Organizasaun
Mundial Saúde nian (OMS) konsidera ona, iha loron-segunda ne'e,
"posibilidade maka'as" atu vírus Zika daet iha Ázia-Pasífiku, tanba
kazu atus resin hetan ona iha Singapura no konfirma ona kazu rua hosi kosok-oan
sira ho mikrosefalia iha Tailándia.
Vírus
ne'e hetan ona iha nasaun 73 no pelumenus nasaun 19 pertense ba rejiaun
Ázia-Pasífiku, hatete hosi Li Ailan, diretór rejionál ba Seguransa Saúde no
Emerjénsia hosi OMS.
Relatóriu
ida hosi OMS ne'ebé fó sai durante reuniaun rejional anual iha Manila konsidera
ona "posibilidade maka'as" atu vírus ne'e "hahú daet iha rejiaun"
ne'ebé inklui Xina, Japaun, Austrália, nasaun sira hosi sudeste Ázia nian no
illa sira iha Pasífiku.
Diretora
OMS nian, Margaret Chan, indika ona katak dirijente sira hosi rejiaun hatudu
sira nia tauk kona-ba epidemia, hodi adianta katak espesialista sira buka hela
dalan hodi kontrola.
"Maibé
sientista sira seidauk iha resposta ba kestaun importante sira ne'ebé
barak", nia hatutan mós.
Kazu
hosi Zika hamutuk 400 resin rejista iha Singapura no menus hosi 20 iha
Filipina, iha Vietnam no iha Malázia, hatutan hosi Chan.
Bazeia
iha balansu ikus hosi OMS, nasaun 73 afeta ona hosi vírus hahú hosi tinan 2015,
barak liu iha Amérika Latina no iha Caraíbas, kazu 21 rejista ona kazu sira
mikrosefalia nian ne'ebé bele iha ligasaun ho Zika.
Vírus
transmiti hosi susuk Aedes aegypti' nia tata maibé mós liuhosi dalan seksual.
Bainhira feto isin-rua ida hetan infesaun hosi Zika, iha risku aas hodi nia
kosok-oan hetan formasaun ne'ebé ladi'ak iha kakutak, ne'ebé koñese ho naran
mikrosefalia.
SAPO ho
Lusa
Sem comentários:
Enviar um comentário