Pemilu bukan untuk memilih yang terbaik tapi untuk mencegah yang terburuk berkuasa

(Refere ba prosesu ukun iha Nasaun Demokrátiku)

Abel Amaral*, opiniaun

Iha Nasaun Demokrátiku ne’ebé deit atu forma ukun tenke liu husi dalan eleisaun. Tanba iha Nasaun Demokratiku hotu-hotu ukun mai husi povu. Hanesan mos Timor Leste, dadaun ne’e, ita hakat liu ona eleisaun rua maka eleisaun ba leader komunitaria sira no eleisaun prezidensial. Hanesan ema Timor Oan sente orgullu tanba iha eleisaun rua ne’e bele dehan suksesu boot ba ita hotu tanba ita Timor-Oan rasik maka derije ita nia festa demokrasia ne’e.

Atu liga oituan ba pratika, eleisaun ne’e laseluk no la-let atu hili ema ruma atu kaer ukun hodi ukun rai no ukun povu. Koaze nasaun demokratiku ne’ebé deit, Sistema demokrasia ne’e diak liu ona Sistema sira seluk tanba laiha ukun nain ida maka kaer ukun ho rohan laek, hatur iha konstitusaun RDTL art.64 hateten :ema ida labele kaer kargu poltiku ida iha moris tomak, eh laiha rohan”. no laiha ukun nain ida maka hala’o ukun tuir ninia hakarak no ida ne’e mos hakerek iha konstitusaun RDTL art.2.Nu.1-2 hateten “Soberanu hatur metin iha povu, ne’ebé hala’o soberania ne’e tuir Lei inan haruka no Estadu hakruk ba Lei inan no lei oan sira”.

Ita kolia kona-bá demokrasia ita labele hanoin diak hela deit maibe demokrasia ne’e mos iha nia vantajem no iha mos nia desvantajem. Ninia vantajem maka ukun nain sira ne’e ita povu maka hili hodi kaer ukun rai no ukun ita povu, maibe ninia desvantajem maka dala ruma ema hirak ne’ebé ita hili tanba sira matenek ka tanba sira nia promesa mesak gaul-gaul deit, depois de kaer ukun, sira nia ukun latuir ita povu nia mehi. Tanba ne’e maka iha eleisaun, karik atu hili ema ruma ka hili partidu ruma atu ukun rai no ukun ita povu, la’os ita hili tanba sira nia promesa ba ita ka tanba sira nia matenek deit maibe ita hili sira para sira bele ukun diak liu ida ne’ebé kaer ukun tiha ona. Tanba iha nasaun demokratiku, ukun nain sira kaer ukun ho nia tempu. Nune’e, ita povu maka sai metre/mestra ba ukun nain sira nia ukun durante periodu ne’ebé ukun nain sira kaer ukun. Tanba hau konsidera eleisaun la/os deit it aba hili se maka atu kaer ukun maibe eleisaun mos hanesan exame/test ida ba lider sira hotu tantu sira ne’ebé maka kaer ukun tiha ona ka sira ne’ebé maka atu kaer ukun.

Tribunál Absolve Jornalista Oki-Lorenço

DILI, (TATOLI) - Tribunál Munisipiu Dili liuhosi julgamentu, ne’ebé prezide hosi juis singular Patrocinio Antonino, iha Kinta, (01/06) diside absolve Jornalista Raimundo Oki ho Lorenço Vicenti Martins hasoru eis asessor Ministériu Finansas, Rui Maria de Araújo (atuál Primeiru Ministru) tanba konsidera akuzasaun Ministériu públiku la priense elemento krime.

Juis Patrocinio Antonino deklara, hafoin estuda kazu, Tribunál prova katak, Lorenço Vicenti Martins nu’udar diretór Jornal Timor-Post (momentu públikasaun) no Raimundo Oki, nu’udar Jornalista Timor-Post, iha kazu públikasaun notisia Timor Post ne’ebé konsidera erru hatudu katak iha duni tentativa hodi konfirma no prova katak Timor-Post halo koresaun.

Enkuanto akuzasaun Ministériu públiko (MP) inklui lezado Rui Maria de Araújo la aprejenta faktus sufisiente hodi kondena Raimundo Oki ho Lorenço Martins ho krime dinunsia calunioza, artigo 285 Codigu Penal ne’ebé hatete arguido sira halo dinunsia ho konsensia no nia aplikasaun ba kastigo tinan rua ou multa.

Konsellu Imprensa Apresia Desizaun Tribunál ba Kazu Denunzia Kalunioza

DILI, (TATOLI) – Membru Konsellu Imprensa, Hugo Fernandes apresia ba desizaun ne’ebé Tribunál Distritál Dili fó sai ohin, hodi absolve (livre hosi akuzasaun) ba kazu denunzia kalunioza ne’ebé komete hosi jornalista Raimundo Oki ho ninia eis diretór jornál diáriu Timor Post, Lorenço Martins hasoru eis asesór Ministériu Finansa, Rui Maria de Araújo.

“Konsellu Imprensa desde ínisiu fiar katak lei Komunikasaun Sosiál ne’ebé vigora tenke tama teste ida, kazu ne’e tama ona ba teste e ita kontente tanba autór judisiariu sira komprende no aplika didiak  lei komunikasaun sosiál”, dehan Hugo Fernandes ba jornalista sira, ohin iha Tribunál Distritál Dili.

Kazu ne’e akontese bainhira jornalista Raimundo Oki hakerek notísia ho tittlu “Deskonfia eis asesór MF “fó projetu” ba kompañia Indonézia” ne’ebé públika iha loron 10 novembru 2015, pajina 14.

Hosi publikasaun ne’e, parte redasaun rekoñese mosu erru e halo koresaun no husu diskulpa ba lezadu, atuál Primeiru Ministru.

Ekipa Redasaun

Foto: Situasaun depois julgamentu ba kazu Raimundo Oki, ohin iha Tribunál Distritál Dili. Foto Tatoli

Estadu iha Dever Proteje Direitu Labarik

DILI, (TATOLI) – Labarik husi tinan 16 mai kraik iha direitu atu hetan protesaun husi Estadu tuir konvensaun internasionál nasoen unida ba direitu labarik ne’ebé Timor-Leste ratifika iha 2003.

Primeiru Ministru, Rui Maria de Araújo hato’o polítika Estadu ne’e durante komemorasaun loron internasionál ba labarik ne’ebé selebra iha Palásiu Prezidensiál Bairo-Pite Dili, kinta (1/6).

ʺNu’udar ami nia dever hanesan orgaun Estadu nian nomos hanesan sidadaun atu rekoñese, respeita, no proteje imi nia direitu no promove imi nia dignidade no krezimentu iha ambiente ne’ebé saudável atu imi bele atinje imi nia potensialidade tomakʺ, dehan.

Tinan 13 ona Estadu ratifika konvensaun nasoen unida ba diretu labarik ne’ebé ONU adopta  iha 1989, tanba ne’e ita mós iha ona planu asaun nasionál ba labarik.

ʺIta mós adopta no implementa juridiku lubuk ida ne’ebé ajuda hadi’a no hametin liutan protesaun ba diretu labarik ne’ebé kontempla ona iha konvensaun ne’eʺ, tenik.

Tribunal de Díli absolve jornalistas de denúncia caluniosa por artigo sobre primeiro-ministro

Díli, 01 jun (Lusa) - Dois jornalistas timorenses foram hoje absolvidos pelo Tribunal de Díli do crime de "denúncia caluniosa" de que foram acusados por um artigo publicado em 2015 que visava o atual primeiro-ministro.

O juiz, Ivan José Antonino, considerou que o jornalista Raimundos Oki e o seu editor Lourenço Martins publicaram atempadamente o seu direito de resposta e que não ficou provado, como pedia a procuradoria, que ambos tinham consciência da falsidade do artigo em causa.

"Aprendam com este caso a ter mais cuidado com o que publicam", disse o juiz, depois da leitura da sentença, que foi recebida com aplausos no Tribunal de Díli.

Oki disse estar "muito contente" com a decisão do juiz, reafirmando que o magistrado considerou "não haver suficientes provas de que havia intenção de difamar o primeiro-ministro", Rui Maria de Araújo.

IHA OIN HANESAN ATAN IHA KOTUK HANESAN LIURAI!

Ramos Luís | opinião

Motto ba mau tabele sira iha governo no parlamento sira.

Iha timor ema hotu tau camisa partido bot sira nian no hakilar dehan sira FRETILIN no CNRT!!!

Hau nia visaun mak ne,maioria iha governo tama partido laos tamba sira iha comprimisso ruma lae!!! Maibe sira tama tamba iha intensaun atu hariku an! No sira tama ho cara ida,sai ATAN  ba figura, bot partido nian!!! No sira matenek tamba sira bele halo sira nia an hanesan atan ba lider sira hanesan maun XG no MA para bele hetan fatin no projecto no sira iha kotuk moris hanesan liurai no sira hamnasa tiha quando ema hotu protesta ba lider historico rua ne no sira lia lakona!!

Afinal sira mak atan ou lider sira nebe defende no taka sira nia sala mak EASY liu ema sira ne atu UZA.

Triste liu tan ema sira ne manipula sira nia familia para insulta lider sira nebe mos no hanoin diak atu hadia povu nia moris, hanesan exemplo,familia deputado sira labarik kik sira halo comentarios iha Medsos trata ita nia Ex-presidenti TMR, labarik sira ne barak iha indonesia,claro imi nian in an aman lahalo buat ida,simu osan bot tur iha AC laran kosar lasai simu osan selu imi ba escola imi tem que trata tamba se lae imi mos hotu ona! Tamba maioria uluk deputado desculpa mas mesak ema laiha capacidade,balu mestra iha igreja sai deputado,balu fan kios sai deputado ne oinsa?

Selebra Loron Mundial Labarik, Lu-Olo Enkorasa Governu fo Prioridade Labarik

DILI – Komorasaun loron mundial ba labarik neebe maka monu loron 1 Junnu, iha palasiu presidensial rasik loke ho lansamentu planu asaun nasional direitu labarik ba tinan 2016-2020, neebe maka lansa husi Primeiru Ministru Rui Maria de Araujo.

Iha selebrasaun loron mundial ba labarik neebe halao iha Palasiu Prezidensial, Aitarak Laran, Presidente Republika Francisco Guterres Lu-Olo ho nia espoza Cidalia Guterres inklui PM Rui ho nia espoza hakat husi palasiu Presidente, simu husi labarik eskola infantil ho drum band.

Tema ba loron mundiaal labarik tinan nee maka Investe ba labarik sira nia future, hametin komprimisiu politiku ba implementasaun asaun nasuinal ba labarik sira 2016- 2020.

Iha deskursu Presidente Republika Francisco Guterres Lu-Olo dehan loron mundial ba labarik katak, durante iha nia mandatu sei enkoraza governu hodi tau atensaun ba labaruk sira.

"Hau sei enkoraza governu hodi nunee tau atensaun ba labarik sira nunee mos husu hau nian parte rasik mos sei fo atensaun makas planu asaun nasional ba direitu ba labarik sira neebe maka ohin ita lansa ona,” dehan PR Lu-Olo liu husi deskursu iha selebrasaun loron mundial ba labarik, neebe maka halao iha palasiu Presidensial Bairo Pite Kinta (1/6/2016).

Nia parte hatoo apoiu ba promove programa nasional poupansa neebe maka banku sentral Timor-Leste hahu tiha ona iha 2014. Xefe estadu nee mos enkoraza inan aman sira, hodi hanorin oan sira, nomos oinsa maka investe ba oan sira nian futuru.

Iha fatin hanesan Primeiru Munistru Rui Maria de Araujo liu husi deskusu hateten labarik maka futuru ba nasaun, tanba nee presiza fo protesaun ba sira. Natalino T.da Costa

Suara Timor Lorosae

Liberta Povu, Partidu Labele Inimigu Malu

DILI – Prinsipiu luta libertasaun povu Timor Leste nian mak liberta patria no liberta povu. Ohin loron tama ba faze segundu mak libertasaun povu tanba nee, partidu politiku sira labele sai inimigu ba malu.

Tuir Sekretariu Jeral CNJTL, Luis Mendes Ribeiro katak, partidu politik sai instrumentu ukun nian, tanba nee labele sai inimigu ba malu, maibe inimigu mak kiak no beik.

Libertasaun povu laos partidu ho partidu inimigu ba malu, maibe libertasaun povu nee, ita nia inimigu mak kiak no beik,” dehan Luis ba STL iha nia knar fatin Farol-Dili, Kinta (01/06/2017).

Luis haktuir, partidu labele sai inimigu ba malu signifika partidu ida labele haree partidu seluk ladiak, maibe partidu sira presiza haree malu ho diak atu nunee ida ba ukun karik, objetivu atu hadia moris diak povu nian.

Iha fatin ketak, Deputadu Bankada PD, Paulino Monteiro dehan, partidu politiku hotu bele kompete malu iha eleisaun parlamentar, maibe sira mos tenke iha responsabilidade garante paz no estabilidade. Raimundo S. Fraga

Suara Timor Lorosae

Estadu TL Seidauk Promove Direitus Humanus Diak

DILI – Durante workshop loron rua neebe mak halao husi Organizasaun Naun Governamental Timor Leste, hanesan Asosiasaun HAK, Judicial System Monitoring Programme (JSMP) hamutuk ho Forum Asia, loron ikus hamosu konkluzaun ida katak too oras nee, estadu seidauk promove direitus umanus diak.

Tuir Diretor Asosiasaun HAK, Manuel Monteiro katak, hanesan sosiedade sivil Timor Leste sente triste tebes, tanba durante ukun-an tinan 15 ona maibe direitus umanus seidauk lao diak.

Preukupasaun Sosiedade Sívil nian ba situasaun direitus umanus neebe lao durante restaurasaun independensia tinan 15 nia laran sei dauk lao ho diak,” dehan Monteiro liu husi diskusaun neebe halao iha salaun HAK, Farol-Dili, Kuarta (31/05/2017).

Monteiro haktuir, Situasaun nee, sei hodi efeitu ba hamonu sistema Estadu de Direitu no Demokratiku ba sistema Estadu oligarkia no sistema Estadu Kleptokrasia.

Monteiro afirma, problema sira direitus umanus iha Timor Leste mak direitu sivil no politika mak hanesan Intervensaun Politika ba Seitor Judisiariu makas tebes. Ita bele haree husi ezemplu kazu Emilia Pires, Maternus Bere.

Iha fatin ketak, Observador Politika-UNDIL, Francisco Mausoro dehan, durante Timor leste ukun-an too ohin loron estadu seidauk promove diak asuntu direitus umanus iha Timor Leste. Raimundo S. Fraga

Suara Timor Lorosae

Bankada Fretilin Laaseita Kria Suku Foin

DILI - Parlamentu Nasional (PN) liu husi Bankada Fretilin laaseita politika governu hodi kria suku foun, tanba agora dadaun besik eleisaun parlamentar mak foin halao, tuir los nee laos tempu agora maibe hein tempu seluk mak bele kria suku foun.

Kestaun nee hatoo husi Deputadu Aurelio Freitas  husi  Bankada Fretilin hatete,  bankada Fretilin uluk kedas halo konferensia impresa laaseita, ida nee razaun tanba seidauk aloka osan atu hodi kria suku foun sira, depois haree ba tempu besik ona eleisaun parlamentar mak foin  kria fali suku foin, ida nee labele tanba  komunidade sira  tenke muda hotu sira nia eleitoral.

Haree ba kestaun tempu agora dadaun labiban ona ba ema atu ba muda kartaun eleitoral, ida nee sei fo impaktu ba rezultadu Elpar nian mai, i numeru votantes sei menus,” katak Deputadu Aurelio ba jornalista iha Parlamentu Nasional Kinta (01/06/2017).

Agora iha ona prosesu atu halo desentralizasaun, nusa mak governu laenrtega poder  nee ba munisipiu sira depois estuda situasaun real haree ba luan suku sira depois mak. Tanba nee mak sira laasesita ho tempu ida agora atu kria suku, foin tuir los hein tempu seluk mak bele kria suku foun.

Iha fatin hanesan, Deputadu Paulo Moniz husi Komisaun A hatete, kona ba governu kria suku foun nee, iha lei hatete katak governu liu husi Statal iha kompetensia atu haree fatin neebe mak luan hodi kria fali suku foun no aldeia foun bele, maibe ho tempu agora mak governu halo fali nia politika ida nee mos ladun diak tanba agora nee atu tama ona ba eleisaun parlamentar. Guilhermina Franco / Jacinta Sequeira

Suara Timor Lorosae

Estrada sai dezafiu bo’ot ba Infra-estrutura seluk

DILI - Maske dezenvolvimentu Timor-Leste (TL) komesa laó ona, maibe sei iha problema balun hanesan estrada hodi fo impaktu ba dezenvolvimentu sira seluk. Tuir Sosiadade Sivil hanesan Luta Hamutuk (LH), José Alves da Costa nia konaba dezenvolvimentu iha governasaun ida ne’e iha ona mudansa hanesan liña eletrisidade no balun sei marka pasu hanesan estrada, tan ne’e mak fo impaktu ba infra-strutura seluk.

“Durante ne’e ita hare iha progresu ne’ebé diak mak infrastrutura hanesan liña eletrisidade oras ne’e laó diak tebes no komunidade barak kuaze 90% hetan ona naroman tantu husi munisipiu, postu administrative inklui suku balun,” dehan director Luta Hamutuk ne’e ba BT iha nia knar fatin, Farol Dili, foin lalais ne’e. Maske nune’e, nia esplika katak iha suku no aldeia balun oras ne’e seidauk asesu ba lina eletrisidade ho presentajen 10% kompara dezenvolviemntu Timor-Leste ho nasaun seluk.

“Iha mos setor infrastrutura seluk hanesan irigasaun, tempu ikus-ikus ne’e komesa la’o ona hanesan iha munisipiu Maliana, Manatuto, no Natarbora inklui mos iha fatin seluk komesa la’odiak ,” nia dehan. Alende ne’e iha mos infra-strutura seluk ne’ebé oras ne’e sei marka pasu hanesan estrada oras ne’e sei taiha mudansa, tanba la integradu ho sistema fornesementu eletrisidade, ida ne’e mak sai afeita ba setor infra-estrutura seluk.

Prezidente Repúblika Sei Fó Desizaun Finál Ba Lei Rai

DILI, (TATOLI) – Prezidente Repúblika, Francisco Guterres Lú-Olo sei fó desizaun finál (promulga) ba rejime espesiál Terras no Propriedades ou Bens Imóveis.

Lei Terras no Propriedades ne’e importante tebes ba nesesidade povu no Nasaun. Konfirmadu ona katak lei refere la-kontra Lei Inan tuir rezultadu fiskalizasaun preventiva hosi Tribunál Rekursu.

“Prezidenti anterior haruka Lei Rai ba Tribunál Rekursu atu halo fiskalizasaun preventiva, maibé Tribunál Rekursu anúnsiu katak laiha violasaun ruma ba iha Konstituisaun. Tan ne’e, Prezidente atuál kontinua halo korespondénsia ba Lei ida ne’e para halo desizaun finál”, Prezidente Parlamentu Nasionál, Aderito Hugo da Costa ba jornalista sira iha Palásiu Prezidénsia Repúblika, Bairu-Pité, Kuarta ne’e, hafoin enkontru ho Xefe Estadu.

Enkontru ne’e, alende aprezenta progresu rejime espesiál, xefe órgaun lejislativu mós ko’alia kona-ba preparasaun kampaña no eleisaun parlamentár ne’ebé besik daudaun ona.

Jornalista: Xisto Freitas | Editora: Rita Almeida

Foto: Prezidente Repúblika, Francisco Guterres Lú-Olo simu vizita husi Prezidente Parlamentu Nasional, Adérito Hugo da Costa iha Palásiu Prezidensiál Bairo-Pite Dili hodi informa serbisu parlamentu, progresu Lei ba Rai no preparasaun ba eleisaun parlamentár. mídia PR

PPN Aderito Husu Reforsa Protesaun Direitu Labarik

DILI (TATOLI)—Prezidenti Parlamentu Nasionál, Aderito Hugo da Costa husu ba ema hotu-hotu atu kontinua reforsa governu nia polítika ba Protesaun Direitu Labarik iha Timor.

Tuir reprezentante povu iha Parlamentu Nasionál katak labarik sira nia direitu prinsipál maka eskola tanba labarik sira nu´udar rekursu ida atu bele garante nasaun  ida ne´e nia ezisténsia ba tempu ne´ebé laiha limitasaun.

“Iha Parlamentu Nasionál agora, ami iha Proposta Lei Labarik ninian atu kompleta rejime ne´ebé iha tiha ona. Governu mós tau hela atensaun ba labarik sira liuhusi kriasaun Komisaun ba Direitu Labarik ninian,” Hugo dehan ba jornalista sira iha Palásiu Prezidénsia Repúblika, Bairu-Pité, Dili, Kuarta ne´e, relasiona ho Loron Mundiál Protesaun Labarik ne´ebé sei akontese iha 1 Juñu (aban).

Kuandu tau ona atensaun ba protesaun labarik sira, tuir nia, signifika Timor-Leste fazparte ba Konvensaun Internasionál ba Direitu Labariuk ne´ebé maka kada tinan iha Jenebra halo avaliasaun ba nasaun ida-idak nia protesaun ba labarik sira.

“Ita ratifika Konvensoens Direitu Labarik, ne´e duni komemorasaun ida ne´e motiva ita atu ita tau atensaun maka´as ba labarik sira,” nia informa.

Jornalista: Xisto Freitas | Editór: Manuel Pinto

Foto: Prezidenti Parlamentu Nasionál, Aderito Hugo da Costa ko´alia ba jornalista sira iha Palásiu Prezidénsia Repúblika, Kuarta ne´e. Imajen Ajénsia TATOLI/Xisto Freitas

KI Apresia Lezadu Rui Nia Karta Ba TDD

DILI, (TATOLI) – Konsellu Imprensa (KI) apresia lezadu Rui Maria de Araújo nia pedidu ba Tribunál Distritál Dili (TDD).

“Konsellu Imprensa (KI) apresia tebes ho medida karta ne’ebé hato’o ba Tribunál Distritál Dili (TDD) ho intensaun pedagójika atu hakarak fó hanoin ba jornalista sira atu tau atensaun ba aprezentasaun faktu informativa”, afirma Prezidente KI, Virgilio Guterres ba Ajénsia Tatoli iha Radiu Televizaun Timor-Leste, Kaikoli, ohin.

Pedidu ne’e, tuir nia, lezadu laiha hanoin atu hatama jornalista ba prizaun. Agora, pedidu ne’e depende ba tribunál atu konsidera.

Prezidente KI haktuir, lezadu Rui Maria de Araújo hanesan so’e bola maibé Timor Post ho arguidu atu simu oinsá, tanba lezadu nia hakarak atu labele iha penalidade ba jornalista sira no haforsa prinsípiu demokrásia ne’ebé konsagra iha Timor-Leste.

Jornalista: Zezito Silva | Editora: Rita Almeida

Foto: Prezidente Konsellu Imprensa, Virgilio Guterres. Foto Tatoli

PR timoroan hatete katak presiza tan tempu hodi aplika Konstituisaun

Prezidente timoroan, Francisco Guterres Lu-Olo, defende iha loron-kuarta ne'e katak presiza tan tempu hodi aplika prinsípiu tomak ne'ebé konsagra iha Konstituisaun nasaun nian, konsidera katak lei baze "la'ós perfeitu", maibé "hatudu nafatin nia rezisténsia".

"Atu bele iha efeitu, ita tenki permiti atu iha tempu hodi bele implementa", Lu-Olo hatete no fó hanoin katak Konstituisaun reprezenta ona "marka istóriku ida Timor-Leste nian" no "konkista fundamental ida hosi ema timoroan sira".

Xefe Estadu refere ona katak "iha nia tempu badak moris nian", Konstituisaun "hetan ona teste dalabarak", no "iha kedas nia tinan dahuluk hosi nia kualidade hatudu nia rezisténsia".

"Konstituisaun la'ós hanesan perfeitu. Maibé iha fleksibilidade nesesáriu hodi halo sai posível modifikasaun sira ne'ebé presiza. Ezijénsia sira hodi halo mudansa maka'as tebes hodi impede estraga hosi nia matéria. Iha rezisténsia, iha fatin seluk fleksibilidade", nia afirma ona.

Lu-Olo ko'alia iha kolókiu ida ne'ebé organiza hosi Parlamentu Nasional timoroan hodi selebra tinan 15 hosi konstituisaun timoroan nian, textu ne'ebé aprova ona iha loron 22 Marsu 2002 no hahú hala'o iha loron 20 Maiu tinan ne'ebá.

Sunu Uma Bebonuk PN Konsidera Oknum Balu Atu Estraga Estabilidade

DILI - Akontesementu kazu Bebonuk neebe mak dehan ema sunu uma komunidade nian balu loron 2 liu ba nee, dala ruma iha ema balu mak hakarak atu estraga estabilidade iha Timor-Leste, tanba agora dadaun mos besik tama ona ba eleisaun Parlamentar.

Lia fuan hirak nee hatoo husi Deputadu husi Bancada CNRT  Cristovao Barros hatete, hanesan reprezentante povu husu ba seguransa tenke ser haree didiak situasaun sira nee, hanesan akontese tan katak ema sunu komunidade nia uma iha area Bebonuk, tanba agora daaun mos besik ona eleisaun parlamentar mos besik ona. Tanba nee seguransa tenke halo patrolia atu nunee haree situasaun nee labele akontese bei-beik.

Ho akontesementu sira nee hotu dala ruma mos iha oknum balu atu estraga ita nia estabilidade iha rai laran, tanba ne presiza seguransa servisu extra tan hodi haree situasaun sira hanesan nee,” katak Deputadu Cristovao ba STL bainhira halao intervista iha Uma Fukun Parlamentu Nasional Kuarta (31/05/2017).

Nia mos s husu ba polisia atu kontrola situasaun sira nee hodi bele halo investiga klean liu tan ba kazu sira hanesan nee. Atu nunee halo patrolia liu-liu haree ba area neebe mak risku hodi labele akontese kazu sira hanesan nee bei-beik.

Iha fatin hanesan Deputadu Agutinho Lay husi Bancada CNRT hatete, hanesan membru paralemntu nasional hanesan mos  sidadaun Timorense sente triste bainhira haree ba jerasaun foun liu-liu ba foin sae sira  neebe mak lakohi hatene no prepara aan ba futuru. Guilhermina Franco / Jacinta Sequeira

Suara Timor Lorosae

Liberdade Imprensa Laiha, Demokrasia TL Failla

DILI – Durante Governasaun Primeiru Ministru (PM), Rui Maria de Araujo, liberdade imprensaiha Timor Leste hahu ameasadu, tanba primeira vez lori Jornalistaba Tribunal.

Tuir Observador Politika-UNDIL, Francisco Mausoro katak, kazu lori jornalista ba tribunal nee hatudu laiha liberdade imprensa, mak demokrasia iha Timor Leste sei failla.

Demokrasia agora nee metin ho liberdade imprensa, se liberdade imprensa ladiak mak demokrasia ladiak,” dehan Mausoro ba STL iha nia knar fatin Mascarinhas-Dili, Tersa (31/05/2017).

Mausoro sublina, elementu media lalao korupsaun aumenta tanba labele transparante exemplu, Governu halo projetu boot maibe ema lahatene. Entaun ema dehan governasaun serimonial no governasaun administrative deit.

Iha fatin ketak, Reprezentante Programa Oficer AJAR, Inocencio Xavier dehan, ho desizaun tribunal no akuzasaun husi Ministeriu Publiku (MP) ba jornalistaida nee sei hamate Liberdade imprensa. Raimundo S. Fraga

Suara Timor Lorosae

PR timorense diz que é preciso mais tempo para aplicar a Constituição

O Presidente timorense, Francisco Guterres Lu-Olo, defendeu hoje que é preciso mais tempo para aplicar todos os princípios consagrados na Constituição do país, considerando que a lei base “não é perfeita”, mas tem “demonstrado a sua solidez”.

"Para que produza efeito, devemos permitir que tenha tempo para se implementar", disse Lu-Olo, recordando que a Constituição representou um "marco histórico de Timor-Leste" e "uma das conquistas fundamentais dos timorenses".

O chefe de Estado referiu que "no seu curto tempo de vida", a Constituição "já foi testada por diversas vezes", tendo "logo nos primeiros anos da sua vigência demonstrado a sua solidez".

"A constituição não é perfeita. Mas tem a flexibilidade necessária para tornar possíveis as modificações que sejam necessárias. Os requisitos exigidos para as emendas ao suficientemente fortes de modo a impedir a degradação da sua substância. Aqui há rigidez, do outro lado flexibilidade", afirmou.

Lu-Olo falava num colóquio organizado pelo Parlamento Nacional timorense para assinalar os 15 anos da constituição timorense, texto que foi aprovado a 22 de março de 2002 e entrou em vigor a 20 de maio desse ano.