MAUK MORUK NIA MATE ISIN IHA MORTUARIU HNGV

DILI - Paulino Gama Alias Mauk Moruk nudar Lider ba Konselu revolusaun Maubere ninia Mate isin oras nee iha Hospital Nasional HNGV Dili, evakua kedas hosi Venilale ho Helikopteru, Hafoin akontese tiru malu ho autoridade seguransa iha Postu administrativu Venilale.

Rona Mauk Moruk nia Mate, Autoridade seguransa halo kontrolo maka’as iha sidadde Dili, no akontese tuda dala tolu hosi ema deskoinhesidu iha aredores HNGV, Miabe atua kedas hosi Polisia Militar ho task Froce ba netraliza kedas fatin ne’e no agora kalma ona.  

Paulino Gama alias Mauk Moruk ninia Mate isin to iha Dili, iha tuku hitu kalan, evakua hosi Venilale ho helikopteru iha oras hanesan to kedas iha Aeroprotu nicolao Lobato no evakua kedas ba HNGV.

Ohin, Sabdu (8/08) mais menus tuku 16.00 otl, mosu atentadu entre grupu MM ho EOC iha area Watu Saha Loi, Aldeia Uai Talibu, suku Uatu Haco, Posto Venilale, Munisipiu Baucau. iha atentadu ne'e EOC hamate MM ho nia membru nai'n 3, entertantu MM nia membru ne’ebe sei moris no subar oras ne'e EOC kontinua serka atu kaptura.

Antes ne’e, Administrador Sub-Distritu Venelale Júlio Tome fó sasin, atentadu Mauk Moruk iha Postu Venilale, tuir fó sasin sira katak, iha atentadu Kinta (06/08) deskonfia lider Konsellu Revolusaun Maubere (KRM) Mauk Moruk hetan kanek.

“Tarjetu forsa nian iha atentadu ne’e maka Mauk Moruk de’it, no tuir sasin sira haree iha fatin akontesementu katak, konsege tiru kona Mauk Moruk to’o monu, depois maka Mauk hamri’ik fali hodi kontinua tiru no halai,” Administrador Júlio Tome haktuir ba Timor Post, via telephone, Sesta (7/08).

Tuir Administrador posto Venilale, Júlio Tome da Silva katak, iha atentadu ne’e, komunidade sira ne’ebé hamutuk ho forsa halo invuskada ba Mauk Moruk ne’e haree kedas forsa estadu nian konsege hakanek Mauk Moruk.

Maibé, hafoin atentadu, komunidade sira la preokupa ona atu buka tuir Mauk Moruk, maibé sira buka atu salva uluk maka forsa na’in rua ne’ebé kanek ne’e.

No lakonsege la’o tuir Mauk Moruk sira nia ain fatin atu haree ran. No ohin (Sesta-red) maka forsa hamutuk ho komunidade sira la’o tuir fatin hetan duni ran fakar tutuir dalan iha area Wai Su’uli nian, ne’e Mauk nia ran, tanba iha momentu atentadu ne’e tarjetu forsa nian maka Mauk, no konsege monu, no ida ne’e posibilidade Mauk nia ran,” administradór Júlio dehan tuir.

Timor Post