DILI, (TATOLI) - Estrutura
Académica FC ofisialmente kontratu ona jogadór estranjeiru hosi Papua,
Indonézia, atu bele haforsa ekipa refere iha jogu Liga Futeból Amadora (LFA)
époka 2018, 3 Marsu.
Tuir informasaun ne’ebé Ajénsia
Tatoli asesu hosi Mídia LFA iha tersa ne’e katak Prezidente Académica FC, Gil
da Conceição reprezenta estrutura klube hodi kontrata jogadór Papua na’in rua
iha Bali, Indonézia, sábadu (10/2).
Jogadór na’in rua ne’e maka
hanesan Mario Aibekob (27) no Y. Antonius Tan (23), no iha biban ne’e
jogadór rua ofisialmente uza farda Académica FC hodi hamutuk ho Académica
ho durasaun tinan ida.
Orsamentu ne’ebé maka ekipa
istimadu hosi Universidade Nasionál Timor Lorosa’e (UNTL) hasai ba jogadór
na’in rua ho durasaun tinan ida ne’e kuaze Rp 400- 500 Juta/tinan ka $37 mil.
Eis jogadór PSBS Biak ho Yahukimo
FC, sei aranka mai Dili iha tempu badak hodi hala’o treinu iha klube FC
Académica.
Prezidente Klube Académica FC,
Gil da Conceição hateten razaun hili jogadór hosi Papua ne’e tanba jogadór hosi
rai ne’e maioria iha karekterístika hanesan ho populasaun Timor-Leste iha
aspeitu oin-oin inklui futeból.
“Ha’u haree jogadór barak hosi
Papua maka joga ba ekipa Persipura, nomós klube boot iha Indonézia ne’ebé ho
karáter úniku,” nia haktuir.
Prezidente Académica FC ne’e fiar
katak ho prezensa jogadór estranjeiru rua ne’e bele aumenta liu-tan espíritu
jogu ba jogadór nasionál sira nomós bele harame ka foti naran Liga Timor ba
mundu internasionál.
Jornalista: Xisto Freitas | Editór:
Manuel Pinto
Imajen: Jogadór Papua na’in rua
(imajen liman karuk no liman loos) hamutuk ho Prezidente Académica FC, Gil da
Conceição (klaran) hafoin asina kontratu iha Bali. Imajen Mídia LFA.
Sem comentários:
Enviar um comentário