TDD Julga Eis-Vise Ministra Finansa Tanba Halo Pagamentu Ba Interese Emilia Pires

DILI, (TATOLI) – Tribunál Distritál Dili (TDD), ohin rona sasin hosi Direitór Nasionál Administrasaun Jerál Ministériu Finansa, Martinho Lopes, relasiona ho kazu akuzasaun ba eis-Vise Ministra Finansa, Santina Cardoso.

Santina Cardoso hetan akuzasaun hosi Ministériu Públiku, tanba aprova osan ho montante $1,900.00 hodi selu publisidade ho kontiúdu komunikadu imprensa ne’ebé públika iha jornál sira, konsidera la’ós interese Estadu.

Nota imprensa hosi eis-Ministra Finansa, Emilia Pires, kontesta publikasaun Tempo Semanal ne’ebé divulga kazu Korupsaun, Koluzaun no Nepotismu (KKN) iha Ministériu Finansa (MF).

Durante audénsia, sasin Martinho Lopes haktuir katak laiha koñesementu ba asuntu ne’e.

“Ha’u la iha koñesimentu, maibé despasu tun hosi leten ha’u haree de’it logo ofisiál hanesan RDTL no ministériu finansa nian depois asina direta, maibé ha’u la lee konteudu hosi karta ne’e”, katak.

Sasin ne’e hatutan publisidade ne’e kuandu públika ona iha jornál sira mak foin haree didiak.

Martinho rekoñese asina duni kustu ba visualizasaun (CPV) maibé kompeténsia aprova ne’e vise-ministra, Santina Cardoso.

Nune’ mós kandidatu ba sasin Eujevio Pereira, jornalista hosi jornál Independente haktuir MF halo pagamentu ba publisidade ne’ebé públika iha Independen liuhosi Banku ANZ ho númeru TPO (Kode Finansa) 14235011.

“Ohin ha’u mai sasin, tanba uluk ha’u mak simu komunikadu hosi mídia officer ministériu finansa, Fernando Ribeiro, hodi distribui ba mídia sira hodi publika”, haktuir ba jornalista sira.

“Ha’u simu karta (komunikadu) ne’e iha Palásiu Governu iha 4 agustu 2014, ha’u rona dehan hetan autorizasaun hosi vise MF, Santina Cardoso”.

Publisidade ne’e públika iha instituisaun mídia haat hanesan Business Timor, Suara Timor Lorosa’e (STL), Timor-Post no Independente.

Eujevio nu’udar sasin ba arguida sei fó ninia desklarasaun iha loron 27 fulan-juñu, tuku 16.00.

Julgamentu ne’e prezide hosi juiz prezidente, Jumiati Freitas, juiz membru Albertinha Neves no António Helder. Ministériu Públiku reprejenta hosi prokuradór, Rogerio Viegas Vicente. Arguida akompaña hosi ninia advogadu Sahe da Silva ho Nuno Marrazes.

Santina Cardoso simu responsabilidade nu’udar membru governu iha fulan-agostu 2012 to’o fevereiru 2015.

Jullu 2014, MP akuza Emilia Pires prátika krime partisipasaun ekonómika iha negósiu ho krime administrasaun danosa, ho númeru prosesu NUC 1212/12.PDDIL.

Bainhira Emilia Pires hetan akuzasaun, nia la konkorda hodi konsidera la loos. Tanba ne’e iha loron 4 fulan-agostu 2014, halo konferénsia imprensa hodi deklara ba mídia hasoru akuzasaun MP.

Momentu hanesan, deklarasaun ne’e públika iha jornál STL, TP no Independente hanesan publisidade.

Iha loron 8 fulan-agustu 2014, jornál Independente públika hikas ho file dokumentu 16.

Iha loron 11 no 17 fulan-agostu 2014 deklarasaun ne’e fó sai iha jornál Business Timor iha parte publisidade, dok.fls.69.

Ho publisidade ne’e, parte jornál sira hatama fatura komersiál (invoice) ba MF, hanesan STL ho montante $700.00, Independen ho montante $300.00 no Business Timor ho montante $600.00.

Ho nota ne’ebé tama ba MF, arguida nu’udar vise-ministra halo autorizasaun hodi prepara CPV tuir invoice sira ne’ebé tama.

Iha loron 12 fulan-agostu 2014, ministériu prepara CPV ba jornál Independen ne’ebé asina hosi Martinho Lopes nu’udar Diretór Administrasaun no Finansa no sertifika hosi Norberto S. Da Costa, nu’udar Diretór Jerál, no iha loron 13 fulan-agostu 2014 autoriza no aprova hosi arguida Santina Cardoso, nu’udar Vise-Ministra Finansa.

Iha loron 14 fulan-agostu 2014, MF prepara CPV ba jornál Busines Timor ne’ebé asina hosi Martinho Lopes nu’udar Diretór Administrasaun no Finansa no sertifika hosi Norberto S. da Costa, iha loron 21 fulan-agostu 2014 autoriza no aprova hosi arguida nu’udar Vise-Ministra.

Iha loron 5 fulan-setembru 2014, MF prepara CPV ba jornál Timor Post ne’ebé asina hosi Martinho Lopes nu’udar Diretór Administrasaun no sertifika hosi Norberto no aprova hosi arguida nu’udar Vise-Ministra.

Bainhira prodús tiha CPV ne’ebé hetan ona autorizasaun no aprovasaun hosi arguida, iha loron 14 fulan-agostu 2014, MF prepara pedidu pagamentu ba jornál Independen ho montante $300.00.

Iha loron 22 fulan-agostu 2014, MF prosesa pedidu pagamentu ba jornál Business Timor ho $600.00, iha loron 9 fulan-setembru 2014, MF prosesa pedidu pagamentu ba jornál Timor Post ho $300.

Iha loron 25 fulan-setembru 2014, MF prosesa pedidu pagamentu ba jornál STL ho $700.00.

Orsamentu ne’ebé arguida autoriza no aprova hodi halo pagamentu ba jornál sira ho montante $1,900.00.

Deklarasaun sira ne’ebé mak Emilia Pires halo iha jornál, MP konsidera la iha interese komum ba MF sá tan ba Estadu RDTL.

Arguida hetan akuzasaun ho kódigu penal artigu 274 (administrasaun danoza) alinea 1) ema ne’ebé, kuandu iha obrigasaun atu fó-destinu ka administra ema-seluk nia interese, servisu ka bem patrimoniál, maski nia mós sosiedade ka pessoa koletiva ne’ebé soi interese, servisu ka bem sira-ne’e nia sósiu, hamosu prejuizu patrimoniál signifikativu ekonomikamente tanba nia viola intensionalmente regra kona-ba kontrole ka jestaun ka aktua ho violasaun grave ba devér kona-ba nia funsaun, sei hetan pena prizaun tinan ida to’o tinan haat.

Alinea 2) bem, interese ka servisu referidu iha númeru anterior Estadu, pesoa koletiva ho utilidade públika, kooperativa ka asosiasaun populár nian karik, ajente sei hetan pena prizaun tinan rua to’o tinan neen.

Alinea 3) pena sira-ne’e sei aplika mós ba ema ne’ebé halo ninian ka husik ema-seluk halo ninian, ilejitimamente, koiza ne’ebé nia bele fó-destinu tuir de’it finalidade ne’ebé ema ne’ebé administra ema-seluk nia patrimóniu tenke tuir.

Artigu 297 (abuzu poder) funsionáriu ne’ebé abuza podér ka viola obrigasaun, ne’ebé mai hosi funsaun ne’ebé nia kaer, atu hetan benefísiu ba nia ka ba ema-seluk ka hamosu prejuizu ba ema-seluk sei hetan pena prizaun tinan 1 to’o tinan 4, kuandu dispozisaun legál seluk la haruka aplika pena todan liu.

Jornalista: Zezito Silva | Editora: Rita Almeida

Imajen: Tribunál Distritál Dili. Foto site tribunais.tl

Membru F-FDTL Retira Hosi Terrenu Eseptu Uatulari

DILI, (TATOLI) – Xefe Estadu Maior FALINTIL-Forsa Defeza Timor-Leste (F-FDTL), Majór Jenerál Lere Anan Timur, hateten membru F-FDTL sira ne’ebé durante ne’e halo seguransa ba kampaña no eleisaun antesipada iha terrenu (munisípiu 13) sei retira iha aban, 31 maiu 2018, eseptu Uatulari (Vikeke) tanba situasaun iha ne’ebá seidauk seguru didi’ak.

“Situasaun iha Uatulari ne’e seidauk estável. Loron ruma ha’u sei to’o iha ne’ebá atu ko’alia ho sira kona-ba estabilidade no pás”, Lere ba jornalista sira iha Palásiu Prezidente Nicolau Lobato, Bairru Pité, kuarta ne’e, hafoin relata situasaun seguransa ba Xefe Estadu, Francisco Guterres Lú Olo.

Lere Anan Timur haktuir oknum balun kontinua ameasa malu iha área ne’ebá (Uatulari) hafoin eleisaun antesipada, maibé ameasa hirak ne’e ho grau ne’ebé ki’ik, lahanesan iha tempu sira ne’ebé liu ona, tanba tinan-tinan sira (Uatulari oan) sempre manán konsiénsia no manán responsabilidade.

“Ita nia maluk barak mate ba funu ida ne’e, ne’e duni ita ne’e maka tenke fó ita nia kontribuisaun ba Nasaun”, katak.

Ulun boot forsa ne’e hatutan tan: “Ohin loron ita bele dehan sira ne’ebé uluk moris di’ak ne’e moris di’ak ba nafatin. Uluk situasaun aat sira di’ak, agora ita atu moris di’ak, sira moris di’ak nafatin”.

Tanba ne’e  Majór Jenerál husu atu hadau moris. Katak, oinsá oan sira bele eskola no moris iha hakmatek nia laran duké sunu malu.

Jornalista: Xisto Freitas | Editora: Rita Almeida

Imajen: Xefe Estadu Maior FALINTIL-Forsa Defeza Timor-Leste (F-FDTL), Majór Jenerál Lere Anan Timur.

Xanana: Justisa Ba Ema Hotu

DILI - Lider istoriku Kay Rala Xanana Gusmao, neebe sai sasin ba kazu balu iha tribunal, apelu ba setor justisa sira atu haree informasaun anonimu, no presiza hatene nia motivasaun.

Sai hanesan testamuna, tanba justisa ba ema hotu, mais husu boot deit katak, ita nia sektor justisa mos konsidera. Tanba kazu ida nee, hau koalia katak, hau halo apelu ba Ministeriu Publiku, ba komisaun anti korupsaun, ba polisia investigasaun kriminal, informasaun husi anonimos lei la permite, informasaun hanesan nee, se bebeik hanesan nee ita nia rain la lao,” dehan lider istoriku nee ba jornalista sira iha Tribunal Distrital Dili Tersa, (29/05/2018).

Nia afirma tan, tuir lolos nee ba justisa iha justisa ninian, ezemplu hanesan ema servisu ho nia, informa ba nia  mak bele informa. Se hasai fali dokumentus estadu nian, entrega ba iha neeba hodi akuza, lei la permite.

Xanana mos apelu ba autores justisa sira, kumpri lei hodi hatudu katak, ita hakarak justisa.  Maibe simu deit denunsia anonimo ida, halo ona buat sira nee, kria povu la fiar, ba justisa. Tanba ita buka hatene motivasaun saida mak, ema ida halo denunsia halo karta anonimo ida, ita la kaer ida nee ho diak, ilegalidade ba informasaun nee, ba informasaun mak prevalese iha lei, lei preve tiha ona.

Iha fatin ketak, akademika UNTL Joao Noronha hateten, sente kontente tanba hare lider ida, bele presta nia deklarasaun iha tribunal.

Tuir observasaun STL nian nota katak, lider istoriku nee, presta nia deklarasaun iha sala julgamentu, asiste husi padre balu, no mos partisipante barak.

Bainhira presta deklarasaun hotu, iha minutu balu nia laran, lider istoriku nee, fila kedan ba nia hela fatin, akompanha ho nia eskoltu sira. 

Notisia kompletu lee iha jornal STL edisaun Kuarta, (30052018)

Terezinha de Deus | Suara Timor Lorosae

Relatóriu: Timor-Leste tenki reforsa protesaun ba feto isin-rua, labarik sira ho traballador informal sira

Reforsu hosi medida sira apoiu nian ba feto isin-rua no infánsia dahuluk, tinan ativu ho traballador sira hosi área informal hanesan reforma "prioritáriu" sira ba sistema hosi protesaun sosial iha Timor-Leste, defende hosi relatóriu ida ne'ebé divulga iha loron-tersa ne'e. 

Preparadu ho apoiu hosi Portugal no Organizasaun Internasional Serbisu nian (OIT), relatóriu aponta mós ba nesesidade hosi reforsu ida ba kapasidade institusional hosi sistema tomak, "iha nível orsamentasaun nian, jestaun, implementasaun, monitorizasaun ho avaliasaun polítika sira nian, nune'e mós oinsá halo aliñamentu ba prioridade polítika sira ho distribuisaun orsamental".

"Fatór sira ne'e hanesan importante hodi nune'e investimentu sira iha protesaun sosial bele reflete iha avansu sira iha dezenvolvimentu ema nian no iha populasaun nia moris di'ak", refere.

Ho títulu "Dezafiu ho Rekomendasaun sira hodi Aumenta Protesaun Sosial ba Ema tomak iha Timor-Leste", dokumentu hakarak identifika dezafiu atual sira ne'ebé maka nasaun hasoru iha área protesaun sosial.

Reforma prioritáriu sira, "tanba nia potensial aas iha termu impaktu nian", inklui "reforsu hosi medida sira hodi apoia dezenvolvimentu hosi Infánsia dahuluk, liuliu iha loron 1000 dahuluk moris nian, hahú iha gravidéz".

Defende mós aumentu ba protesaun ba tinan ativu, "liuliu hosi implementasaun rejimi kontributivu kompletu hosi sistema seguransa sosial nian" no hosi medida sira ne'ebé hadi'a protesaun ba traballador sira hosi área informal".

Dokumentu nota katak maski falta no susar sira, relasionadu liuliu ba falta hosi "estratéjia ida ne'ebé abranjente no kordenadu", sistema hosi protesaun sosial timoroan nian iha ona "baze di'ak ne'ebé, ho rekursu adekuadu sira no desizaun polítika ne'ebé informa ho di'ak, sei produz progresu importante sira ba estabelesimentu hosi Baze sira hosi Protesaun Sosial ba ema tomak iha Timor-Leste" no hodi hetan objetivu nasional ho internasional sira.

"Sei bele halo buat barak hodi hadi'a kapasidade institusional sira hodi jere ho di'ak, entrega, monitoriza ho avalia programa sira hosi protesaun sosial", indika.

"Timor-Leste seidauk iha Baze sira hosi Protesaun Sosial estabelesidu no bele hadi'a hodi garanti atu ema tomak iha asesu ba serbisu importante sira hosi saúde no ba seguransa hosi rendimentu iha faze tomak moris nian", refere hosi estudu.

Iha área saúde, relatóriu haree katak iha problema sira iha oferta, falta rekursu humanu no infraestrutura sira, no mós iha buka, tenki halo "esforsu sira hodi aumenta buka iha serbisu sira saúde nian" no hodi eduka populasaun "kona-ba prátika saudável sira no kona-ba importánsia hosi kuidadu sira saúde nian".

Área sira hosi saúde maternu infantil, hosi resposta ba moras krónika sira no nutrisaun ne'ebé ladi'ak, "karik, problema saúde ne'ebé krítiku liu iha Timor-Leste", hanesan prioritáriu.

Labarik sira ne'ebé seidauk to'o tinan 15, ne'ebé reprezenta besik 40% hosi populasaun nasaun nian, hanesan 55% hosi kiak sira, ho grupu entre tinan 0 to'o tinan lima hanesan sira ne'ebé maka "ladún simu investimentu sira".

Situasaun ida ne'ebé bele, iha parte balun, hetan kompesasaun, ho reforsu ida hosi programa Bolsa Inan nian no hosi Programa Merenda Eskolar.

Kona-ba seguransa hosi rendimentu sira, relatóriu haree katak "grupu balun simu ajuda jenerozu ida, maibé maioria hosi populasaun laiha ka hetan apoiu oituan".

"Maioria hosi programa sira hosi protesaun sosial ne'ebé iha hanoin hodi hatán ba situasaun sira hosi vulnerabilidade espesífiku ka aat tebes, hanesan dezastre natural sira ka violénsia jéneru nian, bainhira programa sira relasionadu ho serbisu oferese kobertura limitadu ida", refere.

Situasaun sei hahú hadi'a ho sistema kontributivu foun hosi seguransa sosial iha nasaun, ne'ebé hahú ona iha 2017, maibé la garanti kobertura ba parte barak hosi traballador sira - área informal empregu ba parte maioria - no sei demora "dékada barak hodi hetan maturidade.

Relatóriu ne'e halo iha ámbitu hosi projetu ACTION-Portugal, ne'ebé selu hosi Gabinete Estratéjia ho Planeamentu hosi Ministériu Traballu, Solidariedade ho Seguransa Sosial Portugal nian no implementa hosi Organizasaun Internasional Traballu nian, no nia objetivu maka reforsa sistema sira protesaun sosial nian hosi Nasaun Afrikanu sira ho Lian Ofisial Portugeza ho Timor-Leste.

Relatóriu halo parte iha Estratéjia Nasional hosi Protesaun Sosial ho rezulta hosi prosesu ida hosi Diálogu Nasional ho Baze iha Avaliasaun (DNBA) ho atór relevante sira hosi Governu, parseiru sosial sira, sosiedade sivil ho ONU, ne'ebé halo iha tinan rua ikus ne'e.

SAPO TL ho Lusa

Ministériu Finansa: Presu iha Timor-Leste aumenta 0,7% iha fulan-Abril

Presu sira iha Timor-Leste aumenta 0,7% iha fulan-Abril ikus ne'e, hafoin aumentu ida hosi 0,2% iha fulan-Marsu, no aumentu ida hosi 2,7% kompara ho fulan-Abril tinan 2017, hatete hosi informasaun ida ne'ebé divulga iha loron-kuarta ne'e.

Bainhira hasai presu hosi habitasaun, ne'ebé tuun 0,5% iha tinan ikus ne'e, inflasaun mensal hanesan aumenta oituan, no 0,8% ho aumentu anual maka 2,6%, haktuir hosi Ministériu Finansa timoroan nian.

Informasaun sira hosi Diresaun Nasional ba Estatístika hosi Ministériu Finansa timoroan hatudu katak folin sira iha fulan-Abril afetadu liuliu tanba aumentu hosi 5,9% iha folin hosi álkol ho tabaku, ho komponente sira seluk hosi kabaz hanesan estável hela.

Iha relasaun ho prazu anual hanesan, aumentu maka'as liu ne'ebé rejista maka iha edukasaun (liu 16,6%), tuir álkol ho tabaku (liu 9,2%), transporte ho hahán no hemun sira ne'ebé la'ós álkol (liu 2,1%) no habitasaun (liu 1,3%).

Diminuisaun anual maka'as liu maka akontese iha rekreasaun ho kultura, ho diminuisaun ida hosi 1,3% iha presu sira.

SAPO TL ho Lusa

Grupu portugués hein inaugura prédiu foun eskritóriu sira nian iha Díli iha 2021

Prédiu dahuluk hosi sentru foun ba negósiu ho finansa iha Díli, hosi grupu portugés CFT, sei hotu iha tinan 2021, konklui projetu ida dolar millaun 24, refere hosi empreza promotora iha loron-kuarta ne'e.

Fatuk dahuluk hosi projetu ne'e lansa iha fulan-Dezembru 2013, iha momentu ne'ebá ho kalendáriu konkluzaun nian entre fulan 28 ho fulan 34, ne'ebé ultrapasa tiha ona.

António Couto, responsável ida hosi empreza, esplika ona ba Lusa katak Business One, prédiu ida hosi prédiu haat hosi sentru negósiu foun, sei iha área total ida konstrusaun nian ho kuaze rihun 15 metru kuadradu ho andar 15, ne'ebé sei iha lima ba estasionamentu.

Iha deklarasaun sira ba Lusa, António Couto esplika ona katak projetu hetan atrazu sira tanba, barak liu, susar sira hodi lori ekipamentu importante sira ba nasaun laran ba fundasaun sira ne'ebé hanoin antes, no nune'e presiza reformula projetu. Agora hotu ona "ai-laran mikroestaka ida" ne'ebé sei suporta edifísiu tomak.

Projetu halo parte iha Akordu Espesial hosi Investimentu ne'ebé asina hosi Governu timoroan iha tinan 2012, no António Couto hatete katak empreza invete, to'o agora, "dolar millaun 30 resin" iha konjuntu hosi empreza sira ho projetu sira.

António Couto refere katak "kumpri no respeita hela planu sira hosi akordu" no hato'o detalle ba aspetu sira investimentu nian ne'ebé grupu hala'o iha tinan 18 ikus ne'e iha Timor-Leste.

Nia esplika katak, iha konkretu, empreza CFT kaer filial ida iha Díli, ENSUL MECI - Jestaun hosi Projetu sira no Enjeñaria, ne'ebé asina ona akordu ho Estadu no ne'ebé, iha parte seluk, hanesan asionista fundadora hosi empreza timoroan sira Ensul Engenharia, Central - Sociedade Comercial no hosi Entreposto Comercial de Timor.

Grupu kria ona marka oioin iha nasaun inklui espasu komersial prinsipal iha sentru sidade, Dili Square, ne'ebé funsiona mós supermerkadu ida ho produtu rihun lima resin ne'ebé kuaze importa tomak hosi Portugal.

Iha nia sorin iha mós stand karreta prinsipal ida iha Díli, Entreposto, reprezentante hosi marka Ford.

"Ohin, grupu hosi empreza sira ne'ebé iha períudu tomak, aat ka di'ak, fiar nafatin iha nasaun ne'e, hanesan grupu emprezarial timoroan boot ida ne'ebé halo hosi ema rai na'in rasik", refere hosi nota grupu nian.

SAPO TL ho Lusa

Presidente timorense ouve partidos sobre formação do Governo na segunda-feira

Díli, 31 mai - O Presidente timorense anunciou hoje ter convocado para segunda-feira reuniões com os partidos e coligações que elegeram deputados nas legislativas de 12 de maio, informou a Presidência.

De acordo com um comunicado, divulgado na rede social Facebook, os encontros vão servir "para felicitar os partidos e coligações partidárias pelos resultados" obtidos nas eleições e para "ouvir cada partido sobre a formação do VIII Governo constitucional".

Segundo o calendário da Presidência, Francisco Guterres Lu-Olo recebe às 09:00 (01:00 em Lisboa) a força política mais votada, a Aliança de Mudança para o Progresso (AMP), e logo depois a Frente Revolucionária do Timor-Leste Independente (Fretilin), segundo partido mais votado nas legislativas de 12 de maio.

À tarde, estão previstos encontros com o Partido Democrático (PD) e com a Frente de Desenvolvimento Democrático (FDD).

A AMP integra o Congresso Nacional de Reconstrução Timorense (CNRT), o Partido Libertação Popular (PLP) e o Kmanek Haburas Unidade Nacional Timor Oan (KHUNTO).

A tomada de posse do novo Parlamento deverá ocorrer já na próxima semana e a do Governo na semana seguinte.

ASP // EJ

Guiné Equatorial quer Marcelo Rebelo de Sousa nos 50 anos da independência

Lisboa, 30 mai (Lusa) -- O Presidente da Guiné Equatorial, Teodoro Obiang Nguema, vai convidar o chefe de Estado português, Marcelo Rebelo de Sousa, para participar nas celebrações do 50.º aniversário daquele país, em outubro próximo, disse hoje à Lusa fonte diplomática.

Esta foi uma das mensagens transmitidas às autoridades portuguesas pelo ministro dos Negócios Estrangeiros equato-guineense, Simeón Angüé, que realizou no início desta semana a sua primeira visita a Portugal, na qualidade de "enviado especial" de Obiang.

No encontro realizado esta terça-feira, no Palácio das Necessidades, com o ministro dos Negócios Estrangeiros português, Augusto Santos Silva, o governante da Guiné Equatorial transmitiu um "convite informal", indicando que o Presidente Obiang "vai enviar um convite a Marcelo Rebelo de Sousa para estar na celebração", disse a mesma fonte.

A reunião entre os dois governantes realizou-se a pedido de Simeón Angüé e decorreu à porta fechada, não tendo havido declarações à imprensa no final, ao contrário do que ocorre habitualmente quando Augusto Santos Silva recebe um homólogo no Palácio das Necessidades.

Horas mais tarde, o chefe da diplomacia portuguesa classificou, em declarações aos jornalistas, a reunião como "produtiva e positiva".

No encontro, Simeón Angüé entregou a Santos Silva uma carta dirigida a Marcelo Rebelo de Sousa e que as autoridades equato-guineenses querem fazer chegar aos chefes de Estado de todos os países da Comunidade dos Países de Língua Portuguesa (CPLP) antes da próxima cimeira da organização, que decorrerá a 17 e 18 de julho, na ilha do Sal, em Cabo Verde.

Na carta, o Governo da Guiné Equatorial descreve os passos que tem dado "com vista à sua plena integração" na CPLP, desde julho de 2014, e dá conta da situação interna do país.

Com esta iniciativa, a Guiné Equatorial procura preparar terreno para se oferecer para assumir a presidência da CPLP em 2020, sucedendo a Cabo Verde, que terá um mandato de dois anos a partir da conferência de chefes de Estado e de Governo de julho próximo.

O Presidente de Cabo Verde, Jorge Carlos Fonseca, foi o primeiro chefe de Estado lusófono a receber esta missiva, que já foi entregue também em Angola e Moçambique.

A diplomacia da Guiné Equatorial espera visitar São Tomé e Príncipe e Guiné-Bissau em meados de junho, seguindo-se Timor-Leste no final do próximo mês. Do Brasil, aguarda indicação de data.

Segundo a mesma fonte, que está a acompanhar esta campanha diplomática, as autoridades portuguesas mostraram reticências, apontando a falta de preparação de Malabo para esta tarefa, que pressupõe a organização de várias reuniões setoriais, nomeadamente pelo facto de os governantes equato-guineenses terem dificuldade em falar português.

A Guiné Equatorial aderiu à CPLP em 2014 mediante um roteiro de adesão, que previa a ratificação dos estatutos da organização -- o que viria a ocorrer em 2016 -, a introdução da língua portuguesa nesta antiga colónia espanhola e a abolição da pena de morte -- que ainda não foi feita.

Malabo tornou-se um país independente a 12 de outubro de 1968.

A Guiné Equatorial, país com cerca de um milhão de habitantes, é dirigida desde agosto de 1979 por Teodoro Obiang Nguema Mbasogo, que detém o recorde de longevidade no poder em África.

Teodoro Obiang foi reeleito em 2016 com mais de 90% dos votos para um quinto mandato de sete anos.

O Governo da Guiné Equatorial é acusado por várias organizações da sociedade civil de constantes violações dos direitos humanos e perseguição a políticos da oposição.

JH // VM

Jokowi Konvida Prezidente Lú Olo Vizita Indonézia

DILI, (TATOLI) – Embaixadór Repúblika Indonézia ba Timor-Leste, Sahat Sitorus, hasoru Prezidente Repúblika, Francisco Guterres Lú Olo, hodi entrega karta konvite hosi Prezidente Repúblika Indonézia, Joko Widodo (Jokowi).

“Ha’u kontente tebes hasoru Prezidente Repúblika hodi hato’o karta konvite hosi Prezidente Repúblika Indonézia, Joko Widodo, hodi hala’o vizita Estadu ba Indonézia, fulan oin (juñu)”, Sitorus ba jornalista sira iha Palásiu Prezidente Nicolau Lobato, Bairru Pité, tersa ne’e.

Enkontru ne’e Sitorus haktuir toka asuntu importante sira ne’ebé maka sei ko’alia entre Prezidente Repúblika ho ministru sira iha Jakarta, liuliu oinsá hametin liután amizade entre nasaun rua.

“Ita sei ko’alia formatu kooperasaun ne’ebé maka atu hala’o ba oin sai di’ak liután, tanba rai rua hanesan maun-alin maske diferensa istória no prefere hakat ba oin liuhusi koperasaun ne’ebé di’ak liu”, tenik Sitorus.

Ba kestaun ne’e Prezidente Repúblika, Francisco Guterres Lú Olo, orgullu tanba hafoin simu pose iha 20 maiu 2017, Prezidente Indonézia Jokowi pesoalmente hato’o konvite ba Xefe Estadu Timor-Leste via-telefone, hodi hala’o vizita Estadu ba Indonézia, maibé tanba iha tempu ne’ebá mosu impase polítika entaun la konsege.

Jornalista: Xisto Freitas | Editora: Rita Almeida

Imajen: Embaixadór Repúblika Indonézia ba Timor Leste, Sahat Sitorus, hala’o enkontru ho Prezidente Repúblika, Francisco Guterres Lú Olo no aumezmu tempu entrega karta konvite hosi Prezidente Repúblika Indonézia, Jokowi, ba Lú Olo atu hala’o vizita traballu ba Indonézia. Imajen Mídia PR.

Governu Foun Presiza Fó Atensaun Ba Área Turizmu Neen

DILI, (TATOLI) – Ministru Turizmu, Manuel Vong, sujere ba governu foun atu toma atensaun ba área potensiál sira hanesan turizmu relijiozu, kultura, istóriku, ekolójiku, desportu no konvensaun ho konferénsia sira.

“Ita iha potensiál turístika ida boot, tanba ne’e presiza institusionaliza turizmu, hametin regulamentu, proteze interese komunidade, traballadór no investidór sira, hari autoridade nasionál turizmu para jere indústria turizmu no seluk tan”, hateten ministru bainhira akompaña hosi vise-ministru,  Rui Menezes, hodi agredese ba Primeiru-Ministru, Marí Alkatiri, iha Palásiu Governu, ohin.

Tuir Planu Estratéjiku Dezenvolvimentu Nasionál (PEDN) 2011 to’o 2030  bele atrai turista estranjeiru vizita TL hosi  rihun 200 to’o 500.

“Ministru foun bele prepara kondisaun nomos  operadores turístiku, liliu emprendores turístiku Timor-Leste nian atu prepara-án”, hatutan.

Manuel Vong hatutan tan atu atinje objetivu ne’e presiza kria kondisaun infraestutura bázika, aeroportu, portu, estrada, ponte, ospitalidade, ótel no seluktán.

Tuir nia, alende PEDN ba sétor turizmu 2011 to’o 2030, Governu dahituk liuhosi Ministériu Turizmu prodús ona manuál polítika dezenvolvimentu sustentavel setór turizmu 2017 to’o 2030 hodi rai ba Governu foun.

Governante esplika durante ukun fulan ualu, ministériu konsege kria sentru informasaun turístika, programa vizita Timor-Leste 2030, koperativa turistika komunitária iha Zona Espesiál.

“Loroloron ema estranjeiru sira sempre vizita sentru informasaun turizmu hodi husu informasaun, liliu pontensiál turizmu, destinasaun turístika tan brosura iha ne’eba hotu ona”, realsa.

Ministru mós hatutan presiza kria ajénsia viajen hodi fasilita turista sira bainhira vizita rai laran.

Jornalista: Agapito dos Santos | Editora: Rita Almeida

Imajen: Ministru Turizmu (MT), Manuel Vong. Foto Tatoli/Egas Cristovao.