CNRT, XANANA NIA OBRA, SEI LA FAHE BA GRUPU 2

Polemika angariasaun fundus ne’ebe deskonfia involve Francisco Kalbuadi Lay ho Jacinto Rigoberto, sei la lori implikasaun boot ba partidu CNRT atu fahe malu, tanba  CNRT ne’e la’os ema ida ka rua nian, maibe CNRT ne’e Xanana nia obra.

Ho nune’e hirak ne’ebe ba servi no defende CNRT la’os tuir sira nia hakarak no gostu,  maibe tuir orientasaun politika no orientasaun husi eis Komandante Em Xefi das FALINTIL, Kay Rala Xanana Gusmão. Basa, Xanana duni maka halibur ema hotu iha CNRT. Tanba ne’e, la iha dalan atu ema sira ba iha CNRT atu fahe malu tanba deit kadeira no poder. Mesmu natureza polemika kazu angariasaun fundus ne’ebe hala’o iha tinan 2012 ne’e mosu fali iha publiku despoi tinan hat nia laran liu ona, la signifika iha itensaun politika atu hadau malu poder, tanba hirak ne’ebe iha CNRT hakarak deit maka asegura interese nasional no mehi boot prezidenti CNRT, Kay Rala Xanana Gusmão nian, katak, liberta patria no liberta povu husi kiak.

“Mehi hamutuk, mehi povu nia mehi” no “fiar an la’o ba oin.” Ne’e maka sai nafatin instrumentu fundamental ne’ebe emar sira CNRT tenke asegura to’o rohan.

Prezidente bankada CNRT iha Parlamentu Nasional (PN), Natalino dos Santos, reafirma katak, polemika angariasaun fundus la fahe CNRT ba kubu (grupu) rua (2). Infleismente, iha CNRT nia laran iha deit maka orgaun rua (2), ida maka Comisaun Politika Nasional (CPN) neebe kompostu husi Presidente na kualidade presidente CPN, Presidente de partidu, Vise Presidente, Sekertaria Jeral, Adjuntu sekertari Jeral ho Presidente Comissaun Diretiva Nasional (CDN), sira ne’e maka hola parte iha CPN.

“CDN ne’e membru 65 nebe orgaun dileberativu hanesan iha FRETILIN karik dehan Comite Central, sira atu trata, halo avaliasaun, isu sira hanesan ne’e sira maka godok, tanba sa maka hasoru problema, sira godok hotu depois sujere ba CPN atu tetu depois foti desisaun, nebe laiha kubu rua, se maka dehan iha kubu rua, normalmente ema dehan ami iha kubu rua, CNRT laiha kubu rua, CNRT iha ida deit ho nia moto maka fiar an lao ba oin,” esplika Presidente Bankada CNRT, Natalino dos Santos, hodi responde jornalista sira  iha PN, Kinta (13/10/2016).

Nia dehan tan diferensia ideas iha nebe deit, iha partidu iha mundo universalmenta vaksaun ne’e normal, tenki iha diferensia idea para bele kria balansu demokrasia, se hotu hotu hanoin ida deit demokrasia la lao ona.

Wainhira husu kona ba kazu angariasaun nebe tuir lolos kaduka ona maibe kontinua levanta, karik ida ne’e tanba hadau malu ba posisaun Sekertariu Jeral CNRT nian, Natalino esklarese katak, kazu ne’e Tribunal maka notifika tanba sa maka ema iha CNRT hadau malu halo fali tanba CNRT laiha Tribunal iha neba.

“Ema halo konfujaun ne’e iha ne’e, agora Tribunal maka notifika, Tribunal, Prokurador Jeral akuza dadaun ema CNRT agora ami CNRT mak akuza malu fali, ne’e laiha, ne’e bosok, problema ne’e ita hare iha 2012, transmisaun direita, transparensia, buat hotu – hotu, publiku sira hatene sese maka fo osan iha altura neba, iha partidu barak halo angariasaun hanesan hotu, iha balun taka an lolos taka an ne’e maka Prokurador sira halo despaisu atu halo investigasaun ba sira ne’e, mais ami nia CNRT ne’e transparensia, loke ba publik, transmisaun direita, ema sira fo ne’e mos hatene naran, osan sira hatete hotu,” hatete Natalino.

Despaisu husi eis Prokuradora Geral Republika (PGR), Ana Pessoa Pinto nian sai iha loron 16 fulan Maiu 2012, bazeia ba informasaun nebe fo sai iha media. Nune’e, Ana Pessoa ordena kedas para halo investigasaun.

“ami laiha problema, ami solidu, ami iha disiplina partidu, ami obdese ba ami nia irarkia, ami obdese ba ami nia lideransa, tanba ami forte maka iha tinan 5 deit bele hetan 30 kadeira tanba ami rona malu, respeita malu, diferensia idea ne’e normal, se maka dehan ami iha problema ne’e entaun nia hakarak halo defamasaun ba ami nia partidu, ami nia partidu ne’e organizadu, orientadu i struturadu husi maun bo’ot tun to’o kraik to’o SELCOM,” afirma Natalino.nes

Jornal Nacional

Korupsaun iha Timor-Leste ne’e "endémika"no afeta servisu públiku barak - relatóriu

Korrupsaun iha  departamentu governamentál, administrasaun  públika no organizmu sira seluk ne’e "jeneralizadu" no bele moos  konsidera"endémika" iha Timor-Leste, tuir relatóriu ida ne’ebé prepara hosi  ezekutivu timoroan.

Relatóriu ne’e, fó sai iha semana ne;’e hosi Ministériu Justisa, haktuir kona-ba "persesaun jerál ida katak korrupsaun barak relasionada ho suborn kiik sira ne’ebé selu hodi  fasilita atu hetan  servizu públiku  báziku sira".

Maski nune’e, refere moos katak " korrupsaun iha altu nível predomina iha  Ministériu Finansa,iha  Edukasaun, iha Saúde  no Interior, envolve liliu akizisaun no obras públikas, área sira relasiona ba sistema no kontrola kona-ba despeza ne’ebé dezenvolve no implementa ladi’ak".

Konkluzaun  ne’e hola parte iha relatóriu ba "Avaliação Nacional de Riscos de Branqueamento de Capitais e Financiamento do Terrorismo" iha  Timor-Leste, ne’ebé  akompaña Plano Estratégico Nacional de Combate ao Branqueamento de Capitais e ao Financiamento do Terrorismo (2016 - 2020).

Dokumentu  ne’e prepara hosi Comissão Nacional para a Implementação das Medidas Destinadas ao Combate ao Branqueamento de Capitais e ao Financiamento do Terrorismo (CNCBC) no fó sai iha semana ne’e hosi  ministru Justisa, Ivo Valente.

"Karik, hpso parte ida, kuantidade iha prátika korrupsaun ,laiha  dúvida, espressivu liu entre funcionáriu ne’ebé  joven liu, ne’ebé  buka komplementu sira nia saláriu, iha parte seluk,  korrupsaun iha nível aas konsentra liu  ba sira ne’ebé  okupa kargu senióri liu, maka hanesan responsável ba diretu ba desizaun relasiona ho alokasaun  no dezembolsu  fundu governamentál nian", haktuir  relatóriu ne’e.

"Auzénsia iha  dadus espesífiku kona-ba estensaun prátika korrusaun  difikulta avalia dimensaun ameasa iha brankeamentu kapitál ho loloos. Maski nune’e, tuir faktu katak korrupsaun  iha ramo ba setór públiku hotu, alkansa kargu administrasaun aas sira, ameasa ne’e, sein dúvida, sériu liu no bele  konsidera, grau ida aas ho serteza, hanesan prinsipál fonte hosi proventu ho orijen kriminoza iha Timor-Leste", nia afirma.

Tuir  dokumentu ne’e, dezde 2011 Comissão Anticorrupção (CAC) investiga ona ho totál  kazu  korrupsaun 437, barak liu maka abuzu poder (127) no apropriasaun indevida iha bens públiku (92).

Iha moos kazaun  ne’ebé investiga diretamente hosi Ministériu Públiku, ne’ebé laiha  relatóriu, ne’e, esplika testu ne’e.

SAPO TL ho Lusa

Ema tailandés rihun resin hatais metan tanis iha dalan sira tanba liurai nia mate

Ema tailandés sira hamutuk rihun resin hatais metan no sai iha loron-sesta ne'e ba estrada hodi halibur malu besik palásiu real, iha Bangkok, hodi tanis tanba liurai-mane Bhumibol Adulyadej ne'ebé mate iha loron-kinta, hafoin tinan 70 kaer poder.

Multidaun hein atu haree korteju fúnebre Bhumibol Adulyadej nian, liurai ida ne'ebé reina kleur tebes iha mundu tomak.

Perkursu entre hospital ne'ebé nia hakotu iis, ho tinan 88, iha loron-kinta, no palásiu taka ba tránzitu antes dadeer, haktuir hosi relatóriu ajénsia notísia AFP nian.

Prínsipe herdeiru, Maha Vajiralongkorn, ho tinan 64, sei halo serimónia budista "fase" isin, etapa dahuluk hosi ritual oioin naruk ne'ebé sei dura fulan barak nia laran ba membru sira hosi família real tailandés nian.

Maha Vajiralongkorn husu ona iha loron-kinta ne'e tempu balun antes hatán hodi kaer tronu, halo Tailándia tama iha períudu ida ne'ebé la loos.

"Nia mate ho hakmatek iha ospital Siriraj", fó sai hosi palásiu real iha komunikadu kona-bá liurai-mane nia mate. Lalais tebes maka kanal televizaun sira interompe sira nia programa, hodi fó fatin ba ekran malahuk, bainhira ema sanulu resin konsentra kedas iha besik ospital.

Bhumibol Adulyadej uluk konsideradu hanesan "simentu" úniku hosi nasaun ida ne'ebé iha polítika fahe malu maka'as no iha estatutu atu hanesan Maromak. Sa'e ba tronu iha tinan 1946 hafoin nia maun nia mate ne'ebé la konsege esplika no ema tailandés sira nunka koñese soberanu seluk.

La hanesan ho espetativu tomak, no liutiha oras balun, prínsipe herdeiru Maha Vajiralongkorn, ho tinan 64, hatete katak presiza tempu antes okupa aman nia fatin.

"Simu ona ohin iha audiénsia real hosi prínsipe herdeiru. Nia husu ona tempu hodi prepara antes proklama nu'udar liurai-mane", deklara hosi xefe junta militar ne'ebé simu kbiit iha tinan 2004, jeneral Prayut Chan-O-Cha ba jornalista sira.

Xefe junta fó sai períudu ida lutu ba tinan ida no hamenus atividade sira divertimentu nian durante loron 30. Televizaun sira ho emisaun difundidu iha Tailándia bele aprezenta de'it programa relasionadu ho uma real, iha mós durasaun ba loron 30 tuirmai.

SAPO TL ho Lusa

Indonézia aprova kastigu mate no kastrasaun kímiku hasoru pedófilu sira

Iha loron-kinta ne'e, Parlamentu Indonézia aprova ona medida kastigu foun sira, entre sira maka kastigu mate nian no kastrasaun kímiku, hasoru ema sira ne'ebé halo violénsia seksual ba labarik ki'ik sira, fó sai hosi imprensa lokal.

Medida, ne'ebé hato'o hosi governu Prezidente Joko widodo nian, ne'ebé permiti uza mós aparellu eletróniku sira investigasaun nian ba ema kriminozu sira ne'ebé hetan liberdade hafoin kumpri tiha sira nia kastigu, hakerek hosi ajénsia notísia EFE.

Regulamentu kontroversu ne'e, aprova iha loron-kinta, hamosu preokupasaun ida iha parlamentu ho opozisaun hosi partidu polítiku tolu ne'ebé obriga debate ba medida sira durante fulan rua ikus ne'e, haktuir hosi jornal 'Jakarta Globe'.

Partidu balun hanesan "indefinidu" tanba laiha esplikasaun hosi Ezekutivu kona-ba prosedimentu hodi hala'o kastrasaun kímiku, hatete hosi fonte ne'e.

Asosiasaun médiku sira hosi nasaun ne'e hato'o mós sira nia objesaun étiku sira tanba uzu hosi kastigu ne'e.

Widodo hato'o mudansa lejislativu, iha fulan-Maiu tinan ne'e, hafoin violasaun koletivu no oho ne'ebé halo ba labarik-feto ida ho tinan 14 iha eskola ida iha illa Sumatra, iha oeste Indonézia nian.

Kazu ne'e hamosu manifestasaun oioin hosi ativista sira no hamosu reasaun iha rede sosial sira hodi hametin kastigu sira ba krimi sira pedofilia nian.

SAPO TL ho Lusa

Corrupção em Timor-Leste é "endémica" e afeta vários serviços públicos - relatório

 Díli, 13 out (Lusa) - A corrupção nos departamentos governamentais, administração pública e outros organismos é "generalizada" e pode mesmo ser considerada "endémica" em Timor-Leste, segundo um relatório preparado para o executivo timorense.

O relatório, divulgado esta semana, sublinha haver uma "perceção geral de que muita da corrupção está relacionada com pequenos subornos pagos para facilitar a obtenção de serviços públicos básicos".

Ainda assim, refere que "a corrupção de alto nível predomina nos Ministérios das Finanças, da Educação, da Saúde e do Interior, envolvendo sobretudo aquisições e obras públicas, áreas nas quais os sistemas e controlos sobre as despesas estão mal concebidos e mal implementados".

As conclusões fazem parte do relatório de "Avaliação Nacional de Riscos de Branqueamento de Capitais e Financiamento do Terrorismo" em Timor-Leste, que acompanha o Plano Estratégico Nacional de Combate ao Branqueamento de Capitais e ao Financiamento do Terrorismo (2016 - 2020).

Os documentos foram preparados pela Comissão Nacional para a Implementação das Medidas Destinadas ao Combate ao Branqueamento de Capitais e ao Financiamento do Terrorismo (CNCBC) e divulgados esta semana pelo ministro da Justiça, Ivo Valente.

"Se, por um lado, a quantidade de práticas de corrupção é, sem dúvida, mais expressiva entre os funcionários mais jovens, que procuram complementos aos seus salários, por outro, a corrupção de alto nível concentra-se muito mais naqueles que ocupam cargos de maior senioridade, que são os responsáveis diretos pelas decisões relacionadas com a alocação e desembolso de fundos governamentais", refere o relatório.

"A ausência de dados específicos sobre a extensão das práticas de corrupção impossibilita avaliar a verdadeira dimensão da ameaça do branqueamento de capitais. Contudo, tendo em conta o facto de que a corrupção se ramifica ao longo do setor público, alcançando os mais altos cargos da administração, a ameaça é, sem dúvida, muito séria e pode ser encarada, com um elevado grau de certeza, como a principal fonte de proventos de origem criminosa em Timor-Leste", sublinha.

Segundo o documento, desde 2011 a Comissão Anticorrupção (CAC) investigou um total de 437 casos de corrupção, a maior fatia por abuso de poder (127) e apropriação indevida de bens públicos (92).

Há ainda casos investigados diretamente pelo Ministério Público, que não estão neste relatório, explica o texto.

ASP // MP

Leia brevemente no Timor Agora o artigo de Beatriz Gamboa: ENDEMIA DA CORRUPÇÃO EM TIMOR-LESTE, OUTRA MÁ HERANÇA DA OCUPAÇÃO INDONÉSIA

Timor-Leste melhorou combate à fome mas ainda é segundo pior da Ásia - relatório

Díli, 14 out (Lusa) - Timor-Leste é o segundo país da Ásia e o oitavo do planeta com mais problemas de fome, apesar de nos últimos três anos ter registado melhorias, segundo um relatório divulgado hoje.

O Índice Global de Fome (IGF ou GHI na sigla inglesa) dá a Timor-Leste um valor de 34,3, o que coloca o país no grupo de nações em situação "séria", sendo na Ásia o segundo mais elevado depois do Afeganistão (34,8 valores).

Segundo este índice, Timor-Leste registou nos últimos anos melhorias significativas, já que em 2008 registava um IGF de 46,9, mais 12,6 pontos, do que este ano.

O índice, preparado pelo International Food Policy Research Institute (Instituto Internacional de Investigação de Políticas de Alimentação), nota que Timor-Leste tem a percentagem mais elevada de desnutrição crónica da Ásia (50,2% das crianças com menos de cinco anos) e a segunda mais elevada de população malnutrida (26,9%).

O país regista ainda a quarta taxa de mortalidade infantil (menos de cinco anos) mais elevada da região (5,3%) e a sétima de desnutrição aguada (11% das crianças com menos de cinco anos).

Trata-se de um estudo que "apresenta uma medida multidimensional nacional, regional e global da fome no mundo" focando-se "em como o planeta pode chegar ao objetivo de Fome Zero em 2030", segundo os autores.

Em termos globais, o nível de fome em Timor-Leste só é ultrapassado por oito nações: República Centro Africana (46,1), Chade (44,3), Zâmbia (39,3), Haiti (36.9), Madagáscar (35,4), Iémen (35) e Afeganistão (34,8).

O estudo mostra uma queda de 29% nos índices nos países em desenvolvimento comparativamente a 2000, para uma média de 21,3, e pelo segundo ano consecutivo não há qualquer nação na categoria de "extremamente alarmante".

Segundo o estudo, 22 países reduziram o seu índice mais de 50% e 70 entre 25 e 49,9 por cento desde 2000 notando, porém, que "as previsões mais conservadoras" apontam a que pelo menos 45 países não alcançarão "níveis baixos" de fome até 2030.

Timor-Leste está no grupo de 50, dos 118 países analisados, com a categoria "sério" ou "alarmante", sendo que a África a sul do Sahara e o sul da Ásia têm os piores níveis de fome, com médias de 30,1 e 29, respetivamente, no IGF.

Timor-Leste está ainda entre os 20 países em que pelo menos um quarto da população é subnutrida.

ASP // MP

Don Virgilio: Jardin Lesidere sai Fatin Namora no Lanu

Bispu Dioseze Díli, Don Virgilio do Carmo da Silva lamenta tebes ba sarani sira ne’ebé uza Jardin Lesidere Inan Virjen nia hela fatin hanesan fatin ba namora no lanu hodi halo buat ne’ebé at.

“Fatin ne’e agora ahi laiha, kalan nakukun ita la hare buat ida. Entaun dalabarak ema tama mai iha ne’e (Jardin) tanba moru badak, sira mai hasoru malu iha ne’e, balun mai hemu tutuir moru depois hakilar,” Don Virgilio hato’o kestaun ne’e hafoin ramata prezidi prosesaun no reza hamutuk ho sarani sira iha Jardin Lesidere, Díli, Kinta (13/10/2016).

Don Virgilio lamenta hodi hatete “balun fali feto no mane dada malu mai iha ne’e, ita lahatene halo saída iha nakukun laran. Buat sira ne’e la’os ko’alia de’it maibé ha’u hare tanba ha’u hela besik kedas iha ne’e”.

Ema númeru um iha Dioseze Díli ne’e hatete dalabarak ona maka hato’o ba parte governu atu toma medida ba ema sira hahalok laiha morál ne’e, maibé parte Governu nonok de’it entaun aproveita oportunidade iha prosesaun refere bele aviza ba sarani hotu atu respeita fatin santu Inan Virjen nia horik fatin.

Bispu husu ba sarani sira hotu tenke respeita no kuidadu nafatin fatin santu Jardin Lesidere hodi hametin sarani sira nia fiar no devosaun ba nain Feto.

Don Virgilio dehan ita ema nia dignidade as tanba maromak nia illas nune’e ema idak-idak hakbesik ba fatin santu refere hodi husu Na’in Feto nia tulun no bensaun hodi hatutan moris nu’udár ema sarani katólika di’ak ida. (Efrem)

Matadalan

Juventude Laos Autor Ba Konflitus

DILI – Joven laos autor ba konflitu, maibe joven maka futuru nasaun, maske governu ladun fo importansia ba joven, ho nunee joven barak maka too oras nee sai sarjana marjinalizadus iha sidade.

Kestaun nee hatoo Sekretariu jeral Juventude Nasional, Luis Mendes Ribeiro katak juventude laos autor ba konflitus, tamba governu Timor Leste mak la iha Starting Point ba vida juventude.

Politika governu ba juventude sarjana marzinalizadus no juventude naklekar iha fatin-fatin, tamba governu mak la iha pontu de apoiu,” dehan Luis.

Luis mos dehan, governu sempre fo sala ba joven, maibe nudar lideransa no joven nunka fo sala ba juventude sira, tamba juventude iha potensia boot atu lidera nasaun iha futuru mai. Tamba nee, Konsellu Nasional Juventude Timor Leste desenvolve iha kontextu tolu Character Building, State Building no Nation Building ho objetivu mak atu transforma no liberta povu.

Iha fatin hanesan, Paul Alves, nudar Diretor Jeral Sekretaria Estadu ba Formasaun Profesional no Empregu (SEPFOPE) la konkorda katak juventude mak sai kauza ba konflitus iha Timor Leste.

Hau la konkorda juventude mak sai kauza ba konflitus tamba juventude mak halo nasaun nia naran morin iha fatin barak liliu iha Korea du Sul,“ dehan Paul.

Tuir David de Souza nuudar Diretor, Sekretaria Estadu Juventude no Desportu (SEJD) katak iha Timor trabalador mai husi rai liu hotu, no nuudar Timor oan presiza pergunta ba an rasik.  Informasaun kompletu iha STL Jornal no STL Web, edisaun Sabado (15/10/2016). Domingos Piedade Freitas

Suara Timor Lorosae

PM Visita CAVR Informa Planu Governu Estabelese Institutu Memoria

DILI - Primeiru Ministru (PM), Rui Maria de Araujo halao vizita supreza ba Comisaun Akoillamentu Verdade no Rekonsiliasaun (CAVR), hodi informa planu governu ba funsionariu CAVR, atu estabelese instituto memoria.

Iha vizita nee xefi governu too iha resintu CAVR ho kareta PM, iha tuku 9 dader no simu direitamente husi diretor exekutivu CAVR hamutuk ho funsionariu sira ho tara tais. Primeiru Ministru akompania husi sobrevivente 12 Novembru, tama ba edifisiu CAVR hodi haree dokumentus neebe mak oras nee CAVR konserva hela, hahu husi 1974 too 1999.

Iha biban nee PM Rui Maria de Araujo ba jornalista sira katak prosesu sekretariadu Pos-CAVR tranzitoriu, oras nee governu haree hela posibilidade atu estabelese ona instituto memoria. PM Rui haktuir governu prepara ona lei neebe mak iha atu muda ba instituto publiku, iha estrutura ida neebe mak presiza ema atu servisu.

Iha sorin seluk Diretor Ezekutivu Sekretariadu Tekniku Pos-CAVR, Aventino Ximenes dehan funsionariu neebe mak oras nee servisu iha CAVR hamutuk 35, nebe maioria mai husi tempu CAVR.

Aventino haktuir servisu CAVR ohin loron mak iha hela prosesu dijitalizasaun dokumentus, transferensia audio ba MP3, no dokumentus neebe mak seidauk organiza didiak presiza halo diak. Informasaun kompletu iha STL Jornal no STL Web, edisaun Sabado (15/10/2016). Raimundu Fraga

Suara Timor Lorosae

Hametin Memoria Institusional, PNTL Estabelese Museum

DILI – Atu hametin Memoria Intitusional iha instituisaun Polisia Nasional Timor-Leste (PNTL) ba Futuru, maka PNTL iha Insiativa hodi kria Mini Museum.

Tuir Komandante Centru Formasaun Polisia (CFP) Superintendente Polisia Arquimino Ramos hatete estabelesementu mini museum iha instituisaun PNTL nee ho objetivu, atu hametin memoria intitusional PNTL iha futuru.

Ita hare instituisaun barak maka hari kleur ona maibe sira nian istoria komesa lakon, PNTL bainhira nia estabelese hanesan intituisaun neebe maka garantia ba iha asuntu seguransa nian  seudauk tarde iha tina 16 nia laran presiza kria mini museum nee hodi nunee bele hametin memoria institusional iha instituisaun PNTL hodi bele hatene desde hari PNTL too mai ohin loron,” dehan Superientidente Polisia Arquimino ba STL, hafoin remata seremonia Inagurasaun Mini Museum iha CFP, Sesta (14/10/2016).

Nia hatutan ho estrabelesementu mini museum nee bele hatudu ba jerasaun foun sira kona ba lalalaok funda insituisaun PNTL, hori uluk too oin loron neebe kompleta tinan 16.

Nunee mos Iha fatin hanesan Segundu Komandante Jeral PNTL, Komisariu Polisia Faustino da Costa hatete, objetivu husi estabelesementu museum nee, atu rai buat hirak neebe maka relasiona ho  stabelesimentu institusaun PNTL too ohin loron.

Seremonia inagurasaun ba mini museum nee inagura husi Padre Kapeliun PNTL, Pe. Nelino Soares no lansa ofisialmente husi segundu komandante jeral PNTL, Komisariu Faustino da Costa neebe akompania husi komandante Centru Formasaun Polisia, Superientidente Arqimino Ramos. Informasaun kompletu iha STL Jornal no STL Web, edisaun Sabado (15/10/2016). Natalino T.da Costa

Suara Timor Lorosae

Investimentu Edukasaun Xave ba Futuru Timor-Leste

DILI, (ANTIL) – Prezidente Repúblika, Taur Matan Ruak hateten nasaun ne’ebé iha sistema edukasaun di´ak, sempre iha futuru ne’ebé di’ak. Tamba ne’e investimentu iha setór edukasaun maka xave ba Timor-Leste nia futuru.

Xefi Estadu hateten lia hirak ne’e iha nia mensajem estadu hodi kongratula loronmundiál profesores sira ne’ebe monu iha 5 Outubru iha komunikadu imprensa ne’ebe redasaun ANTIL simu iha Kinta (13/10).

“Investimentu iha setór edukasaun maka xave ba Timor-Leste nia futuru tanba, nasaun ne’ebé iha sistema edukasaun di´ak, sempre iha futuru ne’ebé di’ak. Maibé, ko’alia kona-ba setór edukasaun, la’ós de’it konstrusaun fíziku eskola ne’ebé di’ak, sala aula ne’ebé di’ak, livru ne’ebé di’ak, maibé importante maka iha profesór sira ne’ebé kualifikadu atu forma ema kualifikadu,” xefe estadu haklaken.

Tamba ne’e, ema numeru ida iha nasaun ne’e, husu ba profesor sira atu serbisu hamutuk, serbisu maka’as liu-tan hodi transforma setór edukasaun atu sai hanesan pilár determinante ida iha prosesu dezenvolvimentu.

“Profesór maka fundasaun prinsipál atu forma no prepara ema, inklui determina kualidade ba Timor-Leste nia rekursu úmanu iha futuru,” xefe estadu dehan.

Kna’ar hanesan profesór importante tebes iha tempu ukun-án ne’e tanba, forma liu-tan ema ho badinas ho onestu. Profisaun ida ne’e okupa fatin espesiál tebes iha sosiedade nia leet. Através sira nia sakrifísiu no dedikasaun hasoru defikulades hodi forma ema, halo profesór sira sai heroi tebes iha tempu ukun-án ne’e.

“Ha’u fó parabéns ba aniversáriu loron mundiál profesór sira nian, agradese tebes ita-boot sira nia dedikasaun, prontidaun, kompromisu atu serbi ho badinas, ho onestidade sein reklamasoens. Ha’u laiha liafuan atu agradese ita-boot sira nia esforsu tomak hodi transforma, fasilita ema ida sai ema kompletu. Maibé, hakarak dehan, Timor-Leste sei la’o ba oin maka’as tebes tanba, iha serbidór hanesan ita-boot iha tempu ukun-án ne’e. Tanba, ita-boot sira fasilita Timoroan hotu atu deskobre sira nia án no sira nia futuru,” xefe estadu dehan. (Jornalista: Xisto Freitas / Editor: Gantry Meilana)

Foto: Prezidente Repúblika, Taur Matan Ruak, foti liman ba profesór sira iha Suku Aituto, Munisípiu Ainaro, nu´udar votus parabéns ba sira nia loron. Foto Mídia Palásiu Prezidénsia Repúblika.

S-DESK Komemora Masakre BALIBO FIVE Ba Dala 41

DILI, (ANTIL) - Sentru Direitu Ekonómiku Sosial Kultural (S-DESK), hanesan sentru profesional ba peskiza no formasaun Jornalizmu multimedia, sei realiza Marsa Ba Paz hodi komemora masakre BALIBO Five ba dala 41 iha loron Dominggu, 16 Outubru 2016.

Objetivu husi Marsa ba Paz ne’e, atu hanoin hikas jornalista estranjeiru na’in 5 husi Australia, ne’ebé forsa militar Indonesia – Tentara Nasionál Indonesia (TNI) tiru mate sira iha Balibo, Munísipiu Bobonaro, 16 Outubro 1975, bainhira Indonezia hahú nia okupasaun iha Timor-Leste. Akontesimentu ne’e ohin-loron kuñesidu ho naran BALIBO FIVE KILLING.

Diretór Ezekutivu S-DESK, Julio Gil da Silva Guterres ba ANTIL, Sesta (14/10) iha Dili informa, Marsa ba Paz ne’e hahú husi Monumento Avenida Liberdade Imprensa ka fatin rotunda Merkadu Lama, Kaikoli, Dili to’o Monumento Sander Thoenes iha Igreja Bekora nia oin no remata ho kari ai-funan.

Tuir Gil da Silva, liuhusi Marca Ba Paz ne’e, jornalista sira  iha Timor-Leste fó omenajen, onra ba korajen no dedikasaun husi jornalista Australianu no Nova Zelandia na’in lima ne’ebé mate tanba misaun jornalizmu Iha fronteira Timor-Leste ho Indonezia.

“Ami halo ona karta lisensa ba Polisia Nasional Timor-Lorosa’e atu fó seguransa ba Marca Ba Paz ne’ebé sei partisipa husi jornalista Timor oan, besik na’in atus rua, hahú tuku 10.00 dader,” Gil hateten.

Iha intervista ne’e, eis jornalista timoroan ne’e hateten, komemorasaun ne’e sei konta mós ho palestra xavi husi jornalista seniór sira, ne’ebé identifikadu. (Jornalista: Otelio Ote/ Editor: Gantry Meilana)

Foto 1: Ekipa Desk, bainhira vizita monuemntu husi jornalista Sander Thoenes iha Igreja Bekora, Dili, tinan 2015. Jornalista ne'e mate iha akontesimentu violensia tinan 1999, hafoin refendu. – Foto 2: Estudante Jornalizmu Baziku iha Sentru DESK Dili. Foto Dok S-DESK

KFP Prosesa Profesores Reformadu 700

DILI - Diretóra Jerál Komisaun Funsaun Públika (KFP), Maria de Jesus Sarmento hatete, KFP oras ne’e prosesa hela profesores 700 ne’ebé maka atu tama ona ba reforma. 

“Númeru Profesór sira iha komisaun funsaun públiku hamutuk rihun sanulu atus hitu haat nulu resin sia (10.749) maibé agora dadauk prosesa hela profesores atus hitu (700) ba reforma tanba tuir lei idade 60 tenke reforma ona,”hatete Maria ba Jornalista sira iha Centru Convensones Dili (CCD), Tersa, (11/10).

Maria hatete, Mayoria profesores sira ne’ebé komisaun prosesa hela nia reforma barak liu professor sira ne’e hanorin iha lingua portugues. Profesór sira ne’e mesak iha esperiensia makas iha lingua portugues.

 Agora dadaun nia parte haree katak ministériu edukasaun mós komesa fó hela formasaun ba Professór sira, nune’e sira bele troka fali hosi Professór sira ne’ebé maka atu tama ba reforma.

“Ministériu edukasan konsege hatama duni profesores rihun haat atus haat rua nulu ba kontratadu, maibé rihun tolu resin maka hetan ona kontratadu, sira rihun tolu resin ne’e maka tama ona formasaun,”hatete Maria.

Tanba ne’e tuir komisaun nia haree preparasaun ne’ebé ministeriu edukasaun halo kapas tebes atu nune’e profesór foun sira bele troka fali profesór sira ne’ebé tama ona reforma.

Verifika Dadus Reklamantes

Iha parte seluk, Ministériu Edukasaun (ME) mós hahú hela halo verifikasaun ba dadus profesores reklamantes sira iha Timor laran hodi hatene lolos katak profesór sira ne’e sei ativu ou lae.

“Agora dadaun ne’e sei halo verifikasaun ba dadus Profesór reklamadus sira ne’ebé maka oras ne’e hanorin hela iha eskola sira iha Timor laran,”hatete Vise Ministra Edukasaun Primeiru, Dulce de Jesus Soares iha Centru Convensoes Dili (CCD), Tersa, (11/10).

Dulce hatete, objektivu hosi verifikasaun ida ne’e atu hatene lolos totál profesores reklamentes tanba iha profesór balun maka la ativu hanorin ona maibé kontinua hatama sira nia reklamasaun.

“Ezemplu hanesan problema ida akontese iha munisípiu  Bobonaro, iha ema ne’ebé maka naran atu tama ba kontratadu laiha fali maibé ema ne’ebé la tama iha kontratadu maka iha fali. Ida ne’e problema ida ne’ebé ministériu edukasaun infrenta,”dehan dulce.(fer)                   

Timor Post

Tribunal Kondena Funsionario MAP Na’in Rua Tama Kadeia

DILI - Tribunál Distritál Dili (TDD),  liuhosi juiz koletivu, Kinta (13/10) iha desizaun final aplika kadeia tinan 7 ba arguidu Raimundo Pinto hanesan eis ofisial Finansas Ministériu Agrikultira Peskas (MAP) ho Funsionáriu Tékniku, Guilhermino Tiotoni, kadeia tinan 6.

Alende aplika kadeia, tribunál mós aplika pena selu indiminizasaun  rihun $49, 920 ba arguidu na’in  rua no kustu judisiáriu hamutuk $20 ba kada arguidu.

Arguidu na’in rua Ministériu Públiku akuza ho krimi tolu, hanesan krimi Pekulatu, Falsifikasaun Dokumentus Agravadu, ho krimi admitrasaun.  Liga ba projetu  haki’ak  ikan iha Munisípiu  6 ne’ebé tribunál la sita nia naran klaru . Ho valór orsamentu ba projetu refere Rihun Lima Nulu ($50.000).

Fundamentu Tribunál koletivu ne’e foti desizau finál ba arguidu na’in  rua, tan bazeia akuzasaun  Ministériu Públiku ho produsaun de provas, liga mós ho deklasaun sasin sira deklara, tribunál haré no análiza, provas provadu hotu. 

Tuir Juiz, maske prosesu ne’e nia fisikamente  la’o, no ikan sira ne’e balun kolleta ona, maibé diskonfia arguidu relatori ba projetu refere la justifikadu no diskonfia hamosu  krimi tolu mensiona iha leten.

Relatóriu  ne’e ho tendénsiu  manipulasaun,  tan projetu  haki’ak  ikan refere ho valor orsamentu Rihun Lima Nulu, maibé arguidu Raimundo  halo relatóriu  falsu hodi hetan tan orsamentu rihun sanulu ho intensaun ba fasilita aktividade viazen.

Bazeia ba relatóriu  hirak ne’e, konfirma iha tribunál maske arguidu sira nega faktus, maibé provadu duni arguidu sira futu lia antes ho intensaun atu hamosu prejuisu ba estadu. Bazeia ba faktus hirak ne’e tribunál kondena arguidu na’in  rua ho pena kadeia mensiona iha leten.

Hafoin lé sai desizaun, tribunál husu ba parte sira bainhira la konkorda  ho desizaun Tribunál premeiru instánsia, lei fó dalan atu parte sira bele halo rekursu ne’ebé ho nia prazu durante loron 15, hahú  desizaun.

Audénsia Julgamentu preside juiz koletivu, Duarte Tilman, Jacinto Babo, ho Maria Modesta. Ministériu Públiku  reprejenta hosi prokuradór Jacinto Babo, arguidu Raimundo  Pinto hetan asistensia legál hosi defensor Públiku  Marçal Mascarinhas, arguidu Gulermi Tiotonio hetan asistensia legal hosi advogadu Privadu  José Pedro  Camoes.

Hafoin desizaun ba kazu refere, Advogadu Privadu  José Pedro Camoes, la simu desizaun hosi tribunál ba nia kliente, maibé nia parte sei haré  kontiudu hosi desizaun akordaun to’o hotu foin bele foti desidi ba halo rekursu.

“Ami nia obrigasaun haré to’o hotu leitura akordaun durante loron 15,  karik la konkorda sei halo rekursu, agora desizaun ne’e los ou la los,  hanesan advogadu la kontente ho desizaun refere, tan tinan 6 kadeia ba ha’u nia kliente ne’e todan,” Tenik Advgadu José. (max)

Timor Post

ADENOMAS

Gregorio Rangel

Adenoma hanesan tipu non-cancerous tumor afeita organ ita ema nian. Kada cellula iha ita nia-isin kesi-metin ho regulatory sistem dictate wainhira afeita ita ema, aumenta  no  eventualidade mate ida por ida. Tumor and cancer mosu wainhira cellula lakon kontrola no dezemvolve inkriminalidade.

  

Husi ne’ebe’ maka  adenomas originate?

Adenoma tumor origina iha kelenjar tissue. Area tissue affeitado ne’e parte husi tissue bot ne’ebe’ hanaran  epithelial tissues. Linha epithelial tissues  maka kulit, glandula, cavidades husi  orgaun ita ema nian.

Orgaun ne’ebe’ mak afetadu husi adenoma?

Adenomas bele afeita organ oi-oin:-

Colon

Colons organ commun ne’ebe’ hetan affeitadu husi  adenomas. Bele detecta liu husi colonoscopy.

Glandula thyroid

Adenomas husi  thyroids present as thyroid nodules. Surgery may be needed to remove them if they are secreting excess hormones.

Susun

Susun bele afeita husi fibroadenomas. Ida ne’e dalabarak afeita ba feto foin sa’e sira no persiza kua sai fatin ne’ebe afeitadu para prevene migrasaun cancer. Remosaun cirurgica hanesan dalan di’ak ba terapia.

Adrenal gland

Adenoma kuaze  commun no raramente cancerous. Sira bai-bain hanesan ki’ik no iha kazu balun dalaruma secrete excesso  husi adrenal hormones hanesan Cortisol leading ba  Cushing’s syndrome.

Rins

Adenomas rins affeita rins  tubulu no bele hamosu  cancer.

Rarer adenomas

Rarer adenomas inklui sira ne’ebe’ affeita  the figado no pulmaun .

Medical reference

Reuniaun kona-ba fronteita entre Timor-Leste ho Austrália " produtiva tebes"

Reuniaun konfidensiál ne’ebé hala’o semana ne’e, entre Timor-Leste ho Austrália kona-ba fronteira marítima “hetan rezultadu di’ak”, tanba Komisaun Konsiliasaun Nasoins Unidas nian ne’ebé sai hanesan mediadór ba nasaun rua, sente “otimista”. 

Iha komunikadu, komisaun ne’e esplika katak, reuniaun ne’ebé hala’o iha Singapura, halo parte ba iha prosesu Komisaun Konsiliasaun Públika, ne’ebé konvoka hosi Timor-Leste iha 11-abril, kona-ba Lei Tasi nian, ho objetivu atu Kambera halo lalais negosiasaun kona-ba delimitasaun fronteira marítima entre nasaun rua.

“Parte rua nomós komisaun ne’e konkorda ona katak reuniaun ne’e hetan rezultadu di’ak. Sira hotu hakarak atu durante prazu ba prosesu konsiliasaun nian, bele hetan ona akordu”, esplika komunikadu.

Peter Taksoe-Jense, prezidente hosi Komisaun Konsiliasaun, sente “haksolok” tanba nia dehan katak “parte rua ko’alia ka hakbesik-aan ba malu atu serbisu hamutuk” nomós hala’o diálogu.

“Parabéns ba parte rua, tanba pronto atu husik diferensa ne’ebé akontese iha pasadu no buka atu serbisu hamutuk hodi kria kondisaun ne’ebé di’ak, atu alkansa akordu ida, nomós estabilidade ba parte hothotu ne’ebé iha interese ba Tasi Timór”, hatutan tan.

Gary Quinlan sekretáriu adjuntu hosi Departamentu Relasaun Esteriór no Komérsiu Austrália, ne’ebé lidera delegasaun australiana, insisti atu Kambera halo parte iha prosesu “boa-fé”, maibé ladehan klaru kona-ba konversa ne’ebé hala’o iha Singapura.

"Austrália haree prosesu ne’e ho Komisaun no Timor-Leste kontrutivu, no agora mai ita halo kompromisu ho sériu", dehan. Sita iha komunikadu, Xanana Gusmão ne’ebé lidera delegasaun timor-oan nian mos haktuir kona-ba sentimentu otimista hosi Austrália no reuniaun ne’e “hetan tebes rezultadu ne’ebé di’ak”.

"Ita la’o iha dalan los. Ita bele dehan katak prosesu ne’e konfedensiál duni no tanba ne’e, ha’u labele ko’alia liu tan”, tuir ninia konsiderasaun.

Iha 2017, parte rua ho komisaun ne’e sei hala’o sorumutu barak, atu hodi antesipa katak prosesu ne’e kontinua sai konfidensiál, maski bele iha “deklarasaun públika konjunta” seluk.

Iha finál fulan kotuk, komisaun ne’e fó sai katak iha kompeténsia atu kontinua ho prosedimentu konsiliasaun entre Timor-Leste ho Austrália, hodi rejeita kontestasaun Kambera nian, ba iha prosesu refere.

“Desizaun kona-ba Kompeténsia Jurisdisionál” maka sai nu’udar derota dahuluk ba Austrália iha prosesu ne’e, tanba kontesta kompeténsia komisaun nian, iha 29-agostu, bainhira hala’o sesaun abertura iha Haia.

Timor-Leste hahú Prosedimentu Konsiliasaun Obrigatória (PCO), bazeia ba termu Anexu V hosi Kovensaun Nasoins Unidas nian kona-ba Direitu ba Tasi, tanba konsidera maski akordu kona-ba partilla rekursu iha Tasi Timór lapermanente, maibé kontinua laiha fronteira permanente entre nasaun rua.

Dili kontesta mos katak Austrália maka dada-aan hosi prosedimentu kona-ba rezolusaun internasionál, hodi limita “meiu hosi Timor-Leste nian, atu kumpri ninia direitu bazeia ba direitu internasionál”.

SAPO TL ho Lusa 

Timor-Leste kombate ona hamlaha maibé sei hanesan ida ne’ebé piór daruak iha Ázia - relatóriu

Timor-Leste hanesan nasaun daruak hosi Ázia no daualu hosi planeta ne’ebé hasoru problema hamlaha, maski iha tinan tolu ikus ne’e, iha ona melloria, tuir relatóriu ne’ebé fó sai ohin. 

Índice Global de Fome (IGF ka GHI ho sigla ingleza) fó valór 34,3 ba Timor-Leste, no haatama nasaun ne’e ba iha grupu hosi nasaun hirak ne’ebé ho situasaun “séria” hosi parte Ázia, hafoin Afganistaun (valór 34,8).

Tuir índisi ne’e, iha tinan hirak ikus ne’e Timor-Leste rejista ona melloria ne’ebé di’ak tebes, tanba iha 2008 rejista ho IGF 46,9, liu pontu 12,6 kompara ho tinan ne’e.

Índise ne’ebé prepara hosi International Food Policy Research Institute (Institutu Internasionál ba Investigasaun Polítika no Alimentasaun), nota katak Timor-Leste ho persentasajen ne’ebé maka’as relasiona ho desnutrisaun krónika hosi Ázia (ba labarik 50,2% ne’ebé menus hosi tinan lima) nomós nasaun daruak ne’ebé ninia populasaun malnutrida (26,9%).

Nasaun ne’e mos rejista ho taxa mortalidade infantile dahaat (menus hosi tinan lima) maka’as liu iha rejiaun ne’e (5,3%) no sétima desnutrisaun aguada (ba labarik 11% ne’ebé menus hosi tinan lima).

Ida ne’e hanesan estudu ida ne’ebé “aprezenta medida multidimensional nasionál, rejionál no globál kona-ba hamlaha iha mundu” hodi foka liu “ba oinsá mundu ne’e bele alkansa objetivu Fome Zero iha 2030”, tuir autór sira dehan.

Tuir termu globál, nivel hamlaha iha Timor-Leste ultrapasa de’it hosi nasaun ualu: Repúblika Sentru Afrikana (46,1), Chade (44,3), Zámbia (39,3), Haiti (36.9), Madagáskar (35,4), Iémen (35) no Afeganistaun (34,8).

Estudu ne’e fó sai kona-ba índise hosi nasaun hirak ne’ebé iha hela dezenvolvimentu nia laran tuun ba 29%, kompara ho iha 2000 nian, ho media 21,3 no iha fali tinan rua tuituir malu laiha nasaun ida maka tama ba kategoria “estremamente maka’as ka piór”.

Tuir estudu, nasaun 22 maka hamenus ona ninia índise liu 50% no 70 entre 25 to’o 49,9 pursentu desde 2000, maibé tuir “previzaun ida ne’ebé konservadora liu” hatudu katak pelumenus nasaun 45 maka sei laalkansa “nivel kiik” ba kazu hamlaha to’o 2030.

Timor-Leste halo parte iha grupu 50, hosi nasaun 118 ne’ebé hetan análize ba kategoria “sériu” ka “piór”, tanba Áfrika sul hosi Sahara no sul Ázia nian maka ho nivel problema ba hamlaha maka’as liu, tanba parte idaidak ho média 30,1 no 29 iha IGF.

Timor-Leste halo parte iha nasaun 20 ne’ebé pelumenus umkuart hosi ninia populasaun, sei ho nutrisaun ladi’ak.

SAPO TL ho Lusa – Foto: Mauleman

Governu aprova ona Kódigu Aduaneiru hodi aumenta efikásia no transparénsia

Governu iha semana ne’e, aprova ona Kódigu Aduaneiru foun ho medida oioin atu hametin liu tan serbisu alfándega nian ho transparénsia no efikásia, nomós introdus prosesu eletrónika foun sira. 

Proposta ne’ebé hetan aprovasaun hosi Konsellu Ministru sei sai hanesan “baze legál ida ba funsionamentu hosi administrasaun alfándega nian”, hodi analiza hikas Kódigu 2014 nian, “atu hatama mos aplikasaun padraun ho prátika internasionál sira”.

Projetu ne’ebé aprezenta hosi Ministériu Finansas, “kria mos regra no prosedimentu jerál kona-ba importasaun no esportasaun merkadoria, inklui sirkulasaun nomós uzu merkadoria estranjeiru iha Timor-Leste”.

Defini mos direitu no obrigasaun hosi ema sira ne’ebé envolve iha tranzasaun aduaneira, inklui poder autoridade aduaneira nian, tuir Governu esplika iha komunikadu.

“Hasa’e transparénsia no justisa ba iha prosedimentu alfándega, hadia prosesu dezalfandegamentu no pagamentu, hadia supervizaun portu nomós atividade aduaneiru hothotu inklui bele troka informasaun via eletrónika, nomós halo depózitu ho pagamentu eletrónika” maka sai hanesan inovasaun prinsipál hosi reforma ba diploma ne’e.

Tuir Governu, ida ne’e hanesan medida hirak ne’ebé “fasilita komérsiu internu no internasionál nomós kontribui ba dezenvolvimentu ekonómika Timor-Leste nian, tanba kria klima ida ne’ebé transparente no efikásia, pois serbisu hothotu sei uza sistema informasaun ida ne’ebé modern liu”.

Governu hakarak atu “hamenus tempu espera ba merkadoria nian ne’ebé la’o kleur nomós dezembarasu aduaneiru jeralmente”.

Kódigu foun ne’e halo hosi Komisaun Reforma Fiskál ne’ebé Governu kria hodi “avalia forma hothotu atu hadia kobransa reseita nomós promove reforma ho efisénsia no efikásia hosi reseita fiskál”.

Reforma hosi Alfándega maka sai nu’udar “área prioritária ida hosi Reforma Fiskál tolu” tanba ne’e maka komisaun ne’e “tenke halo serbisu hamutuk ho Administrasaun Aduaneira, ba aplikasaun reforma ne’ebé desidi ona”.

Iha ámbitu seluk, Governu mos aprova proposta rua hosi Ministériu Petróleu no Rekursu Minerais, iha semana ne’e.

Ida maka kona-ba área 'downstream' (atividade transporte no distribuisaun hosi produtu petrolífera) no buka atu fó liu tan “oportunidade ba timor-oan sira hodi halo parte ba iha setór esplorasaun produtu petrolófera, liu-liu hosi postu abastesimentu kombustível”.

“Segundu maka proposta rezolusaun hosi Governu kona-ba rezerva peskiza no estrasaun materiál konstrusaun nian ba empreza Timor-Leste nian hirak ne’ebé, ka’er hosi timor-oan rasik”, esplika nota Governu nian.

“Rezolusaun ne’e garante obrigatoriedade hosi partisipasaun maioritária empreza ne’ebé timor-oan rasik maka ka’er ba iha setór estrativa fatuk ba konstrusaun sivil”, hatutan tan.

SAPO TL ho Lusa – Foto: Loriku

Timor-Leste lansa monitorizasaun permanente hosi sismu no tsunami nian iha teritóriu laran

Institutu Petróleu no Jeolojia (IPG) ohin fó sai kona-ba lansamentu hosi sistema permanente ba dahuluk hosi monitorizasaun rai nakdoko no tsunami nian iha teritóriu laran, uza software sismolojia nian. 

Iha komunikadu IPG esplika katak, projetu ne’e iha tanba hetan kolaborasaun hosi Diresaun Nasionál Meteorolojia no Jeofízika Timor-Leste nomós ho apoiu hosi instituisaun globál monitorizasaun oioin, inklui RIMES, GEOFON, BMKG, CTBTO, ho University of South California.

“IPG Monitorizasaun 24/7 ba Rai Nakdoko ho Tsunami iha tempu reál, maka sai nu’udar sistema monitorizasaun dahuluk iha Timor-Leste, ne’ebé uza software foun, hanesan dalabarak uza área sismolojia nian (SEISCOMP3), atu hodi hetan dadus sismolojia no transferénsia dadus liu hosi internet”, tuir komunikadu haktuir.

Tuir Hélio Guterres, prezidente IPG, sistema ne’e sei ajuda Governu “hatene klean kona-ba risku hosi rai nakdoko no tsunami, movimentu hosi plaka hothotu nomós halo monitorizasaun ba falla hirak ne’ebé akontese beibeik iha rejiaun Timor-Leste”, no ninia informasaun bele uza hosi instituisaun relevante.

Dadus hirak ne’e hetan liu hosi estasaun sísmika IPG nian nomós hosi rede sísmika mundiál IRIS, GEOFON, BMKG, CTBTO ho RIMES nian, no “depois maka haruka fali ba Diresaun Nasionál Meteorolojia ho Jeofízika Timor-Leste atu hatutan hikas ba públiku”, tuir komunikadu esplika.

Haktuir hikas fali katak IPG harii iha 2012 hodi “grava, produs, jere, rai no fó sai informasaun kona-ba setór jeolojia nian, inklui informasaun hirak ne’ebé iha ligasaun ho potensialidade rekursu mina, gás ho esplorasaun minerál”.

Instituisaun ne’e mos maka halo “kordenasaun no promove atividade saida de’it ne’ebé produs informasaun jeolójika, inklui área maritima nomós halo Rejistu Nasionál ba Dadus kona-ba rekursu naturais jeolójika Timor-Leste nian”.

SAPO TL ho Lusa 

PM hato’o agradesimentu ba António Guterres relasiona ho apoiu ne’ebé nia fó mai Timor-Leste

Primeiru-ministru Rui Maria de Araújo, hato’o agradesimentu ba sekretáriu-jerál ONU foun, António Guterres, tanba sempre fó apoiu ba problema Timor-Leste nian, hodi haktuir hikas kona-ba kompromisu nasaun nian ba iha sistema multilaterál internasionál. 

Iha karta ne’ebé haruka ba António Guterres horisehik, iha duni loron ba ninia eleisaun iha Asembleia Jerál ONU hanesan sekretáriu jerál foun, Rui Araújo hato’o parabéns ba governannte portugés, relasiona ho ninia eleisaun.

“Lasu istóriku ne’ebé kria uniaun entre Timor-Leste ho Portugal nomós papel determinante ne’ebé vossa eselénsia asumi ba afirmasaun hosi ami-ninia autodeterminasaun, tenke hetan duni atensaun maka’as hosi timor-oan hirak ne’ebé, desde inisiu, akompaña ona prosesu ne’ebé fó rezultadu ho rekomendasaun ba aklamasaun Konsellu Seguransa ba Asembleia Jerál nian nomós ba aprovasaun hosi órgaun Organizasaun Nasoins Unidas”, tuir saida maka hakerek iha karta ne’ebé Lusa hetan asesu ba.

“Ha’u mos aprovieta hato’o ami-ninia sinseru agradesimentu ba amizade no apoiu ne’ebé nia fó beibeik ba ami-nia povu no ami-nia nasaun, hein katak ida ne’e bele sai hanesan motive orgullu ida ba vossa eselénsia, tanba ohin loron ami konsege moris mesak ka sai duni pvou ida hodi goza ninia direitu, liberdade no garantia nu’udar nasaun independente”, nia hakerek.

Tuir xefe Governu, prosesu eleisaun ne’e “markante tebes, tanba transparente, hodi sobresai hosi valór hirak ne’ebé umanista liu (…), aumenta nivel diplomasia no pragmatismu” hosi eis-altu komisáriu ONU ba Refujiadu sira.

Rui Araújo haktuir hikas kona-ba empeñu Timor-Leste nian, ba iha sistema multilaterál internasionál nomós ninia kompromisu ba ajenda 2030 ho Objetivu ba Dezenvolvimentu Sustentável (ODS), mantén ninia asaun liu hosi G7+, grupu ida hosi nasaun frájil 20 no ne’ebé afeta tanba konflitu.

António Guterres, ne’ebé uluk hanesan eis-primeiru ministru Portugal nomós eis-altu komisáriu Nasoins Unidas ba Refujiadu sira, hahú iha 1-janeiru-2017, sei asumi knar nu’udar 9.º sekretáriu jerál ONU nia ho mandatu tinan lima, hodi troka Ban Ki-moon.

“Ohin, ha’u aprezenta ho gratidaun no umildade nomós ho responsabilidade bot ”, tenik sekretáriu jerál ONU foun, António Guterres, iha ninia deklarasaun dahuluk hafoin hetan aklamasaun hosi Asembleia jerál ONU nian.

Nasaun membru Nasoins Unidas 193 maka horisehik, ratifika iha Asembleia Jerál, ba aklamasaun, hodi hilli António Guterres, sai lideransa ba organizasaun, iha 5-outubru ne’e hosi orgaun desizóriu prinsipál ONU nian, Konsellu Seguransa.

SAPO TL ho Lusa