Líder
istóriku timoroan Xanana Gusmão ohin simu kondekorasaun ho títulu Orden
Gerilla, "na nia lideransa inesedível iha luta ba libertasaun
nasionál", iha serimónia aniversáriu Falintil nian ba dala 40.
Xanana
Gusmão simu kondekorasaun hosi Prezidente Repúblika, Taur Matan Ruak, ne’ebé
prezidi serimónia sira ohin nian ne’ebé hala’o iha Tasi-tolu, Iha Dili parte
oeste.
"Ba nia ezemplu, iha momentu-xave ita-nia istória, no ba kapasidade lideransa, Xanana Gusmão hanesan aman fundadór loloos Timor-Leste nian", tenik Taur Matan Ruak iha diskursu ofisiál komemorasaun nian.
"Nia vizaun – molok no hafoin Independénsia - iha baze polítika rekonsiliasaun, dame no estabilidade ne’ebé ita-nia nasaun no ita-nia povu halo tuir no implementa ho determinasaun boot no ho fuan nakloke", nia afirma.
Xanana Gusmão, ne’ebé uluk rekuza bebeik atu simu kondekorasaun, hanesan mós líder istóriku ida ne’ebé halibur iha Tasi-tolu hodi rekorda kriasaun Falintil, Forças Armadas de Libertação de Timor-Leste, iha tinan 1975.
Kria hanesan liman ka’er kilat Fretilin nian (Frente Revolucionária do Timor-Leste Independente), no sai apartidária iha tinan 1987, hanesan mós pilár esensiál rezisténsia nian ba okupasaun indonézia.
"Tinan 40 Falintil nian hanesan momentu loloos hodi fó omenajen ba líder másimu Rezisténsia no fundadór Timor-Leste independente nian, Kay Rala Xanana Gusmão, no hatudu rekoñesimentu nasaun nian ba nia ", nia afirma.
Taur Matan Ruak aproveita nia diskursu hodi hanoin hikas erói Falintil nian barak no luta ba libertasaun Timor-Leste nian, entre sira ne’e maka "saudozu proklamadór" independénsia nian, Xavier do Amaral no primeiru komandante Falintil sira-nian, Nicolau Lobato.
"Ha’u nia hakuak ba partisipante sira hotu iha Frente Armada, iha Frente Klandestina no iha Frente Diplomátika. Imi-nia korajen no servisu hamutuk maka bele lori Nasaun ba vitória no asegura sobrevivénsia ita-nia komunidade nian, kultura no tradisaun", tenik xefe Estadu.
"Sira barak sei kontinua servisu hodi reforsa Timor-Leste", nia hatete no refere ba José Ramos-Horta, Mari Alkatiri no Francisco Lu-O'lo.
Espesialmente hahi referénsia sira ba "erói no mártir barak" ne’ebé lakon sira-nia moris iha luta ba independénsia, entre sira ne’e Ma'hudu, Nino Konis Santana, David Alex Daitula no Ular no sira seluk, no sira ne’ebé sei moris, Lere Anan Timur, Ma'hunu, Sabika, Aluk Descartes, Falur Rate Laek, Trix, Maunana, Maubuti, Maukalo " ne’ebé servisu hodi defende soberania nasionál no estabilidade".
Xefe Estadu relembra mós papel "desizivu" "erói deskoñesidu" sira-nian, militár no sivil " ne’ebé mate ba liberdade Rai doben Timor nian", inklui membru sira "ne’ebé mate tanba violenta ofensiva kontra baze apoiu no kombate ne’ebé ran-fakar sira seluk, durante tinan 80 no 90" iha dékada liu bá.
"Ézitu Falintil sira-nian tanba ema hotu. Família timoroan hotu halo sakrifísiu.
Kuaze hothotu lakon ema ne’ebé sira hadomi. Kuaze timoroan hotu hasoru perigu no ajuda halo istória ne’ebé lori ita ba Restaurasaun Independénsia", nia hatete.
"Servisu iha nonook nia laran hosi éroi rihun ba rihun deskoñesidu, unidade ho líder sira, ne’ebé ajuda hodi konkista vitória Falintil sira-nian no Nasaun nian", nia afirma.
SAPO TL ho Lusa
"Ba nia ezemplu, iha momentu-xave ita-nia istória, no ba kapasidade lideransa, Xanana Gusmão hanesan aman fundadór loloos Timor-Leste nian", tenik Taur Matan Ruak iha diskursu ofisiál komemorasaun nian.
"Nia vizaun – molok no hafoin Independénsia - iha baze polítika rekonsiliasaun, dame no estabilidade ne’ebé ita-nia nasaun no ita-nia povu halo tuir no implementa ho determinasaun boot no ho fuan nakloke", nia afirma.
Xanana Gusmão, ne’ebé uluk rekuza bebeik atu simu kondekorasaun, hanesan mós líder istóriku ida ne’ebé halibur iha Tasi-tolu hodi rekorda kriasaun Falintil, Forças Armadas de Libertação de Timor-Leste, iha tinan 1975.
Kria hanesan liman ka’er kilat Fretilin nian (Frente Revolucionária do Timor-Leste Independente), no sai apartidária iha tinan 1987, hanesan mós pilár esensiál rezisténsia nian ba okupasaun indonézia.
"Tinan 40 Falintil nian hanesan momentu loloos hodi fó omenajen ba líder másimu Rezisténsia no fundadór Timor-Leste independente nian, Kay Rala Xanana Gusmão, no hatudu rekoñesimentu nasaun nian ba nia ", nia afirma.
Taur Matan Ruak aproveita nia diskursu hodi hanoin hikas erói Falintil nian barak no luta ba libertasaun Timor-Leste nian, entre sira ne’e maka "saudozu proklamadór" independénsia nian, Xavier do Amaral no primeiru komandante Falintil sira-nian, Nicolau Lobato.
"Ha’u nia hakuak ba partisipante sira hotu iha Frente Armada, iha Frente Klandestina no iha Frente Diplomátika. Imi-nia korajen no servisu hamutuk maka bele lori Nasaun ba vitória no asegura sobrevivénsia ita-nia komunidade nian, kultura no tradisaun", tenik xefe Estadu.
"Sira barak sei kontinua servisu hodi reforsa Timor-Leste", nia hatete no refere ba José Ramos-Horta, Mari Alkatiri no Francisco Lu-O'lo.
Espesialmente hahi referénsia sira ba "erói no mártir barak" ne’ebé lakon sira-nia moris iha luta ba independénsia, entre sira ne’e Ma'hudu, Nino Konis Santana, David Alex Daitula no Ular no sira seluk, no sira ne’ebé sei moris, Lere Anan Timur, Ma'hunu, Sabika, Aluk Descartes, Falur Rate Laek, Trix, Maunana, Maubuti, Maukalo " ne’ebé servisu hodi defende soberania nasionál no estabilidade".
Xefe Estadu relembra mós papel "desizivu" "erói deskoñesidu" sira-nian, militár no sivil " ne’ebé mate ba liberdade Rai doben Timor nian", inklui membru sira "ne’ebé mate tanba violenta ofensiva kontra baze apoiu no kombate ne’ebé ran-fakar sira seluk, durante tinan 80 no 90" iha dékada liu bá.
"Ézitu Falintil sira-nian tanba ema hotu. Família timoroan hotu halo sakrifísiu.
Kuaze hothotu lakon ema ne’ebé sira hadomi. Kuaze timoroan hotu hasoru perigu no ajuda halo istória ne’ebé lori ita ba Restaurasaun Independénsia", nia hatete.
"Servisu iha nonook nia laran hosi éroi rihun ba rihun deskoñesidu, unidade ho líder sira, ne’ebé ajuda hodi konkista vitória Falintil sira-nian no Nasaun nian", nia afirma.
SAPO TL ho Lusa
Sem comentários:
Enviar um comentário