhos espeleológicos a desenvolver em Timor-Leste, este projeto (...) perspetiva que, a curto prazo, os grupos e associações dedicadas à espeleologia sejam uma realidade em Timor-Leste", lê-se na página oficial do projeto.

SBR // EL

Líder de Hong Kong diz que professores devem desencorajar debate sobre independência

Hong Kong, China, 16 ago (Lusa) -- O chefe do Executivo de Hong Kong disse hoje que os professores têm responsabilidade de guiar os estudantes e ajudá-los a distinguir o certo do errado na questão da independência de Hong Kong, avança a rádio pública da cidade.

Os comentários de CY Leung surgem depois de o Departamento de Educação sido criticado por dizer aos professores que seriam desqualificados se fizessem a apologia da independência de Hong Kong nas escolas.

Em declarações antes da reunião semanal do Conselho Executivo, citadas pela RTHK, Leung disse: "Os professores e as escolas têm de ter uma noção do certo e errado para guiar as discussões dos alunos. Não queremos estudantes ou qualquer organização estudantil a juntar-se para fazer qualquer coisa ilegal, ou que viole as regras da escola. Não é uma questão de liberdade de expressão, trata-se de assumir uma posição sobre o que está certo e errado".

O chefe do Executivo disse ainda que caso a ideia de independência se espalhe em Hong Kong, a estabilidade da cidade pode ser afetada, bem como a relação com Pequim, que pode sofrer graves danos.

O apoio à independência de Hong Kong da China, ainda que minoritário, tem vindo a ganhar fôlego nos últimos meses.

No início do mês, a comissão eleitoral rejeitou seis candidaturas às eleições de setembro para o Conselho Legislativo (LegCo) por defenderem a independência da cidade, uma posição considerada ilegal pelas autoridades de Pequim e Hong Kong.

No passado dia 05, uma manifestação pela independência, a primeira com este objetivo, reuniu cerca de 1.000 pessoas na presença dos candidatos proibidos de concorrerem ao cargo de deputados.

ISG (FV/ PCR)// FV.

HRW pede libertação de estudante detido por protestar contra nova Constituição da Tailândia

Banguecoque, 16 ago (Lusa) -- A organização Human Rights Watch (HRW) pediu hoje a libertação urgente de um ativista tailandês detido por protestar contra o novo texto para a Constituição, proposto pelo Governo militar e aprovado em referendo.

Jatupat Boonphatthararaksa, de 25 anos, foi detido a 06 de agosto, um dia antes do referendo, e encontra-se preso no centro penitenciário de Phu Khiao, na província de Chaiyaphum (centro), onde iniciou a 07 de agosto uma greve de fome que ainda mantém.

As autoridades detiveram o ativista, ligado ao grupo New Democracy Movement, por distribuir informações críticas contra o Conselho Nacional para a Paz e Ordem -- como é conhecida formalmente a junta militar que tomou o poder da Tailândia através de um golpe militar há mais de dois anos.

O jovem enfrenta uma pena de até dez anos de prisão por apelar ao voto contra o texto para a nova Constituição, proposto pelos militares e aprovado com 61% dos votos no referendo realizado há nove dias.

"A junta deve libertar imediatamente Jatupat e outros ativistas que protestaram ativamente contra a proposta de constituição", disse Brad Adams, diretor da organização de defesa dos diretos humanos HRW para a Ásia, em comunicado.

A HRW também insta as autoridades a transferirem o jovem ativista para instalações médicas para supervisionar o seu estado de saúde, enquanto decorrer o processo de libertação.

Organizações de defesa dos direitos humanos denunciaram as táticas coercivas do Governo militar contra as pessoas que se opuseram ao projeto da Magna Carta, assim como a ausência de liberdade de expressão ou um livre debate sobre os artigos incluídos no texto.

Antes do referendo, as autoridades tailandesas prenderam pelo menos 120 políticos, ativistas e outras pessoas críticas do novo texto da Constituição por pedirem o voto contra no referendo.

Os críticos referem que a proposta debilita o Governo e os cargos eleitos e consolida o poder dos militares e organismos estatais controlados por burocratas da vida política do país.

Um dos pontos mais controversos é sobre o Senado, que poderá vetar leis e reformas constitucionais e que decidirá a composição de organismos chave como a Comissão Anticorrupção ou o Tribunal Constitucional.

A Tailândia já teve 19 constituições, quase todas substituídas depois da intervenção dos militares, desde o final da monarquia absolutista, em 1932.

FV (MSE) // ISG