Ministru Defeza La Tolera Kazu Maliana

DILI, (TATOLI) – Ministru Defeza, Filomeno da Paixão de Jesus, la tolera oknum Batallaun Órden Públika (BOP) hosi Polísia Nasionál Timor-Leste (PNTL) ho oknum FALINTIL-Forsa Defeza Timor-Leste (F-FDTL) ne’ebé foin lalais halo problema ba malu iha Maliana, Munisípiu Bobonaro, hafoin konsertu bankada múzika Bintang.

“Kazu Maliana ne’e kazu ema bulak. Ha’u la fó toleránsia ba ida ne’e. Ha’u ko’alia ona ho komandante F-FDTL no PNTL katak ema hanesan ne’e hasai tiha de’it hosi instituisaun rua ne’e. Ne’e solusaun ne’ebé fásil liu”, Governante hato’o kestaun ne’e ba jornalista sira iha Palásiu Prezidente Nicolau Lobato, Bairru Pité, tersa ne’e, hafoin soru-mutu ho Xefe-Estadu, Francisco Guterres Lú Olo.

Tuir nia problema ne’e akontese tanba lei no regulamentu maka la loos, entaun dezautoriza fali komandante PNTL, F-FDTL nomós Ministru Defeza no Seguransa atu foti medida ne’ebé sériu.

“Ida seluk maka tenke iha Komandu Kontrolu ka Asaun Komandu, katak, bainhira mosu kestaun sira hanesan ne’e, labele ko’alia beibeik oknum. Di’ak liu halo análiza SWOT (Strengths, Weaknesses, Opportunities, Threats), katak, polísia nia frakeza iha ne’ebé no forte iha ne’ebé, nune’e mós F-FDTL, para ita hetan loos ninia fukun ne’e iha ne’ebé”, akresenta.

Eis Brigadeiru Jenerál dehan bainhira F-FDTL no PNTL han malu beibeik ne’e, nia to’o konkluzaun kle’ur ona katak deskonfia iha grupu organizadu iha PNTL no F-FDTL para soran beibeik forsa rua atu sobu estabilidade nasionál.

“Labele haluha prinsípiu komplementaridade, katak, forsa rua ne’e kompleta malu maibé la’ós atu kompete malu no tuir fali subsidiaridade katak kuandu ida labele, ida seluk tutan embora ida-idak iha nia serbisu”, afirma.

Filomeno husu atu hadi’a no kompleta liu-tan regulamentu disiplina militár ho regulamentu disiplina polísia nian, katak, ema ne’ebé tiru pistola ka kilat arbiru de’it ne’e tenke kondena hanesan krime, tanba kilat musan ne’e la’ós atu ba tiru arbiru no kilat ne’e la’ós atu tarutu arbiru.

Nia haktuir kazu Maliana oras ne’e submete ona ba iha investigasaun séria ne’ebé hala’o hosi Komisaun Konjunta hosi PNTL no F-FDTL.

Jornalista: Xisto Freitas | Editora: Rita Almeida

Imajen: Ministru-Defeza, Filomeno da Paixão de Jesus

La’o Hamutuk Hakerek Submisaun ba Parlamentu Australia no Timor-Leste hodi Ratifika tratadu Fronteira Maritima

Submisaun ba Komisaun Permanente Konjunta kona-ba Tratadu sira Uma Fukun Parlamentár, Canberra, Australia

Husi Institutu Timor-Leste ba Analiza no Monitór Dezenvolvimentu La’o Hamutuk Kona-ba inkéritu husi Tratadu entre Australia no Repúblika Demokrátika Timor-Leste hodi estabelese Fronteira Marítima iha Tasi Timor

 18 Abril 2018

Introdusaun

La’o Hamutuk, Institutu Timor-Leste ba Monitór no Analiza Dezenvolvimentu, mak organizasaun sosiedade sivíl Timor-Leste nian ida ne’ebé harii iha tinan 2000. Ami halo analiza no tau matan ba atividade governu Timor-Leste nian, governu nia parseiru dezenvolvimentu sira no ajénsia multilateral sira, hodi halo advokasia ba polítika no programa sira ne’ebé promove dezenvolvimentu ekonomia no sosiál ne’ebé sustentável no ekitavel. Liu husi servisu hirak ne’e ami koko atu asegura katak Timoroan sira hotu, feto ka mane iha jerasaun ida ne’e no jerasaun oin mai bele partisipa iha dezenvolvimentu ida ne’ebé sustentável, justu, inkluzivu no transparente ne’ebé respeita direitu umanu no povu nia kultura. Ami apresia oportunidade atu oferese karta submisaun ida ne’e hanesan parte ida husi ita-boot sira inkéritu ba Tratadu Fronteira Marítima nian. Submisaun ida ne’e nudár La’o Hamutuk nian submisaun ba dala neen ne’ebé hato’o ba Australia nia Parlamentu. Entre submisaun sira nee, submisaun haat haruka ba ita boot sira nia Komisaun kona-ba kestaun sira ne’ebé liga ba petroleum.1 Ami haksolok katak Governu Australia finalmente adopta polítika hirak ne’ebé ami hato’o ona liu husi submisaun sira ne’e, no ami hein katak submisaun ida ne’e bele kria relasaun ne’ebé ekitavel liu tan entre ita nia nasaun liu husi dalan hametin liu kompriensaun mutua entre nasaun rua. Bainhira relasaun bilateral evolui husi konfrontasaun ba kooperasaun, ami hein katak ita bot sira sei vizita ami nia nasaun hodi rona husi povu Timor-Leste rasik, duke depende de’it ba “matenek-na’in” Australianu sira, ne’ebé barak mak hatene uitoan de’it Timor-Leste nia realidade.

Ami apresia rezultadu husi esforsu nasaun rua nian

Dezde harii iha tinan 2000, La’o Hamutuk ho sosiedade sivíl seluk iha Timor-Leste halo advokasia kona-ba definisaun fronteira marítima ida ne’ebé justu entre Timor-Leste no Australia, no La’o Hamutuk kontente tanba finalmente governu rua ne’e atinje ona objetivu ne’e. Tratadu ne’ebé asina iha 6 Marsu iha Nova Iorke loke etapa foun iha istória relasaun diplomátika entre Timor-Leste no Australia nian, ne’ebé iha tensaun aas durante tinan barak nia laran tanba Australia nia reklamasaun ba area iha Tasi Timor ne’ebé tuir prinsipiu legal iha lei internasionál nia okos pertense ba Timor-Leste. Ami fiar katak tratadu foun ida ne’e sei hadi’ak dalan ba nasaun rua atu nune’e bele fahe benefísiu marítima no estabelese relasaun ida ne’ebé bazeia ba igualdade no respeita ba ida-idak nia soberania. Hanesan Australia nia Analiza Interese Nasional ba Tratadu ida ne’e haktuir, “Timor-Leste ida ne’ebé estavel no prósperu sai mós nudár Australia nia interese nasionál.” Tratadu ida ne’e mós fó ezemplu ba mundu tomak tanba ida nee mak primeira vez nasaun ki’ik ida konsege lori nasaun viziñu ne’ebé boot liu ba tuur hamutuk hodi negosia uza Konsiliasaun Obrigatóriu bazeia ba UNCLOS artigu 298 no Anexu V. Ami apresia katak, maske iha inísiu Australia rejeita mandatu prosesu ida ne’e, maibé ikus mai simu duni. Mundu aprende tan ona meius foun atu hamenus disputa no konflitu entre nasaun viziñu sira ne’ebé iha fronteira tasi. Iha 2004 La’o Hamutuk, sosiedade sivíl sira seluk, estudante sira, sidadaun no ema seluk iha Timor-Leste forma Movimentu Kontra Okupasaun Tasi Timor (MKOTT) hodi koordena kampaña demonstrasaun la ho violénsia, lobi, advokasia no edukasaun públiku. Dezde ida ne’e, MKOTT servisu hodi hakotu parte restu husi okupasaun ilegál Indonézia nian iha Timor-Leste: Australia kontinua atu okupa parte signifikante husi territóriu marítima Timor-Leste nian. Tinan sia liu tiha, governu Timor-Leste mós hola parte iha esforsu ne’e, hafoin deskobre Australia nia atividade ho intensaun ladi’ak durante negosiasaun CMATS no realiza katak concession (buat ruma ne’ebé parte ida fó ba parte seluk iha prosesu negosiasaun) sira ne’ebé Timor-Leste fó hodi loke dalan ba esplorasaun mina akontese tuir dalan ne’ebé la justu. Luta ne’e la’o kleur maibé ikus mai okupasaun nee para duni, no Timor-Leste nia soberania besik kompleta ona. Maske governu Australia foin mak rekoñese fronteira marítima bazeia ba liña-media ho Timor-Leste foin lalais nee, sidadaun Australianu barak mak kleur ona hala’o advokasia ba pozisaun ida ne’e. Tanba ne’e, lori sosiedade sivíl Timor-Leste nia naran, La’o Hamutuk agradese dedikasaun no servisu difisil iha tinan barak nia laran ne’ebé hala’o husi Timor Sea Justice Campaign (Kampaña ba Justisa Tasi Timor) no povu Australianu seluk ne’ebé konsege husu ita boot sira governu atu respeita Timor-Leste nia soberania.

Tratadu ida ne’e esklarese sala balu iha pasadu

Dezde dékada 1970, povu Timor sai ona vítima ba Australia nia reklamasaun ba area marítima ne’ebé tuir loloos la’ós Australia nian bazeia ba lei internasionál. Australia nia reklamasaun nee laiha baze sientífiku hanesan fronteira “plataforma kontinentál”; jeolójista sira hatene kleur ona katak nasaun rua ne’e iha plataforma kontinentál ne’ebé hanesan de’it.2 Too 1998, Australia suporta Indonézia nia okupasaun ilegál no brutal iha ami nia nasaun, fornese apoiu polítiku, militár no diplomátika ba Indonézia ne’ebé oho Timoroan besik 200,000. Maibé, Australia nia polítika kona-ba rai li’ur ajuda ona Indonesia nia okupasaun molok Indonézia nia invazaun iha 1975; espesialmente hafoin Australia ho Indonézia asina tratadu kona-ba fronteira tasi okos nian iha tinan 1971 no 1972. Durante tinan 24 ne’ebé nakukun liu iha ami nia istória, Australia taka matan bainhira Indonézia sira oho ami nia ema sira, tanba de’it Australia hakarak asesu rikusoin ba mina no gas iha Tasi Timor liu husi Tratadu Timor Gap tinan 1989 nian. Durante tinan 14 ikus ne’e, Australia obriga ona lideransa Timoroan sira atu simu Australia nia ulun toos no asina akordu fahe-rendimentu balu hodi fó dalan ba produsaun mina no gas – fonte rendimentu prinsipál ba nasaun foun ida nee. Susar ba ami atu labele nota katak Australia demora tempu atu simu akordu fronteira marítima ida too bainhira kuaze kampu mina no gas sira ne’ebé tama iha area kontestadu nian maran ona ka menus liu ona. Kampu mina Kitan, Buffalo no Elang-Kakatua la ativu ona tanba komersialmente la viavel ona, liu 98% rendimentu governu nian husi Bayu-Undan simu hotu ona, no Laminaria-Corallina besik atu maran ona. Alende ne’e, fronteira ne’ebé relevante ba Laminaria-Corallina no Greater Sunrise seidauk finaliza molok kampu mina no gas hirak ne’e maran. Maske disputa hirak ne’e liu-liu kona-ba soberania ba Timor-Leste, Australia nia kompañia sira ne’ebé hamrook ba riku soin petróleu parese la hakru’uk ona ba prinsipiu legal no respeitu mutual, no dala ruma Greater Sunrise de’it mak rezerva signifikante ne’ebé sei iha. 2 Tratadu atuál uza termu “plataforma kontinentál” nudár sinonimu ba “tasi okos” define fila fali lingua no halo konfuzaun ba rasionalizasaun laiha baze husi tinan hirak iha pasadu. Submisaun husi La’o Hamutuk kona-ba Tratadu Fronteira Marítima.

 Australia tenke voluntariamente fó fila fali osan ne’ebé nia foti tiha ona

Iha Agostu 2017, nasaun rua ne’e konkorda kona-ba fronteira marítima hanesan parte husi pakote akordu komprensivu ida. Hanesan temi iha leten, Tratadu Fronteira hadi’ak fali sala barak ne’ebé Australia komete hasoru povu Timoroan iha pasadu. Maibé tratadu hirak ne’e kontinua lejitimatiza nafatin pratika sira ne’ebé la justu ne’ebé fó dalan ona ba Australia foti buat sira ne’ebé pertense ba povu Timoroan. Bazeia ba Tratadu ne’e no tratadu sira ne’ebé mai molok nee, Governu Australia rekolla ona osan hamutuk biliaun lima Dolar Amerikanu husi kampu mina no gas ne’ebé agora Australia rekoñese nudár territóriu TimorLeste nian − osan hirak ne’e boot liu dala rua total “ajudu” ne’ebé Australia gasta ona ba Timor-Leste. Artigu 10 husi Tratadu Fronteira foun haktuir katak Timor-Leste labele “iha reklamasaun ba kompensasaun” ba osan hirak ne’ebé Australia rekolla tiha ona bazeia ba tratadu no konkordánsia uluk nian. Maibé, laiha parte ida husi Tratadu ida ne’e mak taka dalan ba Australia atu bele voluntariamente fó fila ba osan ne’ebé na’ok ona ne’e ba fali Timor-Leste. Ami fiar katak nasaun rua ne’e labele kumpre de’it saida mak iha Tratadu nia laran, maibé mós tenke tuir prinsipiu no valores hirak ne’ebé tratadu ne’e promove no inspira. Preambulu husi Tratadu ne’e dehan katak, “promove Timor-Leste nia dezenvolvimentu ekonomia” no sai “viziñu ne’ebé di’ak no iha espíritu amizade no kooperasaun… atu nune’e bele atinje solusaun ne’ebé ekitavel.” Ho espíritu foun kona-ba respeitu malu entre rai rua ne’e, La’o Hamutuk rekomenda katak Australia fó fila fali saida mak nia foti ona durante besik dékada tolu dezde nia asina Tratadu Timor Gap nian.

 Tratadu Fronteira ne’e presiza retifika lalais no inkondisionalmente

Tratadu ida ne’e sei legalmente en vigor bainhira parlamentu nasaun rua nian ratifika ona. Ami apresia katak Parlamentu Australia halo ona konsulta públiku no ami espera ita boot sira sei ratifika Tratadu ne lalais. Maibé, tanba Parlamentu Timor-Leste nian disolve ona, tempu sedu liu ba sira atu ratifika mak fulan ida ka rua hafoin eleisaun 12 Maiu. Molok nasaun rua ratifika tratadu ne’e, Australia kontinua simu 10% husi Bayu-Undan nia rendimentu, ne’ebé iha valor maizumenus tokon haat dolares Amerikanu kada fulan. Ami espera katak Australia nia prosesu ratifikasaun sei la demora Tratadu atu hahú aplika, no ita boot sira sei la impoen kondisaun ruma ba Timor-Leste molok halo ratifikasaun. Ami fó hanoin fali situasaun ne’ebé akontese iha 2002-2003, bainhira Australia demora ratifikasaun Tratadu Tasi Timor too fulan sanulu, too Timor-Leste asina Akordu Unitizasaun ne’ebé fó 82% rendimentu husi Greater Sunrise ba Australia. Ida ne’e labele akontese tan.

 Australia tenke tama fali ba mekanizmu internasionál kona ba disputa fronteira

Iha Marsu 2002, Australia unilateralmente hasai-an husi mekanizmu internasionál ne’ebé uza hodi rezolve disputa fronteira marítima bazeia iha UNCLOS no Tribunal Justisa Internasionál. Iha tempu ne’ebá, Australia ta’uk katak regulamentu ida ne’ebé bele loke dalan ba desizaun kesi metin no imparsiál husi parte seluk karik sei la fó lisensa ba sira atu kontinua foti riku soin husi territóriu ne’ebé agora daudaun Australia rekoñese ona hanesan parte husi Timor-Leste. Australia hatudu oinsá nasaun boot ida bele viola direitu soberanu husi nasaun viziñu ki’ik ida, hodi rejeita mekanizmu internasionál, no a favór ba negosiasaun bilateral ida ne’ebé klaramentu la justu. Hafoin tinan 16 liu tiha, Australia asina ona Tratadu foun ne’ebé rekoñese Timor-Leste nia direitu bazeia ba lei internasionál. Husi pasu di’ak ida nee, Australia hatudu katak nia simu solusaun ne’ebé justu ba fronteira. Tan ne’e, Australia tenke kansela asaun ne’ebé foti ona iha Marsu 2002 hodi prevene TimorLeste ejerse ninia direitu soberanu atu uza prosesu internasionál, no fila fali ba mekanizmu rezolve disputa fronteira marítima ITLOS no ICJ nian. Ida ne’e sei fasilita rezolusaun fronteira ne’ebé justu ho ita boot sira Submisaun husi La’o Hamutuk kona-ba Tratadu Fronteira Marítima 18 Abril 2018 Pájina 5 nia viziñu sira seluk, no mós fó ezemplu di’ak ba nasaun seluk katak rezolusaun ba disputa tenki respeita lei internasionál no nasaun hotu nia direitu soberanu. Tanba agora Australia no Timor-Leste konkorda ona sira nia fronteira tasi okos ho tasi leten, Timor-Leste presiza rezolve ninia fronteira marítima ho Indonézia iha nia parte sorin-sorin. Australia ho Indonézia sei bele ratifika sira nia fronteira tasi leten provisional 1997 nian, tanba area fronteira tasi leten nasaun rua nian estabelese ona tinan 46 liu ba. Ami hein iha futuru besik mai, bainhira Timor-Leste nia nasaun viziñu na’in rua finaliza ona sira nia fronteira marítima ho ami no entre sira nain rua.

Australia tenki respeita Timor-Leste nia kometimentu ba transparénsia

Iha Tratadu foun ida ne’e, Kontratu Fahe Produsaun (PSC) haat ne’ebé uluk bazeia ba Tratadu Tasi Timor sei kansela ka troka. Ami triste tanba Tratadu foun ne’e la mensiona ho momoos kona-ba transparénsia iha kontratu, maske ami espera katak kontratu foun ba Buffalo, Kitan, Bayu-Undan no Greater Sunrise sei públika bazeia ba rekerimentu husi Timor-Leste nia lei. PSC ne’ebé eziste ona ba Bayu-Undan no Greater Sunrise, ne’ebé asina iha 2003, nunka fó sai ba públiku. Maibé, iha 2005 Timor-Leste promulga Lei ba Atividade Petrolíferu No.13/2005 ne’ebé dehan katak kontratu hanesan ne’e konsidera dokumentu públiku, no dokumentu PSC ne’ebé asina hafoin de lei nee, loke ba públiku3 . Padraun husi Inisiativa Transparénsia Indústria Estrativa (ITIE/EITI) ne’ebé Timor-Leste kumpre mós ezije transparénsia ba kontratu sira. Maske Australia iha rekerimentu ba transparénsia ne’ebé ladún rigorozu, area hirak ne’e agora iha Timor-Leste nia territóriu no tenki tuir rekerimentu ba transparénsia no boa governasaun Timor-Leste nian. Maske Tratadu Fronteira Marítima asina tiha ona no difisil atu halo revizaun fali, ami fiar katak nasaun rua tenke konkorda malu katak kontratu foun sira sei loke ba públiku, no tenki informa kompañia sira katak sira tenke kumpre lei Timor-Leste nian, no labele buka esepsaun hodi hasees an husi ami nia padraun.4 Hanesan nasaun barak ho triste aprende ona, menus transparénsia iha atividade petróleu nian sira sei haburas korrupsaun, estragu ba ambiente no governasaun ne’ebé ladi’ak, no mós limita dezenvolvimentu ekonomia. Timor-Leste orgullu ba ninia sistema transparénsia iha jestaun dezenvolvimentu petrolíferu no rendimentu, no Australia ka kompañia mina sira labele halo fraku ida ne’e. Ne’e mak ami nia submisaun ba Exelénsia Membru Komisaun Permanente Konjuntu kona-ba Tratadu sira, no ami agradese ba ita boot sira nia atensaun ba ami nia preokupasaun sira. Ami kontente atu responde ba pergunta saida de’it ka fornese tan informasaun liu tan kona-ba asuntu ne’ebé diskute tiha ona, no bainhira iha oportunidade ami prontu atu aprezenta direta ba ita boot sira nia Komisaun. Submisaun ida ne’e autoriza husi ami nia organizasaun, inklui ba publikasaun.

Hakerek husi Peskizadór: Juvinal Dias, Charles Scheiner,

Aprova husi Ekipa Koordenasaun: Juvinal Dias, Celestino Gusmão

Kontratu sira ne’e bele hetan iha http://www.laohamutuk.org/Oil/PSCs/10PSCs.

htm no iha ANPM nia website 4 Relatóriu trimestral foun-liu husi Carnarvon dehan katak Timor-Leste sei aprova “lejizlasaun espesiál” atu mantein termu fiskál, seguransa títulu, no direitu legal hanesan defini iha Carnarvon nia kontratu atuál ho Australia ba kampu mina Buffalo (Haree http://www.carnarvon.com.au/wp-content/uploads/2018/04/MarQ1.pdf). Ami hein katak lejizlasaun ne’e sei la revoka rekerimentu transparénsia sira.

Iha TATOLI

Imajen: Logo Lao Hamutuk

Aprezenta Riku Soin Ba TR, Filomeno: “Lei Obriga Hau Halo”

DILI - Ministru Defesa Filomeno Paixao hateten, bainhira lei obriga nia ba aprezenta riku soin iha Tribunal Rekursu, nia parte Sei halo, maibe lei laobri nia arte konsideira hanesan fakultativu, tanba nia laos naok ten para ba halo deklarasaun.

Hau estuda iha lei obriga hau halo, se lei laobriga hau konsideira hanesan fakultativu, purke hau laos naok ten, para hau ba halo deklarasun, mais se presizau hau halo, hau halo,” dehan nia ba jornalista sira, hafoin remata enkontru ho PR Francisco Guterres Lu Olo, iha Palasiu PR Nicolau Lobato, Bairu-Pite, Dili, Tersa ( 07/08/2018).

Portantu responde konaba Ministru Filomeno iha inizitiva ba aprezenta riku soin iha Tribunal, Ministru Filomeno hateten, nia inisistiva maka halo deklarasun, kolia momos deit, tanba nia laos moris ho korupsaun. 

Notisia kompletu lee iha jornal STL edisaun Kuarta (08/08/2018)

Carme Ximenes | Suara Timor Lorosae

Nasaun Presiza OJE 2018, Adriano: Debate Mak Haree Pozisaun PD

DILI – Relasiona ho kalendariu governu atu sub-mete OJE 2018 ba PN, Vice Bankada PD Adriano hatete, ida nee preoridade tanba nasaun presiza tebes OJE 2018.

Tuir Vice Bankada PD, Adriano do Nascimento hatete, se karik OJE 2018 tama ona mai PN nee preoridade atu deskute, neebe hein OJE tama mai ba PD sei haree lee debate mak fo pozisaun.

“Ita iha nasaun presiza OJE 2018, neebe OJE tama preoridade atu deskute, atu nunee hodi responde ba nesesidade no preokupasaun povu  nian. Neebe se OJE tama ona mai PN mak ami tenke fokus ba hodi debate,” katak Adriano ba Jornalista Tersa (07/08/2018) iha PN.

Nunee mos Ministru Reforma lejislativa i Asuntu Parlamentar. Fidelis Magalhaes hatete, tuir kalendariu governu nian mak horsehik no ohin, maibe tanba tenke halo uluk karta apresiasaun mak lori mai, neebe governu laviola buat ida, tanba buat hotu halo tuir lei no regras. 

Notisia kompletu lee iha jornal STL edisaun Kuarta (08/08/2018)

Guilhermina Franco/ Madalena Horta | Suara Timor Lorosae

Membru PNTL no F-FDTL Baku Malu iha Maliana

DILI: Pesoál husi membru instituisaun FALINTIL-Forsa Defeza Timor-Leste (FFDTL) no Polisia Nasionál Timor-Leste (PNTL) envolve iha konfronta, iha eventu konsertu múzika ne'ebé organiza husi kompañia HEINEKEN, iha Munisípiu Bobonaru, Postu Administrativu Maliana, Sábadu (4/8).

Maski nune’e, Komandu Munisípiu Bobonaru seidauk bele fo sai informasaun tanba sei hein prosesu investigasaun konjuntu husi komandu rua ne’e.

Komandante PNTL Munisípiu Maliana, Superintendente Asistente Armindo Monteiro hateten, kazu ne’e komandu munisípiu entrega ba Polisia Militár no ekipa PNTL husi nasionál atu hala’o investigasaun.

“Ita akompaña lai komandu rua ne’e halo investigasaun hotu lai mak ami foin informa ba públiku”, dehan nia, via telefone, horisehik.

Nia informa, daudaun ne’e parte PNTL bolu ona komisaun organizadór HEINEKEN atu husu informasaun kona-ba kazu akontesimentu.

Hataan ba Kilat tarutu, nia dehan, ne’e la’ós tiru malu, maibé estratéjia atu hafahe grupu rua tanba kuandu tiru malu ne’e ida tenke sai vítima ka mate.

Nia informa, kona-ba karreta PNTL ne’ebé rahun sei iha hela prosesu investigasaun.

Antes ne’e kazu hanesan mós akontese iha Munisípiu Bobonaru, Postu Administrativu Maliana, ne’ebé pesoál membru Batallaun Orden Publika (BOP) husi Kompañia C baku membru FALINTIL-Forsa Defeza Timor-Leste, iha Maiu 2016.

Iha momentu ne’ebá komandu hatún kedas ekipa konjuntu ida hodi halo investigasaun konaba insidente ne’e.

Iha fulan Agostu 2016, membru BOP husi Kompañia C Maliana komete kazu hanesan hodi halo violasaun hasoru membru F-FDTL.

Nune’e, komandu dezde hodi halo suspensaun ba membru na’in 14 ne’ebé deskonfia envolve iha kazu baku membru F-FDTL ne’e. Iha Outubru 2017, membru Polisia ida baku membru F-FDTL, iha Manleuana-Dili.

Independente

Karreta Prado Nia Paradeiru Deputadu Sira Lahatene Ona

DILI: Karreta Prado ne’e eis-deputadu sira leilaun ona ho osan $ 8.000, maibé Konsellu Administrasaun deside anula prosesu ne’e. Maski nune’e, eisdeputadu sira seidauk entrega hikas karreta hirak ne’e.

Deputadu Bankada FRETILIN, Joaquim dos Santos hatete, Eis-Deputadu III Lejizlatura to’o oras ne’e seidauk bela hatama hikas karreta Prado ne’e la'ós sala deputadu sira nian, maibé ne’e sala eis-Prezidente PN tanba Konsellu Administrasaun Parlamentár deside halo alienasaun ba karreta Prado tuan hirak ne’ebé uzadu ona iha períodu tinan lima nia laran.

Tuir loloos, antes halo desizaun hanoin uluk sekuénsia hirak ne’ebé tuir mai ne’e, maibé Prezidente PN ansi loos hodi halo desizaun nune’e fó ultimatu ba deputadu sira atu kompleta administrasaun antes tama ba eleisaun.

Desizaun dahuluk ne’ebé konsellu Administrasaun halo ona ne’e atu leilaun karreta Prado, tanba ne’e administrativamente eis-deputadu sira tuir hotu ona nune’e karreta nia xapa matríkula tau hotu ona privadu.

Kuandu prosesu ne’e la’o sosiedade sivíl no estudante sira fó presaun, nia la konsege halo konsulta saun ho Konsellu Administrasaun Parlamentár hodi anula tiha desizaun ne’ebé antes ne’e konsellu administrasaun halo ona.

Karreta agora ne’e sai problema entaun atu rezolve Parlamentu Nasionál V lejizlatura mak tenke buka dala oinsá mak bele konklui asuntu ne’e atu labele hamosu dezentendimentu entre Presidente PN no eis deputadu sira.

“Prosesu ne’e la’o ona karreta hirak ne’e sai ona privadu ikus mai anula fali entaun desizaun ne’e nulu, eis deputadu sira lori ona karreta ne’e balun keta fa'an tan tiha mós ita lahatene la iha informasaun ona” dehan nia iha PN horisehik.

Iha fatin hanesan, Presidente Bankada CNRT, Duarte Nunes hatete, kona-ba karreta hirak ne’ebé eis-deputadu CNRT sira uza to’o agora seidauk hatama ne’e bankada dirije ona karta ba sira atu bele mai hodi rezolve.

“Ami halo ona karta ba sira atu bele mai rezolve karreta hirak ne’e tanba ne’e ami sei rezolve iha tempu badak nia laran” dehan nia iha PN.  

Iha fatin hanesan, diáriu ne’e tenta konfirma Eis-Presidente PN, Adérito Hugo da Costa, maibé rekuza hodi lakohi fó nia komentáriu.

“Ha’u lakohi kolia tanba ha’u tama fali orasida buat hirak ne’e sai boot fali, importante mak desizaun hirak ne’e tuir nia dalan”, dehan nia.

Jacinto Xavier | Independente

Governo português lamenta perda de vidas em sismo na Indonésia

Lisboa, 07 ago (Lusa) - O Governo português lamentou hoje a perda de vidas e as centenas de feridos e desalojados provocados pelo sismo de domingo na ilha de Lombok, Indonésia, numa região de onde foram retirados cerca de duas dezenas de cidadãos portugueses.

"Este terramoto é tanto mais consternador quanto ocorreu uma escassa semana após outro sismo, no mesmo local, ter provocado também significativa perda de vidas humanas e danos materiais. O Governo de Portugal apresenta as suas mais sentidas condolências às autoridades indonésias e aos familiares das vítimas, expressando os mais sinceros votos de rápida recuperação dos feridos", refere a nota do Governo português.

Cerca de sete mil turistas foram retirados das ilhas Gili, perto de Lombok, onde um sismo de magnitude 6,9 provocou, no domingo, pelo menos 98 mortos e centenas de feridos.

Os milhares de turistas foram transportados para Lombok, onde aguardam transporte para a ilha turística de Bali ou para a capital, Jacarta, de acordo com a agência noticiosa "Antara", que cita o ministro da Segurança indonésio, Wiranto.

As equipas de emergência indonésias prosseguem hoje com as operações de resgate. De acordo com o porta-voz da Agência Nacional de Gestão de Desastres, as equipas já conseguiram retirar, com vida, uma pessoa que se encontrava numa mesquita que desabou no norte de Lombok, a área mais afetada, com 72 mortos.

O sismo, com o epicentro a dez mil metros de profundidade, ocorreu uma semana após um outro abalo também na ilha turística de Lombok, que provocou 17 mortos e mais de 300 feridos.

O secretário-geral da Organização das Nações Unidas (ONU), António Guterres, já ofereceu a ajuda da entidade ao país, situado no Fogo do Pacífico", uma região de grande atividade sísmica e vulcânica que regista cerca de sete mil terramotos por ano, na maioria moderados.

Em 2004, um sismo na costa norte da ilha indonésia de Sumatra originou um tsunami que provocou pelo menos 280 mil mortos em 12 países banhados pelo Índico, a maioria na Indonésia.

Cerca de duas dezenas de cidadãos portugueses que se encontravam na Indonésia durante o sismo de domingo estavam na segunda-feira à tarde a ser retirados das ilhas Gili em embarcações do Governo indonésio, segundo revelou a Secretaria de Estado das Comunidades Portuguesas.

A ilha de Lombok, dominada pelo vulcão Rinjani, encontra-se a leste de Bali, o principal destino turístico da Indonésia.

A Indonésia está localizada no designado "anel de fogo do Pacífico", área de grande atividade sísmica, que regista anualmente cerca de 7.000 sismos, a maioria dos quais moderados.

SO (FST/JOP) // SB

Bruxelas disponível para ajudar autoridades após sismo nas ilhas indonésias Gili

Bruxelas, 07 ago (Lusa) -- A Comissão Europeia mostrou-se hoje disponível a auxiliar as autoridades da Indonésia, depois de já ter ajudado a retirar 250 turistas das ilhas Gili, onde um sismo provocou, no domingo, pelo menos 98 mortos e centenas de feridos.

"Na segunda-feira de manhã, abrimos um posto de informação consular no aeroporto de Lombok e já ajudámos a retirar 250 turistas", disse hoje o porta-voz comunitário para Ajuda Humanitária e Proteção Civil.

Na conferência de imprensa diária do executivo comunitário, em Bruxelas, Carlos Martin Ruiz de Gordejuela referiu que Bruxelas está a agir "em coordenação com as autoridades nacionais" e "disponível para ajudar naquilo que for solicitado", tendo já respondido a um pedido de mapeamento territorial, através do sistema de emergência da União Europeia (UE) de navegação por satélite Copernicus.

"Os cidadãos europeus devem, em primeiro lugar, procurar ajuda junto da sua representação consular. Caso o país aí não esteja representado, pode recorrer a qualquer outro consulado de um Estado-membro", informou.

Cerca de sete mil turistas foram retirados das ilhas Gili, perto de Lombok, onde um sismo de magnitude 6,9 provocou, no domingo, pelo menos 98 mortos e centenas de feridos.

Os milhares de turistas foram transportados para Lombok, onde aguardam transporte para a ilha turística de Bali ou para a capital, Jacarta, de acordo com a agência noticiosa "Antara", que cita o ministro da Segurança indonésio, Wiranto.

Cerca de duas dezenas de cidadãos portugueses que se encontravam na Indonésia durante o sismo de domingo estavam na segunda-feira à tarde a ser retirados das ilhas Gili em embarcações do Governo indonésio, segundo o gabinete do secretário de Estado das Comunidades Portuguesas.

O sismo, com o epicentro a dez mil metros de profundidade, ocorreu uma semana após um outro abalo também na ilha turística de Lombok, que provocou 17 mortos e mais de 300 feridos.

Em 2004, um sismo na costa norte da ilha indonésia de Sumatra originou um tsunami que provocou pelo menos 280 mil mortos em 12 países banhados pelo Índico, a maioria na Indonésia.

A ilha de Lombok, dominada pelo vulcão Rinjani, encontra-se a leste de Bali, o principal destino turístico da Indonésia.

A Indonésia está localizada no designado "anel de fogo do Pacífico", área de grande atividade sísmica, que regista anualmente cerca de 7.000 sismos, a maioria dos quais moderados.

AMG (FST/JOP) // VM