Israelita “labele halo buat ida” ba direitu estadu palestinianu nian – Ramos Horta

Eis-Prezidente Timor-Leste, José Ramos Horta horisehik dehan kona-ba eis-Prezidente Israel Shimon Peres ne’ebé hanesan patriota ida katak “laiha ida maka bele ka hatene halo” kona-ba direitu povu palestinianu nian, ba Estadu soberanu ida. 

“Shimon Peres hanesan Estadista bot ida, moderadu, ema dame nian, maibé hosi buat hirak ne’e hotu, nia nu’udar patriota Israelita no diskuti kona-ba sobrevivénsia hosi Estadu ebraiku nian”, hakerek Ramos Horta, iha resposta ida ne’ebé haruka ba Lusa, liu hosi koreiu eletrónika.

Tuir Nobel da Paz, Shimon Peres "laiha ida maka bele no hatene halo hodi avansa ho direitu naturál, direitu inalienável hosi Povu Palestina nian ba Estadu palestinu ida ne’ebé soberanu, hanesan ho Israel".

Eis-Prezidente Israel nomós Nobel da Paz Shimon Peres mate ona horisehik, iha besik tuku 03:00, oras lokál.

Shimon Peres sofre ‘stroke’ (AVC) iha 13-setembru no hahú hosi kedas ne’ebá, nia bá baixa ona iha ospitál.

Peres hanesan jerasaun ikus hosi "nasaun fundadór” Israel nian sira no hanesan mos artezaun importante hosi akordu Oslo nian sira, ne’ebé asina ho palestinianu iha 1993, hodi ikus mai atribui Nobel da Paz ba nian, iha 1994.

Shimon Peres asumi kuaze kargu polítika importante hothotu iha Israel – ministru ba pasta oioin hosi parte Governu, primeiru ministru interinu, primeiru ministru nomós Prezidente (2007-2014).

SAPO TL ho Lusa 

Funerál sei hala’o sesta-feira ne’e iha Jerusalém

Eis-prezidente israelita Shimon Peres, ne’ebé mate iha ohin ho tinan 93, sei hakoi  sesta-feira ne’e iha sesaun rezervadu ba "Boot  Nasaun nian" iha semitériu Monte Herzl, Jerusalém, ho serimónia Estadu, informa rádiu públika.

Komisaun governamentál Símbolu no Protokolu hosi Estadu, ne’ebé sei deside organizasaun funsaun serimónia nian, parte inportante maka  konfirmasaun prezensa líder internasionál, prevé ona atu reune ohin dader, tuir  emissora ne’e.

Komisaun ne’e realiza reuniaun oioin iha semana rua   ikus ne’e, dezde antigu Prezidente israelita no Nobel da Paz tama ospiál tamba asidente vaskular serebral, tuir fonte hanesan.

Shimon Peres mate ohin, ho tinan 93, iha ospitál, ne’ebé maka ninia isin sei rai iha ne’ebá to’o kinta-feira, to’o  tempu ne’ebé muda mate-isin ba Jerusalém, liu hosi aldeia Benshemen, ne’ebé nia  estuda, hosi dalan entre ospitál no sidade santa, haktuir rádiu públika israelita.

Ahi  protokolu ofisiál, sei akompña hoveíkulu militar, ne’ebé hetan eskoltu hosi soldadu sira, to’o Jerusalém, sei rai iha Parlamentu (Kneset) to’o lori ba hakoi iha semitériu Monte Herzl (ho naran fundadór sionizmu Theodor Herzl),  inklui dirijente sira seluk hanesan Isaac Rabin, hetan oho 1995.

Peres hanesan  sobrevivente ikus ho jerasaun "aman fundadór"  hosi Israel no okupa kuaze kargu polítiku importante hotu iha Israel: kaer ministru iha governu barak, primeiru-ministru interinu, primeiru-ministru no Prezidente (2007-2014).

Iha 1994, hetan rekoñesimentu ho  prémiu Nobel da Paz, hamutuk ho primeiru-ministru israelita, Isaac Rabin no  líder palestinianu Yasser Arafat, ba iha papel iha negosiasaun akordu Oslo nian, ne’ebé assina iha 1993.

SAPO TL ho Lusa