quarta-feira, 23 de janeiro de 2019
Deputadus Viola Regras Koalia Tetun, Plenaria Portugues
DILI - Maske desizaun husi lider
bankada sira katak, fulan ida tenke uza lingua portuguesa nee dala rua iha
Plenaria, maibe realidade Deputadu sira viola regras, sira nee hodi koalia lian
tetun, bainhira ajenda fo sai ona katak plenaria ohin (red-horisehik) nee lian
portuguesa.
Lamentasaun nee hatoo husi
reprezentante povu iha uma fukun Parlamentu Nasional Deputada Josefa Pereirra
ba Jornalista Tersa (22/01/2019) iha Parlamentu Nasional.
“Hau hatene katak, maluk
Deputadus sira iha uma fukun ida nee hatene lian Portugues tanba nee maka,
lider bankada sira deside ona katak, fulan ida plenaria portugues nee tenke lao
dala rua, maibe realidade ita kontinua halo violasaun ba regras neebe maka
establese tiha ona iha Parlamentu Nasional, maibe ohin iha kontestasaun neebe
mai duni husi hau, nia maluk Deputadus, tan nee ita labele halo uniforma hodi
la hatene saida maka atu halo,”dehan Deputada nee.
Notisia kompletu lee iha jornal
STL edisaun Kuarta (23/01/2019)
Madalena Horta/Carme Ximenes | Suara Timor Lorosae
Eis Governante Balu Halai Hanesan Emilia Ba Estranjeiru
DILI - Bankada FRETILIN iha Uma
Fukun Parlamentu Nasional, preokupa ho informasaun neebe espaila iha publiku
katak, eis governante balu halai ona ba estranjeiru, hanesan arguida Emilia
Pires tanba atu evita prosesu investigasaun ba sira.
Kestaun nee hato husi Vise
Bankada FRETILIN deputadu Francisco Miranda Branco, liu husi komunikadu
imprensa neebe mak halao iha sala bankada FRETILIN, PN, Dili, Tersa ( Kuarta
23/01/2019).
Deputadu Branco hatete, iha
informasaun katak dirijente nain rua eis Ministru halai ba estranjeiru, hanesan
arguida Emilia Pires, tanba nee FRETILIN preokupa tebes ho aktu eis governante
hirak nee.
“Ita hotu hotu hetan
informasaun katak sira nain rua halai, ami hetan telefoni husi sidadaun
sira husu ba ami konaba ida nee, tanba sira rasik preokupa atu labele akontese
tan hanesan kazu Emilia Pires nian,” dehan deputadu Branco.
Deputadu Branco hatete, Bankada
FRETILIN husu ba notifikadu sira atu bele kopera ho justisa, para nunee prosesu
justisa nee bele lao ho diak.
Notisia kompletu lee iha jornal
STL edisaun Kinta (24/01/2019)
Carme Ximenes | Suara Timor
Lorosae
PR Veta OJE 2019
DILI - Prezidente Republika
ofisialmente anualiza Orsamenntu Jeral Estadu (OJE) Tinan 2019. 2.1
Billoes, hafoin Xefe Estadu halo estudu tuir mandatu konstituisaun RDTL artigu
88 alinia 1, hodi estuda durante loron tolu nulu nia laran.
Tuir komunikadu imprensa
Prezidente Republika Francisco Guterres Lu Olo, neebe lee sai husi
Xefe Kaza Sivil Francisco de Vas Conselhos, iha Palasiu Prezidensia
Kuarta (23012019), katak razaun nia veta OJE 2019, la refleta ba programa
no planu governu nian.
Razaun seluk maka OJE 2019 ho
montante 2.1 billoens, numeru nee boot no sai istoria foun ba Estadu
Timor-Leste iha orsamental, no afeta ba fundu minarai, tamba presu minarai iha
mundial tun.
Tamba nee liu husi komunikadu
nee, Xefe Estadu Veta OJE 2019 maka nia fundamenta liu husi mensajen, husu PN
atu tetu fila fali dekretu nee.
Notisia kompletu lee iha jornal
STL edisaun Kinta (24/01/2019)
Natalino Costa | Suara Timor
Lorosae
7 Miloens Mout Ba Tasi Laran, FRETILIN Husu Investiga
DILI - Bankada FRETILIN iha Uma
Fukun Parlamentu Nasional husu Kamara de Kontas, atu loke lalais
auditoria ba projetu konstrusaun portu temporariu Naval Hera, neebe ho
orsamentu kuaze $ 7 Miloens mout ba tasi laran, tanba kompania neebe kaer
projetu nee lakonsege ejekuta ho diak.
Lia hirak nee hato husi Vise
Bankada FRETILIN deputadu Francisco Miranda Branco, liu husi komunikadu
imprensa neebe mak halao iha sala bankada FRETILIN, PN, Dili, Tersa (Kuarta
23/01/2019).
Deputadu Branco hatete, Iha loron
27 fulan Jullu tinan 2010, Governu AMP neebe lidera husi Primeiru Ministru
Xanana Gusmao, asina kontratu ida ho kompania Lifesa atu hari portu temporariu
ida iha Hera liliu ba Komponente Naval F-FDTL nian, maibe kontratu ho montante
liu $7 Miloens nee lakon leet deit, tanba projetu nee lakonsege ezekuta ho
diak.
"Nunee ami husu ba Kamara de
Kontas atu hahu lalais proseu hodi loke auditoria ba projetu kontrusaun
temporariu iha Portu Naval Hera, tanba orsamentu kuaze $ 7 Miloens monu tun ba
tasi laran, tanba projetu nee lakonsege ezekuta ho diak ,” dehan deputadu
Branco.
Nia dehan, iha tinan 2010
deputadu husi bakada FRETILIN balun levanta ona iha Parlamentu Nasional, konaba
iregularidade relasiona ho projetu Portu Hera, maibe too ohin loron laiha
reasaun ruma husi orgaun kompotente hodi buka hatene ka justifa.
Notisia kompletu lee iha jornal
STL edisaun Kinta (24/01/2019)
Carme Ximenes | Suara Timor
Lorosae
Subscrever:
Mensagens (Atom)