BAINHIRA LOS MAK ESTADO ATU HARI’I TRIBUNÁL MILITÁR IHA TIMOR-LESTE?

(Artigu ida ne’e refere liu ba Oknum Polísia ho Oknum F-FDTL ne’ebé sempre halo agresaun fisiku malu hela deit)

Husi: Moisés Vicente

Perguntas iha leten ne’e soe hela ba autoridade Estado ka Governo RDTL-Repúblika Demokrátika Timor-Leste oinsa mak atu hanoin. Tamba durante ne’e tinan sanulu resin haat (XIV) liu ona nasaun Repúblika Demokrátika Timor-Leste hetan ninian restaurasaun da Independénsia.Maibé dala wain kazu barak mak sempre akontese iha instituisaun forsa Armada no ida seluk akontese iha instituisaun Polísia nian. Iha ne’e hakerek nain foti kazu tinan hirak nian hahu husi tinan 2006-2016. Iha tinan ida ne’e loron 13 Maiu 2016 kalan Membru Polísia Nacional Timor-Leste hosi Unidade Espesial Polísia Kompania Charly ho farda kompletu kareta ida, baku membru F-FDTL-Falintil-Força Defeza Timor-Leste operasionais Quater Jeneral Fatuhada, to’o baixa iha sala urjensia HNGV-Hospital Nacional Guido Valadares, Dili. (Jornál Timor Post, 16.05.2016). Kazu seluk, iha festa tinan foun Polísia Bobonaro Baku Doutor, Membru Polísia Nacional Timor-Leste Munisipiu Bobonaro halo agresaun fiziku hasoru Doutor Noe Bocage ne’ebé hala’o nia serbisu iha HRM-Hospital Referal Maliana tanba Doutor ne’e hasee Polísia ne’ebé mak baku komunidade sira. (Jornál INDEPENDENTE, 07.01.2016). Kazu seluk tan mos, foin dadaun oknum F-FDTL Baku Demantino Gomes to’o toba iha ICU Hospital Nacional Guido Valadares, Dili, iha ne’ebe kazu ne’e akontese iha loron 07 Juñu 2016 iha Becora entre vitima ho familia, maibé oknum F-FDTL ne’e to’o mai baku señor ne’e to’o grave tebes. (Jornál Suara Timor Lorosae, 13.06.2016).

Kazu seluk iha tinan 2015 wainhira Presidente da Republika Taur Matan Ruak tun ba visita suco sira iha Munisipiu Lautem komunidade balu hato’o keixa ba Presidente da Republika katak Membru F-FDTL balu uza atributu militár hanesan lori kilat tama iha manu futu fatin. Presidente da Republika Taur Matan Ruak mós husu atu populasaun atu labele tauk forsa basa forsa ne’e hanesan lutu ba nasaun Timor-Leste nian. (Jornál Timor-Post, 25.07.2015). Iha parte seluk, Xefe Estado Maior Jeneral Lere Anan Timur dehan, lakohi rona tan membru F-FDTL baku ninia komunidade rasik. “Hau lakohi haree tan membru forsa armada nian baku komunidade sira rasik, dehan Xefe Estado Maior Jeneral Lere Anan Timur liu husi nia diskursu iha ba Aniversariu Komponente Terestre ba dala 14 iha Baucau”. (Jornál Timor Post, 05.12.2015).

Kazu hirak ne’e agresaun fisiku akontese bebeik entre oknum forsa Armada F-FDTL-Falintil-Força Defeza Timor-Leste ho oknum forsa Polísia nooknum forsa rua ne’e sempre halo mos agresaun fisika ba nia povu babain. Wainhira kazu sira ne’e akontese durante ne’e sempre resolve ihainterna deit entre kada instituisaun. Depois kontinua halo julgamentu iha Tribunais Distritais maibé Juiz sira sempre desizaun ne’e tarde e baluJuiz sira halo deit arkivumentu iha Tribunal ne’e rasik. Durante ne’e ita hotu observa katak kazu sivil mak sempre julgamentu deit iha Tribunál Distritais, maibé kazu oknum militár no kazu oknum polisia ne’e sempre adia nafatin husi Tribunál Distritais no balu Juiz sira halo dezisaun no balu mos Juiz sira la halo dezisaun penal.

Nestemomento, Tribunál sira ne’ebé mak Juiz sira halo julgamentu ba kazu sivil nian mak hanesan Tribunál Distrital Díli, Tribunál Distrital Baucau, Tribunál Distrital Covalima, Tribunál Distrital Oe-cusse, Tribunál Movel no to’o ikus liu iha Tribunál de Recurso. Tuir lolos Governomos hanoin ona atu hari’i  tan Tribunál Militár iha Timor-Leste. Tuir baze legal iha ita nia lei Inan Konstituisaun Repúblika Demokrátika Timór-Leste artigu 1230 hatete katak Kategoria Tribunál sira-nian, iha ne’ebé ponto c) Tribunál militár sira-nian. Nomós iha alinea 3. Bele iha tribunál marítimu no arbitráriu sira. No artigu 1300 Tribunál Militár sira alinea 1. Kompete ba tribunál militár sira tesi-lia ne’ebé kona-ba krime ho natureza militár nian. Alinea 2. Lei Mak determina kompetensia, organizasaun, kompozisaun no knaar tribunál militár sira-nian. Tuir lolos Tribunál Militár ne’e hari’i ona atu halo julgamentu ba oknum F-FDTL no ba oknum PNTL ne’ebé mak sempre halo bebeik krime agresaun fisika ba malu entre instituisaun rua no ba ninia povu babain rasik. Ne’e parte ida.

Iha sorin seluk, iha lian Melayu (Bahasa Indonesia) dehan nune’e; mungkin orang menganggap bahwa hukum militer itu cukup untuk diketahui oleh kalangan militer saja. Hal ini tentu tidak salah, tetapi juga tidak seluruhnya benar. Hukum militer dari suatu negara merupakan sub sistem hukum dari negara tersebut, karena militer itu adalah bagian dari suatu masyarakat atau bangsa yang melakukan tugas khusus. Melakukan tugas pembelaan negara dan bangsa, dengan menggunakan senjata atau dengan kata lain tugas utamanya adalah bertempur. Militer adalah orang terdidik, dilatih dan dipersiapkan untuk bertempur. Karena itu bagi mereka diadakan norma-norma atau kaidah-kaidah yang khusus. Mereka harus tunduk tanpa reserve pada tata kelakuan yang ditentukan dengan pasti dan yang pelaksanaannya di awasi dengan ketat. Beberapa pihak menganggap bahwa yang terpenting bagi militer adalah disiplin. Itu benar, tetapi hendaknya jangan lupa bahwa salah satu unsur untuk menegakkan disiplin itu adalah hukum. Karenanya hukum itu secara tidak langsung menyelenggarakan pemeliharaan disiplin militer. Pengadilan Militer sebagai wujud nyata bagi masyarkat umum adalah lembaga penegakan hukum atau displin bagi para anggota militer. Dalam hukum pidana militer mengenal dua bentuk tindak pidana yaitu tindak pidana militer murni (zuiver militaire delict) dan Tindak pidana militer campuran (germengde militaire delict). Tindak pidana desersi merupakan suatu tindak pidana yang secara khusus dilakukan oleh seorang militer karena bersifat melawan hukum dan bertentangan dengan undang-undang khususnya hokum pidana militer.

Ba kazu hirak ne’ebé akontese bebeik ona iha ita nia rai laran depois de ita Restaurasaun Independensia tuir hakerek na’in nia konkluzaun katak, durante ne’e oknum Militár no oknum Polisia la tauk lei, oknum F-FDTL no Polisia sira ne’e mak iha lei nia leten. Iha ne’e husu ho perguntas“Lei mak Komandante ka, Maun Boot mak Komandante”?. Tuir lolos nudar instituisaun F-FDTL ho Polisia ne’e liman kroat povu nian, F-FDTL atu defende nasaun no pais ida ne’e. Iha ne’ebé Konstituisaun RDTL hatete katak artigu 1460 Forsa Armada sira 1. Forsa Armada Timór-Leste nian, FALINTIL-FDTL, ne’ebé sidadaun nasionál de’it maka halo parte, ne’e mak responsavel ba defeza militár Repúblika Demokrátika Timór-Leste nian no nia organizasaun nu’udar ida mesak ba territóriu nasionál tomak. 2. FALINTIL-FDTL garante independénsia nasionál, integridade territoriál, liberdade no populasaun nia seguransa hasoru agresaun ruma ka ameasa externa, ho respeitu ba orden konstitusionál. 3. FALINTIL-FDTL labele iha partidu polítiku no rona de’it ba órgaun soberanu kompetente sira, tuir Lei-Inan no lei, no sira labele halo intervensaun polítiku naran ida. Artigu 1470 Polísia no forsa seguransa sira 1. Polísia sei defende legalidade demokrátiku no garante sidadaun sira-nia seguransa internu, maibé sira labele iha partidu polítiku. 2. Prevensaun kriminál tenke hala’o ho respeitu ba direitus umanus. 3. Lei maka sei harii rejime ba polísia no mós forsa seguransa seluk.

   

Ikus liu rekomendasaun ba orgaun Governo tempu to’o ona atu hari’i Tribunál Militár iha pais Timor-Leste. Tamba durante ne’e kazu barak makoknum forsa armada ho forsa polísia halo bebeik agresaun fisika ruma ba ninia sidadaun rasik e entre forsa Armada ho forsa Polísia.

 Referénsia:

Alfandega Ameasa Lori Oknum P-SIK ba Tribunál. Asesu iha Jornál Timor Post, 15 Abril 2016

Tribunal Absolbe Offisial PNTL Husi Krime OIFS. Asusu iha Jornál Suara Timor Lorosae, 25 Abril 2016

Polisia Labele Abandona Desizaun Tribunál. Asesu iha Jornál Timor Post, 29 Abril 2016

Komando Harii Ekipa Independente Investiga Kazu Polisia Tiru Joven. Asesu iha Jornal Timor Post, 02 Maio 2016

Labele Hakiak Polisia Cowboy. Asesu iha Jornal Timor Post, 14 Maio 2016

UEP Hurlele Membru F-FDTL. Asesu iha Jornal Timor Post, 16 Maio 2016

Investigasaun Kazu Membru F-FDTL vs PNTL Seidauk Remata. Asesu iha Jornál Diariu INDEPENDENTE, 02 Juñu 2016

Oknum F-FDTL Baku Demantino Gomes Too Toba ICU HNGV. Asesu iha Jornál Suara Timor Lorosae, 13 Juñu 2016

Komando Inkeritu Hela Oknum PNTL Baku Pesoál F-FDTL. Asesu iha Jornál INDEPENDENTE, 15 Juñu 2016

Superior Tribunal Militar. https://pt.wikipedia.org/wiki/Superior_Tribunal_Militar 

Pengadilan Militer. https://id.wikipedia.org/wiki/Pengadilan_Militer

Teori dan Hukum Konstitusi. Prof. Dr. Dahlan Thaib, S.H., M.Si. Dr. Jazim Hamidi, S.H.,M.Hum. Dr. Hj. Ni’matul Huda, S.H., M.Hum.

Violénsia husi Polísia Hakanek Ita Hotu. http://www.fundasaunmahein.org/2016/02/05/violensia-husi-polisia-hakanek-ita-hotu-2/

*Artigu ida ne’e larepresenta institusaun ne’ebé hakerek na’in haknar ba, maibé idea no argumentu sira ne’ebé lekar iha artigu ne’e nudar opiniãopesoál. Iha sujestaun ruma bele haruka iha e-mail: moisesvicente.mahein@gmail.com   

Uniaun Europeia Parseiru Importante Timor-Leste

Dili, Radio Liberdade Online - Uniaun Europeia sai hanesan parseiru importante ida ba nasaun Timor-Leste, nune’e liu husi dialogu Sesta 10/6/2016, tuir planu durante tinan lima nia laran Uniaun Europeia mós sei fó tan apoiu balun ho montante ne’ebé bo’ot, no apoiu ne’e konsentra liu ba áreas hirak  ne’ebé importante iha Timor-Leste. Lia hirak ne’e hato’o husi Primeiru Ministru TL Dr. Rui Maria de Araújo hafoin enkontru ho Prezidenti Repúblika Taur Matan Ruak, foin lalais iha Palásiu Prezidenti Aitarak Laran-Díli. 

“Sira nia planu durante tinan lima nia laran, atu fó apoiu ba Timor-Leste iha montante 95 milhões de Euros, entaun ita presiza ko’alia ho sira para atu haree oinsá fó apoiu ida ne’e mai ita, sira nia konsentrasaun apoiu sira nian iha dezenvolvimentu rural, iha área nutrisaun, iha área boa Governasaun, no iha área Justisa ninian,” isplika PM.

Xefe Governu ne’e realsa, kontinuasaun husi diálogu ne’e tuir planu semana oin, delegasaun Governu TL sei ba to’o Bruxelas, hodi diskuti detalladu liu tan kona-ba apoiu hirak ne’e, no nia dehan maske ikus ne’e ita la duun dependenti ona ba parseiru dezenvolvimentu, maibé karik sira hakarak apoia, ita nafatin akomoda hodi halo diálogu ho sira, “kontinuasaun husi diálogu ida ne’e semana hirak oin mai governu sei iha delegasaun ida ba to’o iha Bruxelas, para halo mós konversasoens ho sira detalladamente liu tan, I ko’alia mós iha ámbitu implementasaun objetivus dezenvolvimentus sustentavél ninian iha Timor-Leste, Oinsá maka ita nia parseiru sira iha Uniaun Europeia bele apoia ita makaas liu tan, embora ita ikus ne’e la duun dependenti ona ba apoiu parseiru dezenvolvimentu nian, mas  ita nia dezenvolviemntu ne’e sei presiza rekursu barak, ita bele uza ita nia rekursus rasik, maibé wainhira parseiru dezenvolvimentu sira iha disponibilidadi atu apoia ita, ita mos tenki buka akomoda, buka halo diálogu nafatin sira.” 

Iha diálogu ne’ebé maka sei hala’o iha Bruxelas semana oin, Primeiru Ministru Dr. Rui Maria de Araújo  rasik mak sei ba partisipa.  

Rádio Liberdade Dili

Protokolu luso-timorense garante kontinuidade formasaun ba peritu forenses timoroan

Autoridade timoroan no Institutu Camões assina protokolu kooperasaun ida ne’ebé  permite assegura kontinuidade formasaun ba peritu forenses Laboratóriu Polísia Sientífika  Investigasaun Kriminal (PCIC) timoroan  nian to’o  finál 2016.

Kontratu tripartidu kooperasaun assina iha kuarta-feira ne’e, informa hosi pájina Facebook Ministériu Justisa timoroan nian, diretór nasionál PCIC, Vicente Fernandes e Brito no prezidente Institutu Camões, Ana Paula Laborinho.

Sai nundar testemuña ministru Justisa timoroan Ivo Valente, iha assinatura ba kontratu kooperasaun ne’e permite kria enkuadramentu jurídiku ba programa apoiu no formasaun.

Liliu , tuir nota Ministériu Justisa nian, peritu portugés sira sei fó apoiu ba Laboratóriu PCIC, akompaña kazu  prátiku investigasaun laboratoriál, ba iha triajen vestíjiu no tratamentu informasaun ne’ebé rekolla tuir ámbitu investigasaun judisiál.

 Programa Justisa Uniaun Europeia, insere iha Programa Cooperação Delegada da União Europeia nian iha Portugál, esplika moos iha nia  pájina Facebook, katak , badahuluk,  kontratu ne’e ", unifika, konjugasaun iha diferente fonte finansiamentu".

Ne’e hola parte liu iha Ministériu Justisa, liuhosi PCIC, Fundo de Desenvolvimento de Capital Humano do Ministério do Planeamento e Investimento Estratégico (FDCH/MPIE) Timor-Leste nian  no Programa Justisa Uniaun Europeia, Programa de Cooperação Delegada da União Europeia iha Portugal, liuhosi Camões.

Peritu forenses  Laboratóriu Polísia Sientífika hosi Polísia Judisiária (LPC/PJ) Portugál sai esensiál ninia instalasaun, iha outubru 2015, laboratóriu PCIC "ne’ebé konsta ekipamentu altamente espesializadu ", no kompletu ho unidade móvel sira.

Espesialista portugés sira ne’e moos hanesan  responsável ba formasaun no resiklajen Peritu Forenses LPC/PCIC nian 30.

SAPO TL ho Lusa

Governu altera estatutu hosi militár nian hodi mantén komandu Forsa Defeza

Governu Timór iha semana ne’e aprova ona dekretu lei ida ne’ebé altera Estatutu Militár Forsa Armada nian, hodi aumenta mandatu ba tan tinan datolu, hosi komando forsa Defeza (F-FDTL) ho forma estraordinária. 

"Alterasaun ba dala uluk ne’e foka liu ba iha renovasaun mandatu xefe Estadu-Maiór, ne’ebé to’o oras ne’e ho de’it limitasaun ba mandatu tinan rua. Ho aprovasaun refere, maka sei renova tan ba mandatu datolu, ho forma esesionál no provizória”, esplika Governu iha komunikadu.

Alterasaun ba estatutu miliár 2014 nian presija hodi enkuadra juridikamente desizaun hosi Prezidente Repúblika ne’ebé aseita proposta Governu atu renova mandatu hosi atuál xefia militár nian sira “lori estabilidade nasionál nia naran” no atu la “uza Forsa Armada hanesan instrumentu polítika nian”.

Proposta hosi Governu ne’e, hetan ona konfirmasaun hosi xefe Estadu, atu aumenta tan mandatu ba xefe Estadu-Maiór Forsa Armada (CEMGFA), Lere Anan Timur ho ninia ema númeru daruak, Filomeno da Paixão de Jesus, “ba tan tinan oin, no ho máximu tinan rua hodi prepara sira-ninia susesaun”.

Proposta Governu nian ne’e “hamosu ona efeitu iha 6-outubru-2015” ka bainhira responsável rua ne’e termina ona sira-ninia mandatu.

Proposta hosi Governu ne’e laabranje ema númeru datolu hosi forsa nian, hanesan Falur Rate Laek, atuál xefe Estadu-maiór Forsa Armada (CEMFA), ne’ebé “tuir lei (…) atinji ona limitasaun ba mandatu”.

SAPO TL ho Lusa 

PM dehan iha Bruxelas katak Timor-Leste koko daudaun atu diversifika ekonomia

Primeiru ministru, Rui Maria de Araújo horisehik dehan iha Bruxelas katak Timór halo hela reforma hodi diversifika ninia ekonomia, tanba labele depende beibeik ba ninia parseiru, gás no mina. 

Rui Maria Araújo dehan durante ninia intervensaun ida iha Jornada Europeia ba Desenvolvimentu, katak “iha planu ambisiozu ba futuru hosi dezenvolvimentu Timor-Leste nian, hanesan ho objetivu hosi Nasoens Unidas ba dezenvolvimentu sustentável”, no atu konkretiza ka alkansa buat hirak ne’e presija atu “mobilize rekursu hothotu” ho di’ak, liu hosi diversifikasaun.

"Hanesan parte hosi esforsu mobilizasaun rekursu doméstiku nian, hodi halo implementasaun ba planu estratéjiku dezenvolvimentu 2011-2030 nomós ba objetivu dezenvolvimentu sustentável hothotu, maibé ami mos iha konsiénsia katak ami labele depende beibeik ba parseiru dezenvolvimentu nomós ba iha ami-ninia rekursu gás no mina”, dehan xefe Governu Timór.

Rui Maria Araújo dehan katak iha tinan 2015, Timor-Leste hahú halo “reforma oioin hanesan reforma fiskál, ekonómika, administrasaun públika no lejislativa”, ho objetivu atu “diversifika ekonomia, atrai liu tan investimentu nasionál no estranjeiru”, maski iha nosaun katak “lafasil atu atrai investimentu hosi setór privadu ba iha Estadu frájil no pós-konflitu, tanba risku ba persesaun hosi instabilidade polítika no governativa”.

Iha ninia intervensaun, primeiru ministru Timór ko’alia dala ida tan kona-ba dame no estabilidade polítika nomós governativa ne’ebé sai nu’udar element importante ba kresimentu nomós prosperidade.

"Dame no prosperiedade depende ba malu no dezenvolvimentu maka hametin buat rua ne’e ", dehan.

Rui Araújo ko’alia iha Jornada Europeia Dezenvolvimentu nian hanesan fórum kona-ba kestaun dezenvolvimentu nomós koperasaun internasionál, nomós nu’udar etapa dahuluk hosi “périplu” ida la’os lori de’it Bruxelas, maibé inklui mos Washington ho Nova Iorke.

SAPO TL ho Lusa – Foto: gabinete primeiru ministru Timór

Filipina sei hala’o hikas negosiasaun dame ho rebelde sira iha fulan jullu

Prezidente eleitu hosi Filipina, Rodrigo Duterte,sei hala’o hikas diálogu dame hamutuk ho rebelde komunista sira iha fulan jullu, tuir negosiadór sira fó sai ohin. 

Anúnisu ne’e hanesan pasu ida hodi hapara konflitu naruk iha Ázia, ne’ebé hamate ona ema tokon-ba-tokon.

Negosiasaun ne’e hetan tiha impaktu iha tinan 2013, maibé Duterte halo kampaña atu hala’o hikas, atu nune’e bele alkansa solusaun polítika ida ba dékada rebelde ne’ebé bot.

SAPO TL ho Diário Digital / Lusa 

KAK Nia Servisu Seidauk Masimu

DILI - Instituisaun KAK hari durante tinan 8 ho balun, maibe Instituisaun nee halao servisu seidauk masimu, tamba lei anti korupsaun too agora seidauk iha.

Membru Komisaun A (PN) nebe trata asuntu Konstituisaun, Justisa, Administrasaun Publika, Poder Lokal e Anti Korupsaun, deputadu Paulo Moniz Maia hatete, KAK nee estabelese too agora KAK  nia servisu  seidauk masimu, tamba lei anti korupsaun seidauk iha.

Se lei Anti Korupsaun iha ona, bele asegura KAK nia servisu hodi detekta ema neebe maka halo korupsaun,” dehan deputadu Paulo, ba STL, iha PN, Dili, Kinta (16/06/2016).

KAK tuir deputadu Paulo katak, hanesan instituisaun independente para atu kontrola aktus neebe Governu no sidadaun sira halo. Nee duni KAK estabelese laos hare deit membru Governu ka ema boot sira, maibe ba ema kiik sira hotu neebe maka komete iha aktu korupsaun.

Iha parte seluk Membru Organizasaun Naun Govermental Ajar Inocensio Xaveir hatete, PN hari Intituisaun KAK hanesan kurtina, tamba too ohin loron Intituisaun nee laiha poder atu halao sira nia servisu ho diak. Informasaun kompletu iha STL jornal no STL Web, edisaun Sesta (17/6/2016). Carme Ximenes

Suara Timor Lorosae

Funsionariu Halao Aktividade Partidu Tenke Husu Lisensa

DILI - Prezidente Komisaun Funsaun Publika Faustino Cardoso hatete, Funsionariu Publika neebe halao aktividade partidu tempu oras servisu, tenke aprezenta lisensa sem vensimentu.

Nia hatete, lei ladehan funsionariu publiku labele afila ba partidu ida, i konstituisaun mos garante liberdade ba ema atu vota ba partidu saida deit, maibe tenke hatur tuir nia fatin no tempu.

Ita nia lei dehan, se karik funsionariu publika atu halao aktividade partidu nian halao iha tempu oras servisu, entaun husu atu aprezenta lisensa seim vensimentu hodi nunee nia bele halao servisu partidu nian,” dehan Faustino, ba STL, iha PN, Kuarta (15/06/2016).

Prezidente Funsaun Publika Faustino haktuir tan katak, tuir nia tempu signifika, iha tempu servisu funsionariu tenke dedika oras tomak servisu nian ba iha interese publiku, iha tempu fora husi oras servisu nee liberdade ninian.

Iha fatin ketak membru Parlamentu Nasional husi bankada CNRT, Agostino Lay hatete, Funsionariu Publika neebe maka halao aktividade servisu tenke iha loron feriadu, labele iha loron servisu, i nunee mos labele uja embele partidu nian hanesan kamizola ba fatin servisu. Informasaun kompletu iha STL jornal no STL Web, edisaun Sesta (17/6/2016). Carme Ximenes

Suara Timor Lorosae

Roberto: “TL Laiha Politika Tama Lalais Asean”

DILI – Governu Timor Leste esforsu an atu adere ba ASEAN hamutuk ho nasaun sira seluk, maibe TL rasik laiha ambisaun atu adere lalais ba ASEAN.

Deklarasaun nee fo sai husi Ministeru Negosiu Estrnjeiru no Kooperasaun Interinu, Roberto Soares, ba jornalista sira iha niania servisu fatin hafoin remata loke Workshop konaba ASEAN Ecomonic Community neebe halao iha MNEC Kinta (16/06/2016).

Timor Leste priense hotu ona kriteria atu tama ASEAN no ASEAN sira mos responde ona konsesualmente pela primeira ves iha istoria ASEAN nian 2011 hodi avalia Timor Leste nia protidaun atu sai membru ba ASEAN, no tinan nee sira sei diskute seriu teb-tebes hodi hare Timor Leste nia intregasaun ba ASEAN, tanba nee ita husi ba ASEAN mak deside bainhira los mak ita tama tanba ita laiha politika ida atu ejize tama lalais ASEAN maibe ita perpara ona,” dehan Roberto.

Nia hatutan TL oras nee kontinua halo perparasaun atu tama ba ASEAN atu nunee wainhira tama, bele kontribui liu tan ba politika dinamika ASEAN nian rasik. Laos nee deit Roberto hatete adesaun TL nain ba ASEAN nee laos atu sai fali obstaklu ou inpedementu ba dezenvolvimentu politika ASEAN, maibe sei sai mos solusaun no kontribusaun esepsional hodi bele hao ASEAN sai ASEAN ida neebe mak forte liu tan.

Iha fatin hanesan, Aquilis Ferreira, mos hatete planu governu nian atu lori TL adere ba ASEAN nee diak tebes maibe presija prepara didiak, atu nunee bele lori benefisiu ba povu TL nomos perpara rekursu humanus ba kompetisaun. Informasaun kompletu iha STL jornal no STL Web, edisaun Sesta (17/6/2016).Thomas Sanches

Suara Timor Lorosae

Agio: Konsiliasaun Obrigatoriu Entre TL ho Australia Lao Diak

DILI - Prezidente Republika (PR) Taur Matan Ruak simu informasaun husi Primeiru Ministru (PM) Interinu Agio Pereira, konaba konsiliasaun obrigatoriu entre Timor Leste (TL) ho Australia ba  delimitasaun fronteira maritima.

Lia hirak nee hatoo husi PM Interinu Agio Pereira, ba Jornalista sira, hafoin remata enkontru ho PR Taur, iha Palasiu Prezidenisal, Aitrak Laran, Dili, Kinta (16/06/2016).

Ami koalia konaba konsiliasaun obrigatoriu nia ho Australia nee lao diak hela, tamba Australia hili ona sira nia lider nain rua, ita mos iha nain rua ona, agora tenki hili maka Prezidente, neebe Prezidente nee 22 juniu, ita tenki hili ona para dirizi komisaun nee lao ba oin,” hateten Agio.

PM Interinu nee haklean tan katak tuir regra se la hili Prezidente, Sekertariu Jeral ONU maka sei hili ba Australia ho TL, maibe lao diak hela, sira fiar katak TL sei iha Prezidente Komisaun.

Tuir Agio Prezidente Republika Taur Agradese, tamba Prezidente hatene katak governu kaer prosesu nee lao ba oin, tamba nee husi Konsellu Ministrus hili Agio Perreira maka sai ajente ba TL. Informasaun kompletu iha STL jornal no STL Web, edisaun Sesta (17/6/2016). Joao Anibal

Suara Timor Lorosae

Estadu Deve TT Tanba Fraku Iha Jestaun, Tenk Investiga Tuir

DILI – Too oras nee Estadu Timor Leste sei deve hela osan husi Kompania Telekomonikasaun Timor Telekom (TT) Hamutuk Miliaun 9.5 hahu husi tinan 2005 too Abril 2016.

Tuir Peskijador husi Organijasaun Non Govermental Lao Hamutuk, Juvinal Dias, ba jornalista sira iha nia servisu fatin Bebora Kuarta (15/06/2016) hatete, deve sira nee mosu tanba deit jestaun servisu mak la diak.

Estadu kontinua impresta osan husi institusaun internasional sira agora deve sira neebe mak iha kompania sira nee TT, tanba efeitu husi jestaun neebe mak la diak, lolos nee estadu labele iha tusan ba TT nee tanba deit jestaun estadu nian fraku atu kontrola funsionariu nomos membru governu sira uza internet, telfone no seluk tan,” dehan Juvinal.

Nia hatutan tanba deit laiha kontrola neebe diak maka ema no institusaun balu uza telfone no internet, liu fali kapasiade estadu nian atu selu no balu uza sasan estadu nian ba fali kepentingan pribadi.

Iha fatin ketak tuir akademia, Felciano Barreto, hatete presija investigasaun ida neebe mak klean atu hatene lolos estadu deve TT hamutuk miliaun 9.5, tanba tuir nia diskunfia iha kon kali kon.

Nunee mos Duarte Fernandes husu estadu tenke hadia sistema uza telfone nomos internet neebe mak ofrese husi TT, atu nunee labele hamosu tan deve neebe mak ho osan boot iha future, tanba osan povu nian lolos nee gasta ba povu laos gasta ba selu deve. Informasaun kompletu iha STL Jornal no STL Web, edisaun Kinta (16/6/2016). Thomas Sanches

Suara Timor Lorosae

Povu Moris Kiak, Ukun Nain Gengsi Halo Uma Andar

DILI - Povu Nasaun ida nee sei moris iha kiak no mukit nia laran, maibe ukun nain sira gengsi halo ona uma andar, aero portu no portu internasional, hodi amostra ba pais mundu seluk.

Tuir deputadu bankada Frente Mudansa Jorge Teme katak, ukun nain sira hakarak hatudu gengsi ho pais seluk, hahu ona halo aero portu, portu, projetu tasi mane no edefisiu aas tebes hanesan finansas neebe gasta osan 50 milloens de dolar, hodi amostra ou hatudu ba nasaun seluk katak, Timor mos iha.

Buat sira nee ita halo hatudu ita nia gensi ba pais sira mundu seluk deit, maibe ita haluha katak ita nia povu nee sei moris iha kiak no mukit nia laran hela,” dehan deputadu Jorge, ba STL, iha PN, Dili, Kinta (16/06/2016).

Deputadu Jorge hatete, povu maka sai alvu ba dezenvolvimentu, liu husi hadia sira nia moris, se halo uluk uma luxu, aero portu, portu no projetu tasi mane, nee hatudu katak, dezemvolvimentu lakona ba sasaran.

Eis Ministru ESTATAL nee hatete, Timor Leste iha osan husi fundu petroliu, hodi dezenvolve povu nia moris. Tamba bainhira povu moris diak, maka Governu atu halo ponte husi Dili ba Atauro ka ponte okos husi Dili ba Oecusse nee laiha problema.

Iha fatin hanesan membru PN husi bankada CNRT, Antonio Cerpa hatete, durante Governu AMP too agora gasta ona osan kuaze billaun 10, hodi halao dezenvolvimentu iha rai laran, povu seidauk hetan nia benefisiu. Informasaun kompletu iha STL jornal no STL Web, edisaun Sesta (17/6/2016). Carme Ximenes

Suara Timor Lorosae