ABAIXO PENSAUN VITALISIA

DILI - Movimentu Universitáriu Timor –Leste (MUTIL) halo asaun pasífiku hasoru  estadu liuliu ezije ba Parlamentu Nasionál  (PN) atu diskuti fila-fali no halo alterasaun ba lei númiru 1/2007 kona-ba pensaun vitalísia ne’ebé fó pensaun pursentu atus ida (100%) ba eis membru órgaun soberanu inklui eis membru governu no eis deputadu sira.

MUTL lamenta tebes lei ne’e tanba aleinde fó pensaun hanesan ho saláriu báziku membru órgaun soberanu ne’ebé ativu hela, hahú hosi eis Prezidente Repúblika, eis Prezidente Parlamentu Nasionál, eis Primeiru Ministru, eis membru deputadu no eis membru governu hotu hetan mos direitu regalias.

Katak, eis membru órgaun soberanu sira liuliu eis Prezidente Repúblika, eis Prezidente Parlamentu Nasionál, Eis Primeiru Ministru no eis Prezidente Tribunál Supremu iha mos direitu ba hetan tratamentu médiku espesial iha rai-liur inklui família sira (estadu mak finansia), halo viajen ba rai-liur ho família sira ho pasaporte diplomata-klase VIP (estadu mak finansia), iha direitu atu hetan uma rua (2), ida ba rezidénsia no ida ba nia private office (estadu mak finansia), inklui iha funsionáriu nain rua (2) no asesor nain ida (1) hodi halo servisu ba nia (estadu mak finansia), iha direitu ba atu hetan kareta foun ida kada tinan 5 (estadu mak finansia), halo importasaun material konstruksaun livre taxa, iha telefone fiksu rua iha uma (estadu mak finansia), livre taxa (la selu eletrisidade no bee moos).

Porta-voz MUTL, Faustino Soares, afirma, lei pensaun vitalísia ne’e hamosu realidade injustisa boot ne’ebé akontese iha povu ne’ebé sei ki’ak iha nia rain ne’ebé riku maibé grupu ida maka goza mesak.

“Ami husu Parlamentu Nasionál atu urjentimente halo alterasaun ba lei ne’e,” afirma Porta-voz Faustino iha nia intervensaun iha demostrasaun loron dahuluk, Segunda (28/09), iha iha kampu ex 744, Becora Kulau-Dili.

Demostrasaun ne’ebé sei hala’o durante loron tolu ne’e, sei kontinua ho asaun seluk bainhira Parlamentu Nasionál la ba promote tan ba sira katak bainhira maka ajenda hodi halo diskusaun ba alterasaun lei ne’e.

Faustino hatete, tuir konkordánsia ne’ebé mak MUTL halo ho autoridade siguransa, katak, asaun ne’ebé  maka hala’o iha loron tolu nia laran la hetan rezultadu pozitivu konserteja sei muda estratejia atu nune’e aumenta lian bele sai bo’ot liu tan hodi nune’e ukun nain sira bele rona.

Nia hatutan, ema hot-hotu hatene katak, demokrasia ne’e ukun nain sira tenki rona povu nia lian no asipirasaun, nune’e foin  sira bele halo lei no polítika tuir povu nia hakarak, maibé realmente povu barak mak sei kestiona  inklui ona mós ukun nain sira liu-liu Prezidenti Repúblika atuál inklui mós eis Prezidenti Josè Ramos Horta iha semana kotuk mós sira kestiona kona-ba  lei pensaun vetalísia ne’e maibé ukun nain iha PN laiha vontade para atu ko’alia.

“Ami halo ona peskija ba lei pensaun vitalísa ne’e, ami nia pesjika ne’e ami uza  metodu análisa  kausa efeitu, tanba saida mak kauza ne’e mosu no nia efeitu ne’e hanusa tanba ne’e mak ami halo analiza katak, ita haré  liu-liu iha parte aspeitu sosiál ekonomia polítika ba Timor nian ne’e kompara ba lei refere sei iha problema bo’ot,” lamenta Faustino.

Porta-voz ne’e mós husu ba Prezidente Repúblika, Taur Matan Ruak, atu haré tanba Prezidenti mós kestiona katak lei refere ladiak entaun tenki orientasaun mai hosi  leten para parte hosi  juridiku sira mós tenki haré  katak ninia fundamentu atu altera ne’e maka ida ne’ebé tenki haré  atu nune’e labele fó malisan at ida ba future Timor nian  ida ne’e mak estudante sira hakarak. (fer)

Timor Post

OPSAUN SOSIEDADE SIVIL BA KAZU TASI TIMOR

DILI - Organizasaun Naun Govermental (ONG) sira espera tribunál supremu Organizasaun Nasoens Unidas (ONU) nian bele iha nehan kondena Austrália, bainhira laiha nehan, di’ak liu estadu Timor-Leste deside hapara dezenvolvimentu greater sunrise.

“Ami nia solusaun mak ne’e, husik greater sunrise ba jerasaun futuru mak deside, ita la presiza bolu dehanterburu-buru(ansi) hodi dezenvolve sunrise, kazu iha tribunál bele la’o, tenke sukat, tanba ita kazu tolu iha tribunál no gasta ona osan lubuk ida,” afirma Peskijadór Lao Hamutuk, Juvinal Diaz ba Diáriu ne’e iha nia kna’ar fatin, Bebora, Segunda (28/9).

Sosiedade Sivíl sira ko’alia kestaun ne’e tanba governu Timor-Leste la konkorda ho pozisaun governu Austrália ne’ebé hatete katak Austrália iha direitu juridisional absoluta no eskluzivu iha Área Dezenvolvimentu Petrolíferu Konjuntu (JPDA).

Governu Timor-Leste fó ona notifikasaun kona-ba inisiasaun prosesu arbitrazen kona-ba tratadu tasi Timor. Iha notifikasaun ne’e Governu Timor-Leste la konkorda pozisaun Austrália.

Porta Voz Governu, Agio Pereira hasai deklarasaun ofisiál iha loron Kinta (24/09) liu ba hodi hatán ba polítika governu Austrália nian kona-ba tratadu iha Tasi Timor.

Peskijadór hosi Lao Hamutuk, Juvinal Diaz konkorda pozisaun estadu TL hodi lori Austrália ba tribunál arbitrazen internasionál hodi define loloos frontreira tasi entre rai rua nian.

Maibé Lao Hamutuk husu ba estadu tenke esplika tribunál ida ne’ebé TL lori ba.

“Tanba tribunál International Court of Justice nian, Austrália labele hetan legalby endingkatak bainhira  tribunál deside katak Austrália sala mós, Austrália dehan ami labele tuir, tanba Austrália la’ós  parte hosi prosesu rezolve frontreira tasi ho mandatóriu nian, entaun Timor-Leste bele lori Austrália ba tribunál maibé tribunál iha nehan karik, entaun di’ak, hodi fó presaun ba Austrália,” Peskijadór Lao Hamutuk, Juvinal Diaz informa ba Diáriu ne’e iha nia kna’ar fatin, Bebora, Segunda (28/9).

 Nia dehan, bainhira tribunál deside a favor ba TL, maibé Austrália la konkorda, entaun TL lakon rekursu lubuk.

“Tanba, ba tribunál tenke selu advogadu lubuk, tenke prepara buat barak, maibé em prinsipiu di’ak, tanba estadu Timor tenke reklama nia direitu soberania tasi nian,”tenik nia.

Tuir nia, luta ba frontreira marítima ne’e hanesan luta ida ne’ebé komplexu oitan, tanba luta ida ne’ebé lori prosesu naruk liu.

“Luta ida ne’e manan Austrália la’ós  lori ba tribunál de’it, luta atu manan labele ko’alia de’it iha mídia, maibé luta ida ne’ebé tenke hahú dezenvolve rai laran rasik,”katak nia.

Nia fó hanoin ba governu labele dependensia maka’as ba rendimentu hosi mina-rai, maibé governu tenke fornese moris di’ak ba povu hosi diversifikasaun setór importante hanesan agrikultura.

“Ha’u nia tauk mak governu gasta osan barak liu, korrupsaun maka’as liu, osan gasta arbiru de’it, mina Kitan maran ona, governu lakohi ko’alia, produsaun Bayu Undan ne’ebé menus ona, governu lakohi ko’alia. Ita nia problema rendimentu sustentável iha fundu petrolíru agora menus liu, governu la brani atu ko’alia,”dehan Peskijadór Lao Hamutuk ne’e.

Nia dehan, oras ne’e orsamentu estadu la sustentável ona. Ida ne’e mak sai problema bo’ot liu ba governu.

“Ami nia hanoin, frontreira marírima buat prinsipal ida, maibé jere finansas estadu ne’e mak prinsipal liu, tanba ho forsa ekonómiku de’it mak Timor-Leste bele avansa ba oin, polítika de’it labele,”Nia fó hanoin.

Nia dehan, bainhira Austrália la rezolve disputa frontreira tasi ho rezolusaun mandatóriu UNCLOS, solusaun mak negosiasaun bilateral.

“Ami prespektiva negosiasaun bilateral ne’e afavor liu ba Austrália du ke Timor-Leste, tanba Austrália poder ekonómiku ho polítika maka’as liu, tanba Austrália hakarak haluan tan ninia área marítima,”tenik Juvinal.

Tuir nia, nasaun Jigante Austrália bosok ten, tanba bosok rai ki’ik no kiak sira iha mundu ho malorek de’it.

“Sira nia bosok ne’e la subar, entaun ba ami nia hanoin solusaun halo negosiasaun ho Austrália duni, maibé ho dalan ida ne’ebé estratéjiku liu maka lalika uza kakutak fokus liu ba mina Timor, lalika asuntu mina ne’e bo’ot liu iha frontreira marítima, bele deskuti, maibé labele kahur ho mina-rai,”

Nia hatutan, governu tenke diversifika ona setór agrikultura (setór produtivu) hodi loke kampu servisu no hadia tan kualidade edukasaun inklui setór saúde.(vas)

Timor Post

KAPTURA BANDAR ILEGAL, PRENDE KARETA EIS SEKRETARIU ESTADU

DILI - Polísia  Nasional Timor Leste (PNTL) liuhosi Servisu Investigasaun Kriminal Nasional (SIKN), kaptura tiha ona bandar jogu SDSB ilegal inklui sidadaun Xineza nain 2, Timoroan nain 13.

Iha operasaun ne’ebé SIKN hala’o iha Domingu kalan (25/09), iha Aldeia Jembatang Besi, Suku Lahane Oriental, Postu Administrativu Nain Feto Munisípiu Dili, ne’e prende mos sasan eviéndia mak hanesan motor lima (5), kareta tolu (3) inklui kareta ida eis Sekretáriu Estadu ho inisiál RN nian no prende osan hamutuk US$ 1.770,000, no kupong mutin ne’ebé  mak sira faan.

SIKN lori kedas autór ho eviénsia hirak ne’e ba hatama iha sela hodi prosesa tuir lei, inklui Xinez nain rua ne’e uza pasaporte turista hodi hala’o atividade ilegal ne’e.

Jornalista Timor Post ne’ebé akompaña SIKN iha operasaun haktuir kronolojia katak, bainhira Polísia  sira too iha uma ne’ebé  mak hala’o  aktividade negósiu  ilegal  ne’e, sidadaun Xineza nain rua ho Timoroan 13 ne’e sura hela osan ne’ebé  mak sira nia kliente sira ba hatama, derepenti polísia tama sira halai fatin la di’ak  no kaptura sira ho evidénsia  kompletu.

Hafoin kaptura no rekolla evidénsia hotu, Komandante SIKN, Superintendenti Rudgeiro Lay,  ba Jornalista sira iha Kuartel Jerál  PNTL, Kaikoli, hatete, evidénsia  sira ne’e sei intrega  ba Ministériu  Públiku  (MP) hanesan nain ba asaun penal, no suspeitu sira ne’e sei detein hela iha sela polísia  munisípiu  Dili durante oras 72 hodi hein prosesu kontinuasaun.(way)

Timor Post

EMA DESKONECIDU BAKU MEMBRU PNTL TAMA SALA EMERJENSIA

DÍLI - Ema deskoñesidu baku membru Polísia Nasionál Timor-Leste (PNTL) Eskuadra Becora nian to’o tama iha sala emerjénsia Hospitál Nasionál Guido Valadares (ONGV) tanba hetan kanek maka’ás iha parte oin nian.

Akontesementu ne’e akontese iha área Becora, Has-Laran, Domingu (27/9) lokraik, bainhira ema deskoñesidu sira ne’e ho kareta liu-hosi área refere no soke kois Polísia na’in tolu ne’ebé maka ho motór depois Polísia hapara sira no mosu diskusaun oituan ikus mai sira baku Polísia na’in tolu ne’e no na’in ida kanek todan, lori kedas ba HNGV.

Tuir sasin ne’ebé maka lakohi públika nia naran dehan, membru polísia na’in tolu ne’e ho motór hosi Eskuadra Becora atu ba terminál maibé iha dalan hasoru kedas ema sira ne’e no tuku polísia ne’e nia oin laran hodi monu tun ba rai foti tan fatuk riba tan ba nia oin.

“Ha’u halai mai haree depois sori tiha konfrontasaun ne’e. Sé ha’u maka laiha, Polísia na’in tolu ne’e dala ruma ida bele mate,” dehan fonte ne’e ba Timor Post iha Becora, Domingu (27/9).

Iha fatin seluk, Komandante Jerál PNTL Komisiáriu Júlio da Costa Hornai dehan, nia rona ona nia membru hetan baku hosi ema deskoñesidu maibé husik ba investigasaun la’o maka foin bele hatene tanba saida maka sira baku no baku iha ne’ebé.

“Kódigu Penál maka sai medida. Ne’ebe, ita hotu iha Kódigu Penal nia okos. Sé maka komete krimi, artigu ne’ebé maka nia kontra nia pena mós iha ne’ebá kastigu. Ne’e Kódigu Penál maka haree liu ba ida ne’e,” dehan Komandante Jerál ne’e ba jornalista sira iha Kuartel UEP, Bairu-Pité, Segunda (28/9).

Nia hatutan, atu baku militár, sivíl ka polísia iha prosesu para uza hodi bele prosesa autór sira ne’ebé maka halo krimi.

Nia dehan, relatóriu seidauk tama iha nia meza, tanba ne’e nia seidauk ko’alia klaru liu ba públiku. Sei hein depois haree tiha relatóriu hosi Komandu Distritu Díli maka foin bele fó sai klaru ba públiku.

Tuir informasaun ne’ebé maka jornalista Timor Post hetan hosi membru PNTL balun iha Distritu Díli nian katak, polísia kaptura ona suspeitu na’in tolu ne’ebé maka baku  membru Polísia iha Becora nian. Suspeitu na’in tolu ne’e kaptura iha área Surikmas.(Way) 

Timor Post

HERMENEGILDO SEI KEIXA CONSELLU SUPERIOR

DILI - Eis Direitór Nasionál Polísia Sentifiku Investigasaun Kriminál (PSIK) sei keixa desizaun Konsellu Superior ba Provedoria Direitus Humanus no Justisa (PDHJ) no Tribunál Rekursu hodi buka lia-loos.

“Hanesan Timor-oan iha direitu para buka hatur justisa ne’e loloos ba kazu ida ne’ebé alegasaun hasoru ha’u dehan katak ha’u komete irregularidade graves no tau iha katak ha’u komete insubornizasaun. Entaun, ha’u mai asume hanesan direitór nasionál PSIK ho nomeasaun hosi Primeiru Ministru kintu governu nian mak ha’u mai ba periodu tinan rua, maibé ha’u asume kargu fulan ualu ha’u hetan alegasaun. Ha’u respeita despasu Primeiru Ministru atual nian maibé ha’u tenki lori kazu ida ne’e ba PDHJ ho TR”, Hermenegildo ba jornalista iha Kaikoli, Sesta, (25/9).

Nia hatutan, lori kazu ne’e ba PDHJ tuir artigu 150 konstituisaun RDTL. Tanba, PDHJ mak iha kompetensia atu dehan desizaun exnorasaun ho dehan nia komete irregularidade ne’e loos ka la’e, justu ka la’e. Depois lori ba TR hodi nune’e tuir artigu 151 konstituisaun RDTL dehan, TR mak halo obrigasaun ba informasaun desizaun legislativas ne’ebé konstituisionál ou inkonstituisionál.

“Entaun ho ida ne’e ha’u aprejenta ha’u nia kazu ba prezidenti TR no PDHJ, nune’e bele hetan prosesu ida hodi hatudu justisa ne’e loloos ba ha’u nia kazu”, eis komandante munisipiu Bobonaro ne’e dehan.

Nia esplika liu tan, kestaun atu lori kazu ne’e ba TR ho PDHJ kona-ba pareser ne’ebé mak hasai hosi konsellu superior ne’ebé mak presidi hosi ministru justisa Ivo Valente, ministru interior, ministru defeza ho prokuradór jéral ne’e ninia verdade no justu loloos ne’e iha ne’ebé.

“Tanba ida ne’e mak ha’u tenki justifika iha TR ho PDHJ, to’o oras ne’e sira seidauk esplika mai ha’u, ha’u komete irregularidade graves ne’e iha ne’ebé, presiza justifika ida ne’e labele bobar de’it no halo manobra polítika atu alkansa sira nia objetivu ne’ebé mak la-loos”, katak tan.

“Tenki justifika loloos ba sira nia bobar ne’e, tuir fali dehan insubornizasaun, ha’u hakarak esklarese iha ne’e katak labele komprende sala buat ida ne’e katak la-respeita ou la-aseita, mais iha públiku dehan ha’u la-respeita MJ ho prokuradór hanesan hirarkia ne’e la-loos deste simu responsavel nudar direitór ha’u hala’o ha’u nia servisu tuir hirarkia nein halai ses respeita nafatin autonomia administrativu finanseiru patrimonial tuir artigu 6 dehan. Maibé estratejia MJ Ivo Valente halo hodi haklot fali kompetensia autonomia PSIK nian tuir dekretu lei PSIK artigu 2 ida ne’e mak ha’u la-konkorda, stratejia ne’e mak ha’u la-konkorda no ha’u hato’o ha’u nia razaun”, Hermenegildo tenik.

Nia esplika liu tan, halo klot iha proposta lei numeru 6, MJ nian ne’e mak nia la-konkorda, hahú hosi pareser juridika lei organika MJ nian dahuluk, daruak, no datoluk ho nia ba inkontru direita ho MJ antes lori ba konsellu ministru, nia dehan ba ministru Ivo katak tenki harmonia lei rua ne’e sujere tan hodi hamosu tan artigu ida hodi ko’alia kona-ba PSIK nia kompetensia refere ba dekretu lei PSIK nian.

Nia dehan, la-konkorda stratezia ne’e buat seluk ida, no la-respeita hirarkia ne’e buat seluk ida, tanba nia la-konkorda stratejia ne’e loos tanba halo klot instituisaun nia servisu ne’e sala nia tenki la-konkorda, maibé la-respeitu tenki hatudu loloos ne’e iha ne’ebé.(way)      

Timor Post

OLANDINA SEI SAI INAN BA FUTEBOL

DILI - Olandina Caeiro ne’ebé mos hetan tomada depose ba pozisaun Prezidente Asembleia Jéral Liga Amador hatete, Liga Amador ne’ebé hamosu ona iha paiz ida ne’e husu atu ejistensia LFA labele lakon fila fali.

Olandina hatete, maske feto mesak ida iha mane nia klaran, maibé komitmentu oinsá servisu hamutuk hodi tane a’as Liga Amador ne’e, nune’e futuru ezistensia Liga ne’e labele monu ba rai.

“Ita hatene katak, uluk koko ona atu harii, maibé lakon mosu, lakon mosu, e ita hein katak Liga Amador ne’e labele lakon, Liga Amador ne’e mosu nia ba nafatin ohin”, Olandina tenik. “Ha’u fiar katak ita bo’ot sira iha strutura hamutuk hó ha’u mesak mane de’it, feto mesak mak ha’u imi nia le’et katak, ita bo’ot sira sei la-husik liga futebol Amador Timor-Leste ne’e monu ba rai”, katak tan.

Nia subliña, modalidade futebol iha paiz ida ne’e povu tomak gosta, tanba haree realidade joven no adultus sira, kuandu akompañia kopa mundial hakarak festeza.

Nune’e mak hó ezistensia Liga Amador iha nasaun ida ne’e, futuru povu tomak liu-liu joven sira tenki haklalak no festeza  iha estrada estadiu ne’ebé sei realiza jogu futebol ne’ebé organiza hosi Liga Futebol Amador Timor-Leste.

Timor Post

Austrália "desapontada" com decisão de Timor-Leste iniciar processo de arbitragem

Díli, 28 set (Lusa) - O Governo australiano manifestou-se "desapontado" pela decisão do Governo timorense de iniciar um processo de arbitragem ao abrigo do Tratado do Mar de Timor, para resolver o litígio existente entre os dois países sobre parte do documento.

Em comunicado conjunto a ministra dos Negócios Estrangeiros australiana, Julie Bishop, e o procurador-geral George Brandis, afirma que os dois países têm de procurar consultas "amigáveis" para resolver a disputa "através de diálogo em vez de ações legais".

"Esta continua a ser a postura preferida da Austrália", refere o comunicado.

Em causa está, segundo Timor-Leste, um litígio sobre a "correta interpretação do artigo 8(b) do Tratado" que, em concreto, refere que "um oleoduto cujo ponto de destino seja em Timor-Leste ficará sob a jurisdição de Timor-Leste" e "um oleoduto cujo ponto de destino seja a Austrália ficará sob a jurisdição da Austrália".

Especificamente a disputa prende-se com o gasoduto entre o campo Bayu Undan, no Mar de Timor, e a cidade australiana de Darwin.

"Sucessivos Governos australianos e timorenses têm atuado na base de que a Austrália tem jurisdição exclusiva sobre o gasoduto, incluindo para questões tributárias, algo consistente com o Tratado de Timor", refere o comunicado australiano.

"Como acordado por representantes australianos e timorenses, Timor-Leste recebeu 8 milhões de dólares anualmente da Austrália desde que o gasoduto entrou em funcionamento em 2006, em vez de Timor-Leste receber impostos sobre o gasoduto", refere.

Camberra questiona que, apesar disto e desde 2012, Timor-Leste "começou de forma retroativa a aplicar impostos a empresas que usam o gasoduto" de Bayu Undan.

"A posição de Timor-Leste nesta questão é não só inconsistente com o nosso acordo mas também enfraquece os acordos estabelecidos para os operadores no Mar de Timor. A Austrália vai defender vigorosamente estes e outros processos de arbitragem iniciados por Timor-Leste", refere o comunicado.

Na sexta-feira o Governo timorense tinha anunciado o recurso à arbitragem, argumentando que tem defendido um diálogo para resolver o impasse sobre a jurisdição, mas que os esforços "não tiveram qualquer sucesso", mantendo-se "a incapacidade das partes de discutirem o âmbito de jurisdição" na zona marítima conjunta.

"Timor-Leste considera que a única forma de resolver este litígio é submeter a questão a um Tribunal Arbitral, ao abrigo do disposto no Artigo 23 do Tratado do Mar de Timor", referiu o comunicado do Governo.

"Timor-Leste mantém-se na disposição de resolver este litígio diretamente com a Austrália. Tal resolução será possível caso a Austrália quebre o impasse, reconhecendo a existência de uma jurisdição partilhada, em conformidade com os termos do Tratado do Mar de Timor, e voltando a discutir de forma empenhada o âmbito da jurisdição de cada um dos países relativamente ao oleoduto partilhado e às atividades aí desenvolvidas", sublinhou.

Timor-Leste rejeita a posição australiana que considera que o artigo 8 lhe confere "absoluta e exclusiva jurisdição", incluindo no que toca à tributação "relativamente a toda a extensão de um oleoduto de exportação, incluindo a parte do oleoduto que se situa na Área Conjunta de Desenvolvimento Petrolífero (ACDP).

Segundo o Governo timorense, esta posição australiana "implica a negação de todos os direitos de jurisdição de Timor-Leste sobre o oleoduto e sobre as atividades aí desenvolvidas" algo que, sublinhou, "é inconsistente com a letra e o espírito do Tratado".

Para o Estado timorense, o princípio da "jurisdição partilhada faz parte do compromisso que subjaz à celebração do Tratado", documento que por si só é uma "solução temporária que permita a ambas as partes beneficiar da exploração dos recursos existentes nesta área marítima ainda em disputa".

ASP // FV.

Duas empresas apresentam-se a concurso para novo porto em Timor-Leste

Díli, 28 set (Lusa) - Duas empresas apresentaram propostas finais de candidatura ao projeto do Governo de Timor-Leste para a construção e gestão do Porto de Tibar, nos arredores de Díli, Timor-Leste, projeto orçado em 400 milhões de dólares.

Fonte do Ministério das Obras Públicas disse à Lusa que das quatro empresas que inicialmente manifestaram interesse no projeto apenas duas entregaram propostas: a francesa Bolloré Consortium e a inglesa Peninsular & Oriental Steam Navigation Company (POSNCO), subsidiária da DP World, do Dubai.

As duas propostas foram abertas na semana passada em Díli e no início de outubro deverão ser apresentadas as propostas técnicas.

Do grupo de quatro pré-qualificadas, não apresentaram propostas o consórcio entre a Mota Engil Ambiente e Serviços, Mota Engil Engenharia e Construção e a belga Besix Group e um segundo candidato, a filipina ICTSI.

"O desenvolvimento de um novo porto na Baía de Tibar é uma prioridade para a futura prosperidade económica de Timor-Leste. Será um dos maiores projetos de investimento do país com uma parte significativa investida pela empresa vencedora", explicou Joanico Gonçalves, do Ministério de Obras Públicas.

Recorde-se que o Governo timorense tinha analisado em maio o projeto de concessão para a construção e gestão do Porto de Tibar, que deverá ser desenvolvido em modelo de parceria público-privado.

O projeto prevê a construção e gestão durante 30 anos do Porto de Tibar, orçado em 400 milhões de dólares (344 milhões de euros), e inclui a construção de uma estrada entre Díli e Tibar, de um molhe, de instalações em terra, bem como sistemas de drenagem.

Segundo o executivo, o novo porto terá capacidade para um milhão de toneladas por ano e com possibilidade de receber embarcações comerciais e de passageiros.

ASP // FV.

Intercâmbio de artistas da Austrália e Timor-Leste premiado na Austrália

Díli, 28 set (Lusa) - Um projeto de intercâmbio com artistas de Timor-Leste e da Austrália foi o vencedor da 40.ª edição de um dos principais prémios de arte impressa da Austrália, o Fremantle Arts Centre Print Award.

O projeto "Elastics/Borracha/Elástico", premiado com o galardão e 16 mil dólares australianos (cerca de 10 mil euros) envolveu os artistas timorenses Maria Madeira e Victor de Sousa e as australianas Fiona MacDonald e Narelle Jubelin.

Criado em 2012 pela curadora australiana Jennifer Phipps (entretanto falecida), o projeto inspira-se no jogo infantil do elástico e pretende representar a flexibilidade da população timorense.

Inspirada em posters políticos, o projeto inclui uma coleção de imagens que retratam elementos da cultura timorense, com um desenho gráfico e cores fortes.

Para o júri o projeto representa a "resistência, resiliência e vernáculo artístico que identifica esta nova democracia, como símbolo que perdura de uma mudança social".

ASP // FV.

Empreza rua aprezenta ba konkursu ba portu foun iha Timor-Leste

Empreza rua aprezenta ona proposta ikus kandidatura nian ba projetu hosi Governu Timor-Leste nian ba konstrusaun no jestaun hosi Portu Tibar nian, iha besik Díli, Timor-Leste, projetu nebe iha folin dolár millaun 400.

Fonte hosi Ministériu Obra Públiku nian hatete ona ba Lusa katak hosi empreza haat nebe antes hatudu interese iha projetu, empreza rua de'it maka entrega ona proposta: franseza Bolloré Consortium no ingleza Peninsular & Oriental Steam Navigation Company (POSNCO), subsidiáriu hosi DP World, hosi Dubai.

Proposta rua ne'e hato'o ona iha semana liubá iha Díli no karik iha inísiu fulan-Outubru sei hato'o proposta tékniku sira.

Hosi grupu haat pré-kualifikadu no la aprezenta proposta maka konsórsiu entre Mota Engil Ambiente & Serviços, Mota Engil Engenharia & Construção no belga Besix Group no kandidatu daruak, filipinu ICTSI.

"Dezenvolvimentu hosi portu foun ida iha tasi-ibun Tibar nian hanesan prioridade ida ba prosperidade ekonómiku iha futuru Timor-Leste nian. Sei hanesan projetu boot ida ba investimentu nasaun nian ho investimentu boot ida hosi empreza vensedór", esplika hosi Joanico Gonçalves, hosi Ministériu Obras Públiku nian.

Governu timoroan analiza tiha ona iha fulan-Maiu projetu hosi konsesaun ba konstrusaun no jestaun Portu Tibar nian, nebe sei dezenvolve iha modelu hosi parseria públiku-privadu.

Projetu ne'e hanesan konstrusaun no jestaun durante tinan 30 hosi Portu Tibar nian, ho folin dolár millaun 400, no inklui konstrusaun ba estrada ida entre Díli ho Tibar, kais ki'ik ida, ho instalasaun sira iha rai, nune'e mós sistema sira drenajen nian.

Tuir ezekutivu, portu foun sei iha kapasidade ba tonelada millaun ida tinan-tinan no ho posibilidade hodi simu embarkasaun komersiál no pasajeiru sira nian.

SAPO TL ho Lusa – Foto: Tasi-ibun Areia Branca, Timor-Leste, 25 fulan-Jullu 2014. EPA@ Paulo Novais

Lei Ba Ema Hotu, MP Prontu Investiga Eis PM Xanana

DILI - Depois Ministeriu Publiku halo analizasaun no posibilidade halo rekursu ba desizaun arguidu Calisto Gonzaga, kuandu lei autoriza MP prontu investiga eis Primeiru Ministru Xanana Gusmao. Ema hotu hanesan iha lei nia okos.

Tuir Prokurador Geral Republika, Jose Ximenes hatete, depois desizaun tribunal MP sei sei analisa no hare posibilidade atu halo rekursu. Investigasaun kriminal nee ba kada ministeriu idak-idak nian, laos halo ba ida ou rua deit. MP la simu autorizasaun husi neebe deit hodi halo investigasaun, maibe MP so atua hodi halo deit investigasaun. Neebe investigasaun nee segredu justisa nian.

Hau lee jornal dehan tribunal autoriza MP atu investiga eis PM Xanana. Bainhira iha julgamentu, nee kompetensia tribunal nian tomak MP sei la halo intervensaun. Investigasaun kriminal nee ba kada ministeriu idak-idak nian, neebe MP sei la simu autorizasaun husi neebe deit hodi halo investigasaun. Maibe MP so atua hodi halo investigasaun i nee segredu justisa nian. Ami labele fo hatene fali agenda investigasaun neeba publiku, selae bele hatene ami nia segredu,”dehan Jose ba jornalista iha Palasio Presidenti da Republika Aitarak Laran, Segunda (28/09/2015).

Nia hatutan, iha prosesu rihun 2700 resin mak iha MP atu halo investigasaun. Entaun kazu neebe mak tama iha MP tenke investiga hanesan deit, labele haree liu ba kazu ida nee ou ida neeba. Kuandu hanesan nee ema komesa halo interpretasaun ba servisu MP nian. Neebe hein deit prosesu nee sei lao, tanba ema hotu iha lei nia oin nee hanesan deit.

Antes nee depois desizaun juis Jose Maria de Araujo hatete tribunal extraia ona sertidaun ba iha ministeriu publiku para loke investigasaun ba sasin Xanana Gusmao. Neebe antes nee mos tribunal extraia ba iha MP hodi halo investigasaun ba sasin Longuinhos Monteiro bainhira sei assume kargu Comandante PNTL nian. Informasaun kompletu iha ST Jornal no STL Web edisaun Tersa, (29/9/2015). Domaingas Gomes/Timotio Gusmao

Suara Timor Lorosae

Labarik Timor Oan Lakon Tempu Funu, 20 Resin Sei Fila Tinan oin

DILI - Timor oan nebe lakon durante tempu funu, kuandu nain 20 resin sei fila iha tinan oin tamba servisu hamutuk entre Provedor Diretus Humanus no Justisa (PDHJ) no Komnas Ham Indonesia, inkliu soseidade sivil maibe depende ba orsamentu husi governu.

Tuir Provedor Diretus Humanus no Justisa PDHJ Silveiro Pinto Batista katak buka tuir Timor oan nebe lakon iha tempu Funu iha fulan Maiu 2015, koperasaun PDHJ ho komnas ham no sosiedade sivil iha Timor Leste hamutuk ho sosiedade sivil Indonesia konsege lori fila ona nain 15.

Ami kalkulu atu lori fali Timor oan nebe lakon iha tempu funu, tinan oin entre 20-25 maibe depende mos orsamentu tamba PDHJ ninia orsamentu ami la tau to,” dehan Silveiro ba STL Segunda (28/09/2015) iha Palasiu Prezidensial Nicolao Lobato.

Nia hatete oras nee foka liu ba sira nebe mak durante sai husi Timor seidauk fila fali too timor ukun Aan, sira seidauk fila ida nee mak Timor Leste fokus atu nune sira bele reunifika sira ho sira nia familia.

Iha fatin ketak Komonidade suku Bairo Pite Antonio dos Santos hatete servisu nebe mak PDHJ no KOMNAS HAM Indonesia halao diak, tamba bele buka tuir fali labarik timor oan sira nebe mak lakon iha tempu funu. Informasaun kompletu iha ST Jornal no STL Web edisaun Tersa, (29/9/2015). Timotio Gusmao/Domingas Gomes

Suara Timor Lorosae

Novembru, MP Aumenta Tan Ema 11, Jose: Ami Prontu Husik Vicenti ba PSIK

DILI - Prokurador Geral Republika prontu husik Vicenti Brito hodi assume kargu foun neebe mak governu rekomenda, no konselho superior Polisia Sientifiku Investigasaun Kriminal (PSIK) rasik mak husu kuadru husi Ministeriu Publiku nian.

Tuir Prokurador Geral Republika Jose Ximenes hatete, bainhira konselho superior PSIK nian  halo Enkontru iha loron 9 Setemebru liu ba sira husu ba PGR karik iha kuadru MP balun hodi bele assume kargu PSIK nian para promove servisu investigasaun nian  hodi nunee ema bele komprende diak servisu ida nee. Nunee konselhu superior MP nian mos konkorda atu prokurador Vicenti atu assume kargu PSIK nian. Tanba iha loron 11 fulan Novembru mai nee ema nain 11 mak sei tama tan neebe nee la destaka servisu MP nian.

Bainhira sira husu hau nia ideia desde inisio bainhira estabelese PSIK nee, hau fo hau nia ema  ida nee. Tanba hau hatene nia no konese diak ninia kapasidade. Iha neeba kedas sira husu mai hau, hau fo kuadru nee ba sira katak ami nia ema mak nee deit, seluk laiha ona. Neebe momentu neeba tanba MP laiha ema, entaun  governo ida uluk nomeia ida  be sai ona nee. Agora mak governu ida nee nomeia fali ami nia kuadru neebe antes nee hau aprejenta tiha ona,” dehan nia ba jornalista iha Palasio Presidenti Republika Aitarak Laran, Segunda (28/09/2015).

Nia hatutan, iha Enkontru neeba mak konselhu superior PSIK husu ba PGR atu fo kuadru ida hodi assume kargu nee. Neebe PGR mos fo kuadru nee no lori mai iha konselho superior MP nia. Iha nee konselhu MP nian mos ratifika no hakarak kuadru ida neemak ba tur iha PSIK hodi bele ajuda servisu investigasaun nian.

Iha fatin hanesan, Provedor Direitu Humanu no Justisa  Silverio Pinto hatete, kona ba kazu Komandante Hermenegildo neebe hatoo  keixa ba iha PDHJ. Tuir nia ema hotu iha oportunidade atu aprejenta keixa bainhira la satisfas ho desaizaun balun neebe mak sira hasoru. Iha ida nee tempu badak sei halo inkontru hodi hare investigasaun  ba kazu nee, neebe Komandante Hermenegildo aprejenta ona nia dokumentus mai iha PDHJ. Informasaun kompletu iha ST Jornal no STL Web edisaun Tersa, (29/9/2015). Domingas Gomes/Timotio Gusmao

Suara Timor Lorosae

Taur fo Pose Adjunta PJR, Zelia: Timor Oan Tenki Korazen Hamos Krime Korupsaun

DILI - Timor oan hotu tenki iha korazen boot hodi hamos krime korupsaun iha rai laran, tamba krime nee iha perigu boot ba kauza social ba dezemvolvimentu nasaun nian.

Liu husi Diskursu hafoin Simu posse husi Prezidente Republika Taur Matan Ruak, hodi kontinua asimu knar hanesan Adjunta Prokurador, Zelia Trindade hatete Timor Leste iha Krime ekonomiku finansieira nomeadamente korupsaun, abuju poder, pekulatu partisipasaun ekonomiku Negosiu brankamentu kapitais, fraude Fiskal oras nee Aumenta.

Ita tenki iha korazen hodi hamos ita nia rai doben timor Leste no ita nia sosiedade Timor husi Iis dois korupsaun, tamba Korupsaun no krime ekonomiku finsiera perigu boot no kauza danu social neebe provoka merese fo atensaun especial,” dehan Zelia Segunda (28/09/2015) iha Salaun Republika Popular China, Palasiu Prezidensia Republika.

Zelia mos sita Liafuan Papa Francisco I katak Korupsaun iis dois no Sosiedade koruptu nia is Dois kristaun neebe husi korupsaun tama iha nia laos kristaun tamba iss dois, tan nee hein katak Timor oan mos iha Korezen atu hamos Sosiedade husi korupsaun.

Iha fatin hanesan Prezidente Republika Taur Matan Ruak hatete Zelia Trindade ema ida neebe mak iha esperensia diak hodi bele desempeina funsaun nee hahu husi inisiu too iha Ministeriu Publiku. Informasaun kompletu iha ST Jornal no STL Web edisaun Tersa, (29/9/2015). Timotio Gusmao/Domingas Gomes

Suara Timor Lorosae