Aniceto Guterres Eleitu ba Prezidente Parlamentu Nasionál

DILI, (TATOLI) – Deputadu Aniceto Guterres hosi bankada Frente Revolusionariu Timor-Leste Indepéndente (FRETILIN) eleitu ba Prezidente Parlamentu Nasionál lejislatura da-haat ho rezultadu votu 33.

Entretantu, deputadu Aderito Hugo da Costa hosi bankada Kongresu Nasionál Rekonstrusaun Timor (CNRT-sigla portugés) hetan votu 32.

Kada kandidatu hetan apoiu hosi proponente deputadu nain 20.

Partidu polítiku ne’ebé hetan asentu iha uma fukun mak FRETILIN ho kadeira 23, CNRT 22, PLP ualu, PD hitu no KHUNTO lima.

Jornalista: Agapito dos Santos | Editora: Rita Almeida

Foto: Deputadu ba lejislatura da-haat. Foto Antonio Goncalves

“PLP Harii La’ós atu Assume Kargu”

DILI, (TATOLI) – Deputadu hosi Partidu Libertasaun Populár (PLP) iha lejislatura da-haat, Fidelis Magalhães haktuir, PLP harii la’ós atu assume kargu maibé defende valór no prinsípiu partidu nian atu bele avansa dezenvolvimentu ne’ebé di’ak ba nasaun no povu.

“PLP harii la’ós atu assume kargu, PLP hola pozisaun tanba la-konkorda kuandu iha koligasaun maibé partidu ida mak okupa hotu poder iha órgaun soberania hanesan lejislativu, judisiáriu, ezekutivu no Prezidente Repúblika”, dehan Fidelis iha Parlamentu Nasionál hafoin abertura plenária dahuluk ba lejislatura da-haat, tersa (5/9).

Nia afirma, kuandu halo koligasaun presiza haree aliserse, definisaun tenke klaru, presiza mós defende programa partidu nian, defende valór no prinsípiu partidu nian atu bele avansa ba dezenvolvimentu ne’ebé di’ak ba nasaun no povu.

Partidu PLP la konkorda hodi fasilita partidu ida de’it bele ka’er hotu órgaun soberania, polítika ne’e tenke iha entendimentu ba programa, kuandu iha koligasaun signifika partidu PLP nia ema mós tenke asume kargu ruma iha órgaun soberania.

“Partidu PLP la’ós sai hosi koligasaun no nunka tama iha koligasaun tanba ne’e mak ami laiha akordu ida kona-ba kompozisaun meza”, afirma nia.

Hatutan, koligasaun tenke iha definisaun loloos, laran momos ou la’e, nia arte ne’e saida, implikasaun saida.

“Ohin loron ami hamriik la’o no ami sei deside tuir ami nia eskollamentu rasik iha Parlamentu Nasionál nu’udar opozisaun ne’ebé konstrutivu no dinámiku”.

Jornalista: Zezito Silva | Editora: Rita Almeida

Taur Matan Ruak Renunsia Kargu Deputadu

DILI, (TATOLI) – Prezidente Partidu Libertasaun Populár (PLP), Taur Matan Ruak, ohin, ofisialmente re-nunsia ninia kargu deputadu iha Parlamentu Nasionál ho subtituisaun mak Signi Chandrawati Verdial.

“Ami nia Prezidente PLP la mai tanba nia re-nunsia ona kargu hanesan deputadu no fó konfiansa tomak ba númeru sia lista kandidatu deputada, Signi Chandrawati Verdial hodi substitui iha Parlamentu Nasionál”, haktuir deputadu Fidelis Magalhães iha ámbitu plenária dahuluk ba lejislatura da-haat.

Nia hatutan, Prezidente PLP, Taur Matan Ruak la mai ne’e normál no parte ida sente triste maibé orgullu tanba nia fo konfiansa tomak ba bankada PLP atu halo servisu.

“Ami sente haksolok tebes tanba ami iha apoiu maka’as hosi Prezidente Partidu PLP, Taur Matan Ruak atu fó fiar ba bankada PLP hodi ezekuta polítika ba interese povu nian”, afirma.

Jornalista: Zezito Silva | Editora: Rita Almeida

Foto: Deputada Signi Chandrawati Verdial (liman karuk). Foto António Goncalves

MS Halo Revizaun Ba Planu Estrategiku Nasional Saude

Ministerio Saude (MS) ho parseirus halo revizaun ba iha planu estrategiku nasional saude, tanba programa barak mak nia implementasuan la tuir ona planu.

Diretora Jeral Prestasaun Servisu MS, doutora Odete Viegas hateten planu estrategiku hanesan matadalan ida ba ministerio no parseirus atu la’o tuir hodi fo prestasaun servisu ne’ebe diak ba populasaun, maibe kuandu la kondis ona ho realidade tenke halo revizaun.

“Iha planu ne’e hakerek, iha ospital regional sira ita tenke prienxe mais 150 kamas, maibe realidade ita prienxe deit 24 kamas no iha programa balun ne’ebe presiza haree no hadia fali,” nia hateten, iha salaun MS Kaikoli, Dili.

Alende ne’e, iha mos patraun infra-estrukturas balun ne’ebe seidauk bele kondis ho kapasidade ministerio nian.

Nia dehan, iha mos dezafiu ne’ebe ministerio hasoru mak limitasaun rekursus humanus iha diresaun no programasaun sira hodi implementa programa iha baze.

Governo português saúda acordo de fronteiras marítimas entre Timor-Leste e Austrália

Lisboa, 05 set (Lusa) - O Governo português saudou hoje o acordo alcançado na passada quarta-feira entre Timor-Leste e a Austrália para a delimitação das fronteiras marítimas, uma negociação que envolve o estatuto legal da exploração de reservas de gás natural naquelas águas.

"O Governo português saúda o acordo alcançado ontem [o acordo foi alcançado na quarta-feira e noticiado no sábado] entre Timor-Leste e a Austrália para a delimitação das fronteiras marítimas, no quadro do processo de conciliação, conduzido sob os auspícios do Tribunal Permanente de Arbitragem, e que pôs termo, de forma pacífica e negociada, a uma longa negociação entre os dois países", indica um comunicado do Ministério dos Negócios Estrangeiros (MNE).

No sábado, a Comissão de Conciliação das Nações Unidas informou que o acordo surgiu depois de uma nova ronda de encontros confidenciais entre delegações dos dois países que decorreram na última semana em Copenhaga.

TIMOR-LESTE | Fundo Petrolífero: um exemplo, se for cumprido integralmente

O Fundo Petrolífero timorense é para muito outros países um exemplo. Importa ser cumprido integralmente. O fundo foi criado com o "apoio da cooperação norueguesa e portuguesa", como salienta o MPT, que acrescenta: 

“A Constituição de Timor-Leste estabelece que os recursos naturais devem ser utilizados de uma forma justa e igualitária, de acordo com o interesse nacional, e as condições de aproveitamento dos recursos naturais devem servir para a constituição de reservas financeiras obrigatórias. Neste termos, foi criado, através da Lei n.º 9/2005, de 3 de agosto, o Fundo Petrolífero." 

Também que: "O Fundo Petrolífero deve ser gerido de forma prudente e operado de um modo aberto e transparente, no quadro constitucional e legal.” E ainda que o fundo “tem cerca de 28 biliões de USD”.

Compete aos timorenses saberem fiscalizar, estarem atentos.

Complementamos com mais alguma informação via Banco Central de Timor-Leste, que convidamos a lerem e verem integralmente, incluindo os quadros no original.

FUNDO PETROLÍFERO | ACERCA DO FUNDO PETROLÍFERO

A Constituição de Timor-Leste estabelece que os recursos naturais devem ser utilizados de uma forma justa e igualitária, de acordo com o interesse nacional, e as condições de aproveitamento dos recursos naturais devem servir para a constituição de reservas financeiras obrigatórias. Neste termos, foi criado, através da Lei n.º 9/2005, de 3 de agosto, o Fundo Petrolífero. O objetivo desta lei é que o Fundo Petrolífero contribua para uma gestão sensata dos recursos petrolíferos para benefício da geração atual e das gerações vindouras. O Fundo Petrolífero é uma ferramenta que contribui para uma boa política fiscal, que considera e pondera devidamente os interesses a longo prazo dos cidadãos de Timor-Leste. O Fundo Petrolífero é integrado de forma coerente no Orçamento de Estado, representando corretamente o desenvolvimento das finanças públicas. O Fundo Petrolífero deve ser gerido de forma prudente e operado de um modo aberto e transparente, no quadro constitucional e legal.

Receitas do Fundo Petrolífero

As receitas do Fundo Petrolífero incluem receitas provenientes da exploração petrolífera e atividades relacionadas. Não é eficaz ter boa governação do investimento sem que os fundos sejam depositados em instituições financeira em primeiro lugar, assim, o Banco Central é titular de uma conta bancária especial junto do Banco da Reserva Federal de Nova Iorque, destinada a receber todas as receitas petrolíferas e relacionadas. Por lei, quaisquer obrigações ao Estado (royalties, impostos) só são consideradas cumpridas com o depósito dos respetivos montantes nesta conta bancária.

Os processos operacionais e de cobrança de receitas encontram-se descritos no Quadro 1, enquanto que a Autoridade Nacional do Petróleo e Minerais (ANPM) e o Ministério do Petróleo e Recursos Minerais são responsáveis pela supervisão e regulação das operações das companhias petrolíferas, a ANPM e os Serviços de Impostos de Timor-Leste asseguram que o pagamento de royalties e impostos é efetuado em tempo para a conta do Fundo Petrolífero junto do Banco da Reserva Federal de Nova Iorque. 

LIGAÇÃO AO ORIGINAL DO BCTL – ver mais

LA’O HAMUTUK | Karta aberta ba Distintu Deputadu/a Periodu 2017-2022

La’o Hamutuk

Institutu Timor-Leste ba Analiza no Monitor ba Dezenvolvimentu

Rua Dom Alberto Ricardo, Bebora, Dili, Timor-Leste

Tel: +670 332 1040 – Mobile: +670 7734 8703

Email : info@laohamutuk.org

Website : www.laohamutuk.org

Dili, 14 Agostu 2017

Bodik ba: Sr/a Parlamentares PN 2017-2022

Iha: Uma Fukun Parlamentu Nasional

Asuntu: Karta aberta ba Distintu Deputadu/a Periodu 2017-2022

Ho respeitu,

La’o Hamutuk nudár organizasaun nasionál ida ne’ebé halo monitór no analiza ba prosesu dezenvolvimentu iha Timór-Leste hodi fasilita komunikasaun entre povu ho nia ukun na’in sira ho objetivu katak povu mak tenke sai autór ba iha sira nia prosesu dezenvolvimentu.

Ba dahuluk liu, ami hakarak kongratula ba povu Timór-Leste ne’ebé ejerse ona sira nia direitu iha. Eleisaun Jerál Parlamentár foin la-lais ne’e ho hakmatek tebes, no mós hato’o parabéns ba ita-boot ne’ebé eleitu ona nudár Deputadu/a iha Parlamentu Nasionál. Aleinde ne’e, ami mós apresia ba servisu CNE, STAE, inklui entidade estadu hotu ne’ebé fó ona kontribuisaun ba prosesu eleisaun.

Ita nia Konstituisaun RDTL artigu 92 haktuir katak, Parlamentu Nasionál mak órgaun soberania Repúblika Timór-Leste nian ne’ebé reprezenta ema Timór-oan tomak, iha kbiit atu halo lei, atu fiskaliza no atu halo desizaun polítika. Nune’e, ami enkoraja Distintu Deputadu/a tomak iha uma fukun Parlamentu Nasionál atu hala’o didi’ak ita-boot nia knaar hodi tane interese nasionál, povu no nasaun ida ne’e nia aas liu interese partidáriu ka grupu nian.

Nudár organizasaun ne’ebé durante ne’e fó analiza ba polítika dezenvolvimentu Timor-Leste nian, ami prontu atu ajuda no servisu hamutuk no kontribui informasaun sira ba ita-boot hodi haforsa papél Parlamentu nian ba halo desizaun polítika ruma ba ita nia rai doben Timor-Leste, ne’ebé bele responde duni moris povu Timor-Leste nian. Ami espera katak durante iha ita-boot nia mandatu, ita boot sei uza kompeténsia konstituisional sira ne’ebé ita iha hodi deside no halo lei ho polítika ne’ebé a favór ba direitu povu kiak no grupu vulneravel sira nian.

Iha lei lubuk importante tebes ba ita nia nasaun, hanesan Lei Anti Korrupsaun ne’ebé presiza sai prioridade ita-boot nian nune’e bele sai baze ba hametin boa governasaun iha Timor-Leste. Aleinde ne’e, ami mós sujere atu ita boot bele halo avaliasaun fila fali ba iha Ezbosu Lei balu ne’ebé VI Governu inísia ona, hanesan Lei Mineira. Ita boot nia mandatu mak sei determina lei ida ne’e, no ami enkoraja ita-boot atu bele halo diskusaun, konsulta no audiénsia públiku ida ne’ebé kle’an liu atu asegura moris di’ak ba ita nia povu Timor-Leste tomak.

Iha besik III Lezislatura nia rohan, Prezidente Repúblika DR. Lu-Olo veto Lei Investimentu Privadu tanba konsidera asuntu prinsipál sira balu, maibé infelizmente Parlamentu Nasional ladún konsidera Prezidente nia mensajen iha nia veto, maibé halo de’it vota konfirmasaun ne’ebé ami konsidera halakon tiha oportunidade atu hadi’ak lei ba povu ne’e nia interese. Nune’e, ba ita boot nia mandatu, ami sujere atu bele konsidera no esplora ho kle’an opiniaun sira hosi Tribunal no Prezidente da Repúblika nian ba lei sira ne’ebé Parlamentu Nasional sei aprova.

Dezafiu seluk ne’ebé estadu Timor Leste hasoru durante ne’e mak oinsá bele jere ita nia osan husi riku-soin mina rai hodi dezenvolve ekonomia sustentável hanesan agrikultura, kooperativa, indústria ki’ik, dezenvolve rekursu umanu, no servisu sosializa ne’ebé Timor-Leste presiza atu substitui ekonomia petróleu bainhira mina-rai maran.

Ita nia kampu mina-rai Kitan maran ona dezde fin de 2015, no Kampu Bayu Undan ne’ebé sei aguenta de’it fó ita “lukru mina-rai” to de’it iha 2018, no hafoin ne’e sei maran iha 2020. Ita boot nia mandatu sei akompaña hela periodu ikus Bayu Undan nian. Aleinde Bayu-Undan maran, iha tempu ne’ebá ita-nia populasaun juventude sei aumenta duplu kompara ho tinan lima liu ba, no nesesidade ekonómiku nian mós aumenta boot.

Infelizmente, iha tinan sanulu ikus ne’e, ita implementa mega projetu sira, no programa sira ne’ebé fakar osan de’it. Aleinde ne’e, ita mós tama ona iha nasaun devedor, maibé ita haluha katak iha tinan sira oin mai bainhira ita atu selu ita nia tusan sira, Bayu-Undan laiha ona. Nune’e, ami sujere atu IV Lejizlativa Parlamentu Nasional ho VII Governu presiza servisu hamutuk atu prioritiza setór ekonomia produtivu sira, bazeia ba planu estadu ne’ebé realistiku, razoavel no sustentável, duke halo planu ho fantasia de’it, hodi nune’e evita malisan rekursu, pobreza, disigualidade sosiál, konflitu no hamenus seguransa moris ba ita nia rai.

Aleinde ne’e, Parlamentu Nasionál mós tenke garante duni estadu direitu demokrátiku tuir Konstituisaun RDTL. Artigu (1.1) katak Estadu ida ne’ebé demokrátiku, soberanu no respeita ba dignidade ema ida-idak nian, (2. 2) Estadu hakru’uk ba lei inan no lei oan sira, no (6 (b)) Garante no promove sidadaun sira nia direitu fundamentál, no respeitu estadu nia prinsípiu direitu demokrátiku.

Konstituisaun RDTL mós opta prinsípiu fundamentál husi Deklarasaun Universál Direitu Umanu - ONU nian. Maibé infelizmente, durante tinan lima kotuk, ita-nia setór justisa sei nafatin fraku, iha intervensaun polítika maka’as ba setór justisa nian, no mós desizaun polítika sira no rezolusaun hosi Parlamentu ne’ebé halo Timor oan balu tenke mate no terus, enfrenta tratamentu injustisa nian.

Kazu operasaun militár iha Laga, no parte balu iha Baucau to Mauk Moruk ho nia membru sira nia mate tenke sai nudár lisaun boot ida ba ita-boot katak pratika sira ne’e labele repete fila fali iha Timor-Leste.

Ami hare ida ne’e parte husi aproximasaun prevensaun konflitu ne’ebé la valoriza Direitu Umanus no konsekuénsia husi impunidade ba krime kontra umanidade durante okupasaun Indonézia ne’ebé sei prevaleze iha Timor-Leste. Dala ida tan ami husu atu iha reformasaun PNTL no F-FDTL atu bele valoriza liu tan prinsipiu direitus umanu nian iha sira nia pratika, espesialmente bainhira hasoru nia povu rasik.

Alende ne’e, ami husu atu presiza kria komunikasaun polítiku ida ne’ebé maduru no intelektual husi polítiku na’in-sira hodi evita konflitu no instabilidade sosiál. Timór-Leste hanesan nasaun ne’ebé foin sai husi post-konflitu, fasil atu monu ba konflitu bainhira aproximasaun ukun na’in sira nian la hatuur maturidade polítika ne’ebé loloos.

Ikus liu, ami konsiente katak ita-boot sei enfrenta dezafiu barak iha tinan lima oin mai ne’e, ho knaar ne’ebé hakerek ona iha Konstituisaun RDTL Artigu 95.1 katak Parlamentu Nasionál mak halo lei kona ba asuntu báziku sira, polítika interna no sterna nasaun nian. Nune’e, ami nafatin pronto atu fó kontribuisaun informasaun liu husi ami nia analiza no peskiza atu bele ajuda ita-boot hodi determina polítika ne’ebé matenek liu ba povu Timór-Leste tomak. Papél ne’ebé ami halo, hanesan mós parte ida hodi kontribui atu dezenvolve rai doben ne’e hodi sai sustentável no demokrátiku.

Mak ne’e de’it ami nia karta ba ita-boot, ho konsiderasaun no kolaborasaun tomak ami hato’o obrigadu ua’in.

Ami be saran lia,

Juvinal Dias | Celestino Gusmão

Ekipa Koordenadór La’o Hamutuk

Fidelis: TMR Laprtisipa Tanba Iha Servisu Seluk

DILI - Prezidente Partidu Libertasaun Popular (PLP) Taur Matan Ruak (TMR) lamarka prejensa iha seremonia tomada de pose kuatru lrjislatura Parlamentu Nasional (PN), tanba iha servisu importante seluk mak Taur Matan Ruak sei halo.

Informasaun nee fo sai husi vise prezidente PLP Fidelis Magelhaes ba jornalista sira iha uma fukun Parlamentu Nasional (PN) Tersa (5/8/2017).

Ami nia prezidente do partidu taur matan ruak lamai tanba renunsiu tiha kargu hanesan deputadu ihabparlamentu nasional maibe iha subtituisaun ba nia fatin. Mai nia prwzidente la mai tanbabiha servisu importate seluk mak sei halo,” hatete Fidelis.

Portavos Partidu Libertasaun Popular iha kuatru lejislatura Parlamentu Nasional nee mos hatutan katak tomada de pose ba deputadu ho deputada foun nee hanesan juramentu ida atu hola fatin iha PN durante tinan lima oin mai.

Fidelis hatete Taur Matan Ruak lapersija partisipa tanba Taur laos atu sai deputadu iha PN. Nia informa liu tan katak maske Taur Matan Ruak la marka prejensa maibe iha servisu seluk neebe mak importante tebes atu taur matan ruak halo.

“Ami nia prezidente partidu taur matan ruak mankein kaer knar importante iha ami niabpartidu laran” sublinha Fidelis. 

Thomas Sanches | Suara Timor Lorosae

Fretilin Kandidata Aniceto Ba Meja PN

DILI - Tuir informasaun husi fontes konfirmadu hateten katak Fretilin sei kandidata Anicetu Guterres ba Meja PN,i nu entantu PD e KHUNTO se suporta ba iha pakote F nian.

Iha parte seluk Dionisio Babo hateten nia parte CNRT too agra seidauk hatene CNRT hatama relatoriu ba iha Meja PN kah seidauk, tamba durasaun ba limitasaun hatama relatoriu ba pakote 24 horas nia laran.

Se karik foin maka hatama aban maka halo eleisaun ba hili Prezidente Parlamentu Nasional (PN). 

Carme Ximenes Maria Lay | Suara Timor Lorosae

Pose IV PN, Partisipante Lubuk Ida laiha Fatin Tur, Hahu Plenaria

DILI - Deputadu kuatru lejislatura hahu halo sesaun plenaria ba dahuluk iha Parlamentu Nasional (PN) ho leitura da komisaun de verifikasaun de poderes, neebe le husi deputada Fernanda Lay husi bankada CNRT, Portantu bankada lima iha PN laiha obzesaun ba komisaun de verifikasaun, ho nunee Komisaun de verefikasaun nee pasa ho votus afavour 65, kontra 0 no abstensan 0.

Partisipante neebe mak partisipa iha tomada de pose membru IV lejislatura PN lubuk ida mak laiha fatin atu tur hodi asisti serimonia importante ida nee iha uma fukun PN.

Haree ba problema nee maioria partisipante neebe mak laiha fatin hlo protesta tanba tuir partisipante sira PN halo diskriminasaun tanba perpara deit kadeira ba ukun nain sira.

Tuir Arcanjo da Costa neebe hanesan akademia neebe mak partisipa iha tomada de pose nee ba STL iha PN Teras (5/8/2017) iha PN hatete nia parte lamenta tebes tanba maioria partisipante mak laiha fatin atu tur.

GMN TV | Tomada de Posse - parlamentares 2017

GMN TV | EDISAUN ESPESIAL

Ramos Horta Sei Lidera Reuniaun KS

DILI, (TATOLI) - Reuniaun Konsellu Seguransa (KS) iha Nova Yorke ba loron 20 Setembru sei lidera hosi Eis Prezidente da Repúblika José Ramos Horta, tan ne’e ohin, Segunda (04/09) Nia halo enkontru ho Prezidente da Repúblika Francisco Guterres Lú Olo hodi koordena kona-bá mensajen saida mak PR Lú Olo sei hato’o iha reuniaun konsellu seguransa.

Aleinde de Ramos Horta, reuniaun konsellu seguransa sei lidera mós hosi Sekretáriu Jerál ONU, Antonio Guterres no Prezidente Uniaun Afrikana,  Moussa Faki.

José Ramos Horta, Antonio Guterres ho Moussa Faki mak lidera reuniaun nivel alto ida ne’e ho objetivu atu ko’alia  kona-ba relatóriu ne’ebé halo uluk nu’udar Xefe Prezidente Painél Altu Nivel Operasaun Pás nian.

“Ha’u mai hasoru ho Prezidente Repúblika “Lu-Olo” atu buka koordena mensajen saida mak di’ak liu ba Reuniaun Konsellu Seguransa kona-ba operasaun pás iha mundu,” José Ramós Horta ba Jornalista sira hafoin hasoru malu ho Xefe Estadu iha Palásiu Prezidente, Ai tarak Laran, (04/9).

Horta hatutan, Prezidente Repúblika, nia vizita ba Nova Yorke ho objetivu atu responde konvite mai hosi Konsellu Seguransa atu Xefe Estadu bele ko’alia iha sesaun espesiál no ba sesaun normal Asembleia Jerál iha 20 Setembru.

“Ha’u ko’alia  ho Prezidente Repúblika “Lu-Olo” tanba Reuniaun Konsellu Seguransa iha 20 Setembru, iha reuniaun ne’e, ha’u ho Sekretáriu Jerál ONU, Antonio Guterres ho Prezidente Uniaun Afrikana,  Moussa Faki mak lidera diskusaun atu ko’alia  tan kona-ba relatóriu ne’ebé ha’u halo uluk nu’udar Xefe Prezidente Painél Altu Nivél Operasaun Pás nian,” Horta esplika razaun lidera reuniaun konsellu seguransa.

Hodi hatutan katak, Sekretáriu Jerál ONU, Antonio Guterres daudaun ne’e estuda oinsá halo implementasaun ba rekomendasaun hirak iha ami nia relatóriu Painél Altu Nivel ba Operasaun Pás ONU nian.

Entretantu Ramós Horta ho Xefe Estadu, Lu-Olo sei arranka iha 16 Setembru ba Nova Yorke atu partisipa sesaun Konsellu Seguransa nian, enkuantu Konsellu Seguransa konvida Horta atu asiste mós iha Asembleia Jerál maibé sei la marka prezensa tanba só iha nia intervensaun Konsellu Seguransa de’it.

“Kuandu reuniaun hotu ami buka hodi fila lalais, ami iha ne’eba másimu loron lima maibé Prezidente Repúblika, Lu-Olo  ha’u rona fila antes kedan, kuandu sesaun remata iha 20 Setembru, Prezidente sa’e aviaun fila kedan.

Jornalista: Zezito Silva | Editór: Manuel Pinto

Foto: Eis Prezidenti Repúblika, Dr. José Ramos Horta sorumutu ho Prezidenti Repúblika, Dr. Francisco Guterres Lú-Olo hodi entrega konvite reuniaun kona-ba demokrasia iha Ázia Pasífiku. Imajen Mídia PR.

PM Husu KAK Kontinua Promove Governasaun Di’ak

DILI, (TATOLI) – Primeiru Ministru, Rui Maria de Araújo husu Komisaun Anti Korupsaun (KAK) hodi servisu di’ak liutan ho Ministériu Públiku no Tribunál ba prevensaun korupsaun hodi promove governasaun di’ak.

Adjuntu Komisáriu KAK, Rui Pereira dos Santos  hato’o pedidu xefe governu ne’e hafoin halo despedida iha Palásiu Governu, ohin.

“Primeiru Ministru husu promove boa governasaun liliu instituisaun hanesan KAK, Ministériu Públiku no Tribunál atu servisu hamutuk ba dezenvolvimentu Timor-Leste di’ak liutan, prevene mal administrasaun, krime  no korupsaunʺ, hatutan nia ba jornalista sira.

Nia informa, KAK hetan apoiu orsamentu rihun atus rua resin hodi selu kompañia hosi Portugal hodi kria dezeñu ba edifísiu foun KAK ho andar haat ne’ebé kompleta ho ekipamentu servisu.

Hatutan, dezeñu ne’e tama ona iha faze finál tanba ne’e  tuir planu iha tinan oin sei hahú konstrusaun iha área Farol Dili.

“Dezeñu ne’e tama ona faze finál tanba faze tolu hotu ona no hela faze ikus ne’ebé ita sei selu tan kompañia ne’e provolta rihun neen nuluʺ, tenik.

Nia dehan, Xefe Governu mós agradese ba KAK ne’ebé apoiu ona governu hodi promove boa governasaun ho esperansa governu foun kontinua fó ninia tulun, liliu haree ba lei anti korupsaun no seluk tan.

Lei anti korupsaun kaduka iha mandatu lejislatura da-toluk.

Jornalista: Agapito dos Santos | Editora: Rita Almeida

Foto: Komisáriu Komisaun Anti Korupsaun, Aderito Tilman (karuk) ho ninia adjuntu, Rui Pereira hasai retratu hamutuk ho Xefe Governu, Rui Maria de Araújo (klaran) hafoin hasoru malu iha Palásiu Governu, ohin. Foto GPM

Produz Lei Proteze Simbolu Nasional

DILI – Bandeira Nasional hanesan simbolu neebe sosa ho ruin no ran, ema estranjeiru labele uja simbolu nee hodi modifika ba buat oin oin, sira neebe halo lei, presija kria lei ida hodi bele proteze ba simbolu hirak nee.

Deklarasaun nee, fo sai husi Diretor ezekutivu HAK Manuel Monterio ba Jornalista sira iha nia knar fatin Farol Kinta, (31/08/2017).

“Simbolu Nasional hotu hotu nee, ita hotu tenke respeita, liu liu sidadaun Timor oan, agora oinsa mak garante katak sidadaun hotu respeito Simbolu Nasional sira neebe saudozu sira sosa ho ran no vida, primera estar ukun nain sira neebe kaer ukun, liu liu Parlamentu Nasional tenke produz lei hodi proteze ita nia Simbolu Nasiona sira atu nunee, ema liu neebe tama mai atu halo investimentu, ida neebe mak tama ba produsaun ekonomiku no ida neebe mak la tama ba produsaun ekonomiku, ita mak tenke hateten tanba ita mak nain,” hateten Manuel.

Nia sublinha tan katak, “ema neebe mai husi liur, ita konvida sira mai no iha hanoin buat neebe halo osan, sira halo no la hatene buat ida. Parlamentu Nasional tenke halo lei ida atu proteze buat sira nee, laos halo uluk lei benefisia ba sira nia an, proteze sira nia an, duke halo lei hodi konserva no proteze simbolu nasional sira”.

Nunee presija iha lei atu bele asegura sasan sira nee, no halo fiskalizasaun lei neebe iha atu hare ema kumpri ka lae. Nunee husi fiskalizasaun Polisia mos halo, tanba sira halao lei no ordem nunee sira simu keixa konaba sed mak halo krime nee sira bele halo kapturasaun kedan.

Iha fatin seluk, finalista UNTL Vidal Magno hateten, sasan neebe sai hanesan simbolu, ema hotu tenke konsidera label uja fali sasan hirak nee, atu halo modelu oin oin laos bandeira deit, maibe ho mos tais.

“Laos iha deit lei atu regula ema neebe uja bandeira, halo ba modelu oin oin, maibe presija hare mos ba tais neebe modifika ba modelu neebe la tuir ita nia indentidade lolos. Presija tau konsiderasaun ba sasan no buat neebe reprezenta nasaun nia naran,” esplika Vidal.

Nia relata tan katak, governu foun presija tau atensaun ba kestaun sira nee, tanba agora dadaun ema Xineza komesa domina iha Timor, no modifika mos ropa balu no sasan balu tuir sira nia modelu. 

Terezinha De Deus | Suara Timor Lorosae

Deskonfia iha Ema Balun Interven Seitor Judisiariu

DILI - Prokurador Jeral Republika (PJR) Jose Ximenes preokupa seitor justisa Timor-Leste, tamba deskonfia iha Timor no ema estranjeiru balun kria opiniaun publika neebe maka ladiak hodi halo intervensaun ba seitor justisa.

Tuir nia katak oras nee hanesan Prokurador Jeral iha preokupasaun iha seitor judisiariu Timor–Leste tamba iha ema Timor no estrajeiru balun tenta liu husi kria opiniaun publiku neebe ladiak relasiona ho kazu kondenasaun ba arguidu kazasal nian rua husi estrajeiru ho inisial (TG) ho nia kaben (TG), mos kona ba kazu brankamentu kapital neebe maka foin dadaun husi parte tribunal halo julgamentuhodi ba primriran interogatoriu fo pena ba prisaun arguidu rua refere oitu anus prisaun kada ema ida.

“Hau hanesan prokurador jeral republika iha preukupasaun   balun ba Timor oan balun no ema estrajeiriu balun tenta ho de tal maneira liu hodi kria opiniaun publiku neebe la diak ba iha seitor justisa ba kondenadu nain rua nee, hau espera ke kualker sidadaun timoroan tenke kontribui no kopera sistema justisa,” dehan Jose Ximenes ba jornalista sira hafoin remata enkontru ho Prezidente Republika Francisco Guterres Lú Olo iha palasiu presidensial Bairo Pite, Segunda (4/9/2017).

Nia dehan konaba sisitema justisa nee rasik Timor nian tamba nee husu ba Timor oan tenke kumpri no kolabora ho Sistema jusdisiariu neebe maka lao, kuandu lakumtri desizaun nee karik ou karik sidadaun ida maka la satisfaz ho pena prizaun neebe maka tribunal fo karik sei iha mekanismu legal.

Direjente Ministeriu Publiku nee argumenta ba kazu nee rasik seidauk hetan finalidade husi Tribunal, hare husi prosesu sira neebe maka lao dadaum no agora ema balun komesa opiniaun ladiak no pior liu maka kondisiona Tribunal Rekursu hodi deside ema ida ka ema rua nia hakarak. 

Natalino Costa | Suara Timor Lorosae

KSMMP Deside Demite nian Ofisial Nain Ida

DILI – Konsellu Superior Majislatura Ministeriu Publiku (KSMMP) deside halo demisaun ba nia membru ofisiais nain ida, tamba kauza husi falta servisu kuase fulan ida nia laran.

Informsaun nee fo sai husi Prokurador Jeral Republika Jose Ximenes ba Jornalista sira hafoin remata enkontru ho Prezidente Republika Francisco Guterres Lú Olo, iha palasiu presidensial Bairo Pite, Segunda (4/9/2017).

Tuir Jose katak iha fulan Agosto tinan nee liu husi KSMMP deside halo demisaun ba nia membru ofisiais justisa nain ida, tamba kauza husi falta servisu kuase fulan ida nia laran.

Too ohin loron ita iha ofisial justisa nian rua maka hetan demisaun maka husi Konsellu Superior Majislatura Ministeriu Publiku (KSMMP) deside halo demisaun ba,” dehan nia.

Nia hatutan ba kestaun sira nee husi PJR rasik detekta kestaun balun neebe maka akontese iha area fronteira nian hanesan foin dadaun, liu-liu liga ba objetu mina nian neebe maka husi polisia fronteira prende ho ilegalmente mais de 30 tal toneladas, agora iha kuartel jeral PNTL.

Husi Prokurador Jeral Republika Jose Ximenes liu husi enkontru ho PR Lú Olo hosi informa mos lalalok servisu funsionamentu judisiariu neebe maka oras nee lao hela. 

Natalino Costa | Suara Timor Lorosae

Konkordánsia Copenhagen: Fronteira Permanente ka Neo-CMATS?

Hosi 28 Agostu to 1 Setembru 2017, delegasaun ba negosiasaun disputa fronteira maritima nian hosi Timor-Leste ho Australiahasoru malu tan ho Komisaun Konsiliasaun nian iha Copenhagen. Komisaun Konsiliasaun ida ne’e estabelese dezde Juñu 2016 hafoin Timor-Leste hatama notifikasaun formal kontra Australia ba iha Tribunal Permanente de Arbitragem iha Abril 2016.

Maske enkontru sira iha Copenhagen no fatin seluk sira ne’e kontinua konfidensiál, maibé Tribunal Permanente de Arbitragem ajuda públiku sira atu akompaña prosesu sira liu hosi fó sai komunikadu imprensa ida iha loron 1 Setembru 2017, katak nasaun rua ne’e iha ona akordu ida kona-ba elementu sentrál sira ba delimitasaun fronteira maritima nian entre nasaun rua ne’e nian iha Tasi Timor.

Pakote konkordánsia ida ne’e aléinde ko’alia kona-ba fronteira maritima, inklui mós aprosimasaun ba estatutu legal foun ba kampu gas Greater Sunrise nian, nudár dalan atu dezenvolve rekursu no atu fahe reseita hosi kampu gas ida ne’e. Atu aumenta, kampu gas Greater Sunrise ida ne’e nia estatutu legal muda tiha ona hafoin Australia no Timor-Leste hamutuk ho Komisaun Konsiliasaun nian fó sai Deklarasaun Trilateral Konjunta ida hodi termina Tratadu CMATS (Treaty on Certain Maritime Arrangements in the Timor Sea/Tratadu ba Aranjamentu Balu iha Tasi Timor) iha loron 9 Janeiru 2017. Komunikadu ida ne’e mós hateten katak delegasaun rai rua ne’e sei iha tan pasu tuir mai hodi ba hasoru malu ho Komisaun Konsiliasaun iha Outubru 2017 nian ne’ebé sei hala’o ho konfidensiál tan atu finaliza konkordánsia sira ne’ebé foti ona.

Maske laiha detallu kona-ba opsaun saida de’it mak konkorda ona hosi parte rua ne’e, maibé ema balu, inklui ofisiais estadu, polítiku, diplomata lansa tiha rezultadu ida ne’e nudár vitória ba Timor-Leste atu selebra, no konsege domina tiha media sosiál sira iha Timor-Leste. Radio Televizaun Timor-Leste (RTTL), konvida La’o Hamutuk, nudár organizasaun naun governmental ida ne’ebé sempre tuir prosesu delimitasaun fronteira maritima nian atu prienxe sira nia programa 7 Minuto iha Telejornal kalan iha Sábadu atu bele fó pontu de vista kona-ba rezultadu hosi enkontru iha Copenhagen foin lalais ne’e.

Maske La’o Hamutuk apresia ba esforsu hosi rai rua ne’e hodi hakat ba pasu foun ida tan atu ko’alia disputa fronteira maritima entre rai rua ne’e, maibé ami hare katak sedu liu atu konsidera konkordánsia sira ne’e nudár vitória ba reafirmasaun soberania Timor-Leste nian bainhira opsaun sira ne’ebé sira konkorda malu iha Copenhagen ne’e ita seidauk hatene detallu no karik la tuir prinsipiu Liña Klaran tuir UNCLOS, prinsipiu ida ne’ebé sai nudár objetivu luta povu Timor-Leste nian.

La’o Hamutuk hare selebrasaun ida ne’e atu hanesan ho “selebrasaun” iha tinan 2005, bainhira Timor-Leste ho Australia iha konkordánsia ba Tratadu CMATS. Iha 9 Dezembru 2005, Governu anunsia sai komunikadu imprensa ida hodi selebra konkordánsia. Iha momentu ne’ebá, Governu deklara katak “Ne’e akordu di’ak ida ba Timor-Leste maibé mós di’ak ba Australia” ne’ebé “mós loke dalan ba konstrusaun kadoras entre Greater Sunrise no Timor-Leste no ba instalasaun fasilidade refinaria ida ne’ebé sei sai hun ba atividade petróleu iha Timor oan sira nia rai leten.”

Infelizmente, maske selebra ona antes, maibé ikus mai “konkordánsia” ida ne’e labele konsidera nudár vitória ida ba Timor-Leste. Tanba Tratadu CMATS refere taka oportunidade ba Timor-Leste atu ko’alia nia direitu soberania durante periodu produsaun gas Greater Sunrise nian, no mós kontinua rekoñese direitu Australia nian ba area tasi ne’ebé loloos pertense ba Timor-Leste tuir prinsipiu no direitu internasionál. No Timor-Leste rasik deside atu termina tratadu ida ne’e rasik iha Janeiru tinan ida ne’e. Iha tinan 2004, La’o Hamutuk husu atu husik de’it Greater Sunrise ba jerasaun foun sira, no bele dezenvolve bainhira iha ona fronteira maritima ida ne’ebé permanente entre rai rua.

Fila fali ba konkordánsia iha Copenhagen. Maske opsaun loloos sira ne’ebé konkorda ona kontinua konfidensiál, ami espera katak Timor-Leste hili ona opsaun ida atu hetan nia direitu soberania total,  ne’ebé sei labele repete tan fallansu sira iha pasadu ne’ebé fó de’it vantajen boot liu ba Australia atu hetan osan no okupa territóriu Timor-Leste nian. La’ós ona segredu katak Timor-Leste sempre lakon vantajen atu hetan nia fronteira maritima ida ne’ebé permanente bainhira asuntu petrolíferu tama ona iha meja negosiasaun nian.

Esperiénsia iha 2002, bainhira asina Tratadu Tasi Timor, Timor-Leste tenke rekoñese direitu 10% Australia nian hosi reseita petrolíferu hosi Area Konjunta ba Dezenvolvimentu Petróleu (JPDA) tanba nasaun foun ne’e presiza hela osan lalais atu konstrui nasaun ne’e hafoin sai hosi estragu masivu sira ne’ebé militár Indonézia no nia milisia sira halo hafoin referendum 1999. No iha 2005, Timor-Leste tenke lakon tan nia oportunidade atu ko’alia nia direitu bainhira Governu prefere simu 50% reseita hosi gas kampu Greater Sunrise nian. Ohin, situasaun finanseiru Timor-Leste diferente ona kompara ho tinan 15 liu ba, maibé saida mak atu kontinua mosu tuir mai iha Outubru 2017? Timor-Leste ho Australia sei iha Fronteira Maritima Permanente ka konkorda atu iha aranjamentu foun hodi troka tratadu CMATS ne’ebé termina ona?

Dalan rua ne’e nakloke ba rai rua ne’e, maibé ne’e depende ba opsaun ne’ebé lori ba iha meja negosiasaun. Dalan di’ak ida ne’ebé rai rua ne’e bele foti atu hatuur fronteira maritima ida ne’ebé permanente no justu mak Australia rasik tenke mai ho nia boa fe hodi negosia ho Timor-Leste iha meja. Boa fe katak Australia tenke uza UNCLOS nudár baze ba delimitasaun ba fronteira maritima. Nudár nasaun ida ne’ebé iha podér polítiku no ekonomia iha rejiaun ida ne’e, fasil ba Australia atu domina rezultadu negosiasaun bilateral nian ba sira nia interese duke ba nasaun opozitor nian.

Aleinde boa fe hosi Australia, Timor-Leste rasik mós tenke iha opsaun ida ne’ebé forte no dura ba tempu naruk. Maske durante ne’e Timor-Leste gasta ona, no iha planu atu gasta barak liu tan ba projetu Tasi Mane iha kosta súl Timor-Leste nian, no hakarak atu dada kadoras gas Greater Sunrise nian. Maibé Timor-Leste tenke redús nia obsesaun ba dezenvolvimentu hamutuk kampu mina-rai sira iha Tasi Timor nudár pakote ida hosi opsaun sira iha meja negosiasaun nian.

Bainhira Timor-Leste inklui tiha estatutu kampu gas Greater Sunrise nian iha negosiasaun, maske númeru porsaun lukru nian ba Timor-Leste bele aumenta boot liu kompara ho porsaun 50-50 ne’ebé mensiona iha Tratadu CMATS, maibé ida ne’e kontinua  fó espasu ba Australia atu mantén nia okupasaun ba territóriu Timor-Leste nian durante periodu produsaun kampu Greater Sunrise nian. La’o Hamutuk fiar katak bainhira konkordánsia foun ida ne’e tuir duni prinsipiu liña klaran iha UNCLOS, dezenvolvimentu Greater Sunrise nian bele deside de’it iha Dili no la presiza atu konsulta ho Canberra.

Basa, bainhira Timor-Leste manán de’it kadoras Greater Sunrise nian, aumenta nia porsaun reseita nian, no hatún porsaun Australia nian, maibé labele hetan fronteira maritima ida ne’ebé permanente tuir UNCLOS, rezultadu hosi negosiasaun ida ne’e bele konsidera nudár esforsu atu “reboka” de’it Tratadu CMATS duke konkista vitória ida hosi “luta soberania” ida.

La’o Hamutuk