12 Novembru, Momentu Istóriku

DILI, (ANTIL) - Ministru Komérsiu Indústria no Ambiente, Constâncio Pinto hateten, Masakre Santa Cruz 12 Novembru 1991, tinan 25 liuba, sai momentu istóriku ne’ebé loke odamatan ba mundu kona-ba luta ba independénsia, tanba mosu violasaun direitu umanu iha Timor-Leste, husi militar Indonezia.

Lider no autór 12 Novembru 1991 ne’e, hateten, importante tebes ba Timor-Leste atu selebra nafatin masakre Santa Cruz tinan-tinan, hanesan memoria ida. Nune’e,  bele tranzmite ba joven sira atu banati tuir timoroan sira ne’ebé fó an ba mate iha tempu ne’ebá.

“Iha ikus ne’e, jerasaun sira banati tuir sira-nia ain fatin, haree sira-nia espíritu patriotizmu ne’ebé boot hodi fó an ba mate tanba Timor-Leste. Ida-ne’e,  fó dedikasaun tomak ba dezenvolvimentu iha ita-nia nasaun “Constâncio hateten ida-ne’e foin lalais ba ANTIL iha Palasiu Governu, Dili, foin dadaun.

Maske masakre Santa Cruz Dili liutiha ona tinan 25,  Constancio sente hanesan foin mak akontese no moris nafatin iha ema ida-idak nia hanoin , liuliu ba jerasaun sira ne’ebé akompaña situasaun iha tinan 1991.

Iha tinan 1991, juventude derrota iha forsa Indonézia nia liman. Maibé liuhusi protesta ne’e, timoroan hatudu ba mundu seluk, rekoñesidu apoiante Indonézia, katak Timor-Leste hakarak liberta-an no sai nasaun foun, independente husi Indonézia.

No akontesimentu 12 Novembru 1991, Timor-Leste moris iha momentu trájiku iha nia istória. Depois eventu masakre St. Crúz, kuaze nasaun hotu fó apoiu ba Timor-Leste no rekoñese populasaun nia direitu, atu determina Timor-Leste tenke ka la independente, liuhusi konkretizasaun referendu iha 30 Agostu 1999.   (Jornalista : Maria Auxiliadora/Editór:  Otelio Ote)

Kazu Emilia Sai Dezafiu Boot Sistema Justisa TL, Tribunal Tenki Responde Ejijensia Publiku

DILI - Kazu Eis Ministra Finansas Emilia Pires neebe tribunal fo autorizasaun hodi sai ba estranjeiru, tribunal tenki responsabilidade tamba oras nee publiku hein hela desizaun ba krime neebe deskonfia nia komete hamotuk ho Eis Vice Ministra Saude Madalena Hanjam.

Tuir Eis Vice prezidente Parlamentu Nasioal atual Deputadu Bankada PD Adriano Nacimento katak kazu Emilia Pires tribunal hatene sira nia servisu, maibe sai preokupasaun publiku mak Arguida Emilia ba estranjeiru la fila too agora.

Arguida Emilia neebe ba estranjeiru too agora la mai tribunal tenki responsabiliza tamba iha prosesu julgamentu tribunal autoria sai ba estranjeiru, ema seluk labele emilia bele fali,” dehan Adriano ba Jornalista Segunda (07/11/2016) iha Parlamentu Nasional.

Nia hatete tribunal no ministeriu publiku tenki responsabiliza ba publiku tamba publiku hein hela prosesu no desizaun husi tribunal tamba nee sai dezafiu ida ba sistema justisa iha Timor Leste.

Iha fatin hanesan Xefi Bankada Fretilin Aniceto Guterres hatete termu identidade rezidensia kondisaun neebe ministeriu publiku fo atu atende prosesu neebe lao hela, tan nee kuandu viola bele halo kapturasaun iha tempu neebe deit.

Nune mos Deputadu Bankada Frente Mudansa Jorge Teme hatete kuandu asumi kargu nudar membru governu, karik iha relasaun ho justisa tenki kumpri hanesan Timor oan labele uza sidadaun nasaun seluk hodi halai husi prosesu justisa. Informasaun kompletu iha STL Jornal no STL Web, edisaun Tersa (08/11/2016). Timotio Gusmao

Suara Timor Lorosae

2017 Governu Propoin Milaun 117 ba ZEESM, Povu Seidauk Hetan Benefisiu

DILI – Projeitu Politu Zona Ekonomia Espesial Sosial Merkadu (ZEESM) Oe-cusse no Atauro, gasta osan estadu boot maibe povu seidauk hetan benefisiu direta projeitu boot husi Estadu.

Tuir Xefi Bankada CNRT Natalino dos Santos hatete ZEEMS hanesan parte empreza ida neebe estadu intredus ho previzaun tinan 15 too 20 mak foin fo rezultadu, tamba Timor oras nee depende ba fundu minarai.

Tinan ida nee governu aloka osan ba ZEESM Oe-Cusse milaun 117 hatudu iha benifisiu maibe nia implementasaun nia impaktu ba povu Oecusse bele hare direta ho dezemvolvimentu neebe lao fo benefisiu ba povu ou lae,” dehan Natalino ba Jornalista Segunda (07/11/2016) iha Parlamentu Nasional.

Nia hatete prosesu neebe lao foin mak komesa tan nee komesa ohin too tinan 10 mai bele hare ona rejultadu husi ZEESM tambe foin tinan rua seidauk bele halo buat ida, foin mak hahu halo infrastrutura baziku.

Iha fatin hanesan Deputadu Bankada Frente Mudansa Jorge Teme katak Projeitu ZEESM neebe gasta osan estadu Boot atu fo benefisiu direta ba tempu naruk ho tempu badak.

Nunee mos Observador Politika Jose Ramos da Silva hatete Implementasaun ZEEMS iha Oecusse povu hetan benefisiu ladun boot hetan ukun nain sira tamba povu osan laiha atu sae Aviaun, no ro ho folin neebe karun. Informasaun kompletu iha STL Jornal no STL Web, edisaun Tersa (08/11/2016). Timotio Gusmao

Suara Timor Lorosae

Eleisaun Segunda Volta Monu Domingu, Hanesan Laos Ema Katolika

DILI – Timor Leste nudar nasaun foun ho populasaun maioria katolika pursentu 97, inklui mos membru Governu aprova loron Domingo nudar loron Santo, maibe sai fila fali ba loron eleisaun suku.

Tuir Observador Politika-UNDIL, Francisco Mausoro hatete, Governu gasta osan barak ba CNE no STAE maibe eleisaun ema seluk mak halo. Hatudu katak iha failansu, hamosu deskonfiansa ba orgaun eleitoral. Hanesan maneira ida atu hasai sira nia kompetensia ema neebe organiza eleisaun.

Governu laintende seolah-olah ema Timor nee domina husi katolika, relasiona ho loron domingu halo eleisaun segunda volta nee hatudu laiha fiar hanesan laos ema katolika,” dehan Observador Politika-UNDIL ba STL liu husi via Telefonika, Segunda (07/11/2016).

Observador Politika-UNDIL, Francisco haktuir, ida nee hatudu katak organiza eleisaun nee lakomprende povu nia movimentu iha tempu Domingu, neebe mak sarani sira ba misa. Mausoro afirma, eleisaun xefe suku laiha kriteriu neebe klaru no halo serteza dehan eleisaun nee lalao ho justu tanba sasukat laiha. Agora iha neebe mak komunidade organiza fali eleisaun politika nee ba oin ka ba kotuk.

Iha sorin seluk, Ministru Administrasaun Estatal (MAE), Dionisio Babo hatete, eleisaun suku akontese iha loron domingu 13 Novembru tinan Ida nee, tanba Governu dekreta ona lei eleisaun nian. Informasaun kompletu iha STL Jornal no STL Web, edisaun Tersa (08/11/2016). Raimundo S. Fraga

Suara Timor Lorosae

Eleisaun Suku, Estadu La iha Sensibilidade, Povu Balun Lahatene Lee

DILI - Reprezentante Povu iha Uma Fukun Parlamentu Nasional balun konsidera Eleisaun lideransa komonitariu neebe halao foin lalais, larefleta realidade iha Timor tamba povu balun lahatene Lee no hakerek.

Tuir Eis Vice prezidente Parlamentu Nasional atual Deputadu Bankada PD Adriano Nacimento katak eleisaun nee kestiona mak kandidatura ba Xefi aldeia laiha fotogaria tan nee iha posibilidade hamosu manipulasaun.

Ita kestiona rajaun latau fotografia xefi aldeia laiha nee bele hamosu manipulasaun neebe governu mak fo dalan no mos elisaun lideransa la refleta realidade iha Timor neebe povu barak lee no hakerek lahatene,” dehan Adriano ba STL Segunda (07/11/2016)  iha Parlamentu Nasional.

Nia hatete frakeza Governu no estae nian bele deskonfia ema neebe tur iha meja eleitoral governu mak fo oportunidade hodi hamosu manipulasaun neebe sala laos baze maibe husi leten.

Iha fatin hanesan Deputadu Bankada Fratilin Osorio Florindo hatete elisaun Parlamentar no prezidensial deit sidadaun barak mak latuir kuandu hare numenru eleitoral persentazen tun bei-beik.

Nunee mos Diretor Jeral Desentralizasaun Administrasaun Ministeriu Administrasaun Estatal, Abilio Jose Caetano Antes hatete, realizasaun eleisaun suku tuir lei numeru 9/2016 mosu duni failansu   balun, maibe la afeita ba prosesu eleisaun. Informasaun kompletu iha STL Jornal no STL Web, edisaun Tersa (08/11/2016). Timotio Gusmao

Suara Timor Lorosae

Kursu Pilotu, TL - Filipina sei asina MoU

Kursu Pilotu ba membru Falintil-Forsa Defeza Timor Leste (F-FDTL) ne’ebe mak sei hala’o iha nasaun Filipina, tuir planu sei asina Memorandum of  Understanding (MoU).

Kursu Pilotu ba membru Falintil-Forsa Defeza Timor Leste (F-FDTL) ne’ebe mak sei hala’o iha nasaun Filipina, tuir planu sei asina Memorandum of  Understanding (MoU) entre  Governu Timor Leste (TL) liu husi Ministeiru Defeza, no Governu Filipina liu husi Ministeriu Defeza Filipina.

Chefe Estadu Maior Jeneral F-FDTL, Major Jeneral Lere Anan Timur, informa asuntu ne’e liu husi bilateral meeting ne’ebe hala’o ho Jeneral Forsa Armada Filipina Ricardo R Visaya AFP. iha Hotel Borobudur Kemayoran Jakarta Pusat, 03/11/2016, liu husi karta komunikadu ne’ebe JN-Diario Asesu Domingu (06/11/2016).

Lere Anan Timur hateten, kontinuasaun ba kursu pilotu ne’e tanba kleur ona bele haluhan, sei bele prosesu ne’e liu husi deit instituisaun militar ho militar, maibe fila fali ba desijuan nasaun Filipina nian.

Prosesu MoU ne’ebe mak sei hala’o entre nasaun rua nia liu husi prosesu ne’ebe mak kleur tebes, sei liu husi Prezidenti Republika, Konsellu Ministru no Parlamentu Nasional.

“Ita hein desizaun politika ne’e, hein to pilotu sira katuas hotu mos ita la hetan buat ida, maibe ami nia ekipa ida esforsu hela ba ida ne’e,” hateten, Lere Anan Timur wainhira dadalia ho Jeneral Filipina iha bilateral meeting.

Iha hasoru malu ne’e mos , Major Jeneral Lere Anan Timur informa konaba armas hanesan kilat musan, kilat bo’ot nomos kareta militar nian mak Governu Timor Leste sosa husi nasaun Malaysia.

Tanba ne’e mak Governu Timor Leste liu husi Ministeriu Defeza TL hametin liu tan koopersaun ho nasaun Malaysia atu nune’e bele despaixa tan armas militar nian ne’ebe mak governu Timor Leste sei persiza iha futuru oin mai.

Liu husi kursu pilotu ne’e forma ona iha F-FDTL ne’ebe mak susesu ona iha kursu pilotu ne’e mak Maijor Jeneral F-FDTL sujere hodi sosa helicoptru ba forsa ne’ebe mak kursu pilotu.

“Uluk hanesan ha’u dehan formasaun priopridade liu ba pilotu militar tanba ne’e ha’u sei trata ho governu para bele sosa helikoptru,”tenik Lere.

Parte seluk mos haree liu ba dezenvovilmentu militar Timor Leste nian sedauk iha ekipamentus ne’ebe mak masimu ba instituisaun F-FDTL, tanba ne’e mak husi parte Maijor Jeneral Lere Anan Timur sei  kontinua hametin diak liu tan husi kooperea bilateral entre nasaun hotu-hotu. Eus

Hallo

Atendementu diak ba Povu, presija hadia sistema 3G

Dili - Primeiro Ministro, Rui Maria de Araujo, husu ekipa Information Technology (IT) atu presija hadia sistema 3G nian nune’e bele fasilita mediku hodi halo tratamentu ba komunidade sira.

PM Rui dehan, tenki  hadia programa 3G hodi nue’e ema bele asesu ba lina internet atu nune’e hafasil ema halo servisu online. Xefi governo levanta kestaun ne’e relasiona ho servisu ministro saude (MS) nian ne’ebe maka foti dadus populasaun Timor-Leste hodi tau iha sitema online, nune’e ba oin fasil atu mediku sira halo tratamentu lais liu ba komunidade.

Tamba durante ne’e, tuir xefi governo katak, Mediku sira atu fo tratamentu ba komunidade tenki halo regista ema nia naran maibe ho dadus ne’ebe maka MS agora foti, ne’e diak tamba populsaun hotu nia naran prenxe ona iha sistema.

“IT ministeriu Saude tenki servisu hamutuk ho IT Gabinete primeiru Ministru nian hodi hare kestaun ne’e, hau nia telephone uza 3G hanesan mos ema hotu nian, maibe depende ba kualidade telephone”  hatete PM Rui iha  edifisiu MS Kaikoli Dili, Sesta (04/11).

PM Rui afirma, telephone hotu kuaze iha programa 3G, tamba ne’e maka IT sira tenki resolve sistema hirak ne’e atu hafasil ema bele asesu internet, programa 3G nia kapasidade bo’ot maibe dalabarak ema la asesu ba programa ne’e. Akresenta liu tan katak postu administrative hotu iha Timor-Leste, kuaze asesu ba sistema 3G, no ema asesu ba lina internet  entaun servisu online ne’e ekipa sira servisu bele upload sistema iha ne’eba, nune’e ekipa nasional iha Ministeriu sira atu servisu hamutuk ho IT hodi resolve kestaun ne’e.

Hallo - Fonte: Timor Post

Lee liu Hallo

Inul Daratista louva no Fans tan Maria Vitoria Lian

DILI - Tama iha kalan eliminasaun kompetisaun dangdut Akadmia Asia 2, Domingo (06/11).  kantora Timroan Maria Vitoria lori ambiente alegria nakonu ho konfiansa ba publiku tantu iha Indonesia no iha Timor Leste.

Mosu iha palku luxu kanal TV Indosiar, Maria hananu muzika lokal popular hosi provinsia java ho dialetu lokal nian ho títlu  Anoman Obong. Konteudu hosi múzika ne’e koalia kona ba lekirauk Mutin ne’ebé salva prinseza ida hosi ema aat nia liman.

Remata kanta, ekipa komentadór fó sira nia komentariu. Inul daratista famozu ho naran ratu dandut ka rainha dngdut Indonesia ne’e nakonu ho admirasaun ne’ebé expresa katak maria nia performa extraordinariu.

 
“Hau nia viziñu sira iha kampungasiste katak maria ne’e epesial hosi  Timor Leste. atu dehan det hau fans ba o desde primeiru dia, atu dehan labarik nee atu halo sai oin saloos,” Inul hateten lia ne’e to nia rasik tanis iha palku leten hodi hakuak Maria.

Tanba Maria ema foun ho det tempu loron tolu konsege kanta ho diak, erru ne’ebé akontese, Inul husu atu ema bele kompriende. “Tapi artinya benar, artikulasi benar, dinakima ok,” louva Rainha dangdut ne’e.

Nia admira tebes, basá Maria uja det loron tolu aprende muzuka hosi jaja no uja dialetu java nian. Maske iha parte balun sala, Inul hatutan katak Maria maneija hodi taka erru balun ho ninia karater rasik.

 Maske nune’e desijaun atu avansa ba faze tuir mai iha ekipa juri nia liman ema hotu hein no publiku iha Timor Leste espera Timor Leste ninia mutiara ne’e ba avansa.

#support Marvi. #viva Timor-Leste.

Timor Post

Diretór Kooperasaun CPLP sei Diskursu iha Konferénsia Kona-ba Tasi

DILI, (ANTIL) — Diretór Kooperasaun Comunidade dos Países da Língua Portuguesa (CPLP), Manuel Clarote Lapão sei halo diskursu iha kongresu ne’ebé sei hala’o iha Estóril Portugal,  Kuarta, (9/11) no Kinta, (10/11) iha “II Grande Conferência do Jornal da Economia do Mar”.

Tuir nota afirmativa ne’ebé ANTIL asesu husi CPLP, Sesta (4/10) informa, Manuel sei halo diskursu kona-ba: “Portugal, a CPLP e o Mundo” iha loron dahuluk, Kuarta (9/11).

Asuntu temátiku kona-ba tasi ne’ebé sei sai diskusaun iha konferénsia ne’e mak “Político-Conceptual” no “Prático-Empresarial”.

Biban ne’e, iha mós fatin ne’ebé hanesan, sei realiza mós espozisaun husi empreza no institusaun nasionál área ekonomia tasi nian. (jornalista: Rafy Belo; editor: Rita Almeida)

Programa Saúde Na Família Atinje Ona 83%

Dili, (ANTIL) – Programa vizita tama sai uma Saúde na Família ne’ebé Ministeriu Saúde hala’o liu hosi ekipa médiku sira durante ne’e atinje ona 83%.

“Programa Saúde na familia atinje duni ona 83%, maibé dejafiu hanesan asesu internet hodi bele hatama dadus mak ladiak,” Ministra Saúde, Maria do Céu Pina da Costa dehan  ba ANTIL iha Palasiu da Sinzas Ministériu Saúde, Dili, Sesta (4/11).

Tuir Ministra, hosi Munisípiu hotu-hotu, liu-liu Munisípiu Aileu mak atinjementu boot ho 84% ba manuál no dijitál no Rejiaun Autonomu Oe-Cuse atinjementu ki’ik liu. Manualmente sira foin hetan 29% no dijitál foin mak 0,1%, tanba  sira foin hahú servisu iha fulan Marsu no hasoru difikuldade téknika balun.

Nia hatutan, presiza identifika problema saida mak halo munisipiu balun iha atinjementu ladauk diak. Nune’e bele buka mekanizmu imediatu hodi bele responde.

Maibé ministra hatutan, difikuldade balun minimu ka laiha asesu internet, nune’e susar atu hatama dadus sira ba dijitál. Entertantu servisu manuál la presiza internet.

Durante implementasaun programa ne’e, ministra hatutan, identifika moras barak liu mak moras mentál. Durante ne’e pasiente sira ladún hetan asisténsia médiku,  tanba família sira mak ijola ema ne’ebé moras mentál.

“Ami buka meius atu haruka médiku sira ba família sira-nia uma. Halo tratamentu no fó koñesimentu ba família, atu labele izola ema ne’ebé moras menetal. Tenke halo tratamentu ba nia,” Ministra dehan.

Iha fatin hanesan, Primeiru Ministru, Rui Maria de Araujo agradese ba médiku s, parteira no ekipa servisu ba komunidade, liu hosi programa saúde na família ho nia progresu.

“Parabens ba ita-boot sira. Servisu  la  fasil no hasoru dezafiu barak. Maibé ita-boot sira esforsu ona, hodi atinje objetivu ne’ebé mak ita hakarak,” PM Rui dehan  ba jornalista sira durante ambitu avaliasaun daruak  ba programa saúde na família iha Palasio da Sinzas, Dili, Sesta (4/11).

Maske Primeiru Ministru duvida uitoan kona-ba atijimentu 100 %, tanba durasaun programa ne’e hela de’it loron hirak,  nia enkoraja ekipa tomak atu esforsu nafatin servisu. Tanba programa ne’e fó benefisiu di’ak ba povu Timor-Leste. Tuir planu, programa saúde na família tenki remata iha 28 Novembru 2016. Jornalista: Zezito Silva / Editor: Gantry Meilana

Foto: Ministériu Saúde realiza enkontru daruak hodi avalia programa saúde na família nia progresu no dejafiu sira, Palacio Cinzas MS, Kaikoli, Sesta (4/11)Foto/ANTIL : Antonio Gonçalves

Projeitu PDID Iha Oe-Cusse Sei Responsabilidade MAE

DILI (ANTIL) – Implementasaun projetu Planeamentu Dezenvolvimentu Integradu Distritál (PDID), ne’ebé sei la’o iha Rejiaun Espesiál Oe-cusse, responsabilidade tomak sei kaer hosi Ministériu Administrasaun Estatál.

Sekretáriu Rejiaun Oé-cusse, Leonia Monteiro dehan, to’o ohin loron projeitu PDID seidauk atribui responsabilidade ba rejiaun Oé-cusse tanba ne’e projeitu sira ne’ebé uluk Ministériu Estatál halo to’o ohin-loron seidauk finaliza.

“Seidauk fó hatene lolos obra mak ida ne’ebé hodi difini lolos progresu ne’ebé mak ita halo,” Sekretáriu Rejiaun ba asunto Administrasaun no Finansas, Leonia Monteiro esplika ba komisaun C Parlamentu Nasionál foin lalais ne’e.

Hatan kona-ba orsamentu ZEESM ho montante 10 milloens ba Atauro, Leonia Monteiro esplika, agora dadaun halo hela komparasaun ho nasaun estranjeiru sira hodi halo estudu kona-ba bee-moos iha Atauro.

“Atu hatete de’it katak ZEESM seidauk tama lolos iha Atauro, tanba Atauro sei sai parte ida hosi munisípiu Dili,” Leonia Monteiro reforsa tan.

Programa komplementar hosi ZEESM, oras-ne’e la’o hela iha Atauro. ZEESM sosa dadauk feri ida hosi Portugal, hodi atende transportasaun. Oras ne’e feri ne’e sei iha hela prosesu konstrusaun iha Portugal.

Ró ne’e sei atende pasajerus hosi Atauro ba Dili no tuir planu bele to’o Baucau no munisípiu, depende ba nesisidade.

Kona-ba orsamentu transferensia ba suku iha Oé-cusse, Leonia esplika, regras nafatin hela hanesan saida mak uluk ministériu sira implementa, antes estabelese ZEESM.

“Uluk Ministériu Estatál mak kria atu selu xefi suku sira. Ida-ne’e la’o hela. Kuandu iha ona xefi suku foun, husi rezultadu eleisaun ne’e,  ami hein sa desizaun hosi nasionál, ami halo tuir,” Leonia haktuir.

Kona-ba ezekusaun orsamentu, nia dehan orsamentu ne’ebé mak aloka ba Oé-cusse hamutuk 35% atu selu grande projeitu sira iha Oé-cusse, hanesan irigasaun Tono, ponte, estrada sei selu hotu to’o Dezembru ho nune’e autoridade ZEESM halo previzaun istimativa to’o Dezembru sei ejekuta osan to’o 75%. Entertantu konstrusaun estrada seidauk atinji 100%, tanba presiza halo mós drainajem. Jornalista : Manuel Pinto / Editor: Gantry Meilana

Foto: Leonia Monteiro koalia ba Deputadu sira iha Parlamentu Nasional.

Vulkaun iha Foho Sinabung Indonézia nakfera

Vulkaun Sinabung, ida ne’ebé mos ativu liu hosi ilha Indonézia Sumatra, nakfera iha sábadu foin daudaun, hodi hasa’i sinza ho as to’o kilómetru 1,5, tuir autoridade sira fó sai horisehik. 

Erupsaun ne’e akontese iha tuku 07: 46 oras lokál, hodi hasai fatuk hirak ne’ebé lakan hanesan ahi-klak no sinza ba parte leste no sudeste krater, esplika portavós hosi ajénsia jestaun dezastre, Sutopo Purwo Nugroho, ba Xinhua.

Halo ona alerta ida kona-ba erupsaun ne’e, ba komunidade hirak ne’ebé hela besik iha foho ninia okos. Turista no vizitante sira lakonsege bá to’o iha laletek distritu Karo nian, tanba raiu ho kilómetru tolu hosi distánsia kratera nian, tuir responsável ne’e hatutan tan ba Xinhua.

Foho Sinabung, ho metru 2.460, desde fulan setembru tinan 2013, hatudu ona atividade inesante, hafoin iha fulan agostu 2010, foin 'nakfera', tanba tinan 400 ikus ne’e “”2010 hosi tinan ikus 400 'adormecido'.

Erupasaun vulkánika ida uluk, kria ona problema ba tráfego aéreo iha rejiaun refere no hamate mos ema.

Indonézia asenta iha Anel de Fogo do Pacífico, área ne’ebé ho atividade sísmika no vulkánika maka’as, no hasubar vulkaun liu 400, ne’ebé maka pelumenus hosi 129 kontinua ativu no 65 kualifikadu hanesan perigozu, inklui Sinabung.

SAPO TL ho Lusa 

PN HUSU FUNSIONA KLINIKA OECUSE

Parlamentu Nasional husu ba delegasaun Zona Espesial Ekonomia Sosial Merkadu (ZEESM) no Rejiaun Administrativa Espesial Oecuse Ambeno (RAEOA) atu funsiona hikas klinika medika polibalenti, tanba klinika ne’e iha ona aimoruk barak atu atende komunidade.

“Ami ba iha ne’eba hare iha ona aimoruk barak, se kleur tan entaun aimoruk bele liu tempu, rekruta ona mediku nune’e klinika moderna ne’eba bele funsiona hodi lori espetativa barak mai ita, duke ita halo tranferensia barak ba liur,” dehan Deputadu Francisco Miranda Branco iha PN, Sesta (04/11/2016).

Hatan ba kestaun ne’e Sekertaria Rejional saude Lucia Taeki hatete, oras ne’e konstrusaun klinika 100% prontu, hela mak nia jardim ho moru ne’ebe oras ne’e halo dadaun hela, espera iha Desembro 2016 bele remata.

“Ita hare klinika prontu ona, espera bele hahu iha Janeiru 2017 ou tarde maka Marsu 2017, iha ne’e ita sei hahu ho fase permeiru ho kardologia (moras fuan) tanba ita hatene katak iha Timor Leste seidauk iha klinika espesialista kona ba ida ne’e, tanba ne’e maka autoridade RAEOA hanoin hela ida ne’e, nune’e labele gasta osan ba rai liur,” dehan Lucia Taeki iha PN.

Nia hatutan kona ba rekrutamentu ba rekursu humanu, agora dadaun forma hela komisaun instalasaun iha Oecuse permeiru kona ba dotor espesialista tanba Timor Leste seidauk iha dotor espesialista ba fuan nian, ida ne’e halo dadaun ona, no halo hela estuda ba sentru corasaun nian husi fatin tolu hanesan institutu jantung negara iha Malaysia, depois iha Filipina no Portugal nebe Ministeriu Saude rasik maka kaer hodi fo formasaun.

“ita sei ho ekipa tolu nebe mai, permeiru maka korpo klinika oinsa ita atu hare ba dotor sira liu liu ba dotor espesialista sira, tuir tan korpo ba tekniku nebe maka infermeira, infermeiru no aliadu i korpo ba administrativa nebe atu halo jestaun iha klinika ne’e rasik. Iha ne’e sira sei ofrese servisu tolu mai ita liu – liu ba iha klinka ne’e, permeiru oinsa atu halo tratamentu direita, ida ne’e sei direita atu halo treinamentu ba ita nia dotor oan sira iha Oecuse no Timor Leste tomak, depois sei halo treinamentu jestaun ba klinika polibalenti,”dehan nia. Nes

Jornal Nacional

CNE IDENTIFIKA ELEISAUN SUKU ELEITOR IDA VOTA DALA RUA

Prezidente Comissão Nacional de Eleições (CNE), Alcino Barris hateten katak, eleisaun suku ne’ebe maka hala’o iha loron 29 fulan Outobru 2016 CNE identifika akontese eleitor ida vota dala rua.

“Ami identifika katak durante prosesu eleisaun ne’e barak maka vota liu husi dala ida, tanba prosesu eleisaun ne’e la garante seguransa ne’ebé maxímu, buat sira ne’e hotu akontese tanba iha lei ne’e fó atribuisaun kompetensia barak liu ba lideres komunitaria maka hahú sira nia inisiativa lori halo asembleia, forma meja, hili ema ba tuur iha meja, halo atendimentu no lei númeru 9/2016 ne’e fó kompetensia ligadu liu ba autoridade munisípiu ou seja MAE, tanba lei ne’e elimita katak STAE no CNE apenas fó deit kontribuisaun asistensia teknika,”prezidente CNE, Alcino Barris, informa ba Jornalista sira iha salaun enkontru CNE, Colmera-Díli, foin lalais nee.

Akontese ema ida vota dala rua, tanba ema ne’ebé maka tuur iha meja ne’e la hetan formasaun sufisiente, nune’e sira nia atendimentu la maxímu, sira foti desizaun la monu tuir eleitores no kandidatu sira nia hakarak, no tanba tempu limitadu sira la konsege hetan lista kandidatura no labele tau marka tinta ba eleitores ninia liman lori halo distinsaun ba ema ne’ebé maka vota tiha ona.

“Situasaun hanesan TL ne’e ita hotu-hotu hatene, kuandu ita organiza eleisaun ida maka la’o ho kapas no diak, ninia rejultadu oinsa deit ema simu, kontantu tenki fear, ha’u hanoin eleisaun kuandu la fair iha manobras balun bele halo re-eleisaun fali, ita bo’ot sira haree neste momentu iha 292 suku maka tenki halo re-eleisaun fali ba segunda volta, to’o ohin dia 1 Novembru problema eleisaun nivel aldeia ne’e sei iha hela, tanba problema 50% mais 1 ne’e,”esplika Alcino Barris.

Nia dehan, eleisaun suku hetan ánimu no partisipasaun as husi populasaun, hatudu populasaun ne’ebé maka iha munisípiu tenki halo viajen ba suku ne’ebé maka sira rezistradu ba hodi hili sira nia lideransa.

“Maibé prosesu eleisaun ne’e ladun monu ba ema barak nia laran, tanba eleisaun ne’e rasik ita bele dehan komplexu no komplikadu, tanba lei ne’ebé hahú husi inisiativa husi MAE ne’e katak meja tenki halo atendimentu ba kandidatura ne’e hafoin iha loron 29 Outubru, nune’e kandidatura sira aprejenta an hahú husi dader tuku 7 to’o tuku 9, entaun tempu ne’e kultu teb-tebes tanba hahú husi ne’e maka foin hakerek kandidatu sira ne’ebé hakarak kandidata an, nune’e  muito dependente eleitores kada aldeia ninian,”haklean prezidente CNE.

Alcino Barris sublinha, kuandu iha aldeia ida la manan ho 50% mais 1, iha loron ne’e kedas tenki halo eleisaun segunda volta, iha aldeia balun eleisaun segunda volta mós rejultadu la atinji 50% mais 1, nune’e sira tenki halo konsensus delega deit kandidatu ida maka sai sira nia Xefi, nune’e halo ema barak konfuzaun no dezanima.

“Sorti ami esforsu maka’as disemina prosesu eleisaun kuaze ba teritoriu laran tomak hodi ema barak komprende netik, maski komprende ida ne’e la habelar fali tun to’o kraik, tanba parte ne’ebé maka atu habelar maka autoridade munisipal sira maka bele habelar, tanba lei ne’e ninia natureza ligadu liu ba MAE,” tenik Prezidente CNE. Ves

Jornal Nacional

POSIBILIDADE CPLP IMPLEMENTA MOBILIDADE LIVRE

Nasaun membru Comunidade de Paises dos Lingua Portuguesa (CPLP) iha posibilidade boot atu implementa polítika mobilidade livre ba ninia sidadaun sira.

Ministru Negosius Estranjeirus i Kooperasaun (MNEK), Hernani Coelho hatete katak,  pontu importante ne’ebé mak Xefi Estadu no Xefi Governu sira mós toma nota hodi sai hanesan trabalho de casa ida ba Estadu hot-hotu mak, mobilidade espasu CPLP.

Nasaun Portugal prinsipalmente hatudu disponibilidade tomak atu aranja kreativus atu implementa mobilidade ne’e, tanba mobilidade ne’e iha difikuldade oituan, tanba nasaun membrus CPLP sira ne’e iha grupu regional ida-ida ninian.

“Portugal iha bloku uniaun Europeia ninian, Timor Lesta ita iha preparasaun ba ASEAN ninian, entaun dalaruma atu halo movimentasaun ema ne’e iha difikuldades oituan. Tanba ne’e mak Portugal avansa ho proposta kreativu ida, ba kestaun mobilidade, liu husi posibilidade de fiksasaun rezidensia,”informa Hernani Coelho, ba Jornalista sira iha Aeroportu Internaionál Nicolau Lobato, Comoro Dili, Sabadu (05/11/2016) hafoin fila husi Brazil.

Nia haktuir, asuntu ne’ebe refere sei sai hanesan servisu ida ba Prezidensia rotativa CPLP Brazil ninian.

“Kestaun seluk ne’ebé mak ita persija realsa iha ne’e mak, kona-ba nova vizaun estratéjiku CPLP ninian. Iha tinan 2014 ita senti katak, iha difikuldade oit uan atu bele avansa ho aprovasaun nova vizaun estratéjika, tanba nova vizaun estratéjika CPLP ne’e, ko’alia kona-ba tinan 10 tuir mai, li-liu kona-ba saida mak presija halo atu hadia CPLP atu sai efetivu liu tan,” katak Hernani.

Entaun Hernani dehan, foin dada’uk iha Brazil ne’e mós, Timor Leste entrega nova vizaun CPLP ninian ba Brazil.

Hernani esklarese, iha pontu ida ne’e mós, Brazil simu tutan atu halo ninia Prezidensia ne’e, bele halo operasionalizasaun ba vizaun estratéjika CPLP ninian.

Hernani afirma, CPLP tradionálmente iha esu tolu ne’ebé mak fungsiona mak, esu konsentrasaun diplomátika, esu kooperasaun nomós esu konaba lingua portugeusa.

“Iha ita nia Prezidensia, Timor Leste introdus tan alarga konseitu kooperasaun ba iha kooperasaun ekonómika ba dezenvolvimentu nasaun membru CPLP sira. Entaun iha esu tolu ne’e, ita aumenta tan ida kona-ba forum ekonómia global,” informa Hernani.

Nia dehan, atividade forum ekonómia global ne’e, foin lalais Xefi Estadu no Xefi Governu sira simu hodi konsidera hanesan atividade ida ba futuru. Cos

Jornal Nacional

CPLP KONSEGE HALO GUINE EQUATORIAL SUSPENDE PENA DE MORTE

Timor Leste (TL) susesu lori nasaun Guine Equatorial tama iha organizasaun Comunidade de Paises dos Lingua Portuguesa (CPLP) iha nia Prezidensia rotativa CPLP durante tinan rua.

Guine Equatorial durante nee iha ninia konstituisaun aplika pena de morte ba ninia sidadaun nebe komete krime boot maibe depois sai membru CPLP, ikus mai suspende ona pena de morte nee.

 “Pontus ne’ebé mak mais importante iha ita nia Prezidensia CPLP mak, primeiru kona-ba kumprimentu Guine Equatorial ba adezaun CPLP. Iha tempu ne’e, iha pontu tolu ne’ebé mak Guine Equatorial presiza kumpri iha CPLP nia laran, atu nune’e nia integrasaun ba CPLP ne’e bele los,” informa Hernani Coelho ba jornalista sira iha Aeroportu Internasionál Nicolau Lobato Comoro Dili, Sabadu (05/11).

Ministru Negocius Estranjeirus, Hernani Coelho esplika, pontu sira ne’ebé Guine Equatorial kumpri ona hodi tama ba CPLP  mak, lingua Portuguesa, direitus humanus ka pena do morte, no ratifikasaiun estatutu CPLP ninian.

“Husi pontu tolu ne’e, sira halo hotu ona,  konaba ratifikasaun ne’e, sira entrega sira nia instrumentu ratifikasaun, antes ba iha Brazil, kona-ba direitus humanus, sira halo tiha ona suspensaun ba pena de morte, no lingua portuguesa atu sai hanesan lingua ofisial ida iha Guine Equatorial mós sira halo hotu ona,” relata Hernani.

Nia hatutan, foin dada’uk simeira Xefi Estadu no Xefi Governu iha Brazil mós, kestaun ne’e la sai hanesan kestaun bo’ot, tanba Guine Equatorial hato’o tiha ona ofisialmente kona-ba kestaun tolu ne’e.

Hernani dehan, iha reuniaun tolu mak la konsege implementa iha Timor Leste, maibé la’os tanba Timor Leste la prepara, maibé depois halo tiha preparasaun Ministru CPLP balu ba fali fatin seluk.Cos

Jornal Nacional