GMN | Jornal Nacional

Edukasaun Nudar Ferramenta Indispensavel iha Transformasaun Sivika

Roger Rafael Soares * | opinião

Indiskutivel tebes wainhira afirma katak edukasaun nudar instrumentu poderozu ba formasaun humana, tambá nia dezempeña, ho klareza boot, papel ne´ebé bazilar ho importansia extrema iha dezenvolvimentu ba konsiensia sivika. Dezenvolvimentu ba konsiensia sivika signifika akijisaun husi konsiensia ida ne´ebé luan kona-ba responsabilidade sosiál no polítika, ne´ebé envolve mos elementus hanesan, razaun, autrokrítika no kompromisu polítiku ne´ebé reverte iha afirmasaun husi espíritu no sentidu demokratikus.

Iha sosiedade demokratika ida, hanesan ita nian, mudansa sosiál sempre posivel, desde que ita exerse iha ita nia knar loro-loron, konvivensia sosiál no komunitaria ne´ebé bazia ba valores morais no etikas, respeitu no toleransia, ne´ebé koliga ho vontade no determinasaun atu konkretiza  kontaktu ne´ebé harmoniozu no saudavel.

Atu fundamenta katak, ita presiza hare ba edukasaun iha sentidu ne´ebé luan, tambá propozitu husi edukasaun implika mos, edukasaun sivika, edukasaun ba sidadania, edukasaun ba direitus no deveres husi sidadania, no liu husi nia maka, ita realiza ita nia konvivensia pasifika no harmonioza iha sosiadade no iha Nasaun. Iha ambitu ida ne´e, eskola asume papel ida fulkral tebes no nia atua ho prinsipal misaun atu forma induvidu iha koñesimentu inerrante hodi sai sidadaun lolos, no prepara inklusivu sidadauns iha dezenvolvimentu no evolusaun sivika iha momentu prezente no mos iha futuru.

Sidadania no edukasaun vinkula direitamente, laos deit tambá edukasaun okore a partir husi direitu ne´ebé induvidu konkista, maibe tambá nia dezempeña papel ida ne´ebé relevante iha sosiedade, liu husi ne´ebé, bele prepara sidadaun ne´ebé kapaz no aptu atu konvive no atua kritikamente nudar sidadaun.

Importante tebes atu subliña katak la iha deveres sein direitus no laiha direitus sein responsabilidades, no so bele promove dezenvolvimentu sosiál, polítiku no ekonomiku, iha rai ida, liu husi espiritu ne´ebé nakonu ho envolvimentu,  ho partisipasaun ativa, ho seriedade no responsabilidade husi sidadaun ida idak iha prosesu dezenvolvimentu nasional, katak, importante no nesesariu tebes involvimentu ida ho responsabilidade sosiál, ne´ebe só konkretiza liu husi reforsu no investe seriu iha edukasaun.

Nune´e, edukasaun nudar ferramenta indispensavel iha transformasaun sosiál, enkuantu nia kontribui estimula sentidu husi sidadania, hodi envolve importansia husi formasaun etika no formasaun sivika, iha ne´ebé abrange komportamentus sivikus no valor moral, ne´ebé rekere manifestasaun husi atus responsáveis. Iha otika ida ne´e, importante atu reforsa katak, investimentu no esforsu inkansavel ne´ebé dezenvolvidu husi governu, hahu husi IV Governu Konstitusional, lideradu husi Xanana Gusmão, mediante  konstituisaun ba Fundu Dezenvolvimentu Kapital Humano ( FDCH) no mos esforsu husi instituisoens publikas no privadas no família sira, iha investimentu ba formasaun iha Rekursus Humanus, liu husi, haruka estudantes ba estuda iha rai liur hodi eleva sira nia kompetensia no koñesimentu, hakarak iha nível sientifiku no  mos pessoal, nudar konkretizasaun pratika hodi promove formasaun konsiensia no formasaun karakter husi sidadaun timoroan.

Edukasaun no formasaun karakter presiza trata nudar kestaun vanguarda iha prosesu dezenvolvimentu nasional, tamba nia permite atu dezenvolve no disimina sidadania, liu husi ne´ebé, sidadauns rekonhese  sira nia direitu no dever nudar sidadaun, direitu no dever iha partisipasaun demokratika ativa, hodi kontribui ba promosaun paz, estabilidade no dezenvolvimentu nasional.

Tamba ne´e maka, mais duke nunka, importante no fundamental tebes atu rekoñese importansia husi edukasaun nudar meiu transmisaun valor siviku no valor sidadania ba jerasaun aktual no ba jerasaun futura, no iha kontestu ida ne´e, maka presiza ho preokupasaun boot investimentu ida ne´ebe seriu liu tan, klean liu tan, responsavel no fokadu liu tan iha setor edukasaun iha ita nia rain.

*Rojer Soares, Ailili, Manatuto | rrtsoares@hotmail.com

Tékniku Sira Presiza Halo Estudu ba Konstrusaun Turístika

DILI, (TATOLI) – Sekretaria Estadu Konsellu Ministru no Komunikasaun Sosiál (SEKMKS), Matias Boavida, hateten projetu konstrusaun turístika ne’ebé sei implementa iha Tasi-Tolu ho Tibar, tékniku sira presiza halo estudu di’ak hafoin estabelese.

“Reuniaun estraordináriu Konsellu Ministru (KM) aprova proposta ne’ebé aprezenta hosi TradeInvest Timor-Leste, I.P kona-ba akordu espesiál investimentu, maibé antes halo konstrusaun komplexa turístika tékniku sira presiza halo estudu”, Matias Boavida ba jornalista sira hafoin enkontru KM iha Palásiu Governu, ohin.

Nia hatutan akordu konstrusaun projetu ne’e sei asina bainhira tékniku sira aprezenta ona dadus liuhosi estudu ne’ebé iha signifika governu aprova duni ona akordu entre governu Timor-Leste ho Pelican Paradise, maibé sei hein tékniku sira atu halo estudu di’ak liu atu bele implementa akordu espesiál.

“Pelican Paradise aprova ona maibé ita sei hein tékniku sira aprezenta dadus molok ita implementa, enkuantu tékniku sira ne’e sei mai hosi Ministériu Turizmu, Ministériu Administrasaun Estatal (MAE) no seluk tan”, katak tan.

Nune’e, Estadu Timor-Leste kompromete direitu superfisie ho relativamente iha área ne’ebé previstu ona iha planu eh dezenvolvimentu ba projetu konstrusaun komplexa turístika iha Tasi-Tolu no Tibar, enkuantu investimentu ne’e sei fó aprosimadamente servisu ba ema 1500 ba faze konsstrusaun no sei iha mós ema 1300 ba postu permanente.

Enkuantu, akordu espesiál hosi investimentu  entre governu Timor-Leste no Empreza Pelican Paradise Group Limited, ne’ebé abrigu ba lei investimentu privadu iha vigór no aprova liuhosi lei númeru 17/2011, 28 setembru, define rejime jurídiku ida espesiál ba peojetu ne’ebé revistu investimentu.

Entretantu, valór ne’ebé ronda hosi $310,000,000.00, eskala projetu ba investimentu ne’e importante tebes ba importansia nasionál ho respetivu impaktu ekonómiku, sosiál no teknolójiku ne’ebé mak justifika espresamente atu aprezenta proposta ba akordu espesiál investimentu.

Investór ne’e hosi internasionál Malázia, Pelican Paradise hodi halo investimentu turístika iha Timor-Leste.

Jornalista: Zezito Silva | Editora: Rita Almeida

Imajen: Sekretáriu Estadu Konsellu Ministru no Komunikasaun Sosiál, Matias Boavida

Lisensiamentu Komersiál La Eziste Ona

DILI, (TATOLI) – Diretór Ezekutivu, Servisu Rejistrasaun no Verifikasaun Emprezariál (SERVE), Florêncio Sanches, hatete lisensiamentu komersiál ba empreza sira daudaun ne’e la eziste ona, maibé agora iha de’it sertifikadu autorizasaun ba kategoria tolu.

“Autorizasaun ba risku ki’ik, baixu no altu. Se karik iha autoridade ruma ba halo inspesaun lalika ezije dehan lisensiamentu komersiál tanba laiha ona”, Florêncio hatete iha Matadouru, ohin.

Tanba ne’e esforsu boot ne’ebé SERVE halo mak sei bá uluk internál instituisaun Estadu ka liña ministeriál atu fó hatene katak país ida ne’e la emite ona lisensiamentu komersiál maibé emite de’it suratahan ida mak hanaran autorizasaun.

“Entaun liña ministeriál tenke hatene katak se bá halo vistoria ruma, karik hatene ona atu lalika husu dokumentu ida ne’e (lisensiamentu komersiál) tanba laiha ona”.

Aleinde ne’e sobre vistoria tuir lei hatete halo dalaida de’it ba nia vida tomak antes negósiu ida hahú.

“La’ós nia autorizasaun mate bá halo fali vistoria, lei lahatete nune’e, tanba ne’e mak ministériu relevante presiza hatene ida ne’e. Vistoria dala ida, se dala rua iha razaun mak uluk nia (empreza) hatama pedidu mai loke iha Kolmera, maibé taka tiha no muda fali ba Bidau entaun vistoria halo tan mas iha Kolmera mak mantein nafatin iha tinan 10, vistoria nunka akontese dala 10. Vistoria halo dala rua, tolu konforme sé nia muda nia estabelesimentu ne’e”.

Liga ba atividade ne’ebé hala’o husi Autoridade Inspesaun no Fiskalizasaun ba Atividade Ekonómika no Sanitária (AIFAESA) liuliu ba restaurante sira, Koordenadór AIFAESA, Abílio Oliveira Sereno, bainhira notifika hodi taka temporariamente restaurante hamutuk 23 ne’ebé laiha kondisaun ijiene foin lais ne’e husu atu parte relevante ne’ebé fó lisensa ka autorizasaun haree kondisaun antes estabelesimentu sira ne’e halo nia atividade, liuliu vistoria molok hahú sira-nia negósiu iha hahán nian.

Koordenadór hatutan maski restaurante sira ne’e iha autorizasaun mas laiha kondisaun ladi’ak sei taka no lahusik atu loke.

“Tanba entidade ne’ebé fó lisensa lamai halo vistoria, vistoria ne’e para haree sira ne’e iha kondisaun para fó lisensa ka la’e? Komesa agora bá oin restaurante ne’ebé iha lisensa, maibé laiha kondisaun ami sei taka”, katak nia foin lais ne’e.

Husi parte SERVE simu ona notifikasaun husi AIFAESA sobre restaurante sira, maka hahú iha fevereiru ne’e loroloron SERVE relata ona ba AIFAESA no responde katak bainhira iha inspesaun mak restaurante balun latuir padraun ne’ebé iha mak AIFAESA iha kbiit atu taka.

“Depois AIFAESA taka tiha, notifika fali mai SERVE atu notifika fali empreza hodi kumpri saida mak sira sei falta, depois ne’e ami sei hasai fali sertidaun sertifikadu bazea ba sira-nia pedidu”.

Nune’e AIFAESA no SERVE sei tuur hamutuk hodi ko’alia sobre restaurante lubuk ida ne’ebé mak taka ne’e hodi halo loos filafali.

Jornalista: Maria Auxiliadora | Editora: Rita Almeida

Imajen: Diretór Ezekutivu SERVE, Florêncio Sanches.

TL la asina CMATS, Australia laratifika explorasaun Bayu Undan

Primeiru Ministru (PM), Mari Alkatiri, fo sasin katak, bainhira la iha akordu Certain Maritime Arrangements in the Timor Sea (CMATS), sei la iha ratifika husi Parlamentu Australia kona-ba explorasaun mina matan Bayu Undan.

“PN Australia  ratifika, hau hatan dehan prontu. Bayu Undan hetan duni explorasaun no ita nia sorti   iha tempu neba mina rai baril ida kustu kuaze  US$ 150,”  hateten  PM Mari Alkatiri, bainhira sai ordador iha konfernesia ba selebrasaun loron nasional veteranus ne’ebe haloa iha Centro Convenções Dili (CCD), Sesta (2/3/2018).

Akordu CMATS ne’e asina iha tinan 2006 entre Ministru Negosiu Estranjeirus Timor Leste, Jose Manuel Ramos Horta ho Ministru Negosiu Estranjeirus Australia, John Howard  ne’ebe akompaña mos husi Primeiru Ministru Australia ho Timor Leste.

“Ema balun deskonfia  hau simu sobornu bilaun 2  USD husi explorasaun Bayu Undan. Balun fali dehan, akordu CMATS ne’e fo ba TL 10% nno ba Australia 90% no hau simu biloens 30 USD. Koalia hanesan ema hela iha aldeia,” hateten Mari Alkatiri.

Dada kadoras mai TL

Primeiru Ministru Mari Alkatiri, mos klarifika katak, nia parte nudar lider ba rai ida ne’e, hakarak dada kadoras (pipeline) Greater Sunrice nian mai Timor Leste, atu nune’e, bele fo benefisiu boot liu tan ba povu Timor Leste.

“Foin lalais iha Malayzia hau rasik dehan ami aprova texto Fronteira Martima hau halo deklarasaun  pipeline tenke mai TL tanba Malayzia hakarak dada pipeline ba Darwin. Hau hanesan PM hateten nafatin pipeline tenke mai TL, se lae la iha akordu konaba Fronteira Maritima,” informa PM Mari Alkatiri.

<p style="text-align: justify;">Alkatiri hateten, wainhira pipeline mai Timor Leste bele multiplika setores oi-ooin para fo benefisiu mai povu. Katak, la’os mina deit mak povu sei hetan, mas lori mos impkatu ekonomia ida boot mai povu ida ne’e. ety

GMN TV | Grupo Média Nacional

Kazu 2800 Pendente iha Ministériu Públiku

DILI, (TATOLI) – Prokuradór Jerál Repúblika (PJR), José da Costa Ximenes, hateten durante janeiru-fevereiru tinan ne’e, purvolta kazu hamutuk 2800 itál maka pendente iha Ministériu Públiku tanba limitasaun prokuradór sira.

“Entre kazu hamutuk 2800 itál ne’e, Dili maka maioria (okupa 2000 itál prosesu koresponde ho prosesu prokuradór na’in 14), Baukau ho 290 itál prosesu no Suai 300 itál prosesu”, Ximenes hato’o ba jornalista sira iha Palásiu Prezidente Nicolau Lobato, Bairru Pité, segunda ne’e hafoin relata kazu refere ba Prezidente Repúblika, Francisco Guterres Lú Olo.

Nia haklaken iha nivel hotu-hotu hosi kazu hirak ne’e, aas liu maka Ofensas ba Integridade, tuir mai Violénsia Doméstika (segundu lugár).

“Prezidente Repúblika preokupa teb-tebes la’ós ba Kriminalidade Organizada de’it maibé krime sira ne’ebé ho karáter hanesan Violénsia Doméstika no Krime Seksuál”, haktuir Prokuradór Jerál.

José Ximenes hatutan Prokuradoria Jerál sei hato’o informasaun anuál ba Komisaun Permanente Parlamentu Nasionál nu’udar dalan ida atu responde ba difikuldade sira nomós oportunidade ne’ebé durante ne’e Ministériu Públiku hasoru.

Aleinde ne’e, nia relata mós ba Prezidente Repúblika kona-ba iha tinan kotuk Ministériu Públiku Timor-Leste hanesan uma na’in ba enkontru Prokuradór Jerál CPLP iha Dili, hosi 25 to’o 27 outubru 2017.

Agora daudaun prepara hela pelumenus livru ida ne’ebé ko’alia kona-ba atividade Ministériu Públiku ninian, hahú hosi intervensaun Prokuradór Jerál CPLP ninian to’o iha tema sentrál, sub-tema rua inklui konferénsia ne’ebé halo, hatama mós deklarasaun Dili, akta Dili nomós alterasaun ba Memorandu Entendementu ne’ebé asina iha Luanda.

Jornalista: Xisto Freitas | Editora: Rita Almeida

Imajen: Prokuradór Jerál Repúblika (PJR), José da Costa Ximenes.

CNE já aprovou três coligações pré-eleitorais para voto de 12 de maio

Díli, 05 mar (Lusa) - A Comissão Nacional de Eleições (CNE) já validou três coligações pré-eleitorais que se vão apresentar às eleições parlamentares de 12 de maio em Timor-Leste, tendo formulários para outras eventuais coligações sido "levantados", disse o presidente do órgão eleitoral.

Alcino Baris, presidente da Comissão Nacional de Eleições (CNE), confirmou aos jornalistas que os dados das três coligações foram já publicados no Jornal da República.

A Frente de Desenvolvimento Democrático (FDD) - primeira a completar todos os requisitos para poder concorrer às eleições antecipadas de 12 de maio - integra quatro partidos políticos que se apresentaram separadamente nas eleições parlamentares de 2017: o Partido de Unidade e Desenvolvimento Democrático (PUDD), a União Democrática Timorense (UDT), a Frente Mudança (FM) e o Partido Desenvolvimento Nacional (PDN).

O responsável da CNE confirmou ainda que também já foi validada a Aliança de Mudança para o Progresso (AMP), que reúne as três maiores forças da oposição, o Congresso Nacional da Reconstrução Timorense (CNRT), o Partido Libertação Popular (PLP) e o Kmanek Haburas Unidade Nacional Timor Oan (KHUNTO).

Na semana passada, foi igualmente validada uma terceira coligação, o Movimento de Desenvolvimento Nacional (MDN), que reúne quatro partidos que também se apresentaram separadamente em 2017.

Em concreto, agrupa a Associação Popular Monarquia Timorense (APMT), o Partido Liberta Povo Aileba (PLPA), o Partido Movimento Libertação Povo Maubere (MLPM) e a Unidade Nacional Democrática da Resistência Timorense (Undertim).

"Outros partidos levantaram também os formulários necessários, mas até ao momento ainda não se apresentaram mais coligações. Podem faze-lo até 12 de março", explicou.

"As coligações têm agora 30 dias para os partidos políticos apresentarem as listas de candidaturas", explicou.

No mesmo encontro com os jornalistas, o responsável da CNE deu conta de outros aspetos dos preparativos para as eleições, nomeadamente o facto de estar a decorrer nos vários municípios timorenses uma campanha de socialização sobre o voto.

O recenseamento dentro e fora de Timor continua igualmente a decorrer, sendo de destacar o êxito de um processo de registo móvel no Reino Unido que levou a que mais 500 timorenses se recenseassem só nos últimos dias.

ASP // ANC

Começou na Austrália audiência de número três do Vaticano por abusos sexuais

Melbourne, Austrália, 05 mar (Lusa) -- A audiência do número três do Vaticano, o cardeal australiano George Pell, um dos mais próximos conselheiros do papa Francisco, começou hoje na Justiça australiana, que determinará se ele pode ser julgado por agressões sexuais.

O cardeal Pell não emitiu declarações ao subir as escadas do tribunal de Melbourne, escoltado por dezenas de polícias, enquanto alguns manifestantes que o aguardavam brandiam cartazes e gritavam frases como "Vai para o inferno! Vai para o inferno, George Pell!" ou diziam esperar que "se faça justiça".

Havia também na assistência apoiantes do cardeal, como Beverly Hastie, que declarou: "Conheço-o e é inocente, um homem bom, um santo homem".

O prelado de 76 anos, que está de licença para poder defender-se, foi formalmente acusado, em junho de 2017, de "crimes de agressão sexual" que terão sido cometidos há vários anos e que ele categoricamente desmente.

Nem a idades das presumíveis vítimas, nem os pormenores e a natureza exata dos crimes foram tornados públicos, tendo-se as autoridades limitado a referir que existem "múltiplos queixosos".

A audiência no tribunal de Melbourne deverá durar quatro semanas, ao longo das quais poderão ser convocadas cerca de 50 testemunhas, que serão ouvidas à porta fechada, o que poderá levar até duas semanas.

Em seguida, o tribunal decidirá se o caso é suficientemente sólido para justificar o envio do clérigo a julgamento.

Nomeado arcebispo de Melbourne em 1996 e de Sydney em 2001, George Pell foi escolhido em 2014 pelo papa Francisco para tornar mais transparentes as finanças do Vaticano.

ANC // ANC

Rai Kilat Ilegal no Kilat Ilegal

Problema ho kilat iha Timor-Leste nafatin fanun ita hotu nia atensaun desde Krize 2006. Liu-liu kilat sira ne’ebé lakon durante Krize 2006 no kilat ilegal sira. Iha ona esforsu lubuk ida hodi rekolla no investigasaun ba kilat sira ne’ebé lakon durante krize. Maibe kilat balu husi Polísia Nasional Timor-Leste (PNTL) nian seidauk rekolla hotu.

Iha tempu hanesan kilat sira ne’ebé lakon seidauk rekopera fila-fali, informasaun oin-oin hato’o husi ulun boot sira institusaun seguransa nian hato’o katak kilat ilegal husi Atambua-Indonézia tama ona iha Timor-Leste liu husi fronteira no espalla ona iha rai laran.

Aleinde kilat sira ne’ebé lakon no kilat ilegal sira, kilat sira ne’ebé husi institusaun seguransa nian sai nafatin preokupasaun husi públiku tomak. Liu-liu kilat husi institusaun PNTL no FALINTIL-Força de Defesa Timor-Leste (F-FDTL) nia jestaun no utilizasaun. Iha ne’ebé kilat balu husi institusaun rua ne’e nian espalla iha media sosial monu ba ema sivil no labarik sira nia liman hanesan sasan halimar. Mesmu ne’e hanesan istilu ida husi ema ho kilat maibe fo mensajen katak kilat husi institusaun rua ne’e nia seidauk iha jestaun ba kilat ho diak. FM preokupa mos oinsa bele asesu ba kilat? Karik ne’e hanesan sasan halimar nian?

Portantu efeitu husi kilat iha Timor-Leste iha tinan hirak ikus ne’e rezulta ona ema mate, kanek, ameasa, estragus no hasoru animal protejidu sira. Kilat balu identifikadu husi membru PNTL no F-FDTL no barak liu maka la identifikadu kilat sira ne’e mai husi ne’ebé? Karik husi kilat ilegal sira ka kilat sira ne’ebé lakon durante krize nian?

Atu hetan informasaun kle’an liu kona-bá asuntu ne’e haree iha kraik ne’e:

( PRESS RELEASE HANEHAN IHA NE’E)

( RELATORIU KOMPLETU HANEHAN IHA NE’E)

Nélson Belo
Diretor Ezekutivu
Email: direktor.mahein@gmail.com
Telemovel: (+670) 78316075 ka 77561184
Website: www.fundasaunmahein.org

Silk Air Semo Kada Semana Tanba Menus Pasajeiru

DILI, (TATOLI) – Kompañia aviasaun, Silk Air, ne’ebé hala’o atividade komersiál iha Timor-Leste hodi halo vou Singapura-Dili no Dili-Singapura aprezenta ona sira-nia pedidu atu redús oráriu semo ne’ebé antes ne’e semana ida dala tolu ba ida de’it iha kuarta durante fulan marsu nia laran tanba pasajeiru labarak.

Vogál ba Planu Administrasaun no Finansas, Autoridade Aviasaun Sivíl Timor-Leste (AACTL-sigla iha portugés), Ricardo da Costa Ribeiro, hatete tanba situasaun rai-laran daudaun ne’e halo pasajeiru ladún barak nune’e prejudika vou Dili-Singapura ne’e.

“Sira aprezenta ona pedidu atu redús sira-nia semo ne’ebé semana ida dala tolu muda ba dala ida iha kuarta, maibé pedidu nia laran ne’e husu atu provizóriu no razaun sira ne’ebé aprezenta ne’e razoavel duni katak situasaun hanesan ne’e, tanba ne’e mak ami mós fó fali provizóriu sira semo semana ida dala ida durante fulan-marsu nia laran, depois iha marsu ida ne’e sira bele aprezenta ou prolonga tan semana ida dala ida lai ou bele kontinua filafali ba oráriu normál”, Ricardo hatete iha Kaikoli, ohin.

Oráriu normál Silk Air nian antes ne’e semo husi segunda, kinta no sábadu, maibé liga ba situasaun Timor-Leste nian daudaun ne’e maka halo de’it atividade semo nian dala ida de’it kada semana iha marsu nia laran.

Aviaun Silk Air nu’udar Estadu Singapura nian ida ne’e hala’o ona atividade komersiál iha Timor-Leste besik tinan haat resin no iha garante atu semo nafatin iha país ida ne’e.

“Ita oras ne’e daudaun kompara ho nasaun seluk, aviaun sira ne’ebé semo pasajeiru atu uitoan ka barak ne’e semo nafatin, oráriu ne’e normál nafatin tanba sira iha subsídiu husi sira-nia nasaun, agora ita iha ne’e laiha, ida ne’e mak prejudika mós satán aviaun refere la’ós ema timoroan nian, ema husi rai-liur entaun bele prejudika mós”.

Pedidu husi Silk Air ne’e, husi parte AACTL fó ona autorizasaun, bainhira iha marsu liu mak situasaun hanesan nafatin no kompañia ne’e aprezenta tan maka sei kontinua prolonga oráriu ida ne’e, maibé se kondisaun di’ak ona no atu filafali ba oráriu normál maka sei normaliza fali.

Jornalista: Maria Auxiliadora | Editora: Rita Almeida