DIÁLOGU HO SÉ?

Matadalan - Editorial

Estadu la konsistente. Iha parte ida, estadu konsidera Grupu Mauk Moruk hanesan inimigu, maibé iha parte seluk estadu rasik nomeia Premiadu Nobel da Páz, Dr. José Ramos Horta atu fasilita diálogu entre Mauk Moruk ho estadu.

Estadu iha dalan kruzamentu ne’ebé la hatene tuir án atu ba loos ne’ebé. Nia (Estadu) divia konsistente ho ninia desizaun uluk katak mate ka moris Grupu Mauk Moruk hanesan inimigu estadu. Maibé, saida maka ita hatene no rona, estadu buka fali alternativu seluk atu rezolve kazu Mauk nian ne’e liu-hosi dalan diálogu.

Diálogu, ema hotu hakarak ida ne’e. Satan, ita Timor ne’e, ita nia kultura buka solusaun ba problema ida maka liu-hosi Nahe Biti Boot (diálogu). Prátikamente ita hatudu tiha ona. Ita konsege rekonsilia maluk pro integrasaun ne’ebé uluk diretamente no indiretamente hakanek maluk timoroan seluk ne’ebé luta ba independénsia.

Liga ba ida ne’e, la sala ida kuandu estadu loke án hodi diálogu ho Mauk Moruk tanba Mauk Moruk la halo sala grave kompara ho sira seluk. Kestaun maka nusa estadu la mantein diálogu hori uluk kedas? Sé uza maneira diálogu de’it karik, ita la gasta osan 2 miloens ba operasaun ne’ebé folin laek ne’e. Osan 2 miloens la’os osan ida ki’ik. Sé 2 miloens ne’e aloka ba verba seluk karik, nia kala rezolve netik problema sosiál balun.

Estadu hanoin katak 2 miloens ne’e bele rezolve problema Mauk Moruk maibé faktu ita haree katak estadu kria tan problema foun iha problema tuan nia leten. Hanoin ita hotu sei lembra hela. Iha operasaun ba Mauk Moruk ne’e, povu inosenti maka sai fali vítima. Povu ba sira nia natar mós tenki hetan torturasaun. Ba to’os mós laran rua-rua. Matadalan forsa nian mós tenki akaba ninia vida ba KOK nia atuasaun. Ba mai vila mós infrenta presaun mentál no psikolójiku oi-oin.

Tanba ida  ne’e, estadu tenki difini ninia pozisaun ho firmi. Labele bilim-bala. Tanba bainhira bilim-bala, estadu rasik sei hatun ninia dignidade no halo konfuzaun ba ninia án rasik no mós públiku. Pur-ezemplu, sé agora nia (estadu) permiti diálogu, Mauk Moruk atu mai diálogu ho sé? Estadu ka Xanana? Sé estadu, assuntu diálogu maka saida? Korupsaun no Injustisa? Korupsaun no injustisa ne’e Tribunál ninia problema. Tanba ne’e, tenki rezolve ho lei, la’os ho diálogu.

Sé mai diálogu ho Eis PM Xanana Gusmão kona-ba kazu passadu, buka malu to’ok hodi diálogu ba! Ko’alia diálogu tenki tau ba iha prátika para bele rezolve problema refere ho lalais. Nune’e, labele fó implikasaun liu-tan ba komunidade sira nia moris iha área operasaun Komandu Operasaun Konjunta (KOK) no minimiza kustu orsamentu operasaun ne’ebé la fó benefísiu ba estadu. Abrasu.

Tijolu Kesi Promovidu iha TL

Produsaun Tijolu kesi hahú promove daudaun iha Timor-Leste tanba Tijolu Kesi ne’e rasik iha projetu implementasaun uma lima (5) iha Munisípiu Aileu hetan apresiasaun maka’as hosi Prezidente Repúblika.

Sekretáriu Estadu Polítika Formasaun Professionál no Empregu, Ilídio Ximenes iha serimónia abertura ba formasaun Tijolu Kesi iha sentru Formasaun Senae, Becora, Díli, foin lalais ne’e hatete Tijolu Kesi ne’e importante tanba ita nia formadór sira ne’ebé  maka iha esperiénsia uluk halo ona halo Tijolu no sira fó formasaun ba grupu hira iha Liquiça, Ermera no mós iha halo projetu uma lima (5)  Aileu.

“Ita tenki promove Tijolu Kesi, tanba rezultadu hosi formadór sira halo ona uma lima (5) iha Aileu ne’ebé hahú hosi fondasi to’o intrega xavi, sentru formasaun Becora rasik halo fali uma rua (2) iha Manatuto hosi fundasi to’o intrega xavi ne’e rezultadu hosi ita nia formadór sira,” Ilídio dehan.

Konselhu Ministru fó fiar ba Sekretaria Estadu Polítika Formasaun Professionál no Empregu (SEPFOPE) halo uma sanulu (10)—uma lima iha Aileu uza Tijolu (rai mutin ho rai mean) tomak no uma lima (5) iha Manatuto. Ida ne’e ho objetivu atu loke kampu de traballu tanba ida ne’e governu ho komitmentu boot atu suporta formasaun Tijolu Kesi atu komesa espalha ba teritóriu Timor tomak.

Aleinde ne’e, Koordenador SOVER, Celso da Fonseca hatete formasaun Tijolu kesi foin primeiravez hala’o iha fatin ida ne’e, tanba ne’e tenke utiliza oportunidade ne’e ho didi’ak atu nune’e bele hatutan fila fali ba oin.

“Tijolu Kesi ne’e labele para de’it iha Díli maibé kada munisípiu mós bele hala’o ona no tenki implementa liu-liu ba formadór sira, hanesan Don Bosco Fatumaca, Sentru formasaun Tibar, Senae no grupu hosi Lekidoe nian,” nia haktuir.

Iha fatin hanesan, estudante João da Costa informa katak formasaun ida ne’e signifika boot tebes. Ida ne’e hanesan oportunidade di’ak tebes ba formandu sira atu bele aproveita oportunidade ne’e hodi halo kapasitasaun hodi halo produsaun Tijolu iha formasaun ida ne’e.

“Ha’u haree katak ida ne’e hanesan passu pozitivu ida ba formasaun ida ne’e no mós ba joven sira liu-liu ita ko’alia kona-ba dezempregu hanesan timoroan barak ne’ebé seidauk hetan oportunidade serbisu, tanba problema profisionalizmu iha área sira entaun oportunidade loke Tijolu ida ne’e loke ona dalan ba joven sira ne’ebé  maka la hetan serbisu,” nia dehan. (Mj4)   

Matadalan

Produsaun Sosis Ikan ho Na’an Karau

Grupu Moris Mesak (GMM) hala’o treinamentu durante loron lima iha Suku Bairu Pité, Postu Administrativu Dom Aleixo, Munisípiu Díli, kona-ba produsaun sosis ikan no na’an karau, ne’ebé maka hetan tulun hosi Diresaun Jerál Indústria no Koperativa, Diresaun Nasionál da Indústria Bens de Konsumu, Departementu Indústria Alimentar hosi Ministériu Komérsiu, Indústria no Ambiente (MKIA).

Grupu Moris Mesak ne’ebé maka harii hosi Sra. Ligia Maria Ribeiro Ximenes iha loron 15 Jullu 2015, ho inisiativu foun hodi loke produsaun sosis ikan no sosis na’an karau hodi kompete mós iha merkadu.

Inisiativa Ligia Maria Ximenes hodi loke grupu ne’e maka hanesan mós meius ida hodi loke kampu de traballu ba ema hotu. Partisipante hamutuk na’in 10 hodi tuir treinamentu durante loron lima (5) kona-ba produsaun sosis ikan no sosis na’an karau.

Grupu Moris Mesak hetan ona apoiu hosi Ministériu Komérsiu, Indústria no Ambiente. Ho apoiu tomak ne’ebé grupu Moris Mesak hetan, Sra. Ligia ne’ebé maka hanesan treinadora ba produsaun sosis ne’e hatete “ba oin maka Governu tau matan nafatin mai ami, ami hakarak produsaun sosis ne’e halo eksportasaun ba rai liur no lori nasaun Timor-Leste nia naran hamorin iha mundu internasionál maske Timor hanesan nasaun foun maibé ita labele hatama de’it sosis sira hosi nasaun seluk mai iha ita nia rai laran, maibé ita mós tenki uza mekanismu oinsa halo sosis rasik no ita mós bele ona hatudu ba mundu seluk katak ita mós bele dezenvolve ita nia nasaun ida ne’e”.

Ligia hatutan tan katak partisipante na’in sanulu (10) nia maka hili diretamente tanba nia hakarak loke kampu de traballu. Molok atu tama ba serbisu produsaun sosis ne’e rasik, Sra. Ligia hala’o uluk treinamentu ba grupu ki’ik.

Ligia rasik hahú halo produsaun sosis ne’e iha tinan 2007 to’o 2015 ho nia família de’it. Maibé, depois de haree ema barak maka laiha laiha serbisu entaun nia rasik iha inisiativa loke tan grupu ki’ik ne’e hodi fahe matenek ba ema seluk.

Ohin loron Governu mós ajuda ona sira ho mákina rua (2). Mákina ida ense surisu no ida tesi. Sira hakarak halo surisu ne’e ba oin no hakarak  halo di’ak liu-tan hodi bele hatama ba iha loja sira iha Díli laran.

“Surisu ne’ebé maka ami halo sei la fó impaktu negativu ba konsumidór sira tanba ami produz surisu ida ne’e ho na’an ne’ebé foin oho (segar). Ami atu halo ami tenki istila hotu tiha maka ami foin halo atu nune’e bele kuidadu saúde. Ami halo surisu mós sempre uza masker, luvas para evita virus sira la bele kona,” Ligia haktuir.

Temperus sira ne’ebé uza ba halo sosis maka hanesan ajeite, masin midar, kuliraun, tua graun vasco, masin, masako, tepun tapioca, luru tahan, no puimenta ut.

Prosesu produsaun halo surisu maka primeiru na’an ten. Na’an ten ita presiza hamoos nia ten no faze halo moos, depois huu no habai halo maran, ko’a na’an halo ki’ik, tempra bumbu sira ne’ebé prepara ona ba na’an depois tau iha jeleira durante kalan ida depois hasai mai hodi ense ba na’an ten ne’ebé prepara ona.

Depois de hatama na’an ba na’an ten ne’e, komesa halo kuak oituan-oituan, hodi ba tamun fali nune’e na’an nia mina sai hotu ona depois ba habai iha loron no ikus liu hatama iha plástiku no lori ba tau iha jeleira hodi fa’an de’it ona.

Iha parte seluk, partisipante ou hanesan mós Xefi do Grupu ba Produsaun Surisu nian, Nancia Auxiliadora Ribeiro Ximenes hatete “durante loron lima (5) ami hala’o treinamentu kona-ba surisu na’an karau ho ikan. Senti serbisu ho kontenti no fleksibilidade tebes tanba entre ami nia grupu serbisu rona malu tebes. No ami iha kada grupu keta-ketak hanesan grupu kua na’an, grupu hamoos bumbu, grupu tempra, grupu tesi no ense surisu”.

Nia hatutan surisu ne’ebé durante ne’e sira produz ne’e konsege hatama ona iha loja sira maka hanesan Lider, Kmanek, Lita Store no seluk tan hanesan mós edifísius (kantor-kantor) sira ne’ebé maka order no sira bele lori ba.

Nancia esplika maske foin la’o maibé kuaze ema barak maka hatene ona Grupu Moris mesak no sira sei kontinua serbisu ba oin, atu nune’e sira lori ba hatama iha loja no edifísiu sira tanba produsaun surisu fó vantajen di’ak ba sira nia kliente sira hotu.

“Ami husu ba Ministériu do Komérsiu indústria no Ambiente atu suporta nafatin ami atu nune’e bele halo ami nia negósiu ida ne’e ba oin nafatin. Ami nia planu hakarak produsaun surisu la’o nafatin no fó vantajen di’ak ba ami no ami nia produsaun surisu ne’e labele iha ita nia rai laran de’it maibé ami hakarak atu halo eksportasaun ba rai liur atu nune’e ema mós bele hatene,” nia dehan. (Mj4)

Matadalan

Rahun sira ne’ebé hetan pertense ba Boeing 777 ida

Númeru parsiál ida ne’ebé hetan iha rahun sira ne’ebé hetan iha illa ida iha Índiku permiti ona konfirmasaun katak hanesan parte balun hosi Boeing 777 ida, aparellu ida hanesan ho Malaysia Airlines ne’ebé lakon iha fulan 16 liubá ho ema na'in 239 iha aviaun laran.

Konfirmasaun hatete katak aviaun rahun sira ne’ebé hetan iha illa franseza Reuniaun, iha oseanu Índiku, pertense ba Boeing 777 ida - modelu aviaun ida hanesan ho ida  ne’ebé lakon iha fulan 16 liubá ho ema na'in 239 iha aviaun laran - fó sai iha loron-sesta dadeer hosi visi-ministru Transporte malaiu nian, Abdul Aziz Kaprawi, ho baze iha informasaun ida ne’ebé transmiti hosi responsável sira Malaysia Airlines nian.

"Númeru parsiál ida konfirma katak (aviaun rahun sira) pertense ba aviaun Boeing 777 ida. Informasaun ne'e mai hosi Malaysia Airlines. Sira rasik maka informa ha'u", Kaprawi ko'alia ba ajénsia France Presse. Aviaun malaiu hanesan modelu úniku ida ne’ebé maka monu iha Pasífiku foin lalais ne'e.

"Ha'u fiar katak ita hakbesik ona hodi rezolve mistériu hosi MH370. Aviaun rahun sira nebe hetan ne'e bele sai hanesan sasin evidente ida katak MH370 monu iha oseanu Índiku", nia hatutan.

Autoridade australianu sira halo daudaun operasaun ne'e indika katak deskoberta hosi aviaun sira ne'e labele halo mudansa iha operasaun sira ne'e.

"Ha'u la fiar katak deskoberta ne'e sei permiti hodi hamenus área operasaun nian. Liutiha ona fulan 16 hahú hosi aparellu aéreu nia lakon, rahun sira ne'e halo ona viajen naruk, nune'e ha'u hanoin katak sei bele deskobre hosi ne’ebé maka rahun sira ne'e mai", deklara hosi visi-primeiru-ministru australianu Warren Truss.

Illa Reuniaun situa iha distánsia kilómetru 4000 hosi área ne’ebé investigadór sira kontinua fiar katak hanesan fatin ne’ebé Boeing 777 monu.

SAPO TL ho Expresso – foto EPA@ Raymond Wae Tion

PM Giné-Bisau nian konsidera normál hasai imunidade hosi deputadu sira

Primeiru-ministru Giné-Bisau no prezidente PAIGC nian, Domingos Simões Pereira, afirma katak respeita desizaun Parlamentu nian hodi haruka hasai imunidade hosi deputadu sira ne’ebé iha investigasaun judisiál.

Asembleia Nasionál Populár (ANP) iha loron-kinta ne’e aprova levantamentu imunidade parlamentár hosi deputadu José Miguel Dias no prepa hodi halo ba Gabriel Sow, sira na’in rua ne’ebé eleitu hosi PAIGC, partidu poder.

José Miguel Dias hanesan argidu ho ema 20 resin akuzad pratika fraude ho osan pensionista sira-nian, kazu ne’ebé remonta iha tinan 2011, altura ne’ebé Miguel Dias hanesan funsionáriu boot Ministériu Finansa no julgamentu iha ona ajenda.

Gabriel Sow sei investiga iha prosesu ne’ebé julga ona hosi vara-krime Tribunál Rejionál Bisau nian, iha ne’ebé nia hanesan sespeitu ba jestaun ladi’ak iha sosiedade tolu.

"Parlamentu hanesan entidade soberana, vota ho konsiénsia. Ita tenke respeita votu ne’e", defende horisehik primeiru-ministru gineoan durante vizita ba Mansoa, iha sentru nasaun nian, iha ne’ebé pasa hosi infraestrutura sosiál balun.

Tanba hanesan kestaun ne’ebé iha ligasaun ho étika no konsiénsia individuál, partidu sira fó liberdade votu ba deputadu sira atu bele espresa ho livre, subliña Domingos Simões Pereira.

"Sira hetan liberdade, ezerse liberdade ne’e, ita tenke respeita", hatutan Simões Pereira, ne’ebé lakohi ko’alia barak wainhira husu hosi ajénsia Lusa kona-ba remodelasaun governamentál sei hala’o iha tempu badak.

Prezidente Repúblika, José Mário Vaz, hatudu hakarak atu haree mudansa iha elenku governativu hasoru investigasaun judisiál ne’ebé envolve membru Ezeutivu balun no primeiru-ministru hatete katak sira na’in rua ko’alia bebeik kona-ba tema ne’e.

"Ha’u lakohi fó komentáriu atu ema keta interpreta sala, maibé ida ne’e asuntu kona-ba servisu ne’ebémaka ami halo", disse Domingos Simões Pereira.

SAPO TL ho Lusa

AICEP sei reforsa prezensa iha Ázia -- Miguel Frasquilho

Ajénsia ba Investimentu no Komérsiu Esternu Portugál nian (AICEP) hakarak loke delegasaun iha Timor no Seul iha tinan ne’e no iha Mumbai no Kazakistaun iha tinan 2016 nia rohan, anunsia prezidente, Miguel Frasquilho.

"Ázia kontinua sai zona mundu nian ho dinamizmu ekonómiku boot no tanba ne’e maka ami hakarak reforsu ami-nia prezensa", hatete Miguel Frasquilho ba ajénsia Lusa iha loron-sesta kalan, wainhira hakotu vizita durante loron hat iha Xina.

Iha Ázia, aleinde iha delegasaun tolu iha Xina (Pekin, Xangai no Makau), AICEP iha reprezentante iha Japaun, Arábia Saudita, Índia (Nova Deli), Indonézia, Emiradus Árabes Unidus, Tailándia no Singapura.

Durante nia vizita iha Xina, prezidente AICEP nian ne’e hasoru malu ho investidór xinés sira iha Xangai no vizita sede multinasionál Huawei, iha Shenzhen, iha ne’ebé grupu estudante portugés na’in 12 termina kursu formasaun durante semana rua.

"Ha’u rekoñese katak Portugál ami iha estudante ho nível kualidade eselente", hatutan Miguel Frasquilho.

Estudante sira hosi Instituto Superior Técnico, Universidade de Aveiro no Instituto Politécnico de Leiria, maka sira ne’ebé halo parte dahuluk iha protokolu kooperasaun ne’ebé asinaa iha 2014 entre AICEP ho Huawei, ne’ebé vigora durante tinan lima.

Miguel Frasquilho hatete katak "nia impresiona tebes" no "entuziasmadu" kona-ba kontaktu ho investidór xinés sira.

"Iha tempu badak ita sei rona notísia di’ak", nia afirma no lahatete tan ruma.

Kona-ba abertura ligasaun direta entre Portugál ho xina, prezidente AICEP nia hatan: "Ami la’o hela. Ideia besik konkretiza ona".

Hosi konta xineza, iha tinan tolu ikus ne’e, esportasaun portugeza ba Xina liu hosi dobru, liu dólar millaun 1.600 iha tinan 2014.

Xina sai mós maior investidór iha Portugál, estima katak montante kapitál xinés ne’ebé investe iha ekonomia portugeza desde China Three Gorges manán konkursu ba privatizasaun 21,35 % hosi kapitál EDP nian iha dezembru 2011 besik euro millaun 10.000.

"Iha nível investimentu no planu komersiál, relasaun ekonómika entre Portugál no Xina uluk nunka forte hanesan agora. Xina halo parte iha prinsipál parseiru komersiál Portugál nian na’in 10 no sa’e hosi tinan ba tinan", tenik Miguel Frasquilho.

Nia mós reala katak Portugal ho Xina "iha relasaun ne’ebé bazeia ba konfiansa mútua, ne’ebé maka importante tebes iha, no relasaun ne’e tenke kontinua".

SAPO TL ho Lusa

KOMBATE KORUPSAUN TENKI KUMPRI TEMPU

Tipu korupsaun ne’ebé boot liu hodi fó impaktu halo korupsaun sai buras  maka koruptu osan no tempu. Hahalok koruptu ne’e sai tiha ona hanesan moras boot ida ba timoroan.

“Korupsaun tempu ne’e katak ema ida viola oras serbisu hodi la kumpri nia dever hanesan serbisu na’in no oras serbisu ba halo fali buat seluk,” lia ne’e hato’o hosi Xefi AED (Assosiasaun Estudante Departementu) Língua Portugeza, Alcino Moniz, iha intervista eskluzivu ho jornalista Matadalan (MTD), David Fernandes, iha Kampus Induk Liceu, Sesta (24/07/2015) ne’e.

MTD: Tuir Xefi nia haree, Timor-Leste agora dadaun  korupsaun iha parte saida maka buras liu?

Tuir ha’u nia haree tipu korupsaun ne’ebé buras liu iha Timor-Leste maka koruptu osan no tempu.

Korupsaun hanesan tiha ona moras ida ne’ebé maka nasaun hotu-hotu sente, tanba ne’e, atu kombate korupsaun, xavi maka labele halimar ho tempu.

Korupsaun tempu ne’e katak, ema ida viola oras serbisu hodi la kumpri nia dever hanesan serbisu na’in no oras serbisu ba halo fali buat seluk.Tanba ne’e, Estadu labele tolera ema sé de’it maka involve iha hahalok Korupsaun, Koluzaun no Nepotizmu (KKN) tanba hahalok ne’e viola ema nia direitu.

MTD: Públiku mensiona katak sidadaun ne’ebé maka la kumpri tempu no promesa serbisu, ne’e katak inklui mós korupsaun. Tuir xefi nia hanoin, ida ne’e korupsaun?

Sim. Hanoin hosi públiku ne’e klaru. Loos duni ida ne’e korupsaun. Dala barak lei iha tiha maibé koruptór sira ne’e ema matenek na’in ohin sira uza meius ida no aban uza fali meius seluk, tanba ne’e atu afeta ka lae, lei maka tenki forte.

MTD: Estadu gasta orsamentu 2 miloens ba Komandu Operasaun Konjunta (KOK) hodi buka tuir grupu Mauk Moruk (MM) maibé seidauk hetan. Gasta osan boot maibé seidauk atinji objetivu, karik ida ne’e mós korupsaun?

Klaru katak ida ne’e korupsaun . Hanesan  mídia fó sai iha jornal públiku katak orsamentu ne’ebé uza hodi halo operasaun ba MM ne’e ho totál 2 miloens, maibé to’o agora seidauk kaptura grupu ne’e. Ida ne’e ita bele dehan korupsaun ba tempu.

Tanba saida maka ida nee tama kategoria korupsaun tempu? Tanba dalabarak ita nia forsa sira ba iha ne’ebá la’os halo serbisu full time, maibé la’o ba mai de’it to’o ikus laiha rezultadu. Ita halo korupsaun tempu tanba saláriu ho perdiam la’o nafatin, maibé kapturasaun la akontese.

MTD: Esteitmentu hosi parte seluk katak ne’e la’os korupsaun, maibé kestaun tékniku. Ita boot nia hanoin oinsá?

Iha parte ida kestaun polítiku no ita ko’alia kona-ba korupsaun iha parte ida tama mós iha kategoria korupsaun. Tanba, tuir planu prosesu kapturasaun tenki iha fulan 2 (rua) nia laran, maibé to’o oras ne’e seidauk kaptura, ne’eduni  iha parte ida ita halo tiha ona korupsaun ba tempu.

MTD: Oinsá ho ita boot nia observasaun ba vontade polítika hosi polítikua na’in sira kona-ba kombate korupsaun?

Ko’alia kona-ba vontade polítika ita nia riin seidauk metin, tanba sé riin ne’e metin entaun ita labele husik instituisaun Komisaun Antí Korupsaun (KAK) dependente fali ba governu. Tuir loloos KAK tenki hamrik mesak para fó espasu ba KAK hodi bele ko’alia ho onestidade.

MTD: Ko’alia kona-ba lei, públiku kestiona katak Parlamentu Nasionál durante ne’e la hatudu seriedade kona-ba kombate korupsaun, tanba iha palku polítika nia leten hatete katak tenki kombate korupsaun, maibé lei anti korupasaun rasik la aprova to’o ohin loron.

Ko’alia kona-ba lei atu aprova ou lae, ne’e dever Parlamentu Nasionál (PN) no PN maka hanesan reprezentante povu tomak entaun sé públiku hotu eziji ona Parlamentu hein tan saida.

Tanba ne’e maka kestionamentu públiku nian ne’e iha razaun, tanba realidade hatudu katak lei funsiona de’it ba povu ki’ik sira. Povu kuandu  eziji ba sira atu aprova Lei Antí Korupsaun (LAK) entaun sira konsidera povu nia lian ne’e laek no leet de’it.

Sistema kombate korupsaun seidauk di’ak, tanba sistema ne’e di’ak ona entaun ema barak ona maka oras ne’e ba toba tiha ona iha prizaun Bekora.

Ita haree membru governu na’in hira ona maka ba tama prezaun Becora? Sira balu halo korupsaun ba toba iha Bekora fulan rua 2, tolu 3 de’it simu indultu hosi Prezidente Repúblika hotu sira sai lakon tiha. Ne’e hatudu katak seriedade hosi  lideransa laiha. (*)

Matadalan

Tuda Manutolun ba Bispu Subar iha Partidu

Dosente Filozofia Polítika Semináriu Maior Fatumeta, Pe. Martinho Gusmão hatete povu ladun interese ba passadu tanba passadu ne’e ema barak át liu Mauk Moruk, maibé agora ita simu. Tanba ne’e, nia prefere realiza diálogu ho Mauk Moruk atu solusiona problema.

“Ema balun ne’ebé uluk kaer manu-tolun dois tuda Bispu Belo, ikus mai sai membru FRETILIN serbisu iha ZEESM, ka sai membru partidu Congresso Reconstrucção de Timor (CNRT) sai membru Governu, ne’e karik di’ak?,” Amu Martinho Gusmão(AMG) dehan ba Matadalan (MTD) iha nia kna’ar fatin liu-hosi entrevista eskluzivu iha Kinta (23/07/2015).

 MTD: Amu nia haree ba operasaun hasoru Mauk Moruk ne’e oinsá?

AMG: Iha problema kona-ba sentimentu no pensamentu polítiku. Hosi aspeitu polítiku, ema hotu ne’ebé involve iha konflitu ida ne’e, protagonista ka antagonista, kotu iha dalan klaran. Iha parte ida, ita nia Estadu foti desizaun atu halo operasaun. Iha parte seluk, Polísia Nasionál Timor-Leste (PNTL) no FALINTIL-Forsa Defeza Timor-Leste (F-FDTL) iha sentimentu pessoál atu lakohi halo kanek malu.

Ha’u hanoin, kazu Petisionáriu sai lisaun todan ba ita hotu. To’o agora, problema ne’e tara hela de’it. Ema mós hanoin ona, duké sira sokar lia, ita ki’ik sira maka tata rai, di’ak liu “cuek” tiha de’it.

MTD: Tuir Amu nia hanoin, karik kazu ida ne’e eskenáriu polítika ema boot sira nian?

AMG: Ha’u la hatene. Maibé, buat ne’ebé ha’u bele haree ita hasoru hela “disobediencia civil” ida. Iha polítika, bainhira ema halo aparatus estadu balun halo “disobediencia civil” hatudu katak maski iha órden no lei, maibé sira hili atu halo ho “laran rua-rua” ka bahasa karik dehan “laksanakan dengan setengah hati”. Dizobediensia sivíl ne’e assuntu morál, katak, maski lei ne’e loos, maibé laran maka la di’ak atu halo.

MTD: Iha parte ida, estadu konsidera Grupu Mauk Moruk (MM) hanesan inimigu ida. Iha parte seluk, estadu rasik maka nomeia Dr. José Ramos Horta atu fasilita diálogu ho Mauk Moruk. Amu nia komentáriu?

 AMG: Ha’u hanoin diálogu di’ak liu. Tan nu’udar sarani, Amu Papa Francisco dehan sarani tenki REVOLUCIONARIO. Nia ko’alia kona-ba REVOLUCIONARIO DA TERNURA … Sé agora Estadu sai hosi INIMIGO ba DIÁLOGU, ne’e maka revolusaun da ternura … Ha’u konkorda.

Purké, MM mós iha razaun ruma karik. Keta dehan, Estadu de’it maka iha razaun. Tan iha assuntu balun ne’ebé MM propoin ne’e crucial no fundamentál. Injustisa no krime organizadu mós estadu halo karik.

Ita haree de’it kazu hanesan Zona Espesiál Ekonomia Sosiál Merkadu (ZEESM). Ne’e ideia brillante maibé la’os buat loos. Tan halo diskriminasaun ne’ebé halo isin fulun hamriik hotu.

Lei Pensaun Vitalísia (LPV) mós kazu seluk ne’ebé diskriminativu. Ne’e “krime” ida. Sé ita nia estadu halo krime “legalizado” ita husik de’it, depois ita ba fali kasa ema ne’ebé halo sala ki’ik oan ida ita halo drama boot.

Ha’u prefere diálogu. Franka no aberta. Lalika lai lori TVTL atu halo transmisaun direta. Husik partikularidade balun hela iha “confessionario” laran. Hasai assuntu ne’ebé bele lori ba konsensu nasionál. Uluk MM halo sala. Ha’u mós hatene tan ami iha Baucau hatene sasán sira hosi ki’ik kedas. Maibé, iha ema balun ne’ebé uluk kaer manu-tolun dois tuda Bispu Belo, ikus mai sai membru FRETILIN serbisu iha ZEESM, ka sai membru CNRT sai membru Governu, ne’e karik di’ak?

MTD: Amu, nusa antes ne’e la buka diálogu de’it maibé agora uza fali forma ne’ebé rezulta vítima barak iha terenu no gasta osan 2 miloins?

AMG: Ha-ha-ha. Iha moris ita tenki hola risku. Sai polítiku ne’e hola risku. Ne’e maka Soeharto dehan ho bahasa Jawa JER BESUKI MOWO BEWO… Kalau ingin berhasil, harus brani tanggung biaya.

Baibain, “Jer besuki” ne’e refere ba ema boot sira. Depois “mowo beyo”, tanggung biaya atu mate maka povu. Osan povu nian. Susar no terus mós povu. So what githu lho.

 MTD: Amu, diálogu oinsá sé MM mós komete ona krime balun?

AMG: Kona-ba krime ita la halo diálogu. Diálogu la’os atu kansela krime. Diálogu labele sai laundry.

MTD: Oinsá bele diálogu sé MM nia paradeiru ita la hatene. Agora, sé maka bele aprosima MM atu tún mai bele halo diálogu?

AMG: Nia la hela iha fitun ka fulan. Timor ne’e ema barak hatene ninia paradeiru…

MTD: Tuir Amu nia hanoin, sé maka marese atu sai fasilitadór ba diálogu ne’e?

AMG: Ida ne’e tenki konsensu hosi MM no estadu. Depois tópiku mós iha konsensu. Labele toka problema krime. Maibé, haree ba kestaun morál polítika.

MTD: Pessoalmente, Amu nia haree, figura ne’ebé maka di’ak atu fasilita diálogu ne’e?

AMG: Ha’u hanoin, Dr. Rui Maria Araujo.

MTD: Tanbasá Amu prefere Dr. Rui?

AMG: Tan ha’u koñese nia pessoalmente.

 MTD: Tanbasa la’os premiadu Nobel da Páz na’in rua, Don Carlos no Dr. Ramos Horta tuir ezijensia veteranu Cornélio Gama L7?

AMG: Hmm… Difisil liu.

MTD: Tanbasa difisil Amu?

AMG: Dom Carlos labele mai. Dr. Ramos Horta sidi barak demais ho Xanana Gusmão (XG), Marí Alkatiri (MA) no Taur Matan Ruak (TMR). Pode ser difisil. Maibé, Dr. Rui Maria de Araújo (RMA) sai fasilitadór, nia bele lori Don Carlos no RHM nu’udar forsa morál. Importante, Estadu labele “ausente”. Sé lae, ita estraga Estadu nia dignidade. PN labele ona, tan la reprezenta ona povu karik. Agora ita salva lai Governu no Prezidénsia Repúblika. Ne’eduni, agora Taur Matan Ruak ho Rui Maria Araújo maka hamrik iha oin.

MTD: Amu, MM mai atu diálogu ho governu. Sé RMA sai fasilitadór tiha entaun MM mai diálogu fali ho sé?

 AMG: Ninia problema ho governu ka ninia problema ho Estadu? Nufundu, MM tenki aseita katak nia sidadaun ne’ebé hakarak hadi’ak situasaun polítika iha Timor-Leste. Agora, sé maka tenki sai uma na’in ne’e tenki órgaun Estadu. Sé ita la hanoin ho skema polítika hanesan ne’e ita sei estraga sistema Estadu Timor-Leste. Hanesan agora iha Oe-Cusse, ne’e projetu atu estraga sistema Estadu. Sé MM hakarak ida ne’e mosu (?) entaun lalika diálogu ida.

Ha’u suporta TMR no RMA maka sai “uma na’in”, maibé limita ba diálogu polítiku no morál. konjela lai órden atu kaptura nia. Depois diálogu hotu tiha, maka ita hatama fali lei no órden.

Ha’u sente MM mós “cavaleiro” ne’ebé hatene hatur nia án iha kontestu polítika estadu nian.

MTD: Karik maka MM kontinua reklama kona-ba kazu passadu, 1983/1984, Amu nia hanoin oinsá? Karik ne’e relevante?

AMG: Ida de’it maka labele tama: kazu krime. De restu diálogu aberta no franka, maibé selesionadu. Povu ladun interese ba passadu tanba passadu ne’e ema barak át liu MM, maibé agora ita simu. povu la preukupa. Passadu sempre passadu. La muda faktu ida: ita ukun rasik án.

MTD: Amu, ema barak preukupa katak MM mai atu halo diálogu ho sé loos? Diálogu ho Xanana ka estadu?

AMG: Entaun objetivu atu diálogu ne’e saida? Sé problema ne’e XG no MM, entaun rezolve uma laran. Lalika lori instrumentu Estadu nian. Sé problema ne’e MM ho Estadu, entaun diálogu polítiku no morál ho Estadu. La’os diálogu ho PNTL ka FFDTL ka Tribunál. Labele kahor be di’ak?!

 MTD: Sé diálogu ho Xanana kona-ba kazu passadu, karik Amu aseita ida ne’e?

AMG: No comments. (Anibal)

Matadalan

AICEP vai reforçar presença na Ásia -- Miguel Frasquilho

Pequim, 01 ago (Lusa) -- A Agência para o Investimento e Comércio Externo de Portugal (AICEP) tenciona abrir delegações em Timor e Seul ainda este ano e em Mumbai e Cazaquistão até ao final de 2016, anunciou o presidente, Miguel Frasquilho.

"A Ásia continua a ser a zona do mundo com maior dinamismo económico e por isso justifica-se o reforço da nossa presença", disse Miguel Frasquilho à agência Lusa na sexta-feira à noite, quando estava a concluir uma visita de quatro dias à China.

Na Ásia, além das suas três delegações na China (Pequim, Xangai e Macau), a AICEP está representada no Japão, Arábia Saudita, Índia (Nova Deli), Indonésia, Emirados Árabes Unidos, Tailândia e Singapura.

Durante a sua visita à China, o presidente da AICEP encontrou-se com investidores chineses em Xangai e visitou a sede da multinacional Huawei, em Shenzhen, onde um grupo de 12 estudantes portugueses terminou um curso de formação de duas semanas.

"Constatei que temos em Portugal estudantes de excelente nível de qualidade", salientou Miguel Frasquilho.

Os estudantes, oriundos do Instituto Superior Técnico, Universidade de Aveiro e Instituto Politécnico de Leiria, foram os primeiros abrangidos pelo protocolo de cooperação assinado em 2014 entre a AICEP e a Huawei, e que vigora durante cinco anos.

Miguel Frasquilho disse ficado "muito bem impressionado" e "entusiasmado" com os contactos com os investidores chineses.

"Em breve podemos ter boas notícias", afirmou, sem adiantar pormenores.

Quanto à abertura de uma ligação direta entre Portugal e a China, o presidente da AICEP respondeu: "Estamos a avançar. A ideia está cada vez mais perto de se concretizar".

Pelas contas chinesas, nos últimos três anos, as exportações portuguesas para a China mais do que duplicaram, ultrapassando os 1.600 milhões de dólares em 2014.

A China tornou-se também um dos maiores investidores em Portugal, estimando-se em cerca de 10.000 milhões de euros o montante de capital chinês investido na economia portuguesa desde que a China Three Gorges ganhou o concurso para a privatização de 21,35% do capital da EDP, em dezembro de 2011.

"Ao nível do investimento e no plano comercial, as relações económicas entre Portugal e a China nunca foram tão fortes como agora. A China está entre os 10 principais parceiros comerciais de Portugal e tem vindo a subir de ano para ano", disse Miguel Frasquilho.

Segundo também realçou, Portugal e China "têm uma relação baseada na confiança mútua, que é o mais importante que pode existir, e essa relação é para continuar".

AC // FV.

Portal do centro de produtos lusófonos disponibiliza cerca de mil produtos

Macau, China, 31 jul (Lusa) -- O portal do centro de distribuição de produtos de países de língua portuguesa angariou em quatro meses cerca de mil artigos, segundo o Instituto de Promoção do Comércio e do Investimento de Macau.

"Temos 986 produtos de 172 fornecedores, a maioria de Portugal e do Brasil", afirmou a administradora daquele instituto, Gloria Ung, à margem de uma apresentação sobre os três centros de língua portuguesa, acrescentando que 45% dos produtos são constituídos por doces e vinho.

Por mercadorias, o chocolate e doces compõem 23,43% da oferta disponibilizada pelo portal, logo seguidos dos vinhos (22,01%). Outros produtos com mais expressão na plataforma eletrónica são o leite e derivados (8,72%), carne e marisco (7,81%) e café, chá e bebidas (7,40%).

O portal conta atualmente com 151 compradores inscritos e em quatro meses registou 18 mil visitas.

Na área de serviços, dispõe de uma base de dados atualmente composta por 119 profissionais bilingues em língua portuguesa e chinesa.

Gloria Batalha Ung disse ser ainda cedo para fazer um balanço do mecanismo ou para aferir os negócios por ele potenciados. "Estamos a apostar na promoção e a aperfeiçoar o portal em conteúdos e serviços. Vamos lançar questionários para os fornecedores poderem emitir as suas opiniões sobre os resultados", afirmou.

O Centro de Distribuição de Produtos é um dos três anunciados na conferência ministerial do Fórum para a Cooperação Económica e Comercial entre a China e os Países de Língua Portuguesa (Fórum Macau), realizada em novembro de 2013, e arrancou sob a forma de portal eletrónico a 01 de abril.

Os restantes dois centros são um de serviços para as pequenas e médias empresas dos países de língua portuguesa e outro de exposição e convenções.

Gloria Batalha Ung disse hoje que o salão de exposição dos produtos alimentares dos países de língua portuguesa deverá abrir portas no centro de Macau no segundo semestre de 2016. O local para a 'montra' da lusofonia já foi escolhido -- num edifício na Praça do Tap Seac -- mas ainda serão necessárias obras, segundo a administradora do IPIM.

FV (DM) // EL

Macau felicita Pequim pela organização dos Jogos Olímpicos de inverno de 2022

Macau, China, 31 jul (Lusa) -- O chefe do executivo de Macau, Fernando Chui Sai On, enviou uma carta de felicitações a Pequim pela organização dos Jogos Olímpicos de inverno de 2022 hoje anunciada.

Na nota, reproduzida na íntegra pelo gabinete do porta-voz do governo, Fernando Chui Sai On observa que a "feliz notícia" da conquista "demonstra ao mundo inteiro que Pequim possui toda a força e confiança necessárias para realizar um evento dessa grandiosidade" e faz com que o país, "enquanto potência desportiva, dê mais um passo no foro mundial".

"A população de Macau permanece ao lado do povo chinês, com júbilo e entusiasmo incomparáveis", realça o líder do governo macaense.

O presidente do Comité Olímpico Internacional (COI), Thomas Bach, anunciou hoje que Pequim vai organizar os Jogos Olímpicos de inverno de 2022, segundo a votação dos membros do organismo.

A capital chinesa vai tornar-se na primeira cidade a organizar os Jogos Olímpicos de verão, em 2008, e de inverno, depois de ter sido eleita em detrimento da capital do Cazaquistão, Almaty, pela maioria dos membros votantes do COI.

Depois de Sochi, na Rússia, ter acolhido a competição em 2014, a próxima edição dos Jogos Olímpicos de inverno vai ser disputada em Pyeongchang, em 2018, antes da organização chinesa.

DM (JP) // VR

Hong Kong com défice de 1,33 mil milhões de euros em junho

Hong Kong, China, 31 jul (Lusa) -- Hong Kong registou um défice de 11,3 mil milhões de dólares de Hong Kong (1,33 mil milhões de euros) em junho, informaram hoje os Serviços Financeiros e Tesouro.

A despesa pública atingiu 34 mil milhões de dólares de Hong Kong (3,99 mil milhões de euros), enquanto as receitas se cifraram em 22,7 mil milhões de dólares de Hong Kong (2,66 mil milhões de euros), segundo os dados citados pela agência de notícias Xinhua.

O défice fica sobretudo a dever-se ao facto de os principais tipos de receita, incluindo salários e impostos sobre os lucros, serem na sua maioria recebidos no final do exercício.

No final de junho, as reservas fiscais ascenderam a 802 mil milhões de dólares de Hong Kong (94,2 mil milhões de euros).

FV // VM

Sismo de 5,6 graus abala costa nordeste da Austrália

Sydney, Austrália, 01 ago (Lusa) -- Um sismo de 5,6 na escala de Richter abalou hoje o litoral do nordeste da Austrália, sem que as autoridades tenham no imediato reportado danos ou vítimas.

O Serviço Geológico de Estados Unidos, que vigia a atividade sísmica em todo o mundo, localizou o hipocentro a 10 quilómetros de profundidade, e a 133 quilómetros a leste de Rainbow Beach ou a 264 quilómetros a nordeste de Brisbane, no estado de Queensland.

O Centro de Alerta de Tsunami do Pacífico não emitiu nenhum alerta por risco de onda gigante.

O sismo ocorreu dois dias depois de um duplo abalo de 5,3 e 3,9 graus de magnitude na mesma zona, que obrigou à retirada de pessoas de edifícios por precaução e causou atrasos nas ligações ferroviárias.

Estes sismos foram considerados os mais potentes que afetaram a região nos últimos cem anos.

Os sismos são raros na Austrália, que já se encontra afastada do designado "Anel de Fogo do Pacífico", uma área de grande atividade sísmica e vulcânica sacudida por cerca de 7.000 tremores de terra por ano, a maioria moderados.

FV // FV.

Austrália vai continuar a procurar justiça por derrube do MH17 na Ucrânia - Governo

Sydney, Austrália, 01 ago (Lusa) -- A Austrália prometeu hoje continuar os esforços para acusar os responsáveis pelo derrube do voo MH17 sobre a Ucrânia, afirmando que o veto russo de uma resolução das Nações Unidas levanta questões sobre o seu envolvimento.

Moscovo vetou na quarta-feira a criação de um tribunal especial sobre a queda do avião da Malásia em 2014 no leste da Ucrânia, enquanto Angola, China e a Venezuela se abstiveram.

Onze dos 15 membros do Conselho de Segurança votaram a favor da resolução, elaborada pela Austrália, Bélgica, Malásia, Holanda e Ucrânia.

Todos os 298 passageiros e tripulantes a bordo do Boeing 777 morreram na queda do avião da Malaysia Airlines, que operava um voo comercial entre Amesterdão e Kuala Lumpur, a 17 de julho do ano passado.

O avião foi abatido numa zona do leste da Ucrânia onde se registavam combates entre forças ucranianas e separatistas pró-russos.

Países como a Austrália, Grã-Bretanha, França e os Estados Unidos acusam os separatistas rebeldes pró-russos de terem abatido o avião com um míssil terra-ar fornecido pela Rússia.

Moscovo nega qualquer envolvimento e, em contrapartida, acusa o exército ucraniano.

"Estamos absolutamente determinados em fornecer respostas àquelas famílias [das vítimas]", disse a ministra dos Negócios Estrangeiros australiana, Julie Bishop, ao Channel Seven.

Entre as vítimas, maioritariamente holandesas, estavam 38 cidadãos e residentes australianos.

"Os cinco países -- Holanda, Malásia, Bélgica, Austrália e Ucrânia -- estão determinados em continuar a encontrar um mecanismo alternativo. Vamos reunir em breve novamente e vamos encontrar uma maneira de levar à justiça os autores desta atrocidade", disse.

A União Europeia lamentou na quinta-feira o veto russo à criação de um tribunal especial sobre a queda do avião da Malásia em 2014 no leste da Ucrânia, mas sublinhou que a investigação deve prosseguir "para que seja feita justiça".

"Lamentamos muito que, na noite passada, o Conselho de Segurança da ONU não tenha adotado, devido ao veto da Rússia, a resolução sobre a queda do voo da Malaysian Airlines MH17", declarou, em Bruxelas, uma porta-voz do Serviço Europeu de Ação Externa e da Política de Segurança e Negócios Estrangeiros da Comissão Europeia.

Na quarta-feira, a Rússia vetou no Conselho de Segurança da ONU uma resolução para criar um tribunal especial para julgar os responsáveis pela queda do avião da Malásia abatido em julho de 2014 no leste da Ucrânia.

FV (ACC/EO) // VM

Diálogu: So What & For What

Polítika la’o tuir nia dalan. Justisa tau iha fatin. Hakat liu dalan polítika maka komete krime, ne’e la’os rezolve ho polítika. Krime tenki resolve liu-hosi dalan legal. Hakarak rezolve ho dialogu? So what and for what!

 Nevermind! Ema Makasae sira dehan “No what-what”. Ha-ha-ha. “What” ho “what” maka hasoru malu ne’e sai “No what-what”. Maibé, “who” ho who” maka hasoru malu ida ne’e mak sai kestaun boot. Funu-na’in ho funu-na’in maka hasoru malu ne’e sai funu-na’in hotu. Maibé. Na’in ba funu ho na’in ba funu maka hasoru malu, ida ne’e mak ema kestiona. Mauk Moruk atu dialogu ho sé no sé maka atu halo dialogu ho Mauk Moruk.

Mauk Moruk diálogu ho estadu, ne’e ema dehan so what. Mauk Moruk diálogu ho Xanana, balun sei hakilar for what. It abele husu so what no for what maibé kazu Mauk Moruk iha “what” barak lahalimar. Agora, ita hein, Mauk Moruk ninia “what” ne’e bele identifika tuir dalan polítika no dalan legal nian.

“Agora, ita mós tenki haree justisa, tanba Mauk Moruk tenki infrenta duni justisa, la’os dehan katak atu husik de’it hanesan ne’e. Saida maka nia halo, nia ba prova iha tribunal, aban bainrua se nia intrega-án katak nia lasala. Buat rua, ida polítika ninian, ida seluk kona-ba krime tenki la’o tuir justisa,” dehan Prezidenti Partidu Fretilin iha Salaun Ministériu Negosiu Estranjeiru, Sesta (24/07/2015).

Ema wa’in kestiona kona-ba diálogu ne’e. Diálogu? So what, for what! (Sai saida no ba saida? Klaru katak, konflitu ida atu hakotu liu-hosi aprosimasaun polítika la resolve ona tenki liu-hosi dalan diálogu—tur hamutuk koalia ba malu. Hori beiala sira nia tempu dalan diálogu ne’e, kuñesidu ho tribunal tradisional ne’ebé hanaran “Nahe Biti Boot Ba Dame”. Los duni katak kazu Mauk Moruk mós presiza resolve liu-hosi nahe biti boot ba dame.

Sai saida no ba saida? Prosesu nahe biti boot ba dame ne’e Timor-Leste aplika iha tempu CAVR halao namanas Prosesu Rekonsiliasaun Komunitaria (PRK) ba vitima no deponente (suspeitu) sira ne’ebé involve iha krime kmaan hanesan sunu uma, basa ema, estraga ema nia sasan, no tolok ema. Karik, Mauk Moruk ne’ebé komete iha krime todan (grave) hanesan oho ema ne’e, viola feto sira ne’e bele halo diálogu?

So what? Tanba saida maka labele. Hanoin Mauk Moruk nia sala la grave liu hanesan ita imajina. For what? Ba ema sira ne’ebé involve-án kazu passadu ne’ebé grave tebes, ita hamaus sira no fó fatin atu ukun povu Timor, tanba saida maka ita labele kria diálogu ho eis gerileiru Mauk Moruk. Se ema ne’ebé uluk diferensia ideia atu ukun rasik-án, ita kaer metin sai ukun na’in, tanba saida maka Mauk Moruk la iha fatin. Fatin ba Mauk Moruk sei iha para halo diálogu. Se la iha fatin, so what and for what! Ema Laga-mata sira hatete de’it “no what-what” (nevermind). Ha-ha-ha. (Cassimata)

Matadalan

PM Deseja Susesu Membru UNE-TL

Primeiru-Ministru (PM), Dr. Rui Maria de Araújo, Sesta (24/07), iha salaun Sosiedade Sivíl, Palásiu Governu, Díli, ofisialmente lansa partisipasaun Uniaun Nasionál de Eskuteirus Timor-Leste (UNE-TL), ba dahuluk iha Jamboree Internasionál 2015.

Iha tinan ida ne’e, Timor-Leste sei partisipa iha Jamboree International  ne’ebé maka sei hala’o iha sidade Yamaguchi, Japaun, hosi loron 28 Jullu-09 Agustu 2015.

Primeiru-Ministru ho onra no orgullu husik hela membru UNE-TL  ne’ebé reprezenta Timor-Leste iha Jamboree Internasionál 2015.

Primeiru-Ministru konvida Eskuteirus sira hotu atu haree partisipasaun Timor-Leste ninian iha kontestu importante tolu maka, primeiru; Timor-Leste partisipa hanesan nasaun Independenti, hanesan povu ne’ebé ezisti iha mundu rai klaran, no tanba ida ne’e sira ne’ebé reprezenta Timor-Leste labele halo moe Timor-Leste.

Segundu; partisipasaun reprezentante sira UNE-TL nian kuinsidi mós ho aprovasaun  formal ne’ebé Estadu liu-hosi Governu halo ba Uniaun Nasionál dos Eskuteirus de Timor-Leste liu-hosi rezolusaun ne’ebé aprova iha Konsellu Ministrus iha 21 Jullu 2015. Ida ne’e tau mós todan ba UNE-TL hotu-hotu nia kabaas atu lori fiar Estadu nian ida ne’e hala’o moviementu Eskutista iha Timor-Leste tuir duni Lord Baden Powell, Primeiru Fundadór Eskuteirus nia hanorin.

Terseiru; Movimentu Eskutista hanesan movimentu ida ne’ebé voluntariadu, forma ema nia karakter no eduka joven sira partisipa iha moris natureza nian. Ne’eduni, Primeiru-Ministru husu ba dirijenti sira atu iha vizaun ne’ebé klaru oinsá atu lori movimentu eskutista iha Timor-Leste ba oin no responsabilidade mós ba Caminheiros sira atu fó ezemplu di’ak nafatin ba Exploradores, Lobitos ho Avezinhas sira.

“Ha’u aprende Lideransa iha Eskutismu. Ha’u aprende oinsá serbisu iha ekipa liu-hosi  serbisu iha patrulla eskutizmu nian,” Primeiru-Ministru haklake.

Nia salienta ba Eskutas sira katak Eskutizmu hanesan eskola de formasaun di’ak ida ba joven sira hodi moris iha disiplina no ajuda malu bainhira infrenta difikuldades iha moris patrulla nian. Tan ne’e, vale apena moris iha eskutizmu tanba istória mundu hatudu katak iha parte barak mundu ninian ema sira ne’ebé liu-hosi movimentu eskutista hanesan eskutizmu estadu no eskutizmu katóliku ninian, sira barak  konsege ultrapasa barreiras no sai liders instituisoens boot iha Estadu nia laran.  Ne’e tanba Movimentu Eskutizmu hanorin eskutas sira hahú hosi ki’ik-oan kedas oinsá hatene ona disiplina, serbisu iha ekipa, ajuda malu,  no respeita malu.

Primeiru-Minisrtu mós salienta tan katak aspeitu importante iha eskutizmu la basta ativu de’it iha eskutizmu maibé tenke estuda, tenke matenek no tenkeser primeira pessoa hadomi natureza.  Eskuteirus ida normalmente sempre hakat ida iha ohin kompara ho ema sira ne’ebé la’os eskuteirus, tanba nia treinadu ona oinsá atu moris iha sosiedade nia leet.

Xefe Governu informa katak VI Governu sei fó apoiu tomak ba UNE-TL nia serbisu no kumpri nia responsablidadi kria kondisoens ne’ebé seidauk iha atu nune’e movimentu eskutista bele abansa ba oin.

Ikus liu, Primeiru-Ministru deseja votus de susesu ba Membru UNE-TL sira ne’ebé  sei partisipa iha Jamboree International 2015 iha Nasaun Japaun no husu ba membru UNE-TL atu buka halo kontaktus no estabelese rede de amizade ho Irmaun Eskutas iha paizes sira seluk hodi nune’e bele habelar liu-tan movimentu Eskutista nian iha Timor-Leste. (*)

Matadalan