Deskonfia Membru KSTL Hamosu Intimidasaun

DILI – Komemora loron mundial Traballador neebe mak selebra iha dia, 1 de Maiu, (Horbain rua-reed), Deskonfia membru Konfederasaun Sindikatu Traballador Timor Leste (KSTL) kria problema ba jestaun Hotel Timor.

Preokupasaun nee hatoo husi Deputadu Jose Luis Guterres liu husi sesaun Plenaria iha Parlamentu Nasional (PN) Tersa (02/05/2017).

Dia 01 Maiu ita hotu selebra ita ondra la bele akontese fali asaun sira neebe mak balun halo neebe husu primeiru ba dirasaun sinkatu atu haree didiak tanba ita iha governu ita iha lei no orden la bele ba obriga fali ema  para taka sira nia hotel,” dehan Jose Luis.

Nia esplika katak, aban bainrua se bele karik governu neebe mai presiza selebra hamutuk ho traballdores loron primeiru de maiu.

"Ita hotu mesak traballador hotu,” dehan nia

Hatan ba kestaun nee Sekretariu Jeral Konfederasaun Sindikatu Timor Leste (KSTL), Jose da Conçeicão da Costa dehan, asuntu nee la loos.

Presiza Halo Sosializasaun Sobre, Transferensia Komunidade

DILI - Komunidade husi Suku Comoro, Postu Administrativu Don Aleixo, Munisipiu Dili husu ba governu  atu halo sosializasaun kona-ba transfrensia komunidade husi suku ida ba suku seluk. Atu nunee bele fasilita komunidade neebe hakarak transfrensia ba suku seluk hodi tuir Elisaun Parlamentar (Elpar).

Tomas D. Piedade nuudar komunidade hatoo kestaun nee ba STL iha Sede Suku Comoro Dili Kuarta (3/5/2017). Tuir nia katak, realidade neebe iha komunidadde barak ladauk hatene sistema transfrensia ida nee. Ema neebe hatene mak ema neebe iha kunhesementus klean buka informasaun.

Hanesan realidade neebe mosu iha elisaun prezidensial iha 20 de Marsu 2017 ema barak mak latuir elisaun no lakon sira nia direitus tomak nuudar sidadaun. Tanba nee mak antes atu tama ba iha elisaun parlamentar husu ba suku sira atu fahe informasaun kona-ba oinsa sistema transfrensia komunidade husi suku id aba fali suku seluk.

Sarani Fomentu-I Simu Padroiru São José

DILI - Sarani Bairru Fomento-I, Kapela Maria Auxiladora, Parokia Aimutin simu premeriu Padroiru Saõ José ho nain Feto.

Seremonia entrega padroiru Saõ José ho nain Feto direita husi Amu.Vigario Aimutin Ren.CMF ba sarani sira iha Parokia Aimutin, Tersa (2/05/2017).

Depois entrega estatua Padroiru Saõ José ho nain Feto Amu Vigariu Aimutin Ren.CMF ba STL dehan, tinan ida nee sarani Kapela Maria Auxiladora Parokia Aimutin simu uluk atu nunee hotu-hotu sente prezensa padroiru Saõ José ho nain Feto iha sira nia let.

Labele tinan-tinan bairru ida deit mak simu premeiru maibe tenke halo rotativu ka mudansa nunee sarani hotu bele sente no solok ho prezensa Padroiru Saõ José ho Nain Feto ninia.

Eviksaun Ba Komunidae, Kria Uluk Kondisaun

DILI – Dili Demokrasia Forum (DDF), Kinta (04/05/2017) realiza debate publiku ho tema problema rai iha Timor Leste neebe mak direje husi Charmain and Ceo Salvador J. Ximenes Soares hamutuk ho orador nain tolu mak hanesan Sekretariu Estadu Terras no Propriedades Jaime Xavier, Diretor Interinu Luta Hamutuk, Jose Alves da Costa, Xefi Suku Comoro, Eurico da Costa no hetan partisipasaun masimu husi estudante UNTL husi fakuldade siensia Politika no Grupu Bucaf (Buka Bukae ba Futuru).

Tuir Diretor Interinu Luta Hamutuk, Jose Alves da Costa ba STL, hafoin partisipa DDF esplika katak bainhira governu atu halo evikasaun ba komunidade ho despeza admistrativa atu hasai ema husi propriedade estadu ninian iha 30 dias deit hodi halo rekursu ba Tribunal nian. Maibe, lei foun neebe mak manda ona ba Prezidente Republika ida nee nia vantajen neebe mak diak mak sei fo prolongamentu hodi too tinan ida para atu buka fatin no halo levantamentu ba problema rai refere.