AS PONTA LESTE OHO TAIBESI HO GOLU BONITU

DILI - Ekipa futebol AS Ponta Leste konkista rezultadu diak iha primeiru jogu tasa 12 Novembru 2016. Sira hakat ba faze tuir mai hafoin tebe sai FC Portu Taibesi iha Kinta (18/08).

Jogu ne’ebé halao iha Estadium Munisipal Dili ne’e derije hosi árbitu senior Zelazio da Silva Juiz da linha 1 Filomeno da Silva Juíz da linha 2, Elisio Lopes.

Ekipa vensedór ne’ebé jére hosi Eduardo Pereira desde inísiu jogu ninia ekipa la hatudu joguextremeka halo presaun no ameasa. Situasaun hanesan akontese mós ba ekipa ne’ebé derije hosi PedroBaiasade Almeida.

FC Portu Tun ho formatu 4-4-2 ladun halo atakes ameasadu ba adversariu Ponta Leste ne’ebé mai ho formatu 3-4-3. Ekipa rua foti inisiativa hadau bola no kontrola bola barak liu.

Purvolta minutu 26, eru hosi defeza Portu Tabesi José  Gomes ho Julio Quintão ne’ebé hetan ona bola devia hasai ba liur maibe sira nain rua hateke malu, loke oprtunidade ba jogador adversáriu nain tolu iha grande area laran no konsege hadau hodi suta no bola muta sai mai liur hasoru kedas Sota Tokonaga.

Jogador Japones ne’e lansa suta ho maka’as la konsege salva hosi Aderito Fernandes no resulta golu dahuluk hosi jogu ne’e.  to arbitu lian ba tempu deskansa golu ida ne’e nudar úniku golu ne’ebé taka primeira parte Portu Taibesi 0 no 1 ba AS Ponta Leste.

Kontinua ba segunda parte, Jogador Japonés ne’e maske pozisaun avansadu, barak liu halao funsaun iha mediu hodi loke bol. Nia kontinua hamosu surpreza liu hosi bola kruza, nia ofrese tan segundu golu.

Lapara det iha ne’e; AS Ponta Leste maske hetan presaun hosi Portu Taibesi liu hosi kontra atakes sira, maibe sira mantein kontrola bola ho diak, nune’e iha minute 89, jogador FC portu komete erru no ofrese bola falta.  Adelino Coelho ne’ebé hetan fiar hodi halo ezekusaun konsege marka tan golu surpreza.

Bola ne’ebé Adelino suta hosi distansia metro 60 ne’e foti direita ba rede. Tanba pozisaun guarda rede iha liman karuk konsege halai no tuda an ba liman loos, lasalva no bola borus ba rede.  Golu ikus ne’e maka taka Vitoria AS Ponta Leste ba FC portu ho resultadu 3-0.

Iha intrervista ba mídia nasional sira, treinador Ponta Leste sente satisfeitu ho rezultadu ne’e, “Rezultadu  ne’e mai duni hosi ami nia preparasaun hafoin liga ne’e remata,” tenik Edu.

“Jogu ne’e, la fasil ami ganha,” espresa melhor treinador Liga Amadora époka 2015/2016 ne’e.

Nia rekuñese  ekipa FC Portu hatun ekipa ke la maioria, Ninia ekipa monu iha meiu tempu primiera parte, nia kontinua orienta atu jogador hotu diak liu hein no hadau i kontrola iha oprtunidade maka foin lansa kontra atakes.

Ekipa AS Ponta Leste- 1 Aderito Fernandes, 5 Adelino Ceolho, 15 Ezequel Fernandes 21 Agostinho da Silva, 4 Candido Oliveira, 17 Jorge Alves, 11 Lorenco Ximenes, 7 Ahmad Alixan,12 João Paulinho, 10 Ricardo Maia Souza no 9 Sota Tokonaga. Supliente- 22 Paulino Noronha, 2 Moises Amorin, 24 Felipe Leite, 8 Nidio Neto, 14 Camilo Boavida, 23 Marcelino Gusmao no 19 Duarte Gusmao. Treinador Eduardo Pereira.

Ekipa FC Portu Taibesi-1 Marcos Guterres, 27 Julio Quitão, 13 Jose Gomes, 6 Anguiso Barbosa, 66 Octavianus Mesquita, 8 Eusebio Almeida, 15 Armindo Almeida, 11 Domingos da Silva, 7 Marcelino Guterres, 90 Miguel Barbosa, 44 Cristiano Barbosa.Supliente-20 Lourenco T Guterres, 9 Miro valdo Bento, 18 Claudio Araujo, 3 Feliciano Tilman, 33 João Pereira, 28 Salvador Carlos, no 4 Jose da Silva.(ato)

Timor Post