Lautoriza Kuadrus PLP Envolve Governu

DILI — Partidu Libertasaun Popular (PLP) kaer metin ba prinsipiu opozisaun, no sei la hola parte iha setimu governu Konstitusional neebe forma husi partidu Fretilin, kuandu laos hanesan koligasaun.

Tuir Prezidente Bankada Partidu Libertasaun Popular (PLP), Fidelis Magalhaes, lideransa PLP la autoriza nia kuadrus sira hola parte iha VII governu konstitusional.

Ami nia Prezidente Partidu, Taur Matan Ruak la autoriza membrus ka kuadrus partidu PLP atu hola parte iha VII governu konstitusional, maibe PLP atu sai oposizaun iha Parlamentu Nasional,” dehan Fidelis  ba STL liu husi via telepone, Domingu (24/9/2017).

Nia hatutan PLP nia pozisaun firme ona katak sei sai opozisaun deit iha parlamentu no la envolve iha estrutura VII governu konstitusional. Fidelis hatutan too oras nee dadaun  husi  parte PLP  seidauk hetan karta formal ruma husi partidu koligasaun hodi autoriza nia ema inklui iha exekutiva.

Ami seidauk iha liafaun ida konaba ida nee tanba bainhira membru partidu ida atu envolve iha governu husi partidu tenke kontaktu maluhodi konkorda malu, se partidu hanesan oposisaun tenke liu husi nota karik sira nee tama maka liu husi desisaun pesoal ida, maibe laos partidu,” tenik Fidelis.

Fidelis afirma individidu  neebe naran iha lista governu, husi partidu rasik la hatene, karik sira nee ba em nome partidu, sei la autoriza  envolve iha exekutiva, orientasaun husi Prezidente Partidu lautoriza  nia membru ka kuadrus balu atu envolve iha VII governu.

Laiha Eleisaun Antesipada

DILI — Bankada sira iha parlamentu nasional, agora dadaun  domina husi opozisaun, nee  laos atu lao ba eleisaun antesipada.  Maibe tuir normal jeral,bainhira governu monu,  Prezidente Republika (PR) sei  bolu partidu segundu votadu atu forma governu.

Tuir Xefe Bankada CNRT, Arao Noe de Jesus, hanesan opozisaun atu asegura politika governu nian,  sei hare konteudu programa sira neebe iha.  CNRT mantein opozisaun tanba atu haree programa sira nee  tanba CNRT atu defende interese nasional.

“Haree ba opozisaun  barak domina iha komisaun, nee eleisaun antisipada seilaiha, tanba ita haree ba esperensia iha Portugal, governu monu, prezidente bolu kedas  partidu segundu mais  votadu mak bele forma governu, maibe segundu mais votadu mak labele mak  foin halai ba eleisaun antisipada. Ida nee tuir Sistema lao hanesan nee,” katak Arao ba STL Kinta foin lalais nee iha PN.

Enkuantu opozisaun domina lidera komisaun nee, sei lamosu eleisaun antisipada, maibe kabe ba Prezidente Republika nia kompetensia,  nia parte lakohi koalia adianta.

Nia akresenta, haree ba esperensia nasaun sira seluk neebe uza sistema semi-prezidensial hanesan Timor sistema lao hanesan nee, maibe importante mak tenke garante maioria parlamentar.

Xanana-Horta Ladeskute Kestaun Interese Nasional

DILI - Durante iha Nova Yorke hodi partisipa enkontru auto nivel konaba reuniaun asembleia jeral nasaun unidus no reuniaun konsellu segurasan Nasaun Unidus, Lideransa nasaional hasoru malu, maibe la deskute kestaun interese nasional Timor-Leste nia neebe maka oras nee lao.

Tuir Ministru Estadu Konsileiru Segurasa no Nasional Jose Ramos Horta katak durante nian iha Nova Yorke hodi tuir reuniaun auto nivel, nia parte hasoru malu ho lider Xanana Gusmao neebe maka partisipa iha eventu nee, maibe sira rua lakoalia kona ba kestaun interese nasional Timor-Leste neebe maka dadaun nee lao hela.

“Hau hasoru duni ho maun boot Xanana Gusmao iha nian Hotel, maibe momentu nee hau hau ba vizita maun Xanana tamba rona nia moras uituan no ida nee maka halo vizita ba nia liu-liu nia moras momentu nee moras dehan no ida nee sira lori ba doutor hodi hare tantu hau lakoalia kona ba subtansia politika seluk seluk nia,” dehan Horta ba jornalista sira hafoin remata enkontru ho Prezidente Republika Francisco Guterres Lú Olo iha palasiu Prezidensial Bairo Pite, Segunda (25/9).

Nia dehan kuandu iha momentu ida neebe maka ba tuir eventu importante ida labele dada fali asuntu seluk. Horta haktuir liu tan relasiona iha ninian vizita ho Xanana nee rasik la iha asuntu espesifku neebe maka koalia kona ba nasaun nian.

Maibe bainhira nia hetan Xanana iha hotel fatin neebe maka lider nasional nee hela ba halao vizita deit hodi hare Xanana nia kondisaun no Xanana rasik iha momentu nee prepara hela dokumentus G7+ atu tuir reuniaun iha G7+. 

Natalino Costa | Suara Timor Lorosae

Lú Olo Apresia Horta Nia Partisipasaun iha Asembleia ONU

DILI - Prezidente Republika Francisco Guterres Lú Olo louva servisu eis Prezidente Republika Jose Ramos Horta, neebe lori estadu Timor-Leste nian naran liu sai nudar eviadau espesial ba xefe estadu Lú Olo hodi transmite nia mensajen iha reuniaun asembleia jeral Nasaun Unidos.

Prezidente Republika simu diak los kontetente buat neebe hau trasmite liu husi servisu sira neebe maka durante halao representa estadu Timor-Leste nia naran halao reuniaun asembleia Onu no reuniaun konsellu segurasa ONU nian no ida kestaun neebe maka positivu tebes husi Prezidente,” dehan Horta ba jornalista sira hafoin remata nho Prezidente Republika Francisco Guterres Lú Olo iha palasiu Prezidente Bairo Pite, Segunda (25/9/2017).

Tuir Horta katak nia parte mai mos resulta enkonru neebe maka snia rasik reprezenra estadu Timdo-Leste nian iha reruniun importante hanesan reuniuan auto nivel Kosellu seguransa ONU no asembleia jeral nasaun unidas.

Liu husi nee explika ba sekretariu jeral lider sira seluk tamba sa maka Prezidente Republika Dr Francisco Guterres Lú Olo labele ba iha Nova Yorke hodi partisipa enkotru importante nasoens unidas nian.

Nia hatutan liu tan liu husi reuniaun auto nivel nee rasik nasaun barak liu-liu nasaun Sudeste Asiatiku, apresenta problema no dezafius neebe maka sira infrenta maibe Timor-Leste la iha problema eleisaun presidensial no eleisaun parlamentar, neebe maka lao diak nunee mos ba formasaun governu nia. 

Natalino Costa | Suara Timor Lorosae