LEI BANDU KOMANDANTE PNTL DIMITI MEMBRUS

Segundu Komandante Jeral Polisia Nasional Timor Leste (PNTL) Komisario, Faustinho da Costa hateten, regulamentu PNTL la fo kompetensia ba Komandante Jeral PNTL dimiti ninia membru sira ne’ebe mak komete iha kazu ruma.

“Ita uza hanesan ita ninia maluk forsa defesa sira uza hanesan regulamentu  disiplinar, ha’u hanoin kazu sira ne’e labele akontese bebeik, tanba  bainhira detekta hanesan ne’e dimiti kedas, maibe Komando jeral tuir regulamentu ami ninian dadauk ne’e, komando jeral laiha kompetensia dimiti ema ida, ne’e so komandante jeral bele propoin ba  Governu,”esplika Adjuntu Komandante Jeral  PNTL, Komisario, Faustinho da Costa, ba jornalistsira, Kinta (04/05/2017) iha Kuartel Jeral PNTL.

TEMPU BADAK STAE REALIZA ELEISAUN SUKU FOUN

Diretor Secretariu  Tecnico Admistrasaun Eleitoral (STAE), Acilino Manuel Branco, informa katak iha tempu badak  governo  liu husi STAE sei realiza eleisaun  ba suku foun tanba eleisaun Parlamentar besik dadauk.

“Resensiamentu agora lao hela iha teritoriu Timor laran tomak liu-liu iha postu administrative sira inklui mos ba iha suku sira balun espesifiku atendementu tanba liga mos diploma governu nian ne’ebe fo sai husi Ministerio Administrasaun Estatal(MAE)  hodi estabelese tan suku no aldeia foun sira balun ne’ebe ke ita sei espesifika atendementu atu nune’e tempu badak ita bele realija eleisaun para it abele kompleta tiha orgaun suku ba iha aldeia sira ne’e,’Diretur Jeral STAE, Acilino Manuel Branco, ba JNDiario, iha ninia servisu fatin Caicoli-Dili, Kinta(4/5/2017).

Alende Suku STAE mos sei hala’o eleisaun ba iha aldeia balun ne’ebe mak infreta problema hanesan  chefe suku rejigna an, chefe aldeia mate inklui hetan impata no seluk tan.

PARTIDO POLITIKU LABELE PRATIKA MONEY POLITIC

Prezidente Knua Direitu Ekonomiku Sosial no Kultura (DESK ), Gil Guterres hatete, atu garante estabilidade demokrasia iha Timor Leste (TL) Partidu Politika (Parpol) labele pratika money politic.

“Ami nia observasaun durante iha prosesu kampaha to’o remata eleisain jeral prezidensia 20 fulan Marsu tinan 2017 ne’e, hatudu katak iha partidu husi kandidatu balu fasil los halo influensia ba povu nune’e hetan votu barak hodi atinji sira ninia mehi e hanran money politik,” Gil Guterres, ba jornlaista sira liu husi konferensia de empresa mak hala’o iha sentru DESK Taibesi-Dili, Kinta (04/05/2017).

Nia dehan, Knua DESK ninia visaun no misaun ba area pesikiza, advokasia, monitoriza no investiga mak ninia mebru sira esplha iha munisipiu 12 inklui REAOA (Reziaun Especial Administrasaun Oe-Cusse Ambeno), hodi halo observasaun ba prosesu kampanha husi partidu politika.

Ohin, ME Despede tan Bolseiru 41 ba Portugal

DILI, (TATOLI) – Ministériu Edukasaun (ME), ohin iha Sentru Infordepe Balide despede tan bolseiru na’in 41 ba Portugal hodi hasai kursu lisensiatura, mestradu no doutoramentu.

Lisensiatura na’in 23, mestradu na’in 17 no doutoramentu na’in ida hodi hasai kursu iha área ensinu língua portugeza, dezenvolvimentu kúrikulu, direitu fiskál no tributáriu, direitu administrativu, direitu maritimu, hortikultura, jestaun ambientál.

Tuir mai, jestaun saúde no seguransa traballu, saúde animál/veterinária, ensinu istória, gastronomia, auditória interna, enjeñária kímika, biokímika no pilotajen ba ró.

Inklui, direitu jerál, administrasaun eskolár no jestaun biblioteka, enjeñaria mekánika, estudu biolojia tasi nian nomós siénsia juridika públika.

Timor Presiza Investe Lian Portugés

DILI, (TATOLI) – Prezidente Repúblika, Taur Matan Ruak hateten atu dezenvolve kualidade edukasaun iha rai laran presiza investe maka’as iha lian Portugés.

Xefe Estadu hato’o iha palestra ba estudante Universidade Nasionál Timor-Lorosa’e (UNTL) ho tema ʺTimor Leste  Que Futuruʺ hodi komemora loron ba lian Portugés no kultura komunidade hosi nasaun ne’ebé ko’alia lian portugés (CPLP iha Muzéu Rezisténsia, ohin.

ʺLingua Portugés hanesan instrumentu ida atu asesu koñesementu tékniku no sientífiku tanba ne’e  nesesariu atu ita domina lian”, dehan.

Estadu konsiente portugués hanesan identidade lian iha prosesu aprendizajen. ʺLian portugués ne’ebé hanorin iha eskola seidauk atinje nível sufisiente atu uza ho kualidade”, tenik tan.

Nia apresia ho UNTL tanba uza lian ne’e iha prosesu aprendizajen, mesmu universitariu balun seidauk hanorin.

“Ha’u hakarak fó parabéns ba UNTL ne’ebé esforsu halo promosaun lian Portugés iha prosesu aprendizajen”.

Atu dezenvolve setór edukasaun, presiza aloka orsamentu boot liu pursentu 10 hosi totál Orsamentu Jerál Estadu kada tinan, enkuantu durante ne’e governu aloka osan ba setór ne’e menus hosi pursentu neen.

Iha fatin hanesan, dekana fakuldade diretu UNTL, Maria Ángela Guterres Viegas Carrascalão hateten mensajen Xefe Estadu sesante hanesan motivasaun ba ema hotu oinsá atu dezenvolve edukasaun ho kualidade.

ʺLian Portugués ita nian, se ita hili ona iha konstituisaun hanesan ita nia lian no tetun hanesan ita nia identidade tanba ne’e tenke dezenvolve”, aumenta.

UNTL sei komemora loron ne’e iha sesta, (5/5). (Jornalista: Agapito dos Santos | Editora: Rita Almeida)

Foto UNTL

Prezidente: Susesu ne'ebé Timor-Leste hetan iha tinan 15 ikus ne'e labele halo monu ba sala

Prezidente timoroan afirma iha loron-kinta ne'e katak susesu sira ne'ebé nasaun hetan "labele halo monu" timoroan sira "ba sala no falla sira" ne'ebé mosu nafatin, konsidera katak líder sira hosi nasaun sei avalia hosi kapasidade hodi hatán ba dezafiu sira.

Entre prioridade sira nia destaka ona pobreza ne'ebé aas - ligadu ba subnutrisaun, falta asesu ba informasaun, defisiénsia hosi saúde familiar no públika - ne'ebé hanesan "travaun ida iha dezenvolvimentu hosi nasaun iha futuru".

Desigualdade iha sosiedade no impaktu hosi falta unidade sosial, hadi'a kualidade hosi serbisu sira Estadu nian - buat ne'ebé "iha impaktu ida maka'as tebes iha nasaun" - hanesan dezafiu atual seluk, nia hatete.

"Iha Timor-Leste ita mehi maka'as. Ha'u hetan Governu ida konfuzu ne'ebé hatene saida maka nia hakarak maibé la hatene oinsá maka bele to'o iha ne'ebá, no povu abandonadu ida ne'ebé haree ba dirijente sira hanesan inimigu, hanesan obstákulu ba nia dezenvolvimentu", nia alerta ona.

PTR NO PJR ENTRE MERITUS NO LOYALIDADE…!!!

Jornal Nacional | editorial

Presidente Republika, Taur Matan Ruak nomeia ona juiz  Deolindo dos Santos sai Presidente Tribunal Rekursu hodi troka Guilhermino da Silva tamba problema saude, nunee mos estende mandatu Prokurdaor Jeral da Republika, Jose Ximenes ba tinan hat mai.

Nomeiasaun ba Prezidente Tribunal Rekursu no Prokurador Jeral da Republika nee kompetensia Prezidente Republika nian tuir mandatu konstituisaun artigu 86 ( kompetensia kona-ba orgaun seluk iha alena i) foti Prezidente Tribunal Supremo Justisa no fo poses ba Prezidente Tribunal Superior Administrativu, Fiskal no kontas nian,  no alenia k) foti Prokuradór-Jerál Repúblika nian hodi hala’o knaar iha tinan ha’at nia laran; l) Foti no hasai Adjuntu Prokuradór-Jerál Repúblika nian sira tuir termu sira No.6. artigu 133 nian.

Antes nee deputado sira iha Parlamento Nasional sujere ba Presidente Republika, Taur Matan Ruak katak nomeiasaun ba Presidente Tribunal Rekursu no Prokurdaor Jeral da Republika hela  ba Presidente Republika eleitu, Francisco Guetrres ‘Lu-Olo’ mak nomeia tamba mandatu besik ona atu remata.

Horta Husu ba Jornalista Sira Atu Serbisu ho Profesional

Jakarta, Radio Liberdade:  Eis Premiadu nobel da  Paz, José Ramos Horta,  husu ba jornalista hotu atu serbisu ho profesional no tenki ho responsabilidade.

Horta hato’o lia hirak ne’e ba jornalista sira iha Jakarta Convention Center (JCC), Kuarta feira 03/05/17, bainhira partisipa iha selebrasaun Loron mundiál Imprensa ne’e hala’o iha Jakarta  ba tinan ne’e.

“Liberdade Imprensa total maibe mos tenki ho responsabilidade ” dehan Horta.

Hanesan mos orador iha seminariu loron mundial Liberdade Impensa ,  nia mos aprezenta situasaun real konaba serbisu jornalista Timor-Leste nian  iha forum.

Nia informa   jornalista iha Timor-Leste hatudu sira nia kometmentu serbisu maske mafilidade seidak iha.

Maske iha Timor kazu lori jornalista ba tribunál  no dadauk ne’e iha hela prosesu julgamentu  maibe emtermus liberdade espresaun  Timor-Leste okupa numeru 98   iha mundu  no mos hetan valor  menus husi atus ida entre membru Southeast Asean Press Alliance (SEAPA) iha rejiaun Asia hanesan Indonesia, Burma, Tailandia,Myanmar, Filipina inklui Timor-Leste.

Rádio Liberdade Dili

SISTEMA GOVERNASAUN REPUBLIKA DEMOKRATIKA DE TIMOR-LESTE

Husi: Lourenço de Deus Mau Lulo*, opinião

Ba dala uluk

Sistema Demokrasia nebe Timor Leste adopta, ho nia prinsipu atu grantia boa Governasan nebe diak (good governance) ho governasaun nebe mos (Clean Governance) maibe realidade hatudu katak nasaun dezembolvido sira nebe mai ho nia objetivo-objectivo nebe hatur ona iha nasaun ida-idak nia konstituisaun, hodi grantia povo nia direito, maibe hare ba lalaok Demokrasia nebe iha sai obstaklu bot ba Governo atu hatur nia knar lolos hodi servi povo no nasaun nia nezasidade nebe regula ona iha Konstitituisaun, tamba autor principal sira nebe lei fo biban atu halao knar hodi atende nezasariu povo nian, lao ses husi prinsipu nebe menziona iha Konstituisional. Realidade hatudu katak ita nia nasaun Timor-Leste mos hola parte iha risku demokrasia nee, mai husi infaktu nebe fo frakueza ka Obstaklu ba prosesu legislasaun iha nasaun Timor-Leste, inklui menus nebe ita nia nasaun hasoru maka espriensa, ba Timor Oan atu perpara lei ka proposta lei ruma, halo peskuiza konaba problema ruma (social) nebe sai urgensia molok atu hahu konseptu leitura ruma, menus iha analiza no justifikasaun ba problema nebe povo hasoru iha baze, hodi sai baze nebe fundamento atu forma lei ka proposta lei ruma nebe mai husi Governo ka projeitu lei nebe forma husi Parlamento Nasional. Prinsipu legalidade nebe iha nasaun de direito (Rechtsstaate) nebe Timor-Leste adopta, katak wainhira Governo atu halao nia knar tenke bazeia ba lei. Prinsipu legalidade nebe iha konseptu Rechtsstaate nian hateten katak wainhira governo atu halao nia knar ba prosesu dezembolvemento nasional tenke bazeia ba lei. Tuir Artigo 2 alineia (1) hateten katak “Sobrania hatuur iha povo, ne’ebe halao sobrania nee tuir lei inan haruka” signifika katak, Poderes sira nebe povo fo liu husi Partidu politika sira, hodi ba haknar an iha orgaun sobrania hirak nee, atu sai servidor ba intrese povo nia tuir direito konstituisional nebe iha. Maibe hare hikas ba realidade dala ruma governo ka orgaun sobrania hirak ne’ebe povo hili nia ema ba tur iha orgaun sobrania nee, haluha ka lao ses husi prinsipu fundamentu estado ka objective estado nia nebe hatur iha artigo 6 Konstituisaun RDTL, iha parte seluk artigo 2 alineia (2) hateten katak “Estado hakruuk ba lei Inan no Lei Oan sira” hatudu katak orgaun sobrania nebe hatur iha konstituisaun halao sira nia knar tenke bazeia ba lei no hakruk ba lei (lei mak as liu), molok halao knar persisa hadok tiha hanoin husi interse pribadu no intrese partidaria ka grupo nian. Iha parte primbolu konstituisaun paragrafa da ikus, hateten katak “ho neon metin duni katak nesesidade atu harii kultura demokratika instituisional ida rasik estado Direitu Ninian, iha nebe ema sei respeitu konstituisaun, lei no instituisaun nebe povo rasik mak hili.” Ita hare ba nia implementasaun durante primeiru governo konstituisional mai too agora ita bele dehan katak Povo nebe kbit laek no ai leba sira hakruuk no kumpri konstituisaun maibe dala barak ita nia lidaransa politika sira halao sira nia knar konstituisaonal lao la dun tuir konstituisaun no lei nebe vigora. Tamba dala wain lideransa politika sira sempre uja instituisaun sobrania nia hodi insulta malu tamba intrese patridaria ka grupo no ikus mai  hamosu tendense politika nebe la responsabel depois kria situasaun krize hodi fo infactu ba povo mak sai vitima, infaktu dezembolvemento mos paradu. Ida nee fo obstaklu ba Direito de Politika (Politik Hukum) special ba politika legislasaun, signifika katak atu grantia governasaun ebe mos (Clean Governance) ho orgolhu ba knar governo nia nebe mos husi korupsaun, kolusaun no nepotismo, abuzo de poderes, no violasaun ba direito konstitusional povo nian, ida nee bele prevene ka halakon hahalok hirak nee, wain hira orgaun sobrania legislasaun hanesan Parlamento nasional ho Governo tenke forma lei ne’ebe iha tenke hatur didiak tuir Lei nia baze fundamneto sira, hanesan tuir mai nee;

Statement to UNESCO relation with International conference in Jakarta about freedom of media.

WORLD PRESS FREEDOM DAY 2017

Avenida da Liberdade de Imprensa / Avenue of the Freedom of the Press Dili, Timor-Leste

Contact in Dili: maubere81@gmail.com / TiPaCo International: lian.liberdade@gmail.com

Ba: Saorla McCabe

UNESCO HQ

s.mccabe@unesco.org

and

Ming Kuok Lim

UNESCO Jakarta Office

mk.lim@unesco.org

Data: Dili, 30 Abril 2017

Tabe Señor, Señora

Husi loron 1 to’o loron 4 fulan-maiu tinan 2017, UNESCO sei hala’o ninia selebrasaun prinsipál ba Loron Mundiál Liberdade Imprensa nian iha Jakarta, kolabora ho Governu Repúblika Indonézia no Konsellu Imprensa Indonézia.

Ami, membru husi mídia independente Timor-Leste, defensór direitus umanus no membru husi Timor Papua Connection (TiPaCo), ho karta ida ne’e, husu no espera ba Ita-Boot sira nia konsiderasaun.

Hanesan Konferénsia Internasionál Loron Mundiál Liberdade Imprensa nian, atu diskute nesesidade ba média ne’ebé livre ho kualidade, ami enkoraja imi atu enfatiza asesu livre no seguransa ba jornalista sira iha parte tomak iha INDONÉZIA, liuliu iha Papua Osidentál.

Nu’udar ema timoroan, ami komprende kle’an nesesidade ba mídia ne’ebé independente no ho kualidade hodi haforsa konxiénsia públiku no responde ba injustisa sosiál no polítika. Tristemente, ami mós komprende tebes saida mak konsekuénsia bainhira liberdade Imprensa limitadu.

Favór keta haluha katak ami iha Timor-Leste sei hein akontabilidade ba asasinatu sira hanesan Balibo 5 no Roger East iha 1975, no mós Agus Muliawan no Sander Thoenes iha 1999. Maski iha testimóniu diretu no evidénsia faktuál, seidauk iha ema ida bá tribunál nu’udar autór ba jornalista sira-ne’ebe nia oho.

Konstituisaun Indonézia 1945 no Lei Imprensa 1982 defende liberdade Imprensa. Maibé, maski iha progresu balu dezde tempu Prezidente Suharto sai iha fulan-maiu 1998, governu indonézia sei tau limitasaun sériu ba jornalista sira.

Jornalista independente sira iha Indonézia hetan ameasa barak atu hala’o sira-nia kobertura. Bainhira fotógrafu-na’in mídia nian to’o fatin eventu ruma, sira hasoru intimidasaun, asaltu no autoridade seguransa hetan estraga sira-nia ekipamentu. Alende ne’e, autoridade indonézia kontrola asesu ba área espesífiku iha nasaun.

Preokupasaun boot mak jornalista nasionál no husi rai-li’ur tenke aplika ba lisensa espesiál atu vizita Papua Osidentál, no dala barak sira la hetan lisensa ne’e. No sira ne’ebé hetan lisensa mós, tenke aguenta ho hafuhu, intimidasaun, persegisaun no dala ruma forsa seguransa kaer sira arbiru.

Hodi enfatiza ami-nia pedidu, ami inklui foto ho ami-nia deklarasaun husi dia 29 Abril iha Avenida da Liberdade de Imprensa iha Dili, Timor-Leste.

Celestino Gusmão Pereira Reprezentante Suporta ba karta ida ne’e (Haree lista suporta iha aneksu)

ANEKSU: SUPORTA BA KARTA WORLD PRESS FREEDOM DAY 2017

Geraldo Belo da Costa - Klibur Estudante Progresive/KUP; Cosme da Silva Soares -  Klibur Estudante Manatuto; Luis Garcia dos Santos - Klibur foin Sa’e Tane Timor; Isaias A. Freitas - Klibur foin Sa’e Tane Timor; Salvador Araujo Marçal - Klibur foin Sa’e Tane Timor; Aida Guterres Castro Pereira - Klibur foin Sa’e Tane Timor; Inocência Gonçalves - Klibur foin Sa’e Tane Timor; Jachsfin Vivir – CLSL; Juvinal Magno - Front Mahasiswa Timor-Leste; Miguel da Silva Ornai - Front Mahasiswa Timor-Leste; Fivania da C. M. - Front Mahasiswa Timor-Leste; Candido A. Silva - Front Mahasiswa Timor-Leste; Manuel D.C. Mesquita - Front Mahasiswa Timor-Leste; Odino Ximenes - Front Mahasiswa Timor-Leste; Leticia Alves - Front Mahasiswa Timor-Leste; Marta da Silva - Front Mahasiswa Timor-Leste/La’o Hamutuk; Charles Scheiner ETAN/La’o Hamutuk; Pamela Sexton - ETAN; Endie van Binsbergen - Free East Timor Foundation; Adrovaldo L. Nahak - Klibur Foinsae Humanitarian; Joel Fernandes Correia - Klibur Foinsae Humanitarian; Quim Ribeiro Brites - Independent Media; Manuela Pereira - Diretora ACbit; Bernardo Beja - West Papua Solidarity Portugal; Francisco Carvalho - West Papua Solidarity Portugal; Merita Coreia - Diretora Alfela; Laura de Jesus – Alfela; Faustinho Soares - Uniaun Universidatariu Municipiu Baucau; Nelson Miranda - Human Rights Activist; Inicencio Xavies - AJAT Timor-Leste; Manuel Montero - Asosiasaun Hak; José Moniz - Aliansi Nasional Timor-Leste untuk Pengadilan Internasionál