Líder do terceiro partido timorense culpa Fretilin pela rotura nas negociações para Governo

Díli, 11 out (Lusa) - O líder do terceiro partido timorense responsabilizou hoje a Fretilin pela rotura nas negociações para uma coligação de Governo, destacando como maiores diferenças a falta de clareza sobre a modalidade de governação e a excessiva concentração de poderes.

Taur Matan Ruak, presidente do Partido Libertação Popular (PLP) e ex-chefe de Estado, convocou os jornalistas para um encontro na sua residência em Metiaut, na zona oriental da cidade de Díli, para "esclarecer a posição do partido" sobre a rotura nas negociações com a Frente Revolucionária do Timor-Leste Independente (Fretilin) para uma coligação de Governo.

"A posição da Fretilin não inspira nem confiança nem segurança ao PLP sobre a modalidade. A Fretilin tinha três: coligação, inclusão e incidência parlamentar. Isso cria risco por não haver posições claras", afirmou aos jornalistas.

"O PLP também não apoia a Fretilin omnipotente, com um Presidente da República da Fretilin, um primeiro-ministro da Fretilin e o presidente do Parlamento Nacional da Fretilin", disse, garantindo que o PLP aceitava até posições secundárias e não insistiu num candidato seu para liderar o parlamento.

Governu timoroan hakarak hametin investimentu iha área sosial sira

Programa hosi Governu konstitusional dahitu timoroan nia prioridade sira maka área sosial hodi hametin oferta no kualidade hosi serbisu edukativu sira no saúde, promove indústria kriativu ho kultural nasional nian no apoia ema sira ne'ebé fraku.

Testu, ne'ebé entrega iha loron-tersa ne'e iha Parlamentu Nasional no ne'ebé maka Lusa hetan asesu, defini konjuntu ida hosi medida transversál sira ba área edukativu ho saúde, nune'e mós apoiu ba veteranu sira kombate nian hasoru okupasaun indonéziu, apoiu ba ekonomia "sosial ho solidáriu" no konsolidasaun ba Estratéjia Nasional hosi Protesaun Sosial nian.

Entre medida sira seluk, Governu anunsia Programa Nasional foun ida hosi Apoiu ba Ekonomia Sosial no Solidáriu, kompromete kombate prekaridade serbisu nian no avansa ho Estratéjia Nasional foun ida ba Empregu 2017-2030 ne'ebé iha baze iha aumentu hodi buka serbisu, hadi'a oferta no fortalese instituisaun sira hosi merkadu serbisu nian.

Ba área edukativu, programa iha baze iha reforsu infraestrutura sira no rekursu ema nian dezde nível pré-eskolar to'o ensinu superior, tékniku no ensinu rekorente.

TMR Konsidera Fretilin Failha Iha Negosiasaun

DILI - Prezidente Partidu PLP Taur Matan Ruak konsidera partidu Fretilin failha iha negosiasaun. Tanba rotura inisiativa husi partidu Fretilin nian ida nee laos PLP nia kulpa. Mezmu liu husi dalan negosiasaun koalia ona konaba modalidade governasaun no koligasaun.

“Ami hakarak kualia ba publiku kulpa laos ami nia kulpa rotura nee Fretilin nian.Tanba nee sira labele fo sala ba ami. Mezmu ami hatene inkonvendensia ami ba durante iha diskusaun ami iha problema rua ke lahan malu ida modalidade governasaun,”dehan Taur Matan Ruak ba jornalista sira liu husi konfrensia inprensa neebe halao iha rezidensia Metiaut Dili Kuarta, (11/10/2017).

Tamba nee nia esklarese konaba PLP nia pozisaun konaba tanbasa maka mosu tentativas koligasaun barak no kotu. Ida nee inisiativa husi see entre PLP ho Fretilin. Tanba iha tenpu hirak liu ba rona espikulasaun barak ate balun akuja PLP. Entaun fo hanoin ba publiku no presija hatene konba buat nee lao oinsa.

Nia dehan koalia koligasaun, ba PD kualia inkluzaun ba CNRT koalia insidensia paralmentar. Tuir ema ida saida maka nia hakarak halo labele. Ida nee hatudu katak nia bele soe PLP  iha dalan klaran, tanba nia iha obsaun seluk.  

Justinho Manuel | Suara Timor Lorosae

Mosu Deskonkordansia Ideia Entre PN- MUTL

DILI - Prezidente Parlamentu Nasional Aniceto Guterres hateten mosu dekonkordansia ideia entre Movimentu Estudante Universitariu Timor-Leste (MUTL) liu husi petisaun hatoo ona  PN, hodi labele hola tan kareta prado, no husu deputadu IV lejislatura kontinua uza kareta  deputadu III lejislatura.

Hau konvida tiha ona sira ho sira nian representante ami hasoru malu  ho lider bankada parlamemtares lima hasoru malu tiha ona, maibe too ikus iha  enkontru nee ami  lakonkoda malu  tamba hanoin lahanesan ona, kazu husi estudantes ka Movimentu  nee nia hanoin nee dehan, deputadus no parlamentu nasional nudar  oragun soberania  laprezisa iha  karta,” dehan Prezidente PN Aniceto ba jornalista sira hafoin remata enkotru semenal ho Prezidente Republika Francisco Guterres Lú Olo iha palasiu Prezidensial Bairo Pite, Kuarta  ( 11/10/2017).

Nia dehan liu husi enkontru nee movimentu estudante husu deputadu sira kuandu halo fiskalisaun labele ho kareta, maibe tenke ho bus deit, ida nee maka movimentu sira nia hakarak.

Prezidente Parlamentu Nasional nee hatutan desizaun ba prosesu alinasaun kareta nee hola ho razaun kartak kareta tuan sira nee ekonomikamente despeza boot liu duke sosa kareta foun, ida nee analiza ida neebe maka mais simples neebe husi Prezidente Parlamentu hateten tiha ona. 

Natalino Costa | Suara Timor Lorosae

VIII Governu sei La Entrega Gratuita

DILI: Bloku Koligasaun (BK) ne'ebé harii husi partidu FRETILIN no Partidu Demokrátiku (PD) forma ona VII Governu Konstitusionál. Ne’e duni, bainhira governu ne’e monu tanba fallansu ruma VIII Governu sei la entrega gratuita, maibé sei liu husi prosesu eleisaun antesipada mak foin forma.

Prezidente Bankada FRETILIN, Francisco Miranda Branco hateten, kuandu Presidente Repúblika indijita Primeiru Ministru no konvida partidu maioria segundu no sira seluk, momentu ne’e partidu ida mós la halo kontestasaun tanba ne’e governu la’o.

“Maibé (agora) mosu fali ona bloku Koligasaun Opozisaun Parlamentár (KOP) mak kuandu governu ne’e monu, ita hakat ba eleisaun antesipada”, dehan nia, iha Uma Fukun PN, horisehik.

Nia hatutan, partidu opozisaun sira hakarak atu hamosu governu alternativa ne’e loloos mosu iha inisisiu kedas Presidente Repúblika seidauk indijita Primeiru Ministru.

Alkatiri Husu Mate-Restu 12 Novembru Mantein Unidade Nasionál

DILI: Iha situasaun tensaun polítika hahú manas, Primeiru Ministru, Mari Alkatiri, husu ba mate-restu 12 Novembru 1991, hodi kontribui nafatin ba pás, estabilidade no unidade nasionál.

Nia husu ba vítima sira atu fó apoiu ba prosesu dezenvolvimentu ne’ebé la'o iha nasaun ne’e hodi kria estabilidade.

“Labele haree de’it ba kotuk ne'ebé ko'alia de’it mak direitu, maibé tenke haree mós ba oin para nune’e bele kontribui di'ak liután ba dezenvolvimentu nasaun ida ne’e nian”, dehan PM Alkatiri bainhira hasoru malu ho mate-restu 12 Novembru (K12N), iha Palásiu Governu, horisehik.

Husu mós ba Komité 12 Novembru labele hare de’it ba pasadu, maibé tempu to’o ona atu hare prosesu oinsá atu hetan partisipasaun iha prosesu ba oin liu husi dezenvolvimentu rai ne’e.

Iha fatin hanesan, Sekretaria Jerál K12N, Justiniano de Jesus hateten, soru-mutu ho Xefe Governu atu husu apoiu ba atividade II Kongresu Nasionál ne'ebé sei realiza iha fulan oin mai.

TIMOR LESTE PERSIZA ITA HOTU NIA HAMUTUK LIU HUSI SIMU MALU NO KONSIDERA MALU

“Tenke kuidadu situasaun politiku ne’ebé frajil atu labele monu ba konflitu”

Abel Amaral *, opiniaun

Nasaun ida atu la’o ba oin nia labele hakat ba deit nune’e maibe persiza nia emar sira nia hamutuk hodi hahu hanoin, hala’o no hadia moris povu no nasaun tanba liu husi hamutuk bele hahu halo buat ruma, hadia buat ruma ne’ebé seidauk diak, hametin buat ne’ebé diak ona no hanoin foun atu halo buat ne’ebé seidauk halo. Hanesan dadaun ne’e ita hotu akompanha kona-ba eleisaun rua ne’ebé ita hakat liu ona, iha ema balu preukupa tebes ho situasaun seguransa rai laran tanba eleisaun rua inklui eleisaun suku, ida ne’e festa demokrasia ne’ebé pela permeira ves timor oan rasik maka organiza no lidera. Iha eleisaun hirak ne’e ita hotu hare ho matan no rona rasik ho tilun buat hotu la’o ho hakmatek, ida ne’e suksesu bo’ot ne’ebé ita hatudu ba mundu katak Timor oan la’os ema ne’ebé na’in ba konflitu maibe Timor oan ema ne’ebé na’in ba dame.

Iha nasaun demokrasia, festa demokrasia persiza ema hotu nia involvimentu atu deside ba se maka atu halo saida ba povu no nasaun? iha ne’e hau sei ladehan deit ba sira ne’ebé idade too ona atu ba vota maibe ba Timor-Oan hotu-hotu. Ita hotu asiste liu tiha eleisaun, povu sei hein no rona deit saida maka reprezentante povu atu halo ba sira (povu) tanba povu fo ona sira nia fiar ba politiku na’in sira atu ukun no jere moris diak ba sira (povu). Hanesan ita hotu akompanha prosesu politika rai laran hahu husi prosesu tomada de posse ba membru parlementu foun (IV lejislatura nian) too ba iha tomada de posse ba VII guvernu konstitusional, ita hare prosesu ida ne’ebé la’os fasil. Tuir hau nia hare, situasaun politiku iha nivel alto bele dehan hanesan laloran tasi ne’ebé lulun an tun sae maibe iha nia diak ida maka, povu no joven hotu hare no rona deit, sira hotu hala’o sira nia atividade moris hanesan babain mesmu ikus-ikus ne’e ita rona iha konflitu kiik-kiik mosu iha bairu balu iha capital Dili maibe konfrontasaun hirak ne’e espera katak laiha ligasaun ho situasaun atual ho prosesu politiku tomak.

Iha situasaun hanesana dadaun ne’e, lider politiku sira hotu tenke hala’o politiku tuir promesa sira ne’ebé ita bo’ot sira hato’o ba publiku katak atu tau interse nasional liu buat hotuhotu inklui interese pesoal ka interese politiku nian. Tanba povu Timor Leste hatudu ona exemplu diak ba lider Timor Oan hotu-hotu katak mesmu lider politiku sira iha oin buis ba malu maibe povu nafatin hare malu oin midar ba malu. Ida hatudu ba lider sira katak povu hakarak moris hakmatek nune’e, lider politiku sira hotu tenke rona malu no respeitu malu. Bainhira lider sira respeitu malu hanesan mos respeitu povu nia votus. Tuir hau nia hanoin, iha nasaun demokrasia la’os deit povu maka aprende maturidade politiku husi lider politiku sira maibe lasala mos líder sira aprende maturidade politiku husi povu liu-liu kona-ba paz no stabilidade tanba bainhira iha tensaun entre lider politiku sira mosu, povu hakmatek nafatin, ida ne’e pontus diak no persiza hakerek iha agenda moris nian. Karik ita kompara ho eleisaun sira uluk liu, bainhira lider politiku sira kolia sala oituan deit povu kiik sira raut malu dadaun. Hare situasaun iha tinan 2017 prosesu eleisaun too tama iha formasaun guvernu situasaun em geral bele dehan la’o ho diak. Ida ne’e ezemplu diak no husu ba nai ulun sira atu labele politiza konflitu kiik-kiik ne’ebé mosu iha rai laran, karik atu liga ba situasaun atual ho prossu politiku tomak lider sira hotu atu bele hare didiak, buka hatene no lori provas depois maka bele halo konkluzaun katak konflitu entre A no B tanba impaktu husi prosesu politiku A ka B. Sekuandu iha duni ligasaun ho prosesu formasaun guvernu, bele buka lalais ninia solusaun tanba kolia kona-ba stabilidade nasaun la’os iha ema ida rua nia responsabilidade maibe timor oan hotu nia responsabilidade. Treste tebes sekuandu iha konflitu kiik ruma mosu lider sira balu tau todan ba lider sira seluk, ida ne’e la’os kritika maibe fo hanoin ba ita hotu atu labele tau todan ba malu.

Ikus liu rekomenda ba lider politiku sira liu-liu partidu sira ne’ebé hetan asentu parlementar atu bele kuidadu situasaun atual ne’ebé iha tanba iha ema balu konsidera situasaun politiku atual frajil oituan maibe husu ba ita hotu liu-liu lider sira atu bele kuidadu situasaun frajil ne’e atu labele monu ba konflitu tanba Timor Leste iha ona esperiensia lubuk kona-ba konflitu no rezultadu husi konflitu povu kiik maka nafatin lori todan.

Obrigadu e bem hajam

*Autor: Abel Amaral

Estudante finalista husi UNPAZ, fakuldade Direitu, servisu iha Fundasaun Mahein

Email: maunabut762003@yahoo.com / abelfundasaunmahein@gmail.com

Taur Manifesta Preokupasaun Ba Xanana

DILI, (TATOLI) - Prezidente Partidu Libertasaun Popular (PLP), Taur Matan Ruak rekoñese katak, nia ho Xanana Gusmão halo ona kontaktu ba malu maski liu hosi telefone de’it.

Iha komunikasaun entre lider opozisaun Nain rua ne’e, Taur Matan Ruak manifesta nia preokupasaun ba Prezidente Partidu CNRT, Kay Rala Xanana Gusmão kona-bá pozisaun Fretilín nian.

“Ami Nain rua ko’alia iha telefone, ha’u manifesta ha’u nia preokupasaun ba frajilidade, inkonsisténsia Fretilín nian,” Taur Matan Ruak fó sai ba Jornalista sira iha nia hela fatin, Metiaut, ohin.

Taur Matan Ruak dehan, tentativa koligasaun entre Fretilín ho PLP para iha dalan klaran tanba iha prosesu negosiasaun partidu rua ne’e la entende malu kona-bá modalidade governasaun no pozisaun iha Parlamentu Nasionál.

CPN-PLP Suspende ‘Sama La Rua’ Cs

DILI, (TATOLI) - Partidu Libertasaun Populár (PLP) bazeia ba estatutu partidu, artigu 19o(sansaun no meius aplikasaun) liuhusi CPN (Conselho Política Nacional) hasai desizaun hodi suspende kuadru polítika PLP ne’ebé rezigna aan hodi envolve iha governasaun da-hitu, hanesan José Neves-Samalarua, Cipriano Estevez, no L4.

“Órgaun superiór PLP deside hodi suspende husi kargu partidu no la permite no la autoriza hodi partisipa iha kalendáriu ka atividade PLP iha territóriu tomak durante asume kna’ar públiku ka governasaun,” haktuir komunikadu PLP, ajénsia Tatoli asesu, ohin, iha Metiaut, Díli.

Deklarasaun ne’e fó sai bazea ba karta rezignasaun kuadru polítika PLP, José Neves-Samalarua iha loron 4 Outubru 2017 husi pozisaun nu’udar prezidente komisaun fiskalizasaun ekonomia finanseiru PLP.

MF Aprezenta Orsamentu Retifikativu

DILI, (TATOLI) – Tékniku sira hosi Ministériu Finansa (FM) ohin aprezenta orsamentu retifikativu iha reuniaun Konsellu Ministru (KM).

“Pontu prinsipál ne’ebé ohin ko’alia iha Konsellu Ministru (KM) mak konfirmasaun programa governu nian antes atu ba aprezenta iha Parlamentu Nasionál (PN) no tékniku hosi Ministériu Finansa (FM) aprezenta mós orsamentu retifikativu ba tinan fiskál ida ne’e nian”, informa Sekretáriu Estadu KM no Komunikasaun Sosiál, Matias Freitas Boavida ba jornalista sira iha Palásiu Governu, tersa (10/10).

Nia hatutan, foin mak MF aprezenta orsamentu retifikativu mai KM tanba planu orsamentu ne’e MF nia responsabilidade.

Montante orsamentu retifikativu, nia hatan, orsamentu ne’e foin mak halo aprezentasaun maibé nia montante seidauk iha serteza.

“Ami husu ba tékniku Ministériu Finansa (MF) atu aprezenta maibé sei iha faze preparasaun, entaun montante orsamentu retifikativu depois mak ko’alia”, hateten nia.

MF mai aprezenta orsamentu iha KM atu ita haree katak ba oin atu halo oinsá, tanba ne’e sei iha tempu, presiza liuhosi etapa hafoin ba aprezenta iha PN.

Jornalista: Zezito Silva | Editora: Rita Almeida

Foto: Enkontru Konsellu Ministru ohin. Foto GPM