Aeroportu Oecusse Gasta 78.5 Milliaun

DILI – Governu Timor Leste iha ona planu sei halo Aeroportu Internasional ida iha Oecusse, no Aeroportu nee rasik sei gasta osan hamutuk 78.5 Milliaun.

Informasaun nee fo sai hosi Vise Ministru Ministeriu Obras Publik (MOP), Inacio Moreira ba jornalista sira iha salaun enkontru Tower-Fatuhada Tersa (10/11).

Aeroportu Oecusse hahu kontsrui ona iha tinan ida nee no orsamentu nee multi annual no osan gasta ba Aeroprtu nee hamutuk 78.5 Milliaun no persija halo Aeroportu ida neebe mak kompletu ho fasilitas oin-oin”, hatete Inacio Moreira.

Tuir planu tempo ba konstruksaun Aeroportu Oecusse sei remata iha tinan 2016 no kompania neebe mak sei kaer konstruksaun Aeroportu nee naran WIKA. Konaba Aeroportu Internasional Nicolao Lobato Dili Inacio hatete nee tama planu neebe mak perioridade tanba oras nee daduan sei halo hela diskusaun ba orsamentu jeral tinan 2016.

Iha fatin hanesan Vise Minsitru Finansas, Helder Lopes, mos hatete katak ba tinan oin governu propoin hodi aloka osan ba Zona Espesial Ekonomia Sosial Merkado (ZEESM) hamutuk 217 Milliaun. Informasaun kompletu iha STL Jornal no STL Web, edisaun Kuarta (11/11/2015). Thomas Sanches

Suara Timor Lorosae