Japaun Entrega Ona Projetu Ponte Komoro III Ba Governu

DILI, (TATOLI) – Governu Japaun liuhosi Embaixadór iha Timor-Leste, Hiroshi Minami, ohin entrega projetu ponte Komoro III ba Governu liuhosi Ministru Obras Públikas,  Salvador Eugenio Soares dos Reis Pires, ne’ebé finansia hosi japaun kuaze milliaun $23.7.

Projetu ne’e komesa iha agostu 2016 no termina agostu 2018, ne’ebé konstrui ho naruk metru 250 no luan metru 11.55 hosi kompañia Tobishima corporation nu’udar kontratór, no INGÉROSEC corporation hanesan konsultór, enkuantu enjeñeiru timoroan 15 no traballadór 100 resin.

Ministru Obras Públikas,  Salvador Eugenio Soares dos Reis Pires, agradese ba apoiu ne’e hodi dezenvolve TL.

Salvador hatutan ponte foun ne’e sei fó benefísiu ba dezenvolvimentu sosiu ekonómiku no hamenus engrafamentu iha kapitál.

ʺPonte ne’e iha kualidade di’ak, tanba ita halo iha supervizaun, kolaborasaun di’akʺ, dehan ministru hafoin ofisialmente loke ponte Komoro III ba públiku atu asesu.

Ministro Negosiu Estranjeiru Kooperasaun Japaun no ofisiál nivel altu Japaun maka sei inagura projetu ne’e iha meadu fulan-outobru 2018.

ʺAmi buka hela naran atu tau ba ponte komoro foun ne’eʺ, hatete MOP. Hodi hatutan husu ba komunidade atu uza ponte ne’e ho responsabilidade.

Embaixadór Hiroshi Minami hateten governu  fó apoiu ona iha área infrastutura estrada. ʺHa’u espera ponte ne’e sei ajuda vida lor-loron povu Timor-Leste ba dezenvolvimentu sosiu ekonómiku. Ponte ne’e hanesan amizade japaun no Timor-Leste iha povu nasaun rua ne’e nian neonʺ, afirma.

Governu Japaun liuhosi Tobishima corporation eziste ona iha TL desde 2002 hodi fó apoiu governu ba konstrusaun infrastutura bázika hanesan armajen SAMES, Ospitál Referál Maubise, Portu Oekusi.

Alende ne’e, projetu ida iha Portu Dili, Edifisiu Foun Fakuldade Enjeñaria Siénsia no Teknólojia Universidade Nasionál Timor-Lorosa’e (UNTL), Terminal Aeroportu Prezidente Nicolau Lobato Komoro.

Entretan, kompañia Tobishima corporation sei kontinua fó manutensaun durante tinan ida hafoin entrega ba Governu.

Jornalista: Agapito dos Santos | Editora: Rita Almeida

Imajen: Ponte Komoro III, ohin ofisialmente loke ba públiku. Imajen António Goncalves

Lei Orgánika foun ameaza ita-nia ambiente ho konflitu interese

Komunikadu Imprensa    

Dili, 13 Setembru 2018

Lei Orgánika foun ameaza ita-nia ambiente ho konflitu interese

Organizasaun naun-governamentál La’o Hamutuk ezije Governu foun atu altera lalais Dekretu-Lei No. 14/2018, 17 Agostu Orgânica do VIII Governo Constitucional, ne’ebé esplika estrutura, objetivu no kompeténsia sira ba kada Ministériu, tanba lei ida-ne’e mak ameasa povu nia futuru liuhosi hafraku protesaun ba Timor-Leste nia ambiente.

La’o Hamutuk haree katak fó podér ba Ministériu Petróleu no Mineiru (MPM) atu emite lisensa ambientál la tuir prinsípiu boa governasaun no sei sakrifika integridade Autoridade Ambientál RDTL nian.

Dekretu-Lei No. 14/2018 fó kbiit ba MPM (uluk MPRM) atu aprova lisensa ambientál ba projetu dezenvolvimentu boot sira iha setór petróleu no mineiru, no mós alista MPM nia knaar hanesan atu dezenvolve, promove no atrai investimentu husi rai-li’ur iha setór ida-ne’e. MPM mós hetan knaar atu koordena implementasaun Projetu Tasi Mane no deside termu kontratuál ho kompañia sira ne’ebé halo prosesu atu buka no atu esplora ita nia rekursu naturál sira.

La’o Hamutuk ezije katak podér MPM nian la bele inklui aprova no emite lisensa ambientál ba sira-nia projetu rasik tanba konflitu interese. Prosesu lisensamentu ambientál tenke independente, iha kontabilidade no transparénsia hodi proteje ita nia natureza no ambiente. Governu la bele fó espasu hodi ema ruma bele hasees an husi rekerimentu prosesu legál kona-ba lisensamentu ambientál ne’ebé iha tiha ona.

Regulamentu ambientál iha ona ninia prinsípiu, mekanizmu no prosesu liuhosi Lei Base ba Ambiente (Dekretu-Lei No. 26/2012) no Lei Lisensamentu Ambientál (Dekretu-Lei No. 5/2011). Lei sira ne’e define Autoridade Ambientál nia knaar atu lider prosedimentu Avaliasaun Impaktu Ambientál no atu emite Lisensa Ambientál ba projetu sira inklui iha setór petrolíferu no mineiru.

Tuir lei ambientál, ba projetu boot ne’ebé bele iha impaktu signifikante iha ambiente (Kategoria A), proponente projetu tenke halo estudu hodi avalia impaktu ambientál husi projetu ne’e, halo konsultasaun públiku hodi komunidade lokál komprende no bele hatán ba projetu, no aprezenta dokumentu sira ba Autoridade Ambientál.

Autoridade Ambientál ne’ebé  iha kompeténsia atu regula no lidera prosesu aprovasaun no hasai lisensa ambientál mak Sekretariadu Estadu ba Ambiente liuhosi Diresaun Nasionál Kontrolu Poluisaun no Impaktu Ambientál (DNCPIA).  Tuir La’o Hamutuk nia observasaun, entidade DNCPIA iha esperiénsia ona nu’udar entidade tékniku ho kompeténsia hodi implementa polítika no lei sira liga ba promove no prezerva ita nia meiu ambiente.

Tan ne’e, La’o Hamutuk ezije atu uza matenek, esperiénsia no kompeténsia Autoridade Ambientál nian ne’ebé iha ona, no haforsa liután sira nia servisu liuhosi investimentu ba DNCPIA tuir sira-nia nesesidade. Nune’e bele implementa ho di’ak lei ambientál sira no tau matan ba dezenvolvimentu hodi asegura ninia sustentabilidade. 

La’o Hamutuk esplika katak hodi regulasaun ambientál sai efetivu, tenke lidera husi entidade Estadu ne’ebé independente no la’ós entidade ne’ebé promove no implementa projetu. Mekanizmu ida ne’e mak sei ajuda prosesu kontabilidade (check and balance), transparénsia no asegura laiha intervensaun polítiku ba implementasaun lei sira ne’e. Nune’e bele garantia sustentabilidade ba ita-nia rekursu naturál sira no fó benefísiu ba povu Timor-Leste agora no iha futuru.

Lisensamentu Ambientál maka maneira importante Estadu nian atu asegura ita bele proteje ita nia ambiente nia kondisaun moos no saudavel agora no ba oin tempu naruk.  Nudár ezemplu: molok governu halo estrada, aeroportu ka edifísiu boot ruma, no molok kompañia privadu halo fábrika, otél boot, planu turizmu iha foho ka tasi ibun, tuir lei sira tenke aprezenta sira-nia dokumentu projetu sira hodi iha avaliasaun hafoin hetan lisensa husi Autoridade Ambientál. Nune’e, Autoridade Ambientál bele kontrola prosesu dezenvolvimentu hodi asegura projetu sira la’o tuir planu ne’ebé di’ak, sustentável no la iha impaktu negativu ba ema nia ambiente no moris.

--------- 

Bele hetan La’o Hamutuk nia karta ba Primeiru Ministru iha La’o Hamutuk nia website: http://www.laohamutuk.org/Agri/EnvLaw/2018/LH-PM-EnvironLic11Set2018te.pdf

Autoriza Viazem PR, Abel: OJE Seidauk Promulga Labele Sai

DILI – Parlamentu Nasional (PN) ajenda ona plenaria autoriza viazem Prezidente Republika (PR) ba Nova Yorque, Segunda semana oin, maibe seidauk promulga Orsamentu Jeral Estadu (OJE), diak liu labele sai, haree lai ba OJE para rezolve roda ekonomia iha rai laran.

Kestaun nee hatoo husi Deputadu PLP, Abel Pires hatete, PR nia ajenda nee hanesan orgaun estadu tenke respeitu, sira preokupasaun atu implementa OJE, tanba ema hotu hein hela promulgasaun OJE.

"Ami sente latodan, maibe primeiru sei haree lai ba promulgasaun, se seidauk promulga PR atu sai halo saida, tanba PR atu viazem mos depende ba oje 2018, se osan laiha PR mos labele sai neebe ita hein lai, karik OJE nee loos ona ok, maibe se promulgasaun laloos nee preokupasaun ba ema hotu,” katak Deputadu nee ba Jornalista Kinta (13/09/2018) iha PN.

Nia afirma,  agora dadaun promulgasaun OJE mos seidauk klaru, neebe diak liu lalikan koalia lai buat sira nee, diak liu haree lai ba povu nia moris kona ba roda ekonomia lao kalae, tanba buat sira nee hotu depende ba OJE, maibe OJE mak PR seidauk promulga atu koalia oinsa.

Nunee mos Prezidente PN, Arao Noe hatete, viazem PR ba Nova Yorque sira  ajenda tiha ona ba Segunda-Feira dia 17, iha plenaria 2,  dadersan plenaria abertura  primeira sesaun ba V lejislatura nian, i PR sei marka prezensa hodi halo diskursu ba estadu. Depois iha parte lokraik tuku 4, halo plenaria ba atu fo autorizasaun ba sentimentu Prezidente Republika ba Nova-Yorque. 

Notisia kompletu lee iha jornal STL edisaun Sesta (14092018)

Guilhermina Franco | Suara Timor Lorosae

PM Hato’o Situasaun Krítiku Ba Prezidente Repúblika

DILI, (TATOLI) – Primeiru-Ministru (PM), Taur Matan Ruak, hato’o situasaun krítiku iha setembru nia laran ba Prezidente Repúblika (PR), Francisco Guterres Lú Olo.

Nia esplika situasaun krítiku ne’e ho sentidu katak fulan ida ne’e (setembru) ba oin Governu depende maka’as ba promulgasaun orsamentu jerál Estadu 2018 ne’ebé hetan ona aprovasaun hosi Parlamentu Nasionál no dadaun ne’e Prezidente Repúblika estuda hela.

“Ha’u husu promulgasaun ne’e lais uitoan di’ak liu, tanba orsamentu ida ne’e krusiál ka determinante loos para estabiliza difinitivamente tezouru nomós despeza sira iha tinan 2018”, Taur ba jornalista sira iha Palásiu Prezidente Nicolau Lobato, Bairru Pité, kinta ne’e, hafoin enkontru ho Xefe Estadu.

Nia hateten saida maka primeiru-mninistru ko’alia ba PR katak karik demora promulgasaun ne’e Governu sei infrenta risku, maibé nunka fó presaun ba Prezidente atu promulga, tanba tenke iha regra ne’ebé la’o tuir.

“Ha’u uluk prezidente repúblika, tan ne’e ha’u hatene saida maka primeiru-ministru kuandu ko’alia ho PR ne’e halo nusa, saida maka ha’u tenke hateten no saida maka labele hateten”, Taur haktuir.

Iha biban ne’e, primeiru-ministru mós ko’alia ho PR kona-ba preparativu ne’ebé maka Governu halo ba orsamentu jerál Estadu 2019 no rekorda katak horisehik nia hahú enkontru ho membru Governu sira atu haree kona-ba saida maka atu halo.

“Orsida loraik ha’u sei hasoru hikas fali membru Governu sira atu ko’alia kona-ba polítika Governu, pur-ezemplu oinsá Governu nia polítika atu haree ba merenda eskolár iha edukasaun, ba subvensaun ne’e polítika Governu oinsá, ba agrikultura, infraestrutura ne’e oinsá no bainrua sei ko’alia kona-ba prioridade saida maka tenke halo uluk no saida maka sei halo ikus”, Taur hato’o.

Iha segunda (semana oin), nia informa sei diskute kona-ba jornada orsamentu 2019 ne’ebé sei partisipa hosi ministériu hotu-hotu, diretór jerál sira no ajénsia autónomo sira para ko’alia kona-ba programa saida maka atu halo no presiza orsamentu hira.

Jornalista: Xisto Freitas | Editora: Rita Almeida

Imajen: Primeiru-Ministru, Taur Matan Ruak. Imajen GPM

Asosiasaun Veteranus-Kombatente Konvida PM Sai Oradór

DILI, (TATOLI) – Prezidente Asosiasaun Veteranu no Kombatente Libertasaun Nasionál, David Dias Ximenes Mandati, hatete tempu badak asosiasaun ne’e sei realiza semináriu ida kona-ba reafirmasaun valór luta iha dezenvolvimentu nasionál, tanba ne’e nia ekipa mai konvida Primeiru-Ministru (PM), Taur Matan Ruak, atu sai oradór iha atividade ne’e.

“Ami atu marka loron, maibé Primeiru-Ministru dehan tenke haree fali nia ajenda, hafoin nia sei determina loron ba ami para ami prepara atu hala’o semináriu ida. Ami husu Primeiru-Ministru atu halo abertura hodi ko’alia uitoan”, tenik ba jornalista sira hafoin hasoru malu ho Xefe Governu iha Palásiu Governu, ohin.

Biban ne’e, prezidente asosiasaun hamutuk ho nia ekipa mós ko’alia ba PM kona-ba asosiasaun nia vida. “Ami hala’o hela buat balun ne’ebé mak ami atu halo ba família veteranu, ne’e mak ami hato’o ba PM”.

Nune’e mós dezenvolvimentu asosiasaun no família veteranu nia, tanba ne’e mak nia mai ho tékniku nain rua hodi ko’alia kona-ba asuntu ne’e.

Tuir nia, resposta PM pozitivu tebes, katak tenke organiza-án para komesa bele haree malu, labele ida-idak hariku-án para mosu kecemburuan sosiál.

“Ami nia problema agora mak veteranu barak moris ladun di’ak, ami hakarak ajuda uitoan maibé tenke ajuda malu. Tanba desde eis Primeiru-Ministru, Xanana Gusmão, nia tempu kuandu asosiasaun ne’e hamrik nia sempre ajuda para asosaisaun nia vida ne’e bele la’o ho di’ak”, katak tan.

Kona-ba orsamentu ba asosiaaun ne’e, nia dehan PM mak sei ko’alia, tanba asosiasaun ne’e tama ona iha organizasaun sosiedade sivíl.

Jornalista: Julia Chatarina | Editora: Rita Almeida

Imajen: Deputadu bankada FRETILIN, David Dias Ximenes Mandati. Imajen António Goncalves

Nova ponte na zona oriental da capital de Timor-Leste abre ao público

Díli, 13 set (Lusa) - A "terceira ponte" sobre a ribeira Comoro, na zona oriental da capital timorense, Díli, foi hoje aberta ao público, dois anos depois do arranque da obra, permitindo uma ligação alternativa para uma das zonas de maior expansão da cidade.

A obra, cuja inauguração oficial decorre apenas a 12 de outubro, foi hoje oficialmente entregue pela Governo japonês que financiou o projeto, avaliado em cerca de 26 milhões de dólares.

Com um comprimento de 249 metros e ligações dos dois lados da ribeira que totalizam mais de 3,2 quilómetros, a obra inclui ainda uma estrada até perto da zona de Tasi Tolu e uma nova ligação à rotunda do aeroporto Nicolau Lobato, esta última ainda em curso.

A cerca de 800 metros da ponte já existente - a CPLP I e II - e com acessos para bairros vizinhos, a nova ponte envolveu mais de 400 trabalhadores timorenses.

A expansão da capital timorense, onde reside um cada vez maior número de pessoas, tem vindo a ocorrer particularmente para a zona ocidental o que implica um crescente volume de trânsito nesta zona.

A ponte ajudará também a escoar o trânsito adicional que se antecipa quando estiver concluído o novo Porto de Tibar, que se tornará o principal ponto de entrada de mercadorias em Timor-Leste.

Com este projeto espera-se uma redução do volume de trânsito na ponte da CPLP, a única entre os dois lados da ribeira.

Recorde-se que a segunda fase da Ponte da CPLP - na Avenida Presidente Nicolau Lobato - foi inaugurada no dia 22 de julho de 2014, por altura da Cimeira de Chefes de Estado e de Governo da Comunidade de Países de Língua Portuguesa (CPLP).

ASP // JMC

Imagem: Ponte Comoro III abre oficialmente ao público. Foto: António Gonçalves/TATOLI

Tribunal de Camberra inicia julgamento de delator de escutas em Timor-Leste

Canberra, 12 set (Lusa) - Dois homens acusados da divulgação de escutas ilegais australianas ao Governo timorense começaram quarta-feira a ser julgados pelo tribunal de Camberra, capital da Austrália, julgamento iniciado ainda sem a presença dos arguidos.

Os visados são o antigo espião 'Testemunha K' e o seu advogado, Bernard Collaery.

Na primeira sessão, o processo focou-se no tratamento que será dado às questões de segurança nacional, com o avanço do caso nos tribunais, tendo ambas as partes afirmado que iriam tentar chegar a um acordo antes da apresentação das acusações, em outubro, segundo avançou o canal televisivo australiano ABC.

A sessão de quarta-feira foi aberta ao público, mas o procurador-geral federal deverá pedir que várias provas sejam apresentadas à porta fechada, durante o julgamento.

o ex-espião e o advogado enfrentam uma pena máxima de dois anos de prisão, caso sejam considerados culpados pelo tribunal.

No exterior do tribunal da capital australiana, onde decorreu a primeira sessão, vários manifestantes pediram ao Governo federal que levantasse as acusações contra os dois suspeitos.

Em causa está uma denúncia por parte da 'Testemunha K', que divulgou um esquema de escutas montado pelos serviços secretos australianos em escritórios do Governo timorense, em Díli.

As escutas foram instaladas em 2004 por uma equipa liderada pela 'Testemunha K' durante obras de reconstrução dos escritórios, oferecidas como cooperação humanitária pela Austrália.

De acordo com os relatos, através das escutas, o Governo australiano obteve informações que permitiriam favorecer as intenções australianas nas negociações com Timor-Leste da fronteira marítima e pelo controlo da zona Greater Sunrise, uma rica reserva de petróleo e gás.

O tratado, que acabou por ser assinado, apontava que cada país teria 50% da área a explorar, embora a maior parte das reservas se encontrasse dentro de território timorense.

Quando tomou conhecimento da existência das escutas, Díli contestou o tratado e apresentou uma queixa contra a espionagem de Camberra junto do Tribunal Arbitral de Haia, argumentando que, devido às ações do Governo australiano, o acordo era ilegal.

Timor-Leste retirou a acusação como ato de boa fé e, em março de 2018, os dois países assinaram um novo tratado que delimitou uma fronteira marítima permanente entre os dois países, passando Díli a receber pelo menos 70% das receitas originárias da exploração do Greater Sunrise.

Desde 2012 que a 'Testemunha K' está retida na Austrália, depois de os serviços secretos australianos (ASIO) terem confiscado o passaporte, entre outros documentos.

Em 2016, a testemunha viu-se impossibilitada de viajar até Haia para prestar declarações, visto que o Ministério dos Negócios Estrangeiros australiano negou uma nova emissão do passaporte.

O primeiro-ministro australiano, Scott Morrison, disse esperar que "a Justiça seja feita".

"É nossa intenção que as coisas sejam conduzidas de uma forma que permita que a Justiça seja feita", disse Scott Morrison, em declarações aos jornalistas horas antes do início do julgamento.

"Terá sempre o apoio da Austrália e dos serviços consulares que qualquer australiano pode esperar. Mas ao mesmo tempo temos que respeitar as leis dos nossos vizinhos e de outros países", afirmou, numa conferência de imprensa transmitida em direto pelas televisões australianas.

Peter Galbraith, um ex-diplomata da ONU que integrou a equipa de Timor-Leste espiada em 2004, criticou a Justiça australiana relativamente ao caso.

Em declarações ao jornal britânico The Guardian, Galbraith considerou a acusação aos dois homens uma ação "vingativa e sem sentido", defendendo que a Austrália devia esquecer este "episódio pouco edificante".

Galbraith insistiu que a operação de espionagem conduzida contra ele e outros funcionários de Timor-Leste foi "claramente um crime" à luz da lei internacional.

JYO (ASP) // PVJ

Imagem: O advogado de Testemunha K, Bernard Collaery, à direita, com Andrew Wilkie, no centro.  Wilkie diz que a acusação é "um ato completo e absoluto de bastardia". Foto: Mike Bowers para The Guardian

PM Halo Enkontru Informál Ho Membru VIII Governu Sira

DILI (TATOLI) – Primeiru-Ministru (PM), Taur Matan Ruak prezide enkontru informál ida ho membru VIII Governu Konstitusionál sira, hahú husi loron 12 to’o 17 iha edifísiu Ministériu Finansas.

“Reuniaun ne’e hanesan reuniaun informal ida entre membru governu sira ho Primeiru-Ministru, tanba  ami hare reflete ba loron 100 nia laran, governu konsege aprezenta ona programa no liu, orgánika governu mós promulgadu ona husi Prezidente Repúblika no ikus liu konsege aprova orsamentu jerál estadu (OJE) 2018 no agora kedas tenke hanoin konaba OJE 2019”, tenik Ministru Estadu no Prezidénsia Konsellu Ministru, Agio Pereira ba jornalista sira, kuarta ne’e.

Hodi hatutan, Xefe Governu uza oportunidade atu agradese membrus governu tomak, diretór jerál, diretór nasionál no xefe departamentu hotu tanba  iha prosesu ida ne’e servisu makas, maski governu seidauk kompletu, maibé konsege duni ezekuta polítika estadu nian ne’ebé boot no determinante ba estadu nia moris.

“Atu hanoin mós oinsá mak VIII Governu Konstitusionál ho Primeiru-Ministru hare konaba reforsu pensamentu komún, konverjénsia hanoin konaba saida mak prioridade no saida mak polítika ne’ebé governu atuál defende”, katak tan.

Nune’e mós, governante ne’e hatutan konaba polítika ne’ebé mak atu determina hanoin konaba orsamentu ba tinan tuir mai.

Jornalista: Julia Chatarina | Editór: Manuel Pinto

Imajen: Ministru Estadu Prezidénsia Konsellu Ministrus Hermenegildo Augusto Cabral Pereira. Imajen António Goncalves

MKOTT Halibur Asinatura Rihun Hodi Solidariza Bernard Collaery-Witness K

DILI, (TATOLI) - Movimentu Kontra Okupasaun Tasi Timor (MKOTT) halibur asinatura mensajen solidariedade rihun ba rihun hodi haruka liuhusi embaixada Austrália iha Díli, atu solidariza advogadu Bernard Collaery no Witness K.

Advogadu na’in rua ne’e, hetan julgamentu husi Tribunál Austrália relasiona ho kazu espionajen ba Timor-Leste (TL) husi Austrália ba delimitasaun fronteira marítima.

Ativista no komisaun organizadora ida husi MKOTT, Faustino Soares hateten, MKOTT konsidera akuzasaun ida ne’e la justu no kontra direitu manu, viola liberdade espresaun no kontra prinsípiu solidariedade iha mundu.

“Ne’e mak MKOTT organiza, halibur ita-nia mensajen solidariedade ida ne’e atu solidariza ita-nia kolega na’in rua; hanesan aktu agradesimentu ida ne’ebé povu Timor-Leste fó ba ita-nia kolega na’in rua ne’ebé hetan julgamentu iha tribunál,” informa membru ativu MKOTT, Faustino Soares ba Ajénsia TATOLI, iha jardin Liceu, ohin.

Faustino akresenta katak aktu halibur asinatura mensajen solidariedade rihun ba rihun ida ne’e hatudu katak solidariedade husi povu Timor-Leste ba povu Austrália ne’ebé defende lia loos ne’e nunka mate. Katak, ne’e solidariedade rohan laek ida nunka hotu.

“Ida ne’e mak povu Timor-Leste halo solidariedade ba povu Austrália ne’ebé mak defende lia loos, luta ba direitu umanu iha mundu, nune’e mós entre nasaun Timor-Leste ho Austrália,” nia fó razaun.

Ativista no komisaun organizadora ida husi MKOTT, Faustino soares informa mós katak ohin MKOTT rekolla mensajen solidariedade ida ne’e, hahú husi dia 12 to’o 14, nune’e dia 17 setembru 2018, sei haruka mensajen ida ne’e ba governu Austrália, liuhusi sira-nia embaixadór.

“Tanba ne’e, hakarak nafatin apela ba públiku, ba diresaun hotu hanesan veteran, povu tomak, ba joventude Loriku Aswa’in sira, ba estudante nomós ativista direitu umanu hotu iha Timor-Leste, ne’ebé mak mai husi internasionál iha hotu Timor-Leste bele uza ita-nia minutu ida hodi fó ita-nia mensajen solidariedade ne’e liuhusi asinatura ne’ebé MKOTT prepara iha fatin ida ne’e,” portavóz Faustino Soares.

Iha fatin hanesan, Isabel Mendonça, nu’udar sidadaun ida, hateten katak nu’udar sidadaun Timor-Leste ita tenke iha solidariedade ba ita-nia sidadaun australianu na’in rua ne’ebé defende lia loos kona-ba kazu Timor-Leste nian.

“Ha’u orgullu ho ita-nia maluk ne’ebé mak defende lia loos maske sira husi nasaun seluk. Katak, buat ne’ebé la justu sira defende atu halo justu. Ne’e duni ha’u nu’udar sidadaun Timor-Leste, ha’u hakarak hato’o ha’u-nia solidariedade rohan laek ba maluk ne’ebé defende ona, halo buat ne’ebé la justu sai justu,” nia dehan.

Nia mós husu ba órgaun soberanu Timor-Leste hanesan Parlamentu Nasionál no governu atu bele hamutuk ho MKOTT sujere ba Austrália labele julga sidadaun ne’ebé defende lia loos.

“Husu Parlamentu ho governu hamutuk ho MKOTT sujere fali ba governu Austrália atu labele julga ita-nia maluk na’in rua tanba sira ne’e defende lia loos no justisa, atu halo justu,” asinante Isabel Mendonça sujere.

Tuir observasaun Ajénsia TATOLI, iha fatin asinatura ne’e, públiku entuziasmu ba asina mensajen solidariedade ne’e hodi solidariza advogadu Bernard Collaery no Witness K.

Jornalista: Rafy Belo | Editór: Manuel Pinto

Imajen: Públiku atus ba atus entuziasmu ba asina mensajen solidariedade solidariza advogadu Bernard Collaery no Witness K, iha posku konsentrasaun MKOTT, jardin Liceu. Foto FB: Ryo Loriku Lialuli

UNTL Uma Na’in ba Konferénsia Internasionál Edukasaun Datolu

DÍLI, (TATOLI) - Institituisaun akadémika públika, Universidade Nasionál Timor Lorosa’e (UNTL) sai uma na’in ba konferénsia internasionál edukasaun datolu, hodi akadémiku nasionál no internasionál sira aprezenta rezultadu peskiza ho tópiku oioin hodi eleva kualidade no halo interkámbiu ideia entre akadémiku sira.

Peskizadór no aprezentadór sira ne’e maioria akadémiku timoroan sira husi UNTL inklui entidade privada balun nomós akadémiku sira husi Austrália, Japaun, Portugal, Brazil no seluk tan.

“Objetivu atu eleva kualidade akadémika iha instituisaun UNTL. Konferénsia internasionál; produsaun no diseminasaun koñesimentu kona-ba siénsia, akademikamente. Puramente siénsia, la konjuga ho polítika ruma,” hateten reitór UNTL, Francisco Miguel Martins ba jornalista sira iha Kampus Liceu, UNTL, ohin, iha marjen konferénsia internasionál ne’e.

Reitór Francisco Miguel Martins informa katak UNTL hahú, kria no institusionaliza ona ofisialmente iha 28 jullu 2011 unidade produsaun peskiza no diseminasaun koñesimentu ne’e.

“Unidade  ida ne’e nia preferénsia atu produz no disemina koñesimentu sientífiku, akadémiku, ne’ebé organiza iha revista akadémika; Veritas, ne’ebé produz ona iha unidade produsaun diseminasaun koñesimentu ne’e, mais de seis volumes ho artigu sientífiku husi profesór nasionál, internasionál ne’ebé ita produz iha dez volume,” informa reitór UNTL.

Alende ne’e, tuir reitór, kuaze fakuldade sira iha universidade públika ne’e hanesan Fakuldade filozofia, Fakuldade Siénsia Sosiál, Fakuldade Agrikultura, Fakuldade Siénsia Teknologia, no Institutu Investigasaun Sientífika; língua ninian, públika ona livru barak.

Ida ne’e hatudu katak timoroan komesa dinamiza ona iha área ida ne’e, ne’ebé uluk ita nunka hanoin atu bok.

“Maibé, ita komesa bok ona no ita haree palestrante sira ho ninia temátiku sira ne’ebé inskreve iha komunikasaun loron tolu ida ne’e, maioria timoroan sira, akadémiku timoroan ne’ebe estuda iha Austrália, Japaun, Filipina, Brazil, Portugal nomós iha país sira seluk ne’ebé mak sira iha interesadu atu públika ka troka sira-nia ideia, interkámbiu iha eventu sientífiku ida ne’e, katak instituisaun UNTL hahú ona bok produsaun obra, mezmu oituan neneik sei barak,” nia haklaken.

“Ita-nia akadémiku mós hanoin ona, envezde hanorin de’it. Alende hanorin, sira mós hakerek livru, peskiza no rezultadu peskiza ne’e sei aprezenta no disemina; habelar, halekar, nia koñesimentu sientífiku ba komunidade akadémika no komunidade enjerál,” reforsa reitór UNTL, Francisco Miguel Martins.

Reitór universidade públika ne’e manifesta katak nia orgullu ho partisipante, palestrante, oradór, aprezenta siénsia ho temátika oioin husi profesór, akadémiku timoroan sira husi universidade mak barak liu duke universidade husi país sira seluk.

“Ita presiza país sira seluk mai kompartilla, eventu internasionál ne’e katak ba sira hotu maibé kuandu ita barak liu ita sente orgullu, ita sente kontente katak ita mós dinámika, ita mós moris, atu krexe no iha kreatividade, inovatividade para halo produsaun sientífiku iha ita-nia rain,” hateten reitór UNTL, Francisco Miguel Martins.

Reitór universidade públika ne’e haktuir katak konferénsia idéntika ne’e hala’o dahuluk iha tinan liubá, envolve profesór timoroan sira barak no akadémiku timoroan sira komesa barak iha konferénsia ida ne’e.

“Ha’u sente orgullu tanba timoroan hahú ona, komesa ona moris i moris ba bebeik, ita hakarak moris ida ne’e ba oin; dinámika, sempre ba oin atu nune’e bele hetan produsaun sientífika ida ita bele públika husi akadémiku timoroan sira,” apresia tan reitór ne’e.

Organizadór ida, Dekanu FEAU, Pedro Soares konsidera katak entidade akadémika sira, sei ki’ak fontes sira hanesan livru tanba ne’e liuhusi produsaun no diseminasaun koñesimentu bele fasilita dadauk informasaun, artigu sientífiku no konteúdu balun.

“Futuru nasaun nian, la iha fontes; livru sira, ne’ebé iha relasaun ho nia (estudante) área no traballu. Entaun, aproveita situasaun ida ne’e informa, hodi bele ajuda traballu sira ne’e liuhusi divulgasaun koñesimentu,” dehan dekanu Pedro Soares iha abertura konferénsia internasionál ne’e.

Eventu ne’e organiza husi UNTL, liuhusi Unidade Produsaun no Diseminasaun Koñesimentu Programa Pós-graduasaun no Peskiza ho Fakuldade Edukasaun Arte no Umanidade (FEAU), ho apoiu husi Departementu Estudu Língua Tetun no Arte (DELTA), Rádiu Akadémika (RA) no seluk tan.

Konferénsia ne’e sei hala’o durante loron rua, hahú ohin no ramata iha sesta (14/09) ho partisipasaun husi sosiedade akadémiku, sosiedade sívil nomós interesadu sira.

Jornalista: Rafy Belo | Editór: Manuel Pinto

Imajen: Partisipante konferénsia internasionál datoluk. Foto: Rádiu Akadémika, UNTL

PN Ameasa Lori Polisia Rekolla Karreta Prado

DILI: Konsellu Administrasaun Parlamentár haruka ona karta ba eis-deputadu lejizlatura datoluk (III) nian hodi hatama karreta Prado. Maibé to’o oras ne’e seidauk hatama hotu.

Tanba ne’e, Parlamentu Nasionál (PN) liu husi Konsellu Administrasaun PN deside atu uza forsa hodi rekolla hotu karreta Prado PN nian, ne’ebé eis-deputadu sira kontinua asegura hela iha uma.

Presidente PN Arão Noe de Jesus hatete, seidauk iha desizaun sosa karreta foun ba deputadu sira, maibé desizaun finál ne’ebé Konsellu Administrasaun PN atu rekolla karreta tuan ne’ebé eis-deputadu sira uza maibé seidauk entrega.

Konsellu Administrasaun PN manda ona karta dala tolu ba eis-deputadu sira atu mai hatama karreta, ne’e duni iha karta datoluk ne’e kontinua la entrega maka sei foti asaun konkretu.

“Karik eis-deputadu sira ne’e mak kontinua la mai entrega nafatin, iha dalan rua ne’ebé ami sei halo. Liu husi prosesu judisiál no sei husu ba Polisia atu foti asaun”, dehan Arão, iha Uma Fukun PN, horisehik.

Entretantu, rejistradu iha Diresaun Nasionál Transporte no Terrestre (DNTT) karreta Prado PN ne’ebé muda ona xapa matríkula Estadu nian ba privadu hamutuk 53.

Maibé, hataan ba ida ne’e, Prezidente PN dehan, maski nune’e sein kontinua aviza ba eis-deputadu sira ne’e atu entrega hotu karreta hirak ne’e.

Desizaun ne’ebé halo ne’e kontinuidade husi III no IV lejizlatura nian ne’ebé deside kansela ona prosesu leilaun, tanba ne’e la halo ona desizaun foun.

Ne’e dui, V lejizlatura halo ona desizaun atu dada fila karreta tuan sira hodi entrega ba deputadu sira atu uza halo servisu.

“Karik sé mak sente prejudikadu ho desizaun ne’e bele lori ba Tribunál atu bele deside sé mak sala. Se Parlamentu Nasionál mak sala karreta ne’e bele hela ona ba sira. Se sira sala tenke kumpre hodi entrega”, dehan nia.

Arão hatete, iha OJE 2018 nian PN la tau osan atu sosa karreta foun tanba problema iha oin seidauk rezolve hotu, maibé kuandu karreta sira ne’e rekolla hotu entrega ona ba deputadu uza hodi hala’o servisu.

Iha OJE 2019 dalan ba iha ne'ebá sosa karreta foun, Konsellu Administrasaun sei tetu hodi tau osan, maibé rezolve uluk problema agora ne’e nian, hafoin iha futuru bele haree fali asuntu ne’e.

Jacinto Xavier | Independente

SEK Prefere Harii Sentru Kooperativa Ida Maibé Iha Ramu Barak Iha Laran

DILI, (TATOLI) - Sekretáriu Estadu Kooperativa (SEK), Arsénio Pereira da Silva, prefere harii modelu kooperativa ne’ebé iha sentru kooperativa ida de’it, maibé iha ramu kooperativa barak mak iha laran.

“Hakarak liu mak modelu kooperativa ida oinsá para husi Governu nian mai, bá iha kooperativa depois nia membru sira mai hotu iha sentru tanba grupu ki’ik-ki’ik mak halo ida-idak ninian ne’e maka ita halo produsaun ne’e ki’ik”, Arsénio katak iha Bebora, ohin.

Tanba ne’e modelu ida ne’ebé bá oin atu halo maka husi SEK hahú la’o ona ba sentru kooperativa sira ne’e no tuir planu asaun Timor-Leste iha postu hamutuk 65, entaun sei tau sentru kooperativa ida de’it iha kada postu.

“Depois ida sei iha kooperativa nivel nasionál. Tuir ita-nia lei tenke iha kofederasaun ne’ebé agora la’o ona, maibé ho modelu ida ne’e foku ba kooperativa mak kooperativa produsaun ba produtu agríkola nian, peska nian, pekuária, haki’ak manu niaN ne’e mai husi kooperativa produsaun. Ida ne’e mak sei foku ba ne’ebá sai hanesan tarjetu ba programa Oitavu Governu nian nomós iha planu ba to’o tinan lima ne’e ekonómikamente membru kooperativa sei iha mudansa”, katak.

Hatutan bainhira harii koperativa ki’ik-ki’ik no dook malu sei susar atu sukat no lahatene nia progresu, entaun ho dezeñu maka harii sentru iha postu ida.

“Ne’ebé iha suku ida balun hakarak halo kréditu uniaun, haki’ak ikan, kuda modo, ai-fuan, orsida ne’e mai hanesan kooperativa ida para nia jestaun kooperativa iha postu nian ne’e ida, maibé nia atividade oioin. Ramu kooperativa oioin mak sei iha okos depois fasil ita hatete, kontrola, apoiu sira ne’ebé bá mós klaru ona iha ne’ebá”.

Arsénio haktuir iha nia programa sei foku liu iha shorgum ne’ebé mak iha sentru ne’e mak sei sai sentrál ba produsaun, distribuisaun, prosesamentu no aprendijazen.

“Ne’e hafasil ema mai hasoru malu, koopera malu iha ne’e duké ida-idak la’o ninian Governu kontrola lahetan, fó apoiu ba mós dalaruma labele ba kontrola depois kooperativa sira lala’o di’ak”.

Jornalista: Maria Auxiliadora | Editór: Manuel Pinto

Imajen: Sekretáriu Estadu Kooperativa (SEK), Arsénio Pereira da Silva. Foto/SEDK.

Ministra Edukasaun timoroan nian apoia espansaun Eskola Portugueza de Dili

Ministra Edukasaun timoroan anunsia nia apoiu ba projetu espansaun Eskola Portugueza de Dili (EPD), ne'ebé maka simbolikamente hahú iha loron-kuarta ne'e tinan letivu no sei iha numeru alunu ne'ebé as, rihun ida liu.

"Ha'u hatene katak diresaun eskola nian iha intensaun hodi aumenta nian instalasaun sira no ha'u aproveita mós atu hatete, sira sei iha apoiu hotu hosi Ministeriu Edukasaun", afirma Dulce Soares iha loron-kuarta ne'e iha atu ida ne'ebé halao iha EPD.

"EPD no Ministeriu Edukasaun timoroan iha objetivu ne'ebé hanesan, ne'ebé maka oferese edukasaun ida ho kualidade, no tanba ne'e maka ami sempre serbisu hamutuk", afirma.

Acácio Brito, diretor eskola nian, konfirma prosesu espansaun ne'e - ne'ebé maka sei iha kustu total ida ho montante dolares millaun lima resin - ne'ebé maka lao hela, permiti aumenta halo barak tan kapasidade akollimentu alunu sira.

Projetu ne'e prevé konstrusaun pizu ida liu iha espasu edifisiu prinsipal, ne'ebé maka sei akomoda sala entre 15 no 20, konstrusaun sala multiuzu ne'ebé maka sei serve hanesan auditóriu no jinaziu no mós instalasaun kampu desportivu rua, no melloria sira seluk no alterasaun sira.

Tinan ne'e EPD sei iha alunu sira hamutuk na'in 1032, ho na'in 270 iha ensinu pré-eskolar, na'in 376 iha 1º siklu, na'in 131 iha 2º siklu, na'in 144 iha 3º siklu no na'in 121 iha ensinu sekundariu.

"Ida ne'e eskola portugueza ida ne'ebé serbisu ba Timor no relasaun maun-alin entre povu rua ne'ebé maka hakarak no iha ezersisiu ba soberania inkestionavel ida ne'ebé la iha odiu ba pasadu komum", afirma Acácio Brito.

José Pedro Machado Vieira, embaixador Portugal nian iha Díli, fó hanoin mós katak EPD hanesan "projetu referénsia ida ba Governu portuguéz" no hanesan "farol" ida iha setor kooperasaun iha area edukativa, ne'ebé "kontinua sai prioridade" ba atuasaun portugueza iha Timor-Leste.

"Edukasaun hanesan parte ida ne'ebé vizivel hosi kooperasaun portugueza no setor prioritariu atuasaun nian ida ba nasaun rua ne'e", hatete.

"Governu portuguéz apoia projetu barak ho signifikadu boot iha kualifikasaun ensinu nian iha Timor-Leste, ho grupu oioin, maibé kumpri propozitu hotu hodi apoia Governu Timor-Leste iha planu nasional hodi iha dalen portuguez hanesan lian ofisial", afirma.

Iha nia intervensaun, Dulce Soares rekomenda ba alunu sira aproveita oportunidade ne'ebé signifika estuda iha eskola "ho kualidade ne'ebé boot", tanba livru no manual sira disponibiliza gratuitamente ba estudante sira no nia hatete mós katak inan-aman sira bele aproveita hodi "aprende ho sira nian oan sira".

"Edukasaun oan sira nian labele entrega de'it ba profesor sira no alunu sira. Importante tebes akompaña ita nian oan sira. Ajuda ami, akompaña sira nian perkursu eskolar no le ho sira", afirma.

Ba finalista sira, Dulce Soares husik pedidu ida ba sira hodi esforsa no kontinua sira nian estudu universitariu no husu atu sira eskola too remata no kontribui ba dezenvolvimentu nasaun nian.

Timor-Leste presiza ema sira kualifikada, kontribui ba dezenvolvimentu nasaun ne'e", hatete, agradese mós ba dedikasaun profesor sira nian ne'ebé deslokadu hosi Portugal iha EPD.

SAPO TL ho Lusa

Governu australianu hein justisa ba kazu sasin ne'ebé denunsia eskuta ba Timor-Leste

Primeiru-ministru australianu hatete no hein katak "justisa bele halo" ba kazu ba mane ida, ne'ebé identifikadu hanesan 'Sasin K', ne'ebé maka julgamentu sei hahú iha loron-kuarta ne'e, iha Canbera, tanba divulga eskuta ilegal australiana sira nian ba Governu timoroan.

"Ami nian intensaun katak buat hotu hodi ho forma ida ne'ebé maka permite katak justisa halao duni", hatete Scott Morrison, iha deklarasaun ba jornalista sira balun antes hahú julgamentu.

"Sei iha nafatin apoiu Australia nian no serbisu konsular sira ne'ebé maka naran australianu ida bele hein. Maibe iha tempu ne'ebé hanesan ami tenki respeita lei sira ami nian viziñu nian no nasaun sira seluk", afirma, iha konferénsia imprensa ne'ebé transmiti iha diretu hosi televizaun australiana sira.

Eis-ajente hosi Servisu Sekretu Informasaun Australianu ne'e, "Sasin K" no nia advogadu, Bernard Collaery, akuzadu iha loron 28 Juñu liubá hosi Ministériu Públiku tanba halo konspirasaun no agora hetan julgamentu privadu.

Akuzadu sira ne'e sei hetan kastigu másimu tinan rua iha prizaun se karik konsidera sira hanesan kulpadu iha julgamentu ne'e.

Grupu manifestante ida, hosi movimentu GetUp, ne'ebé ba hamutuk ho deputadu independente Andrew Wilkie, iha protestu ida iha tribunal oin ne'ebé maka konsidera katak akuzasaun judisial sira ne'e motivada politikamente.

"Governu australianu tuir lolos labele akuza denunsiante no advogadu ne'e. Tuir lolos akuza sira ne'ebé maka viola lei ne'e bainhira halo espionajen iha Timor-Leste", hatete Wilkie.

Iha kauza maka kesar ida ne'ebé hato'o hosi parte "Sasin K" ne'ebé fó sai kona-ba eskema eskuta ne'ebé maka monta hosi serbisu sekretu australianu sira iha eskritóriu sira hosi Governu timoroan nian iha Díli.

Eskuta sira ne'e karik monta iha tinan 2004 hosi ekipa ida ne'ebé lidera hosi "Sasin K" durante obra rekonstrusaun eskritóriu sira, ne'ebé oferese hanesan koperasaun umanitáriu hosi Australia.

Tuir relatu sira, hosi eskuta sira ne'e, Governu australianu hetan informasaun ne'ebé permite ajuda hodi favorese intensaun australiana sira nian iha negosiasaun ho Timor-Leste ba fronteira tasi no ba kontrolu zona Greater Sunrise nian, rezerva ida ne'ebé riku ho petróleo no gás.

Tratadu ne'ebé tuirmai asina tiha ona, hatudu katak nasaun ida-idak iha 50% ba área hodi explora, maske parte ne'ebé boot rezerva ne'e halo parte iha teritóriu timoroan nian.

Kuandu iha koñesimentu ba ezisténsia ba eskuta sira ne'e, Dilí halo kedas protestu ba tratadu ne'e no aprezenta kesar ida kontra espionajen hosi Canberra nian iha Tribunal Arbitral Haia, hodi argumenta katak akordu sira ne'e hanesan ilegal tanba asaun hosi Governu australianu ne'e.

Timor-Leste hasai akuzasaun ne'e hanesan asaun fiar ida, no iha fulan-Marsu 2018, nasaun rua ne'e asina tratadu foun ida ne'ebé defini fronteira tasi permanente entre nasaun rua ne'e, no hodi halo Timor simu 70% hosi reseita sira ne'ebé mai hosi esplorasaun Greater Sunrise ne'e.

Dezde tinan 2002 maka "Sasin K" ne'e la sai hosi Australia, hafoin operasaun ida ne'ebé organiza hosi ASIO (serbisu sekretu australianu sira) hodi prende tiha dokumentu sira, inklui mós passaporte.

Iha tinan 2016, sasin ne'e la konsegue halo viajen to'o Haia hodi fó nia sasin, tanba Ministériu Negósiu Estranjeiru australianu nega tiha atu halo fali nia passaporte foun.

Peter Galbraith, eis-diplomata ONU nian ida ne'ebé hamutuk ho ekipa Timor-Leste nian ne'ebé hetan espionajen iha tinan 2004, kritika Justisa australiana ne'e.

Iha deklarasaun ba jornal britániku The Guardian, Galbraith konsidera akuzasaun ba mane na'in rua ne'e hanesan asaun "vingativa ida no laiha sentidu", saida maka Austrália tenki halo maka haluha tiha "epizódiu ne'ebé la'ós hanesan ezemplu ne'e".

Galbraith insiste katak operasaun espionajen kontra nia no funsionáriu sira seluk hosi Timor-Leste ne'e "hanesan krime ida" tuir lei internasional.

SAPO TL ho Lusa