PM timorense inicia visita de três dias à Indonésia, primeira oficial ao estrangeiro

Díli, 25 ago (Lusa) - O primeiro-ministro timorense lidera uma delegação ministerial que iniciou hoje uma visita de três dias à Indonésia durante a qual se reunirá com o Presidente Joko Widodo e participará num encontro bilateral alargado.

Trata-se da primeira visita oficial de Rui Maria de Araújo ao estrangeiro desde a sua tomada de posse, a 16 de fevereiro.

A delegação timorense inclui os ministros Coordenador dos Assuntos Sociais e ministro da Educação, António da Conceição, o Coordenador dos Assuntos Económicos e ministro da Agricultura e Pescas, Estanislau da Silva e o ministro dos Negócios Estrangeiros e Cooperação, Hernâni Coelho.

Integram ainda a delegação os responsáveis das Finanças, Santina Cardoso, das Obras Públicas, Transportes e Comunicações, Gastão de Sousa, da Defesa, Cirilo Cristóvão, e do Planeamento e Investimento Estratégico, Kay Rala Xanana Gusmão.

"Damos muito valor à nossa relação com a grande nação Indonésia", sublinhou o primeiro-ministro em comunicado distribuído pelo Governo.

A agenda oficial da visita inclui, na quarta-feira, um encontro privado entre Rui Araújo e Joko Widodo, no Palácio Presidencial, antes de um encontro bilateral de delegações ministeriais, uma declaração conjunta à imprensa e um almoço oficial.

Na quinta-feira, o primeiro-ministro reúne-se com o secretário-geral da Associação das Nações do Sudeste Asiático (ASEAN), Le Luong Minh, devendo regressar a Díli na sexta-feira.

"Esta viagem à Indonésia é muito importante para os dois países, pois celebra a solidariedade e a cooperação que caracteriza a nossa relação única", referiu o porta-voz do VI Governo Constitucional, o ministro de Estado Agio Pereira.

"As nossas parcerias estendem-se a todos os setores e a visita do primeiro-ministro Rui Araújo, acompanhado por altos membros do nosso Governo, vai reforçar ainda mais uma já positiva e produtiva amizade", frisou.

ASP // DM.

Governu Presiza Dezenvolve Subar Fatin Gerileiru ba Turismu

MANATUTO - Governu Timor Leste presiza dezemvolve fatin nebe Gerileiru sira subar hodi halo funu sai fatin turismu, tamba bele dada turista sira hodi halo vizita nune bele aumenta reseita orsamentu estadu.

Prezidente Republika Taur Matan Ruak konsege halao vizita ba nia subar fatin iha area tasi ibun Lamsala no Balak, iha postu administrativu Manatuto Vila, munsipiu Manatuto, hafoin partisipa iha seremonia Ritual loke Estrada iha Uabitai Postu Administrativu Quelicai.

Liu husi Limenon ba Komonidade sira hafoin vizita subar fatin iha Area Balak, Suku Aiteas, Postu Administrativu Manatuto Villa, katak kuandu dezemvolve fatin historiku no tau fatin historiku hirak nee iha Aeroportu bele dada turista sira ba Vizita.

Fatin historiku sira ita dezemvolve diak sai fatin turismu bele dada turista sira kunadu sira too iha aero portu foti dadaun no lee ulun boot sira nia subar fatin sira bele ba deit  ita tau tama fatin nee selu ema bele selu hodi aumenta reseita ba estadu,” dehan Taur Segunda (24/08/2015) Iha Manatuto.

iha fatin ketak Adjuntu Rejiaun no sekretariu sub-Rejiaun Manatuto Maubere iha tempu neba Prezidente Republika Taur Matan Ruak hanesan Xefi Estadu Maior, tan nee simu orentasaun atu simu maske defisil tebes maibe ho hanoin ida deit mak buka ukun rasik Aan. Informasaun kompletu iha STL Jornal no STL Web, edisaun Kuarta (28/8/2015). Timotio Gusmao

Suara Timor Lorosae

KOMPETISAUN ISTÓRIA TIMOR TAKA IHA LORON 30 FULAN SETEMBRU 2015

Hatama ita-nia istoria iha 2015 no ita sira dala rum abele manan Hakerek ita-nia istoria tuir-nia hakarak no istoria nia titulu saida deit Husu ba hakerek nain sira atu kompleta ita-nia istoria no komesa hatama ita-nia istoria.   Hakerek ita-nia istoria tuir ita nia hakarak. 

Detalhu ba kompetisaun ne’e Premiu premeiru : US$500.00 Premiu daruak : US$250.00 Premiu datoluk : US$100.00   Premiu especial ba autor feto nain ida : US$500.00 Tengki hatama liu husi liafuan 10.000 no tenki hakerek ho lian Tetun (Tetun Ortografia Nasional). 

Informasaun klaru ba kompetisaun ne’e bele kontaktu emailing info@timoraid.org liga ba 3312260 ou ba vizita iha Timor Aid website : www.timoraid.org pagina kompetisaun facebook nian.

Suara Timor Lorosae

Mota Sobu Irigasaun Maliana-II

Reportajen: Augusto da Costa

MALIANA: Moto sobu a’at tiha intek Irigasaun Maliana 2 nune’e halo impede ba povu agrikultor sira atu halo natar, tanba iha tinan 2013-2014 mota sobu estraga tiha intek irigasaun Maliana-II to’o agora seidauk hadia hikas. Hateten Vice Prezidente Sentru Komunitariu Aprendiziajen (SKA) Maliana Antonio Santa Cruz ba STL iha Maliana, Sesta (21/8/2015).

Tuir Antonio, irigasaun Maliana-II ne’ebé mak fornese bee ba Suco ida agora la funsiona ba povu argrikultor sira tamba desde tinan 2013 liu ba mota sobu estraga ne’e duni intek irigasaun hetan estragus to’o agora seidauk hadia ne’e mak difikulta agrikultor sira. Tuir Antonio, intek irigasaun Maliana-II a’at ne’e Ministru Agrikultura rasik mai hare’e ona, maibé to’o agora seidauk hadia.

Tanba ne’e husu Ministériu Agrikultura no Peskas (MAP) oinsa atu fó importansia hodi hadia intek irigasaun Maliana-II ne’ebé mota sobu tiha iha tinan 2013-2014 liu ba.

Entretantu kondisaun irigasaun Maliana-I diak hela dehan, Antonio ne’e mak to’o agora kontinua fornese bee ba area natar Suco lima (5), maske area balun bee la to’o. Tanba Suco balun nia area natar dodok husi irigasaun, nune’e bee fahe la to’o.

Iha parte seluk, Administrador Munisípiu Bobonaro Domingos Martins hateten, Irigasaun Maliana-II a’at nune’e la bele fornese bee ba povu agrikultor sira ne’ebé mak uza bee husi irigasaun Maliana-II tanba mota sobu tiha intek irigasaun a’at tiha iha tinan 2014 liu ba.

Administrador Bobonaro ne’e salenta liu tan katak kona-bá irigasaun Maliana-I diak hela. Ne’e duni povu agrikultor sira kontinua uza halo natar. Dadaun tinan ida ne’e haree sira koleta hotu ona. Agora agrikultora balu uza fali bee hodi kuda modo oin-oin hanesan modo mutin, repolu, fore sikoti, brinsela no modo sira seluk tan.

Tuir Administrador Bobonaro ne’e katak tinan ida ne’e produsaun haree iha Maliana tun kompara ho tinan 2014, tamba tinan 2015 ne’e udan been minimu nune’e halo produsaun haree tinan tinan ne’e tun. Tinan 2014 produsaun haree sa’e, tanba udan been diak nune’e natar hektares ida bele produs haree to’o tonelada hat (4), maibé tinan ne’e tun ou menus.

Suara Timor Lorosae, loron Tersa, 25 Agostu 2015 - Foto: Ilustrasaun

Parlamentu Guiné-Bissau aprova rezolusaun ne’ebé husu ba PR atu hatun PM foun

Parlamentu Giné-Bisau nian horisehik aprova rezolusaun proposta hosi PAIGC atu hatun primeiru-ministru foun, Baciro Djá, no hili fali naran seluk, hamutuk ho Prezidente Repúblika.

Hosi deputadu eleitu 102, 79 maka marka prezensa no 75 vota “a favor”, no abstensaun hat: na’in tolu hosi bankada Partido da Renovação Social (PRS) no ida hosi Partido da Nova Democracia (PND).

Tuir proposta ne’ebé aprova ona, Assembleia Nacional Popular (ANP) "diskorda ho Dekretu Prezidensiál n.º 06/2015", ne’ebé nomeia primeiru-ministru foun.

Iha sentidu ne’e, ANP rekomenda "ba lideransa sira partidu polítiku sira ne’ebé reprezenta iha Asembleia atu "kontinua "halo esforsu hodi hamutuk avansa ho proposta solusaun" ba Prezidente Repúblika, refere dokumentu ne’e.

Solusaun ne’e tenke liuhosi presupostu rua: Prezidente tenke "hatun" Baciro Djá, ne’ebé hili no simu ona pose iha loron-kinta no "hili fali primeiru-ministru foun, hatudu hosi PAIGC, partidu manán-na’in iha eleisaun ikus" no ho indijitasaun "liuhosi konsulta ho formasaun polítika reprezenta iha ANP".

Dokumentu ne’e prevee atu parlamentu "garante apoiu no kolaborasaun institusionál hotu ba Governu ne’ebé harii ho baze iha presupostu rua".

Rezolusaun lansa mós "apelu ida ba órgaun soberania hotu" atu asina "akordu estabilidade" ida.

SAPO TL ho Lusa

Eis-visi-ministru Fiannsas xinés asumi prezidénsia BAII

Eis-visi-ministru Finansas xinés Jin Liquin nomeia ona ba prezidénsia Banku Aziátika Investimentu ba Infraestrutura (BAII), hanesan instituisaun finanseira internasionál foun ne’ebé hato’o hosi Pekin, haktuir entidade iha sira-ninia portál, hosi internet.

Jin Liquin, ho tinan 66 diriji ona fundu soberanu xinés (China Investment Corporation) no desde outubru sai nu’udar xefe interinu BAII nian.

Hato’o hosi prezidente xinés iha 2013 no iha Washington, haree hanesan dezafiu ba orden finanseira internasionál, maibé ikus mai BAII maka promove apoiu hosi nasaun rua nulu resin ne’ebé la’os hosi Ázia, hanesan Afrika Sul, Alemaña, Austrália, Brazil, Fransa, España, Noruega, Portugal, Reinu Unidu ho Suisa.

Hosi ekonomia bobot iha mundu, Estadus Unidus, Kanadá ho Japaun maka latama. Akordu konstitutivu banku nian asina iha 29-juñu hosi reprezentante nasaun 50.

Elisaun Jin Liquin hetan konfirmasaun kona-ba ne’e durante reuniaun xefe negosiadór ne’ebé hala’o horiehik, tuir informasaun hosi ajénsia Xinhua.

SAPO TL ho Lusa 

ONU haksolok ho akordu ne’ebé alkansa hosi Koreia Sul ho Koreia Norte

Sekretáriu jerál ONU, Ban Ki-moon hato’o parabéns ba Koreia Sul no Koreia Norte tanba alkansa ona akordu hodi hapara konflitu armada ne’ebé akontese iha península koreana

"Ha’u sente haksolok tebes ho notísia kona-ba akordu entre Koreia Sul ho Koreia Norte” dehan sekretáriu jerál ONU iha komunikadu.

Tuir Ban Ki-Moon, perspetiva hosi enkontru regulár entre nasaun viziñu rua maka “sei rezolve duni problema hirak ne’ebé bele akontese iha península koreana”.

Sekretáriu jerál ONU ne’ebé uluk hanesan ministru Negósiu Estranjeiru Koreia Sul hosi 2004 to’o 2006, preokupa tebtebes ho relasaun nasaun rua ne’e nian.

Iha komunikadu, Ban Ki-Moon husu ona ba nasaun rua atu bele hakmatek, fó apoia umanitária no foti inisiativa hodi hala’o reuniaun família ketaketak.

"Hanesan sekretáriu jerál ONU ha’u prontu atu apoia koperasaun entre Koreia rua", dehan.

Seul ho Pyongyang aloka kedas sira ninia kontinjente militár hanesan alerta hafoin akontese ytiru malu iha zona fronteirisa, kinta-feira liu ba, maibé horisehik iha ona akordu hafoin halao negosiasaun hodi tenta hapara konflitu militár.

Negosiasaun ne’e hala’o iha fronteirisa Panmaunjom molok tersa-feira dader, tanba halo komunikasaun durante oras ida, tuir portavós hosi Casa Azul (rezidénsia prezidensiál sul-koreana) fó sai.

SAPO TL ho Lusa 

Amu Basílio: Husu Misa ba Governu ne’e Inkonstitusionál

Bispu Dioseze Baucau hateten katak membru Governu ka Estadu nia ema ida kuandu husu misa ba Governu ne’e inkonstitusionál tanba iha separasaun entre Estadu no Igreja.

“Ha’u kaer Dr. Rui de Araújo (Primeiru Ministru) nia liafuan ida. Kuandu nia hahú ninia governu, nia husu misa. Ha’u husu ba nia hanesan ne’e, bainó, buat ne’e tuir loloos inkonstitusionál tanba tuir lei iha separasaun entre Igreja no Estadu,” Don Basílio hato’o kestaun ne’e ba sarani sira bainhira prezidi misa ba inagurasaun Igreja Ti’ilou Imaculada da Conceição Viqueque, Sábadu (22/08/2015).

Ema sira estadu nian, tuir nia, labele hatudu sira nia fiar iha públiku. Maibé, Amu dehan, nia (Rui) konfesa katak nia mós katóliku ida.

“Nia dehan hanesan ne’e ba ha’u, Amu, molok sai ema estadu nian, ha’u katóliku ida.  Tanba ne’e, maske iha krítika maibé ami hakarak ami nia governu foun ne’e ho misa ida,” Bispu haktuir.

Bispu Basílio esklarese, timoroan nia partikularidade maka ne’e katak ema kuandu mai Timor, ema hakfodak ho timoroan sira nia fiar ne’e. Dezde hosi primeira figura nasionál to’o sira ne’ebé ki’ik ne’e, Uma Kreda no Maromak sira laiha respeitus umanus , laiha moe, maibé hatudu sira nia fiar ne’e hanesan ema ne’ebé iha konsiénsia kona-ba saida maka sai eskolante kristu nian. (Ekipa Matadalan)

Matadalan

KOMUNIDADE SOBU KONTADOR BEE MOS

Komunidade Comoro (Kampung Baru) Sobu rahun kontador be’e nebe uluk kompanhia sira ba monta hodi hetan be’e tamba ho kontador ne’e halo be’e maran fali.

Liu husi Desijaun DNSA nian nebe komesa haruka kompanhia sira monta kontador be’e nian atu komunidade bele poupa be’e maibe pior liutan mak halo be’e la mai fali.

Komunidade Komoro Adelino dos Santos hateten ami sobu rahun kontador ne’e ho rajaun katak be’e la mai.

“Durante sira mai monta kontador foun ne’e halo be’e la mai fali nedunik ami tenki sobu rahun kontador ne’e hodi hetan fali be’e mos tamba uluk seidauk mai monta kontador, be’e mai hela”, hateten Adelino dos Santos ba JND iha Komoro, Dili, Sabdu (22/08/2015).

Nia dehan parese ke besi kontador nian ne’e as liu nemak be’e la mai, maibe agora ami bele asesu ho diak ona tamba ami sobu ona kontador ne’e.

“Husu ba DNSA atu bele kontrola kompanhia nebe monta kontador hirak ne’e laos mai monta arbiru deit nebe fo impaktu ba ema”, Dehan Adelino.

Sekuandu hanesan ne’e beibeik maka komunidade sira sei sobu hotu kontador nebe imi monta i sei la selu.

“Hau husu ba DNSA atu bele responsabilija no kria mekanismu diak atu nune komunidade hotu bele asesu ba be’e mos maske uitoan tamba durante ne’e komunidade barak mak sei halerik ba be’e mos”, Tenik nia. Ita

Jornal Nacional

Polisia deside aprejentasaun priodika ba autor estraga edifisiu Laga

DILI - Autor nain lima ne’ebé  mak estraga Edifisiu postu Administrasaun Laga Munisipiú Baucau no tuda rahun kareta Polísia  Militar (PM) nian rua inklui Polísia  Nasionál  Timor Leste (PNTL) nian ida oras ne’e hala’o  hela aprejentasaun priodika ba postu Polísia  eskuadra Laga hodi hein prosesu kontinuasaun.

Komandante Eskuadra Laga Duarte Ximenes informa, autor nain lima ne’e depois de investigasaun fila ona ba sira nia uma ida-idak maibe sira kontinua halo aprejentasaun priodika ba postu Polísia  nian hodi hein prosesu ba oin nian.

“Ita hala’o  ona investigasaun ba sira no komandu munisipiu haruka ona sira atu halo aprejentasaun priodikamente mai iha ne’e hodi hein prosesu kontinuasaun ba sira nia kazu,” dehan Duarte via telefone ba Timor Post sabadu (22/08).

Nia hatutan, kona ba sira nain lima ne’e sala ga lae ne’e depois ba iha Tribunal mak foin bele hatene , tanba, Polísia  halo de’it investigasaun no prosesu sira tuir mai ne’e iha ona Ministeriu kompotenti seluk nia liman.

“Ita so halo de’it investigasaun ba sira depois ne’e ita intrega ba nain ba prosesu mak bele halo prosesu kontinuasaun ba autor sira ne’e,” dehan Komandante ne’e.

Autor nain lima ne’e mak  mak halo asaun tuda no harahun kareta estadu nian ne’e iha prosesu lori mateisin mate bian Mauk Moruk ho nia elementu nain tolu ba iha nia knua Laga.

Autor nain lima ne’e mak hanesan João L-7 nia oan mak autor provokator, Juliaõ Inasio, Salustiano Coreia Belo, Domingos Ximenes, no Julio da Costa Ximenes entre nain lima ne’e balun sei relasaun familia ho Matebina Mauk Moruk nian, no sira iha duni intensaun atu harahun kareta ho edifisiu Administrasaun. (Way)

Timor Post

OSAN SOSA RO AMBULANSIA LAKON

DILI - Osan hamutuk $400.000 ne’ebé aprova iha 2012 hodi sosa ró ambulânsia  ba Ministériu Saúde, oras ne’e sai mistériu ba komunidade sira iha postu administrativu Ataúro. Realidade hatudu, ró ambulânsia  durante tinan tolu ona la-utiliza hodi evkaua moras hosi Ataúro  mai Dili.

Administrador postu administrativu Ataúro, Manecas Soares rekoñese, durante tinan tolu ona governu liu-hosi MS abandona ró ambulânsia  ne’ebé a’at kle’ur ona iha Ataúro.

Manecas hatutan, hafoin governu sosa ró ne’e a’at kedas hodi para de’it iha Dili. Hafoin hadi’a, koko ba Ataúro  to’o ne’eba a’at kedas. Hadi’a fali tan, ba fali Dili no fila-fali ba Ataúro  mak a’at iha 2013 to’o ohin loron.

“Durante inkontru barak ha’u hato’o informasaun ne’e ba Ministériu Saúde, maibé laiha resposta to’o agora. Evidensia mak ró ambulânsia  ne’ebé a’at desde tinan 2013 to’o ohin loron seidauk hadi’a iha Ataúro ”, Manecas Soares via telefone ba Timor Post, Kuarta, (19/8). “To’o ohin loron ró ne’e paradu hela iha ne’e. Kuandu pasiente ruma moras grave mak tula fali ho aviaun Mission Aviation Fellowship (MAF) ne’ebé kontrata hosi Austrália”.

Entretantu, entre MS no empreza Samudra Indo Raya oras ne’e husik hela sira nia responsabilidade hodi halo manutensaun ba ró ambulânsia  ne’ebé sosa ho osan estadu hamutuk $400.000 iha mandatu kintu governu konstitusionál.

Tuir informasaun ne’ebé Timor Post asesu, governu liu-hosi MS iha mandatu kintu governu konstitusionál konsege aprova osan hamutuk $400.000 hodi sosa ró ambulânsia  atu fasilita pasiente sira iha rai laran inklui postu administrativu. Osan ne’e aprova iha 2012, maibé foin ezekuta iha 2014. Ataúro  rasik iha ró ambulânsia  rua. Ida halo operasaun de’it ba suku sira iha Ataúro  no ida halo operasaun ba-mai Dili no Ataúro . Ida halo operasaun ba-mai Ataúro  ne’e mak a’at ona.

Ró ambulânsia  ne’ebé sosa hosi Indonézia iha Abril 2013 ne’e iha kapasidade tula pasiente nain rua de’it. Hafoin ró ne’e to’o Timor-Leste, ró ambulânsia  ne’e para kle’ur iha tasi ibun Casa Europeia nia oin.

Depois lansamentu, governu halo kedas uji coba ba ró ne’e ba Ataúro  a’at kedas. Kompañia Samudra Indo Raya hadi’a kedas hodi lori ba Dili no a’at kedas. Depois kompañia hadi’a fali lori ba Ataúro  mós a’at kedas to’o ohin loron la-hadi’a. Nune’e, kompañia nia prazu garansia manutensaun mós hotu ona no MS mós fase liman hodi lakohi halo manutensaun ba ro’o ne’e rasik ho razaun la-klaru.

Ho kestaun ne’e mak Inspetor Jéral Estadu (IJE), Francisco de Carvalho hatete, nia hala’o ona auditoria investigativu ba parte MS nian nomos investiga ona reprezentante ida hosi kompañia Samudra Indo Raya.

“Maibé, ami sei presiza buka tan informasaun, tanba kazu ne’e komplikadu oituan. Informasaun ne’ebé ami hetan hosi ami nia investigadór ne’e mós sei mosu hela kontradisaun. Tanba ne’e mak ami sei buka hodi hatene liu-tan”, Inspetor Francisco ba Timor Post iha nia servisu fatin tasi ibun, Sional-Dili, fulan hirak liu-ba.

Nia hatutan, ró refere governu sosa ho intensaun atu fasilita komunidade Ataúro  ne’ebé presiza atendimentu urjente hodi lori sira mai halo tratamentu iha Hospital Nasionál Guido Valadares, maibé to’o agora ró ambulânsia  ne’e hela de’it ona sasan a’at. Tantu besik tinan ida ona MS dependenti ba ró Polisia Maritima hodi tula moras sira hosi Ataúro  mai.

“Maske prosesu ne’e seidauk remata, maibé ema balun tenki responsabiliza ba ró ne’e, tanba ne’e sosa ho osan bo’ot. Sosa ho osan bo’ot mak kuandu ita la-uza ró ne’e entaun ita estraga de’it osan”, Francisco tenik. (oki)

Timor Post

Kestaun Fronteira Terreste ho Maritima, PM Rui Sei Hasoru PR Jokowi

DILI - Primeiru Ministru (PM) Rui Maria de Araujo sei vizita Indonesia hodi hasoru malu ho Prezidente Republika Indonesia Joko Widodo (Jokowi), hodi deskuti konaba fronteira terreste ho Maritima tamba fronteria nee importante ba nasaun rua.

Tuir Ministru Negosiu Estranjeiru Hernani Coelho katak sira enkontru ona konaba Primeiru Ministru Rui nia vizita ba estanjeiru hanesan Indonesia, Nova Yorke no Cuba. Vizita ba nasaun tolu nee intermus ho delegasaun depois maka hasai lista hodi sira hare.

Iha vizita nee ita sei koalia konba area kopersaun konaba fronteira, justice, ekonomia, eduksaun ho saude, liu-liu Primeiru Ministru hasoru Prezidente Jokowi, sei koalia konaba frontria Treste koalia mos oituan konaba posibelidade ita nia servisu sei lao hamutuk konaba fronteira Maritima nia,” hateten Coelho, ba Jornalista sira hafoin remata enkontru ho Primeiru Ministru Rui Maria de Araujo, iha Palasiu Governu, Segunda (24/08/2015).

Governante nee aumenta tan katak Primiru Mistru remata vizita iha Indonesia, sei vizita mos ba Nova Yorke nee Assembleia Jeral, tamba iha Assembleia Jeral nee tinan-tinan sempre halao rotasaun entre Primeiru Ministru, Prezidente Republika inklui mos Ministru Negosiu Estranjeiru, hodi koalia konba aktividade Nasaun nia .

Iha parte seluk Observador Justisa Felipe Fatima de Sousa katak Governu halao vizita ba estranjeiru hodi koalia konaba edukasaun no saude nee buat normal ida. Informasaun kompletu iha STL Jornal no STL Web, edisaun Tersa (25/8/2015). Joao Anibal

Suara Timor Lorosae

Veteranus Kria Industria, Husu Governu Nia Tulun

DILI - Veteranus husi Rejiaun 4 iha inisiativa boot, kria industria kiik hodi hakiak ikan, halo karpinteiru no loke kios, tamba nee sira hatam proposta Govenu hodi husu tulun finanseiru.

Lia hirak nee hatoo husi Veteranus Riak Leman, ba jornalista sira hafoin remata entrega proposta ba Reprezentante veteranus, iha Palasiu Governu, Segunda (24/08/2015).

Ami veteranus husi Rejiaun 4 iha grupu 4 hatama proposta ba Minstru Agrikultura hodi husu apoiu finanseru, tamba ami veteranus sira nee agora hakiak ikan iha kolam hamutuk 14, kria kalpinteru no loke kios, neduni ami nia propopsta nee atu kanalisa ba Ministru Agrikultura SEPFOPE no ba MCIA,” hateten Riak.

Konaba programa hari grupu nee mai husi Ministru Agrikulturu, tamba nia maka husu ba sira atu hari grupu, husi Ministeru Agrikutura pronto azuda. Tamba nee sira hari programa nee kleur ona antes veteranus sira ba Australia, depois sira ba tiha Australia fila mai Ministru Agrikultura Estanislau da Silva kontinua husu wainhira maka organiza no hatama propota, tamba nee sira realize no halao proposta sira hodi husu apoiu ba sira nia programa.

Iha parte seluk Veteranus Geraldo da Costa hateten sira veteranus agora iha inisiativa diak hodi halao programa ka saida deit hodi hadia povu nia moris. Informasaun kompletu iha STL Jornal no STL Web, edisaun Tersa (25/8/2015). Joao Anibal

Suara Timor Lorosae

17 Setembru TDD Deside Kazu Calisto

DILI - Tribunal Distrital Dili (TDD) sei realiza leitura akordaun ba kazu krime partisipasaun ekonomio ho krime sekuestro neebe involve arguidu Calisto Gonzaga.

Tuir informasaun katak, juis prosesu ba kazu nee sei hatun desizaun ba arguidu Calisto Gonzaga iha loron 17 Setembru oras tuku 11:00 otl. Depois halo tiha desizaun parte husi Ministeriu Publiku sei kontinua halo investigasaun ba suspeitu neebe mak deskonfia involve mos iha kazu nee. Depois tribunal hasai desizaun ba kazu nee la signifika katak kazu nee remata ona maibe parte MP sei kontinua investigasaun hodi halo julgamentu foun maibe hasoru fali suspeitu neebe mak MP atu halo investiga ba.

Antes nee TDD realiza alegasaun final iha loron (27/07/2015) liu ba, nunee Ministeriu Publiku (MP) husu ba tribunal atu aplika pena uniku tinan 10 iha prizaun ba arguidu Calisto Gonzaga ba krime naun partisipasaun no krime sekuestro.

Ministeriu Publiku liu husi prokuradora Angelinha Saldanha deklara katak, produsaun de provadu husi faktus neebe konfirmadu katak arguidu halo detein ba arguidu droga nain lima iha Otel. Arguidu la detein iha fatin neebe legal maibe tau arbiru iha otel. No halo investigasaun ba arguidu nain lima la komunika ba MP neebe hanesan nain ba asaun penal laos ba iha Ministeriu Interior ho defesa.

Tanba nee husu ba tribunal labele apresia depoimentu husi sasin Kay Rala Xanana hodi fo valoriza ba arguidu. Ho ida nee MP husu ba tribunal atu aplika pena kadeia tinan 10 ba arguidu. Pena nee baseia ba krime naun partisipasaun tinan lima no prizaun tinan lima ba krime sekuestro neebe arguidu halo ba arguidu nain lima nee, neebe MP husu alterasaun juridika husi krime abuzu poder nian. Informasaun kompletu iha STL Jornal no STL Web, edisaun Tersa (25/8/2015). Domingas Gomes

Suara Timor Lorosae

Hapara Konflitus No Kria Establidade Iha Rai Laran, Governu Tenke Kria Kampu Traballu

DILI - Atu Garante establidade no hapara konflitus iha rai laran, maka knaar Governu nian tenke loke kampu de traballu ba Timor oan sira neebe maka too oras nee dezempregu.

Tuir Direktur Fundasaun Mahein Nelson Belo katak, argumentu neebe maka uluk uja hodi hasoru inimigu nee argumentu maka barak liu, tamba nee depois ukunan maka lalaok sira nee kontinua nafatin halo influensia too agora, no parte ida maka durante ukunan parte sira nee fahe ona ba iha grupu barak.

Hau hanoin Governu tenke tau matan ba ejijensia barak neebe maka povu iha rai ida nee husu depois de ukunan, buat sira nee Governu seidauk preparadu atu dezenvolve, tan nee ita koalia konaba edukasaun iha rai laran, eskola hotu-hotu produs sarjana barak, maibe servisu laiha tamba nee maka laiha establidade no hamosu konflitus iha rai laran, no ita nunka estuda katak Sarjana sira nee atu orienta ba neebe los,” dehan Nelson ba STL, Segunda (24/08/2015) iha nia knar fatin Fomentu Comoro Dili.

Nia informa liu tan katak, konflitus mosu iha rai laran tamba Nasaun ida nee nakonu ho ema rai liur duke Timor oan rasik, ezemplu ida maka enjeneria ba projetu ruma governu tenke bolu ema hosi rai liur, no timor oan muda tiha ba kotuk, tan nee Governu tenke iha hanoin ida katak oinsa atu kapasita tan timor oan hodi bele kaer rasik nia rai.

Iha parte seluk Vice Prezidente Parlamentu Nasional Aderito Hugo hatutan katak, depois ukunan establidade iha rai laran lao diak, no elisaun mos lao demokratiku tebes no elisaun ba suku, povu mos hili rasik ona ninia ema, tamba nee bele dehan Nasaun nee nakonu ho establidade. Informasaun kompletu iha STL Jornal no STL Web, edisaun Tersa (25/8/2015). Madalena Horta/Lucia Ximenes

Suara Timor Lorosae

Loke Estrada Foun, Taur Partisipa Seremonia Ritual Knua Uabitai

QUELICAI - Seremonia ritual loke Estrada foun husi Aldeia Laumana, Suku Letemumo ba iha Uma Adat Uabitai Postu Administrativu Quelicai Munisipiu Baucau, hetan Partisipasaun husi Prezidente Republika Taur Matan Ruak ho Primeira Dama Isabel Fereira.

Observasaun STL iha Uma Adat Waibitai Prezidente Republika Taur Matan Ruak ho Ninia Komitiva lao oin kuaze minitu sanulu resin tamba Estrada laiha, Iha seremonia ritual lia nain Ria simu Prezidente Republika ho Primeira Dama no komitiva tuir Kultura Uma Adat Uabitani, nebe oho Karau hodi hare Karau ninia aten hatudu sinal diak ba komunidade sira sei loke estrada foun ho susesu.

Liu husi Lia menon Prezidente Republika Taur Matan Ruak durante Seremonia Ritual nebe importante tebes tamba lia nain, Liu Rai hamutuk ho Administrador sira no komunidade husi Letemomu no Haekoni hamutuk iha Uai-Bui-Tai.

Ita husu sira (Beiala-Red) atu bele kontinua tulun ita, reforsa tan lia nain sira atu hamulak sira hodi halo fatuk sira mamar hanesan hudi kain ita ke Estrada tama iha uma Lulik Uai-Bui- Tai,” dehan Taur Domingu (23/08/2015) iha Uma Adat Uabitai.

Taur hatutan, iha tempu sei iha funu laran ema hotu-hotu halibur malu  iha foho Matebain nia tutun, barak fila barak mak hela, maske la hare sira nia isin ona, sira neebe mak mate husu ba Maromak fo fatin ba sira para sira horik  rohan laek.

Iha fatin hanesan Direktur Geral SEPFOPE Jacinto Gusmão hatete bazeia ba proposta komunidade nian nebe mak hatoo husi Xefi Suco sira governu liu husi SEPFOPE simu ona. Informasaun kompletu iha STL Jornal no STL Web, edisaun Tersa (25/8/2015). Timotio Gusmao

Suara Timor Lorosae