Konferensia Autor Falintil, Rogero Konta Hikas Istoria Falintil Ba Jerasaun Foun

DILI - Iha konfrensia autor Falintil nee, fundador Falintil sira konta hikas istoria Falintil, ba jerasaun foun sira hodi hatutan istoria nee ba futuru.

Iha konferensia autor Falintil nee loke husi Xefi Estadu Maior Falur Rate Laek e modera husi Ministru Estadu Koordenador Assunto Sosiais e Ministru Eduksaun Antonio da Concencão. Partisipa iha konfrensia Autor Falintil nee mai husi membru Governu, membru Parlamentu Nasional, Forsa Defeza Timoe Leste (F-FDTL), Komandante Jeral PNTL Komisariu Julio Hornai, veteranus, feto faluk oan kiak, Estudante Universitariu, inklui husi nasaun CPLP balun.

Iha Konfernsia autor Falintil nee tuir Fundador Falintil Rogero Tiago Lobato katak nia sei buka atu konta buat neebe akuntese iha 40 anus nia laran, tamba nee nia koalia tuir buat neebe faktus ou realidade neebe akontese, laos atu hatun partidu ida nee ou partidu ida neeba, maibe mai iha nee atu konta buat nebe mai husi memoria Timor oan hotu.

Hanesan Xefi Estadu Maior dehan ita bele hare ba kotuk buat diak nebe ita halao, buat ladia mos ita halao hau hakarak dehan ba maluk sira hotu iha nee katak Fundasaun Forsa Armada Timor nia FALINTIL, nee prosesu ida koletivu. Tamba Komite Sentral Fretilin nia bainhira halao proklamasaun insurisaun jeral armada, iha 15 de Agusto, iha loron nee Comite Central Fretilin funda FALINTIL, iha loron nee kedas CCF nomeia primeiru elementus komadante FALINTIL nia, balun sei morias balun agora la iha tamba mate ba rai ida nee,” hateten Rogero, liu husi konfrensia Autor Falintil, iha CCD, eis Merkadu Lama, Dili, Kuarta (19/08/2015).

Nia hatutan bainhira CCF proklama insurisaun jeral armada, nee katak iha momentu neeba prosesu negosasaun atu halao, maibe nunka akontese entre Fretilin ho UDT prosesu nee mate ona, mate ona tamba saida, CCF rasik hare katak malale sira iha momentu nee hanesan akuntese kolonial sira nia jogu la mos.

Nune mos Xefi Estadu Maior Falur Rate Laek hateten iha konfrensia nee laos atu debate konaba prosesu nee hodi hetan solusaun, maibe iha konfrensia nee atu konta istoria hodi hanoin hikas loron FALINTIL nia no materestu sira bele hasoru malu hodi kuinese malu diak liu, laos atu buka soulsaun. Informasaun kompletu iha STL Jornal no STL Web, edisaun Kinta (20/8/2015). Joao Anibal/ Thomas Sanches

Suara Timor Lorosae