Hahú faze daruak diagnóstiku nian kona-ba sistema justisa timoroan nian

Justisa tradisional no dalan seluk hodi rezolve problema sira hanesan objetivu hosi faze daruak ba Diagnóstiku kona-ba Sistema Justisa Formal no Informal ne'ebé hahú halo ona iha semana ne'e iha Timor-Leste, informa hosi responsável sira ba prosesu ne'e.

Ekipa timoroan sira ne'ebé hetan apoiu hosi espesialista internasional sira halo prosesu avaliasaun ne'ebé, ikusmai, sei aprezenta ba ezekutivu timoroan hosi konjuntu reforma ida ne'ebé sei implementa iha área judisial hodi defini reforma sira ne'ebé sei rekomenda ba Ezekutivu.

Komisaun ba Reforma Lejislativu no hosi Área Justisa nian (CRL) no ekipa ida investigador sira hosi Sentru Estudu Sosial sira hosi Universidade Coimbra (CES) lidera hela prosesu ne'ebé hahú ona iha final 2015 nian.

Iha faze daruak, no tuir informa hosi CRL iha nota ne'ebé haruka ba Lusa, objetivu maka justisa tradisional no dalan sira hodi rezolve problema sira, ho konsulta oioin iha instituisaun sira iha área justisa nian no mós iha entidade administrativu lokal sira, komunitáriu sira no tradisional sira.

"Hein katak ho diagnóstiku ne'e bele iha baze metin ida hodi halo formulasaun ba ajenda ida no programa ba reforma lejislativu no hosi área justisa nian, ne'ebé kontribui ba polítika gloal ida iha área justisa, hodi bele afirma Estadu direitu iha diversidade kultural nia leet no rekoñese direitu ba igualdade no ba diferensa iha sosiedade", refere CRL.

Iha loron-tersa ne'e investigador sira konklui prosesu ida formasaun nian ne'ebé iha loron-kuarta hahú entrevista no kontaktu oioin ho autoridade lokal sira hosi munisípiu Baucau, Viqueque ho Lospalos.

Objetivu maka atu rezultadu sira hosi diagnóstiku bele fó sai liuhosi konferénsia ida iha fulan-Jullu.

Prosesu diagnóstiku, ne'ebé sei halo iha fulan hitu nia laran no iha faze oioin, inklui ekipa ne'ebé forma hosi membru sira CRL nian, investigador sira hosi CES no kolaborador sira hosi Programa Monitorizasaun hosi Sistema Justisa Timor-Leste nian (JSMP) no hosi organizasaun la'ós governamental (ONG) Belun.

CRL harii ona hodi "insentiva, dinamiza, promove ho dezenvolve estratéjiku sira, entendimentu sira, relatóriu sira, estudu sira no rekomendasaun sira ba reforma lejislativu ida no hosi área justisa, integradu, artikuladu no koerente ho objetivu sira hosi Estadu Timor-Leste nian".

SAPO TL ho Lusa