JSMP Duvida Se Emilia Simu Prijaun Iha Portugal

DILI - Sosiedade sivili preokupa ho rumoris neebe dehan, eis Ministra Finansas Emilia Pires, bainhira simu desijaun husi tribunal, sei kondena iha prijaun Portugal.

Tuir Diretur Ezekutivu JSMP Luis De Oliveira Sampaio katak, diskusaun balu iha media, desijaun sai husi Tribunal ba Emilia, maka nia sei la iha nee, maibe simu prijaun iha Portugal. Nee hanesan duvidas ida.

Agora diskusaun balu koalia iha media katak, se desijaun sai maka Emilia Pires la iha nee, nia bele simu prijaun iha Portugal, hau duvida ho mekanizmu nee. Tanba iha kazu ida nee, Emilia ba tiha rai liur, nia halao atake serius konaba kualidade sistema judisiariu iha Timor nian,” hateten Luis ba Jornalista sira, iha nia knar fatin Colmera Sesta (04/08/2017).

Nia salienta, Emilia nia identidade hanesan sidadaun Portugeza. Portugal sira mos sei la halao desijaun, bainhira sira sente nia sidadaun, iha julgamentu neebe la justu, no buka mekanizmu atu bele, transfere nia mai iha Timor.

Nunee kazu Emilia, se Ministeriu Publiku rasik hatene, ema nee sidadaun dupla iha posibilidade se nia ba liur, labele fila fali mai, tribunal tenke estuda buat sira nee. Tanba se nia ba bele husik tiha pasaporte ida, hodi kaer fali pasaporte seluk.

Iha fatin seluk, Finalista FCS Hermenejildo Soares hateten, ema hotu tenke hakruk ba lei. Iha balu tama ona kadeia, nunee sira neebe sei prosesa hela hanesan Emilia, se nia sala tenke tama mos prijaun. Terezinha De Deus

Suara Timor Lorosae

Cancio Sai Ezemplu Ba Jerasaun Foun

DILI – Akademika sira apresia ho eis Ministru Edukasaun neebe kumpri desijaun, hodi tama prijaun. Nia sai hanesan ezemplu ba jerasaun foun, atu halao servisu ho diak.

Tuir Finalista FCS Martino Magno katak, nasaun Timor Leste iha nia lei rasik, nunee ema hotu tenke hakruk ba lei neebe iha. Hanesan eis Ministru Edukasaun, tama kadeia sai ezemplu ba ema seluk.

“Lei iha Timor tenke forte, no ita hotu moris iha lei nia okos. Hanesan eis ministru Joao Cansio neebe tama kadeia, nia kumpri sala neebe nia halao, hatudu ba ukun nain jerasaun foun atu ukun ho kuidadu, se halao sala bele tama kadeia,” hateten Martinho ba STL iha Kampus Kaikoli Sexta, (04/07/2017).

Salienta tan, ukun nain balu neebe tama ona kadeia, hatudu ezemplu diak ba jerasaun foun. Bainhira ukun, tenke halao servisu ho diak, no servisu tau atensaun ba dezenvolvimentu rai nee nian.

Iha fatin hanesan, Akademika UNTL Margarida Salsinha hateten, lei iha nunee justisa justu ba ema hotu. Se deit mak halao sala, tenke ba hatan iha Tribunal, no desijaun iha tribunal sala, tenke kumpri nia sala hodi tama kadeia. Terezinha De Deus

Suara Timor Lorosae

DEMISSÃO | Xanana Gusmão quer que CNRT analise fracasso nas legislativas timorenses

Díli, 04 ago (Lusa) - Xanana Gusmão disse hoje que o CNRT tem que analisar as causas do fracasso eleitoral nas legislativas em Timor-Leste, sobretudo nos municípios onde sofreu "pesadas derrotas", para poder consolidar-se e reforçar a sua capacidade política.

Num discurso em que anunciou a sua demissão como presidente do partido e em que defendeu que o Congresso Nacional da Reconstrução Timorense (CNRT) deve ser oposição e não integrar qualquer coligação de Governo, Xanana Gusmão pediu um debate como "espírito de honestidade" e clareza".

"Haverá tempo e espaço para que todos possam fazer um relatório sobre a situação, dificuldades ou problemas que cada um enfrentou", declarou na abertura de uma conferência que vai agora decorrer, à porta fechada, até domingo.

"Pediria que os debates alimentem o espírito de honestidade e que os problemas sejam postos com clareza, para que, depois de conhecermos todos as verdadeiras causas do fracasso, cada um possa refletir, com consciência e sinceridade, sobre os seus atos e possa assumir eventualmente as suas responsabilidades", disse.

Xanana Gusmão demite-se do CNRT, defende que partido deve ser oposição timorense

Díli, 04 ago (Lusa) - Xanana Gusmão demitiu-se hoje da presidência do CNRT, assumindo responsabilidade pela derrota do partido nas legislativas timorenses, e defendeu que o partido não deve entrar numa coligação de governo e deve ser oposição.

"Com um sentimento de tristeza, mas que não consegue reduzir um orgulho muito profundo por ter liderado um partido como o CNRT, também eu, obedecendo ao imperativo da minha consciência, tenho que tomar uma decisão sobre mim mesmo", disse o até agora líder do Congresso Nacional da Reconstrução Timorense.

"Demito-me do cargo de presidente do partido, estando sempre ao dispor desta grande organização política partidária. Nos próximos cinco anos empenhar-me-ei a prestar o meu total apoio para a melhoria e consolidação do partido CNRT, que eu respeito, porque pulsa no meu coração", anunciou.

A demissão de Xanana, que surpreendeu os dirigentes e militantes do partido, surgiu no final de um discurso em que fez uma primeira análise à derrota do partido nas eleições legislativas de 2017.

Xanana La Partisipa Lansamentu Retratu Governu Tanba Konferénsia CNRT

DILI, (TATOLI) – Ministru Planeamentu Investimentu Estratéjiku (MPIE), Kay Rala Xanana Gusmão, ohin, la marka prejensa iha lansamentu livru retratu mandatu governu ba tinan 2015 to’o 2017 iha salaun Ministériu Negosiu Estranjeiru no Koperasaun, Praia dos Coqueiros, Dili tanba konsentra konferénsia partidu Kongresu Nasionál Rekonstrusaun Timor (CNRT-sigla portugés).

“Partidu CNRT ohin atu halo konferénsia, entaun Xanana Gusmão hanesan prezidente partidu la prezensa iha lansamentu retratu VI Governu Konstitusionál tanba nia sei konsentra iha servisu partidu nian”, informa Xefe Governu, Rui Maria de Araújo liuhosi konferénsia imprensa.

Mesmu nune’e, Ministru Obras Públikas Transporte no Komunikasaun, Gastão Sousa maka reprejenta Xanana Gusmão nu’udar MPIE iha eventu ne’e.

Nia dehan, VI Governu Konstitusionál besik remata ona, tanba ne’e serimónia ne’e hanesan Xefe Governu simu formalmente relatóriu ne’ebé ministériu sira prepara iha dokumentu ida hanaran “VI Governasaun”.

CNRT Hili Opozisaun Iha Periodu 2017-2022

DILI, (TATOLI) - Prezidente Partidu Kongresu Nasionál Rekonstruksaun Timor-Leste (CNRT) Kay Rala Xanana Gusmão deklara iha abertura konfrensia nasionál iha Sentru konvensaun Dili, ohin, Sesta (04/08) CNRT sai opozisaun ba periodu 2017-2022, tanba komitmentu politika.

“CNRT diside sai de’it Oposisi iha Parlamentu Nasionál (PN) hodi kontribui prosesu konstruksaun no dezenvolvimentu Timor-Leste hodi hamtein tranzisaun demokratiko iha pais ida ne,” Kay Rala Xanana Gusmão deklara iha nia diskursu abertura, foin lalais ne’e.

Nu’udar opozisaun Xanana dehan, prezensa CNRT iha Parlamentu hanesan opozisaun sei kontribui ho posetiva no konstruktiva hodi servi nasaun doben Timor-Leste.

Lori Partidu CNRT nian naran, Xanana Gusmão hato’o parabens ba partidu FRETILIN ba oportunidade di’ak ne’ebé povu diside liuhosi rejultadu eleisaun nudar partidu vensedor hodi kaer ukun.

Xanana Demite Nu’udar Prezidente Partidu CNRT

DILI, (TATOLI) - Prezidente Partidu Kongresu Nasionál Rekonstruksaun Timor-Leste (CNRT) Kay Rala Xanana Gusmão sente katak durante tinan sanulu la iha tempu hodi orienta didi’ak partidu CNRT, ohin, Sesta (04/08) afirma hodi demite hosi kargu nu’udar Prezidente Partidu CNRT maibé sei kontribui nafatin ba CNRT.

“Rajaun durante tinan 10 ha’u ladun orienta di’ak liu partidu karik? Formasaun no kurizi hahalok membru governu, nune’e ha’u Kay Rala Xanana Gusmão dimite an hosi kargu Prezidente partidu CNRT maibé servi nafatin ba CNRT ba tinan lima mai hodi ajuda hakbit CNRT ne’ebé ha’u respeita tebes. Husu ba estruktura atu konvoka kongresu extraordinariu ida atu koalia fali kona ba lideransa partidu nian ba future,” Xanana afirma iha sentru konvensaun Dili.

Nu’udar Maun Boot ba partidu Xanana konsidera derota ne’ebé CNRT hasoru iha eleisaun lejislativa foin lalais ne’e nu’udar oportunidade atu hadia, aprende, atu kurizi no reforsa liu tan CNRT ba oin.

Xanana mós bolu atensaun ba kuadrus polítiku, simpatizante no militante atu iha Konfrensia nasionál durante loron tolu (Sesta-Domingu) ida-idak haree ba nia isin lolon rasik, tanba dala ruma la deskobre moras iha isin lolon mak ikus mai sei mate.

KHUNTO Prontu Serbisu Hamutuk ho Partidu Vensedór

DILI, (TATOLI) – Konseleiru Superior Partidu Kmanek Haburas Unidade Timoroan (KHUNTO), José dos Santos Naimori Bucar hateten KHUNTO prontu serbisu hamutuk ho partidu vensedór iha eleisaun parlamentár.

“Partidu KHUNTO prontu de’it atu koopera hamutuk ho partidu ida ne’ebé manán hodi halo dezenvolvimentu ba nasaun ida ne’e”, dehan Naimori ba jornalista sira iha Palásiu Prezidente Nicolau Lobato, Bairru-Pité, Dili, sesta ne’e hafoin enkontru ho Prezidente Repúblika, Francisco Guterres Lú Olo kona-ba formasaun governu.

Nia informa, sira hein de’it desizaun hosi partidu ne’ebé maka hetan votus barak liu iha eleisaun parlamentár.

“Iha loron 12 agustu, ami sei hasoru malu ho estrutura partidu FRETILIN iha Hotel Novo Turizmu no hafoin hasoru malu maka ami fó rezultadu inkontru ne’e oinsá”, tenik Naimori.

Nia hatutan estrutura KHUNTO halo partidu la’ós haree ba nia kadeira de’it maibé oinsá atu kria dezenvolvimentu ne’ebé di’ak, estabilidade no páz para bele alkansa povu nia mehi.

Jornalista: Xisto Freitas | Editora: Rita Almeida

Foto: Konselleiru partidu KHUNTO ho estrutura dadalia ho jornalista sira hafoin enkontru ho Xefe Estadu. Foto Tatoli/Egas Cristovao

ACTL Lansa Kompetisaun Festivál Kafé

DILI, (TATOLI) – Asosiasaun Kafé Timor-Leste  (ACTL-sigla iha portugés) lansa ona kompetisaun iha festivál kafé Timor-Leste 2017 ne’ebé hahú iha fulan-agostu no sei remata iha outubru 2017.

Kompetisaun iha festivál ne’e, sei partisipa husi produtór kafé ne’ebé mai husi munisípiu Aileu, Ainaru, Bobonaru, Dili, Ermera, Likisá, Manatutu no Manufahi ne’ebé sei amostra kafé husi kada munisípiu hodi entrega ba ACTL ne’ebé servisu ho entidade sira seluk para prepara di’ak hodi konvida mós peritu sira husi rai-liur hanesan Indónezia, Tailándia, Kanadá no hamutuk ho timoroan sira hodi bele koko kafé nia sabór no kualidade.

Prezidente ACTL, Evangelino Monteiro Soares informa, ohin loron 4 agostu komesa hahú ona kompetisaun no kolleta amostra depois sei enserra iha 28 outubru.

“Hahú lansamentu ohin maibé sei halo lansamentu ba dala-ida tan iha Fatubesi, Ermera hodi loke festivál depois enserra hodi koko kafé iha Maubisi para bele anúnsiu sé mak hetan rezultadu sabór di’ak, mai husi munisípiu ne’ebé no produtór ida ne’ebé”, Evangelino hatete iha Fomentu, Dili, ohin.

RTTL | JOURNAL MEIO-DIA

RTTL ep

Orgaun 4 Servisu Hamutuk Lori Emilia Fila

DILI – Desijaun husi Tribunal hasai ona ba membru governu balu, hodi kumpri sira nia sala, tama prijaun. Maibe Emilia la kumpri nia sala, hodi ses husi Timor, orgaun 4 sei hare ba ida nee.

Tuir Director Ezekutivu HAK Manuel Monteiro katak, iha membru governu balu, kumpri ona nia sala, hodi ba hatan iha tribunal. Maibe Emilia too agora seidauk mai hatan, orgaun 4 tenke hare ida nee.

La kumpri desijaun tribunal, Emilia sei iha rai liur, nee kompetensia estadu nian, signifika orgaun 4 nee hotu. Tanba Emilia loas, iha area juridiksaun tribunal ninian, alende laos iha area juridiksaun timor ninian Dili ninian, nia iha area juridiksaun Portugal, tenke servisu husi orgaun 4 nee, hodi lori nia mai ” hateten Manuel ba Jornalista sira iha Farol Kuarta, (02/08/2017).

Nia salienta tan, maske Emilia seidauk fila hodi kontribui ba justisa, maibe iha ona membru governu Joao Cansio neebe komete iha krime administrasaun danoza, previstu iha artigu 274 kodigu penal, kumpri pena prijaun tinan 4 fulan 6 selu mos indimizasaun ba estadu $ 1. 410. 000.00.

Nunee iha tempu badak mos, eis SEOP Domingos Cairo neebe komete krime admenistrasaun danoza, sei tama pena prijaun tinan 3 fulan 6, selu indimizasaun ba estadu $200.00. Eis SEOP nee kondena, relasiona ho kazu konstrusaun estrada iha munisipiu bobonaro durante nia mandatu.

Iha fatin seluk Akademika FCS Martinho Mendonsa hateten, hakarak ka lakohi ema hotu tenke hakruk ba lei neebe iha, maske nia nee ema boot. Terezinha De Deus

Suara Timor Lorosae

Fidelis, Lista II Troka TMR Iha PN

DILI – Relasiona ho deklarasaun ho Prezidente Partidu PLP la tuur iha Parlamentu Nasional (PN), posibilidade membru husi lista segundu mak sei ba tuur iha Parlamentu Nasional, hodi troka Taur Matan Ruak.

Deklarasaun nee fo sai husi, Vise Prezidente PLP, Fidelis Mangalhaes uainihira remata debate Publiku Dili Demokrasia Forum (DDF), Edefisiu STL, Osindio Surik Mas, Kuarta (02/08/2017).

Ema neebe mak troka Prezidente Partidu PLP mak iha ninia reprejentante ida liu husi lista II tun mai iha kraik mak sei okupa no ida sei substitui ema id aba iha Parlamentu nasiona ho kadeira 8,” dehan Fidelis.

Nia hatutan, Prezidente Partidu PLP, Taur Matan Ruak, fo sai tiha ona katak nia sei la ba iha Parlamentu Nasional maibe fo apoiu deit ba hirak neebe mak sei ba iha Parlamentu Nasional no iha kotuk hodi fo apoiu deit ba hirak nebee mak iha Parlamentu Nasional.

Antes nee, Prezidente PLP, Taur Matan Ruak ninia parte sei la na tur iha paelamentu tamba sei represnta husi ema neebe maka iha partidu laran. Domingos Piedade/Carmen Ximenes

Suara Timor Lorosae

PLP hakarak sai opozisaun maibé bele hakarak halo parte iha Governu

Partidu Libertasaun Popular (PLP) hakarak sai hanesan opozisaun iha parlamentu timoroan oinmai, maibé bele hakarak halo parte iha Governu, hodi hatudu disponibilidade hodi ko'alia ho partidu ne'ebé hetan liu votu, Fretilin.

Fidelis Magalhães, líder ida hosi partidu, hatete iha loron-kinta katak PLP nia preferénsia maka hela iha opozisaun, maibé la hasai posibilidade, bainhira husu rasik hosi Lusa kona-ba posibilidade ne'e, bele iha membru ruma iha ezekutivu tuirmai.

"Halo espekulasaun kona-ba posibilidade ida iha futuru hosi PLP hodi halo parte iha Governu sei hanesan sedu tebes", nia afirma iha Palásiu Prezidensial.

Fidelis Magalhães ko'alia hafoin partisipa tiha, ho líder hosi partidu nian Taur Matan Ruak (antigu xefe Estadu), iha enkontru ida ho Prezidente Repúblika, Francisco Guterres Lu-Olo, ne'ebé iha loron-kinta ne'e hahú rona partidu polítiku eleitu sira ba parlamentu nasional hodi harii Governu.

CNRT la klarifika pozisaun kona-ba Governu to'o findesemana

Sekretáriu-jeral CNRT nian hatete ona, iha loron-kinta ne'e, katak partidu daruak ne'ebé hetan liu votu iha loron 22 Jullu sei desidi de'it atu apoia, ka la'e, formasaun ba Governu tuirmai hafoin konferénsia partidáriu iha findesemana.

"Hahú aban [loron-sesta] iha konferénsia ida. No hafoin ne'e maka iha rezultadu ida no ami tenki respeita vontade hosi konferensista sira", afirma hosi Francisco Kalbuadi iha deklarasaun sira ba jornalista sira iha Palásiu Prezidensial iha Díli.

Francisco Kalbuadi ko'alia hafoin reuniaun ida ne'ebé durante besik minutu 30 ho Prezidente timoroan ne'ebé hahú rona ona partidu eleitu sira ba Parlamentu Nasional hodi harii governu foun tuirmai.

Ba dala rua dezde eleisaun sira loron 22 Jullu nian, xefe Estadu timoroan konvida ona prezidente Xanana Gusmão ba reuniaun ida maibé nia la ba palásiu maibé haruka sekretáriu-jeral, Francisco Kalbuadi, maka reprezenta nia fatin.

Fahe Estratéjia Forsa Navál EUA-TL Treina Hamutuk

DILI, (TATOLI) - Forsa Navál Estadu Unidu Amérika (EUA) no Falintil-Forsa Defeza Timor-Leste (F-FDTL) treina hamutuk iha ezersísiu anuál CARAT (Cooperation Afloat Readiness and Training) hodi hadi’a kapasidade seguransa marítima no hasa’e kapasidade téknika no ekipamentu inklui haforte serbisu ekipa militár nian ho efetivu.

Kapitaun Korpu Mariña EUA, Chris McFadden hateten, F-FDTL sira treinadu di’ak ona, forsa navál EUA mai hodi fahe abilidade no estratéjia hodi hala’o atake ba grupu ki’ik organizadu sira.

“Agora ami mai ne’e atu fokus liutan kona-ba oinsa fahe abilidade no estratéjia ba malu kona-ba oinsa atu ba ataka grupu ki’ik oan sira. Tanba ne’e, espera katak sira (F-FDTL) sei dezenvolve aan di’ak liutan,” hateten kapitaun Chris McFadden, iha Hera, Díli, ohin ba profisionál komunikasaun sosiál sira.

Polísia: Estudante sekundáriu mate tanba konfrontu entre joven sira, kaer na'in ida

Komandante polísia timoroan nian hatete iha loron-kinta ne'e katak joven na'in ida ho tinan 15 mate tanba sai hanesan vítima hosi diskusaun entre alunu sira iha eskola ida iha munisípiu Baucau maibé nega katak la'ós insidente polítiku ida.

"Laiha problema polítika ida. Hanesan konfrontu ida entre alunu sira hosi eskola sekundária ida ne'ebé maka hahú diskuti malu", Júlio Hornay, komandante Polísia Nasional Timor-Leste nian (PNTL), ba Lusa.

Hornay esplika ona katak insidente ne'e akontese iha loron 31 Jullu iha eskola ida iha suku Tequinomata, postu administrativu Laga, iha súl Baucau nian, sidade boot daruak timoroan nian.

Insidente ne'e fó sai hosi ekipa seguransa ONU nian iha Díli hanesan konfrontu ida entre apoiante sira hosi partidu polítiku rua no hatete mós katak iha ema na'in rua mate.

Hornay kritika ona informasaun ne'e, - haruka hosi SMS hosi sistema alerta ONU nian ne'ebé maka sidadaun estranjeiru sira simu iha Timor-Leste -, hodi afirma katak nia hakerek ona ba responsável ONU nian iha Díli hodi esklarese informasaun ne'e.

"Laiha konfrontu polítika ida. Informasaun ne'e hanesan falsu. Hanesan estudante sira iha sala laran, durante tempu ezame nian, maka hahú diskusaun", Hornay hatete.

"Sira lori diskusaun ne'e to'o iha liur no joven na'in rua hahú luta. Na'in ida ema tuda no mate iha ospital. Polísia to'o lalais iha fatin. Kaer ona suspeitu", nia hatutan.

SAPO TL ho Lusa

PLP La Konkorda ho Eleisaun Antisipada

DILI, (TATOLI) – Vise Prezidente Partidu Libertasaun Populár (PLP), Fidelis Magalhães hateten PLP la konkorda ho eleisaun antisipada tanba Konstituisaun fó dalan klaru katak partidu mais votadu bele halo negosiasaun ho partidu sira seluk ne’ebé hetan asentu iha Parlamentu Nasionál hodi forma governu.

“Situasaun hanesan agora, sé maka kondus prosesu ne’e Prezidente Repúblika, PLP apoiu tomak ba desizaun saida de’it maka Prezidente Repúblika foti iha tempu ida ne’e, tanba ne’e desizaun Estadu nian entaun partidu hotu-hotu tenke kumpri”, hatete ba jornalista sira iha Palásiu Prezidente Nicolau Lobato, Bairru Pité, kinta ne’e, hafoin akompaña Prezidente PLP, Taur Matan Ruak sorumutu ho Xefe Estadu, Francisco Guterres Lú Olo kona-ba formasaun governu.

Fidelis informa PLP la ko’alia kona-ba oinsá atu fahe pasta iha governasaun, maibé importante liu maka oinsá ajuda prosesu formasaun governu tuir dalan Konstituisaun.

Antes ne’e, Prezidente Repúblika husu atu respeita povu nia vontade no hotu-hotu tenke serbisu hamutuk, nune’e bele rezulta governu ida estável no dura to’o tinan lima. Tanba ne’e, Fidelis afirma PLP lakohi halo buat ne’ebé la tuir Konstituisaun.

Jornalista: Xisto Freitas | Editora: Rita Almeida

Foto: Enkontru entre Prezidente PLP, Taur Matan Ruak ho Xefe Estadu, Francisco Guterres Lú Olo hodi ko'alia kona-ba formasaun governu.

Governu Foun Tenke ho Nasionalizmu ba Transparánsia

DILI, (TATOLI) – VII Governu Konstitusionál ba periodu 2017 to’o 2022 tenke iha nasionalizmu no patriotizmu hodi halo transparánsia no akuntabilidade kona-ba implementasaun programa infraestrutura iha Timor laran tomak.

“Governu foun ne’ebé mai tenke iha sentidu nasionalizmu no patriotizmu ba implementasaun projetu infraestrutura nia transparánsia no akuntabilidade tanba realmente sosiedade sivíl sira monitoriza projetu estrada Hudi Laran hatudu obra ne’e la klaru no se mak halo, tanba laiha kuadru informasaun ne’ebé destakadu”, hateten Diretór Luta Hamutuk, José Alves da Costa ba ajénsia TATOLI iha semináriu nasionál ne’ebé organiza hosi Forum Organizasaun Naun Govermentál iha Ótel Ramelau, ohin.

Nia afirma, transparánsia no akuntabilidade ba implementasaun projetu tenke klaru, hanesan iha tinan ida obra hira mak implementa, atu ezekuta iha ne’ebé, se mak atu implementa, oinsá ho prosesu implementasaun no kompaña ne’ebé mak ezekuta.

Mari Sei Laansi Sai Primeiru Ministru

DILI – Sekretariu Jeral Partidu Fretilin Mari Alkatiri afirma nia parte sei la ansi sai Primeiru Ministru (PM) ba formasaun VII Governu Kostitusional.

Lolos tuir estatutu Fretilin nian, hau bele dehan ona hau maka sei sai Primeiru Ministru maibe hau hateten dala barak ona iha fatin natin hau hakarak sai ema neebe maka servi iha fatin ida neebe maka dignu hodi servi diak liu povu ida nee,” dehan Mari ba Jornalista sira hafoin remata enkotru ho Presidente Republika Francisco Guterres Lú Olo iha palasaiu Presidensial Bairo Pite, Kinta (3/8/2017).

Eis Primeiru Ministru iha primeiru governu konstitusional nee hatutan nudar lider maximu iha partidu, nia parte afirma no iha nia firmesa katak sei la buka kadeira Primeiru Ministru.

Kestaun kolegasaun depois de  partidu  CNRT halo konferensia nasional iha loron 4 no 5, Fretilin mos sei konvoka reuniaun ida iha Comite Central Fretilin (CCF), hodi koalia kona ba se maka sei kaer pasta Primeiru Ministru.

Alem ida nee sekretariu jeral partidu Fretilin nee mos argumenta liu tan bainhira iha ona formasaun governu hodi dezemolve setor edukasaun, maka Fretilin sei buka ema independenete ida neebe diak liu hodi hare ba iha seitor edukasaun nian. Natalino Costa

Suara Timor Lorosae

Posibilidade, Mosu Governu Insedensia Parlamentar

DILI – Iha konstituisaun Republika Demokratika artigu 85 alinea d, kona ba kompetensia Prezidente Republika nian dehan foti no fo posse ba Primeiru Ministru neebe partidu eh aliansa partidu sira ho maioria parlamentar sei foti, uainhira rona partidu politiku sira nee iha Parlamentu Nasional.

Partidu Fretilin rasik iha senariu tolu hanesan governu koligasaun neebe mak akumula partidu iha mayoria simples hodi prense 50,1% iha Parlamentu nasional no senariu, segundu Governu Insedensia Parlamentar neebe tuir Fretilin akontese ona iha tinan rua durante fretilin halo ho partidu CNRT iha parlamentu nasional no terseiru mak guvernu inkluzaun neebe akumula partidu politikus, akademika no intelektuais, segundu mosu Posibilidade, mosu, terseiru.

Adjuntu Sekretariu Partidu Fretelin, Jose Reis, esplika wainhira iha debate Publiku Dili Demokrasia Forum (DDF), neebe realiza iha estudiu 2 STL, Osindio Surik Mas, Kuarta (02/08/2017).

Mosu Eleisaun Antisipada, David: “Ita Seidauk Iha Maturidade Aseitasaun Ba Malu”

DILI – Deputadu sira iha Parlamentu Nasional (PN) konsidera mosu eleisaun antisipada signifika seidauk iha maturidade aseitasaun ba malu.

Kesatun nee hatoo husi David Dias Deputadu husi Bankada Fretilin katak, agora laiha ona razaun ba parpol sira katak lakohi tuir malu, tanba haree ba rezultadu eleisaun povu sira mak fo desizaun, tanba nee tenke iha aseitasaun bamalu hodi labele mosu eleisaun antisipada, tanba mosu eleisaun atisipada ida nee laiha ona maturidade aseitasaun ba malu.

“Haree ba konstituisaun ida nee bele akontese, mmaibe ita tenke haree kuandu koalia ba eleisaun antisipada ida nee tenke repete fali eleisaun, ida nee signifika ita seidauk iha maturidade aseitasaun ba malu,” katak David ba STL Kinta (03/08/2017) iha Parlamentu Nasional.

Nia hatete, haree ba eleisaun parlamentar povu sira lafo votus ba partidu ida mesak, mmaibe sira nia votus nee fahe ba partidu sira, ida nee signifika katak povu rasik hakarak partidu sira iha Timor koopera ba malu hodi servi povu.

Nunee mos Deputadu husi Bankada CNRT Jacinto Viegas hatete, ema hotu nia hakarak paz, estabilidade, hodi halao dezenvolvimentu, tanba nee partidu 5 neebe hetan asentu parlamentar atu koliga hodi forma governu ho hakmatek. Guilhermina Franco

Suara Timor Lorosae

ONU: Timor-Leste kontinua ho problema hahán maski iha di'ak oituan

Situasaun alimentar iha Timor-Leste hahú di'ak iha tinan ne'e relasionadu ho tinan 2016, maibé iha nafatin bolsa sira insufisiénsia alimentar nian, balun tanba aumentu hosi produsaun sereal sira ne'ebé mantén aleiden média, hatete hosi ONU iha loron-kinta ne'e.

Relatóriu, hosi Organizasaun ONU nian ba Alimentasaun no Agrikultura (FAO), nota ona aumentu ida iha previzaun hosi produsaun sereal sira tinan ne'e relasionadu ho folin ne'ebé tuun tebes iha tinan 2016, maski sei hein atu "tuun liu hosi média".

Ne'e sei iha efeitu lalais ida iha diminuisaun hosi previzaun sira importasaun nian iha tinan 2017 no 2018, maibé la evita atu "inseguransa alimentar todan sei ezisti iha bolsa balun" iha nasaun, indika hosi relatóriu.

Udan ne'ebé regular liu no distribui ho di'ak no sistema irigasaun sira ne'ebé di'ak kontribui ona ba aumentu hosi produsaun iha tinan ne'e, liuliu iha leste nasaun nian.